प्रेरित 4
4
यहुडीरं याडुप्सिने घ्योव ज़ी:मलो ओङा:कं पत्रुस सोनो युहन्नानि
1पत्रुसनि सोनो युहन्नानि मीरासं नेपाङज़्याक, सेवा डोने मीरं सोनो प्रार्ठना डोने ज़ी:मला चौकिडारराई यामुख्यारं सोनो सडुकीरं नोनि लेवकं याराव। 2नोरं रिसिडे यालिज़्याव, कडालेकं नोनि मीरंलाई येसुलो उमिन्ट सिवरं ज्युङडा टारय वार्ने रो: पोयोग्यान प्रचार नेडोज़्याव। 3होकाम होराई नोनिलाई क्योडे ओपराटि समं झ्याललं ठुनिडे यानोयोर, कडालेकं नो बेलाकं नम झ्याडे उलिज़्याव। 4हैनि पनि बचन ठैनेरंकाम बनै भ्या मीराईज़ बिस्वास याडोव, होकाम बिस्वास डोने मीरं खेपार याज़ पाँस हजारया याटाव।
5ओपराटि यहुडी अगंवारं, बुडा पुरानोरं सोनो न्याम पैनेरं यरुसलेमलं याडुप्सिव। 6मुख्या सेवा डोने मी हन्नास, कैयाफा, युहन्ना, अलेकजेन्डर सोनो मुख्या सेवा डोनेराई यासमुहला मीरं स्यान्टै नलं लेवरं। 7नोराई पत्रुसनि सोनो युहन्नानिलाई याखार्ल सच्यानडे यापजोयोरं, “कडि सक्तिये सोनो काङ्कालो उमिनङाम जिन एटाव ये:न जेडोज़्याव?”
8होकाम पत्रुसये चोखो आत्माये ब्यालडे नोरंलाई हैओडोवरं, “ए मीराई यासे:ररं सोनो अगंवारं, 9आछिम गिन टोबो लङ्गरा मीलो ओलागिटं चाव ये:न गेडोकं नो कैजैडे ओसोमो वार्डे जेपजैसिखे भने, 10जे स्यान्टैरंलाई सोनो इस्राएलला स्यान्टै मीरंलाई ठा ओटाकं, जे क्रुसटं जेझुन्डोयो, होसोनो परमेस्वरये सिवलाम ज्युङडा ओझोयो, आव मी हो नासरतला येसु ख्रीस्टलो उमिनट सम्डे जेङा:कं च्याङसिडेले।
11आव हो लुङज़, जोलाई जे,
मिस्त्रीराई हेला जेरो:ङो,
हो आर्क ओगोराटा उगुम लुङ ओटारिव।#भजनरं ११८:२२
12उरु काङ्कायेज़ छुट्कारा मायोव, कडालेकं गे छुट्कारा डैनेलो ओलागिटं स्वर्ग ढुङल मीराई याखार्ल उरु कडि मिनज़ यासिव माले।”
13नोराई पत्रुसनि सोनो युहन्नानि निहिक्मट र:ङडे आवनि के मापरि:व सोनो मासन्ने मीनि ची नेलेव लेव वार्डे ठा सन्डे नोरं अचम्ब याटाव, होकाम नोराई आवनि येसुसं लेवनि वार्डे ठा यासोनो। 14होकाम हो समो मीलाई नोनिसं च्याङसिडे उलिज़्याव र:ङडे होराई कडिज़ मापाङडुरंये। 15ऐ जैडे आवनिलाई यहुडीर याडुप्सिने घ्योव ज़ी:मलाम पाखाडे नाने परिङडे नोरं या-याज़ ऐ वार्डे सल्ला याडोव, 16“गे आव मिनिलाई आबो कै झैनेनि? कडालेकं डस्साज़ आवनिङाम टोबो अचम्बला ये:न टाडेले वार्ने रो: यरुसलेमला स्यान्टै मीराई ठा यासन्डुरं, होकाम गे आव रो:लाई माङ्कची वार्डे हैगेमवार्डु। 17बुरु आव रो: मीराई याखार्ल टाफैलिकं वार्डे ‘फरि आव मिनटं जिन काङ्का मिस कडि पनि टापाङचिन’ वार्डे गे आवनिलाई चेतावनि याव परिये।”
18होकाम नोनिलाई खुल्डे “आबोकाम येसुलो उमिन्ट टापाङचिन होसोनो कडि सिछ्या पनि टापैचिन” वार्डे नोनिलाई आग्या यायोवर।
19होकाम पत्रुसनि सोनो युहन्नानि नोरंलाई हैनेडोवरं, “जेपाङ ठैने चाव सै परमेस्वरलो ओपाङ ठैने, परमेस्वरलो ओङा:कं कडि ठीकं ले? हो जेज़ बिचार डोच्यो। 20कडालेकं गिन के गेठोयो सोनो गेरो:ङो रो:र मापाङडे गेम्लेडु।”
21होराई नोनिलाई सजै याने ओकारनज़ माडैडे नोनिलाई जामा भ्या हक्लैडे यारा:वर, कडालेकं नला टाव घटनार र:ङ्डे मीराई परमेस्वरलो ओप्रसन्सा याडोज़्याव। 22कडालेकं अचम्बला ये:न टाडे समो नो मीलो ओउमेर चालीस बर्सकाम पनि भ्याका लेव।
बिस्वासिराई याप्रार्ठना
23नोनि होलाम छुटिडे नेनैराई लेवकं नेराव, होकाम मुख्या सेवा डोने मीरं सोनो बड्डा पुरानो मीराई हैयावारो स्यान्टै रो: नोरंलाई हैनेडोवर। 24नोराई आव रो: याठोयो, होकाम स्यान्टैये परमेस्वरलाई पुगारिडे हैयावारो, “ए प्रभु, स्वर्ग, प्रिठीबी, समन्डर सोनो होला लेव स्यान्टै बस्त नङज़ नझोयो, 25नङज़ चोखो आत्माङाम नकमारा डाउडलो ओया:लाम हैनवारो,
‘यहुडीरंकाम उरुका मीरं कडाने यारिसिज़्याव,
होकाम मीराई मालेव रो:रं कडाने यासुन्चिज़्याव?
26घ्योव प्रभुलो सोनो अभिसेक टाव उमीराई याबिरोडलं प्रिठीबीला राजारं खप्सिने तयार याटाव,
होकाम सासंकरं टोबोकं याडुप्सिव।’
27कडालेकं डस्साज़ नङ अभिसेक नझोयो, नसेवा डोने चोखो येसुलो उबिरोडलं हेरोड सोनो पन्तियस पिलातसनि नेबऱ्याङज़, यहुडीरकाम यहुडीरंकाम उरुका मीरं सोनो इस्राएलीरासं आव सहरलं डुप्सिडे यालिज़्याव। 28नो ये:न डोनेलो लागिटंज़ जो नसक्ति सोनो नङ नयुङ अनंसार टाने ङा:डेज़ पक्का टाव लेव। 29आबो ए प्रभु, नोराई मीलाई यासचे:ज़्या र:ङ, होकाम नसेवा डोनेरंलाई बनै हिक्मतसं नबचन सठैने बरडान योरं, 30होकाम नकुइये ससम्ने ये:न नडोकं, चोखो नसेवक येसुलो उमिनङाम चिन्नरं सोनो अचम्बला ये:नर ओटाकं।”
31नोराई प्रार्ठना याडोव पान्त्रा नोरं यालिज़्याव पो ओहल्लिव, होकाम नो स्यान्टैरं चोखो आत्माये याब्यालो, होकाम नोराई परमेस्वरलो ओबचन बनै हिक्मतसं यापाङो।
बिस्वासिराई याखार्टा सम्पति
32बिस्वास डोनेरं स्यान्टै टोबो युङला सोनो टोबो युङला टाडे यालिज़्याव, होकाम नोरलाम काङ्काये पनि यास लिज़्याव सम्पतिटाम टके पनि आव ङामि ची वार्डे हैमावार्रये, बुरु नोरासं लेव स्यान्टै बस्त याखार्ट लेव। 33होकाम प्रेरितराई बनै सक्तिसं प्रभु येसु सिडे फरि ज्युङडा ओटाव बारेलं गोहाई योरंये, होकाम परमेस्वरये नोरंलाई बनै आसिक ओयोवरं। 34नोरंकाम काङ्का पनि गरिब मालेवरं, कडालेकं जोराई याजगा सोनो ज़ी:म साहु लेवरं, होराई नो येडे होलो ओये: रैरंये, 35होकाम नो रैडे प्रेरितराई याङा:कं नैड्योरंये, होकाम काङकालाई कडि माडुमज़्या, नो होराई स्यान्टैरंलाई भाडे योरंये।
36होकाम साइप्रसलं लेबी बङसला योसेफ उमिनलेव टोबो मी लेव, जोलाई प्रेरितराई बारनाबास हैयाडोज़्याव (होलो ओमाने जोस यानेलो ओज़ा टाये), 37नोये ओजगा येडे हो पैसा प्रेरितराई याङा:कं ओनैड्योवरं।
ទើបបានជ្រើសរើសហើយ៖
प्रेरित 4: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
प्रेरित 4
4
यहुडीरं याडुप्सिने घ्योव ज़ी:मलो ओङा:कं पत्रुस सोनो युहन्नानि
1पत्रुसनि सोनो युहन्नानि मीरासं नेपाङज़्याक, सेवा डोने मीरं सोनो प्रार्ठना डोने ज़ी:मला चौकिडारराई यामुख्यारं सोनो सडुकीरं नोनि लेवकं याराव। 2नोरं रिसिडे यालिज़्याव, कडालेकं नोनि मीरंलाई येसुलो उमिन्ट सिवरं ज्युङडा टारय वार्ने रो: पोयोग्यान प्रचार नेडोज़्याव। 3होकाम होराई नोनिलाई क्योडे ओपराटि समं झ्याललं ठुनिडे यानोयोर, कडालेकं नो बेलाकं नम झ्याडे उलिज़्याव। 4हैनि पनि बचन ठैनेरंकाम बनै भ्या मीराईज़ बिस्वास याडोव, होकाम बिस्वास डोने मीरं खेपार याज़ पाँस हजारया याटाव।
5ओपराटि यहुडी अगंवारं, बुडा पुरानोरं सोनो न्याम पैनेरं यरुसलेमलं याडुप्सिव। 6मुख्या सेवा डोने मी हन्नास, कैयाफा, युहन्ना, अलेकजेन्डर सोनो मुख्या सेवा डोनेराई यासमुहला मीरं स्यान्टै नलं लेवरं। 7नोराई पत्रुसनि सोनो युहन्नानिलाई याखार्ल सच्यानडे यापजोयोरं, “कडि सक्तिये सोनो काङ्कालो उमिनङाम जिन एटाव ये:न जेडोज़्याव?”
8होकाम पत्रुसये चोखो आत्माये ब्यालडे नोरंलाई हैओडोवरं, “ए मीराई यासे:ररं सोनो अगंवारं, 9आछिम गिन टोबो लङ्गरा मीलो ओलागिटं चाव ये:न गेडोकं नो कैजैडे ओसोमो वार्डे जेपजैसिखे भने, 10जे स्यान्टैरंलाई सोनो इस्राएलला स्यान्टै मीरंलाई ठा ओटाकं, जे क्रुसटं जेझुन्डोयो, होसोनो परमेस्वरये सिवलाम ज्युङडा ओझोयो, आव मी हो नासरतला येसु ख्रीस्टलो उमिनट सम्डे जेङा:कं च्याङसिडेले।
11आव हो लुङज़, जोलाई जे,
मिस्त्रीराई हेला जेरो:ङो,
हो आर्क ओगोराटा उगुम लुङ ओटारिव।#भजनरं ११८:२२
12उरु काङ्कायेज़ छुट्कारा मायोव, कडालेकं गे छुट्कारा डैनेलो ओलागिटं स्वर्ग ढुङल मीराई याखार्ल उरु कडि मिनज़ यासिव माले।”
13नोराई पत्रुसनि सोनो युहन्नानि निहिक्मट र:ङडे आवनि के मापरि:व सोनो मासन्ने मीनि ची नेलेव लेव वार्डे ठा सन्डे नोरं अचम्ब याटाव, होकाम नोराई आवनि येसुसं लेवनि वार्डे ठा यासोनो। 14होकाम हो समो मीलाई नोनिसं च्याङसिडे उलिज़्याव र:ङडे होराई कडिज़ मापाङडुरंये। 15ऐ जैडे आवनिलाई यहुडीर याडुप्सिने घ्योव ज़ी:मलाम पाखाडे नाने परिङडे नोरं या-याज़ ऐ वार्डे सल्ला याडोव, 16“गे आव मिनिलाई आबो कै झैनेनि? कडालेकं डस्साज़ आवनिङाम टोबो अचम्बला ये:न टाडेले वार्ने रो: यरुसलेमला स्यान्टै मीराई ठा यासन्डुरं, होकाम गे आव रो:लाई माङ्कची वार्डे हैगेमवार्डु। 17बुरु आव रो: मीराई याखार्ल टाफैलिकं वार्डे ‘फरि आव मिनटं जिन काङ्का मिस कडि पनि टापाङचिन’ वार्डे गे आवनिलाई चेतावनि याव परिये।”
18होकाम नोनिलाई खुल्डे “आबोकाम येसुलो उमिन्ट टापाङचिन होसोनो कडि सिछ्या पनि टापैचिन” वार्डे नोनिलाई आग्या यायोवर।
