मर्क 13
13
येसुई आराधनालयन मीपा दोङ्नान्न भबिस्यबानी
(मत्ती २४:१-५१; लुक २१:५-३६)
1जब नु आराधनालयलै गैत्तौ ङ्याह्, तब नुन चेलाव बर्ग तीपाई नू र्वाबो, “सेह्ना, गुरुज्यू, हाति किम-किम लुङ रे हाति किम भबनव।” 2येसुई झब बिम्बो, ङेनजै अन किम भबनव रङ्पा? “स्यीह् ता लुङ ती यङ नुन ठाउँग छ्युङ्नान मह्या। ख्युन बर्ग पुरू पोँ पन्नान ङ्याह्।”
कातू रे तेपफाम्पाव
(मत्ती २४:३-१४; लुक २१:७-१९)
3आलै येसु आराधनालयन#13:3 यहूदी सोअताप्चे खेनान्न यिम ङू जैतून धुरी छ्युङ्पान भेला पत्रुस, याकूब, यूहन्ना रे अन्द्रियासजै नू गोप्पे लोप्पो, 4“ङ्योअग र्वाउता, अन घतनाव हातौ राह्नान ङ्याह्? रे अन पुरू ल्होई पुरा राह्नान्न भिह्तु तै ताह्ः राह्नान ङ्याह्यौ?”
5येसुई ख्युकाङ्मोः र्वाबो, “सापसाप छ्योवा, सुई र्वार्वा ङेनकाङ्मोः भ्रमग थेप नफानाःयो। 6सिमि लै ङन मिह्नग ‘ङा अनै जेङ्पा’ र्वार्वा स्वानन ङ्याह्, रे ख्युई लैग भ्रमग थेप्नान ङ्याह्। 7जब ङेनजै याल रे यालन फाईरा ताह्नान ङ्याह्, तब नङिना। झाम घतनाव मराखाईमे ङ्याह्। जेङ्नै अन भेला अन्त्यन भेला नङ्पा। 8देस राह्ङराङ्साः याल खेनान ङ्याह्, रे राज्यवजै राह्ङराङ्साः आक्रमन खेनान ङ्याह्। खास्या पुरू साँगुल वैनान ङ्याह्, अनिकालव राह्नान ङ्याह्। अन चन चिमिचा झर सुरु रह्पालैम तूरिन सुरु जेङ्पा।”
9“ङेनको जेँन बिसयग होस खेखे छ्योवा। ख्युई ङेनकाङ्मोः अदालतग थोन्नान ङ्याह्। ङेनको आराधनालयवग फ्याङ्ची देन्नान ङ्याह्। आलै हाकिमव रे झलीवन ङू ङन खातिर ख्युकाङ्मोः साँचि बिम्म ङेनको च्याङ्नान ङ्याह्।#मत्ती १०:१७-२०; लुक १२:११-१२ 10रे सिचेन भेला स्वाचेन ङू पुरू सिमिव ल्होन् लः ताह्फेत्त्वानान। 11जब सिमिवजै ङेनकाङ्मोः जुङजुङ वव्वै मुर्दा खेनान, तब तै र्वाचे र्वार्वा ङूलै छरा नख्या। जेङ्नै अन्तौ तै ङेनकाङ्मोः बिङ्ङ, अनै र्वा, तैङर्वाङिन र्वानान ङेनकाङ्मोः नङ्पा, जेङ्नै पबित्र आत्मा जेङ्पा।”
12“आलै भाइ तीजै घङ भाइग सच्चेन भिह्तु बिन्नान ङ्याह्, रे च्योआलैम पाइ यङ ङोह्जो। वैचावजै पोमावन बिरोध च्याङ्नान ङ्याह्, रे ख्युकाङ्मोः सम्म जाःफान्नान ङ्याह्। 13आलै ङन मिह्न्न खातिर ङेनकाङ्मोः पुरूजै ङान्ज्यान खेनान ङ्याह्, जेङ्नै सु अन्त्यन बेर स्हे खेखे छ्युङनन नुनै उद्धार राह्नान ङ्याह्।”#मत्ती १०:२२
