यूह 3
3
निकोदेमस रे येसु
1फरिसीवन बर्ग निकोदेमस मिह्न्न सिमिदी ङ्याह्। नु यहूदी जोम्पुन हाकिम ङ्याह्। 2नु छान्जे येसुन स्याह् स्वाबो, रे नू र्वाबो, “गुरुज्यू, ङ्योअग क्युई ङिह्पा ना परमेस्वरलम स्वापान गुरु जेङ्पा, तैङर्वाङिन परमेस्वरन ङ्याबो मह्या र्वाङिन नाई खेपान अन ताईलुवान धोनव सुई खे मतैनान।” 3येसुई नू झब बिम्बो, “तेम्माई ङा नाः र्वाचे, सुई सार्बा खेखे मकेङिन नुई परमेस्वरन राज्य रङ मतैनान।” 4निकोदेमसजै नू र्वाबो, “सिमि काप्पो रामी कुजुई केह्तैनान? तै नु जेँन मान फौग ङेरेप जाःजाः केह्तैनौ?”
5येसुई झब बिम्बो, “तेम्माई ङा नाः र्वाचे, सुई त्यु रे आत्मालम मकेङिन परमेस्वरन राज्यग जाः मतैनान। 6ल्होलम केह्पा ल्हो जेङ्पा, रे आत्मालम केह्पा आत्मा जेङ्पा। 7ङै नाः सार्बा खेखे केह्त्वानान र्वार्वा र्वातौ हानलाया। 8लन खाः वैसुम खेनान स्याह्ई वैनान, ना लन्न केह्ः ताह्नान, जेङ्नै मन खालै स्वानान रे खाः वैनान र्वार्वा क्युई मराह्नान। आत्मालम केह्पान सिमि पुरू झामै राह्नान।”#खाई ११:५ 9निकोदेमसजै नू लोप्पो, “अन कुजुई रा तैनान?” 10येसुई नू झब बिम्बो, “ना इस्राएलन ङोत्वा गुरु राह्राह् अन ल्होई हामकोनौ? 11तेम्माई, ङा नाः र्वाचे, ङ्योअजै तै हाकोनान अन र्वानान, रे ङ्योअजै तै रङ्पा ङिह्पा अन्न साँचि बिन्नान, जेङ्नै ङेन ङ्योअन बयान स्वीकार मखेँ। 12ङै ङेनकाङ्मोः पिर्थीबिन ल्होई र्वापा, जेङ्नै ङेन बिस्वास मखेँ, झन ङेनकाङ्मोः स्वर्गन ल्होई स्याङ्ङिन कुजुई बिस्वास खेतैनान? 13स्वर्गलै धुलधुल स्वानान सिमिन ङोह्जो नङ्म सुई यङ स्वर्गः लिप्पा मह्या।#यूह ६:३८” 14कुजुई मोसाई तये मीपान ठाउँग भुलेनग सोल्बो, उजुखेखेई सिमिन ङोह्जो थित्वानान,#गन्ती २१:९; यूह ८:२८ 15रे कान-कानजै नुन लाह्ः बिस्वास खेँ, नुई मताह्नान्न झुनी देन्नान। 16“तैङर्वाङिन परमेस्वरजै सन्सारग झाम मया खेबो, कि नुई जेँन तीबाःदि ङोह्जो बिम्बो, ताकि नुन लाह्ः बिस्वास खेनान सुई यङ मीपा नराःयो, जेङ्नै नुई मताह्नान्न झुनी धेरायो। 17तैङर्वाङिन परमेस्वरजै ङोह्जोः सन्सारग न्याय ख्या र्वार्वा मफेप्पो, जेङ्नै सन्सार नुनलम उद्धार धेरायो र्वार्वा फेप्पो।”
18सुई ङोह्जोन लाह्ः बिस्वास खेँ, नुन न्याय मराह्नान, जेङ्नै बिस्वास मखेनानवन चन ङूई न्याय रह्पा ङ्याह्, तैङर्वाङिन नुई परमेस्वरन तीबाःदि ङोह्जोन मिह्नग बिस्वास खेपा मह्या। 19फैसला चन अनै जेङ्पा, ताह्म सन्सारग स्वापा ङ्याह्, रे सिमिवजै ताह्मः ख्योवाख्योवा नाःतुमाः स्याङ्बो, तैङर्वाङिन ख्युन धोन अलः ङ्याह्। 20तैङर्वाङिन धोन अलः खेनान पुरूजै ताह्मः मस्याङ्नान, रे ख्युन धोन रङ्नान र्वार्वा ख्यु ताह्मः मस्वानान। 21तेम्मालम सोन्नान सिमि साल्म स्वानान, रे झामखेखे नुई खेपान धोनव परमेस्वरग खेपा जेङ्पा र्वानान प्रस्त रङ्नान।
येसु रे यूहन्ना
22अन्न ङिक येसु रे नुन चेलाव यहूदिया मुलुकग होई, रे स्याह् ख्युन ङ्याबो खजिर्या छ्युङ्बो, रे बप्तिस्मा बिम्बो। 23यूहन्नाई यङ सालीमन ङेह्मः एनोनग बप्तिस्मा बिङ्ङ, तैङर्वाङिन स्याह् त्यु हाति र्वार्वा ङ्याह्। स्याह् सिमिव नुन स्याह् स्वाङ रे नुई ख्युकाङ्मोः बप्तिस्मा बिङ्ङ। 24मन्न भेला बेर यूहन्ना झ्यालखानाः थेप्पा मह्या।#मत्ती १४:३; मर्क ६:१७; लुक ३:१९-२०
25अन्तौ यूहन्नान चेलावन यहूदीदीन ङ्याबो छाङ्म राचेन भारेः खाथू रह्पा। 26यूहन्नान स्याह् स्वास्वा ख्युई नू र्वाबो, “गुरुज्यू, यर्दन चाङ्पुन स्यारक्याँ सु नान ङ्याबो ङ्याह्, सुन भिह्तु नाई साँचि बिम्बो, सेह्ना, नुई बप्तिस्मा बिम्पाई ङ्याह्, रे पुरू नुन स्याह् वैयङ ङ्याह्।” 27यूहन्नाई झब बिम्बो, “सिमि स्वर्गलै मबिन्न बेर नुई तये देतमतैनान। 28‘ङा मसिह नङ्पा, जेङ्नै ङा नुनखेरे ङू फेप्पा जेङ्पा’ र्वानान्न ङन साँचि ङेह् बिङ्ङ।#यूह १:२०; मला ३:१ 29सुन ङ्याबो दुलही ङिह्पा, दुलाह अनै जेङ्पा। दुलाहन फुरी सु नुन रह्म्म च्याङ्नान, नुन केह्ः ताह्ताह् मिह्दा किम्म राह्नान। अन्नकारन ङन अन किम्म ता पुरा रह्पा ङ्याह्। 30नु किम राचे, जेङ्नै ङा छ्युम मराखाईमे ङ्याह्।
नु सु स्वर्गलै स्वाबो
31“तोह्लै स्वानान चन पुरून खेरे किम ङिह्पा। पिर्थीबिलम राह्नान पिर्थीबिन जेङ्पा, रे पिर्थीबिन ल्होई र्वानान। स्वर्गलै स्वानान पुरून खेरे महान ङिह्पा।#यूह ८:२३ 32येसुई तै रङ्पा रे ताह्पा ङिह्पा, नु अन्न बयान बिन्नान, जेङ्नै नुन साँचि सुई स्वीकार मखेनान। 33सुई नुन साँचि स्वीकार खेपा ङ्याह्, नुई परमेस्वर तेम्मा ङिह्पा र्वानान ल्होईन पर्मान बिङ्ङ। 34तैङर्वाङिन सू परमेस्वरजै फेप्पो, नुई परमेस्वरन ल्होई र्वानान, तैङर्वाङिन परमेस्वरजै हाति र्वार्वा पबित्र आत्मा बिन्नान। 35पाई नुन ङोह्जो मया खेनान, रे तैस्याङ पुरू नुनै लाह्ग बिम्पा ङिह्पा।#मत्ती ११:२७; लुक १०:२२ 36सुई ङोह्जोन लाह्ः बिस्वास खेँ, नुई मताह्नान्न झुनी देप्पा ङिह्पा। जेङ्नै सुई ङोह्जोन र्वापा मङ्याङ्ङ, नुई जिन्दगी रङ्नान मह्या, जेङ्नै परमेस्वरन सेह्ताङ नुन लाह्ः लुईपाई राह्नान।”
ទើបបានជ្រើសរើសហើយ៖
यूह 3: NTKST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Kaike Language © The Word for the World International and Kaike Translation Project, Nepal, 2025
यूह 3
3
निकोदेमस रे येसु
1फरिसीवन बर्ग निकोदेमस मिह्न्न सिमिदी ङ्याह्। नु यहूदी जोम्पुन हाकिम ङ्याह्। 2नु छान्जे येसुन स्याह् स्वाबो, रे नू र्वाबो, “गुरुज्यू, ङ्योअग क्युई ङिह्पा ना परमेस्वरलम स्वापान गुरु जेङ्पा, तैङर्वाङिन परमेस्वरन ङ्याबो मह्या र्वाङिन नाई खेपान अन ताईलुवान धोनव सुई खे मतैनान।” 3येसुई नू झब बिम्बो, “तेम्माई ङा नाः र्वाचे, सुई सार्बा खेखे मकेङिन नुई परमेस्वरन राज्य रङ मतैनान।” 4निकोदेमसजै नू र्वाबो, “सिमि काप्पो रामी कुजुई केह्तैनान? तै नु जेँन मान फौग ङेरेप जाःजाः केह्तैनौ?”
5येसुई झब बिम्बो, “तेम्माई ङा नाः र्वाचे, सुई त्यु रे आत्मालम मकेङिन परमेस्वरन राज्यग जाः मतैनान। 6ल्होलम केह्पा ल्हो जेङ्पा, रे आत्मालम केह्पा आत्मा जेङ्पा। 7ङै नाः सार्बा खेखे केह्त्वानान र्वार्वा र्वातौ हानलाया। 8लन खाः वैसुम खेनान स्याह्ई वैनान, ना लन्न केह्ः ताह्नान, जेङ्नै मन खालै स्वानान रे खाः वैनान र्वार्वा क्युई मराह्नान। आत्मालम केह्पान सिमि पुरू झामै राह्नान।”#खाई ११:५ 9निकोदेमसजै नू लोप्पो, “अन कुजुई रा तैनान?” 10येसुई नू झब बिम्बो, “ना इस्राएलन ङोत्वा गुरु राह्राह् अन ल्होई हामकोनौ? 11तेम्माई, ङा नाः र्वाचे, ङ्योअजै तै हाकोनान अन र्वानान, रे ङ्योअजै तै रङ्पा ङिह्पा अन्न साँचि बिन्नान, जेङ्नै ङेन ङ्योअन बयान स्वीकार मखेँ। 12ङै ङेनकाङ्मोः पिर्थीबिन ल्होई र्वापा, जेङ्नै ङेन बिस्वास मखेँ, झन ङेनकाङ्मोः स्वर्गन ल्होई स्याङ्ङिन कुजुई बिस्वास खेतैनान? 13स्वर्गलै धुलधुल स्वानान सिमिन ङोह्जो नङ्म सुई यङ स्वर्गः लिप्पा मह्या।#यूह ६:३८” 14कुजुई मोसाई तये मीपान ठाउँग भुलेनग सोल्बो, उजुखेखेई सिमिन ङोह्जो थित्वानान,#गन्ती २१:९; यूह ८:२८ 15रे कान-कानजै नुन लाह्ः बिस्वास खेँ, नुई मताह्नान्न झुनी देन्नान। 16“तैङर्वाङिन परमेस्वरजै सन्सारग झाम मया खेबो, कि नुई जेँन तीबाःदि ङोह्जो बिम्बो, ताकि नुन लाह्ः बिस्वास खेनान सुई यङ मीपा नराःयो, जेङ्नै नुई मताह्नान्न झुनी धेरायो। 17तैङर्वाङिन परमेस्वरजै ङोह्जोः सन्सारग न्याय ख्या र्वार्वा मफेप्पो, जेङ्नै सन्सार नुनलम उद्धार धेरायो र्वार्वा फेप्पो।”
18सुई ङोह्जोन लाह्ः बिस्वास खेँ, नुन न्याय मराह्नान, जेङ्नै बिस्वास मखेनानवन चन ङूई न्याय रह्पा ङ्याह्, तैङर्वाङिन नुई परमेस्वरन तीबाःदि ङोह्जोन मिह्नग बिस्वास खेपा मह्या। 19फैसला चन अनै जेङ्पा, ताह्म सन्सारग स्वापा ङ्याह्, रे सिमिवजै ताह्मः ख्योवाख्योवा नाःतुमाः स्याङ्बो, तैङर्वाङिन ख्युन धोन अलः ङ्याह्। 20तैङर्वाङिन धोन अलः खेनान पुरूजै ताह्मः मस्याङ्नान, रे ख्युन धोन रङ्नान र्वार्वा ख्यु ताह्मः मस्वानान। 21तेम्मालम सोन्नान सिमि साल्म स्वानान, रे झामखेखे नुई खेपान धोनव परमेस्वरग खेपा जेङ्पा र्वानान प्रस्त रङ्नान।
येसु रे यूहन्ना
22अन्न ङिक येसु रे नुन चेलाव यहूदिया मुलुकग होई, रे स्याह् ख्युन ङ्याबो खजिर्या छ्युङ्बो, रे बप्तिस्मा बिम्बो। 23यूहन्नाई यङ सालीमन ङेह्मः एनोनग बप्तिस्मा बिङ्ङ, तैङर्वाङिन स्याह् त्यु हाति र्वार्वा ङ्याह्। स्याह् सिमिव नुन स्याह् स्वाङ रे नुई ख्युकाङ्मोः बप्तिस्मा बिङ्ङ। 24मन्न भेला बेर यूहन्ना झ्यालखानाः थेप्पा मह्या।#मत्ती १४:३; मर्क ६:१७; लुक ३:१९-२०
25अन्तौ यूहन्नान चेलावन यहूदीदीन ङ्याबो छाङ्म राचेन भारेः खाथू रह्पा। 26यूहन्नान स्याह् स्वास्वा ख्युई नू र्वाबो, “गुरुज्यू, यर्दन चाङ्पुन स्यारक्याँ सु नान ङ्याबो ङ्याह्, सुन भिह्तु नाई साँचि बिम्बो, सेह्ना, नुई बप्तिस्मा बिम्पाई ङ्याह्, रे पुरू नुन स्याह् वैयङ ङ्याह्।” 27यूहन्नाई झब बिम्बो, “सिमि स्वर्गलै मबिन्न बेर नुई तये देतमतैनान। 28‘ङा मसिह नङ्पा, जेङ्नै ङा नुनखेरे ङू फेप्पा जेङ्पा’ र्वानान्न ङन साँचि ङेह् बिङ्ङ।#यूह १:२०; मला ३:१ 29सुन ङ्याबो दुलही ङिह्पा, दुलाह अनै जेङ्पा। दुलाहन फुरी सु नुन रह्म्म च्याङ्नान, नुन केह्ः ताह्ताह् मिह्दा किम्म राह्नान। अन्नकारन ङन अन किम्म ता पुरा रह्पा ङ्याह्। 30नु किम राचे, जेङ्नै ङा छ्युम मराखाईमे ङ्याह्।
नु सु स्वर्गलै स्वाबो
31“तोह्लै स्वानान चन पुरून खेरे किम ङिह्पा। पिर्थीबिलम राह्नान पिर्थीबिन जेङ्पा, रे पिर्थीबिन ल्होई र्वानान। स्वर्गलै स्वानान पुरून खेरे महान ङिह्पा।#यूह ८:२३ 32येसुई तै रङ्पा रे ताह्पा ङिह्पा, नु अन्न बयान बिन्नान, जेङ्नै नुन साँचि सुई स्वीकार मखेनान। 33सुई नुन साँचि स्वीकार खेपा ङ्याह्, नुई परमेस्वर तेम्मा ङिह्पा र्वानान ल्होईन पर्मान बिङ्ङ। 34तैङर्वाङिन सू परमेस्वरजै फेप्पो, नुई परमेस्वरन ल्होई र्वानान, तैङर्वाङिन परमेस्वरजै हाति र्वार्वा पबित्र आत्मा बिन्नान। 35पाई नुन ङोह्जो मया खेनान, रे तैस्याङ पुरू नुनै लाह्ग बिम्पा ङिह्पा।#मत्ती ११:२७; लुक १०:२२ 36सुई ङोह्जोन लाह्ः बिस्वास खेँ, नुई मताह्नान्न झुनी देप्पा ङिह्पा। जेङ्नै सुई ङोह्जोन र्वापा मङ्याङ्ङ, नुई जिन्दगी रङ्नान मह्या, जेङ्नै परमेस्वरन सेह्ताङ नुन लाह्ः लुईपाई राह्नान।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Kaike Language © The Word for the World International and Kaike Translation Project, Nepal, 2025