Joni 10
10
Abenshi Ni Nsukone Timshiya
1Yesu pala nkye, <<Gaskye eni mma gye ku, guru nsude yuru laki de su ma tala timshiya te kopa ba, sede e biya turiki daa mbom, e ma bolowa la nja nsu keleba mbo nsori. 2Nsukone timshiya e ma yuru anya de su ma tala timshiya te kopa la. 3Nsu kpanku kopa yaa bure nsukone timshiya kopa, timshiya su ma zi murinya ni nsukone nsu. Nsukone timshiya e ma sukwa konwawa ni seni yi e ma te nsu anya suku sanwa. 4Nde e butu ni timshiya de ma na yi, se e la geba timshiya kuma sua biya e yi a beyi sobon su shina murinya yi. 5Sede sua biya bakwe ba; sua yi gudu yi sobon su shina murinya bakwe ba.>> 6Yesu gye su abenshi mu, sede su gane mbode Yesu ma pala ba.
Yesu Nsukone Kyakyawu
7Nkayomu Yesu sakye gye su nkye, <<Gaskye na mma gye ku, E ni la ni ma kopa de timshiya ma yuru. 8Guru worede su zo a beyi na su ma bolowa la nja nsu keleba mbo nsori, sede timshiya zi su ba. 9E ni la ni ma kankye kopa, guru nsude yuru te anya na yaa samu sila. Sua yuru sua butu sua samu mbosi nyowa. 10Bolowa e ma zo na de yi bolowa nja kisa nja de e bebeta; sede e ni ni zo de ku mani leyi, nja de ku samu leyi ni gbogbo.
11Yesu nkye, <<Eni la ni ma nsukone timshiya kyakyawu. Nsukone timshiya kyakyawu nsu e yi leyi yi de muntu sobon de e sila ni timshiya yi. 12Nsude su la yi de e yi kiwo ni gyolo e ma nsu kpanku timshiya aba. Sobon yomu nde e geni tamusu e ma zo, yaa yi gudu bila timshiya. Se tamusu yaa dukwa timshiya se yaapi su a sanwa. 13Nseminji ni yi gudu sobon timshiya su ma na yi aba e meyi ANKI gyolo la mbodaa suwo yi nja timshiya ba.
14Eni la ni ma nsukone kyakyawu; Ni shina timshiya na timshiya na su shina ni na muntu sobon timshiya na, 15kankye yiride Adaa na shina ni Eni ma ni shina Adaa na du, sobon yomuna ni beyi leyi na de ni muntu sobon timshiya. 16Ni man worosu timshiya de su ma na de ma ni kunji mu ba. Ema dole na nkeyi su zo nshi a siki kunji mu du. Osu ma sua zi murinya na, guru su sua ma kunji ndandaa nja nsukone ndandaa. 17Mbode e sa Adaa na e ma so ni aka, de na muntu sobon timshiya na, nde ni muntu na kwa dege nleyi jaja. 18Nseda yaa la leyi na ba, sede e ni nkiya na ni zabi de ni muntu. Ni mani yiko de na beyi leyi na de ni muntu ni kwa man yiko de ni nkye na muntu ba. Doka de Ni keleba anya Adaa na aka.>>
19Sobon beta de Yesu yi e sa Yawudawa su meyi musu nja nkiya su. 20Nyowa a siki su su nkye, <<Yesu mani arizeni e shiya sayi e meyi kankye e meyi somiya. Mina sa de kuma zi yi?>>
21Sede worosu su a siki su su nkye, <<Da mu e meyi beta ni nsu arizeni naba. Nsu arizeni yaa yi yaa bure ndani makapi?>>
Yawudawa Su Ki Yesu
22A kwanki yari la su ma yi buki turunwa ni bure Laki Mirikisi a Wurishelima. 23Yesu e ma gyewe papada Seleki Sulemanu a siki laki Mirikisi. 24Ayan Yawudawa nyowa su sakisi gyewe Yesu su nkye, <<Ari woshe la ka gye mu gaskye? Nde ki ma Kiristi la, gye mu de mu shina.>>
25Yesu gye su nkye, <<Ni gye ku, sede oku la ku beigaskye ba. Mbo beyi mamanki de ni ma yi a siki seni Adaa na e shiya yaa nana ku ko waa ma e ni, 26sede ku ki beigaskye sobon ku ma a siki keshi ni timshiya na aba. 27Timshiya na su shina murinya na; Ni shina su, nja sua biya ni. 28Mma ba su leyi ni gbogbo, sua taba muntu ba. Nseda yaa taba la su bila nani na ba. 29Adaa na, de ba ni su, e pi konwawa girima; Nseda yaa taba keleba su bila nani Adaa na ba. 30E ni nja Adaa na mu ma daa la.>>
31Ayan ntani Yawudawa su sakye kwa yi dunsi de su ribi Yesu. 32Sede Yesu gye su nkye, <<Ni nana ku mbo mamanki nyowa dege anya Adaa na. A kiya mina kwa bila de ku ribi ni ndunsi?>>
33Ntani Yawudawa su keleba nkye, <<Mua ribi ke ndunsi sobon mbo beyi mamanki de ki yi naba,>> <<sede sobon beta saba de ki ma yi na, eke de ki ma nsebeki, ki la kiya ke nkye ki ma Mirikisi.>>
34Yesu keleba su nkye, <<E ma a rubutu a siki doka Mirikisi, <Ni nkye ku ma kankye mirikisi dende la.> 35Nde Mirikisi sukwa worede zi beta e yi <boka,> Mu shina takada Mirikisi mayi yaruwa ba, 36sobon yomu eni de Adaa la ni sa a keteri e saka ni a siki durinya. ta yaya kwa nkye ni yi saba sobon de ni pala nkye ni ma, <Yaa ni Mirikisi>? 37Nde e ma ANKI ni Adaa na Ni mayi ba kede ku beigaskye nja ni. 38Sede nde Ni mayi ANKI ni Adaa na la, ko ku beigaskye ni ANKI ni, ko ku beigaskye nja ni ba, ku shina nkye Adaa e ma a siki na Eni ma du Ni ma a siki ni Adaa.>> 39Ayan su kwa bila de su ka Yesu, sede Yesu butu mayi bila nani su.
40Se Yesu kuma mbayi nyenteri ta totolo riki ni Yoda anya de Yaaya nsu tunkwasa yi ntani tunkwasa. Yesu zunwa ayan. 41Ntani nyowa zo anya e yi. Su ma nkye, <<Yaaya taba yi ANKI mbo mamanki ba, sede guru mbode e pala a kiya nseminji mu ema gaskye.>> 42Ayan ntani nyowa su beigaskye nja Yesu.
ទើបបានជ្រើសរើសហើយ៖
Joni 10: Gaa
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria
Joni 10
10
Abenshi Ni Nsukone Timshiya
1Yesu pala nkye, <<Gaskye eni mma gye ku, guru nsude yuru laki de su ma tala timshiya te kopa ba, sede e biya turiki daa mbom, e ma bolowa la nja nsu keleba mbo nsori. 2Nsukone timshiya e ma yuru anya de su ma tala timshiya te kopa la. 3Nsu kpanku kopa yaa bure nsukone timshiya kopa, timshiya su ma zi murinya ni nsukone nsu. Nsukone timshiya e ma sukwa konwawa ni seni yi e ma te nsu anya suku sanwa. 4Nde e butu ni timshiya de ma na yi, se e la geba timshiya kuma sua biya e yi a beyi sobon su shina murinya yi. 5Sede sua biya bakwe ba; sua yi gudu yi sobon su shina murinya bakwe ba.>> 6Yesu gye su abenshi mu, sede su gane mbode Yesu ma pala ba.
Yesu Nsukone Kyakyawu
7Nkayomu Yesu sakye gye su nkye, <<Gaskye na mma gye ku, E ni la ni ma kopa de timshiya ma yuru. 8Guru worede su zo a beyi na su ma bolowa la nja nsu keleba mbo nsori, sede timshiya zi su ba. 9E ni la ni ma kankye kopa, guru nsude yuru te anya na yaa samu sila. Sua yuru sua butu sua samu mbosi nyowa. 10Bolowa e ma zo na de yi bolowa nja kisa nja de e bebeta; sede e ni ni zo de ku mani leyi, nja de ku samu leyi ni gbogbo.
11Yesu nkye, <<Eni la ni ma nsukone timshiya kyakyawu. Nsukone timshiya kyakyawu nsu e yi leyi yi de muntu sobon de e sila ni timshiya yi. 12Nsude su la yi de e yi kiwo ni gyolo e ma nsu kpanku timshiya aba. Sobon yomu nde e geni tamusu e ma zo, yaa yi gudu bila timshiya. Se tamusu yaa dukwa timshiya se yaapi su a sanwa. 13Nseminji ni yi gudu sobon timshiya su ma na yi aba e meyi ANKI gyolo la mbodaa suwo yi nja timshiya ba.
14Eni la ni ma nsukone kyakyawu; Ni shina timshiya na timshiya na su shina ni na muntu sobon timshiya na, 15kankye yiride Adaa na shina ni Eni ma ni shina Adaa na du, sobon yomuna ni beyi leyi na de ni muntu sobon timshiya. 16Ni man worosu timshiya de su ma na de ma ni kunji mu ba. Ema dole na nkeyi su zo nshi a siki kunji mu du. Osu ma sua zi murinya na, guru su sua ma kunji ndandaa nja nsukone ndandaa. 17Mbode e sa Adaa na e ma so ni aka, de na muntu sobon timshiya na, nde ni muntu na kwa dege nleyi jaja. 18Nseda yaa la leyi na ba, sede e ni nkiya na ni zabi de ni muntu. Ni mani yiko de na beyi leyi na de ni muntu ni kwa man yiko de ni nkye na muntu ba. Doka de Ni keleba anya Adaa na aka.>>
19Sobon beta de Yesu yi e sa Yawudawa su meyi musu nja nkiya su. 20Nyowa a siki su su nkye, <<Yesu mani arizeni e shiya sayi e meyi kankye e meyi somiya. Mina sa de kuma zi yi?>>
21Sede worosu su a siki su su nkye, <<Da mu e meyi beta ni nsu arizeni naba. Nsu arizeni yaa yi yaa bure ndani makapi?>>
Yawudawa Su Ki Yesu
22A kwanki yari la su ma yi buki turunwa ni bure Laki Mirikisi a Wurishelima. 23Yesu e ma gyewe papada Seleki Sulemanu a siki laki Mirikisi. 24Ayan Yawudawa nyowa su sakisi gyewe Yesu su nkye, <<Ari woshe la ka gye mu gaskye? Nde ki ma Kiristi la, gye mu de mu shina.>>
25Yesu gye su nkye, <<Ni gye ku, sede oku la ku beigaskye ba. Mbo beyi mamanki de ni ma yi a siki seni Adaa na e shiya yaa nana ku ko waa ma e ni, 26sede ku ki beigaskye sobon ku ma a siki keshi ni timshiya na aba. 27Timshiya na su shina murinya na; Ni shina su, nja sua biya ni. 28Mma ba su leyi ni gbogbo, sua taba muntu ba. Nseda yaa taba la su bila nani na ba. 29Adaa na, de ba ni su, e pi konwawa girima; Nseda yaa taba keleba su bila nani Adaa na ba. 30E ni nja Adaa na mu ma daa la.>>
31Ayan ntani Yawudawa su sakye kwa yi dunsi de su ribi Yesu. 32Sede Yesu gye su nkye, <<Ni nana ku mbo mamanki nyowa dege anya Adaa na. A kiya mina kwa bila de ku ribi ni ndunsi?>>
33Ntani Yawudawa su keleba nkye, <<Mua ribi ke ndunsi sobon mbo beyi mamanki de ki yi naba,>> <<sede sobon beta saba de ki ma yi na, eke de ki ma nsebeki, ki la kiya ke nkye ki ma Mirikisi.>>
34Yesu keleba su nkye, <<E ma a rubutu a siki doka Mirikisi, <Ni nkye ku ma kankye mirikisi dende la.> 35Nde Mirikisi sukwa worede zi beta e yi <boka,> Mu shina takada Mirikisi mayi yaruwa ba, 36sobon yomu eni de Adaa la ni sa a keteri e saka ni a siki durinya. ta yaya kwa nkye ni yi saba sobon de ni pala nkye ni ma, <Yaa ni Mirikisi>? 37Nde e ma ANKI ni Adaa na Ni mayi ba kede ku beigaskye nja ni. 38Sede nde Ni mayi ANKI ni Adaa na la, ko ku beigaskye ni ANKI ni, ko ku beigaskye nja ni ba, ku shina nkye Adaa e ma a siki na Eni ma du Ni ma a siki ni Adaa.>> 39Ayan su kwa bila de su ka Yesu, sede Yesu butu mayi bila nani su.
40Se Yesu kuma mbayi nyenteri ta totolo riki ni Yoda anya de Yaaya nsu tunkwasa yi ntani tunkwasa. Yesu zunwa ayan. 41Ntani nyowa zo anya e yi. Su ma nkye, <<Yaaya taba yi ANKI mbo mamanki ba, sede guru mbode e pala a kiya nseminji mu ema gaskye.>> 42Ayan ntani nyowa su beigaskye nja Yesu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria