यहुन्ना 3
3
निकोदेमस सनर येशु
1फरिसीयाङ मध्य निकोदेमस मिनला तोलोअ रु यहूदीयाङल आराधना झिमला अगवा लेऊ। 2तयोअ रिउल नका येशु ल्योङ रा:स्यु ऐआढोव, “गुरुज्यू, गे ऐसन्या। नङ परमेस्वर ङन रांन्या गुरु ज्या, दानाङभन्या परमेस्वरसं बोलोङ मालेन्कन ईका नङ नढान्या अचम्मला कामयाङ काङ्काईले ढाऔ माढुदुऊदी।” 3येशुले नकाजन जबाक आयोव, “मछ्यु ङा नङजन ऐढाना,#3:3 निकोदेमसजन बिस्वास त अझै बलल्या जाटौ आरोकौ यदि काङ्काङ छार ताइस्यु फरि माजर्मिरकन नकाङै परमेस्वरलं राज्य रङौ माढुदुरदी।” 4निकोदेमसले येशुजन ऐआढोव, “रु शेरस्यु कैलेस्यु फरि जर्मिऊ ढुदुऊका? नैति ना आअमाल गर्बल फरि तपाला पसिस्यु जर्मिऊ ढुदुवा का?”
5येशुले जबाक आयोव, “मछ्यु ङा नङजन ऐढाना, काङ्काङ री सनर आत्माङन माजर्मिकन#3:5 री सनर आत्माङन जर्मिचिते “री” इल छरलङ्गै “बप्तिस्मा” जन थनन्या ढोवा। परमेस्वरलं राज्यल पसिऊ माढुदुऊदी। 6बुललन जर्मिन्या बुल ज्या, ओटन आत्माङन जर्मिन्या आत्मा ज्या। 7ङा नङजन छार ताइस्यु जर्मिन्याताहा ऐङालेऊक अचम्म तामानि। 8घूईका जोदेए ङप्सी ओदेएजै उदिया। नङ घूईकाल ग़ा ऐठएना, तर ना काङन रांऔ, ओटन कान्देए हिनौ ना मासनन्दी। आत्माङन जर्मिन्या सोगलै रुयाङ नैज ताइरा।”#उपदेशक ११:५ 9निकोदेमसले येशुजन आगिनौ, “नै कढाई ताहौ आढुदुऊ?” 10येशुले नाजन जबाक आयोव, “नङ इस्राएलला मानिसिन्या गुरु ताइस्यु बै ईका छेन नमासन्नु?” 11मछ्यु ङा नङजन ऐढाना, गे जो सनई नाइ पान्या, ओटन गे जो रङस्यु गेलेयिउ नाइ बयन योंया, तर जे गे बयन माकोन्चिदी। 12ङा जेजन पिरथ्बीला छेन ङापानस्याचिऊ ओटन बै जे बिस्वास माढोचिदी, ओटन जेजन स्वर्गला छेन पानस्याच्योकन कढाई बिस्वास ढोच्यो? 13ओटन स्वर्गत हिनस्यु लांइस्यु रांन्या रुल ज़ा बाहेक अपुर काङ्काई माल्दी।#यहुन्ना ६:३८ 14जोमनलेस्यु मोशाले हरहर ताइन्या पोल डाङजन आछेनौ, नैलेस्युजै रुल ज़ा, बै छेन्सिन्या लेया,#यहुन्ना ८:२८; गन्ती २१:९ 15ओटन जोले ओजन बिस्वास ढोव, ओले अनन्त जिबन डोएवा। 16“दानाङभन्या परमेस्वरले सङ्सारजन ऐटाइन्या प्रेम आढोव, कि ओले आमि तोलोअ याएज ज़ा आयोव, ताकि ओजन बिस्वास ढान्या काङ्काई बै नास ताटाइत्या, तर नकाले अनन्त जिबन ग्याडोटौत्या। 17दानाङभन्या परमेस्वरले सङ्सारजन निया ढान्या ऐलेस्यु रुल ज़ाजन सङ्सारलं आपरिङौ माङडी, तर सङ्सारले ओल्योङन उद्दार ग्याडोटौत्या ऐलेस्यु आपरिङौ हो। 18जोले ओलं यर्त बिस्वास माढोव, नका हादेए जै नियाल परीस्यु लेया, तर बिस्वास ढान्या नियाल मापरिदी, दानाङभन्या नाले तोलोअ परमेस्वरलं ज़ाल मिनतन याएज बिस्वास ढास्यु लेया।#यहुन्ना ५:१० 19निर्नय आकाई ज्या ज्योति सङ्सारलं रा:स्यु लेया, तर रुयाङै ज्योतिल भन्या बरु च्युऊन्याजन रांनिजिऊ, दानाङभन्या नकाङल काम माचान्या लेऊ। 20दानाङभन्या माचान्या काम ढान्या सोगलैले ज्योतिजन सज्युरा, ओटन ज्योतित मारारदी, मानकन्ता नकाङल कामयाङ रंनन्या लेरा। 21सत्यङन बान्चिन्या रु ज्योतित रांया, ओटन नैताइस्यु नाले आढान्या कामयाङ परमेस्वरङन ढासिन्या ज्या ऐलेन्या छरलङ्गै रंना।”
येशु सनर यहुन्ना
22ओलं छिन्ट येशु सनर आ सिइयाङ यहूदिया प्रदेसलं हिन्वाङ, ओटन नङ नकाङ सकाए तचिइ दिन लिज्यास्यु बप्तिस्मा आयोवाङ। 23यहुन्नाले बै सालीमल वङ्क एनोनल#3:23 “इनोन” या “ऐनोन” शब्दल अर्थ “तोलोअ रुका” बप्तिस्मा यांज्याऔ, दानाङभन्या नङ री खाटखाट लेऊ। नाबेला नल रुयाङ रांज्यारा ओटन ओले नल बप्तिस्मा यांज्याऔ। 24यहुन्ना नवाए बेला समन कैदल परीस्यु मालेऊ।#मत्ती १४:३; मर्कुस ६:१७; लूका ३:१९-२०
25नाइ बेला यहुन्नाल सिइयाङ तोलोअ यहूदीसकाए चोखाइसिन्यालं बारेल यिसीइ ताहौ। 26आल्योङ रा:स्यु नकाङै यहुन्नाजन ऐराढोव, “गुरु यर्दनल पुर्ब हूत जो नङसं लिज्याऔ, जोल बारेङन नङ बयन नयोनु, ब्याएते, ओले बप्तिस्मा योंज्याया, ओटन सोगलै ओ लेऊ देए हिनज्यारा।” 27यहुन्नाले नकाङजन जबाक आयोवाङ, “जब समन स्वर्गङन रुजन मायासी तब समन नाले नैज छेन डोटौ माढुदुऊदी। 28‘ङा ख्रीस्ट माङडी, तर ङा ओटन हादेए ङापरिङसिङु हो’ ऐलेन्या ङामि बयन जे जै यांज्याच्या।#यहुन्ना १:२०; मलाकी ३:१ 29जोसकाए दुलही ले, दुलाहा ओइ ज्या। दुलाहाल न्हाए नाइ ज्या जो आलेऊक च्याङज्या, ओलं ग़ा थएस्यु भ्याई आनन्दै ताहा। नैताइस्यु ङामि ईका आनन्द आब पुरा ताइस्यु लेया। 30आब ओ बदिन्या, ओटन ङा घटिन्या आबस्यक लेया।
येशु स्वर्गङन रांऔ
31“हर्तन रांन्या सोगलैतन महान लेया। पिरथ्बीलन ताइन्या पिरथ्बीलाई ज्या, ओटन पिरथ्बीलाई छेन छ्योङा। स्वर्गङन रांन्या सोगलैतन महान लेया।#यहुन्ना ८:२३ 32ओले जो रङौ सनर थटौ, नाइ बयन योंवा, तर आमि बयन काङ्काईले ग्रहन माढोरदी। 33जोले नकाल गवाइ ग्रहन ढोव, ओले परमेस्वर सत्य लेया, ऐलेन्या छेनल प्रमान योंवा। 34दानाङभन्या जोजन परमेस्वरले आपरिङौ, नकाले परमेस्वरलै ग़ा छ्योङा दानाङभन्या परमेस्वरले असिमित#3:34 आवाए ऐलेस्यु माटोकिदुसिन्या पबित्र आत्मा योंवा। 35बौले आज़ाजन प्रेम ढोवा, ओटन सोगलै जन्तु ओलै कुईत सुम्पिस्यु नाएवा।#मत्ती ११:२७; लूका १०:२२ 36जोले ज़ाल यर्त बिस्वास ढोव, नकाले अनन्त जिबन डोएस्यु लेया। जोले परमेस्वरलं ज़ाल आग्या मामानिऊ नकाल जिबन माल्दी, तर परमेस्वरलं रिई नकायर्त लिज्याया।”
ទើបបានជ្រើសរើសហើយ៖
यहुन्ना 3: NTSKm25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
यहुन्ना 3
3
निकोदेमस सनर येशु
1फरिसीयाङ मध्य निकोदेमस मिनला तोलोअ रु यहूदीयाङल आराधना झिमला अगवा लेऊ। 2तयोअ रिउल नका येशु ल्योङ रा:स्यु ऐआढोव, “गुरुज्यू, गे ऐसन्या। नङ परमेस्वर ङन रांन्या गुरु ज्या, दानाङभन्या परमेस्वरसं बोलोङ मालेन्कन ईका नङ नढान्या अचम्मला कामयाङ काङ्काईले ढाऔ माढुदुऊदी।” 3येशुले नकाजन जबाक आयोव, “मछ्यु ङा नङजन ऐढाना,#3:3 निकोदेमसजन बिस्वास त अझै बलल्या जाटौ आरोकौ यदि काङ्काङ छार ताइस्यु फरि माजर्मिरकन नकाङै परमेस्वरलं राज्य रङौ माढुदुरदी।” 4निकोदेमसले येशुजन ऐआढोव, “रु शेरस्यु कैलेस्यु फरि जर्मिऊ ढुदुऊका? नैति ना आअमाल गर्बल फरि तपाला पसिस्यु जर्मिऊ ढुदुवा का?”
5येशुले जबाक आयोव, “मछ्यु ङा नङजन ऐढाना, काङ्काङ री सनर आत्माङन माजर्मिकन#3:5 री सनर आत्माङन जर्मिचिते “री” इल छरलङ्गै “बप्तिस्मा” जन थनन्या ढोवा। परमेस्वरलं राज्यल पसिऊ माढुदुऊदी। 6बुललन जर्मिन्या बुल ज्या, ओटन आत्माङन जर्मिन्या आत्मा ज्या। 7ङा नङजन छार ताइस्यु जर्मिन्याताहा ऐङालेऊक अचम्म तामानि। 8घूईका जोदेए ङप्सी ओदेएजै उदिया। नङ घूईकाल ग़ा ऐठएना, तर ना काङन रांऔ, ओटन कान्देए हिनौ ना मासनन्दी। आत्माङन जर्मिन्या सोगलै रुयाङ नैज ताइरा।”#उपदेशक ११:५ 9निकोदेमसले येशुजन आगिनौ, “नै कढाई ताहौ आढुदुऊ?” 10येशुले नाजन जबाक आयोव, “नङ इस्राएलला मानिसिन्या गुरु ताइस्यु बै ईका छेन नमासन्नु?” 11मछ्यु ङा नङजन ऐढाना, गे जो सनई नाइ पान्या, ओटन गे जो रङस्यु गेलेयिउ नाइ बयन योंया, तर जे गे बयन माकोन्चिदी। 12ङा जेजन पिरथ्बीला छेन ङापानस्याचिऊ ओटन बै जे बिस्वास माढोचिदी, ओटन जेजन स्वर्गला छेन पानस्याच्योकन कढाई बिस्वास ढोच्यो? 13ओटन स्वर्गत हिनस्यु लांइस्यु रांन्या रुल ज़ा बाहेक अपुर काङ्काई माल्दी।#यहुन्ना ६:३८ 14जोमनलेस्यु मोशाले हरहर ताइन्या पोल डाङजन आछेनौ, नैलेस्युजै रुल ज़ा, बै छेन्सिन्या लेया,#यहुन्ना ८:२८; गन्ती २१:९ 15ओटन जोले ओजन बिस्वास ढोव, ओले अनन्त जिबन डोएवा। 16“दानाङभन्या परमेस्वरले सङ्सारजन ऐटाइन्या प्रेम आढोव, कि ओले आमि तोलोअ याएज ज़ा आयोव, ताकि ओजन बिस्वास ढान्या काङ्काई बै नास ताटाइत्या, तर नकाले अनन्त जिबन ग्याडोटौत्या। 17दानाङभन्या परमेस्वरले सङ्सारजन निया ढान्या ऐलेस्यु रुल ज़ाजन सङ्सारलं आपरिङौ माङडी, तर सङ्सारले ओल्योङन उद्दार ग्याडोटौत्या ऐलेस्यु आपरिङौ हो। 18जोले ओलं यर्त बिस्वास माढोव, नका हादेए जै नियाल परीस्यु लेया, तर बिस्वास ढान्या नियाल मापरिदी, दानाङभन्या नाले तोलोअ परमेस्वरलं ज़ाल मिनतन याएज बिस्वास ढास्यु लेया।#यहुन्ना ५:१० 19निर्नय आकाई ज्या ज्योति सङ्सारलं रा:स्यु लेया, तर रुयाङै ज्योतिल भन्या बरु च्युऊन्याजन रांनिजिऊ, दानाङभन्या नकाङल काम माचान्या लेऊ। 20दानाङभन्या माचान्या काम ढान्या सोगलैले ज्योतिजन सज्युरा, ओटन ज्योतित मारारदी, मानकन्ता नकाङल कामयाङ रंनन्या लेरा। 21सत्यङन बान्चिन्या रु ज्योतित रांया, ओटन नैताइस्यु नाले आढान्या कामयाङ परमेस्वरङन ढासिन्या ज्या ऐलेन्या छरलङ्गै रंना।”
येशु सनर यहुन्ना
22ओलं छिन्ट येशु सनर आ सिइयाङ यहूदिया प्रदेसलं हिन्वाङ, ओटन नङ नकाङ सकाए तचिइ दिन लिज्यास्यु बप्तिस्मा आयोवाङ। 23यहुन्नाले बै सालीमल वङ्क एनोनल#3:23 “इनोन” या “ऐनोन” शब्दल अर्थ “तोलोअ रुका” बप्तिस्मा यांज्याऔ, दानाङभन्या नङ री खाटखाट लेऊ। नाबेला नल रुयाङ रांज्यारा ओटन ओले नल बप्तिस्मा यांज्याऔ। 24यहुन्ना नवाए बेला समन कैदल परीस्यु मालेऊ।#मत्ती १४:३; मर्कुस ६:१७; लूका ३:१९-२०
25नाइ बेला यहुन्नाल सिइयाङ तोलोअ यहूदीसकाए चोखाइसिन्यालं बारेल यिसीइ ताहौ। 26आल्योङ रा:स्यु नकाङै यहुन्नाजन ऐराढोव, “गुरु यर्दनल पुर्ब हूत जो नङसं लिज्याऔ, जोल बारेङन नङ बयन नयोनु, ब्याएते, ओले बप्तिस्मा योंज्याया, ओटन सोगलै ओ लेऊ देए हिनज्यारा।” 27यहुन्नाले नकाङजन जबाक आयोवाङ, “जब समन स्वर्गङन रुजन मायासी तब समन नाले नैज छेन डोटौ माढुदुऊदी। 28‘ङा ख्रीस्ट माङडी, तर ङा ओटन हादेए ङापरिङसिङु हो’ ऐलेन्या ङामि बयन जे जै यांज्याच्या।#यहुन्ना १:२०; मलाकी ३:१ 29जोसकाए दुलही ले, दुलाहा ओइ ज्या। दुलाहाल न्हाए नाइ ज्या जो आलेऊक च्याङज्या, ओलं ग़ा थएस्यु भ्याई आनन्दै ताहा। नैताइस्यु ङामि ईका आनन्द आब पुरा ताइस्यु लेया। 30आब ओ बदिन्या, ओटन ङा घटिन्या आबस्यक लेया।
येशु स्वर्गङन रांऔ
31“हर्तन रांन्या सोगलैतन महान लेया। पिरथ्बीलन ताइन्या पिरथ्बीलाई ज्या, ओटन पिरथ्बीलाई छेन छ्योङा। स्वर्गङन रांन्या सोगलैतन महान लेया।#यहुन्ना ८:२३ 32ओले जो रङौ सनर थटौ, नाइ बयन योंवा, तर आमि बयन काङ्काईले ग्रहन माढोरदी। 33जोले नकाल गवाइ ग्रहन ढोव, ओले परमेस्वर सत्य लेया, ऐलेन्या छेनल प्रमान योंवा। 34दानाङभन्या जोजन परमेस्वरले आपरिङौ, नकाले परमेस्वरलै ग़ा छ्योङा दानाङभन्या परमेस्वरले असिमित#3:34 आवाए ऐलेस्यु माटोकिदुसिन्या पबित्र आत्मा योंवा। 35बौले आज़ाजन प्रेम ढोवा, ओटन सोगलै जन्तु ओलै कुईत सुम्पिस्यु नाएवा।#मत्ती ११:२७; लूका १०:२२ 36जोले ज़ाल यर्त बिस्वास ढोव, नकाले अनन्त जिबन डोएस्यु लेया। जोले परमेस्वरलं ज़ाल आग्या मामानिऊ नकाल जिबन माल्दी, तर परमेस्वरलं रिई नकायर्त लिज्याया।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025