मिह्दा दुङालन भेला
(मत्ती २४:१५-२८; लुक २१:२०-२४)
14“जब ङेनको मीपा दोङ्नान्न मस्याङ्मस्याङ लैम चिजग खाः रा मत्वानान स्याह्ई च्याङ्च्याङ छ्युङ्पा रङ्नान ङ्याह्।” (तोअनानजै हाकोवाःयो), तब यहूदिया प्रदेसग ङिह्पान लाक्याँ ज्याराःयो।#दान ९:२७ 15यिमन ल्हुपग ङिह्पा पोँ नलिबायो, न ता जेँन यिमलै तयाः छ्युचे झिङ जायो।#लुक १७:३१ 16खेः ङिह्पा जेँन घोलाङ दर्म यिम नहोलाःयो। 17जेङ्नै ऊफ, मन दिनग ङोजोमा चिमिचाकाङ्मोः रे छ्युम वैचाव केह्नान्न मावन भिह्तु हाति ङिनङिन लैम र्हदरा! 18अन गुन्जे नराःयो र्वार्वा परमेस्वरग सोअताप्चे ख्या। 19तैङर्वाङिन मन दिनवग झाम दुङाल स्वानन ङ्याह् कि परमेस्वरजै सन्सार सृस्ति खेपान सुरुलै चोँनबेर स्यीह् न ता झाम रह्पा ङ्याह्, न हातौयै राह्नान।#दान १२:१; प्रका ७:१४ 20यदि परमेस्वरजै मन दिन घताई मखेङिन ता सिमि सुई सोन्नान मह्या, जेङ्नै नुई दम्पावन खातिर अन दिन घताई खेपा ङ्याह्।
21अन्तौ सुई ङेनकाङ्मोः “सेह्ना, मसिह सि ङिह्पा” आथबा “स्याह् ङ्याह्” र्वाङिन, ङेनकाङ्मोः बिस्वास नख्या। 22तैङर्वाङिन लबारन मसिहको रे लबारन भबिस्यबक्ताव च्याङ्नान ङ्याह्, आलै राह्नान जेङ्न, परमेस्वरजै दम्पाकाङ्मोः भ्रमग थेपफाम्मः ख्युई ताईलुवान धोन रे हालाईचेन धोनव खेनान ङ्याह्।#मत्ती २४:२४ 23जेङ्नै ङेनकाङ्मोः सापसाप छ्योवा। सेह्ना, ङै ङेनकाङ्मोः ल्होई पुरू भेलान ङूलै र्वापा ङिह्पा।
सिमिन ङोह्जो स्वानान
(मत्ती २४:२९-३१; लुक २१:२५-२८)
24“जेङ्नै मन दिनग दुङालन छाम्म ङिह्मा नातुमा राह्नान ङ्याह्, रे धाई जेँन साल्म बिन्नान मह्या,#यसै १३:१०; इज ३२:७; योए २:१०,३१; ३:१५; प्रका ६:१२ 25घर पान्नाङलै घ्यानन ङ्याह्, रे पान्नाङग रह्पा सक्तिव ख्योर्ननङ्या।#यसै ३४:४; योए २:१०; प्रका ६:१३ 26आलै मन भेलाः सिमिवजै सिमिन ङोह्जो सक्ति रे महिमा ङ्याबो नमलुई स्वायङ खेपा रङनन ङ्याह्।#दान ७:१३; प्रका १:७ 27तब परमेस्वरजै स्वर्गदुतकाङ्मोः फेन्नान ङ्याह्, रे पिर्थीबिन अन्त्यलै पान्नाङन अन्त्यथाल लिब्रुङक्याँलै जेँन दम्पाकाङ्मोः जमता खेनान ङ्याह्।”
खोअन तङ्पुन पाठ
(मत्ती २४:३२-३५; लुक २१:२९-३३)
28“खोअन तङ्पुलै द्रिस्तान्त लह्ना: अन्न धा नोर्म राह्राह् ल्हा पलाई खेलुङ्मीम रेन्जे ङेमः स्वादँ र्वार्वा ङेनकाङ्मोः क्युई राह्नान। 29उजुखेखे ङेनकोजै र्वार्वा जब अन घतनाव रह्पा रङनन, तब अन ङेमः ङ्याह्, झलागै ङ्याह् र्वार्वा हाकोवा। 30तेम्माई ङा ङेनकाङ्मोः र्वाचे, अन ल्होई पुरू पुरा राह्राह् मतानन्नबेर अन पुस्तान सिमि ताह्ताह् वैनान मह्या। 31पान्नाङ रे पिर्थीबी ताह्ताह् वैनान ङ्याह्, जेङ्नै ङन बचन हातौयै ताह्नान मह्या।”
अन दिन रे अन भेला सुई क्युई मराह्नान
(मत्ती २४:३६-४४)
32“जेङ्नै मन दिन रे मन भेलान भारेः पाइ नङ्म घङ सुई क्युई मह्या, न ता पान्नाङग राह्नान स्वर्गदुतवजै न ङोह्जोई।#मत्ती २४:३६ 33सेह्ना, सापसाप छ्योवा, रे सोअताप्चे ख्या, तैङर्वाङिन अन्न भेला हातौ स्वानन जेङ्पा, अन ङेनकाङ्मोः क्युई मराह्नान 34अन ता मालिकजै जेँन राङ्पाकाङ्मोः यिमन धोन पुरू रे दायित्वन जिम्मा बिमबिम रे पालेग सापसाप छ्योवाःयो र्वार्वा आग्या बिमबिम परदेस वैपान सिमिदीलैम जेङ्पा।”#लुक १२:३६-३८
35“अन्नकारन ङेनकाङ्मोः यङ सापसाप छ्योवा, तैङर्वाङिन यिमन ताःपो ङ्याजे, कि छानफेग, कि कापा तर्तौ, कि नाप, हातौ स्वाचे जेङ्पा, अन ङेनकाङ्मोः क्युई मराह्नान। 36तेमन्ता नू तैमेग स्वातौ नुई ङेनकाङ्मोः आःपा धोद्रा। 37तै ङा ङेनकाङ्मोः र्वानान अन ङा पुरूग र्वाचे, ‘सापसाप छ्योवा’।”
ទើបបានជ្រើសរើសហើយ៖
मर्क 13: NTKST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Kaike Language © The Word for the World International and Kaike Translation Project, Nepal, 2025
मर्क 13
13
येसुई आराधनालयन मीपा दोङ्नान्न भबिस्यबानी
(मत्ती २४:१-५१; लुक २१:५-३६)
1जब नु आराधनालयलै गैत्तौ ङ्याह्, तब नुन चेलाव बर्ग तीपाई नू र्वाबो, “सेह्ना, गुरुज्यू, हाति किम-किम लुङ रे हाति किम भबनव।” 2येसुई झब बिम्बो, ङेनजै अन किम भबनव रङ्पा? “स्यीह् ता लुङ ती यङ नुन ठाउँग छ्युङ्नान मह्या। ख्युन बर्ग पुरू पोँ पन्नान ङ्याह्।”
कातू रे तेपफाम्पाव
(मत्ती २४:३-१४; लुक २१:७-१९)
3आलै येसु आराधनालयन#13:3 यहूदी सोअताप्चे खेनान्न यिम ङू जैतून धुरी छ्युङ्पान भेला पत्रुस, याकूब, यूहन्ना रे अन्द्रियासजै नू गोप्पे लोप्पो, 4“ङ्योअग र्वाउता, अन घतनाव हातौ राह्नान ङ्याह्? रे अन पुरू ल्होई पुरा राह्नान्न भिह्तु तै ताह्ः राह्नान ङ्याह्यौ?”
5येसुई ख्युकाङ्मोः र्वाबो, “सापसाप छ्योवा, सुई र्वार्वा ङेनकाङ्मोः भ्रमग थेप नफानाःयो। 6सिमि लै ङन मिह्नग ‘ङा अनै जेङ्पा’ र्वार्वा स्वानन ङ्याह्, रे ख्युई लैग भ्रमग थेप्नान ङ्याह्। 7जब ङेनजै याल रे यालन फाईरा ताह्नान ङ्याह्, तब नङिना। झाम घतनाव मराखाईमे ङ्याह्। जेङ्नै अन भेला अन्त्यन भेला नङ्पा। 8देस राह्ङराङ्साः याल खेनान ङ्याह्, रे राज्यवजै राह्ङराङ्साः आक्रमन खेनान ङ्याह्। खास्या पुरू साँगुल वैनान ङ्याह्, अनिकालव राह्नान ङ्याह्। अन चन चिमिचा झर सुरु रह्पालैम तूरिन सुरु जेङ्पा।”
9“ङेनको जेँन बिसयग होस खेखे छ्योवा। ख्युई ङेनकाङ्मोः अदालतग थोन्नान ङ्याह्। ङेनको आराधनालयवग फ्याङ्ची देन्नान ङ्याह्। आलै हाकिमव रे झलीवन ङू ङन खातिर ख्युकाङ्मोः साँचि बिम्म ङेनको च्याङ्नान ङ्याह्।#मत्ती १०:१७-२०; लुक १२:११-१२ 10रे सिचेन भेला स्वाचेन ङू पुरू सिमिव ल्होन् लः ताह्फेत्त्वानान। 11जब सिमिवजै ङेनकाङ्मोः जुङजुङ वव्वै मुर्दा खेनान, तब तै र्वाचे र्वार्वा ङूलै छरा नख्या। जेङ्नै अन्तौ तै ङेनकाङ्मोः बिङ्ङ, अनै र्वा, तैङर्वाङिन र्वानान ङेनकाङ्मोः नङ्पा, जेङ्नै पबित्र आत्मा जेङ्पा।”
12“आलै भाइ तीजै घङ भाइग सच्चेन भिह्तु बिन्नान ङ्याह्, रे च्योआलैम पाइ यङ ङोह्जो। वैचावजै पोमावन बिरोध च्याङ्नान ङ्याह्, रे ख्युकाङ्मोः सम्म जाःफान्नान ङ्याह्। 13आलै ङन मिह्न्न खातिर ङेनकाङ्मोः पुरूजै ङान्ज्यान खेनान ङ्याह्, जेङ्नै सु अन्त्यन बेर स्हे खेखे छ्युङनन नुनै उद्धार राह्नान ङ्याह्।”#मत्ती १०:२२
मिह्दा दुङालन भेला
(मत्ती २४:१५-२८; लुक २१:२०-२४)
14“जब ङेनको मीपा दोङ्नान्न मस्याङ्मस्याङ लैम चिजग खाः रा मत्वानान स्याह्ई च्याङ्च्याङ छ्युङ्पा रङ्नान ङ्याह्।” (तोअनानजै हाकोवाःयो), तब यहूदिया प्रदेसग ङिह्पान लाक्याँ ज्याराःयो।#दान ९:२७ 15यिमन ल्हुपग ङिह्पा पोँ नलिबायो, न ता जेँन यिमलै तयाः छ्युचे झिङ जायो।#लुक १७:३१ 16खेः ङिह्पा जेँन घोलाङ दर्म यिम नहोलाःयो। 17जेङ्नै ऊफ, मन दिनग ङोजोमा चिमिचाकाङ्मोः रे छ्युम वैचाव केह्नान्न मावन भिह्तु हाति ङिनङिन लैम र्हदरा! 18अन गुन्जे नराःयो र्वार्वा परमेस्वरग सोअताप्चे ख्या। 19तैङर्वाङिन मन दिनवग झाम दुङाल स्वानन ङ्याह् कि परमेस्वरजै सन्सार सृस्ति खेपान सुरुलै चोँनबेर स्यीह् न ता झाम रह्पा ङ्याह्, न हातौयै राह्नान।#दान १२:१; प्रका ७:१४ 20यदि परमेस्वरजै मन दिन घताई मखेङिन ता सिमि सुई सोन्नान मह्या, जेङ्नै नुई दम्पावन खातिर अन दिन घताई खेपा ङ्याह्।
21अन्तौ सुई ङेनकाङ्मोः “सेह्ना, मसिह सि ङिह्पा” आथबा “स्याह् ङ्याह्” र्वाङिन, ङेनकाङ्मोः बिस्वास नख्या। 22तैङर्वाङिन लबारन मसिहको रे लबारन भबिस्यबक्ताव च्याङ्नान ङ्याह्, आलै राह्नान जेङ्न, परमेस्वरजै दम्पाकाङ्मोः भ्रमग थेपफाम्मः ख्युई ताईलुवान धोन रे हालाईचेन धोनव खेनान ङ्याह्।#मत्ती २४:२४ 23जेङ्नै ङेनकाङ्मोः सापसाप छ्योवा। सेह्ना, ङै ङेनकाङ्मोः ल्होई पुरू भेलान ङूलै र्वापा ङिह्पा।
सिमिन ङोह्जो स्वानान
(मत्ती २४:२९-३१; लुक २१:२५-२८)
24“जेङ्नै मन दिनग दुङालन छाम्म ङिह्मा नातुमा राह्नान ङ्याह्, रे धाई जेँन साल्म बिन्नान मह्या,#यसै १३:१०; इज ३२:७; योए २:१०,३१; ३:१५; प्रका ६:१२ 25घर पान्नाङलै घ्यानन ङ्याह्, रे पान्नाङग रह्पा सक्तिव ख्योर्ननङ्या।#यसै ३४:४; योए २:१०; प्रका ६:१३ 26आलै मन भेलाः सिमिवजै सिमिन ङोह्जो सक्ति रे महिमा ङ्याबो नमलुई स्वायङ खेपा रङनन ङ्याह्।#दान ७:१३; प्रका १:७ 27तब परमेस्वरजै स्वर्गदुतकाङ्मोः फेन्नान ङ्याह्, रे पिर्थीबिन अन्त्यलै पान्नाङन अन्त्यथाल लिब्रुङक्याँलै जेँन दम्पाकाङ्मोः जमता खेनान ङ्याह्।”
खोअन तङ्पुन पाठ
(मत्ती २४:३२-३५; लुक २१:२९-३३)
28“खोअन तङ्पुलै द्रिस्तान्त लह्ना: अन्न धा नोर्म राह्राह् ल्हा पलाई खेलुङ्मीम रेन्जे ङेमः स्वादँ र्वार्वा ङेनकाङ्मोः क्युई राह्नान। 29उजुखेखे ङेनकोजै र्वार्वा जब अन घतनाव रह्पा रङनन, तब अन ङेमः ङ्याह्, झलागै ङ्याह् र्वार्वा हाकोवा। 30तेम्माई ङा ङेनकाङ्मोः र्वाचे, अन ल्होई पुरू पुरा राह्राह् मतानन्नबेर अन पुस्तान सिमि ताह्ताह् वैनान मह्या। 31पान्नाङ रे पिर्थीबी ताह्ताह् वैनान ङ्याह्, जेङ्नै ङन बचन हातौयै ताह्नान मह्या।”
अन दिन रे अन भेला सुई क्युई मराह्नान
(मत्ती २४:३६-४४)
32“जेङ्नै मन दिन रे मन भेलान भारेः पाइ नङ्म घङ सुई क्युई मह्या, न ता पान्नाङग राह्नान स्वर्गदुतवजै न ङोह्जोई।#मत्ती २४:३६ 33सेह्ना, सापसाप छ्योवा, रे सोअताप्चे ख्या, तैङर्वाङिन अन्न भेला हातौ स्वानन जेङ्पा, अन ङेनकाङ्मोः क्युई मराह्नान 34अन ता मालिकजै जेँन राङ्पाकाङ्मोः यिमन धोन पुरू रे दायित्वन जिम्मा बिमबिम रे पालेग सापसाप छ्योवाःयो र्वार्वा आग्या बिमबिम परदेस वैपान सिमिदीलैम जेङ्पा।”#लुक १२:३६-३८
35“अन्नकारन ङेनकाङ्मोः यङ सापसाप छ्योवा, तैङर्वाङिन यिमन ताःपो ङ्याजे, कि छानफेग, कि कापा तर्तौ, कि नाप, हातौ स्वाचे जेङ्पा, अन ङेनकाङ्मोः क्युई मराह्नान। 36तेमन्ता नू तैमेग स्वातौ नुई ङेनकाङ्मोः आःपा धोद्रा। 37तै ङा ङेनकाङ्मोः र्वानान अन ङा पुरूग र्वाचे, ‘सापसाप छ्योवा’।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Kaike Language © The Word for the World International and Kaike Translation Project, Nepal, 2025