Luka 19
19
Zaka nsu keleba Gendu
1Yesu yuru a Yeriko e bise a siki geri. 2Nseminji daa ma a geri ni de seni yi ma Zaka; e shi na ma tolense nsu keleba gendu, e ma nsu mbo nani soseyi 3Yaa bila de geni ko waa ma Yesu, sede e ma nse guntu yaa geni Yesu ba, sobon yowa ntani. 4Se Zaka yi gudu ta geba su te nyunwa bisi ntasi totolo de e geni Yesu, tunde Yesu yaa biya turiki ni.
5De Yesu keyi anya ni, e kone bisi na e gye yi, <<Zaka sonka kuzukam. Eni ma su ka a gizi ka yawumu.>> 6Anya ni Zaka sonka seseberi na keleba yi ni peri siki. 7De ntani guru geni yomu se su yi mungu beta, <<Geni yaa ma bakwe a gizi nsu lepi.> >>
8Sede Zaka dege a bisi gye Obagizi, kone anya mu, Obagizi! kuzukam Eni na beyi rebi ni mbode ni man shi ba potoruwa, nde Ni shushe nse da ni mbodaa, Naa biya sen wuru mbode ni keleba>>
9Yesu gye yi nkye, yawu mu sila zo a gizi mu, sobon nseminji mu ma yaa ni Abireyi la.
10Sobon Yaa nsebeki zo de bilaa nja sila worede de su beta la.>>
Abenshi ni Pangom
Mat 25.14-30
11De su tuku ma zi mbo mu, Yesu sigeba gye su abenshi, sobon e yi kusa ni Wurishelima se ntani sua yi tunani nta solota Mirikisi yaa zo dandani na. 12Yesu gye su nkye, <<Tolense nseminji daa te a kesa daa de su lende yi solota seleki de kuma zo. 13Se nseminji sukwa bunwa yi ni gom e ba su gyolo, e gye su nkye ku yi bije nshi, se ni zo.> 14<<Sede ntani yi Sua bila e yi ba su saka manki te keyi nseminji mu nkye, mua bila nseminji mu de ma seleki amu ba.> 15Nzun yomu <<Su lende yi seleki, e kuma zo a gizi. Se e saka manki sukwa bunwa yi worede e ba su gyolo, yaa so de e shina ko su samu riba ni gyolo de e ba su. 16Ni pari zo nkye, <Tolense, gyolo ake naka nja riba gom jaja. 17Mgba anki, kyakyawu bunwa! Obagizi yi keleba. <Sobon ki ma aminshi a mbo dende, ma ba ke dama de ki ma kamkiya ni totolo geri gom.> 18<<Bunwa ni bi zo nkye tolense, gyolo biyari de ki ba ni, ni sakye samu riba biyari jaja.> 19<<Obagizi yi keleba, <Ka ma kamkiya totolo geri biyari.> 20<<Se bunwa ni wuku zo nkye <Tolense, gyolo ke naka; Ni boyi sa a siki kukukyo woriki. 21Ni zi womba ake, sobon ki ma nseminji nsu wuya shina la, nkye ki ma la anya de eke na ki la saba nja ka kwa yi anya de eke na ki nyunkwa ba.>
22<< Obagizi yi keleba, <Na yi ke shiriya a beta Baki ke, e ke mungu bunwa! Ki shina ko ki shina ba, nkaa ni ma nsebeki nsu wuya na, mma la mbode e ni na Ni la sa a kisi ba, nja kwa yi mbode e ni na ni nyunkwa ba? 23Ki shina yomu mina sa de ki la gyolo na sa laki boyi gyolo, de nte zo keleba ni riba ba?> 24<<Se nsugizi ni bunwa ni gye worede su sakisi anya ni ku keleba gyolo ni dege anya e yi de ku la ba nsude man gyolo gom ni,>
25<<<Tolense,> su nkye, e rigye ma ni gyolo gom wo!
26<<E keleba, <Na gye ku guru nsude e manshi nyowa sua ja yi nshi, sede nsude manshi ba, ko piri de e manshi sua la keleba nshi shika yi nani 27Sede obokigeba na de su ma bila ni de ni ma seleki asu ba, ka yi su zo anya mu de ku kisa su a geba na.> >>
Yesu Yuru a Wurishelima
Mat 21.1-11; Mk 11.1-11; Jn 12.12-19
28A beyi de Yesu pala yomu, E yi geba, ta Wurishelima. 29De e kusa keikei Betapaji nja Betani de sua sukwa yi Dunsi Zetu, saka yayagizi e yi bi, gye su nkye, 30<<Ku ta dende geri de ma a geba aku, ku te yuru kwa geni janki domuna anya ni, de nseda taba nunwa yi ba. ku kunshe yi de ku zo nshi anya mu. 31Nde nseda minya ku, <Mina sa kwa kunshe yi?> Ku gye yi, <Obagizi yaa bila e yi.> >> 32Worede su saka su, su te san shi yiri de Yesu gye su. 33De sua kunshe janki ni, nde nsu nshi minya su, <<Mina sa kwa kunshe janki mu? >>
34Su keleba, <<Obagizi yaa bila yi ANKI nshi.>>
35Su zo nshi keyi Yesu, su nya keyi asu a kiya janki se Yesu nyunwa a kiya e yi. 36Yesu ma a kiya tepiya, ntani tona keyi asu a turiki.
37De Yesu zo kusa ni turiki de te ni Dunsi Zetu, na guru yayagizi e yi su para yi perisiki su ma yi yobo te nja Mirikisi ni totolo murinya sobon ni mbo mamanki de su geni ni ndani asu:
38<<Anabirika nama seleki nsude yaa zo a siki seni ni Obagizi
<<selema ma a siki bisi nja girima nja mirikisi a bisi!>>
39Worosu parisiyawa a siki ntani gye Yesu,<< Male, kwabe yayagizi ake de su ripe baki su! >>
40<<Na gye ku, >> nde su yi shuru, dunsi sua yi kuruwa. >>
Yesu yi Kuka Sobon Wurishelima
41De Yesu zo kusa nja Wurishelima e geni totolo geri, e yi kuka sobon shi 42nkye, <<Nde oku, ari ni oku, da ku shina mbode yaa zo ku ni selema sede kuzukam e ma a boyi a ndani ku. 43Nana ni yaa zo a kiya ku de obokigeba aku yaa gini golonwa de yaa tele ku a sisika kowoni keteri. 44Sua taka ku a kisi, oku nja yaya ku a siki golonwa. Sua bilaa dunsi daa a bisi daa ba, sobon ku ki de ku gane kwanki de Mirikisi yaa zo de sila ku.>>
Yesu Te a Laki Lepa
45Se Yesu yuru a laki Mirikisi e para kula ntani de sua la mbo see. 46<<E ma rubuta a siki takada Mirikisi,>> Yesu gye su nkye, << < Gizi naa yaa ma gizi lepa> Sede ku leyi ma kunguni bolowa,> >> 47kowoni nana yaa kokoyi a laki Lepa, sede Kamkiya Pirisi, nsu male kokoyi doka Musa nja toree ntani su ma bila turiki de sua kisa yi. 48Sede su samu turiki de sua kisa yi ba, sobon guru ntani sua zi beta yi.
ទើបបានជ្រើសរើសហើយ៖
Luka 19: Gaa
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria
Luka 19
19
Zaka nsu keleba Gendu
1Yesu yuru a Yeriko e bise a siki geri. 2Nseminji daa ma a geri ni de seni yi ma Zaka; e shi na ma tolense nsu keleba gendu, e ma nsu mbo nani soseyi 3Yaa bila de geni ko waa ma Yesu, sede e ma nse guntu yaa geni Yesu ba, sobon yowa ntani. 4Se Zaka yi gudu ta geba su te nyunwa bisi ntasi totolo de e geni Yesu, tunde Yesu yaa biya turiki ni.
5De Yesu keyi anya ni, e kone bisi na e gye yi, <<Zaka sonka kuzukam. Eni ma su ka a gizi ka yawumu.>> 6Anya ni Zaka sonka seseberi na keleba yi ni peri siki. 7De ntani guru geni yomu se su yi mungu beta, <<Geni yaa ma bakwe a gizi nsu lepi.> >>
8Sede Zaka dege a bisi gye Obagizi, kone anya mu, Obagizi! kuzukam Eni na beyi rebi ni mbode ni man shi ba potoruwa, nde Ni shushe nse da ni mbodaa, Naa biya sen wuru mbode ni keleba>>
9Yesu gye yi nkye, yawu mu sila zo a gizi mu, sobon nseminji mu ma yaa ni Abireyi la.
10Sobon Yaa nsebeki zo de bilaa nja sila worede de su beta la.>>
Abenshi ni Pangom
Mat 25.14-30
11De su tuku ma zi mbo mu, Yesu sigeba gye su abenshi, sobon e yi kusa ni Wurishelima se ntani sua yi tunani nta solota Mirikisi yaa zo dandani na. 12Yesu gye su nkye, <<Tolense nseminji daa te a kesa daa de su lende yi solota seleki de kuma zo. 13Se nseminji sukwa bunwa yi ni gom e ba su gyolo, e gye su nkye ku yi bije nshi, se ni zo.> 14<<Sede ntani yi Sua bila e yi ba su saka manki te keyi nseminji mu nkye, mua bila nseminji mu de ma seleki amu ba.> 15Nzun yomu <<Su lende yi seleki, e kuma zo a gizi. Se e saka manki sukwa bunwa yi worede e ba su gyolo, yaa so de e shina ko su samu riba ni gyolo de e ba su. 16Ni pari zo nkye, <Tolense, gyolo ake naka nja riba gom jaja. 17Mgba anki, kyakyawu bunwa! Obagizi yi keleba. <Sobon ki ma aminshi a mbo dende, ma ba ke dama de ki ma kamkiya ni totolo geri gom.> 18<<Bunwa ni bi zo nkye tolense, gyolo biyari de ki ba ni, ni sakye samu riba biyari jaja.> 19<<Obagizi yi keleba, <Ka ma kamkiya totolo geri biyari.> 20<<Se bunwa ni wuku zo nkye <Tolense, gyolo ke naka; Ni boyi sa a siki kukukyo woriki. 21Ni zi womba ake, sobon ki ma nseminji nsu wuya shina la, nkye ki ma la anya de eke na ki la saba nja ka kwa yi anya de eke na ki nyunkwa ba.>
22<< Obagizi yi keleba, <Na yi ke shiriya a beta Baki ke, e ke mungu bunwa! Ki shina ko ki shina ba, nkaa ni ma nsebeki nsu wuya na, mma la mbode e ni na Ni la sa a kisi ba, nja kwa yi mbode e ni na ni nyunkwa ba? 23Ki shina yomu mina sa de ki la gyolo na sa laki boyi gyolo, de nte zo keleba ni riba ba?> 24<<Se nsugizi ni bunwa ni gye worede su sakisi anya ni ku keleba gyolo ni dege anya e yi de ku la ba nsude man gyolo gom ni,>
25<<<Tolense,> su nkye, e rigye ma ni gyolo gom wo!
26<<E keleba, <Na gye ku guru nsude e manshi nyowa sua ja yi nshi, sede nsude manshi ba, ko piri de e manshi sua la keleba nshi shika yi nani 27Sede obokigeba na de su ma bila ni de ni ma seleki asu ba, ka yi su zo anya mu de ku kisa su a geba na.> >>
Yesu Yuru a Wurishelima
Mat 21.1-11; Mk 11.1-11; Jn 12.12-19
28A beyi de Yesu pala yomu, E yi geba, ta Wurishelima. 29De e kusa keikei Betapaji nja Betani de sua sukwa yi Dunsi Zetu, saka yayagizi e yi bi, gye su nkye, 30<<Ku ta dende geri de ma a geba aku, ku te yuru kwa geni janki domuna anya ni, de nseda taba nunwa yi ba. ku kunshe yi de ku zo nshi anya mu. 31Nde nseda minya ku, <Mina sa kwa kunshe yi?> Ku gye yi, <Obagizi yaa bila e yi.> >> 32Worede su saka su, su te san shi yiri de Yesu gye su. 33De sua kunshe janki ni, nde nsu nshi minya su, <<Mina sa kwa kunshe janki mu? >>
34Su keleba, <<Obagizi yaa bila yi ANKI nshi.>>
35Su zo nshi keyi Yesu, su nya keyi asu a kiya janki se Yesu nyunwa a kiya e yi. 36Yesu ma a kiya tepiya, ntani tona keyi asu a turiki.
37De Yesu zo kusa ni turiki de te ni Dunsi Zetu, na guru yayagizi e yi su para yi perisiki su ma yi yobo te nja Mirikisi ni totolo murinya sobon ni mbo mamanki de su geni ni ndani asu:
38<<Anabirika nama seleki nsude yaa zo a siki seni ni Obagizi
<<selema ma a siki bisi nja girima nja mirikisi a bisi!>>
39Worosu parisiyawa a siki ntani gye Yesu,<< Male, kwabe yayagizi ake de su ripe baki su! >>
40<<Na gye ku, >> nde su yi shuru, dunsi sua yi kuruwa. >>
Yesu yi Kuka Sobon Wurishelima
41De Yesu zo kusa nja Wurishelima e geni totolo geri, e yi kuka sobon shi 42nkye, <<Nde oku, ari ni oku, da ku shina mbode yaa zo ku ni selema sede kuzukam e ma a boyi a ndani ku. 43Nana ni yaa zo a kiya ku de obokigeba aku yaa gini golonwa de yaa tele ku a sisika kowoni keteri. 44Sua taka ku a kisi, oku nja yaya ku a siki golonwa. Sua bilaa dunsi daa a bisi daa ba, sobon ku ki de ku gane kwanki de Mirikisi yaa zo de sila ku.>>
Yesu Te a Laki Lepa
45Se Yesu yuru a laki Mirikisi e para kula ntani de sua la mbo see. 46<<E ma rubuta a siki takada Mirikisi,>> Yesu gye su nkye, << < Gizi naa yaa ma gizi lepa> Sede ku leyi ma kunguni bolowa,> >> 47kowoni nana yaa kokoyi a laki Lepa, sede Kamkiya Pirisi, nsu male kokoyi doka Musa nja toree ntani su ma bila turiki de sua kisa yi. 48Sede su samu turiki de sua kisa yi ba, sobon guru ntani sua zi beta yi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria