लुका 13
13
कि जेपापलाम वोल्च्यो कि सिच्यो
1नो बेलाकं नलं खाडंङ मीरं लेवरं, जोराई गालीलीराई याबारेलं येसुलाई हैयाडोव, जोलाई पिलातसये सै:डे नोराई याझी भोक याचरैज़्याव मारलो उझीसं बराइडे ओयोवरं 2होकाम येसुये नोरंलाई जबाक ओयोवरं, “नोराई ऐजैडे डुखं भुक्टैज़्यारं वार्डे, कडा जे आव गालीलीरं उरु स्यान्टै गालीलीरं भन्डा भ्या पापी यालेव वार्डे हैजेवार्ज़्याव? 3ङा जेलाई हैङाडाच्यो, हैटाव माङ्क, हैनि पनि जे जेपापलाम जियुङ जेम्सवोल्खे भने जे स्यान्टै ऐझैडेज़ नास टाने जेले। 4सै जे कै जेवार्ज़्याव, नो अठार जनारं, नो सिलोआमला ढरहरा ढलिडे यासिव, नोरं यरुसलेमला लेने मीरं भन्डा भ्या पापी यालेव? 5हो माङ्क, ङा जेलाई हैङाडाच्यो, जे जेपापलाम जियुङ जेम्सवोल्खे भने, जे स्यान्टै हैजैडेज़ नास टाने जेले।”
मासैने डिलो सात्रो
6होकाम येसुये आव सात्रो हैओवारो “टोबो मीये अङ्गुर उरुपिज़्याव ये:ङलं टोबो डीलो उबिरुवा रुपिडे ओनैज़्याव। नो सिङटं ओसै मसैया वार्डे नो ओराव, हैनि पनि नोये कडिज़ माडोयोये 7होकाम नोये नो ये:ङ र:ङने मीलाई हैओडोव, ‘सोङबर्स याटा, ङा आव डीलो उसिङटं ओसै ङाखीमो, हैनि पनि ङाम्डैये। आवलाई पल्डे ढलै, आवये सोजो ये:ङ कडाने कप्डे नैने?’ 8होकाम ये:ङ र:ङने मीये ये:ङ साहुलाई हैओडोव, ‘अँ आवलाई अजं टबर्स लेव यो। ङा आवलो ओखङलं घोडे मलं ङाझा, 9होकाम यासै भने चावज़ याटा, मासैखे भने नङ नोलाई नढंलैके’।”
येसुये उकुम्ला पुलुव मेमालाई ओसोसोमो
10टछा ना:सिने डिन छ्याम टोबो यहुडीरं याडुप्सिने ज़ी:मलं येसुये ओपैज़्यावरं। 11नलं टोबो मेमा लेव, नोलाई अठार बर्सकाम कम्जोर झैने माचाव आत्माये डापो लेव। नोलो ओवा:ङ कुम्ल्याव लेव, होकाम नो ओल्ज़ सिडा ओमटाडुज़्यावं। 12येसुये नोलाई ओरो:ङो, होकाम खुल्डे हैओडोव, “ए मेमा, नङ नरोगोटाम नसमडुखे।” 13होकाम येसुये नो मेमालो ओङै:टं उकुइ ओनोयो, होकाम नो होपानाज़ सिडा टाडे परमेस्वरलो ओप्रसन्सा ओडोव। 14यहुडीरं याडुप्सिने ज़ी:मला से:र मी उरिसिव, कडावार्क येसुये ना:सिने डिन छ्याम मीलाई ओसोसोमो, होकाम मीरंलाई नो मीये हैओडोवरं, “ये:न डाने के छ डिन ले। हैजैडे छ डिन समं राडे ससम्सिच्यो, ना:सिने डिन छ्याम मा:ङकं।” 15प्रभुये जबाक ओयोव, “ए कैफटिरं! जेलाम काङ्काये ना:सिने डिन छ्याम गोठो सोनो तबेलालाम उयि:ङ सै ओगडाहा पलाडे री: सोवैँने मालाङो डोरो? 16अब्राहामलो आव ओज़ा नो अठार बर्स समं सैतानलो ओबन्डनल लेव, ना:सिने डिन छ्याम आव बन्डनलाम नो छुटिने चाव माङ्क डोरो?” 17येसुये आव रो: हैओवारो पाना येसुलो उबिरोडिरं स्यान्टै यालाजंये सिने स्यानाव याटाव, येसुये ओडोव अचम्बला ये:नटं मीरं बनै यारेङो।
सुरसुङलो उढुरलो ओसात्रो
मत्ती 13:31-33; मर्कुस 4:30-32
