Malukusa 10
10
Yesus ta longo kombiga yehengafano
(Mateusa19:1-12; Lukasa16:18)
1Yesus okwa fiya po ehala ndyo, ndele ta yi koshitopolwa shaYudea, ndele ta yi kombiga onghwawo yomulonga waYoldan. Aanhu oyendji oye ya kuye nokwe ya longa nghanhyi ha ningi shito.
2Aafalisai yamwe oye ya kuye, ta ye mu pula nelalakano lyoku mu mona ousama taati; “Osha pitikwa tuu omulumenhu a henge po omukiinhu waye?”
3Yesus okwe ya yamukula nepulo a ti, “Moses okwe mu lombwela ngeepi kombiga yehengafano?”
4Ndele oya ti, “Moses okwa pitika, omulumenhu a shange ozapo yehengo, opo a vule oku fiya po omukiinhu waye.”
5Yesus okwa ti kuyo, “Moses okwe mu shangela oshipango nhyi, omolwoukukutu womitima veni. 6Ndele petameko lyeshito, Kalunga okwa shita omulumenhu nomukiinhu. 7Onghee hano omulumenhu e na okufiya po he nayina, ndele taa hangana nomukiinhu waye, 8ayehe yaali otaa kala onga olutu lumwe. ‘Kaye shi ali yaali, ndele oye li onga olutu lumwe. 9Hano nhyi Kalunga a tula kumwe, ka pu na omunhu a pitikwa eshi kufe kumwe.”
10Ndele nhyi ya ya meumbo, aalongwa oya pula Yesus natango oshiima nhyi. 11Ndele okwe ya lombwela a ti, “Omulumenhu ngu ta henge po omukiinhu waye, ndele ta hombola po umwe, ota hondele mokukala keshi omwiinekelwa komukulukavi waye wotango. 12Nomukiinhu nge ota henge po omulumenhu waye, ndele ta hombolwa kuumwe, ota hondele.”
Yesus ta yambeke ounona
(Mateusa19:13-15; Lukasa18:15-17)
13Aanhu yamwe oya eta ounona kuYesus, opo e wu yambeke, ndele aalongwa oya ngada mba ye u yeta. 14Nhyi Yesus e shi vibulula, okwa hanya ndele ta ti kuyo, “Efeni ounona wuuye kwaame, inamu wu keelela ko, shaanhyi ouhamba waKalunga owa mba ye wu fa. 15Oshili andi mu lombwele, “Ngu iha tambula ouhamba waKalunga nganhyi okaana, iha yi mo muwo.” 16Yesus okwa papatele ounona momaako yaye, ndele te wu tenheke omake yaye, ndele te wu yambeke.
Omulumenhu omuyamba
(Mateusa19:16-30; Lukasa18:18-30)
17Ndele nhyi Yesus a za mo meumbo, moku twikila ondjila yaye, omulumenhu umwe okwa matuka e ya ku Yesus, e mu shakeneka, ndele ta tu eengolo koshipala shaye, ndele te mu pula ta ti, “Mulongi omuwa, nandi ninge shike opo ndi mone omwenyo waaluhe?”
18Yesus okwe mu pula, “Omolwashike to ifana nge omuwa? Kaku na nande umwe omuwa, oKalunga ike. 19Oipango owu yi shi, ‘Ino vipaa, ino hondela, ino yaka, ino lundila, ino kengelela omunhu, simaneka ho nanyoko.’”
20Omulumenhu okwe mu yamukula, “Mulongi, ayihe mbi onde yi wanifa okuza kounyasha wange.”
21Yesus okwe mu tala nohole, ndele ta ti kuye, “Ouna oshiima shimwe wa pumbwa oku shi ninga, inda u ka landife po oinima yoye ayihe, ndee oimaliwa toyi pe eehepele, ndee to kala wu na eliko meulu, ndee to yaluka u landule nge.” 22Omulumenhu okwa li a uvifwa nayi keehapu vi, ndele ta zi po, a handuka shaanhyi okwa li e na eliko olindji.
23Yesus okwa tala aalongwa yaye ndee ta ti kuyo, “Oshiviyu ngeepi aakengeli ya ye mOuhaamba wa Kalunga!”
24Aalongwa oya kuminwa eehapu vaye. Ndele Yesus okwa twikila noku ya lombwela ta ti, “Aamwange, oshiviyu ngeepi okuya mOuhamba waKalunga!” 25“Okupita kwongamelo mombululu yongwiya okupu ku vule okuya kwomuyamba mOuhamba waKalunga.”
26Aalongwa oya li ya haluka neenghono, ndele taa pulafana taa ti, “Olye hano ta vulu okuhupifwa nani?”
27Yesus okwe ya tala, ndele ta ti kuyo, “Nhyi otashi nyenge aanhu, ndele kuKalunga, ayihe ota yi vulika.”
28Peetulusa okwa ti kuye, “Tala, se otwa fiya po ayihe, ndee atu ku landula.”
29Yesus okwa ti, “Oshili andi mu lombwele, kaku na ngu a fiya po eumbo nenge aamwayina aalumenhu nenge aamwayina aakiinhu, nenge he, nenge yina, nenge oyana, nenge epya lyaye molwange nomolwokutandaelifa Onghundana Oiwa, 30ndele ihaka mona lwefele oinima mbi mouyuni mbu; Omaumbo, aamwayina aalumenhu naamwayina aakiinhu, ooyina, oyana, omapya nosho wo omahepeko. Nomouyuni mbu tawu ke ya ota ka mona omwenyo waaluhe. 31Ndele oyendji mba aatango, otaa ka ninga aahwiinini, naahwiinini otaa ka ninga aatango.”
Yesus ta popi natango eso lyaye
(Mateusa20:17-19; Lukasa18:31-34)
32Yesus naalongwa yaye oya li mondjila taa yi ku Yelusalema. Yesus okwa li oye e ya kwatela komeho. Aalongwa yaye oya li ya kumwa ko, naanhu mba ya landula mo oya li ya tila kutya ngiika otaka ningilwa shi, nghu ya uka. Yesus okwa kufa po aalongwa yaye omulongo nayaali yeke ikalela, ta tameke okuya lombwela nhyi ashi ke mu ningilwa, 33a ti, “Pwaikineni, atu yeni kuYelusalema, nghu Omonamati wOmunhu taka yandjwa momake yaawiliki yaayambi noyaalongimhango, notaye ke mu tokolela eso, ndele otaye ke mu yandja momake yamba kaye shi Aayuda, 34mba taye ke mu sheka, taye ke mu siila omate, taye ke mu vega neengola, ndele taye ke mu vipaya, ndele konima yomasiku yatatu, ota ka umuka.”
Eindilo lyaYakopo naYohanesa
(Mateusa20:20-28)
35Yakopo naYohanesa oyanamati yaSebedeus, oye ya kuYesus ndele taa ti, “Mulongi, otwa hala u tu ningile nhyi atu ku indile.”
36Yesus okwe ya pula a ti, “Omwa hala ndi mu ningile shike?”
37Oye mu yamukula ya ti, “Nhyi to ka kala omutumba meyavimo lyOuhamba woye, tu pitika, tu ka kale omutumba pamwe nooye, umwe okolulyo lwoye namukwawo okolumoho lwoye.”
38Yesus okwa ti kuyo, “Kamu shii nhyi amu indile nye. Amu vulu nghaa okumwa meholo elulu lyomahepeko ndi ndi na okuka mwa, nenge otamu ka vula nghaa okushashwa eshasho lyomahepeko nganhyi ndi andi ka shashwa?”
39Oya ti kuye, “Atu shi vulu.”
Yesus okwa ti kuyo, “Eeno, otamu ka mwa meholo mu andi ka mwa, nye ota mu ka shashwa eshasho ndi andi ka shashwa nalyo, 40ndele kandi na oufemba woku tya olye ta ka kala omutumba kolulyo lwange, nenge kolumoho lwange. O Kalunga ta ka yandja omahala ngo, kumba a hoolola.”
41Hano aalongwa yakwawo omulongo nhyi ye shi uva, oya handukila Yakopo naYohanesa. 42Yesus okwe ya ifana ayehe, ndele ta ti kuyo, “Nye omu shi shii kutya Aapangeli yomauhamba yamwe oye na eenghono kombada yaanhu yawo, ndele naanenenhu yawo otaa longifa eenghonopangelo vayo kombada yaanhu yawo. 43Ndele nhyi hasho shi kale mokati keni. Nge opu na ngu a hala a ninge omunene mokati keni, ye na kale omuyakuli weni, 44nangu womokati keni a hala, a kale a simana kuyakwawo, ye na kale omupika waayehe. 45Shaashi nOmonamati wOmunhu ine ya okuyakulwa, ndele okwe ya okuyakula nokuyandja omwenyo waye, a hupife oyendji.”
Yesus ta eluva omuposi Baltimeus
(Mateusa20:29-34; Lukasa18:35-43)
46Opo nee Yesus naalongwa yaye oye ya muYeliko. Nhyi yali taa zi mo moshilando pamwe nongudu onene yaanhu, Bartimeus yaTimeus, omuheheli omuposi, okwa li omutumba peeha vondjila.
47Nhyi a uva kutya OYesus Omunasareta a li ta ende po, okwa tameka okwiingiva mopale ta ti, “Yesus Omonamati waDavid, sila nge onghenda!”
48Oyendji yomaanhu oye mu ngada a mwene, ndele ye okwa twikila nokwiingiva mopale unene ta ti, “Omonamati wa David, sila nge onghenda!”
49Yesus okwa fikama, ndele ta ti, “Mu ifaneni, e uye.”
Oya ifana omuposi, taa ti kuye, “Kala nomukumo, fikama, Ye ote ku ifana.”
50Viyaviya okwa kufa mo onguwo yaye, ta fikama viya, ndele te ya kuYesus.
51Yesus okwe mu pula a ti, “Owa hala ndiku ningile shike?”
Omuposi okwe mu yamukula a ti, “Mulongi, onda hala ndi mone ko natango.”
52Yesus okwa ti kuye, “Inda, eitaelo lyoye, olye ku yeluva.”
Viyaviya okwa monako, ndele ta landula Yesus.
ទើបបានជ្រើសរើសហើយ៖
Malukusa 10: MBTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Malukusa 10
10
Yesus ta longo kombiga yehengafano
(Mateusa19:1-12; Lukasa16:18)
1Yesus okwa fiya po ehala ndyo, ndele ta yi koshitopolwa shaYudea, ndele ta yi kombiga onghwawo yomulonga waYoldan. Aanhu oyendji oye ya kuye nokwe ya longa nghanhyi ha ningi shito.
2Aafalisai yamwe oye ya kuye, ta ye mu pula nelalakano lyoku mu mona ousama taati; “Osha pitikwa tuu omulumenhu a henge po omukiinhu waye?”
3Yesus okwe ya yamukula nepulo a ti, “Moses okwe mu lombwela ngeepi kombiga yehengafano?”
4Ndele oya ti, “Moses okwa pitika, omulumenhu a shange ozapo yehengo, opo a vule oku fiya po omukiinhu waye.”
5Yesus okwa ti kuyo, “Moses okwe mu shangela oshipango nhyi, omolwoukukutu womitima veni. 6Ndele petameko lyeshito, Kalunga okwa shita omulumenhu nomukiinhu. 7Onghee hano omulumenhu e na okufiya po he nayina, ndele taa hangana nomukiinhu waye, 8ayehe yaali otaa kala onga olutu lumwe. ‘Kaye shi ali yaali, ndele oye li onga olutu lumwe. 9Hano nhyi Kalunga a tula kumwe, ka pu na omunhu a pitikwa eshi kufe kumwe.”
10Ndele nhyi ya ya meumbo, aalongwa oya pula Yesus natango oshiima nhyi. 11Ndele okwe ya lombwela a ti, “Omulumenhu ngu ta henge po omukiinhu waye, ndele ta hombola po umwe, ota hondele mokukala keshi omwiinekelwa komukulukavi waye wotango. 12Nomukiinhu nge ota henge po omulumenhu waye, ndele ta hombolwa kuumwe, ota hondele.”
Yesus ta yambeke ounona
(Mateusa19:13-15; Lukasa18:15-17)
13Aanhu yamwe oya eta ounona kuYesus, opo e wu yambeke, ndele aalongwa oya ngada mba ye u yeta. 14Nhyi Yesus e shi vibulula, okwa hanya ndele ta ti kuyo, “Efeni ounona wuuye kwaame, inamu wu keelela ko, shaanhyi ouhamba waKalunga owa mba ye wu fa. 15Oshili andi mu lombwele, “Ngu iha tambula ouhamba waKalunga nganhyi okaana, iha yi mo muwo.” 16Yesus okwa papatele ounona momaako yaye, ndele te wu tenheke omake yaye, ndele te wu yambeke.
Omulumenhu omuyamba
(Mateusa19:16-30; Lukasa18:18-30)
17Ndele nhyi Yesus a za mo meumbo, moku twikila ondjila yaye, omulumenhu umwe okwa matuka e ya ku Yesus, e mu shakeneka, ndele ta tu eengolo koshipala shaye, ndele te mu pula ta ti, “Mulongi omuwa, nandi ninge shike opo ndi mone omwenyo waaluhe?”
18Yesus okwe mu pula, “Omolwashike to ifana nge omuwa? Kaku na nande umwe omuwa, oKalunga ike. 19Oipango owu yi shi, ‘Ino vipaa, ino hondela, ino yaka, ino lundila, ino kengelela omunhu, simaneka ho nanyoko.’”
20Omulumenhu okwe mu yamukula, “Mulongi, ayihe mbi onde yi wanifa okuza kounyasha wange.”
21Yesus okwe mu tala nohole, ndele ta ti kuye, “Ouna oshiima shimwe wa pumbwa oku shi ninga, inda u ka landife po oinima yoye ayihe, ndee oimaliwa toyi pe eehepele, ndee to kala wu na eliko meulu, ndee to yaluka u landule nge.” 22Omulumenhu okwa li a uvifwa nayi keehapu vi, ndele ta zi po, a handuka shaanhyi okwa li e na eliko olindji.
23Yesus okwa tala aalongwa yaye ndee ta ti kuyo, “Oshiviyu ngeepi aakengeli ya ye mOuhaamba wa Kalunga!”
24Aalongwa oya kuminwa eehapu vaye. Ndele Yesus okwa twikila noku ya lombwela ta ti, “Aamwange, oshiviyu ngeepi okuya mOuhamba waKalunga!” 25“Okupita kwongamelo mombululu yongwiya okupu ku vule okuya kwomuyamba mOuhamba waKalunga.”
26Aalongwa oya li ya haluka neenghono, ndele taa pulafana taa ti, “Olye hano ta vulu okuhupifwa nani?”
27Yesus okwe ya tala, ndele ta ti kuyo, “Nhyi otashi nyenge aanhu, ndele kuKalunga, ayihe ota yi vulika.”
28Peetulusa okwa ti kuye, “Tala, se otwa fiya po ayihe, ndee atu ku landula.”
29Yesus okwa ti, “Oshili andi mu lombwele, kaku na ngu a fiya po eumbo nenge aamwayina aalumenhu nenge aamwayina aakiinhu, nenge he, nenge yina, nenge oyana, nenge epya lyaye molwange nomolwokutandaelifa Onghundana Oiwa, 30ndele ihaka mona lwefele oinima mbi mouyuni mbu; Omaumbo, aamwayina aalumenhu naamwayina aakiinhu, ooyina, oyana, omapya nosho wo omahepeko. Nomouyuni mbu tawu ke ya ota ka mona omwenyo waaluhe. 31Ndele oyendji mba aatango, otaa ka ninga aahwiinini, naahwiinini otaa ka ninga aatango.”
Yesus ta popi natango eso lyaye
(Mateusa20:17-19; Lukasa18:31-34)
32Yesus naalongwa yaye oya li mondjila taa yi ku Yelusalema. Yesus okwa li oye e ya kwatela komeho. Aalongwa yaye oya li ya kumwa ko, naanhu mba ya landula mo oya li ya tila kutya ngiika otaka ningilwa shi, nghu ya uka. Yesus okwa kufa po aalongwa yaye omulongo nayaali yeke ikalela, ta tameke okuya lombwela nhyi ashi ke mu ningilwa, 33a ti, “Pwaikineni, atu yeni kuYelusalema, nghu Omonamati wOmunhu taka yandjwa momake yaawiliki yaayambi noyaalongimhango, notaye ke mu tokolela eso, ndele otaye ke mu yandja momake yamba kaye shi Aayuda, 34mba taye ke mu sheka, taye ke mu siila omate, taye ke mu vega neengola, ndele taye ke mu vipaya, ndele konima yomasiku yatatu, ota ka umuka.”
Eindilo lyaYakopo naYohanesa
(Mateusa20:20-28)
35Yakopo naYohanesa oyanamati yaSebedeus, oye ya kuYesus ndele taa ti, “Mulongi, otwa hala u tu ningile nhyi atu ku indile.”
36Yesus okwe ya pula a ti, “Omwa hala ndi mu ningile shike?”
37Oye mu yamukula ya ti, “Nhyi to ka kala omutumba meyavimo lyOuhamba woye, tu pitika, tu ka kale omutumba pamwe nooye, umwe okolulyo lwoye namukwawo okolumoho lwoye.”
38Yesus okwa ti kuyo, “Kamu shii nhyi amu indile nye. Amu vulu nghaa okumwa meholo elulu lyomahepeko ndi ndi na okuka mwa, nenge otamu ka vula nghaa okushashwa eshasho lyomahepeko nganhyi ndi andi ka shashwa?”
39Oya ti kuye, “Atu shi vulu.”
Yesus okwa ti kuyo, “Eeno, otamu ka mwa meholo mu andi ka mwa, nye ota mu ka shashwa eshasho ndi andi ka shashwa nalyo, 40ndele kandi na oufemba woku tya olye ta ka kala omutumba kolulyo lwange, nenge kolumoho lwange. O Kalunga ta ka yandja omahala ngo, kumba a hoolola.”
41Hano aalongwa yakwawo omulongo nhyi ye shi uva, oya handukila Yakopo naYohanesa. 42Yesus okwe ya ifana ayehe, ndele ta ti kuyo, “Nye omu shi shii kutya Aapangeli yomauhamba yamwe oye na eenghono kombada yaanhu yawo, ndele naanenenhu yawo otaa longifa eenghonopangelo vayo kombada yaanhu yawo. 43Ndele nhyi hasho shi kale mokati keni. Nge opu na ngu a hala a ninge omunene mokati keni, ye na kale omuyakuli weni, 44nangu womokati keni a hala, a kale a simana kuyakwawo, ye na kale omupika waayehe. 45Shaashi nOmonamati wOmunhu ine ya okuyakulwa, ndele okwe ya okuyakula nokuyandja omwenyo waye, a hupife oyendji.”
Yesus ta eluva omuposi Baltimeus
(Mateusa20:29-34; Lukasa18:35-43)
46Opo nee Yesus naalongwa yaye oye ya muYeliko. Nhyi yali taa zi mo moshilando pamwe nongudu onene yaanhu, Bartimeus yaTimeus, omuheheli omuposi, okwa li omutumba peeha vondjila.
47Nhyi a uva kutya OYesus Omunasareta a li ta ende po, okwa tameka okwiingiva mopale ta ti, “Yesus Omonamati waDavid, sila nge onghenda!”
48Oyendji yomaanhu oye mu ngada a mwene, ndele ye okwa twikila nokwiingiva mopale unene ta ti, “Omonamati wa David, sila nge onghenda!”
49Yesus okwa fikama, ndele ta ti, “Mu ifaneni, e uye.”
Oya ifana omuposi, taa ti kuye, “Kala nomukumo, fikama, Ye ote ku ifana.”
50Viyaviya okwa kufa mo onguwo yaye, ta fikama viya, ndele te ya kuYesus.
51Yesus okwe mu pula a ti, “Owa hala ndiku ningile shike?”
Omuposi okwe mu yamukula a ti, “Mulongi, onda hala ndi mone ko natango.”
52Yesus okwa ti kuye, “Inda, eitaelo lyoye, olye ku yeluva.”
Viyaviya okwa monako, ndele ta landula Yesus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International