MIHINGO 4
4
Phethiro naJohane bali mbeli kweLubahhe
1Bakati batjalebeleka nebanhu, baphirisiti, nebalindi bethempeli, nebaSadusi bakaswika, 2bakadziyidzika kwazo nekuti baka bediya banhu kakale besumikila musiwa kwebafi muzina laYesu. 3Bakababhata, koga saku aka abe madekwana, bakabahhalilila mujele kuti bakobabona tjimuka. 4Koga bunji gwebakawha dama bakagalamoyo; banhu betjilume bakagalamoyo bakabengaswika zwiwulu zwihanu.
5Hhuba linotobela batungamili, nebawhola, nebakwali bakakubungana muJerusalema. 6Anasi mphirisiti nkulu wakabe alipo bo, naKhayiyafasi, naJohane, naAlekizanda nebamwe balume ben'ha wemphirisiti nkulu. 7Bakati batjibahhisa mbeli kwabo, bakababhuzwisa beti, “Mahingisa masimba kene zina lani kuti muthame ikoku?”
8Koga Phethiro alihhele Meya Yakayengemala wakabahandula eti. “Batungamili bebanhu namwi bawhola, 9hapa kuli kuti nasi tobhuzwisisiwa nekwen'hingo wakanaka wayetiwa kutjilema itjetji, nekuti tjatjila tjini, 10tjikuzibani ke moseni, nebanhu bose beIsirayeli. Kwayetiwa ngezina laYesu Khirisitu weNazaretha, wamakakowhomela patjileyanyo, koga Ndzimu waakamusa kubafi, kuti iwhoyu nlume ame mbeli kwenyu ali mpenyu sayikoku. 11Ndiye
“ ‘bgwe lakalambiwa namwi babaki,
koga latjiba bgwe linotambunudza mbako.’
12Akuna tjidziwa kunobva muwumwe, nekuti akuna limwe zina pasi kwekudzimu lakapiwa banhu kuti titjidziwe ndilo.”
13Bakati bebona ba netjilopa kwaPhethiro naJohane, kakale bebona kuti banhu baka basakazwidiya, bakatjenama, bakabona kuti balume ibaba baka bena Yesu. 14Koga bebona nlumetate waka atjidziwa alimile nabo, bakahaya tjabaka bangaleba. 15Batjibalaya kuti babve palubahhe, bakasala belebeleka beli boga. 16Bakabhuzwana beti, “Tibathameni ibaba balume? Umwe nemwe unogala muJerusalema unoziba kuti bathama jenamiso, latisingatubule landula. 17Koga kudze tidzibile andama kwayikoku, ayitjemeleni balume ibaba kuti basitjalebeleke nekwezina ileli kakale kuwumwe nhu.”
18Bakabe botjibadanila mukati, bakabalaya kuti basitjalebeleke kene diya ngezina laYesu kakale. 19Koga Phethiro naJohane bakahandula beti, “Kwakatambunuka mumeho eNdzimu kuti tiwhilile imwi pana kuti tiwhilile Ndzimu? Muzwibonele imwi; 20nekuti atingatubule saleba tjatabona netjatawha.” 21Bakati babahlihlidzila kakale, bakabaletja kuti bayende zwabo. Bakahaya kuti babathameni, nekuti banhu bose baka belumbidza Ndzimu ngentha yetjayetikala. 22Nlume wakabe tjilakidzilo tjepodzewa tjayetiwa pehhugwi kukwe waka ali nlumetate una makole ezwagwa anopinda makumi mana.
Ntembezelo Webagalimoyo
23Bakati balekedzewa bakayenda kubamwe babo bakanoleba kuti baphirisiti bakulu nebawhola batini kubali. 24Bamwe babo bakati bekuwha, bakamilidzila mawhi abo panhu pan'ompela kuNdzimu betembezela beti, “He Wemasimba, imwi makathama kudzimu nehango negungwa, nezwinhu zose zwimukati. 25Makalebeleka ngeMeya Yakayengemala, ngenlomo watate bedu Davida nlanda wenyu, muti,
“ ‘Bataya bakamon'welani;
nebanhu banokumbulilani zwinhu zwisina n'hingo?
26Bomambo behango banolangana,
nebatongi bakakubungana
begwisana naHe nange Wakahhodzewa waHe.’
27Ngobe lebeswa Hherodi naPhontiyu Pilatu bakahangana panhu pan'ompela neBataya nebanhu beIsirayeli bamunzi-nkulu uno kuti balangane bagwise nlanda wenyu wakayengemala Yesu, wakahhodzewa. 28Bakayeta tjakatjabigwa neluboko gwenyu nendongoloso yenyu ntolontolo kuti tjowhoyetikala. 29Kwangwenu ke He, lingani hlihlidzila kwabo, bvumilani balanda benyu balebe dama lenyu basingahle, 30pakutambunudza luboko gwenyu mutjidze banogwala, muyete nezwilakidzilo nemakaabadzo ngezina lenlanda wenyu wakayengemala Yesu.”
31Hule kwekusinobe batembezela, bugalo gwabaka bali muguli gwakazunguzika. Bose bakahhala Meya Yakayengemala bakasumikila dama leNdzimu basingahle.
Bagalimoyo Banokobana Zwabanazo
32Banogalamoyo bose baka bana moyo un'ompela nenkumbulo un'ompela. Akuna waka eti zwinhu zwaanazo ndezwizwe yega, koga baka bekobana zwinhu zose zwabakabanazo. 33Ngemasimba makulu bapositoli bakayendilambeli bepa busupi nekwekumuka kwaHe Yesu, kakale ngoni whulu dzaka dzili mubali bose. 34Kwaka kusina banhu banohaya pakati kwabo, ngobe nezwimwe zwibaka baka bana minda kene dzin'umba bakadzitengesa bakabuya nemari yentengo wadzo 35bakayisa pamakumbo ebapositoli, ikokobegwa banhu bose kuyendilana nehaya kwabo.
36Ndizo Josefa, Nlevi wekuSayiphurasi, wakakopiwa zina lodada ngebapositoli linoyi Bhanabhasi, (Kunobva kuti nkololo wekuludzila bamwe), 37wakatengesa minda iye akahhisa mari yentengo wayo pamakumbo ebapositoli.
ទើបបានជ្រើសរើសហើយ៖
MIHINGO 4: KTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
MIHINGO 4
4
Phethiro naJohane bali mbeli kweLubahhe
1Bakati batjalebeleka nebanhu, baphirisiti, nebalindi bethempeli, nebaSadusi bakaswika, 2bakadziyidzika kwazo nekuti baka bediya banhu kakale besumikila musiwa kwebafi muzina laYesu. 3Bakababhata, koga saku aka abe madekwana, bakabahhalilila mujele kuti bakobabona tjimuka. 4Koga bunji gwebakawha dama bakagalamoyo; banhu betjilume bakagalamoyo bakabengaswika zwiwulu zwihanu.
5Hhuba linotobela batungamili, nebawhola, nebakwali bakakubungana muJerusalema. 6Anasi mphirisiti nkulu wakabe alipo bo, naKhayiyafasi, naJohane, naAlekizanda nebamwe balume ben'ha wemphirisiti nkulu. 7Bakati batjibahhisa mbeli kwabo, bakababhuzwisa beti, “Mahingisa masimba kene zina lani kuti muthame ikoku?”
8Koga Phethiro alihhele Meya Yakayengemala wakabahandula eti. “Batungamili bebanhu namwi bawhola, 9hapa kuli kuti nasi tobhuzwisisiwa nekwen'hingo wakanaka wayetiwa kutjilema itjetji, nekuti tjatjila tjini, 10tjikuzibani ke moseni, nebanhu bose beIsirayeli. Kwayetiwa ngezina laYesu Khirisitu weNazaretha, wamakakowhomela patjileyanyo, koga Ndzimu waakamusa kubafi, kuti iwhoyu nlume ame mbeli kwenyu ali mpenyu sayikoku. 11Ndiye
“ ‘bgwe lakalambiwa namwi babaki,
koga latjiba bgwe linotambunudza mbako.’
12Akuna tjidziwa kunobva muwumwe, nekuti akuna limwe zina pasi kwekudzimu lakapiwa banhu kuti titjidziwe ndilo.”
13Bakati bebona ba netjilopa kwaPhethiro naJohane, kakale bebona kuti banhu baka basakazwidiya, bakatjenama, bakabona kuti balume ibaba baka bena Yesu. 14Koga bebona nlumetate waka atjidziwa alimile nabo, bakahaya tjabaka bangaleba. 15Batjibalaya kuti babve palubahhe, bakasala belebeleka beli boga. 16Bakabhuzwana beti, “Tibathameni ibaba balume? Umwe nemwe unogala muJerusalema unoziba kuti bathama jenamiso, latisingatubule landula. 17Koga kudze tidzibile andama kwayikoku, ayitjemeleni balume ibaba kuti basitjalebeleke nekwezina ileli kakale kuwumwe nhu.”
18Bakabe botjibadanila mukati, bakabalaya kuti basitjalebeleke kene diya ngezina laYesu kakale. 19Koga Phethiro naJohane bakahandula beti, “Kwakatambunuka mumeho eNdzimu kuti tiwhilile imwi pana kuti tiwhilile Ndzimu? Muzwibonele imwi; 20nekuti atingatubule saleba tjatabona netjatawha.” 21Bakati babahlihlidzila kakale, bakabaletja kuti bayende zwabo. Bakahaya kuti babathameni, nekuti banhu bose baka belumbidza Ndzimu ngentha yetjayetikala. 22Nlume wakabe tjilakidzilo tjepodzewa tjayetiwa pehhugwi kukwe waka ali nlumetate una makole ezwagwa anopinda makumi mana.
Ntembezelo Webagalimoyo
23Bakati balekedzewa bakayenda kubamwe babo bakanoleba kuti baphirisiti bakulu nebawhola batini kubali. 24Bamwe babo bakati bekuwha, bakamilidzila mawhi abo panhu pan'ompela kuNdzimu betembezela beti, “He Wemasimba, imwi makathama kudzimu nehango negungwa, nezwinhu zose zwimukati. 25Makalebeleka ngeMeya Yakayengemala, ngenlomo watate bedu Davida nlanda wenyu, muti,
“ ‘Bataya bakamon'welani;
nebanhu banokumbulilani zwinhu zwisina n'hingo?
26Bomambo behango banolangana,
nebatongi bakakubungana
begwisana naHe nange Wakahhodzewa waHe.’
27Ngobe lebeswa Hherodi naPhontiyu Pilatu bakahangana panhu pan'ompela neBataya nebanhu beIsirayeli bamunzi-nkulu uno kuti balangane bagwise nlanda wenyu wakayengemala Yesu, wakahhodzewa. 28Bakayeta tjakatjabigwa neluboko gwenyu nendongoloso yenyu ntolontolo kuti tjowhoyetikala. 29Kwangwenu ke He, lingani hlihlidzila kwabo, bvumilani balanda benyu balebe dama lenyu basingahle, 30pakutambunudza luboko gwenyu mutjidze banogwala, muyete nezwilakidzilo nemakaabadzo ngezina lenlanda wenyu wakayengemala Yesu.”
31Hule kwekusinobe batembezela, bugalo gwabaka bali muguli gwakazunguzika. Bose bakahhala Meya Yakayengemala bakasumikila dama leNdzimu basingahle.
Bagalimoyo Banokobana Zwabanazo
32Banogalamoyo bose baka bana moyo un'ompela nenkumbulo un'ompela. Akuna waka eti zwinhu zwaanazo ndezwizwe yega, koga baka bekobana zwinhu zose zwabakabanazo. 33Ngemasimba makulu bapositoli bakayendilambeli bepa busupi nekwekumuka kwaHe Yesu, kakale ngoni whulu dzaka dzili mubali bose. 34Kwaka kusina banhu banohaya pakati kwabo, ngobe nezwimwe zwibaka baka bana minda kene dzin'umba bakadzitengesa bakabuya nemari yentengo wadzo 35bakayisa pamakumbo ebapositoli, ikokobegwa banhu bose kuyendilana nehaya kwabo.
36Ndizo Josefa, Nlevi wekuSayiphurasi, wakakopiwa zina lodada ngebapositoli linoyi Bhanabhasi, (Kunobva kuti nkololo wekuludzila bamwe), 37wakatengesa minda iye akahhisa mari yentengo wayo pamakumbo ebapositoli.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International