Lukasa 17
17
Lukasa 17
Oulunde
(Mateusa18:6-7; 21:22; Malukusa9:42)
1Yesus okwa ti kaalongwa yaye, “Oinima mbi ayeeta omunhu a nyone oyi na okuuya, ndele oihuna komunhu ngu te yi eta! 2Ngu ta hongolola kamwe komoushona mbu, okwa wana a mangelwe emanya eviyu mofingo, ndee ta umbilwa mefuta. 3Onghee hano kotokeleni nhyi amu ningi. Mukweni nge a nyona, mu ngada, nonge e itevulula, mu vimina po. 4Nonge ta nyono kooye luheyali mesiku, ndele ote ya kooye menyono kehe ta ti, ‘Onde itevulula,’ mu viminapo.”
Eitaelo
5Aayapostoli oya lombwela Omwene ya ti, “Indjipaleka eitaelo lyetu.”
6Omwene okwa yamukula, “Ngeno omwa li mu na eitaelo li fike pomuma ndji oshona lela, ngeno amu vulu okulombwela omuti mbu omunene mbu, ‘Itumba po mha, wu iyumbile mefuta!’ Ndee otau vulika kunye.”
Oshinakuwanifwa shomupiya
7“Natu tye, oku na omunhu mokati keni e na omupiya wae ta longo mepya nenge ta lifa eezi. Nge ta zi mepya, oto mu lombwele to ti, ‘Endelela wuuye u lye’? 8Hasho ndishi, ndele ote mu lombwele, ‘Tulilange po oulalelo, ndee to izaleke wuuye u yakule nge, mhanga andi li ame andi mu.’ Opo nee to vulu okulya nokunwa. 9Omupiya iha pewa olupandu lweikalekelwa molwanhyi a longa nhyi mwene wae e mu lombwelwa a longe. 10Hano osho nanyeenye, nge omwa wanifa ayihe mbi mwa lombwelwa, omuna okutya, ‘Se aapiya kayena oshilonga, nhyi twa longa ike nhyi twa pewa tu longe.’”
Yesus ta eluva aalumenhu omulongo
11Mokuya kuYelusalema, Yesus okwa enda ta kunghula neengaba vopokati kaSamalia naGalilea. 12Nhyi e ya momukunda umwe, okwa shakenekwa kaalumenhu omulongo ye na oshilundu. Oyali ya fikama kokule naye, 13noya ingiva ya ti, “Yesus! Omwene! Tusila onghenda!
14Yesus okwe ya tala ndee ti kuyo, “Indeni muke iyulike komuyambi.” Mhanga ya li mondjila taa yi, oya eluka. 15Ndele umwe womuyo nhyi a mona kutya okwa yeluka, okwa shuna kuYesus, ndee ta hambelele Kalunga newi li li pombada. 16Okwa twa eengolo peemhavi vaYesus ndee temu pandula. Omulumenhu ngu okwa li Omusamaria. 17Opo nee Yesus okwa ti, “Aalumenhu mba ya yeluvwa kaye li omulongo? Omungoyi oye li peni? 18Omolwashike omukwailongo oye ike a aluka ahambelele Kalunga.” 19Yesus okwe mu lombwela, “Fikama u ye, eitaelo lyoye olye ku yelula.”
Euyo lyOuhamba
(Mateusa24:23-28)
20Esiku limwe Aafalisai yamwe oya pula Yesus kutya Ouhamba waKalunga otawuuya naini. Yesus okwe ya yamukula ta ti, “Ouhamba waKalunga ihawuuya momukalo uwetike. 21Kaku na ngu ta ti, ‘Tala, owo mbu nenge owo wiinya.’ Molwanhyi Ouhamba waKalunga ouli meni munye.” 22Nena Yesus okwa lombwela aalongwa yaye ta ti, “Aku ke ya efimbo, nhyi amu ka hala okumona nande esiku limwe lyOmona wOmunhu, ndele iha mu keli mona. 23Aku ka kala mba taye mu lombwele taa ti, ‘Tala kwiinya, nenge tala nghu.’ Inamu ya ko, nye inamu ya landula. 24Oshonhyi nganhyi naana olwaavi alu avima keulu, okuza kombiga yimwe siyo okonghwao, osho nghaa nOmona wOmunhu taka kala mesiku lyaye. 25Ndele tango oku na okuhepekwa nomahepeko omendji nokweekelwahi kaanhu yopefimbo ndi. 26Oshonhyi nganhyi sha li pomafimbo yaNoa, osho tuu ashi ka kala pomasiku yOmona wOmunhu. 27Aanhu oya li taa li nokunwa, okuhombola nokuhombolifa, siyo esiku ndi Noa a ya monguluwato. Eelu olye ya, ndee a li ya hanauna po ayehe. 28Aku ka kala nganhyi pomafimbo yaLot. Aanhu oya li ye hole okulya nokunwa, okulanda nokulandifa, okukuna nokutunga. 29Esiku ndi Lot a za mo muSodom, omundilo nomamanya yosulufuli oya wa keulu, noya hanauna po ayehe. 30Hano osho ashi ka kala nomesiku ndi Omona wOmunhu ta ka holoka.
31Mesiku ndyo, ngu ta hangika kombada yonduda a fiya oinima yaye meumbo, ina kuluka ko, e ke yi tale; osho tuu ngu ta hangikwa mepya, ina alukila meumbo. 32Vibulukeni omukulukavi waLot! 33Kehe ngu ta kambavala okuhupifa omwenyo wae, ote wu kanifa, nangu tewu kanifa ote wu hupifa. 34Andi mu lombwele, ongulohi ndjo, aanhu yaali ya nangala pombete yimwe; umwe ota kufwa po namukwawo ota fiwa po. 35Aakiinhu yaali taa tu poshini; umwe ota kufwa po, mukwawo ta fiwa po. 36Aalumenhu yaali ye li mepya; umwe ta kufwa po, mukwawo ta fiwa po.”
37Aalongwa oye mu pula ya ti, “Nhyi ashi ka ningilwa peni Omwene?”
Yesus okwa yamukula a ti, “Nghu ku na omuviba, oko haku wile eenhwa.”
ទើបបានជ្រើសរើសហើយ៖
Lukasa 17: MBTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Lukasa 17
17
Lukasa 17
Oulunde
(Mateusa18:6-7; 21:22; Malukusa9:42)
1Yesus okwa ti kaalongwa yaye, “Oinima mbi ayeeta omunhu a nyone oyi na okuuya, ndele oihuna komunhu ngu te yi eta! 2Ngu ta hongolola kamwe komoushona mbu, okwa wana a mangelwe emanya eviyu mofingo, ndee ta umbilwa mefuta. 3Onghee hano kotokeleni nhyi amu ningi. Mukweni nge a nyona, mu ngada, nonge e itevulula, mu vimina po. 4Nonge ta nyono kooye luheyali mesiku, ndele ote ya kooye menyono kehe ta ti, ‘Onde itevulula,’ mu viminapo.”
Eitaelo
5Aayapostoli oya lombwela Omwene ya ti, “Indjipaleka eitaelo lyetu.”
6Omwene okwa yamukula, “Ngeno omwa li mu na eitaelo li fike pomuma ndji oshona lela, ngeno amu vulu okulombwela omuti mbu omunene mbu, ‘Itumba po mha, wu iyumbile mefuta!’ Ndee otau vulika kunye.”
Oshinakuwanifwa shomupiya
7“Natu tye, oku na omunhu mokati keni e na omupiya wae ta longo mepya nenge ta lifa eezi. Nge ta zi mepya, oto mu lombwele to ti, ‘Endelela wuuye u lye’? 8Hasho ndishi, ndele ote mu lombwele, ‘Tulilange po oulalelo, ndee to izaleke wuuye u yakule nge, mhanga andi li ame andi mu.’ Opo nee to vulu okulya nokunwa. 9Omupiya iha pewa olupandu lweikalekelwa molwanhyi a longa nhyi mwene wae e mu lombwelwa a longe. 10Hano osho nanyeenye, nge omwa wanifa ayihe mbi mwa lombwelwa, omuna okutya, ‘Se aapiya kayena oshilonga, nhyi twa longa ike nhyi twa pewa tu longe.’”
Yesus ta eluva aalumenhu omulongo
11Mokuya kuYelusalema, Yesus okwa enda ta kunghula neengaba vopokati kaSamalia naGalilea. 12Nhyi e ya momukunda umwe, okwa shakenekwa kaalumenhu omulongo ye na oshilundu. Oyali ya fikama kokule naye, 13noya ingiva ya ti, “Yesus! Omwene! Tusila onghenda!
14Yesus okwe ya tala ndee ti kuyo, “Indeni muke iyulike komuyambi.” Mhanga ya li mondjila taa yi, oya eluka. 15Ndele umwe womuyo nhyi a mona kutya okwa yeluka, okwa shuna kuYesus, ndee ta hambelele Kalunga newi li li pombada. 16Okwa twa eengolo peemhavi vaYesus ndee temu pandula. Omulumenhu ngu okwa li Omusamaria. 17Opo nee Yesus okwa ti, “Aalumenhu mba ya yeluvwa kaye li omulongo? Omungoyi oye li peni? 18Omolwashike omukwailongo oye ike a aluka ahambelele Kalunga.” 19Yesus okwe mu lombwela, “Fikama u ye, eitaelo lyoye olye ku yelula.”
Euyo lyOuhamba
(Mateusa24:23-28)
20Esiku limwe Aafalisai yamwe oya pula Yesus kutya Ouhamba waKalunga otawuuya naini. Yesus okwe ya yamukula ta ti, “Ouhamba waKalunga ihawuuya momukalo uwetike. 21Kaku na ngu ta ti, ‘Tala, owo mbu nenge owo wiinya.’ Molwanhyi Ouhamba waKalunga ouli meni munye.” 22Nena Yesus okwa lombwela aalongwa yaye ta ti, “Aku ke ya efimbo, nhyi amu ka hala okumona nande esiku limwe lyOmona wOmunhu, ndele iha mu keli mona. 23Aku ka kala mba taye mu lombwele taa ti, ‘Tala kwiinya, nenge tala nghu.’ Inamu ya ko, nye inamu ya landula. 24Oshonhyi nganhyi naana olwaavi alu avima keulu, okuza kombiga yimwe siyo okonghwao, osho nghaa nOmona wOmunhu taka kala mesiku lyaye. 25Ndele tango oku na okuhepekwa nomahepeko omendji nokweekelwahi kaanhu yopefimbo ndi. 26Oshonhyi nganhyi sha li pomafimbo yaNoa, osho tuu ashi ka kala pomasiku yOmona wOmunhu. 27Aanhu oya li taa li nokunwa, okuhombola nokuhombolifa, siyo esiku ndi Noa a ya monguluwato. Eelu olye ya, ndee a li ya hanauna po ayehe. 28Aku ka kala nganhyi pomafimbo yaLot. Aanhu oya li ye hole okulya nokunwa, okulanda nokulandifa, okukuna nokutunga. 29Esiku ndi Lot a za mo muSodom, omundilo nomamanya yosulufuli oya wa keulu, noya hanauna po ayehe. 30Hano osho ashi ka kala nomesiku ndi Omona wOmunhu ta ka holoka.
31Mesiku ndyo, ngu ta hangika kombada yonduda a fiya oinima yaye meumbo, ina kuluka ko, e ke yi tale; osho tuu ngu ta hangikwa mepya, ina alukila meumbo. 32Vibulukeni omukulukavi waLot! 33Kehe ngu ta kambavala okuhupifa omwenyo wae, ote wu kanifa, nangu tewu kanifa ote wu hupifa. 34Andi mu lombwele, ongulohi ndjo, aanhu yaali ya nangala pombete yimwe; umwe ota kufwa po namukwawo ota fiwa po. 35Aakiinhu yaali taa tu poshini; umwe ota kufwa po, mukwawo ta fiwa po. 36Aalumenhu yaali ye li mepya; umwe ta kufwa po, mukwawo ta fiwa po.”
37Aalongwa oye mu pula ya ti, “Nhyi ashi ka ningilwa peni Omwene?”
Yesus okwa yamukula a ti, “Nghu ku na omuviba, oko haku wile eenhwa.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International