19होकाम पत्रुसनि सोनो युहन्नानि नोरंलाई हैनेडोवरं, “जेपाङ ठैने चाव सै परमेस्वरलो ओपाङ ठैने, परमेस्वरलो ओङा:कं कडि ठीकं ले? हो जेज़ बिचार डोच्यो। 20कडालेकं गिन के गेठोयो सोनो गेरो:ङो रो:र मापाङडे गेम्लेडु।”
21होराई नोनिलाई सजै याने ओकारनज़ माडैडे नोनिलाई जामा भ्या हक्लैडे यारा:वर, कडालेकं नला टाव घटनार र:ङ्डे मीराई परमेस्वरलो ओप्रसन्सा याडोज़्याव। 22कडालेकं अचम्बला ये:न टाडे समो नो मीलो ओउमेर चालीस बर्सकाम पनि भ्याका लेव।
बिस्वासिराई याप्रार्ठना
23नोनि होलाम छुटिडे नेनैराई लेवकं नेराव, होकाम मुख्या सेवा डोने मीरं सोनो बड्डा पुरानो मीराई हैयावारो स्यान्टै रो: नोरंलाई हैनेडोवर। 24नोराई आव रो: याठोयो, होकाम स्यान्टैये परमेस्वरलाई पुगारिडे हैयावारो, “ए प्रभु, स्वर्ग, प्रिठीबी, समन्डर सोनो होला लेव स्यान्टै बस्त नङज़ नझोयो, 25नङज़ चोखो आत्माङाम नकमारा डाउडलो ओया:लाम हैनवारो,
‘यहुडीरंकाम उरुका मीरं कडाने यारिसिज़्याव,
होकाम मीराई मालेव रो:रं कडाने यासुन्चिज़्याव?
26घ्योव प्रभुलो सोनो अभिसेक टाव उमीराई याबिरोडलं प्रिठीबीला राजारं खप्सिने तयार याटाव,
होकाम सासंकरं टोबोकं याडुप्सिव।’
27कडालेकं डस्साज़ नङ अभिसेक नझोयो, नसेवा डोने चोखो येसुलो उबिरोडलं हेरोड सोनो पन्तियस पिलातसनि नेबऱ्याङज़, यहुडीरकाम यहुडीरंकाम उरुका मीरं सोनो इस्राएलीरासं आव सहरलं डुप्सिडे यालिज़्याव। 28नो ये:न डोनेलो लागिटंज़ जो नसक्ति सोनो नङ नयुङ अनंसार टाने ङा:डेज़ पक्का टाव लेव। 29आबो ए प्रभु, नोराई मीलाई यासचे:ज़्या र:ङ, होकाम नसेवा डोनेरंलाई बनै हिक्मतसं नबचन सठैने बरडान योरं, 30होकाम नकुइये ससम्ने ये:न नडोकं, चोखो नसेवक येसुलो उमिनङाम चिन्नरं सोनो अचम्बला ये:नर ओटाकं।”
31नोराई प्रार्ठना याडोव पान्त्रा नोरं यालिज़्याव पो ओहल्लिव, होकाम नो स्यान्टैरं चोखो आत्माये याब्यालो, होकाम नोराई परमेस्वरलो ओबचन बनै हिक्मतसं यापाङो।
बिस्वासिराई याखार्टा सम्पति
32बिस्वास डोनेरं स्यान्टै टोबो युङला सोनो टोबो युङला टाडे यालिज़्याव, होकाम नोरलाम काङ्काये पनि यास लिज़्याव सम्पतिटाम टके पनि आव ङामि ची वार्डे हैमावार्रये, बुरु नोरासं लेव स्यान्टै बस्त याखार्ट लेव। 33होकाम प्रेरितराई बनै सक्तिसं प्रभु येसु सिडे फरि ज्युङडा ओटाव बारेलं गोहाई योरंये, होकाम परमेस्वरये नोरंलाई बनै आसिक ओयोवरं। 34नोरंकाम काङ्का पनि गरिब मालेवरं, कडालेकं जोराई याजगा सोनो ज़ी:म साहु लेवरं, होराई नो येडे होलो ओये: रैरंये, 35होकाम नो रैडे प्रेरितराई याङा:कं नैड्योरंये, होकाम काङकालाई कडि माडुमज़्या, नो होराई स्यान्टैरंलाई भाडे योरंये।
36होकाम साइप्रसलं लेबी बङसला योसेफ उमिनलेव टोबो मी लेव, जोलाई प्रेरितराई बारनाबास हैयाडोज़्याव (होलो ओमाने जोस यानेलो ओज़ा टाये), 37नोये ओजगा येडे हो पैसा प्रेरितराई याङा:कं ओनैड्योवरं।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025