लुका 15
15
ङोयो भेडा
मत्ती 18:12-14
1सिरमा डुप्नेरं सोनो पापीरं स्यान्टै येसुलो ओपाङ ठैने येसुलेवकं याराज़्याव। 2“आव मीये के पापीरंलाई पनि सहिज़्यावरं, होकाम नोरासं ज़्याने ओँने डोज़्याव” वार्डे फरिसीरं सोनो न्याम पैनेरं गनगन यालेव।
3होकाम येसुये नोरंलाई आव सात्रो हैओडोवरं, 4“जे मड्डेलाम काङ्का ची जेटाके ड, तसै भेडारं लाम टोबो ओङोइकं उनान्सै भेडारंलाई बनलंज़ ख्यानैडे मा:व भेडालाई ओमडैया समं हो भेडा माखिमोके? 5ङोयो भेडालाई डैडे बनै रेङडे उपुमटं छेनोये, 6होकाम ज़ी:मकं राडे ओनैरं सोनो उछिमेकिरंलाई खुलोरं, होकाम होरंलाई हैडोवरं, ‘ङासं रेङच्यो, कडालेकं ङोयो ङाभेडा डैडेङानै।’ 7ङा जेलाई हैङाडाच्यो, हैजैडेज़ यापापलाम मावोल्ने उनान्सै जना न्यामलं बाने मीराई भन्डा ओपापलाम वोल्ने टोबो पापीलो ओलागिटं स्वर्गट बनै आनन्ड टानेले।”
ङोयो ढ्याकलो सात्रो
8“काङ्का मेमा ची टाकेडं जोलो डस गोटा चान्डिलो ओढ्याकरंलाम टोबो यासोङोयोखे भने हो ओमडैया समं भाङ खाङडे ज़ी:म सिडे मिहिनेटसं माखिमोके? 9होये ङोयो ओढ्याक डैडे ओनैरं सोनो उछिमेकिरंलाई खुल्डे हैडोवरंये, ‘ङासं रेङच्यो, कडालेकं ङा ङोयो ङाढ्याक डैडेङानै।’ 10ङा जेलाई हैङाडाच्यो, हैजैडेज़ टोबो पापलाम वोल्ने पापीलो ओलागिटं परमेस्वरलो स्वर्गटा ओकटंवालराई याङा:कं आनन्ड टाये।”
ङोयो खेपाज़ा
11येसुये हैओवारो, “टोबो मीलो नेबऱ्याङ खेपाओज़ानि लेवनि। 12कान्छाये ओबाबुलाई हैओडोव, ‘बाबु, ङालाई ङाभागलं परिने ङाढन सम्पति गयाङ्के।’ होकाम होये ओढन सम्पति ओज़ानिलाई भाडे ओयोवनि।”
13“जामा डिनका कान्छा ओज़ाये ओसम्पति सिप्डे टाडाङा टोबो डेसलं ओनाव, होकाम होलं मोज मजाकला उजीबन बिठैडे स्यान्टै ओसम्पति ओखेमो। 14होये स्यान्टै ओढन पैसा खेम्डेओनैज़्याव। हो बेलाकंज़ नो डेसलं बनै घ्योव अनिकाल टाडे नोलाई ज़्याने ओँने माडुमने ओटाव। 15होकाम नोये नो डेसला टोबो मी लेवकं नाडे ये:न उनी:व। हो मीये नोलाई ओये:ङलं वोर छाने ये:न ओयोव। 16नोलाई काङ्कायेज़ कडि पनि मायोरंये, होकाम नोये वोराई याचारोलाम सेम्बेलो ओफोपोटा ज़्याडे उफु सवाङने पानोये।”
17जब नोलो ओचेत यारा, “नोये ऐ ओवारो, ‘ङाबाबुलो बनै भ्या ओनौकरराई याफु टसि ज़्याडे पनि ये:लये, हैनि पनि ङा आलं ङाकरेये सिने ङापानज़्या। 18ङा ङाबाबुलेवङ ङाना, होकाम बाबुलाई हैङाडो, बाबु, ङा स्वर्गलो उबिरोडलं सोनो नङा:कं पाप डोडेङानै। 19आबोकाम ङा नज़ा ची हैवार्ने हाडङका ङाम्ले। ङालाई टोबो ननौकर स्यानाव झैडे नैसङ’।” 20होकाम नो च्याङसिडे ओबाबु लेवङ ओनाव। “हैनि पनि नो बनै टाडाङंज़ उलिज़्याकं ओबाबुये ओरो:ङो, होकाम बनै उयुङ ओनाव, होकाम ज़ोनाडे होलाई उकुइये नारिडे म्वाई ओडोव।”
21“ओज़ाये होलाई हैओडोव, ‘बाबु, ङा स्वर्गलो उबिरोडलं सोनो नङा:कं पाप डोडेङानै। आबो ङा नज़ा ची वार्ने हाढंङका ङाम्ले’।”
22हैनि पनि ओबाबुये ओनौकररंलाई हैओडोवरं, “चानो आवलाई स्यान्टैराई भन्डा चाव क्वा रैडे क्वाइच्यो। आवलो उकुइटं उन्ठि, सोनो ओखङटं पनै सजाच्यो 23होकाम टोबो सोयो मार पलच्यो, होकामटानि ज़्याडे ओँडे खुसि गेमानिके। 24कडालेकं आव ङाज़ा सिव लेव, फरि ज्युङडा टाडेले, ङोयो लेव, डैडेङानै।” होकाम नोराई बनै खुसि यामानिव।
25“होबेलाकं नोलो जेठा ओज़ा ये:ङलं उलिज़्याव, होकाम हो ज़ी:म छ्योकं ओकेराकं यास्या:ज़्याव, गीतं यागैज़्याव ओठोयो। 26नोये टोबो नौकरलाई ओछ्योकं खुल्डे ‘आव कडि याझैज़्याव?’ वार्डे ओपंजोयो। 27होये नोलाई हैओडोव, ‘नभाइ राडेले, होकाम नबाबुये ङाडे ओनैज़्याव सोयो मार पल्डेनोयो। कडालेकं नबाबुये नभाइलाई चाव गराङो वोल्डे ओराव ओरो:ङो’।”
28“होकाम नो रिसिडे ज़ी:मलं नाने माभनये, होकाम ओबाबुये पाखाङ राडे नोलाई बिन्ती डाडे ओसम्झोयो। 29हैनि पनि नोये ओबाबुलाई हैओडोव, ‘र:ङखेने, आढङ बर्स समं ङा नसेवा ङाडोज़्या, नअरैसोङो ये:न स्यान्टैज़ ङाडोये, हैजैडे पनि नङ ङालाई ङानैरासं खुसि मानिने लागिटं टोबो पाठा पनि खर्कज़ नमयाङये। 30हैनि पनि स्यान्टै नसम्पति लाङडे बेस्यारासं ओडैडे राने आव नज़ा ओराकं नोलो ओलागिटं ङाडे ननैज़्याव सोयो मार पल्डे नयोखे’।”
31“होकाम ओबाबुये जेठा ओज़ालाई हैओडोव, ‘ङाज़ा, नङके एक्सप्ड्या ङासंज़ नलिज़्या, होकाम स्यान्टै ङासम्पति नमीज़ ची। 32हैनि पनि गे खुसि टाडे आनन्ड मानिने ठीकंज़, कडालेकं आव नभाइ सिडे उलिज़्याव, फरि ज्युङडा टाडेले, ङोयो लेव डैडेगेनै’।”
ទើបបានជ្រើសរើសហើយ៖
लुका 15: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 15
15
ङोयो भेडा
मत्ती 18:12-14
1सिरमा डुप्नेरं सोनो पापीरं स्यान्टै येसुलो ओपाङ ठैने येसुलेवकं याराज़्याव। 2“आव मीये के पापीरंलाई पनि सहिज़्यावरं, होकाम नोरासं ज़्याने ओँने डोज़्याव” वार्डे फरिसीरं सोनो न्याम पैनेरं गनगन यालेव।
3होकाम येसुये नोरंलाई आव सात्रो हैओडोवरं, 4“जे मड्डेलाम काङ्का ची जेटाके ड, तसै भेडारं लाम टोबो ओङोइकं उनान्सै भेडारंलाई बनलंज़ ख्यानैडे मा:व भेडालाई ओमडैया समं हो भेडा माखिमोके? 5ङोयो भेडालाई डैडे बनै रेङडे उपुमटं छेनोये, 6होकाम ज़ी:मकं राडे ओनैरं सोनो उछिमेकिरंलाई खुलोरं, होकाम होरंलाई हैडोवरं, ‘ङासं रेङच्यो, कडालेकं ङोयो ङाभेडा डैडेङानै।’ 7ङा जेलाई हैङाडाच्यो, हैजैडेज़ यापापलाम मावोल्ने उनान्सै जना न्यामलं बाने मीराई भन्डा ओपापलाम वोल्ने टोबो पापीलो ओलागिटं स्वर्गट बनै आनन्ड टानेले।”
ङोयो ढ्याकलो सात्रो
8“काङ्का मेमा ची टाकेडं जोलो डस गोटा चान्डिलो ओढ्याकरंलाम टोबो यासोङोयोखे भने हो ओमडैया समं भाङ खाङडे ज़ी:म सिडे मिहिनेटसं माखिमोके? 9होये ङोयो ओढ्याक डैडे ओनैरं सोनो उछिमेकिरंलाई खुल्डे हैडोवरंये, ‘ङासं रेङच्यो, कडालेकं ङा ङोयो ङाढ्याक डैडेङानै।’ 10ङा जेलाई हैङाडाच्यो, हैजैडेज़ टोबो पापलाम वोल्ने पापीलो ओलागिटं परमेस्वरलो स्वर्गटा ओकटंवालराई याङा:कं आनन्ड टाये।”
ङोयो खेपाज़ा
11येसुये हैओवारो, “टोबो मीलो नेबऱ्याङ खेपाओज़ानि लेवनि। 12कान्छाये ओबाबुलाई हैओडोव, ‘बाबु, ङालाई ङाभागलं परिने ङाढन सम्पति गयाङ्के।’ होकाम होये ओढन सम्पति ओज़ानिलाई भाडे ओयोवनि।”
13“जामा डिनका कान्छा ओज़ाये ओसम्पति सिप्डे टाडाङा टोबो डेसलं ओनाव, होकाम होलं मोज मजाकला उजीबन बिठैडे स्यान्टै ओसम्पति ओखेमो। 14होये स्यान्टै ओढन पैसा खेम्डेओनैज़्याव। हो बेलाकंज़ नो डेसलं बनै घ्योव अनिकाल टाडे नोलाई ज़्याने ओँने माडुमने ओटाव। 15होकाम नोये नो डेसला टोबो मी लेवकं नाडे ये:न उनी:व। हो मीये नोलाई ओये:ङलं वोर छाने ये:न ओयोव। 16नोलाई काङ्कायेज़ कडि पनि मायोरंये, होकाम नोये वोराई याचारोलाम सेम्बेलो ओफोपोटा ज़्याडे उफु सवाङने पानोये।”
17जब नोलो ओचेत यारा, “नोये ऐ ओवारो, ‘ङाबाबुलो बनै भ्या ओनौकरराई याफु टसि ज़्याडे पनि ये:लये, हैनि पनि ङा आलं ङाकरेये सिने ङापानज़्या। 18ङा ङाबाबुलेवङ ङाना, होकाम बाबुलाई हैङाडो, बाबु, ङा स्वर्गलो उबिरोडलं सोनो नङा:कं पाप डोडेङानै। 19आबोकाम ङा नज़ा ची हैवार्ने हाडङका ङाम्ले। ङालाई टोबो ननौकर स्यानाव झैडे नैसङ’।” 20होकाम नो च्याङसिडे ओबाबु लेवङ ओनाव। “हैनि पनि नो बनै टाडाङंज़ उलिज़्याकं ओबाबुये ओरो:ङो, होकाम बनै उयुङ ओनाव, होकाम ज़ोनाडे होलाई उकुइये नारिडे म्वाई ओडोव।”
21“ओज़ाये होलाई हैओडोव, ‘बाबु, ङा स्वर्गलो उबिरोडलं सोनो नङा:कं पाप डोडेङानै। आबो ङा नज़ा ची वार्ने हाढंङका ङाम्ले’।”
22हैनि पनि ओबाबुये ओनौकररंलाई हैओडोवरं, “चानो आवलाई स्यान्टैराई भन्डा चाव क्वा रैडे क्वाइच्यो। आवलो उकुइटं उन्ठि, सोनो ओखङटं पनै सजाच्यो 23होकाम टोबो सोयो मार पलच्यो, होकामटानि ज़्याडे ओँडे खुसि गेमानिके। 24कडालेकं आव ङाज़ा सिव लेव, फरि ज्युङडा टाडेले, ङोयो लेव, डैडेङानै।” होकाम नोराई बनै खुसि यामानिव।
25“होबेलाकं नोलो जेठा ओज़ा ये:ङलं उलिज़्याव, होकाम हो ज़ी:म छ्योकं ओकेराकं यास्या:ज़्याव, गीतं यागैज़्याव ओठोयो। 26नोये टोबो नौकरलाई ओछ्योकं खुल्डे ‘आव कडि याझैज़्याव?’ वार्डे ओपंजोयो। 27होये नोलाई हैओडोव, ‘नभाइ राडेले, होकाम नबाबुये ङाडे ओनैज़्याव सोयो मार पल्डेनोयो। कडालेकं नबाबुये नभाइलाई चाव गराङो वोल्डे ओराव ओरो:ङो’।”
28“होकाम नो रिसिडे ज़ी:मलं नाने माभनये, होकाम ओबाबुये पाखाङ राडे नोलाई बिन्ती डाडे ओसम्झोयो। 29हैनि पनि नोये ओबाबुलाई हैओडोव, ‘र:ङखेने, आढङ बर्स समं ङा नसेवा ङाडोज़्या, नअरैसोङो ये:न स्यान्टैज़ ङाडोये, हैजैडे पनि नङ ङालाई ङानैरासं खुसि मानिने लागिटं टोबो पाठा पनि खर्कज़ नमयाङये। 30हैनि पनि स्यान्टै नसम्पति लाङडे बेस्यारासं ओडैडे राने आव नज़ा ओराकं नोलो ओलागिटं ङाडे ननैज़्याव सोयो मार पल्डे नयोखे’।”
31“होकाम ओबाबुये जेठा ओज़ालाई हैओडोव, ‘ङाज़ा, नङके एक्सप्ड्या ङासंज़ नलिज़्या, होकाम स्यान्टै ङासम्पति नमीज़ ची। 32हैनि पनि गे खुसि टाडे आनन्ड मानिने ठीकंज़, कडालेकं आव नभाइ सिडे उलिज़्याव, फरि ज्युङडा टाडेले, ङोयो लेव डैडेगेनै’।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025