TAKADA 26
26
1Se Agiripa gye Bulusu nkye , <<Ni ba ke zini de ki tele kiya ake.>>
Se Bulusu dege nani e yi e gye ntani de su yi shuru se para beta ni tele kiya e yi: 2<<Bulusu gye Seleki Agiripa nkye, Ni geni kiya na ma nsu perisiki la de ni sakisi a geba ke yawumu de ni tele kiya na a siki guru yaruwa de Yawudawa pala a kiya na, 3Sobon musama e ke ki shina alada mu ni Yawudawa soseyi nja mbo de yaa paru. Sobon yomu, yi ni kadishiya na ologba ke de ki zi ni.
4Guru Yawudawa shina yiride ni zunwa na butu a pari a siki kesa na, nja siki Wurishelima guru. 5Su shina ni ndede nja sua yi yaa beyi sheeda a kiya na, nde su yeda de su yi, e ni biya guru alada mu soseyi, ni yi zunwa yiri ni parisiyawa. 6Kuzukam ni sakisi a geba aku yawu mu, de ku yi ni shiriya sobon sadishiya de ni ma shi anya mirikisi de yi nsu Adaatolo aku anikowori. 7Da mu e shina ma anikowori ni zuriya gom sha bi de sua sadishiya de su geni sika nde sua bowuta mirikisi nnana nja ndederi. nsu girima seleki, sobon ni sadishiya mu na sa Yawudawa sua pala yaruwa a kiya na. 8Mina sa de anya aku kwa nkye yaa mani wuya de Mirikisi yaa dege nsude muntu a kumsha?
9Eni ma du a beyi ni yi guru mbode Na yi de Ni nana sigeba ni beta Yesu ni Nazere. 10Mbode ni yi naka a Wurishelima. A siki dama ni toree pirisi Ni sa ntani nsuseki nyowa a siki jaru, ni yeda de su kisa su. Eni ni yada kiya de su yi yomu du. 11Kwanki nyowa Ni biya kolonwa, kolonwa de ni ba nsubiya Yesu poro, nja Ni yi kokori de ni sa su ma saba ni seni Yesu. a siki anwashi na nja su, e sa ni te a totolo geri de ni sa su Genbeki.
Bulusu yi Beta A kiya Juyi E yi
Anki 9.1-19; 22.12-16
12<<A siki tepiya de na ta Dimasiku ni keleba dama nja yeda ni toree ni pirisi 13Nsu girima Seleki, a sisika nana de Ni ma a turiki, Ni geni asikye butu dege bisi, de pi ni nana, yaa si gyewe ni nja nsu oboki tepiya na. 14Mu puari a kisi guru amu, se Ni zi murinya gyeni ni arishiya Aramaya nkye, shawulu, shawulu, mina sa ka ba ni Genbeki yomu? Yaa man wuya de ki yi geba ni manki na.>
15<<Se Bulusu nkye, <Waa ma e ke, Obagizi?>
Obagizi keleba nkye, <<<E ni na ni ma Yesu de ka ba ni Genbeki.> 16<Kuzukam dege de ki sakisi a bisi. Ni butu zo anya ke de ni zabi ke de ki ma bunwa na nja de ki beyi sheeda ni mbode ki geni a kiya na nja mbode Na nana ke. 17E ni mma butu ke a siki ntani ake Yawudawa nja worede su shina mirikisi ba. Na saka ke te anya asu 18de ki bure ndani asu nja de ki zi su dege dopuwa ta asikye, nja de ki butu su dege sori ni mungu nse ta anya Mirikisi, sobon de su keleba yape lepi nja samu anya a siki worede su wonkye su anya beigaskye nja Mirikisi.>
19<<Sobon yomu, nsu girima Seleki Agiripa, Ni yi lesa zi nja Pelesa ni geni dege bisi ba. 20Nsu Dimasiku ma ni pari, nja ntani de ma a Wurishelima nja guru ntani Yawudiya, nja te anya worede su shina Mirikisi ba guru, Ni beyi manki de su juyi bila lepi de su zo anya Mirikisi nja de su nana nkye su juyi bila lepi asu ni mbode sua yi. 21Mbode sa Yawudawa ka ni a siki laki lepa sua bila de su kisa ni naka. 22Sede Mirikisi sua ni to ari zo a nana yawu mu, nja Eni ni sakisi anya mu de ni sheeda ku yaya dende nja toree pawu. Eni pala mbo daa de pi mbode Anebi nja doka Musa kokoyi nkye yaa paru ba, 23nkye Kiristi yaa Genbeki, nja yaa ma ni pari de yaa dege a kumsha, yaa beyi manki ni asikye te anya ntani e yi Yawudawa nja anya worede su shina Mirikisi ba.>>
24De Bulusu ma a kiya beta de e butu kiya e yi se Pestus seleki dege murinya yi kuruwa sukwa Bulusu nkye, <<Ki man kiya kwa,>> <<Yowa karatu ake sa kiya ake tari.>>
25Bulusu keleba nkye, <<Kiya Na tari ba, tolense Pestus,>> <<Mbode mma pala ma gaskye na nja nsu anpani. 26Seleki man shina ni mbo worosu mu, E ni mma yi womba beta anya yi ba. E ni yeda ba mbo daa de nsu girima seleki lesa shina ba, sobon su yi a keteri na ba. 27Nsu girima seleki Agiripa, ki yeda ni anebi? Ni shina ki yeda.>>
28Se seleki Agiripa gye Bulusu nkye, <<Ka geni a kwanki piri mu ka ja ankeli na de ni ma nsu biya Yesu?>>
29Bulusu keleba, <<Kwanki piri ko nyowa, Ni yi lepa te nja Mirikisi de e ke ki ma ba sede guru worede sua zi ni yawu de su ma kankye E ni, sede serika mu de su domuna ni.>>
30Se seleki dege, yomu na Gomuna nja Banisi nja worede zunwa nja su. 31Su bila laki shiriya, se sua yi beta nja nki asu, su nkye, <<Nseminji mu e yi mbo de yaa muntu ba ko su sayi a laki jaru.>>
32Agiripa gye Pestus nkye, <<Da nkye nseminji mu la betayi zo nshi a geba kesar ba mwa yi yaa shika yi.>>
ទើបបានជ្រើសរើសហើយ៖
TAKADA 26: Gaa
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria
TAKADA 26
26
1Se Agiripa gye Bulusu nkye , <<Ni ba ke zini de ki tele kiya ake.>>
Se Bulusu dege nani e yi e gye ntani de su yi shuru se para beta ni tele kiya e yi: 2<<Bulusu gye Seleki Agiripa nkye, Ni geni kiya na ma nsu perisiki la de ni sakisi a geba ke yawumu de ni tele kiya na a siki guru yaruwa de Yawudawa pala a kiya na, 3Sobon musama e ke ki shina alada mu ni Yawudawa soseyi nja mbo de yaa paru. Sobon yomu, yi ni kadishiya na ologba ke de ki zi ni.
4Guru Yawudawa shina yiride ni zunwa na butu a pari a siki kesa na, nja siki Wurishelima guru. 5Su shina ni ndede nja sua yi yaa beyi sheeda a kiya na, nde su yeda de su yi, e ni biya guru alada mu soseyi, ni yi zunwa yiri ni parisiyawa. 6Kuzukam ni sakisi a geba aku yawu mu, de ku yi ni shiriya sobon sadishiya de ni ma shi anya mirikisi de yi nsu Adaatolo aku anikowori. 7Da mu e shina ma anikowori ni zuriya gom sha bi de sua sadishiya de su geni sika nde sua bowuta mirikisi nnana nja ndederi. nsu girima seleki, sobon ni sadishiya mu na sa Yawudawa sua pala yaruwa a kiya na. 8Mina sa de anya aku kwa nkye yaa mani wuya de Mirikisi yaa dege nsude muntu a kumsha?
9Eni ma du a beyi ni yi guru mbode Na yi de Ni nana sigeba ni beta Yesu ni Nazere. 10Mbode ni yi naka a Wurishelima. A siki dama ni toree pirisi Ni sa ntani nsuseki nyowa a siki jaru, ni yeda de su kisa su. Eni ni yada kiya de su yi yomu du. 11Kwanki nyowa Ni biya kolonwa, kolonwa de ni ba nsubiya Yesu poro, nja Ni yi kokori de ni sa su ma saba ni seni Yesu. a siki anwashi na nja su, e sa ni te a totolo geri de ni sa su Genbeki.
Bulusu yi Beta A kiya Juyi E yi
Anki 9.1-19; 22.12-16
12<<A siki tepiya de na ta Dimasiku ni keleba dama nja yeda ni toree ni pirisi 13Nsu girima Seleki, a sisika nana de Ni ma a turiki, Ni geni asikye butu dege bisi, de pi ni nana, yaa si gyewe ni nja nsu oboki tepiya na. 14Mu puari a kisi guru amu, se Ni zi murinya gyeni ni arishiya Aramaya nkye, shawulu, shawulu, mina sa ka ba ni Genbeki yomu? Yaa man wuya de ki yi geba ni manki na.>
15<<Se Bulusu nkye, <Waa ma e ke, Obagizi?>
Obagizi keleba nkye, <<<E ni na ni ma Yesu de ka ba ni Genbeki.> 16<Kuzukam dege de ki sakisi a bisi. Ni butu zo anya ke de ni zabi ke de ki ma bunwa na nja de ki beyi sheeda ni mbode ki geni a kiya na nja mbode Na nana ke. 17E ni mma butu ke a siki ntani ake Yawudawa nja worede su shina mirikisi ba. Na saka ke te anya asu 18de ki bure ndani asu nja de ki zi su dege dopuwa ta asikye, nja de ki butu su dege sori ni mungu nse ta anya Mirikisi, sobon de su keleba yape lepi nja samu anya a siki worede su wonkye su anya beigaskye nja Mirikisi.>
19<<Sobon yomu, nsu girima Seleki Agiripa, Ni yi lesa zi nja Pelesa ni geni dege bisi ba. 20Nsu Dimasiku ma ni pari, nja ntani de ma a Wurishelima nja guru ntani Yawudiya, nja te anya worede su shina Mirikisi ba guru, Ni beyi manki de su juyi bila lepi de su zo anya Mirikisi nja de su nana nkye su juyi bila lepi asu ni mbode sua yi. 21Mbode sa Yawudawa ka ni a siki laki lepa sua bila de su kisa ni naka. 22Sede Mirikisi sua ni to ari zo a nana yawu mu, nja Eni ni sakisi anya mu de ni sheeda ku yaya dende nja toree pawu. Eni pala mbo daa de pi mbode Anebi nja doka Musa kokoyi nkye yaa paru ba, 23nkye Kiristi yaa Genbeki, nja yaa ma ni pari de yaa dege a kumsha, yaa beyi manki ni asikye te anya ntani e yi Yawudawa nja anya worede su shina Mirikisi ba.>>
24De Bulusu ma a kiya beta de e butu kiya e yi se Pestus seleki dege murinya yi kuruwa sukwa Bulusu nkye, <<Ki man kiya kwa,>> <<Yowa karatu ake sa kiya ake tari.>>
25Bulusu keleba nkye, <<Kiya Na tari ba, tolense Pestus,>> <<Mbode mma pala ma gaskye na nja nsu anpani. 26Seleki man shina ni mbo worosu mu, E ni mma yi womba beta anya yi ba. E ni yeda ba mbo daa de nsu girima seleki lesa shina ba, sobon su yi a keteri na ba. 27Nsu girima seleki Agiripa, ki yeda ni anebi? Ni shina ki yeda.>>
28Se seleki Agiripa gye Bulusu nkye, <<Ka geni a kwanki piri mu ka ja ankeli na de ni ma nsu biya Yesu?>>
29Bulusu keleba, <<Kwanki piri ko nyowa, Ni yi lepa te nja Mirikisi de e ke ki ma ba sede guru worede sua zi ni yawu de su ma kankye E ni, sede serika mu de su domuna ni.>>
30Se seleki dege, yomu na Gomuna nja Banisi nja worede zunwa nja su. 31Su bila laki shiriya, se sua yi beta nja nki asu, su nkye, <<Nseminji mu e yi mbo de yaa muntu ba ko su sayi a laki jaru.>>
32Agiripa gye Pestus nkye, <<Da nkye nseminji mu la betayi zo nshi a geba kesar ba mwa yi yaa shika yi.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria