प्रेरित 2
2
पेन्तिकोस छ्याम चोखो आत्मा ओराव
1पेन्तिकोस पर्ब छ्याम येसुलाई बिस्वास डोनेरं स्यान्टै टोबोकं डुप्सिडे यालिज़्याव।#लेबी २३:१५-२१; न्याम १६:९-११ 2होकाम स्वर्गटाम अम्ल्याङसानि बनै घ्योव बतासंलो उघुँइका मान्टिव गा ओठोयो। होकाम हो ओगाये नोरं यालिज़्याव ज़ी:मज़ स्यान्टै ओब्यालो।
3नोराई से स्यानाव मे:लो ओलप्का यारो:ङो, होकाम ओभा-ओभा टाडे स्यान्टैराई याक्याङटं ओराव। 4होकाम नोरं स्यान्टै चोखो आत्माये याब्यालो, होकाम चोखो आत्माये नोरंलाई ओयोव सक्ति अनंसार छुटं पाङङाम पाङने सुरु याडोव।
5हो बेलाकं नम ढुङलं प्रिठिबिला लेव स्यान्टै डेसलाम राव परमेस्वरलो ओछ्या डोने यहुडीरं यरुसलेमलं यालिज़्याव। 6होकाम नो मीराई एटानाव गा ठैडे बनै भ्या मीरं याडुप्सिव। होकाम नोरं बनै अचम्ब याटाव, कडालेकं नोरं स्यान्टै होला च्याङसिडे लिज़्याव मीराई यापाङङाम यापाङज़्याव याठोयो। 7नोरं बनै अचम्ब टाडे हैयावारो, “आव पाङज़्यावरं स्यान्टै गालीलला मीरं माङ्करं डोरो? 8होकाम आवरं कैजैडे गे गेपाङ यापाङज़्यावखेने? 9गे आलं पार्ठिरं, माडीरं सोनो एलामीरं, मेसोपोटामियाला, यहुडियाला, कापाडोकियाला, पोन्टस सोनो एसियाला लेने मीरं गेलिज़्या, 10होकाम फ्रिगिया, पामफिलिया, मिस्र सोनो कुरेनिलो ओछ्योका लिबियाला डेस सोनो रोमङाम राव, 11यहुडीरं होसोनो यहुडी न्याम मानिनेरं गेलिज़्या, क्रेटला मीरं सोनो अरंबीरं पनि गेलिज़्या, होकाम नोरके गे स्यान्टैराई पाङङाम ची परमेस्वरये ओडोव घ्यो-घ्योव ये:नलो ओरो: याडोज़्याव गेठैज़्या।” 12नोरं स्यान्टै अचम्ब सोनो अल्ल न मल्ल टाडे यायाज़ ऐ वार्डे यापाङो, “आवलो ओमाने कडि?”
13होकाम यहुडीरंकाम उरुका मीराई खिजैडे हैयावारो, “नोरं सा:रौ मड्ड ओँडे म:ङडेलेरं।”
पत्रुसलो ओसोर
14होकाम पत्रुसये एघार जनारासं च्याङसिडे नोरंलाई कि:डे हैओडोवरं, “यहुडियाला मीरं, सोनो यरुसलेमला लेने स्यान्टै मीरं, जेलाई आव कै ओटाज़्याव वार्ने रो:लो ओमाने ठा गटाकं, होकाम ङारो: ठैच्यो। 15कडालेकं जे जिसुन्चिव मान्टि आवरं म:ङडे यालिज़्याव माङ्करं ची, कडालेकं आर्क के बाभाज़ छकाल्नेका नौ बजिज़्या। 16हैनि पनि परमेस्वरये योयेल अगमबक्ताङाम ओपाङो रो: आवज़,
17‘आखिरला डिनल एटाव टानेले वार्डे परमेस्वरये हैवार्डेले,
ङा स्यान्टै मीरंलाई ङाआत्मा ठर्ड्यानेरंङाले,
होकाम नोराई खेपा याज़ाराई, सोनो मेमा याज़ाराई ङासोर सठैनेलेरं,
होकाम नोराई ढापा यामीराई डर्सन र:ङनेलेरं,
होसोनो पुरानो बड्डा जिमीराई यामङलं डर्सन र:ङनेलेरं।#योएल २:२८-३२
18ङा नो बेलाकं, ङाकमारा सोनो ङाकमार्नीरंलाई ङाआत्मा ठर्ड्यानेरंङाले,
होकाम नोराई ङासोर सठैने लेरं।
19ङा रोट्ट नम्ट अचम्बला चिन्नरं सतन्नेङाले,
होसोनो मेलं प्रिठीबीलं अचम्बला ये:न डोनेङाले।
झी, मे: सोनो मि:कुलो उमुल्का सतन्नेङाले।
20घ्योव प्रभुलो सोनो ओमान डोने डिन राने भन्डा ङा:डे
निमि अन्ड्यारो सोनो स्यावै झी मान्टिव टानेले।
21जो जोये घ्योव प्रभुलो उमिन रोयो, होये छुट्कारा डैनेले’।”
22“इस्राएलला मीरं, आवरो: ठैच्यो, नासरतला येसु एटाव मी लेव, जोलो उकुइटाम परमेस्वरये सक्तिला ये:नरं, अचम्बला ये:नरं सोनो चिन्नरं डोडे जेङा:कं प्रमाम ओयोव। जेलाई ठाज़ले परमेस्वरये जे जेखार्ल येसुलो उकुइङाम आव ये:नरं ओडोव ची। 23परमेस्वरये ङा:डेकामज़ पक्का जैडे ओनैज़्याव योजना अनंसार क्यो:सिव आव येसुलाईज़ जे माचाव मीराई याकुइटाम क्रुसटं टाङगिडे जेसै:खे।” 24येसुलाई परमेस्वरये सिने डुखंलाम हाइडे ज्युङडा ओझोयो। कडालेकं नोलाई सिने कालये पनि क्योडे मानैडुव,#मत्ती २८:५-६; मर्कुस १६:६ 25कडालेकं डाउडये येसुलो ओबारेलं हैवार्ये,
प्रभुलाई ङा एकसप्ड्याज़ ङाङा:कं ङानोयो,
कडालेकं ङा पक्का ङालेडुकं वार्डे हो ङाकाम वो:रडे लेय।
26हैजैडे ङायुङलं आनन्ड लिज़्या,
होसोनो ङाया: सान्तिसं पाङज़्या।
होज़, ङाज्युये पनि आस डोसिव रो:टं बान्चिनेले।
27कडालेकं नङ ङापोहोनलाई पटाललं ख्यानैने नम्ले,
नङ चोखो नमिलो ओक्याङ चिउ नम्यो।
28नङ ङालाई जीबन डैने येमरं नपैसङखे,
नङ ङालाई नछ्योकं बनै आनन्ड झैने नले।
29“भाइरं, ङा जेलाई गेपुर्खा डाउडलो ओबारेलं बिस्वाससं हैङाडाच्योडु, हो सिडे ओगाडिसिव, ओखाडर आछिमका डिन समंज़ लिज़्या। 30हैजैडेज़ अगमबक्ता ओटाव कारनये, परमेस्वरये ओडोव बाचा डाउडलाई ठा लेव परमेस्वरये नोलो ओसन्तानरंलामज़ डाउडलाई मान्टिव टोबोलाई राजा जैडे सिहासनटं सुचुन्ने ले। 31आव र:ङडे होये ओङाडेज़ ख्रीस्टलो फरि ज्युङडा ओटाने बारेल हैओवारो नो न पटाललं ओरंहिव न नोलो ओक्याङ उचिव।” 32आव येसुलाईज़ परमेस्वरये ज्युङडा ओझोयो। आव रो:लो ओसाची गे स्यान्टैज़ गेलिज़्या 33ऐजैडे परमेस्वये वो:रडेङा उकुइडे सुचुन्डे घ्योव ओझोयो, होकाम परमेस्वर बाबुय बाचा ओडोव अनंसार प्रभु येसुलाई चोखो आत्मा ओयोव, होकाम हो चोखो आत्मा गेलाई ओठर्ड्यासिव ची, जो जे जेठैज़्या होसोनो जेर:ङज़्या। 34कडालेकं डाउड के स्वर्गट उपुलुव माले, हैनि पनि नोये ओलज़ हैवार्ये,
घ्योव प्रभुये ङाप्रभुलाई हैओडोव,
नङ ङाछ्योकं वो:र्डे चुङसिन
35जोका समं नसुतररंलाई
नखङ ढुङलं लेने ङाम्झैरं।
36“ऐ जैडे इस्राएलला स्यान्टै मीराई आव ठा ओसनरंकं, जे क्रुसटं जेटाङ्गिव येसुलाईज़, परमेस्वरये प्रभु सोनो छुट्कारा याने ख्रीस्ट झैडेनोयो।”
37पत्रुसये हैओवारो रो: नोराई यायुङटं ओटो:लो, होकाम नोराई पत्रुस सोनो उरुका प्रेरितरंलाई यापजोयोरं, “ए भाइरं, होटावसं गे कैलेने?” 38पत्रुसये नोरंलाई हैओडोवरं, “पापलाम वोल्च्यो, होकाम जेपाप छेमालो लागिटं येसु ख्रीस्टलो उमिन्ट जे स्यान्टैये बप्तिस्मा रैच्यो, होकाम जे चोखो आत्मालो ओबरडान डैनेजेले। 39कडालेकं बाचा जेलागिटं, जेसन्तानराई यालागिटं सोनो टाडा टाडाङा लिज़्यावरं स्यान्टैराई यालागिटं ची, हो स्यान्टैरं जोरंलाई प्रभु गेपरमेस्वरये खुल्डेनोयोरं।”
40पत्रुसये नोरंलाई छुटं उरु भ्या रो:रं हैडाडे गोहाई ओयोवरं, होकाम ऐ वार्डे नोरंलाई चावसं चेतावनि याडे हैओडोवरंं, “आजिकालका बनै माचाव पुस्तालो ओतर्ट राने डन्डटाम जोगैसिच्यो।” 41बनै भ्या मीराई पत्रुसये हैओवारो सोरटं बिस्वास डोडे बप्तिस्मा यारोयो। नो छ्याम बप्तिस्मा रैने मीरं ठोकै सोङहजारया याराव। 42होकाम नोराई प्रेरितरासं एकसप्ड्याज़ पैसिने, सङ्गति डोने, ज़्याने ओँने होसोनो प्रार्ठना डोरंये।
बिस्वासीराई डिनका याजीबन