18होकाम येसुये हैओवारो, “परमेस्वरलो ओराज्य कडि स्याव ले? नोलाई ङा कडिस ङाडान्जिके? 19नो सुरसुङलो उढुरलो टोबो ओगेडा स्यानाव ची, नोलाई टोबो मीये लाङडे ओय:ङलं ओवाव, होकाम नो घ्योडे टोबो सिङ ओटाव होकाम नमटा बाज़ाराई नोलो ओखारयालं याज़ी:म याझोयो।”
खमिरलो ओसात्रो
मत्ती 13:33
20फरि येसुये हैओवारो, “परमेस्वरलो ओराज्यलाई ङा कडिसं ङाडान्जिके? 21नो खमीर स्यानाव ची, नो टोबो मेमाये पचास माना कनिलं ओबरायो, होकाम नो स्यान्टै कनि खमीर ओटाव।”
साङगोरो झला
22आबो सहर-सहर सोनो नाङखार-नाङखार यालं नावग्यान पोयोरंग्यान डाडे येसु यरुसलेमडे ओनाव। 23टोबो मीये येसुलाई ओपजोयो, “प्रभु, कडा उड्डार डैनेरं ठोकोज़ यालिज़्याव डोरो?” हैनि पनि येसुये नोरंलाई हैओडोवरं, 24“साङगोरो झलालाम पसिने जोर डाच्यो, कडावार्क, ङा जेलाई हैङाडाच्यो, भ्या मीरं पसिनेपानरं हैनि पनि पसिडुने मालेरं। 25साहुये झला उरुपो पाना जे पाखाकं च्याङसिडे ऐ वार्डे झलायेमकाम घचंघचं झैडे कि:ने जेले, ‘प्रभु, गेलाई झला फैड्यासी’, होकाम नोये ऐ वार्डे जबाक याडे हैवारने ले, ‘जे काङाम जेराव ङा ङाम्स:रेच्योये।’ 26होकाम जे हैवारने जेले, ‘गे नङा:कंज़ गेज़्योव सोनो गेओँव, होसोनो गेगल्लियालं नङ नपोयोरं।’ 27होये हैवारने ले, ‘ङा जेलाई हैङाडाच्योज़्या, जे काङाम जेराव ङा ङामसन। माचाव ये:न डानेरं ङालेवकाम टाडा लेच्यो।’ 28जब जे अब्राहाम, इसहाक, याकुब सोनो स्यान्टै अगमबक्तारंलाई परमेस्वरलो ओराज्यल र:ङने जेले, होकाम जेके पाखाडे ख्यासिव टाने जेले, जे घर्ने जेले होसोनो जेहा कैये-कैये घरनेजेले। 29मीरं पुर्ब, पोछ्योङ, उतर सोनो डखिन ङाम राडे परमेस्वरलो ओराज्यला भट्यारलं चुङने लेरं। 30र:ङच्यो, झिन्डेङा:र ङा:डे सोनो ङा:डेङारं झिन्डे टानेलेरं।”
येसुये यरुसलेमलाई मया डोवये
मत्ती २३:३७-३९
31होबेलाकंज़ कोइ-कोइ फरिसीरं राडे येसुलाई हैयाडोव, “आलाम पुलुडे गनानके, कडालेकं हेरोडये नङलाई सै:ने पानसनज़्याव।” 32येसुये नोरंलाई हैओडोवरं, “नाडे नो स्यालालाई हैडाच्यो, ‘र:ङ, आछिम सोनो पराटि ङा भुतरं ङाखेपैरं होसोनो ससंम्ने ये:न ङाडो, सोङलाका ङाये:न पुरा टानेले। 33होटानि पनि आछिम, पराटि सोनो मछ्या पनि ङा बानेज़ ची, कडालेकं यरुसलेमकाम टङडे काङ्का अगमबक्ता पनि सिने माले।’”
34“यरुसलेम ए यरुसलेम, अगमबक्तारंलाई सै:ने, नङ लेवकं परि:ङसिवरंलाई नङ लुङ-लुङये नझोमरंये! कैजैडे बामाये उचीङनारंलाई ओकर ज्युङलं डुपोरंये, हैजैडेज़ खापाला ङा बाल्खरंलाई डुप्ने युङ ङाडोव, हैनि पनि नङ नम्भनये। 35र:ङ नज़ी:म भट्याबाङ्गो टाडेले। ङा नङलाई हैङाडानज़्या, जोकासमं नङ ‘स्यान्टैराई भन्डा घ्योव प्रभुलो उमिन्ट राने के गराङो ची’ हैनमवार, होका समं नङ ङालाई र:ङने नमले।”
ទើបបានជ្រើសរើសហើយ៖
लुका 13: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 13
13
कि जेपापलाम वोल्च्यो कि सिच्यो
1नो बेलाकं नलं खाडंङ मीरं लेवरं, जोराई गालीलीराई याबारेलं येसुलाई हैयाडोव, जोलाई पिलातसये सै:डे नोराई याझी भोक याचरैज़्याव मारलो उझीसं बराइडे ओयोवरं 2होकाम येसुये नोरंलाई जबाक ओयोवरं, “नोराई ऐजैडे डुखं भुक्टैज़्यारं वार्डे, कडा जे आव गालीलीरं उरु स्यान्टै गालीलीरं भन्डा भ्या पापी यालेव वार्डे हैजेवार्ज़्याव? 3ङा जेलाई हैङाडाच्यो, हैटाव माङ्क, हैनि पनि जे जेपापलाम जियुङ जेम्सवोल्खे भने जे स्यान्टै ऐझैडेज़ नास टाने जेले। 4सै जे कै जेवार्ज़्याव, नो अठार जनारं, नो सिलोआमला ढरहरा ढलिडे यासिव, नोरं यरुसलेमला लेने मीरं भन्डा भ्या पापी यालेव? 5हो माङ्क, ङा जेलाई हैङाडाच्यो, जे जेपापलाम जियुङ जेम्सवोल्खे भने, जे स्यान्टै हैजैडेज़ नास टाने जेले।”
मासैने डिलो सात्रो
6होकाम येसुये आव सात्रो हैओवारो “टोबो मीये अङ्गुर उरुपिज़्याव ये:ङलं टोबो डीलो उबिरुवा रुपिडे ओनैज़्याव। नो सिङटं ओसै मसैया वार्डे नो ओराव, हैनि पनि नोये कडिज़ माडोयोये 7होकाम नोये नो ये:ङ र:ङने मीलाई हैओडोव, ‘सोङबर्स याटा, ङा आव डीलो उसिङटं ओसै ङाखीमो, हैनि पनि ङाम्डैये। आवलाई पल्डे ढलै, आवये सोजो ये:ङ कडाने कप्डे नैने?’ 8होकाम ये:ङ र:ङने मीये ये:ङ साहुलाई हैओडोव, ‘अँ आवलाई अजं टबर्स लेव यो। ङा आवलो ओखङलं घोडे मलं ङाझा, 9होकाम यासै भने चावज़ याटा, मासैखे भने नङ नोलाई नढंलैके’।”
येसुये उकुम्ला पुलुव मेमालाई ओसोसोमो
10टछा ना:सिने डिन छ्याम टोबो यहुडीरं याडुप्सिने ज़ी:मलं येसुये ओपैज़्यावरं। 11नलं टोबो मेमा लेव, नोलाई अठार बर्सकाम कम्जोर झैने माचाव आत्माये डापो लेव। नोलो ओवा:ङ कुम्ल्याव लेव, होकाम नो ओल्ज़ सिडा ओमटाडुज़्यावं। 12येसुये नोलाई ओरो:ङो, होकाम खुल्डे हैओडोव, “ए मेमा, नङ नरोगोटाम नसमडुखे।” 13होकाम येसुये नो मेमालो ओङै:टं उकुइ ओनोयो, होकाम नो होपानाज़ सिडा टाडे परमेस्वरलो ओप्रसन्सा ओडोव। 14यहुडीरं याडुप्सिने ज़ी:मला से:र मी उरिसिव, कडावार्क येसुये ना:सिने डिन छ्याम मीलाई ओसोसोमो, होकाम मीरंलाई नो मीये हैओडोवरं, “ये:न डाने के छ डिन ले। हैजैडे छ डिन समं राडे ससम्सिच्यो, ना:सिने डिन छ्याम मा:ङकं।” 15प्रभुये जबाक ओयोव, “ए कैफटिरं! जेलाम काङ्काये ना:सिने डिन छ्याम गोठो सोनो तबेलालाम उयि:ङ सै ओगडाहा पलाडे री: सोवैँने मालाङो डोरो? 16अब्राहामलो आव ओज़ा नो अठार बर्स समं सैतानलो ओबन्डनल लेव, ना:सिने डिन छ्याम आव बन्डनलाम नो छुटिने चाव माङ्क डोरो?” 17येसुये आव रो: हैओवारो पाना येसुलो उबिरोडिरं स्यान्टै यालाजंये सिने स्यानाव याटाव, येसुये ओडोव अचम्बला ये:नटं मीरं बनै यारेङो।
सुरसुङलो उढुरलो ओसात्रो
मत्ती 13:31-33; मर्कुस 4:30-32
18होकाम येसुये हैओवारो, “परमेस्वरलो ओराज्य कडि स्याव ले? नोलाई ङा कडिस ङाडान्जिके? 19नो सुरसुङलो उढुरलो टोबो ओगेडा स्यानाव ची, नोलाई टोबो मीये लाङडे ओय:ङलं ओवाव, होकाम नो घ्योडे टोबो सिङ ओटाव होकाम नमटा बाज़ाराई नोलो ओखारयालं याज़ी:म याझोयो।”
खमिरलो ओसात्रो
मत्ती 13:33
20फरि येसुये हैओवारो, “परमेस्वरलो ओराज्यलाई ङा कडिसं ङाडान्जिके? 21नो खमीर स्यानाव ची, नो टोबो मेमाये पचास माना कनिलं ओबरायो, होकाम नो स्यान्टै कनि खमीर ओटाव।”
साङगोरो झला
22आबो सहर-सहर सोनो नाङखार-नाङखार यालं नावग्यान पोयोरंग्यान डाडे येसु यरुसलेमडे ओनाव। 23टोबो मीये येसुलाई ओपजोयो, “प्रभु, कडा उड्डार डैनेरं ठोकोज़ यालिज़्याव डोरो?” हैनि पनि येसुये नोरंलाई हैओडोवरं, 24“साङगोरो झलालाम पसिने जोर डाच्यो, कडावार्क, ङा जेलाई हैङाडाच्यो, भ्या मीरं पसिनेपानरं हैनि पनि पसिडुने मालेरं। 25साहुये झला उरुपो पाना जे पाखाकं च्याङसिडे ऐ वार्डे झलायेमकाम घचंघचं झैडे कि:ने जेले, ‘प्रभु, गेलाई झला फैड्यासी’, होकाम नोये ऐ वार्डे जबाक याडे हैवारने ले, ‘जे काङाम जेराव ङा ङाम्स:रेच्योये।’ 26होकाम जे हैवारने जेले, ‘गे नङा:कंज़ गेज़्योव सोनो गेओँव, होसोनो गेगल्लियालं नङ नपोयोरं।’ 27होये हैवारने ले, ‘ङा जेलाई हैङाडाच्योज़्या, जे काङाम जेराव ङा ङामसन। माचाव ये:न डानेरं ङालेवकाम टाडा लेच्यो।’ 28जब जे अब्राहाम, इसहाक, याकुब सोनो स्यान्टै अगमबक्तारंलाई परमेस्वरलो ओराज्यल र:ङने जेले, होकाम जेके पाखाडे ख्यासिव टाने जेले, जे घर्ने जेले होसोनो जेहा कैये-कैये घरनेजेले। 29मीरं पुर्ब, पोछ्योङ, उतर सोनो डखिन ङाम राडे परमेस्वरलो ओराज्यला भट्यारलं चुङने लेरं। 30र:ङच्यो, झिन्डेङा:र ङा:डे सोनो ङा:डेङारं झिन्डे टानेलेरं।”
येसुये यरुसलेमलाई मया डोवये
मत्ती २३:३७-३९
31होबेलाकंज़ कोइ-कोइ फरिसीरं राडे येसुलाई हैयाडोव, “आलाम पुलुडे गनानके, कडालेकं हेरोडये नङलाई सै:ने पानसनज़्याव।” 32येसुये नोरंलाई हैओडोवरं, “नाडे नो स्यालालाई हैडाच्यो, ‘र:ङ, आछिम सोनो पराटि ङा भुतरं ङाखेपैरं होसोनो ससंम्ने ये:न ङाडो, सोङलाका ङाये:न पुरा टानेले। 33होटानि पनि आछिम, पराटि सोनो मछ्या पनि ङा बानेज़ ची, कडालेकं यरुसलेमकाम टङडे काङ्का अगमबक्ता पनि सिने माले।’”
34“यरुसलेम ए यरुसलेम, अगमबक्तारंलाई सै:ने, नङ लेवकं परि:ङसिवरंलाई नङ लुङ-लुङये नझोमरंये! कैजैडे बामाये उचीङनारंलाई ओकर ज्युङलं डुपोरंये, हैजैडेज़ खापाला ङा बाल्खरंलाई डुप्ने युङ ङाडोव, हैनि पनि नङ नम्भनये। 35र:ङ नज़ी:म भट्याबाङ्गो टाडेले। ङा नङलाई हैङाडानज़्या, जोकासमं नङ ‘स्यान्टैराई भन्डा घ्योव प्रभुलो उमिन्ट राने के गराङो ची’ हैनमवार, होका समं नङ ङालाई र:ङने नमले।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025