మూలు 29
29
యాకోబు లాబాను ఇజ్జొ హన్నయి
1యాకోబు హోచ్చాఁ వేడ హోపుబకి మన్ని దేసతి లోకు తాణ హచ్చెసి. 2ఎంబఅఁ ఏవణకి బ్డీకాఁణ రో నొయిఁ తోంజ ఆతె. ఏదఅఁ దరి తీనిగొట్ట మేండయఁ మంద హుంజహఁ మన్ను. గోడ్క తమ్మి మందయఁ తక్కి ఏ నొయిఁతి ఏయు ఊట్నెరి. రో కజ్జ వల్లి ఏ నొయిఁ లెక్కొ ప్డీక్హ మంజ మచ్చె. 3ఎంబఅఁ మందయఁ బర్రె వాతిసరి ఏ నొయిఁ లెక్కొతి ఏ వల్లి కుత్హఁ, మేండాఁకి ఏయు హీహఁ వెండె నొయిఁ లెక్కొ వల్లితి ప్డీక్నెరి. 4యాకోబు ఏవరఇఁ మెసాఁ “తయ్యిఁతెరి, మీరు ఎంబితతెరి?” ఇంజిహిఁ వెంజలిఎ ఏవరి “మాంబు హారాను తత్తొమి” ఇచ్చెరి. 5ఎచ్చెటిఎ ఏవసి “నాహోరు మీరెఎసి ఆతి లాబానుఇఁ మీరు పుంజెఎ జెరికి?” ఇంజిహిఁ ఏవరఇఁ వెంజలెఎ ఏవరి “హఒ, మాంబు పుంజెఎ మన్నొమి” ఇచ్చెరి. 6“ఏవసి నెహిఁఎ మన్నెసికి?” ఇంజిహిఁ వెంజలిఎ ఏవరి నెహిఁఎ మన్నెసి, ఊది సినికిదు ఏవణి మాంగ రాహేలు మేండయఁ దేచ్చొఎ వాహి మన్నె ఇంజిహిఁ వెస్తెరి. 7ఏవసి ఎల్లె ఇచ్చెసి, “సినికిదు హారెఎ వేడ మంజెనెమ కోడ్డీఁణి కూడికిని బేల ఆహలెఎత. మేండాఁణి ఏయు ఊట్హఁ, హజ్జహఁ ఏవఅఁతి మెద్దు” ఇచ్చెసి. 8ఎచ్చెటిఎ ఏవరి “మందయఁ బర్రె కూడ ఆతిసరి నొయిఁ లెక్కొతి వల్లి రెచ్చెరి. ఎచ్చెటిఎ మాంబు మేండాఁణి ఏయు ఊట్నొమి. ఏదఅఁకిహఁ నోకెఎ మాంబు ఏనఅఁ కియ్యలి ఆడొఒమి” ఇంజిహిఁ బదులి వెస్తెరి. 9ఏవసి ఏవరఇఁ జోలిహిఁ మచ్చటిఎ రాహేలు తని తంజి మేండయఁ దేచ్చొ వాతె. ఏది ఏవఅఁతి మెచ్చి మచ్చె. 10యాకోబు తని బండితి మామ లాబాను మాంగని రాహేలుని మెస్సహఁ, ఏవణి మేండణివ మెస్సహఁ, నొయిఁ దరి హజ్జహఁ ఏ నొయిఁ లెక్కొతి వల్లి కుత్హెసి. ఇంజహఁ తని బండితి మామ మందతక్కి ఏయు ఊట్హెసి. 11ఎచ్చెటిఎ యాకోబు రాహేలుని నొండి సవఁ గట్టినంగ డీతెసి. 12ఇంజహఁ యాకోబు రాహేలుని నాను మీ తంజికి డగ్గెతి రిబ్కాని మీరెఎణితెఁఎఁ ఇంజిహిఁ వెస్తెసి. ఎచ్చెటిఎ ఏది హొట్టి హొట్టిహిఁ హజ్జహఁ తమ్మి ఆబఇఁ వెస్తె. 13లాబాను తని బండితి బ్ణంజ వాతి కత్త వెఁణ్బొనిఎ ఏవణఇఁ కల్హలితక్కి హొట్టిహిఁ వాతెసి ఇంజహఁ, ఏవణఇఁ పొమ్మాఁ, నొండితెసి ఇంజహఁ, తమ్మి ఇజ్జొ తచ్చిహిఁ వాతెసి. ఆతికత్తాణి బర్రె యాకోబు లాబానుఇఁ వెస్తెసి. 14లాబాను ఎల్లె ఇచ్చెసి “సత్తెఎ నీను నంగె బండితి గొత్తెఎణతి” ఇచ్చెసి. యాకోబు ఏవణి తాణ లేంజు పత్తెక మచ్చెసి.
లాబాను మాస్కాణి యాకోబు పెల్లి ఆన్నయి
15లాబాను “నీను నా గొత్తెఎణతి ఉజ్జెఎ తాణ సత్తెఎ కమ్మకిహఁ హియ్యదికి? నింగె ఏని జీతొమి ఔసొరొమి వెస్తెము” ఇంజిహిఁ యాకోబుఇఁ వెచ్చెసి. 16లాబానుకి రీ మాస్క మన్ను. కజ్జాని దోరు లేయా, ఈచ్చాని దోరు రాహేలు. 17లేయా రతీఁకణ్క గట్టయి. రాహేలు హారెఎ ఒజ్జితయి. 18యాకోబు రాహేలుని జీవునోహఁ “నీ ఊణ మాంగ రాహేలు కోసొమి నింగె సాతొ బర్సయఁ సేబకియ్యఇ” ఇచ్చెసి. 19ఏదఅఁతక్కి లాబాను “ఏదాని పంగతణికి హీనణి కిహఁ నింగె హియ్యనయిఎ నెహిఁ, నా తాణెఎ మన్నము” ఇంజిహిఁ వెస్తెసి. 20యాకోబు రాహేలు కోసొమి సాత బర్సయఁ కమ్మ కిత్తెసి. ఇచ్చివ ఏవసి ఏదాని జీవు నోహ మచ్చకి ఏవి ఏవణకి ఇచోర దిన్నయఁలేఁ ఆతు. 21డాయు యాకోబు “నా నేచుయఁ పూర్తిఆతు ఇంజహఁ నాను నా డొక్రి దరితక్కి హఇఁ, ఏదని నంగె హియ్యము” ఇంజిహిఁ లాబానుఇఁ వెచ్చెసి. 22లాబాను ఏ టాయుత మన్ని మణిసియఁ బర్రెతి కూడికిహఁ హీవికిత్తెసి. 23లాఅఁబేల తని కజ్జ మాంగ లేయాని ఏవణి దరి ఓహిహచ్చెసి. యాకోబు ఏదానితొల్లె ఏ లాఅఁయఁ మచ్చెసి. 24లాబాను తని హల్లెణి ఆతి జిల్పాని తని మాంగ లేయానకి కమ్మగట్టయిలెహెఁ హిత్తెసి. 25లాఇ ఆతి డాయు యాకోబు ఏది లేయా ఇంజిహిఁ పుంజహఁ లాబానుఇఁ “నీను నంగె కియ్యతయి ఏన్నయి? రాహేలుని కోసొమిఎ సహాఁ నాను నీ తాణ కమ్మ కిత్తెఎఁ? ఏనఅఁతక్కి నన్నఅఁ నాడి కియ్యతి?” ఇచ్చెసి. 26ఏదఅఁతక్కి లాబాను “కజ్జనికిహఁ నోకిఎ ఊణగట్టాణి పెల్లికిన్నయి మా దేస గౌరొమి ఆఎ. 27నోకి ఈది సాతొ వార పూర్తికిమ్ము. నీను ఓడె సాతొ బర్సయ నంగె సేబకియ్యఇఁ ఇచ్చెహెఁ, ఏదఅఁతక్కి పొఒలొ దుయితనివ నింగె హియ్యనొమి” ఇంజిహిఁ వెస్తెసి. 28యాకోబు ఎల్లెకిఁఎ లేయా రోవారొమి పూర్తికిత్తి డాయు లాబాను తని మాంగ రాహేలునివ ఏవణకి డొక్రిలెహెఁ హిత్తెసి. 29లాబాను తని కమ్మగట్టయి ఆతి బిల్హాను తని మాంగ రాహేలునకి కమ్మగట్టనిలెహెఁ హిత్తెసి. 30యాకోబు రాహేలుతొల్లె లాఅఁయఁ హుంజ్జితెసి. ఏవసి లేయాకిహఁ రాహేలుని హారెఎ జీవునోహఁ లాబానుకి ఓడె సాతొ బర్సయఁ సేబకిత్తెసి.
