प्रेरित 9
9
पावलल उद्दार
प्रेरित २२:६-१६; २६:१२-१८
1शाऊल प्रभुल सिइयाङल बिरोदल अझ बै धम्की सनर सएन्या सुरत प्रधान पुजाउरो ल्योङ हिनौ, 2ओटन नकाले प्रभुल यमत बान्या रुयाङ ल्हेपा ताह या मेएमा, जोजन डोटौकन बै नकाजन पोअस्यु यरुशलेमल होनौ ग्याडोटङत्या लेस्यु दमस्कसला आराधना झिमयाङल मिनत पुर्जी नीऊ। 3जब शाऊल बाऔयनढास्यु दमस्कसलं नेराल तापौ, झुकाउन्या नमतन तोलोअ ज्योति नकाल हुङआङन चम्किऊ। 4नका नामल वङौ, ओटन नकाले ऐलेन्या ग़ा आठटौ, “शाऊल, शाऊल, नङ दानाङ ङाजन सताइज्याङ?”
5नकाले ऐलेऊ, “प्रभु, नङ काङ्का?” ओटन ओले ऐआढोव, “ङा येशु हो, जोजन नङ नसताइज्यानु। 6आब सोस्यु सहरल हिनन्ते, ओटन नङ जो ढान्या ताह, ना नङजन पानस्यासिया।”
7ओलसं बान्या रुयाङै ग़ा ता राथटौ, तर काङ्काईजन रांमारङौकाले बक्कै ताइस्यु च्याङज्यावाङ। 8तब शाऊल नामलन आसोवौक अन्ढला ताइस्यु लेऊ ओटन नैज आमारङौ, ओटन नकाङै नकाल कुई कोलोअस्यु डोऱ्याइस्यु ओलजन दमस्कसलं राहोनौ। 9ओटन तिन दिन समन नका मारङन्या ताहौ, ओटन न त याए ज्योव न त री ओव। 10दमस्कसलं हननिया मिनला तोलोअ सिइ लेऊ। नाजन प्रभुले दर्शनल ऐआढोव, “ऐ हननिया।” नकाले ऐलेऊ, हौ “प्रभु।”
11तब प्रभुले हननियाजन ऐआढोव, “च्याङनते, ओटन ‘सोझा’ मिनला गल्लिल हिनन्ते, ओटन नङ यहूदाल झिमल शाऊल मिनला तार्सस-चुङन्याजन रोअते, दानाङभन्या नका प्रार्थना ढाज्याव। 12शाऊलले दर्शनत हननिया मिनला तोलोअ रुजन भितरलं रा:स्यु, इकाले रङौ ग्याडोटौत्या लेस्यु आयर्त आकुई आनाएन्या आरङौ।”
13तर हननियाले ऐलेऊ, “प्रभु, ईका रुले यरुशलेमल न सन्तानयाङजन आवाए भ्याई माचान्या आढोवाङ, ईका ङा तबर रुयाङ्ङन ङा थएङु। 14इल बै नमिनङन उपासना ढान्याङजन सोगलैजन बन्दी जाएस्यु लाङन्या अढिकार मुख्या पुजाउरोयाङ्ङन नकाले डोएस्यु लेया।” 15तर प्रभुले नकाजन ऐआढोव, “हिनन्ते, दानाङभन्या गैरयहूदी रययाङ सनर इस्राएललं सन्तानल ल्योङ, ङा मिन प्रचार ढाऔ नाल्ट छेल्सिन्या नका तोलोअ ङामि कामदार हो, 16दानाङभन्या ङा मिनल नाल्ट नकाले ख्वाए दुख भोघिऊ परिन्या, ना ङा थनस्योङा।”
17तब हननिया हिनस्यु ना झिम भितरलं पसिऊ, ओटन नकाल यर्त आकुई नाएस्यु ऐलेऊ, “भाई शाऊल, जो प्रभु येशु नङ नराज्यान्या यमल न ल्योङ रंनौ, ओइलेज नङ ग्यारङनत्या ऐलेस्यु, सनर नङ पबित्र आत्माले परिपुर्न ताहन्ते ऐलेस्यु ङाजन आपरिङ्ङु हो।” 18ओचोएटै नकाल म्युउलन खोप्पर मनताइन्या कोबाअ तेहौ, ओटन नकाले फरि आरङौ। तब नकाले सोस्यु बप्तिस्मा आहोनौ, 19ओटन ज्यान्या ज्यास्यु नकाले बल आडोटौ। ओटन शाऊल तचिइ दिन समन सिइयाङस दमस्कसलं लिज्याऔ।
शाऊलले दमस्कसलं प्रचार आढोव
20ओटन ओचोएटै नकाले आराधना झिमल येशुल प्रचार ऐलेस्यु आढोव, “ओ परमेस्वरलं ज़ा ज्या।”
21ओटन थएन्या वालाङ सोगलैले अचम्म मानिस्यु ऐलेवाङ, “ईका मिन पुकारिन्या भरियाङजन यरुशलेमल माएन्या सनर इल बै नकाङजन पोअस्युकने मुख्या पुजाउरोयाङ ल्योङ लाङन्या यिङले रांन्या ईकाइ माङडीका?” 22तर शाऊल अझै भ्याई सक्तिशाली ताहौवन हिनौ, ओटन येशु जै ख्रीस्ट ज्या ऐलेन्या प्रमान यांस्यु दमस्कसलं लिज्यान्या यहूदीयाङै नैज जबाक यांऔ रांमाढुदुऊ।
23ओटन तबर दिन छिन्ट यहूदीयाङै दुउसिस्यु नकाजन सएन्या जाल रांढोव।#२कोरिन्थी ११:३२-३३ 24तर नकाङल जाल शाऊलले आसनौ। नकाङै नकाजन सएन्याल नाल्ट लाअ रिउ सहरला द्वाहाडोबाटा वुइस्यु चुङवाङ। 25तर नकाल आसिइयाङै ओलजन रिउलै घिन्या घोनल झोअस्यु भान्दाअलन रांल्हाटौ।
शाऊल यरुशलेमल
26शाऊल यरुशलेमल रायापाइनाई नकाले सिइयाङस डोएसिन्या कोशिस आढोव। तर नकाङजन ङा सिइ ज्या ऐआढोऔक माकोनस्यु सोगलै ओलसं छ्याएवाङ। 27तर बारनाबासले नकाजन ओलसं लाङस्यु प्रेरितयाङ ल्योङ आलाङौ। ओटन शाऊलले प्रभुजन यमल आरङन्या सनर प्रभु ओलसं आछ्योङन्या ओटन ओलं दमस्कसलं साहस सकाए येशुल मिनतन प्रचार आढान्या छेन नकाङजन आपानस्योवाङ। 28शाऊल यरुशलेमल प्रेरित सिइयाङसकाए बोलोङ माछ्याएस्यु बाऔ तअसिऊ, ओटन साहस सकाए प्रभुल मिनजन प्रचार ढाऔ लागिऊ, 29ओटन ओलं ग्रीक-यहूदीयाङस छेनछ्योङन्या आढोव, तर नकाङै ओलजन सटौ रारोकौ। 30तर ईका सनस्यु बिस्वासी भाईयाङै ओलजन कैसरियाल राहोनौ ओटन नङंन ओलजन टार्ससलं रांपरिङौ।
31नैलेस्यु सोगल यहूदिया, गालील सनर सामरीयाभरिला मन्डलीलं शान्ति ताहौ ओटन मन्डली सुढार ताहौ। प्रभुल छ्याइत बाऔयन सनर पबित्र आत्माल सानत्वना डोएस्यु मन्डली बदिऊयन हिनौ।
पत्रुस योप्पा सनर लुड्डाल
32पत्रुस यरुशलेमल हुदेएअदेए सोगलै पोल बाऔयन लुड्डाल लेन्याङ परमेस्वरलं रुयाङ ल्योङ बै ताप्रा:औ। 33नकाले नङ एनियास मिनला काङ्का तोलोअ रुजन आडोटौ, जो आट बर्सकन लुलाइन्या नाएबोरले आतानलै वङज्याऔ। 34पत्रुसले नकाजन ऐआढोव, “ऐ एनियास, येशु ख्रीस्टले नङजन सबेल्दुन्वा। च्याङनते, ओटन नटान मिलाइते।” ओटन ना ओचोएटै सोव। 35लुड्डा सनर शारोनल चुङन्या सोगलैले नाजन रङस्यु प्रभु लेऊदेए वल्वाङ।
36योप्पा इलाकाल तबीता, अथाबा डोरकास (हरिनी) ऐढासिन्या तोलोअ सिइ लेऊ। नका चान्या काम ढान्या सनर दान यांन्यात लागिज्याव। 37नवाए बेला नकाल आनाएबोरौ ओटन नका सिऊ, ओटन रुयाङै हरस्यु ओलजन टङटाल्ला तोलोअ कोठाल रांनाटौ। 38लुड्डा नङ्गर सनर योप्पा नङ्गरने नेराक नेंलेऊकाले, सिइयाङै पत्रुस नङ लिज्याऔ ऐलेन्या थएस्यु नकाङल्योङ नेंलोअ रुनेंजन ऐटाइन्या बिन्ति ढाऔ रांपरिङौ, “गेल्योङ ढिलो माढास्यु रांन्ते।”
39तब पत्रुस च्याङस्यु नकाने सकाए हिनौ। नङ ताप्रा पाइना नकाङै ओलजन टङटाल कोठाल रालाङौ। बिदवाङ सोगलै नकाल नेराक च्याङस्यु व्रौ तअसिवाङ, ओटन डोरकास नकाङ सकाए आलिज्याऔक नकाले जाएस्युआनाएन्या क्वा सनर अपुर क्वायाङबै राठनस्यौ।
40तर पत्रुसले नकाङ सोगलैजन बाहेर देए परिङस्यु घुन्डा टिकिस्यु प्रार्थना आढोव, ओटन ना मरु ल्यौदेए फर्किस्यु ऐलेऊ, “तबीता, सोन्ते!” ओटन नकाले आ म्युउ आखिमौ, ओटन पत्रुसजन रङस्यु सोस्यु चुङौ। 41पत्रुसले नाजन आकुईले कोलोअस्यु जरुक्कै आसच्यानौ, ओटन बिस्वासीयाङ सनर बिदवाङजन खुल्स्यु नकाजन जिङदा आठनौ।
42आब ईका छेन सोगल योप्पा भरिलाङ रा:सनौ, ओटन तबरले प्रभुत बिस्वास रांढोव। 43ओटन पत्रुस तबर दिन समन सिमोन मिनला तोलोअ #9:43 चर्मकार=छाला जाएन्याछालाल काम ढान्यासं योप्पाल चुङौ।
ទើបបានជ្រើសរើសហើយ៖
प्रेरित 9: NTSKm25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
प्रेरित 9
9
पावलल उद्दार
प्रेरित २२:६-१६; २६:१२-१८
1शाऊल प्रभुल सिइयाङल बिरोदल अझ बै धम्की सनर सएन्या सुरत प्रधान पुजाउरो ल्योङ हिनौ, 2ओटन नकाले प्रभुल यमत बान्या रुयाङ ल्हेपा ताह या मेएमा, जोजन डोटौकन बै नकाजन पोअस्यु यरुशलेमल होनौ ग्याडोटङत्या लेस्यु दमस्कसला आराधना झिमयाङल मिनत पुर्जी नीऊ। 3जब शाऊल बाऔयनढास्यु दमस्कसलं नेराल तापौ, झुकाउन्या नमतन तोलोअ ज्योति नकाल हुङआङन चम्किऊ। 4नका नामल वङौ, ओटन नकाले ऐलेन्या ग़ा आठटौ, “शाऊल, शाऊल, नङ दानाङ ङाजन सताइज्याङ?”
5नकाले ऐलेऊ, “प्रभु, नङ काङ्का?” ओटन ओले ऐआढोव, “ङा येशु हो, जोजन नङ नसताइज्यानु। 6आब सोस्यु सहरल हिनन्ते, ओटन नङ जो ढान्या ताह, ना नङजन पानस्यासिया।”
7ओलसं बान्या रुयाङै ग़ा ता राथटौ, तर काङ्काईजन रांमारङौकाले बक्कै ताइस्यु च्याङज्यावाङ। 8तब शाऊल नामलन आसोवौक अन्ढला ताइस्यु लेऊ ओटन नैज आमारङौ, ओटन नकाङै नकाल कुई कोलोअस्यु डोऱ्याइस्यु ओलजन दमस्कसलं राहोनौ। 9ओटन तिन दिन समन नका मारङन्या ताहौ, ओटन न त याए ज्योव न त री ओव। 10दमस्कसलं हननिया मिनला तोलोअ सिइ लेऊ। नाजन प्रभुले दर्शनल ऐआढोव, “ऐ हननिया।” नकाले ऐलेऊ, हौ “प्रभु।”
11तब प्रभुले हननियाजन ऐआढोव, “च्याङनते, ओटन ‘सोझा’ मिनला गल्लिल हिनन्ते, ओटन नङ यहूदाल झिमल शाऊल मिनला तार्सस-चुङन्याजन रोअते, दानाङभन्या नका प्रार्थना ढाज्याव। 12शाऊलले दर्शनत हननिया मिनला तोलोअ रुजन भितरलं रा:स्यु, इकाले रङौ ग्याडोटौत्या लेस्यु आयर्त आकुई आनाएन्या आरङौ।”
13तर हननियाले ऐलेऊ, “प्रभु, ईका रुले यरुशलेमल न सन्तानयाङजन आवाए भ्याई माचान्या आढोवाङ, ईका ङा तबर रुयाङ्ङन ङा थएङु। 14इल बै नमिनङन उपासना ढान्याङजन सोगलैजन बन्दी जाएस्यु लाङन्या अढिकार मुख्या पुजाउरोयाङ्ङन नकाले डोएस्यु लेया।” 15तर प्रभुले नकाजन ऐआढोव, “हिनन्ते, दानाङभन्या गैरयहूदी रययाङ सनर इस्राएललं सन्तानल ल्योङ, ङा मिन प्रचार ढाऔ नाल्ट छेल्सिन्या नका तोलोअ ङामि कामदार हो, 16दानाङभन्या ङा मिनल नाल्ट नकाले ख्वाए दुख भोघिऊ परिन्या, ना ङा थनस्योङा।”
17तब हननिया हिनस्यु ना झिम भितरलं पसिऊ, ओटन नकाल यर्त आकुई नाएस्यु ऐलेऊ, “भाई शाऊल, जो प्रभु येशु नङ नराज्यान्या यमल न ल्योङ रंनौ, ओइलेज नङ ग्यारङनत्या ऐलेस्यु, सनर नङ पबित्र आत्माले परिपुर्न ताहन्ते ऐलेस्यु ङाजन आपरिङ्ङु हो।” 18ओचोएटै नकाल म्युउलन खोप्पर मनताइन्या कोबाअ तेहौ, ओटन नकाले फरि आरङौ। तब नकाले सोस्यु बप्तिस्मा आहोनौ, 19ओटन ज्यान्या ज्यास्यु नकाले बल आडोटौ। ओटन शाऊल तचिइ दिन समन सिइयाङस दमस्कसलं लिज्याऔ।
शाऊलले दमस्कसलं प्रचार आढोव
20ओटन ओचोएटै नकाले आराधना झिमल येशुल प्रचार ऐलेस्यु आढोव, “ओ परमेस्वरलं ज़ा ज्या।”
21ओटन थएन्या वालाङ सोगलैले अचम्म मानिस्यु ऐलेवाङ, “ईका मिन पुकारिन्या भरियाङजन यरुशलेमल माएन्या सनर इल बै नकाङजन पोअस्युकने मुख्या पुजाउरोयाङ ल्योङ लाङन्या यिङले रांन्या ईकाइ माङडीका?” 22तर शाऊल अझै भ्याई सक्तिशाली ताहौवन हिनौ, ओटन येशु जै ख्रीस्ट ज्या ऐलेन्या प्रमान यांस्यु दमस्कसलं लिज्यान्या यहूदीयाङै नैज जबाक यांऔ रांमाढुदुऊ।
23ओटन तबर दिन छिन्ट यहूदीयाङै दुउसिस्यु नकाजन सएन्या जाल रांढोव।#२कोरिन्थी ११:३२-३३ 24तर नकाङल जाल शाऊलले आसनौ। नकाङै नकाजन सएन्याल नाल्ट लाअ रिउ सहरला द्वाहाडोबाटा वुइस्यु चुङवाङ। 25तर नकाल आसिइयाङै ओलजन रिउलै घिन्या घोनल झोअस्यु भान्दाअलन रांल्हाटौ।
शाऊल यरुशलेमल
26शाऊल यरुशलेमल रायापाइनाई नकाले सिइयाङस डोएसिन्या कोशिस आढोव। तर नकाङजन ङा सिइ ज्या ऐआढोऔक माकोनस्यु सोगलै ओलसं छ्याएवाङ। 27तर बारनाबासले नकाजन ओलसं लाङस्यु प्रेरितयाङ ल्योङ आलाङौ। ओटन शाऊलले प्रभुजन यमल आरङन्या सनर प्रभु ओलसं आछ्योङन्या ओटन ओलं दमस्कसलं साहस सकाए येशुल मिनतन प्रचार आढान्या छेन नकाङजन आपानस्योवाङ। 28शाऊल यरुशलेमल प्रेरित सिइयाङसकाए बोलोङ माछ्याएस्यु बाऔ तअसिऊ, ओटन साहस सकाए प्रभुल मिनजन प्रचार ढाऔ लागिऊ, 29ओटन ओलं ग्रीक-यहूदीयाङस छेनछ्योङन्या आढोव, तर नकाङै ओलजन सटौ रारोकौ। 30तर ईका सनस्यु बिस्वासी भाईयाङै ओलजन कैसरियाल राहोनौ ओटन नङंन ओलजन टार्ससलं रांपरिङौ।
31नैलेस्यु सोगल यहूदिया, गालील सनर सामरीयाभरिला मन्डलीलं शान्ति ताहौ ओटन मन्डली सुढार ताहौ। प्रभुल छ्याइत बाऔयन सनर पबित्र आत्माल सानत्वना डोएस्यु मन्डली बदिऊयन हिनौ।
पत्रुस योप्पा सनर लुड्डाल
32पत्रुस यरुशलेमल हुदेएअदेए सोगलै पोल बाऔयन लुड्डाल लेन्याङ परमेस्वरलं रुयाङ ल्योङ बै ताप्रा:औ। 33नकाले नङ एनियास मिनला काङ्का तोलोअ रुजन आडोटौ, जो आट बर्सकन लुलाइन्या नाएबोरले आतानलै वङज्याऔ। 34पत्रुसले नकाजन ऐआढोव, “ऐ एनियास, येशु ख्रीस्टले नङजन सबेल्दुन्वा। च्याङनते, ओटन नटान मिलाइते।” ओटन ना ओचोएटै सोव। 35लुड्डा सनर शारोनल चुङन्या सोगलैले नाजन रङस्यु प्रभु लेऊदेए वल्वाङ।
36योप्पा इलाकाल तबीता, अथाबा डोरकास (हरिनी) ऐढासिन्या तोलोअ सिइ लेऊ। नका चान्या काम ढान्या सनर दान यांन्यात लागिज्याव। 37नवाए बेला नकाल आनाएबोरौ ओटन नका सिऊ, ओटन रुयाङै हरस्यु ओलजन टङटाल्ला तोलोअ कोठाल रांनाटौ। 38लुड्डा नङ्गर सनर योप्पा नङ्गरने नेराक नेंलेऊकाले, सिइयाङै पत्रुस नङ लिज्याऔ ऐलेन्या थएस्यु नकाङल्योङ नेंलोअ रुनेंजन ऐटाइन्या बिन्ति ढाऔ रांपरिङौ, “गेल्योङ ढिलो माढास्यु रांन्ते।”
39तब पत्रुस च्याङस्यु नकाने सकाए हिनौ। नङ ताप्रा पाइना नकाङै ओलजन टङटाल कोठाल रालाङौ। बिदवाङ सोगलै नकाल नेराक च्याङस्यु व्रौ तअसिवाङ, ओटन डोरकास नकाङ सकाए आलिज्याऔक नकाले जाएस्युआनाएन्या क्वा सनर अपुर क्वायाङबै राठनस्यौ।
40तर पत्रुसले नकाङ सोगलैजन बाहेर देए परिङस्यु घुन्डा टिकिस्यु प्रार्थना आढोव, ओटन ना मरु ल्यौदेए फर्किस्यु ऐलेऊ, “तबीता, सोन्ते!” ओटन नकाले आ म्युउ आखिमौ, ओटन पत्रुसजन रङस्यु सोस्यु चुङौ। 41पत्रुसले नाजन आकुईले कोलोअस्यु जरुक्कै आसच्यानौ, ओटन बिस्वासीयाङ सनर बिदवाङजन खुल्स्यु नकाजन जिङदा आठनौ।
42आब ईका छेन सोगल योप्पा भरिलाङ रा:सनौ, ओटन तबरले प्रभुत बिस्वास रांढोव। 43ओटन पत्रुस तबर दिन समन सिमोन मिनला तोलोअ #9:43 चर्मकार=छाला जाएन्याछालाल काम ढान्यासं योप्पाल चुङौ।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025