43प्रेरितराई याकुइटाम बनै अचम्बला ये:न सोनो चिन्नरं ओटाव होकाम नो र:ङडे स्यान्टै मीरं यायुङलं बनै याछेव। 44बिस्वास डोने भरिर स्यान्टै बोलोङ यालिज़्याव, होकाम नोराई यासं लेव स्यान्जाति याखार्ट लेव। 45नोराई यासम्पति सोनो यासं लेव बस्तरं येडे जो-जोरंलाई जोज़ माडुमज़्या स्यान्टैरंलाई होज़ भाडे योरंये। 46नोरं स्यान्टै टोबो युङ्का टाडे प्रार्ठना डोने ज़ी:मलं टखेपटं डुप्सिरंये, होकाम पालो डोडे ज़ी:म-ज़ी:मलं बरे ज़्योरंये, होकाम नोरं चाव युङसं सोनो खुसिसं मिलिडे ज़्योरंये। 47होकाम एक्सप्ड्या परमेस्वरलो ओप्रसन्सा डोरंये। यहुडीरंकाम उरुका मीराई पनि नोरंलाई चावरज़ याडोज़्यावरं। छुट्कारा डैनेरंलाई प्रभुये डिनकापतिज़ ओबडैज़्यावरं।
ទើបបានជ្រើសរើសហើយ៖
प्रेरित 2: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
प्रेरित 2
2
पेन्तिकोस छ्याम चोखो आत्मा ओराव
1पेन्तिकोस पर्ब छ्याम येसुलाई बिस्वास डोनेरं स्यान्टै टोबोकं डुप्सिडे यालिज़्याव।#लेबी २३:१५-२१; न्याम १६:९-११ 2होकाम स्वर्गटाम अम्ल्याङसानि बनै घ्योव बतासंलो उघुँइका मान्टिव गा ओठोयो। होकाम हो ओगाये नोरं यालिज़्याव ज़ी:मज़ स्यान्टै ओब्यालो।
3नोराई से स्यानाव मे:लो ओलप्का यारो:ङो, होकाम ओभा-ओभा टाडे स्यान्टैराई याक्याङटं ओराव। 4होकाम नोरं स्यान्टै चोखो आत्माये याब्यालो, होकाम चोखो आत्माये नोरंलाई ओयोव सक्ति अनंसार छुटं पाङङाम पाङने सुरु याडोव।
5हो बेलाकं नम ढुङलं प्रिठिबिला लेव स्यान्टै डेसलाम राव परमेस्वरलो ओछ्या डोने यहुडीरं यरुसलेमलं यालिज़्याव। 6होकाम नो मीराई एटानाव गा ठैडे बनै भ्या मीरं याडुप्सिव। होकाम नोरं बनै अचम्ब याटाव, कडालेकं नोरं स्यान्टै होला च्याङसिडे लिज़्याव मीराई यापाङङाम यापाङज़्याव याठोयो। 7नोरं बनै अचम्ब टाडे हैयावारो, “आव पाङज़्यावरं स्यान्टै गालीलला मीरं माङ्करं डोरो? 8होकाम आवरं कैजैडे गे गेपाङ यापाङज़्यावखेने? 9गे आलं पार्ठिरं, माडीरं सोनो एलामीरं, मेसोपोटामियाला, यहुडियाला, कापाडोकियाला, पोन्टस सोनो एसियाला लेने मीरं गेलिज़्या, 10होकाम फ्रिगिया, पामफिलिया, मिस्र सोनो कुरेनिलो ओछ्योका लिबियाला डेस सोनो रोमङाम राव, 11यहुडीरं होसोनो यहुडी न्याम मानिनेरं गेलिज़्या, क्रेटला मीरं सोनो अरंबीरं पनि गेलिज़्या, होकाम नोरके गे स्यान्टैराई पाङङाम ची परमेस्वरये ओडोव घ्यो-घ्योव ये:नलो ओरो: याडोज़्याव गेठैज़्या।” 12नोरं स्यान्टै अचम्ब सोनो अल्ल न मल्ल टाडे यायाज़ ऐ वार्डे यापाङो, “आवलो ओमाने कडि?”