యాకోబుకి కొక్కరి పోదయఁ జర్న ఆన్నయి
31ఏవసి లేయాని జీవునోఅతని మెస్సహఁ యెహోవ మహపురు ఏదని పూరమాసఆవికిత్తెసి. రాహేలు బాంజెణిగట్టయి ఆహఁ మన్నె. 32లేయా పూరమాసఆహఁ, మీరెఎణఇఁ పాటహఁ “యెహోవ మహపురు నా కొస్టొతి మెస్తెసి ఇంజహఁ నా డొక్ర నన్నఅఁ జీవునోహింజనెసి” ఇంజకొడ్డహఁ ఏవణకి “రూబేను” ఇంజిహిఁ దోరు ఇట్టితె. 33ఏది ఓడె పూరమాసఆహఁ, మీరెఎణ పాటహఁ “నాను జీవునోఅతెఎ ఇంజిహిఁ యెహోవ మహపురు వెచ్చెసి ఇంజహఁ ఈవణవ నంగె హియ్యతెసి” ఇంజకొడ్డహఁ ఏవణఇఁవ “సిమ్యోను” ఇంజిహిఁ దోరు ఇట్టితె. 34ఏది ఓడె పూరమాసఆహఁ, మీరెఎణి పాటహఁ “డాయు నా డొక్రతొల్లె హుంజమఇఁ. ఏనఅఁతక్కి ఇచ్చిహిఁ ఏవణకి తీనిజాణ మీర్కాణి పాటెఎ” ఇంజకొడ్డహఁ “లేవి” ఇంజిహిఁ దోరు ఇట్టితె. 35ఏది ఓడె పూరమాసఆహఁ మీరెఎణి పాటహఁ “నీఎఁ యెహోవ మహపురుఇఁ స్తుతికిఇఁ” ఇంజకొడ్డహఁ “యూద” ఇంజిహిఁ దోరు ఇట్టితె. డాయు ఏది పూరమాసఅయ్యలి ముట్హెయి.
ទើបបានជ្រើសរើសហើយ៖
మూలు 29: JST25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Jathapu Bible © The Word for the World International and Jathapu Translation Project, Andra Pradesh 2025
మూలు 29
29
యాకోబు లాబాను ఇజ్జొ హన్నయి
1యాకోబు హోచ్చాఁ వేడ హోపుబకి మన్ని దేసతి లోకు తాణ హచ్చెసి. 2ఎంబఅఁ ఏవణకి బ్డీకాఁణ రో నొయిఁ తోంజ ఆతె. ఏదఅఁ దరి తీనిగొట్ట మేండయఁ మంద హుంజహఁ మన్ను. గోడ్క తమ్మి మందయఁ తక్కి ఏ నొయిఁతి ఏయు ఊట్నెరి. రో కజ్జ వల్లి ఏ నొయిఁ లెక్కొ ప్డీక్హ మంజ మచ్చె. 3ఎంబఅఁ మందయఁ బర్రె వాతిసరి ఏ నొయిఁ లెక్కొతి ఏ వల్లి కుత్హఁ, మేండాఁకి ఏయు హీహఁ వెండె నొయిఁ లెక్కొ వల్లితి ప్డీక్నెరి. 4యాకోబు ఏవరఇఁ మెసాఁ “తయ్యిఁతెరి, మీరు ఎంబితతెరి?” ఇంజిహిఁ వెంజలిఎ ఏవరి “మాంబు హారాను తత్తొమి” ఇచ్చెరి. 5ఎచ్చెటిఎ ఏవసి “నాహోరు మీరెఎసి ఆతి లాబానుఇఁ మీరు పుంజెఎ జెరికి?” ఇంజిహిఁ ఏవరఇఁ వెంజలెఎ ఏవరి “హఒ, మాంబు పుంజెఎ మన్నొమి” ఇచ్చెరి. 6“ఏవసి నెహిఁఎ మన్నెసికి?” ఇంజిహిఁ వెంజలిఎ ఏవరి నెహిఁఎ మన్నెసి, ఊది సినికిదు ఏవణి మాంగ రాహేలు మేండయఁ దేచ్చొఎ వాహి మన్నె ఇంజిహిఁ వెస్తెరి. 7ఏవసి ఎల్లె ఇచ్చెసి, “సినికిదు హారెఎ వేడ మంజెనెమ కోడ్డీఁణి కూడికిని బేల ఆహలెఎత. మేండాఁణి ఏయు ఊట్హఁ, హజ్జహఁ ఏవఅఁతి మెద్దు” ఇచ్చెసి. 8ఎచ్చెటిఎ ఏవరి “మందయఁ బర్రె కూడ ఆతిసరి నొయిఁ లెక్కొతి వల్లి రెచ్చెరి. ఎచ్చెటిఎ మాంబు మేండాఁణి ఏయు ఊట్నొమి. ఏదఅఁకిహఁ నోకెఎ మాంబు ఏనఅఁ కియ్యలి ఆడొఒమి” ఇంజిహిఁ బదులి వెస్తెరి. 9ఏవసి ఏవరఇఁ జోలిహిఁ మచ్చటిఎ రాహేలు తని తంజి మేండయఁ దేచ్చొ వాతె. ఏది ఏవఅఁతి మెచ్చి మచ్చె. 10యాకోబు తని బండితి మామ లాబాను మాంగని రాహేలుని మెస్సహఁ, ఏవణి మేండణివ మెస్సహఁ, నొయిఁ దరి హజ్జహఁ ఏ నొయిఁ లెక్కొతి వల్లి కుత్హెసి. ఇంజహఁ తని బండితి మామ మందతక్కి ఏయు ఊట్హెసి. 11ఎచ్చెటిఎ యాకోబు రాహేలుని నొండి సవఁ గట్టినంగ డీతెసి. 12ఇంజహఁ యాకోబు రాహేలుని నాను మీ తంజికి డగ్గెతి రిబ్కాని మీరెఎణితెఁఎఁ ఇంజిహిఁ వెస్తెసి. ఎచ్చెటిఎ ఏది హొట్టి హొట్టిహిఁ హజ్జహఁ తమ్మి ఆబఇఁ వెస్తె. 13లాబాను తని బండితి బ్ణంజ వాతి కత్త వెఁణ్బొనిఎ ఏవణఇఁ కల్హలితక్కి హొట్టిహిఁ వాతెసి ఇంజహఁ, ఏవణఇఁ పొమ్మాఁ, నొండితెసి ఇంజహఁ, తమ్మి ఇజ్జొ తచ్చిహిఁ వాతెసి. ఆతికత్తాణి బర్రె యాకోబు లాబానుఇఁ వెస్తెసి. 14లాబాను ఎల్లె ఇచ్చెసి “సత్తెఎ నీను నంగె బండితి గొత్తెఎణతి” ఇచ్చెసి. యాకోబు ఏవణి తాణ లేంజు పత్తెక మచ్చెసి.
లాబాను మాస్కాణి యాకోబు పెల్లి ఆన్నయి
15లాబాను “నీను నా గొత్తెఎణతి ఉజ్జెఎ తాణ సత్తెఎ కమ్మకిహఁ హియ్యదికి? నింగె ఏని జీతొమి ఔసొరొమి వెస్తెము” ఇంజిహిఁ యాకోబుఇఁ వెచ్చెసి. 16లాబానుకి రీ మాస్క మన్ను. కజ్జాని దోరు లేయా, ఈచ్చాని దోరు రాహేలు. 17లేయా రతీఁకణ్క గట్టయి. రాహేలు హారెఎ ఒజ్జితయి. 18యాకోబు రాహేలుని జీవునోహఁ “నీ ఊణ మాంగ రాహేలు కోసొమి నింగె సాతొ బర్సయఁ సేబకియ్యఇ” ఇచ్చెసి. 19ఏదఅఁతక్కి లాబాను “ఏదాని పంగతణికి హీనణి కిహఁ నింగె హియ్యనయిఎ నెహిఁ, నా తాణెఎ మన్నము” ఇంజిహిఁ వెస్తెసి. 20యాకోబు రాహేలు కోసొమి సాత బర్సయఁ కమ్మ కిత్తెసి. ఇచ్చివ ఏవసి ఏదాని జీవు నోహ మచ్చకి ఏవి ఏవణకి ఇచోర దిన్నయఁలేఁ ఆతు. 21డాయు యాకోబు “నా నేచుయఁ పూర్తిఆతు ఇంజహఁ నాను నా డొక్రి దరితక్కి హఇఁ, ఏదని నంగె హియ్యము” ఇంజిహిఁ లాబానుఇఁ వెచ్చెసి. 22లాబాను ఏ టాయుత మన్ని మణిసియఁ బర్రెతి కూడికిహఁ హీవికిత్తెసి. 23లాఅఁబేల తని కజ్జ మాంగ లేయాని ఏవణి దరి ఓహిహచ్చెసి. యాకోబు ఏదానితొల్లె ఏ లాఅఁయఁ మచ్చెసి. 24లాబాను తని హల్లెణి ఆతి జిల్పాని తని మాంగ లేయానకి కమ్మగట్టయిలెహెఁ హిత్తెసి. 25లాఇ ఆతి డాయు యాకోబు ఏది లేయా ఇంజిహిఁ పుంజహఁ లాబానుఇఁ “నీను నంగె కియ్యతయి ఏన్నయి? రాహేలుని కోసొమిఎ సహాఁ నాను నీ తాణ కమ్మ కిత్తెఎఁ? ఏనఅఁతక్కి నన్నఅఁ నాడి కియ్యతి?” ఇచ్చెసి. 26ఏదఅఁతక్కి లాబాను “కజ్జనికిహఁ నోకిఎ ఊణగట్టాణి పెల్లికిన్నయి మా దేస గౌరొమి ఆఎ. 27నోకి ఈది సాతొ వార పూర్తికిమ్ము. నీను ఓడె సాతొ బర్సయ నంగె సేబకియ్యఇఁ ఇచ్చెహెఁ, ఏదఅఁతక్కి పొఒలొ దుయితనివ నింగె హియ్యనొమి” ఇంజిహిఁ వెస్తెసి. 28యాకోబు ఎల్లెకిఁఎ లేయా రోవారొమి పూర్తికిత్తి డాయు లాబాను తని మాంగ రాహేలునివ ఏవణకి డొక్రిలెహెఁ హిత్తెసి. 29లాబాను తని కమ్మగట్టయి ఆతి బిల్హాను తని మాంగ రాహేలునకి కమ్మగట్టనిలెహెఁ హిత్తెసి. 30యాకోబు రాహేలుతొల్లె లాఅఁయఁ హుంజ్జితెసి. ఏవసి లేయాకిహఁ రాహేలుని హారెఎ జీవునోహఁ లాబానుకి ఓడె సాతొ బర్సయఁ సేబకిత్తెసి.
యాకోబుకి కొక్కరి పోదయఁ జర్న ఆన్నయి
31ఏవసి లేయాని జీవునోఅతని మెస్సహఁ యెహోవ మహపురు ఏదని పూరమాసఆవికిత్తెసి. రాహేలు బాంజెణిగట్టయి ఆహఁ మన్నె. 32లేయా పూరమాసఆహఁ, మీరెఎణఇఁ పాటహఁ “యెహోవ మహపురు నా కొస్టొతి మెస్తెసి ఇంజహఁ నా డొక్ర నన్నఅఁ జీవునోహింజనెసి” ఇంజకొడ్డహఁ ఏవణకి “రూబేను” ఇంజిహిఁ దోరు ఇట్టితె. 33ఏది ఓడె పూరమాసఆహఁ, మీరెఎణ పాటహఁ “నాను జీవునోఅతెఎ ఇంజిహిఁ యెహోవ మహపురు వెచ్చెసి ఇంజహఁ ఈవణవ నంగె హియ్యతెసి” ఇంజకొడ్డహఁ ఏవణఇఁవ “సిమ్యోను” ఇంజిహిఁ దోరు ఇట్టితె. 34ఏది ఓడె పూరమాసఆహఁ, మీరెఎణి పాటహఁ “డాయు నా డొక్రతొల్లె హుంజమఇఁ. ఏనఅఁతక్కి ఇచ్చిహిఁ ఏవణకి తీనిజాణ మీర్కాణి పాటెఎ” ఇంజకొడ్డహఁ “లేవి” ఇంజిహిఁ దోరు ఇట్టితె. 35ఏది ఓడె పూరమాసఆహఁ మీరెఎణి పాటహఁ “నీఎఁ యెహోవ మహపురుఇఁ స్తుతికిఇఁ” ఇంజకొడ్డహఁ “యూద” ఇంజిహిఁ దోరు ఇట్టితె. డాయు ఏది పూరమాసఅయ్యలి ముట్హెయి.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Jathapu Bible © The Word for the World International and Jathapu Translation Project, Andra Pradesh 2025