Luka 9
9
Yesû walibatuma balya kumi no babêle
(Matayo 10.5-15; Maluko 6.7-13)
1Kyaba Yesû lwalibetile balya kumi no babêle wêbaele kitenta no bûkome bwa kûkûmba minyaga gibe gyonse no bwa kûandia mitongi gyonse, 2kûwa wêbatumine bagye basaûle Bûkolo bwa Kabesha Mpûngû, no kûandia batongi, 3#Lk 10.4-11; Bilb 13.51 Webalagile wêsambile: “Namukatwali kyokyonse mulwendo: ha nswii, no mutûngû, no kine kyakûlya, no lûheto, no namukatwali nkaso gya kwalabûla. 4Nsese gyogyonse gya mulêkatwele no kûkûnkwa, mwikane mumo kuikêla amulê kasindûka mu kibûndê kikyo; 5ntê bantû bokûbenga kwimikûnka, amulê kaima mukibûndê kikyo, mukekûnkûle lubimbi kû magûlû genyu kibalo kikabe kusitêkêkya kwabalê.”
6Nansho, balya baana ba bûganga babambile lwendo baitile mu bibûndê, mukûsahûla mwanda gûsoga no kûandia batongi kûntû konse.
Helode watubigana kibalo gya Yesû
(Matayo 14.1-12; Maluko 6.14-29)
7 #
Mt 16.14; Malk 8.28; Lk 9.19 Nfulo mubêkali Helode, ûtegelele musahû gwa mianda gyonse gibele gyalongeka, ûbele mutubiganibwe, kibalo bantû bamo bagana, Yoano washûka kuima kû baki. 8Bange besambile kwana Elia waimina, no bange besambile kwana gûmo wa bamoni bakala washûka kûima kûbaki. 9Mone Helode wêsambile: “Gûdjo Yoano mukalile twee; nani byonka gûdjû wanantegelela mianda gyage?” Ûbele no kiwewe kya kumumona.
Yesû walibaa kyakûlya Bantu elufu litano
(Matayo 14.13-21; Maluko 6.30-44; Yoano 6.1-14)
10Kyaba balya ba bikûla bage lwabebwêlêle, bamulombwele Yesû byonse bya balongile. Yesû wêbatwalile, bagêle hantû abugima ekûbwêhe no kibûndê kya Betesaida. 11Mone balya bantû lwabamanyine kwagêle, bamulondile. Yesû wêbakunkile wêbabangêle kibalo kya Bûkolo bwa Kabesha Mpûngû, wêbaandishe bakebile kûandibwa.
12Djûba alibambile kûtûka balia ba bikûla kumi no babêlê bamuikêle Yesû bamulombwele: “Wêbalage bantû bagyate mubibûndê no kûmabala ge kûbwêhê, bakebe byakûlya no hantû akûlala kibalo ano atûlê akyanya.”
13Mone Yesû wêbaêndwêle: “Mwibae byakûlya.”
Nobo baêndwêle: “Hatûle kyokyonse nambo mikate gitano no misha gibêlê. Ao tûgyate twêbolêle byakulya bisabibagwane bantû baba bonse.” 14(Babele alya baana balûme basangenwe 5,000.)
Nfulo Yesû wêbalombwele baana babuganga bage: “Mwibalombole bantû bekane ansê bibûngo bya bantû makuni gatano gatano.”
15Baana babûganga balongile nansho no muntû gense wêkene ansê, 16Yesû ûtwalile gilya mikate gitano no gilya misha gibêlê, ûlwele mwigûlû, no kufwisha, kûwa wêgyêsele malyese, wigisansûlwêle, wêbaele baana babûganga bage bebatange bantû. 17Bantû bonse balêle bekutile. No baana ba bûganga bakongile biendê bya mikate bisigele badjulishe bitala kumi no bibêlê.
Petelo wasitêkêkya kwana Yesû û Kilisitu
(Matayo 16.13-19; Maluko 8.27-29)
18Sigi limo Yesû ûbele walomba bugima bwage, no baana babûganga bage babele amo nage. Nfolo wêbabulishe: “Bantû bakwêsamba nene nini?”
19 #
Mt 14.1-2; Malk 6.14-15; Lk 9.7-8 “Nobo bamuêndwêle Yesû Bange,” besambile gwee wê Yoano. “Mubatisha bange Elia, no bange balisamba kwana wêgûmo wa bamoni wa shûka kuima kûbaki.”
20 #
Yoa 6.68-69
Kûwa Yesû wêbabulishe: “No benywe mwalisamba, nene nini?”
Petelo ûwêndwêle: “Gwee ûge Kilisitu wa Kabesha Mpûngû.”
Yesû walagûla kibalo kya kûsûsûlwa no luki lwege
(Matayo 16.20-28; Maluko 8.30—9.1)
21Hûao Yesû wêbatakêshe baana bûganga bage na bakalomboli muntû gegense mwanda gûgo. 22Yesû ûgêlêlêle kwêsamba kwana, “Kiyenene Mwana wa Muntû wêkamona masûsû gangê, no kûbengwa no baleli, balambwili bakûlû, no balangi babisila no muyenene kwêyagwa. No sigi lya bûsatû, wêkashûlwa.”
23 #
Mt 10.38; Lk 14.27 Nfulo Yesû wêbalombwele bantû bonse: “Muntû gense gekûkeba kûba mwaana wabûganga wane, kiyenene ebenge kikûlê kyage, atwale mutê gwa mpênga mpêtya gwage masigi gonse, no anonde. 24#Mt 10.39; Lk 17.33; Yoa 12.25Kibalo muntû wakûkeba kûandia ngikeno gyage mwine, wakegitobesha, mone wêkatobesha ngikeno gyage kibalo kyane wêkegiandia. 25Katolwa kê muntû gee kûkamona bûeta bonse bwa mukandje, mone asiminie no kûtobesha kikûlê kyage gee mwine? 26Muntû gegense wêkamwena nsoni nene no mianda gyane, Mwana wa Muntû wa kamumwena nsoni muntû gûdjo, kyaba kyalêkasha mu ntumbo gyage no ntumbo gya Shage no gya masalagûlû galûmbûlûke. 27Sitê sitê nanimilombola, bamo mubûkata bwa bemane ano abakatompi luki, ntê habalimone Bûkolo bwa Kabesha Mpûngû.”
Yesû wagalabûka lûkebo
(Matayo 17.1-8; Maluko 9.2-8)
28 #
2 Pet 1.17-18
Kilêko kya masigi muganda nghimba gya kwêsamba gigyo, Yesû wêbatwalile Petelo, Yoano no Yakobo, ûgêle kûlûgûlû kûlomba. 29Abele walomba, lûkebo lwege lûmonekile nagwe lwagalabuka, no bishandê byage bikenkile bimugenge gwa nkûba. 30Onkao bamonekile bantu babêlê Musa no Elia, babele bakûbanga nage. 31Bamonekile mu ntumbo, babangile no Yesû kibalo kya kûkya kwage kwana kwêkaimina kûko Yelusalema, mwanda agwanininie bisintilwe kibalo kyage. 32Petelo no benage babele bakomenwe no tûlo tûkole; mone kyaba kya babyukile, bamwene ntumbo gya Yesû, no balya bantû babêlê babele bemane amo nage. 33Kyaba kikyo balya bantû babêlê lwababele balekenkana no Yesû, Petelo umulombwele Yesu: “Mulangi, bisoga twêkane ano! Nfulo tuimpe bitûla bisatû, kimo kyobe kimo kya Musa no kimo kya Elia.” Mone Petelo ûbele edjê byabele walisamba.
34Petelo lwabele walisamba nasho, lûkwe lûmo kile kibaimine no kwêbaûta, no kile akibaikêle balya baana babûganga batudjukile biiko. 35Djûwê litegelelwe kuima mukikyo kile: “Gûdjû ûge mwanane wansolwele, mumutegelele gee.”
36Nghimba gya djûwê lya Kabesha Mpûngû kwêsamba, bamutanine Yesû elê bugima bwage. Baana babûganga baempele mianda gigyo kwa kibiso no abalombwele muntû gegense gilya gyonse gya bamwene.
Yesû wahandia nsongwa lûme wêno minyaga gibê
(Matayo 17.14-18; Maluko 9.14-27)
37Djoo lyage, Yesû no balya baana babûganga basatû, Petelo, Yoano no Yakobo, lwabatûkile kuima kûlûgûlû, kibûngo kikata kyabantû kikuminkene nabo. 38Muntû gûmo mukilya kibûngo ûwangwêle djûwê, kwêsamba: “Mulangi! Nankwêsasa mukwashe nsongwa lûme wane wabugima! 39Nghendo kwa nghendo munyaga gûbe gwamuhûkêla, no kumulonga angûle djûwê, kûwa gwakumugwêsha bisila ngoga no kuimwa no nfulu kûkania. Gûgo munyaga gûbe gwa kumudjembia biiko no hagwakumuleka no ene asho! 40Nibalombile baana babûganga bobe baimie gûgo munyaga gûbe, nobo habanyonghwene.”
41Yesû wêbaêndwêle: “Lwênywe lûbyalo lûbê lusi no lwêtabêsho, ngikane nenyu no kwimilêndêla kwikêla kyaba kê? Musishe nsongwa lûme obe ano.”
42Kyaba mwana gûdjo lwabele washa kwê Yesû, gûlia munyaga gûbe gumugwilishe ansê no kumubêka bisila ngoga. Mone Yesû wêgûkankêle gûlya munyaga gûbê gumuime, ûmwandishe gûlya nsongwa lûme no umwibwêle kwê shage. 43Bantû bonse begalagenie biiko, kwakûmona bûkome bûkata bwa Kabesha Mpûngû.
Yesû walagûla byonka kibalo kya luki lwege
(Matayo 17.22-23; Maluko 9.30-32)
Nobo bantû bonse lwababele mukwêgalagania, kibalo kya mianda gyonse Yesû gilongekile, gee wêbalombwele baana babûnganga bage: 44“Mutegelele bisoga mianda gyandê kemilombola, Mwana wa Muntû wakaimibwa mumaboko ga bantû.” 45Mone boo habasingûlwêle mianda gya lisambile. Kibalo mianda gigyo gibele gibisêkwe kwabalê kûba nabakasingululi; nobo batinine kumubûsha nsintwe gya mianda gigyo.
Nani mukûlû
(Matayo 18.1-5; Maluko 9.33-37)
46 #
Lk 22.24
Kuimine mpaka abûkata bwa balya baana babûganga kibalo kya nani wêkaba mukûlû kûbonse. 47Mone Yesû usingûlwêle maninga gabo, noge umutwalile mwana mushoo umubikile kûgêbwa kwabo,
48 #
Mt 10.40; Lk 10.16; Yoa 13.20 kûwa wêbalombwele: “Muntû gegense wêkamutambûla mwana gûdjo mukemuke ku sina lyane wantambûla nene; no gegense wakûntambûla nene, wamutambûla gûlia untumine. Kibalo gûlia mukemuke kûlêmba bonse abûkata bwenyu ûge wêko mukûlû kûlêmba bonse.”
Husimangi gyenyu wêmugela gwenyu
(Maluko 9.38-40)
49Yoano umulombwele: “Mulangi, tûmwene muntû gûmo wakuimia minyaga gibê ku sina lyobe, tûtompile kumukanda kwakûba gee hagûmo wetû.”
50Yesû umulombwele: “Namukamukandi, kibalo gûlya usimangi gyenyu wêmugela gwenyu.”
Basamalia babengile kumukûnka Yesû
51Kyaba akigwanine kya Yesû kûtwalwa mwigûlû, gee ûkampilwe kûgya Yelusalema. 52Utumine bikûla bamutagêlêle, nobo bagêle mukibûndê kimo kiaba Samalia kûba bamubêkêle djambûla kintû kyonse. 53Mone bantû ba kibûndê kilia habebakunkile kibalo ûbele mwelekele Yelusalema.
54 #
2 Mub 1.9-16
Kyaba baana babûganga bage, Yakobo no Yoano, lwabamwene nansho, besambile: “Kolo, wakeba tûtakêshe kaya katûke kuima mwigûlû kebatobeshe?”
55Mone “Yesû wêbalabûkêle kwêbakankêla biiko.” 56Nobo bagêle ku kibûndê kinge.
Bûlûlê bwa kumulonda Yesû
(Matayo 8.19-22)
57Lwababele bagya mundjêla, muntû gûmo umulombwele Yesû: “Nsankûlonde kokonse konokagya.”
58Yesû umuêndwêle: “Mibwabwa gino mekano mumena, no toni twagûlû twêno binswa, mone Mwana wa Muntû halê hantû akûbêka kwa twe.”
59Yesû umulombwele muntû gûnge: “Nonde.”
Mone muntû gûlya umuêndwêle: “Kolo, ntakêshe bêlê ngyate munshêke tata.”
60Yesû wêndwêle, “Wêbaleke baki bashêke baki babo. Mone gwee gyata ûkatûmbye Bûkolo bwa Kabesha Mpûngû.”
61 #
1 Mub 19.20
No muntû gûnge umulombwele: “Kolo, nshakûlonde; mone nanomba ngyate ndage belê ba mbyalwa nane.”
62Yesû wêndwêle: “Muntû gense wakwata mwini gwa lûkasû mukûlêma, kûno wakwalabuka nghimba, hamuyenene kwêngêla mu Bûkolo bwa Kabesha Mpûngû.”
ទើបបានជ្រើសរើសហើយ៖
Luka 9: HBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 9
9
Yesû walibatuma balya kumi no babêle
(Matayo 10.5-15; Maluko 6.7-13)
1Kyaba Yesû lwalibetile balya kumi no babêle wêbaele kitenta no bûkome bwa kûkûmba minyaga gibe gyonse no bwa kûandia mitongi gyonse, 2kûwa wêbatumine bagye basaûle Bûkolo bwa Kabesha Mpûngû, no kûandia batongi, 3#Lk 10.4-11; Bilb 13.51 Webalagile wêsambile: “Namukatwali kyokyonse mulwendo: ha nswii, no mutûngû, no kine kyakûlya, no lûheto, no namukatwali nkaso gya kwalabûla. 4Nsese gyogyonse gya mulêkatwele no kûkûnkwa, mwikane mumo kuikêla amulê kasindûka mu kibûndê kikyo; 5ntê bantû bokûbenga kwimikûnka, amulê kaima mukibûndê kikyo, mukekûnkûle lubimbi kû magûlû genyu kibalo kikabe kusitêkêkya kwabalê.”
6Nansho, balya baana ba bûganga babambile lwendo baitile mu bibûndê, mukûsahûla mwanda gûsoga no kûandia batongi kûntû konse.
Helode watubigana kibalo gya Yesû
(Matayo 14.1-12; Maluko 6.14-29)
7 #
Mt 16.14; Malk 8.28; Lk 9.19 Nfulo mubêkali Helode, ûtegelele musahû gwa mianda gyonse gibele gyalongeka, ûbele mutubiganibwe, kibalo bantû bamo bagana, Yoano washûka kuima kû baki. 8Bange besambile kwana Elia waimina, no bange besambile kwana gûmo wa bamoni bakala washûka kûima kûbaki. 9Mone Helode wêsambile: “Gûdjo Yoano mukalile twee; nani byonka gûdjû wanantegelela mianda gyage?” Ûbele no kiwewe kya kumumona.
Yesû walibaa kyakûlya Bantu elufu litano
(Matayo 14.13-21; Maluko 6.30-44; Yoano 6.1-14)
10Kyaba balya ba bikûla bage lwabebwêlêle, bamulombwele Yesû byonse bya balongile. Yesû wêbatwalile, bagêle hantû abugima ekûbwêhe no kibûndê kya Betesaida. 11Mone balya bantû lwabamanyine kwagêle, bamulondile. Yesû wêbakunkile wêbabangêle kibalo kya Bûkolo bwa Kabesha Mpûngû, wêbaandishe bakebile kûandibwa.
12Djûba alibambile kûtûka balia ba bikûla kumi no babêlê bamuikêle Yesû bamulombwele: “Wêbalage bantû bagyate mubibûndê no kûmabala ge kûbwêhê, bakebe byakûlya no hantû akûlala kibalo ano atûlê akyanya.”
13Mone Yesû wêbaêndwêle: “Mwibae byakûlya.”
Nobo baêndwêle: “Hatûle kyokyonse nambo mikate gitano no misha gibêlê. Ao tûgyate twêbolêle byakulya bisabibagwane bantû baba bonse.” 14(Babele alya baana balûme basangenwe 5,000.)
Nfulo Yesû wêbalombwele baana babuganga bage: “Mwibalombole bantû bekane ansê bibûngo bya bantû makuni gatano gatano.”
15Baana babûganga balongile nansho no muntû gense wêkene ansê, 16Yesû ûtwalile gilya mikate gitano no gilya misha gibêlê, ûlwele mwigûlû, no kufwisha, kûwa wêgyêsele malyese, wigisansûlwêle, wêbaele baana babûganga bage bebatange bantû. 17Bantû bonse balêle bekutile. No baana ba bûganga bakongile biendê bya mikate bisigele badjulishe bitala kumi no bibêlê.
Petelo wasitêkêkya kwana Yesû û Kilisitu
(Matayo 16.13-19; Maluko 8.27-29)
18Sigi limo Yesû ûbele walomba bugima bwage, no baana babûganga bage babele amo nage. Nfolo wêbabulishe: “Bantû bakwêsamba nene nini?”
19 #
Mt 14.1-2; Malk 6.14-15; Lk 9.7-8 “Nobo bamuêndwêle Yesû Bange,” besambile gwee wê Yoano. “Mubatisha bange Elia, no bange balisamba kwana wêgûmo wa bamoni wa shûka kuima kûbaki.”
20 #
Yoa 6.68-69
Kûwa Yesû wêbabulishe: “No benywe mwalisamba, nene nini?”
Petelo ûwêndwêle: “Gwee ûge Kilisitu wa Kabesha Mpûngû.”
Yesû walagûla kibalo kya kûsûsûlwa no luki lwege
(Matayo 16.20-28; Maluko 8.30—9.1)
21Hûao Yesû wêbatakêshe baana bûganga bage na bakalomboli muntû gegense mwanda gûgo. 22Yesû ûgêlêlêle kwêsamba kwana, “Kiyenene Mwana wa Muntû wêkamona masûsû gangê, no kûbengwa no baleli, balambwili bakûlû, no balangi babisila no muyenene kwêyagwa. No sigi lya bûsatû, wêkashûlwa.”
23 #
Mt 10.38; Lk 14.27 Nfulo Yesû wêbalombwele bantû bonse: “Muntû gense gekûkeba kûba mwaana wabûganga wane, kiyenene ebenge kikûlê kyage, atwale mutê gwa mpênga mpêtya gwage masigi gonse, no anonde. 24#Mt 10.39; Lk 17.33; Yoa 12.25Kibalo muntû wakûkeba kûandia ngikeno gyage mwine, wakegitobesha, mone wêkatobesha ngikeno gyage kibalo kyane wêkegiandia. 25Katolwa kê muntû gee kûkamona bûeta bonse bwa mukandje, mone asiminie no kûtobesha kikûlê kyage gee mwine? 26Muntû gegense wêkamwena nsoni nene no mianda gyane, Mwana wa Muntû wa kamumwena nsoni muntû gûdjo, kyaba kyalêkasha mu ntumbo gyage no ntumbo gya Shage no gya masalagûlû galûmbûlûke. 27Sitê sitê nanimilombola, bamo mubûkata bwa bemane ano abakatompi luki, ntê habalimone Bûkolo bwa Kabesha Mpûngû.”
Yesû wagalabûka lûkebo
(Matayo 17.1-8; Maluko 9.2-8)
28 #
2 Pet 1.17-18
Kilêko kya masigi muganda nghimba gya kwêsamba gigyo, Yesû wêbatwalile Petelo, Yoano no Yakobo, ûgêle kûlûgûlû kûlomba. 29Abele walomba, lûkebo lwege lûmonekile nagwe lwagalabuka, no bishandê byage bikenkile bimugenge gwa nkûba. 30Onkao bamonekile bantu babêlê Musa no Elia, babele bakûbanga nage. 31Bamonekile mu ntumbo, babangile no Yesû kibalo kya kûkya kwage kwana kwêkaimina kûko Yelusalema, mwanda agwanininie bisintilwe kibalo kyage. 32Petelo no benage babele bakomenwe no tûlo tûkole; mone kyaba kya babyukile, bamwene ntumbo gya Yesû, no balya bantû babêlê babele bemane amo nage. 33Kyaba kikyo balya bantû babêlê lwababele balekenkana no Yesû, Petelo umulombwele Yesu: “Mulangi, bisoga twêkane ano! Nfulo tuimpe bitûla bisatû, kimo kyobe kimo kya Musa no kimo kya Elia.” Mone Petelo ûbele edjê byabele walisamba.
34Petelo lwabele walisamba nasho, lûkwe lûmo kile kibaimine no kwêbaûta, no kile akibaikêle balya baana babûganga batudjukile biiko. 35Djûwê litegelelwe kuima mukikyo kile: “Gûdjû ûge mwanane wansolwele, mumutegelele gee.”
36Nghimba gya djûwê lya Kabesha Mpûngû kwêsamba, bamutanine Yesû elê bugima bwage. Baana babûganga baempele mianda gigyo kwa kibiso no abalombwele muntû gegense gilya gyonse gya bamwene.
Yesû wahandia nsongwa lûme wêno minyaga gibê
(Matayo 17.14-18; Maluko 9.14-27)
37Djoo lyage, Yesû no balya baana babûganga basatû, Petelo, Yoano no Yakobo, lwabatûkile kuima kûlûgûlû, kibûngo kikata kyabantû kikuminkene nabo. 38Muntû gûmo mukilya kibûngo ûwangwêle djûwê, kwêsamba: “Mulangi! Nankwêsasa mukwashe nsongwa lûme wane wabugima! 39Nghendo kwa nghendo munyaga gûbe gwamuhûkêla, no kumulonga angûle djûwê, kûwa gwakumugwêsha bisila ngoga no kuimwa no nfulu kûkania. Gûgo munyaga gûbe gwa kumudjembia biiko no hagwakumuleka no ene asho! 40Nibalombile baana babûganga bobe baimie gûgo munyaga gûbe, nobo habanyonghwene.”
41Yesû wêbaêndwêle: “Lwênywe lûbyalo lûbê lusi no lwêtabêsho, ngikane nenyu no kwimilêndêla kwikêla kyaba kê? Musishe nsongwa lûme obe ano.”
42Kyaba mwana gûdjo lwabele washa kwê Yesû, gûlia munyaga gûbe gumugwilishe ansê no kumubêka bisila ngoga. Mone Yesû wêgûkankêle gûlya munyaga gûbê gumuime, ûmwandishe gûlya nsongwa lûme no umwibwêle kwê shage. 43Bantû bonse begalagenie biiko, kwakûmona bûkome bûkata bwa Kabesha Mpûngû.
Yesû walagûla byonka kibalo kya luki lwege
(Matayo 17.22-23; Maluko 9.30-32)
Nobo bantû bonse lwababele mukwêgalagania, kibalo kya mianda gyonse Yesû gilongekile, gee wêbalombwele baana babûnganga bage: 44“Mutegelele bisoga mianda gyandê kemilombola, Mwana wa Muntû wakaimibwa mumaboko ga bantû.” 45Mone boo habasingûlwêle mianda gya lisambile. Kibalo mianda gigyo gibele gibisêkwe kwabalê kûba nabakasingululi; nobo batinine kumubûsha nsintwe gya mianda gigyo.
Nani mukûlû
(Matayo 18.1-5; Maluko 9.33-37)
46 #
Lk 22.24
Kuimine mpaka abûkata bwa balya baana babûganga kibalo kya nani wêkaba mukûlû kûbonse. 47Mone Yesû usingûlwêle maninga gabo, noge umutwalile mwana mushoo umubikile kûgêbwa kwabo,
48 #
Mt 10.40; Lk 10.16; Yoa 13.20 kûwa wêbalombwele: “Muntû gegense wêkamutambûla mwana gûdjo mukemuke ku sina lyane wantambûla nene; no gegense wakûntambûla nene, wamutambûla gûlia untumine. Kibalo gûlia mukemuke kûlêmba bonse abûkata bwenyu ûge wêko mukûlû kûlêmba bonse.”
Husimangi gyenyu wêmugela gwenyu
(Maluko 9.38-40)
49Yoano umulombwele: “Mulangi, tûmwene muntû gûmo wakuimia minyaga gibê ku sina lyobe, tûtompile kumukanda kwakûba gee hagûmo wetû.”
50Yesû umulombwele: “Namukamukandi, kibalo gûlya usimangi gyenyu wêmugela gwenyu.”
Basamalia babengile kumukûnka Yesû
51Kyaba akigwanine kya Yesû kûtwalwa mwigûlû, gee ûkampilwe kûgya Yelusalema. 52Utumine bikûla bamutagêlêle, nobo bagêle mukibûndê kimo kiaba Samalia kûba bamubêkêle djambûla kintû kyonse. 53Mone bantû ba kibûndê kilia habebakunkile kibalo ûbele mwelekele Yelusalema.
54 #
2 Mub 1.9-16
Kyaba baana babûganga bage, Yakobo no Yoano, lwabamwene nansho, besambile: “Kolo, wakeba tûtakêshe kaya katûke kuima mwigûlû kebatobeshe?”
55Mone “Yesû wêbalabûkêle kwêbakankêla biiko.” 56Nobo bagêle ku kibûndê kinge.
Bûlûlê bwa kumulonda Yesû
(Matayo 8.19-22)
57Lwababele bagya mundjêla, muntû gûmo umulombwele Yesû: “Nsankûlonde kokonse konokagya.”
58Yesû umuêndwêle: “Mibwabwa gino mekano mumena, no toni twagûlû twêno binswa, mone Mwana wa Muntû halê hantû akûbêka kwa twe.”
59Yesû umulombwele muntû gûnge: “Nonde.”
Mone muntû gûlya umuêndwêle: “Kolo, ntakêshe bêlê ngyate munshêke tata.”
60Yesû wêndwêle, “Wêbaleke baki bashêke baki babo. Mone gwee gyata ûkatûmbye Bûkolo bwa Kabesha Mpûngû.”
61 #
1 Mub 19.20
No muntû gûnge umulombwele: “Kolo, nshakûlonde; mone nanomba ngyate ndage belê ba mbyalwa nane.”
62Yesû wêndwêle: “Muntû gense wakwata mwini gwa lûkasû mukûlêma, kûno wakwalabuka nghimba, hamuyenene kwêngêla mu Bûkolo bwa Kabesha Mpûngû.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល