Luka 21
21
Sedeka Mase Makeyi
Mk 12.41-44
1De Yesu kone bisi, E geni nsu mbo nani sua saa sedeka a siki mbo beiko sa sedeka a laki Mirikisi. 2Yesu kwa geni potoruwa mase makeyi e zo de sa gyolo bi piri de keyi toro kobo. 3Yesu nkye <<Na gye ku gaskye,>> Sedeka de Potoruwa makeyi mu beyi e pi ni guru ntani. 4Guru ntani mu su beyi sedeka asu a siki mbo nani asu de su ma shi la; sede e shi mase makeyi mu e beyi a siki reshi mbo de e manshi de yaa zunwa ni leyi yi.>>
Yesu yi Beta A kiya Juru ni Gizi Mirikisi
Mat 24.1,2; Mk 13.1,2
5Worosu yaya gizi e yi su para yi beta a kiya laki Mirikisi de su yi gyaga nja dunsi kyakyawu nja kyawuta de su beyi ba Mirikisi. Sede Yesu gye su nkye, 6<<Mbo de kwa geni anya mu, kwanki yaa zo de ba dunsi daa de zunwa a bisi ni daa, kowoni daa a siki asu sua la kutiri a kisi.>>
Wuya ni Pari
Mat 24.3-14; Mk 13.3-13
7Worosu su ntani minya Yesu nkye, <<Male,>> <<Woni kwanki na mbo mu yaa paru? Nja mina ma alama de mwa geni kwanki de mbo worosu mu sua paru?>>
8Yesu keleba su nkye: <<Ku kone kede nse daa e shishirigye ku. Ntani Nyowa sua zo a siki seni na, sua nkye, <E ni na ni ma e shi,> nja, <Kwanki e yi kusa.> Kede ku biya su. 9Nde ku zi nabari yanki nja dege ankeli, kede ku zi womba. Mbo woromu dole na su paru mpari, sede karishe tuku zowo ba.>>
10Se Yesu gye su: <<Arishiya daa sua yi geba nja arishiya daa, nja solota geri daa sua yi geba nja solota geri daa, 11Sua yi mumungu zizika kesa, sua yi nyunwa nja aloba a kowoni anga, Mbo womba yaa paru nja totore alama yaa butu a bisi.
12<<Sede kapi guru mbo mu, sua ka ku nja ba ku Genbeki. Sua la ku beyi a kolonwa nja jaru, sua zo ku a geba seleki nja kamkiya, guru sobon ni seni na. 13Damu yaama dama ba ku de kwa beyi sheeda nabari kyakyawu. 14Sede ku saa dishiya aku kede ku da mu yiri de kwa tele kiya ku. 15Na gye ku beta de kwa pala nja shina de nse daa a siki oboki geba aku sua yi yaa ki ko su yi musu ni mbode ku pala. 16Sua butu ku a beyi ko nsu adaa aku, yayuwa aku, nsu gizi aku nja oboki aku, nja sua kisa worosu su aku. 17Guru ntani sua ki ku sobon seni na. 18Sede ba gesa ni kiya aku daa de yaa beta ba. 19Ku sakisi nsori kwa sila nkiya ke.
Yesu Pala Yiride Wurishelima Yaa Juru
Mat 24.15-21; Mk 13.14-19
20<<Nde ku geni Wurishelima gyowe ni shoja, kwa shina nkye juru e yi kusa. 21Se worede su ma Yawudiya su yi gudu ta kiya ogbo, worede su ma totolo geri su butu a woze, nja worede su ma kesa daa kede su yuru atotolo geri. 22Da mu ma kwanki ni poro, sobon dole guru mbode e ma rubuta a siki takada Mirikisi e sika . 23Gbotuma aku mata nsu siki nja mata nsu goyi yaya a kwanki ni! sua yi mumungu wuya a kesa nja anwashi ni Mirikisi a kiya ni ntani. 24Sua kisa ntani worosu ayanki sua kaa worosu nta yaya jaru te bowuta a guru worosu kesa. Worede su shina Mirikisi ba sua taka Wurishelima kapi de kwanki worede shina Mirikisi ba e sika.
Zo ni Yaa Nsebeki
Mat 24.29-31; Mk 13.24-27
25<<Mwa kwa geni alama yaa nana a siki naana, wonta nja kemu. A siki durinya, worede su shina Mirikisi ba sua sha Genbeki nja rikishe sobon womba zizika ni tonsa totolo riki nja dege mbo de riki mma yi. 26Ntani sua lense muntu sobon womba ni mbode yaa paru a durinya, sori ni agida gida bisi yaa zizika. 27A kwanki ni sua geni yaa nsebeki yaa zo dege a gidagida ni sori nja totolo girima e yi. 28Nde mbo woromu para paru, dege kiya aku a bisi, sobon pushe aku e yi kusa.>>
Kokoyi A kiya Ntasi Bori
Mat 24.32-35; Mk 13.28-31
29Yesu gye su abenshi mu nkye: <<Ku kone ntasi bori nja guru ntasi. 30Nde su para butu genya, oku nkiya aku ku shina ndamina yi kusa. 31Nzun yomu, nde ku geni mbo worosu mu sua paru, ku shina nkye solota ni gizi Mirikisi e yi kusa.
32<<Na gye ku gaskye, ntani kuzum kam sua taba muntu ba se guru mbo worosu mu paru. 33Bisi nja kisi sua bise, sede beta na yaa taba bise ba.
Showura A kiya Zunwa Nshiri
34<<Ku zunwa ni shiri, kede kusa dishiya aku a kiya mbosi si nja sha nja damuwa ni durinya su dama dishiya aku, mba yomu ba, nana ni yaa zo de ku shina ba kankye toroko. 35Yaa zo a kiya guru ntani durinya kankye toroko. 36Ku sa ndani kone kowon nana nja yi lepa sobon de ku sila dege guru mbode yaa paru, nja de ku sakisi a geba ni yaa nsebeki.>> 37Kowoni nana Yesu yaa kokoyi a laki Mirikisi, se kowoni nyema yaa te kwana a kiya totolo dunsi de sua sukwa zetu, 38se guru ntani sua zo anya e yi nsasape de su zi yi a laki Mirikisi.
ទើបបានជ្រើសរើសហើយ៖
Luka 21: Gaa
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria
Luka 21
21
Sedeka Mase Makeyi
Mk 12.41-44
1De Yesu kone bisi, E geni nsu mbo nani sua saa sedeka a siki mbo beiko sa sedeka a laki Mirikisi. 2Yesu kwa geni potoruwa mase makeyi e zo de sa gyolo bi piri de keyi toro kobo. 3Yesu nkye <<Na gye ku gaskye,>> Sedeka de Potoruwa makeyi mu beyi e pi ni guru ntani. 4Guru ntani mu su beyi sedeka asu a siki mbo nani asu de su ma shi la; sede e shi mase makeyi mu e beyi a siki reshi mbo de e manshi de yaa zunwa ni leyi yi.>>
Yesu yi Beta A kiya Juru ni Gizi Mirikisi
Mat 24.1,2; Mk 13.1,2
5Worosu yaya gizi e yi su para yi beta a kiya laki Mirikisi de su yi gyaga nja dunsi kyakyawu nja kyawuta de su beyi ba Mirikisi. Sede Yesu gye su nkye, 6<<Mbo de kwa geni anya mu, kwanki yaa zo de ba dunsi daa de zunwa a bisi ni daa, kowoni daa a siki asu sua la kutiri a kisi.>>
Wuya ni Pari
Mat 24.3-14; Mk 13.3-13
7Worosu su ntani minya Yesu nkye, <<Male,>> <<Woni kwanki na mbo mu yaa paru? Nja mina ma alama de mwa geni kwanki de mbo worosu mu sua paru?>>
8Yesu keleba su nkye: <<Ku kone kede nse daa e shishirigye ku. Ntani Nyowa sua zo a siki seni na, sua nkye, <E ni na ni ma e shi,> nja, <Kwanki e yi kusa.> Kede ku biya su. 9Nde ku zi nabari yanki nja dege ankeli, kede ku zi womba. Mbo woromu dole na su paru mpari, sede karishe tuku zowo ba.>>
10Se Yesu gye su: <<Arishiya daa sua yi geba nja arishiya daa, nja solota geri daa sua yi geba nja solota geri daa, 11Sua yi mumungu zizika kesa, sua yi nyunwa nja aloba a kowoni anga, Mbo womba yaa paru nja totore alama yaa butu a bisi.
12<<Sede kapi guru mbo mu, sua ka ku nja ba ku Genbeki. Sua la ku beyi a kolonwa nja jaru, sua zo ku a geba seleki nja kamkiya, guru sobon ni seni na. 13Damu yaama dama ba ku de kwa beyi sheeda nabari kyakyawu. 14Sede ku saa dishiya aku kede ku da mu yiri de kwa tele kiya ku. 15Na gye ku beta de kwa pala nja shina de nse daa a siki oboki geba aku sua yi yaa ki ko su yi musu ni mbode ku pala. 16Sua butu ku a beyi ko nsu adaa aku, yayuwa aku, nsu gizi aku nja oboki aku, nja sua kisa worosu su aku. 17Guru ntani sua ki ku sobon seni na. 18Sede ba gesa ni kiya aku daa de yaa beta ba. 19Ku sakisi nsori kwa sila nkiya ke.
Yesu Pala Yiride Wurishelima Yaa Juru
Mat 24.15-21; Mk 13.14-19
20<<Nde ku geni Wurishelima gyowe ni shoja, kwa shina nkye juru e yi kusa. 21Se worede su ma Yawudiya su yi gudu ta kiya ogbo, worede su ma totolo geri su butu a woze, nja worede su ma kesa daa kede su yuru atotolo geri. 22Da mu ma kwanki ni poro, sobon dole guru mbode e ma rubuta a siki takada Mirikisi e sika . 23Gbotuma aku mata nsu siki nja mata nsu goyi yaya a kwanki ni! sua yi mumungu wuya a kesa nja anwashi ni Mirikisi a kiya ni ntani. 24Sua kisa ntani worosu ayanki sua kaa worosu nta yaya jaru te bowuta a guru worosu kesa. Worede su shina Mirikisi ba sua taka Wurishelima kapi de kwanki worede shina Mirikisi ba e sika.
Zo ni Yaa Nsebeki
Mat 24.29-31; Mk 13.24-27
25<<Mwa kwa geni alama yaa nana a siki naana, wonta nja kemu. A siki durinya, worede su shina Mirikisi ba sua sha Genbeki nja rikishe sobon womba zizika ni tonsa totolo riki nja dege mbo de riki mma yi. 26Ntani sua lense muntu sobon womba ni mbode yaa paru a durinya, sori ni agida gida bisi yaa zizika. 27A kwanki ni sua geni yaa nsebeki yaa zo dege a gidagida ni sori nja totolo girima e yi. 28Nde mbo woromu para paru, dege kiya aku a bisi, sobon pushe aku e yi kusa.>>
Kokoyi A kiya Ntasi Bori
Mat 24.32-35; Mk 13.28-31
29Yesu gye su abenshi mu nkye: <<Ku kone ntasi bori nja guru ntasi. 30Nde su para butu genya, oku nkiya aku ku shina ndamina yi kusa. 31Nzun yomu, nde ku geni mbo worosu mu sua paru, ku shina nkye solota ni gizi Mirikisi e yi kusa.
32<<Na gye ku gaskye, ntani kuzum kam sua taba muntu ba se guru mbo worosu mu paru. 33Bisi nja kisi sua bise, sede beta na yaa taba bise ba.
Showura A kiya Zunwa Nshiri
34<<Ku zunwa ni shiri, kede kusa dishiya aku a kiya mbosi si nja sha nja damuwa ni durinya su dama dishiya aku, mba yomu ba, nana ni yaa zo de ku shina ba kankye toroko. 35Yaa zo a kiya guru ntani durinya kankye toroko. 36Ku sa ndani kone kowon nana nja yi lepa sobon de ku sila dege guru mbode yaa paru, nja de ku sakisi a geba ni yaa nsebeki.>> 37Kowoni nana Yesu yaa kokoyi a laki Mirikisi, se kowoni nyema yaa te kwana a kiya totolo dunsi de sua sukwa zetu, 38se guru ntani sua zo anya e yi nsasape de su zi yi a laki Mirikisi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria