Joni 12
12
Su Nya Yesu Meyi A Betani
Mat 26.6-13; Mk 14.3-9
1Buki ni nyenteri rigye nana shida, Yesu te a kesa ni Betani, anya de Lazaru nsude Yesu dege yi a kumsha yaa zunwa. 2Anya ni su beyi mbosi ni nyema, Mata ma nsu sua nto, Lazaru ma a siki worede su zunwa a kingbolo si mbosi nja Yesu. 3Se Meremu la koluba ni meyi kemeshi ni nardi de ma sere, meyi kemeshi nsu gyolo nyowa, e la nya a seni Yesu nja e shire Yesu seni ni gesa kiya yi. kemeshi kakada gizi ni guru.
4Sede daa a siki yayagizi yi, Yawuda Isikariyoti, nsu de yaa butu Yesu a beyi, pala nkye, 5<<Mina yaa nana de su la meyi kemeshi mu see de su la gyolo ni ba potoruwa ba? E deta gyolo de nse yaa yi anki shekera daa.>> 6E pala yomu, ba sobon yaa so potoruwa naba sede sobon e ma bolowa la; e shiya bogolo ni gyolo su ma a nani yi, e meyi bolowa dege siki gyolo de ma anya yi.
7Yesu keleba nkye, <<Ku bila yi meyi>> <<Yaa la meyi mu sa pekye nana de sua bishina ni. 8Kowoni kwanki kuma nja potoruwa, sede ba kowoni kwanki na kwa ma nja ni ba>>
Su yi Shiri De Su Kisa Lazaru
9De ntani Yawudawa nyowa de su zi nabari Yesu ma anya ni se su zo, ba sobon Yesu eshi dandaa naba sede sobon de su geni Lazaru, nsude su dege yi a kumsha. 10Se tolense pirisi su yi showura de su kisa Lazaru du, 11sobon nshi la Yawudawa nyowa su beigaskye nja Yesu.
Yesu Yuru Wurishelima Kankye Seleki
Mat 21.1-11; Mk 11.1-11; Lk 19.28-40
12De geri shekeri ntani nyowa tala a buki nyenteri su zi nkye Yesu ma a turiki de yaa zo a Wurishelima. 13Se su kwa yi opanpo gima su butu woze de su gomu nshi, su dege murinya sua nkye <<Osana>> <<Anabirika ma nja nshi nsu de yaa zo a siki seni ni Obagizi!>> <<Anabirika ma nja Seleki ni Izireyila!>>
14De Yesu samu yaa janki daa se e zunwa a kiya e yi, yiri de e ma a rubutu nkye,
15<<Kede ki zi womba, e ke yaamase ni Siyona;
<<Geni Seleki ke nama zo ka
e zunwa a kiya yaa janki>>
16Yayagizi Yesu gane mbo worosu mu dege pari ba. Sede a beyi de su la Yesu te a siki dereja yi, Se su turunwa ni mbode su rubuta a kiya e yi na su yi Yesu mbo mu
17Ntani de su tala anya ni nja Yesu a kwanki de e dege Lazaru a kumsha worede su ma anya ni su sigeba ni beyi sheeda a kiya mbode Yesu yi. 18Sobon su zi mbo mamanki de Yesu yi, na ntani nyowa butu de su gomu nja shi. 19Se anya ni Parisiyawa gye kiya su nkye, <<Geni, mbo mu yaa keyi mu ta anya daa ba. Kone yiride konwawa durinya su ma biya yi!>>
Worosu su Helenawa Su Bila de Su Geni Yesu
20Worosu su Helenawa a siki worede su te anya buki a Wurishelima de su yi bowuta. 21Su zo anya ni Pilibu, nsu de e butu a Beseda ni kesa Galili, ni pata. <<Tolense>> su nkye << Mua bila de mu geni Yesu.>> 22Pilibu te gye Anduru; Anduru nja Pilibu te gye Yesu.
23Yesu keleba su nkye, <<Kwanki yi wo de sua ba Yaa nsebeki girima. 24Mma gye ku gaskye, se ku bishina saba ni alkama a kisi de e muntu tuku ba, yaa ma yiri ndandaa. Sede nde e muntu tuku yaa yapu nyowa. 25Nsude yaa so leyi yi yaa lesa yi, sede nsude ki leyi yi a durinya mu sobon Eni yaa mani leyi ni gbogbo. 26Du nsude yaa bowuta ni dole na e biya ni; nja anya de ni ma, bunwa na yaa ma nja ni du. Adaa na yaa ba guru nsude bowuta Ni girima.
Yesu Yi Beta A kiya Muntu yi
27<<Kuzukam dishiya na ma a siki ngala, mina na pala? <Adaa, sila nni butu a kwanki mu>? Yi, sobon kwanki mu na ni zo. 28Adaa, ki dereja seni ke!>>
Se murinya butu a bisi nkye, <<Ni dereja ke, Na kwa dereja ke jaja.>> 29Ntani nyowa de su tala anya ni zi murinya mu su nkye mu zi kankye akpala; worosu su nkye meleku Mirikisi na yaa yi beta nja shi
30Yesu nkye, <<Murinya mu e ma sobon ku la, ba sobon e ni naba. 31Kuzukam na e ma kwanki de sua yi durinya shiriya; kuzukam na nsu solota durinya mu sua butu yi a solota durinya. 32Nde su dege Ni a kisi, na jaa guru ntani zo anya na.>> 33Yesu pala yomu de e nana yiride yaa muntu.
34Ntani pala nkye, <<Mu zi dege siki doka nkye Kiristi yaa ma ari gbogbo, yaya na ka nkye, <<Dole na sua dege Yaa nsebeki a bisi>? Waa ma <Yaa nsebeki mu>?>>
35Se Yesu gye su nkye, <<A siki kwanki piri asikye yaa ma nja ku. Ku yi tepiya a kwanki de asikye ma nja ku, kede dopuwa e shakiya aku. Nsude meyi tepiya a siki dopuwa yaa shina ko angana yaa te ba.
Reshi Yeda ni Ntani
36Ku beigaskye ni asikye tunde e tuku ma nja ku, de ku ma yaya asikye, >> De Yesu gama yi beta mu, e dege te boyi kiya yi dege anya su.
37Kode Yesu yi guru mbo mamanki mu a geba su, nzun yomu su ki beigaskye nshi. 38Nsum e ma de su sika mbode e ma a rubuta a siki takada anebi Ishaya nkye:
<<Obagizi waa beigaskye ni manki mu
nja te anya waa Obagizi ka pelesa yiko ke?>>
39Sobon delili mu la sa su beigaskye ba, yiride anebi Ishaya pala anya daa a siki takada e yi nkye:
40<<Mirikisi sa su ma makapi
nja e sa dishiya asu yi tori
de kede su geni ni ndani su,
ko su gane ni dishiya su,
de su juyi zo anya na de Ni worikye nsu.>>
41Anebi Ishaya pala mbo mu sobon e geni dereja ni Yesu> nja e beyi manki a kiya Yesu.
42Nzun yomu kwanki ni ntani nja toree Yawudawa nyowa su beigaskye ni Yesu. Sede sobon Parisiyawa su ki yi beta a pili su zi womba kede su kula su bila kolonwa; 43Su pi so yobo dege anya ntani nja pi yobo ni Mirikisi.
Kelima Yesu Yaa yi Shiriya
44Se Yesu dege murinya nkye, <<Guru nsude beigaskye nja Ni, e beigaskye nja E ni dandaa na ba, sede nja nsude saka ni. 45Du nsude kone ni, yaa geni nsude saka ni na du. 46Ni zo a siki durinya a kiya de ni ma asikye la, de du nsude e beigaskye nja ni yaa zunwa a siki dopuwa ba.
47<<Nsude zi kelima na biya yi ba, Na yi shiriya ba. Ni zo de ni yi ntani durinya shiriya na ba, sede ni sila nshi. 48Sede Ni ma ni nsude yaa yi shiriya du nsude ki ni e kuma ki biya kelima na; kelima de ni pala na yaa yi su shiriya a nana karishe. 49Ba ni yi beta mu dun kiya na ba, sede Adaa de saka ni na ba ni doka ni mbode na pala nja yiride na yi beta. 50Ni shina nkye doka yi de e beyi e ma leyi ni gbogbo na, sobon yomu guru mbode mma pala e ma mbode Adaa gye ni nkye ni pala.>>
ទើបបានជ្រើសរើសហើយ៖
Joni 12: Gaa
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria
Joni 12
12
Su Nya Yesu Meyi A Betani
Mat 26.6-13; Mk 14.3-9
1Buki ni nyenteri rigye nana shida, Yesu te a kesa ni Betani, anya de Lazaru nsude Yesu dege yi a kumsha yaa zunwa. 2Anya ni su beyi mbosi ni nyema, Mata ma nsu sua nto, Lazaru ma a siki worede su zunwa a kingbolo si mbosi nja Yesu. 3Se Meremu la koluba ni meyi kemeshi ni nardi de ma sere, meyi kemeshi nsu gyolo nyowa, e la nya a seni Yesu nja e shire Yesu seni ni gesa kiya yi. kemeshi kakada gizi ni guru.
4Sede daa a siki yayagizi yi, Yawuda Isikariyoti, nsu de yaa butu Yesu a beyi, pala nkye, 5<<Mina yaa nana de su la meyi kemeshi mu see de su la gyolo ni ba potoruwa ba? E deta gyolo de nse yaa yi anki shekera daa.>> 6E pala yomu, ba sobon yaa so potoruwa naba sede sobon e ma bolowa la; e shiya bogolo ni gyolo su ma a nani yi, e meyi bolowa dege siki gyolo de ma anya yi.
7Yesu keleba nkye, <<Ku bila yi meyi>> <<Yaa la meyi mu sa pekye nana de sua bishina ni. 8Kowoni kwanki kuma nja potoruwa, sede ba kowoni kwanki na kwa ma nja ni ba>>
Su yi Shiri De Su Kisa Lazaru
9De ntani Yawudawa nyowa de su zi nabari Yesu ma anya ni se su zo, ba sobon Yesu eshi dandaa naba sede sobon de su geni Lazaru, nsude su dege yi a kumsha. 10Se tolense pirisi su yi showura de su kisa Lazaru du, 11sobon nshi la Yawudawa nyowa su beigaskye nja Yesu.
Yesu Yuru Wurishelima Kankye Seleki
Mat 21.1-11; Mk 11.1-11; Lk 19.28-40
12De geri shekeri ntani nyowa tala a buki nyenteri su zi nkye Yesu ma a turiki de yaa zo a Wurishelima. 13Se su kwa yi opanpo gima su butu woze de su gomu nshi, su dege murinya sua nkye <<Osana>> <<Anabirika ma nja nshi nsu de yaa zo a siki seni ni Obagizi!>> <<Anabirika ma nja Seleki ni Izireyila!>>
14De Yesu samu yaa janki daa se e zunwa a kiya e yi, yiri de e ma a rubutu nkye,
15<<Kede ki zi womba, e ke yaamase ni Siyona;
<<Geni Seleki ke nama zo ka
e zunwa a kiya yaa janki>>
16Yayagizi Yesu gane mbo worosu mu dege pari ba. Sede a beyi de su la Yesu te a siki dereja yi, Se su turunwa ni mbode su rubuta a kiya e yi na su yi Yesu mbo mu
17Ntani de su tala anya ni nja Yesu a kwanki de e dege Lazaru a kumsha worede su ma anya ni su sigeba ni beyi sheeda a kiya mbode Yesu yi. 18Sobon su zi mbo mamanki de Yesu yi, na ntani nyowa butu de su gomu nja shi. 19Se anya ni Parisiyawa gye kiya su nkye, <<Geni, mbo mu yaa keyi mu ta anya daa ba. Kone yiride konwawa durinya su ma biya yi!>>
Worosu su Helenawa Su Bila de Su Geni Yesu
20Worosu su Helenawa a siki worede su te anya buki a Wurishelima de su yi bowuta. 21Su zo anya ni Pilibu, nsu de e butu a Beseda ni kesa Galili, ni pata. <<Tolense>> su nkye << Mua bila de mu geni Yesu.>> 22Pilibu te gye Anduru; Anduru nja Pilibu te gye Yesu.
23Yesu keleba su nkye, <<Kwanki yi wo de sua ba Yaa nsebeki girima. 24Mma gye ku gaskye, se ku bishina saba ni alkama a kisi de e muntu tuku ba, yaa ma yiri ndandaa. Sede nde e muntu tuku yaa yapu nyowa. 25Nsude yaa so leyi yi yaa lesa yi, sede nsude ki leyi yi a durinya mu sobon Eni yaa mani leyi ni gbogbo. 26Du nsude yaa bowuta ni dole na e biya ni; nja anya de ni ma, bunwa na yaa ma nja ni du. Adaa na yaa ba guru nsude bowuta Ni girima.
Yesu Yi Beta A kiya Muntu yi
27<<Kuzukam dishiya na ma a siki ngala, mina na pala? <Adaa, sila nni butu a kwanki mu>? Yi, sobon kwanki mu na ni zo. 28Adaa, ki dereja seni ke!>>
Se murinya butu a bisi nkye, <<Ni dereja ke, Na kwa dereja ke jaja.>> 29Ntani nyowa de su tala anya ni zi murinya mu su nkye mu zi kankye akpala; worosu su nkye meleku Mirikisi na yaa yi beta nja shi
30Yesu nkye, <<Murinya mu e ma sobon ku la, ba sobon e ni naba. 31Kuzukam na e ma kwanki de sua yi durinya shiriya; kuzukam na nsu solota durinya mu sua butu yi a solota durinya. 32Nde su dege Ni a kisi, na jaa guru ntani zo anya na.>> 33Yesu pala yomu de e nana yiride yaa muntu.
34Ntani pala nkye, <<Mu zi dege siki doka nkye Kiristi yaa ma ari gbogbo, yaya na ka nkye, <<Dole na sua dege Yaa nsebeki a bisi>? Waa ma <Yaa nsebeki mu>?>>
35Se Yesu gye su nkye, <<A siki kwanki piri asikye yaa ma nja ku. Ku yi tepiya a kwanki de asikye ma nja ku, kede dopuwa e shakiya aku. Nsude meyi tepiya a siki dopuwa yaa shina ko angana yaa te ba.
Reshi Yeda ni Ntani
36Ku beigaskye ni asikye tunde e tuku ma nja ku, de ku ma yaya asikye, >> De Yesu gama yi beta mu, e dege te boyi kiya yi dege anya su.
37Kode Yesu yi guru mbo mamanki mu a geba su, nzun yomu su ki beigaskye nshi. 38Nsum e ma de su sika mbode e ma a rubuta a siki takada anebi Ishaya nkye:
<<Obagizi waa beigaskye ni manki mu
nja te anya waa Obagizi ka pelesa yiko ke?>>
39Sobon delili mu la sa su beigaskye ba, yiride anebi Ishaya pala anya daa a siki takada e yi nkye:
40<<Mirikisi sa su ma makapi
nja e sa dishiya asu yi tori
de kede su geni ni ndani su,
ko su gane ni dishiya su,
de su juyi zo anya na de Ni worikye nsu.>>
41Anebi Ishaya pala mbo mu sobon e geni dereja ni Yesu> nja e beyi manki a kiya Yesu.
42Nzun yomu kwanki ni ntani nja toree Yawudawa nyowa su beigaskye ni Yesu. Sede sobon Parisiyawa su ki yi beta a pili su zi womba kede su kula su bila kolonwa; 43Su pi so yobo dege anya ntani nja pi yobo ni Mirikisi.
Kelima Yesu Yaa yi Shiriya
44Se Yesu dege murinya nkye, <<Guru nsude beigaskye nja Ni, e beigaskye nja E ni dandaa na ba, sede nja nsude saka ni. 45Du nsude kone ni, yaa geni nsude saka ni na du. 46Ni zo a siki durinya a kiya de ni ma asikye la, de du nsude e beigaskye nja ni yaa zunwa a siki dopuwa ba.
47<<Nsude zi kelima na biya yi ba, Na yi shiriya ba. Ni zo de ni yi ntani durinya shiriya na ba, sede ni sila nshi. 48Sede Ni ma ni nsude yaa yi shiriya du nsude ki ni e kuma ki biya kelima na; kelima de ni pala na yaa yi su shiriya a nana karishe. 49Ba ni yi beta mu dun kiya na ba, sede Adaa de saka ni na ba ni doka ni mbode na pala nja yiride na yi beta. 50Ni shina nkye doka yi de e beyi e ma leyi ni gbogbo na, sobon yomu guru mbode mma pala e ma mbode Adaa gye ni nkye ni pala.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria