Maku 9
9
1Yesu uka bambila kabidi ne: “Nanuambiambila diyi di kokuakoku bamu banga badi haha kabanafu kubushi ku kumona kudu ku bushashendi bu Tshiambi yi ngudu yabu.”
Kukudumuka ku Yesu
(Matayi 17:1-13; Luka 9:28-36)
2 #
2 Pet 1:17-18. Hakatamba mitshila isambombu, Yesu ukangata Petelu, Yakobu, bo Yone ukayi nabu ku luhongu lule kukadueyi nabu kayabu. Ukakudumuka mubidi kubushi kuabu bobu bamona, 3mindala yandi ikabadika kuboo, kakuena mutu naku ha buloba udi mukutokesha mundala naku. 4Amu hahu, bayidi basatu bakamona Eliyi, Mosa bakadu batueyi bo Yesu. 5Petelu ukambila Yesu ne. “Muyishi, bidi bilengela bune tuakala muabewu, tuasa mitumba isatu, umu webi, munga wu Mosa, neku munga wu Eliyi.” 6Neku, kalubuka tshikadueyi watueyi bualu bosu bakadu bo bowu.
7 #
Mat 3:17; Mk 1:11; Lk 3:22. Ditutu dikabashibika, diyi dikatambuka muamu ne: “Yewu yi munami unananga numofuela malonga!” 8Amu hahu, bayidi kabamona kabidi mutu ku luseki luandi, amu Yesu kayandi.
9Hakaduebu batahulumuki luhongu, Yesu ukabambila ne: “Kanuambidi mutu malu anuamona huaa yi hanabika Muana wu Mutu ku bashandi.”
10Bakataboshi muka bambileyi, kadi bakadu badiatueyela. “Kubika ku batu ku bashandi kuafofueshi tshingenye” 11#Mat 11:14.Bakokoshi Yesu ne: “Bukayi balubuka biadi bambamba ne Eliyi uyamanadu yeyie?”
12Ukabambila ne. “Eliyi uyamanadu buku yongeyi malonga malu bundi buawu. Ahu bukayi musahu ulengela wambamba kabidi ne Muana wu Mutu uyabuela mu mutanda, baya mutshioboka yi disu diku muelula nadie? 13Buami mimi, nambamba ne Eliyi umanedu, batu bakamuesela bu mukanangebu, kamuambamba kabidi musahu ulengela bu bualu buandi.”
Yesu Wandondoha muana wu babalumi ukadu bo nyinga mibodu
(Matayi 17:14-20; Luka 9:37-43)
14Hakafika Yesu bo bayidi bandi basatu hahiehi hakadu bayidi banga, bakabamona bela mukakatshi kudi tshieyi wu batu, bakadu balubuki ba biadi bakabanga kuelangana nabu pata. 15Batu hakamonebu Yesu, baka shishimuka, bakayi manyangu bukuya muela moyi. 16Yesu ukokoshi bayidi bandi ne: “Nuatueyi nabu kaye?”
17Mutu ukabika mukakatshi muabu ukamba ne: “Muyishi, nahudu yi munami wu babalumi bualu udi munyingulukisha bongu kudi nyinga mibodu hamua kuatayi, washala tshimiemi. 18Nyinga mibodu imuakuata nashi wakala hahayi, imuakuma hashi, muana watambula lututu ku mishiku, washashishi menu, mubidi wandi bundi buawu uduadu momu. Nalomba kudi bayidi bebi bua bahate nyinga mibodu, kadi bahangu.”
19Yesu ukamba ne: “Batu bahangu kuatabusha nuenu, yashala nenu bitshietshi bundi bitshie? Nayakuangata bulemu buenu huaa yi tshitshietshi kaye? Itshuadilayi muanawu!” 20Bakadu bo muana, nyinga mibodu hakamoneyi Yesu, ika mukasakanyeshi mubidi, yi kumu ditshishi, ikakumishi hashi, ukayi mubunguluki hashi, ukahatula lututu ku milomu.
21Yesu ukokoshi tetandi ne: “Kuteyi bitshietshi bundi bitshi bidi bubediebu kudi muanewue?” Yeyi ukamba ne: “Katshi utshidi muana muamutshi,”
22“Ku bitshietshi ku bitshietshi, nyingeyi mibodu imuatuma mu diku di mudilu nashi mu mayi bune uyefu. Tofuela muengu duaka utuambuluishi mbe udi mu kuesa!”
23Yesu ukamba ne: “Nashi binesa bualu, kadi lubuka ne malu osu adi ahuhula kudi mutu watataboshi.”
24Amu hahu, tetandi wu muana ukela ndolu ne: “Natataboshi, nakuatshishi mu kuhangu kuami ku kuataboshi!”
25Yesu ukamona tshieya batu bandi baduadu kukaduebu, ukabolokela nyinga mubodu uka muambila. “Wewu nyinga mubodu,” Waduishi muana tshimiemi bo kashikofu, “Kuambiambila hatuka munda mu muanewu ne kuhinganganyi kabidi mu yeyi bi!”
26Nyinga mubodu ukadu munda mu muana, ukela ndolu ikola, ukakumisha hashi yi nsamu ikola, ukayi. Muana ukadu bu mutu mufu, batu bandi bakamba ne: “Ufufu.!” 27Kadi Yesu ukamukuata ku dikatshi, ukamubisha hashi muana ukabika.
28Hakahinga Yesu ku subu, hakadu bayidi bandi bakala nandi kayandi, bakamuahangushi. “Bukayi tuetu tuahangu bu kuahata nyinga mibodu mu muane?” 29Yesu uka bakudumuna ne: “Nyinga mibodu yi neku yatambuka anu kukulomba ku Tshiambi.”
Yesu wambamba bu kufu yi kubika kuandi kubashiandi
(Matayi 17:22-23; Luka 9:43-45)
30Yesu bo bayidi bandi bakatambuka muabawu, bakayi mu Ngalela, kadi yeyi kananga bune batu balubuki kukadueyi. 31Ukayishi bayidi bandi ukamba ne: “Muana wu Mutu baya mufila mu makatshi a batu babodu, baya mushiha, kadi hanadika mitshila isatu uyabika ku bashandi.”
32Kadi bayidi bandi kabadu bafofu mukadueyi watueyi, bakadu bo bowu buku muahangushi.
Nganyi udi ulema mu bushashendi bu Tshiambi
(Matayi 18:1-5; Luka 9:46-48)
33Yesu bo bayidi bandi bakafika mu Kapenuma, hakafikebu ku subu, yeyi uka bokoshi ne: “Nusheyi nuatueyi kaye mu shile?”
34 #
Lk 22:24. Kadi bobu bakashala holua, bualu mu shila bakadu balelangana pata ha bualu bu ne mukakatshi muetu nganyi udi ulema mudike bange? 35#Mat 20:26-27; 23:11; Mk 10:43-44; Lk 22:26.Yesu ukahona hashi, ukela bayidi bandi disandi yi babidi diyi uka bambila ne: “Mutu mbe unanga kuakala ulema, uyakuakala wu kusula kudi banga uyakuakala muena mudimu wabu.” 36Hakatamba tshitshietshiatshi, ukangata muana muamutshi, biamutekaye mukakatshi muabu, uka mutshuala mu maboku andi ukamba ne: 37#Mat 10:40; Lk 10:16; Yo 13:20.“Mutu yosu unakuakidila malonga muanewu muamutshi ku dinanga, uhunakidila mimi menemene, kabidi uhunakidila uhuakidila uhutuma.”
Udi kashi tubi udi wetu
(Luka 9:49-50)
38Yone ukambila Yesu. “Muyishi, tuamona mutu wahahata nyinga mibodu mu dina diebi tua mukandika bualu kasheyi netu.”
39Kadi Yesu uka mukudumuna ne: “Kanumuhumbishi,” Bualu mutu kena mukuesa tshihingu mu dina diami, kunyimu utueyi bubodu buami. 40#Mat 12:30; Lk 11:23.Bualu mutu utashi netu matandu udi wetu, kena netu bualu bi udi buetu. 41#Mat 10:42.Neku mutu yosu unanuha ngalasa umu wu mayi a kunu bualu nudi bami, nanuambiambila, uyaheta dikaha diandi.
Tuhetu tu balenduishi
(Matayi 18:6-9; Luka 17:1-2)
42“Mutu yosu una lenduishi umu wu mu bana babatshi badi banataboshi, baya mukanda dibu dilema mu shingu baya muela mu mayi. 43-44#Mat 5:30.Biakala dikatshi diebi dikua lendukishi, udikala, malonga ubuela mu bushashendi bu Tshiambi bo dikatshi dimu ha mutu hakulama makatshi abidi kadi uyaka nawu mu mudilu utashi shima. Mu mudilu wawu, bikusu bidiadi mubidi kabishefu yi mudilu kawusu shima. 45-46#9:45-46. Meyi aa adi makumbashi mu Fesa wu 44. There ‘Muamu, mudi bikusu bitashiefu, Bo mudilu wu biashoshi kawushi shima’ (moona mu Fesa 48).Biakala dikasa diebi dikualenduishi, udikala, bidi malonga bukubuela mu moyi wu kusula bo dikasa dimu hamutu ha kuakala bo makasa abidi kadi kuya kuedibu mu tshina tshi mudilu utashi shima. Muamu, bikusu bidiadi mubidi kabishefu, yi mudilu kawusu shima. 47#Mat 5:29.Neku biakala disu diebi ka dikualenduishi, ditula bidi malonga bune wewu kubuela mu bushashendi bu Tshiambi yi disu dimu hamutu ha kulama mesu abidi kadi kuya kuediebu mu mumudilu utashi shima. 48#Yesh 66:24.Muamu, ‘Bikusu bidiadi mubidi kabishefu yi mudilu kawushishima.’
49“Mu kudika mumudilu, mutu yosu uyatuila bu muatuila mutshiela.
50 #
Mat 5:13; Lk 14:34-35. “Mutshiela udi tshitu tshilengela, mbe ushimishi kutshu kuawu, baya utuishi bo kaye? “Wakalayi bo mutshiela mu nuenu, nuakala kabidi holua kudi mutu yosu bo muana kuabu.”
ទើបបានជ្រើសរើសហើយ៖
Maku 9: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
Maku 9
9
1Yesu uka bambila kabidi ne: “Nanuambiambila diyi di kokuakoku bamu banga badi haha kabanafu kubushi ku kumona kudu ku bushashendi bu Tshiambi yi ngudu yabu.”
Kukudumuka ku Yesu
(Matayi 17:1-13; Luka 9:28-36)
2 #
2 Pet 1:17-18. Hakatamba mitshila isambombu, Yesu ukangata Petelu, Yakobu, bo Yone ukayi nabu ku luhongu lule kukadueyi nabu kayabu. Ukakudumuka mubidi kubushi kuabu bobu bamona, 3mindala yandi ikabadika kuboo, kakuena mutu naku ha buloba udi mukutokesha mundala naku. 4Amu hahu, bayidi basatu bakamona Eliyi, Mosa bakadu batueyi bo Yesu. 5Petelu ukambila Yesu ne. “Muyishi, bidi bilengela bune tuakala muabewu, tuasa mitumba isatu, umu webi, munga wu Mosa, neku munga wu Eliyi.” 6Neku, kalubuka tshikadueyi watueyi bualu bosu bakadu bo bowu.
7 #
Mat 3:17; Mk 1:11; Lk 3:22. Ditutu dikabashibika, diyi dikatambuka muamu ne: “Yewu yi munami unananga numofuela malonga!” 8Amu hahu, bayidi kabamona kabidi mutu ku luseki luandi, amu Yesu kayandi.
9Hakaduebu batahulumuki luhongu, Yesu ukabambila ne: “Kanuambidi mutu malu anuamona huaa yi hanabika Muana wu Mutu ku bashandi.”
10Bakataboshi muka bambileyi, kadi bakadu badiatueyela. “Kubika ku batu ku bashandi kuafofueshi tshingenye” 11#Mat 11:14.Bakokoshi Yesu ne: “Bukayi balubuka biadi bambamba ne Eliyi uyamanadu yeyie?”
12Ukabambila ne. “Eliyi uyamanadu buku yongeyi malonga malu bundi buawu. Ahu bukayi musahu ulengela wambamba kabidi ne Muana wu Mutu uyabuela mu mutanda, baya mutshioboka yi disu diku muelula nadie? 13Buami mimi, nambamba ne Eliyi umanedu, batu bakamuesela bu mukanangebu, kamuambamba kabidi musahu ulengela bu bualu buandi.”
Yesu Wandondoha muana wu babalumi ukadu bo nyinga mibodu
(Matayi 17:14-20; Luka 9:37-43)
14Hakafika Yesu bo bayidi bandi basatu hahiehi hakadu bayidi banga, bakabamona bela mukakatshi kudi tshieyi wu batu, bakadu balubuki ba biadi bakabanga kuelangana nabu pata. 15Batu hakamonebu Yesu, baka shishimuka, bakayi manyangu bukuya muela moyi. 16Yesu ukokoshi bayidi bandi ne: “Nuatueyi nabu kaye?”
17Mutu ukabika mukakatshi muabu ukamba ne: “Muyishi, nahudu yi munami wu babalumi bualu udi munyingulukisha bongu kudi nyinga mibodu hamua kuatayi, washala tshimiemi. 18Nyinga mibodu imuakuata nashi wakala hahayi, imuakuma hashi, muana watambula lututu ku mishiku, washashishi menu, mubidi wandi bundi buawu uduadu momu. Nalomba kudi bayidi bebi bua bahate nyinga mibodu, kadi bahangu.”
19Yesu ukamba ne: “Batu bahangu kuatabusha nuenu, yashala nenu bitshietshi bundi bitshie? Nayakuangata bulemu buenu huaa yi tshitshietshi kaye? Itshuadilayi muanawu!” 20Bakadu bo muana, nyinga mibodu hakamoneyi Yesu, ika mukasakanyeshi mubidi, yi kumu ditshishi, ikakumishi hashi, ukayi mubunguluki hashi, ukahatula lututu ku milomu.
21Yesu ukokoshi tetandi ne: “Kuteyi bitshietshi bundi bitshi bidi bubediebu kudi muanewue?” Yeyi ukamba ne: “Katshi utshidi muana muamutshi,”
22“Ku bitshietshi ku bitshietshi, nyingeyi mibodu imuatuma mu diku di mudilu nashi mu mayi bune uyefu. Tofuela muengu duaka utuambuluishi mbe udi mu kuesa!”
23Yesu ukamba ne: “Nashi binesa bualu, kadi lubuka ne malu osu adi ahuhula kudi mutu watataboshi.”
24Amu hahu, tetandi wu muana ukela ndolu ne: “Natataboshi, nakuatshishi mu kuhangu kuami ku kuataboshi!”
25Yesu ukamona tshieya batu bandi baduadu kukaduebu, ukabolokela nyinga mubodu uka muambila. “Wewu nyinga mubodu,” Waduishi muana tshimiemi bo kashikofu, “Kuambiambila hatuka munda mu muanewu ne kuhinganganyi kabidi mu yeyi bi!”
26Nyinga mubodu ukadu munda mu muana, ukela ndolu ikola, ukakumisha hashi yi nsamu ikola, ukayi. Muana ukadu bu mutu mufu, batu bandi bakamba ne: “Ufufu.!” 27Kadi Yesu ukamukuata ku dikatshi, ukamubisha hashi muana ukabika.
28Hakahinga Yesu ku subu, hakadu bayidi bandi bakala nandi kayandi, bakamuahangushi. “Bukayi tuetu tuahangu bu kuahata nyinga mibodu mu muane?” 29Yesu uka bakudumuna ne: “Nyinga mibodu yi neku yatambuka anu kukulomba ku Tshiambi.”
Yesu wambamba bu kufu yi kubika kuandi kubashiandi
(Matayi 17:22-23; Luka 9:43-45)
30Yesu bo bayidi bandi bakatambuka muabawu, bakayi mu Ngalela, kadi yeyi kananga bune batu balubuki kukadueyi. 31Ukayishi bayidi bandi ukamba ne: “Muana wu Mutu baya mufila mu makatshi a batu babodu, baya mushiha, kadi hanadika mitshila isatu uyabika ku bashandi.”
32Kadi bayidi bandi kabadu bafofu mukadueyi watueyi, bakadu bo bowu buku muahangushi.
Nganyi udi ulema mu bushashendi bu Tshiambi
(Matayi 18:1-5; Luka 9:46-48)
33Yesu bo bayidi bandi bakafika mu Kapenuma, hakafikebu ku subu, yeyi uka bokoshi ne: “Nusheyi nuatueyi kaye mu shile?”
34 #
Lk 22:24. Kadi bobu bakashala holua, bualu mu shila bakadu balelangana pata ha bualu bu ne mukakatshi muetu nganyi udi ulema mudike bange? 35#Mat 20:26-27; 23:11; Mk 10:43-44; Lk 22:26.Yesu ukahona hashi, ukela bayidi bandi disandi yi babidi diyi uka bambila ne: “Mutu mbe unanga kuakala ulema, uyakuakala wu kusula kudi banga uyakuakala muena mudimu wabu.” 36Hakatamba tshitshietshiatshi, ukangata muana muamutshi, biamutekaye mukakatshi muabu, uka mutshuala mu maboku andi ukamba ne: 37#Mat 10:40; Lk 10:16; Yo 13:20.“Mutu yosu unakuakidila malonga muanewu muamutshi ku dinanga, uhunakidila mimi menemene, kabidi uhunakidila uhuakidila uhutuma.”
Udi kashi tubi udi wetu
(Luka 9:49-50)
38Yone ukambila Yesu. “Muyishi, tuamona mutu wahahata nyinga mibodu mu dina diebi tua mukandika bualu kasheyi netu.”
39Kadi Yesu uka mukudumuna ne: “Kanumuhumbishi,” Bualu mutu kena mukuesa tshihingu mu dina diami, kunyimu utueyi bubodu buami. 40#Mat 12:30; Lk 11:23.Bualu mutu utashi netu matandu udi wetu, kena netu bualu bi udi buetu. 41#Mat 10:42.Neku mutu yosu unanuha ngalasa umu wu mayi a kunu bualu nudi bami, nanuambiambila, uyaheta dikaha diandi.
Tuhetu tu balenduishi
(Matayi 18:6-9; Luka 17:1-2)
42“Mutu yosu una lenduishi umu wu mu bana babatshi badi banataboshi, baya mukanda dibu dilema mu shingu baya muela mu mayi. 43-44#Mat 5:30.Biakala dikatshi diebi dikua lendukishi, udikala, malonga ubuela mu bushashendi bu Tshiambi bo dikatshi dimu ha mutu hakulama makatshi abidi kadi uyaka nawu mu mudilu utashi shima. Mu mudilu wawu, bikusu bidiadi mubidi kabishefu yi mudilu kawusu shima. 45-46#9:45-46. Meyi aa adi makumbashi mu Fesa wu 44. There ‘Muamu, mudi bikusu bitashiefu, Bo mudilu wu biashoshi kawushi shima’ (moona mu Fesa 48).Biakala dikasa diebi dikualenduishi, udikala, bidi malonga bukubuela mu moyi wu kusula bo dikasa dimu hamutu ha kuakala bo makasa abidi kadi kuya kuedibu mu tshina tshi mudilu utashi shima. Muamu, bikusu bidiadi mubidi kabishefu, yi mudilu kawusu shima. 47#Mat 5:29.Neku biakala disu diebi ka dikualenduishi, ditula bidi malonga bune wewu kubuela mu bushashendi bu Tshiambi yi disu dimu hamutu ha kulama mesu abidi kadi kuya kuediebu mu mumudilu utashi shima. 48#Yesh 66:24.Muamu, ‘Bikusu bidiadi mubidi kabishefu yi mudilu kawushishima.’
49“Mu kudika mumudilu, mutu yosu uyatuila bu muatuila mutshiela.
50 #
Mat 5:13; Lk 14:34-35. “Mutshiela udi tshitu tshilengela, mbe ushimishi kutshu kuawu, baya utuishi bo kaye? “Wakalayi bo mutshiela mu nuenu, nuakala kabidi holua kudi mutu yosu bo muana kuabu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International