13होकाम यहुडीरंकाम उरुका मीराई खिजैडे हैयावारो, “नोरं सा:रौ मड्ड ओँडे म:ङडेलेरं।”
पत्रुसलो ओसोर
14होकाम पत्रुसये एघार जनारासं च्याङसिडे नोरंलाई कि:डे हैओडोवरं, “यहुडियाला मीरं, सोनो यरुसलेमला लेने स्यान्टै मीरं, जेलाई आव कै ओटाज़्याव वार्ने रो:लो ओमाने ठा गटाकं, होकाम ङारो: ठैच्यो। 15कडालेकं जे जिसुन्चिव मान्टि आवरं म:ङडे यालिज़्याव माङ्करं ची, कडालेकं आर्क के बाभाज़ छकाल्नेका नौ बजिज़्या। 16हैनि पनि परमेस्वरये योयेल अगमबक्ताङाम ओपाङो रो: आवज़,
17‘आखिरला डिनल एटाव टानेले वार्डे परमेस्वरये हैवार्डेले,
ङा स्यान्टै मीरंलाई ङाआत्मा ठर्ड्यानेरंङाले,
होकाम नोराई खेपा याज़ाराई, सोनो मेमा याज़ाराई ङासोर सठैनेलेरं,
होकाम नोराई ढापा यामीराई डर्सन र:ङनेलेरं,
होसोनो पुरानो बड्डा जिमीराई यामङलं डर्सन र:ङनेलेरं।#योएल २:२८-३२
18ङा नो बेलाकं, ङाकमारा सोनो ङाकमार्नीरंलाई ङाआत्मा ठर्ड्यानेरंङाले,
होकाम नोराई ङासोर सठैने लेरं।
19ङा रोट्ट नम्ट अचम्बला चिन्नरं सतन्नेङाले,
होसोनो मेलं प्रिठीबीलं अचम्बला ये:न डोनेङाले।
झी, मे: सोनो मि:कुलो उमुल्का सतन्नेङाले।
20घ्योव प्रभुलो सोनो ओमान डोने डिन राने भन्डा ङा:डे
निमि अन्ड्यारो सोनो स्यावै झी मान्टिव टानेले।
21जो जोये घ्योव प्रभुलो उमिन रोयो, होये छुट्कारा डैनेले’।”
22“इस्राएलला मीरं, आवरो: ठैच्यो, नासरतला येसु एटाव मी लेव, जोलो उकुइटाम परमेस्वरये सक्तिला ये:नरं, अचम्बला ये:नरं सोनो चिन्नरं डोडे जेङा:कं प्रमाम ओयोव। जेलाई ठाज़ले परमेस्वरये जे जेखार्ल येसुलो उकुइङाम आव ये:नरं ओडोव ची। 23परमेस्वरये ङा:डेकामज़ पक्का जैडे ओनैज़्याव योजना अनंसार क्यो:सिव आव येसुलाईज़ जे माचाव मीराई याकुइटाम क्रुसटं टाङगिडे जेसै:खे।” 24येसुलाई परमेस्वरये सिने डुखंलाम हाइडे ज्युङडा ओझोयो। कडालेकं नोलाई सिने कालये पनि क्योडे मानैडुव,#मत्ती २८:५-६; मर्कुस १६:६ 25कडालेकं डाउडये येसुलो ओबारेलं हैवार्ये,
प्रभुलाई ङा एकसप्ड्याज़ ङाङा:कं ङानोयो,
कडालेकं ङा पक्का ङालेडुकं वार्डे हो ङाकाम वो:रडे लेय।
26हैजैडे ङायुङलं आनन्ड लिज़्या,
होसोनो ङाया: सान्तिसं पाङज़्या।
होज़, ङाज्युये पनि आस डोसिव रो:टं बान्चिनेले।
27कडालेकं नङ ङापोहोनलाई पटाललं ख्यानैने नम्ले,
नङ चोखो नमिलो ओक्याङ चिउ नम्यो।
28नङ ङालाई जीबन डैने येमरं नपैसङखे,
नङ ङालाई नछ्योकं बनै आनन्ड झैने नले।
29“भाइरं, ङा जेलाई गेपुर्खा डाउडलो ओबारेलं बिस्वाससं हैङाडाच्योडु, हो सिडे ओगाडिसिव, ओखाडर आछिमका डिन समंज़ लिज़्या। 30हैजैडेज़ अगमबक्ता ओटाव कारनये, परमेस्वरये ओडोव बाचा डाउडलाई ठा लेव परमेस्वरये नोलो ओसन्तानरंलामज़ डाउडलाई मान्टिव टोबोलाई राजा जैडे सिहासनटं सुचुन्ने ले। 31आव र:ङडे होये ओङाडेज़ ख्रीस्टलो फरि ज्युङडा ओटाने बारेल हैओवारो नो न पटाललं ओरंहिव न नोलो ओक्याङ उचिव।” 32आव येसुलाईज़ परमेस्वरये ज्युङडा ओझोयो। आव रो:लो ओसाची गे स्यान्टैज़ गेलिज़्या 33ऐजैडे परमेस्वये वो:रडेङा उकुइडे सुचुन्डे घ्योव ओझोयो, होकाम परमेस्वर बाबुय बाचा ओडोव अनंसार प्रभु येसुलाई चोखो आत्मा ओयोव, होकाम हो चोखो आत्मा गेलाई ओठर्ड्यासिव ची, जो जे जेठैज़्या होसोनो जेर:ङज़्या। 34कडालेकं डाउड के स्वर्गट उपुलुव माले, हैनि पनि नोये ओलज़ हैवार्ये,
घ्योव प्रभुये ङाप्रभुलाई हैओडोव,
नङ ङाछ्योकं वो:र्डे चुङसिन
35जोका समं नसुतररंलाई
नखङ ढुङलं लेने ङाम्झैरं।
36“ऐ जैडे इस्राएलला स्यान्टै मीराई आव ठा ओसनरंकं, जे क्रुसटं जेटाङ्गिव येसुलाईज़, परमेस्वरये प्रभु सोनो छुट्कारा याने ख्रीस्ट झैडेनोयो।”
37पत्रुसये हैओवारो रो: नोराई यायुङटं ओटो:लो, होकाम नोराई पत्रुस सोनो उरुका प्रेरितरंलाई यापजोयोरं, “ए भाइरं, होटावसं गे कैलेने?” 38पत्रुसये नोरंलाई हैओडोवरं, “पापलाम वोल्च्यो, होकाम जेपाप छेमालो लागिटं येसु ख्रीस्टलो उमिन्ट जे स्यान्टैये बप्तिस्मा रैच्यो, होकाम जे चोखो आत्मालो ओबरडान डैनेजेले। 39कडालेकं बाचा जेलागिटं, जेसन्तानराई यालागिटं सोनो टाडा टाडाङा लिज़्यावरं स्यान्टैराई यालागिटं ची, हो स्यान्टैरं जोरंलाई प्रभु गेपरमेस्वरये खुल्डेनोयोरं।”
40पत्रुसये नोरंलाई छुटं उरु भ्या रो:रं हैडाडे गोहाई ओयोवरं, होकाम ऐ वार्डे नोरंलाई चावसं चेतावनि याडे हैओडोवरंं, “आजिकालका बनै माचाव पुस्तालो ओतर्ट राने डन्डटाम जोगैसिच्यो।” 41बनै भ्या मीराई पत्रुसये हैओवारो सोरटं बिस्वास डोडे बप्तिस्मा यारोयो। नो छ्याम बप्तिस्मा रैने मीरं ठोकै सोङहजारया याराव। 42होकाम नोराई प्रेरितरासं एकसप्ड्याज़ पैसिने, सङ्गति डोने, ज़्याने ओँने होसोनो प्रार्ठना डोरंये।
बिस्वासीराई डिनका याजीबन
43प्रेरितराई याकुइटाम बनै अचम्बला ये:न सोनो चिन्नरं ओटाव होकाम नो र:ङडे स्यान्टै मीरं यायुङलं बनै याछेव। 44बिस्वास डोने भरिर स्यान्टै बोलोङ यालिज़्याव, होकाम नोराई यासं लेव स्यान्जाति याखार्ट लेव। 45नोराई यासम्पति सोनो यासं लेव बस्तरं येडे जो-जोरंलाई जोज़ माडुमज़्या स्यान्टैरंलाई होज़ भाडे योरंये। 46नोरं स्यान्टै टोबो युङ्का टाडे प्रार्ठना डोने ज़ी:मलं टखेपटं डुप्सिरंये, होकाम पालो डोडे ज़ी:म-ज़ी:मलं बरे ज़्योरंये, होकाम नोरं चाव युङसं सोनो खुसिसं मिलिडे ज़्योरंये। 47होकाम एक्सप्ड्या परमेस्वरलो ओप्रसन्सा डोरंये। यहुडीरंकाम उरुका मीराई पनि नोरंलाई चावरज़ याडोज़्यावरं। छुट्कारा डैनेरंलाई प्रभुये डिनकापतिज़ ओबडैज़्यावरं।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025