TAKADA 13
13
Su Saka Barnaba Nja Shawulu
1A siki ntani nsubiya Yesu ni Antakiya worosu su anebi nja male su ma anya ni: Barnaba nja Simiyo de sua sukwa yi beki nse, nja Lushiyu de butu dege Sayiri, nja Manaye de yi girima nja Seleki Yiridu, nja Shawulu. 2De sua yi azimi nja bowuta Obagizi, Aworo nsuseki gye su nkye, <<Kula Barnaba nja Shawulu sani nshi a keteri sobon ANKI de Ni sukwa su de su yi.>> 3Se A beyi de su yi azimi nja lepa, su kpa Barnaba nja Shawulu nani a kiya se su seleme su.
Barnaba nja Shawulu a Sayipuru
4Se Barnaba nja Shawulu, de Aworo ni Mirikisi saka su, su te a Salukiya butu anya ni su yuru a kwanto te a Sayipuru. 5De su keyi Salami, su beyi manki beta Mirikisi a siki kolonwa ni Yawudawa. Yaaya ma anya ni nja su yaa sua su nto.
6Beyi de Barnaba Biturusu gyowe siki guru kesa de ma baki riki ari su zo ta Bapo. Anya ni su gomu nja nseminji Yawudawa de yaa yi sapi nja nsu keleba manki yaruwa seni ma Baa Yesu, 7E shi Ba Yesu e ma oboki ni Gomuna, Sarijiyu de sukwa Bulusu, e shi Gomuna Sarijiyu e ma nseminji de shina mbo la, gomuna sukwa Barnaba nja Shawulu sobon yaa so de zi beta ni Mirikisi. 8Sede Alima nsu sapi, sobon mbode maana seni e yi naka ni arishiya Heleniyawa, su ki su sua yi kokori ni zi gomuna butu bila beigaskye. 9Se Shawulu, de sua sukwa yi Bulusu, sika ni Aworo nsuseki, e kapa Alima ndani tiriri nkye, 10<<Ki ma yaa ni mungu nse nja obokigeba ni guru mbode ma kyakyawu! Ki sika ni shishirigye guru ntani nja mungu mbo na a siki ake. Ka bilaa bebeta turiki gangasi ni Obagizi bo? 11Kuzukam nani ni Obagizi yaa horo ke. Kama makapi, ni kwanki piri ka geni asikye nana ba.>>
Dandani a gidagida nja dopuwa zo ripe yi, yaa bebeka nani gyewe, bila nse daa de keyi nani. 12De gomuna ni geni mbode paru, e yeda, e yi mamanki kokoyi ni beta Obagizi.
Bulusu nja Barnaba Antakiya ni Bisidiya
13Se Bulusu nja oboki tepiya e yi su butu dege Bapo a siki ni kwanto su ta Paga kesa ni Papiliya, sede Yaaya bila su kuma te a Wurishelima. 14Sede dege Paga su te a kesa Bisidiya a Antakiya. A nana Asibi su yuru a siki ni kolonwa asu su zunwa a kisi. 15A beyi de su yi karanta dege siki takada Doka Musa nja siki Takada ni Anebi, se toree ni kolonwa saka manki zo anya asu, nkye, <<Yayuwa, nde kuman beta daa ni sa sori guyam ba ntani, kadishiya ku yi beta.>>
16Bulusu sakisi a bisi, e yi su nani nkye: <<Oku yayuwa na ntani Izireyila nja ririgye de kuma bowuta Mirikisi, ku zi ni! 17Mirikisi ni ntani Izireyila zabi nsu adaatolo amu; Mirikisi sa ntani Izireyila su ma nyowa kwanki de su ma a kesa ni Masa, Mirikisi butu su bila kesa ni nja totolo sori, 18Mirikisi yi kadishiya nja su ari shekera aribeni a siki denka, 19Mirikisi keleba kesa bokwe ni Kana se e la kesa ba ntani Izireyila de ma gado asu. 20Guru mbo mu la su shekera deri wuru ni amisin. <<A beyi da mu, Mirikisi ba su nsu shiriya ari kwanki ni anebi Samela.
21Se ntani Yawudawa minya de su ba su seleki, Mirikisi ba su Shawulu yaa ni Kish, de ma juriya ni Benjamin, Kish yi shekera aribeni a siki ni solota. 22A beyi de Mirikisi butu Shawulu a seleki, e sa Dowuda ma seleki asu. Mirikisi beyi sheeda a kiya e yi nkye: <Ni samu Dowuda yaa ni Yesi nsebeki de mani yiri ni dishiya de Mirikisi yaa so; Yaa yi guru mbode Na so de e yi.>
23<<Se Mirikisi yi su anikowori nkye daa a siki ni zuriya ni Dowuda yaa zo de sila ntani Izireyila, Yesu, yiri de e yi su anikowori. 24Kapi de Yesu e zo, Yaaya e beyi manki ni juyi butu a siki mungu mbo nja tunkwasa baa guru ntani Izireyila. 25De Yaaya gama ANKI e yi, e pala nkye: <Ku la ni nta ni ma waa? Yaaya nkye yi, e ni na ni ma nse ni ba. Sede yaa zo a beyi na, de e ni ni deta ni kunshe angweyi ni takalami e yi ba.>
26<<Yayuwa, yaya ni Abireyi, nja oku worede kuma Yawudawa de kwa yi womba Mirikisi, sobon omuna manki ni pushe mu zo. 27Sede ntani Wurishelima nja toree asu su shina nkye e shiya ma nsu sila ni ba, nzun yomu su yi tala muntu sobon su sika kelima ni nsu Anebi de sua karanta kowoni nana asibi. 28Ko de su keyi ni lepi de sua kisa yi ba, su miya Bilatu de su kisa e yi. 29De su sika guru mbode su rubuta a kiya ni Yesu, su leyi sonka dege gidiri se su sa yi a kumsha. 30Sede Mirikisi dege yi man la yi, 31se nana nyowa worede su geni Yesu sua yi tepiya nja shi dege Galili ta Wurishelima. Kuzukam su ma sheeda e yi anya ntani amu.
32<<Omu muma anya mu de mu gye ku nabari kyakyawu: Mbode Mirikisi yi nsu adaatolo mu anikowori. 33Mirikisi sika mu nshi, su ma yaya ayan dege Yesu a bisi. Yiri de ema rubuta a siki takada zabura ni bi:
<< <Ki ma Yaa na na;
yawu Ni ma Adaa ke.
34Mbo de Mirikisi pala a kiya dege Yesu a kumsha ni leyi, yaa taba bila yi de rubu ba, beta Mirikisi sika nkye:
<< <Na ba ke tabata anikowori ni anabirika nsuseki de ba Dowuda.>
35Sobon a siki anya daa a Zabura pala nkye:
<<<Ka bila nsuseki ake daa de rubu ba.>
36<<A kwanki de Dowuda sika ANKI de Mirikisi beyi a sana e yi, e kwakwana a nani dama e yi; su bishina e yi nja nsu adaatolo e yi nki e yi rubu. 37Sede Mirikisi dege Yesu kumsha e rubu a kumsha ba e dege man la yi.
38<<Nkaa yomu, yayuwa na, Na so de ku shina nkye ta anya ni Yesu mu na sua pala gye ku yape ni lepi aku. 39Anya ni Yesu na guru nsude yeda yaa samu butu dege guru lepi de kokoyi ni doka Musa e yi yaa de butu yi a kiya yi ba. 40Ku kula kede mbode Anebi pala a siki ni takada Mirikisi e san ku:
41<< <Ntani su nkye! Kone, oku nsu yi siya,
Yi mamanki de ku bebeta,
Na yi mbo daa a nana aku
de kwa taba yeda ba,
ko nse daa pala gye ku.> >>
42De Bulusu nja Barnaba sua bila siki ni kolonwa, ntani su sakye ologba su de su sigeba ba su beta a kiya ni mbo worosu a nana ni asibi de ma zo. 43A beyi de ntani su bila anya tala, Yawudawa nyowa nja worede su beyi nki asu juyi ta a siki nsu Yawudawa su biya Bulusu nja Barnaba, worede yi su beta su ba su kadishiya de su sigeba a siki ni aniyeri ni Mirikisi.
44De nana asibi sakye yi ntani geri ni guru su gomu de su zi beta ni Obagizi. 45De Yawudawa su geni yowa ntani, su sika nja kyashi nja beta ni basi sua yi geba ni mbode Bulusu yaa pala.
46Se Bulusu nja Barnaba yi su beta ba puari geba: <<E kamata de mu gye ku beta ni kelima Mirikisi npari. Tunde ku ki de ku keleba ku kwa nana nkye ku deta de kuma ni leyi ni dindindin ba, mwa ta anya ni worede su shina Mirikisi ba. 47Nkaa mbode Obagizi ba mu doka nkye:
<< <Ni sa ke de ki ma asikye ba worede su shina Mirikisi ba,
de ki keyi sila na ta karishe ni durinya.> >>
48De worede su shina Mirikisi ba zi mbo mu, su yi peri siki nja su beyi girima ni kelima Obagizi; se guru nsu de Mirikisi zabi su de su man leyi ni dindindin su beigaskye.
49Beta ni Obagizi te kakada a guru gunduma ni. 50Sede Yawudawa su lelebe worosu su mata nsu womba Mirikisi de su ma ba su girima nja worosu su toree ni totolo geri ni. Su dege ni takaasi su sa Bulusu nja Barnaba a geba, su kula su yiri gunduma asu. 51Bulusu nja Barnaba zizika kula ni seni asu de e ma sheeda asu a kiya ni ntani geri ni se su ta Ikoniya. 52Yayagizi Yesu ni Antakiya su sika ni perisiki nya Aworo nsuseki.
ទើបបានជ្រើសរើសហើយ៖
TAKADA 13: Gaa
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria
TAKADA 13
13
Su Saka Barnaba Nja Shawulu
1A siki ntani nsubiya Yesu ni Antakiya worosu su anebi nja male su ma anya ni: Barnaba nja Simiyo de sua sukwa yi beki nse, nja Lushiyu de butu dege Sayiri, nja Manaye de yi girima nja Seleki Yiridu, nja Shawulu. 2De sua yi azimi nja bowuta Obagizi, Aworo nsuseki gye su nkye, <<Kula Barnaba nja Shawulu sani nshi a keteri sobon ANKI de Ni sukwa su de su yi.>> 3Se A beyi de su yi azimi nja lepa, su kpa Barnaba nja Shawulu nani a kiya se su seleme su.
Barnaba nja Shawulu a Sayipuru
4Se Barnaba nja Shawulu, de Aworo ni Mirikisi saka su, su te a Salukiya butu anya ni su yuru a kwanto te a Sayipuru. 5De su keyi Salami, su beyi manki beta Mirikisi a siki kolonwa ni Yawudawa. Yaaya ma anya ni nja su yaa sua su nto.
6Beyi de Barnaba Biturusu gyowe siki guru kesa de ma baki riki ari su zo ta Bapo. Anya ni su gomu nja nseminji Yawudawa de yaa yi sapi nja nsu keleba manki yaruwa seni ma Baa Yesu, 7E shi Ba Yesu e ma oboki ni Gomuna, Sarijiyu de sukwa Bulusu, e shi Gomuna Sarijiyu e ma nseminji de shina mbo la, gomuna sukwa Barnaba nja Shawulu sobon yaa so de zi beta ni Mirikisi. 8Sede Alima nsu sapi, sobon mbode maana seni e yi naka ni arishiya Heleniyawa, su ki su sua yi kokori ni zi gomuna butu bila beigaskye. 9Se Shawulu, de sua sukwa yi Bulusu, sika ni Aworo nsuseki, e kapa Alima ndani tiriri nkye, 10<<Ki ma yaa ni mungu nse nja obokigeba ni guru mbode ma kyakyawu! Ki sika ni shishirigye guru ntani nja mungu mbo na a siki ake. Ka bilaa bebeta turiki gangasi ni Obagizi bo? 11Kuzukam nani ni Obagizi yaa horo ke. Kama makapi, ni kwanki piri ka geni asikye nana ba.>>
Dandani a gidagida nja dopuwa zo ripe yi, yaa bebeka nani gyewe, bila nse daa de keyi nani. 12De gomuna ni geni mbode paru, e yeda, e yi mamanki kokoyi ni beta Obagizi.
Bulusu nja Barnaba Antakiya ni Bisidiya
13Se Bulusu nja oboki tepiya e yi su butu dege Bapo a siki ni kwanto su ta Paga kesa ni Papiliya, sede Yaaya bila su kuma te a Wurishelima. 14Sede dege Paga su te a kesa Bisidiya a Antakiya. A nana Asibi su yuru a siki ni kolonwa asu su zunwa a kisi. 15A beyi de su yi karanta dege siki takada Doka Musa nja siki Takada ni Anebi, se toree ni kolonwa saka manki zo anya asu, nkye, <<Yayuwa, nde kuman beta daa ni sa sori guyam ba ntani, kadishiya ku yi beta.>>
16Bulusu sakisi a bisi, e yi su nani nkye: <<Oku yayuwa na ntani Izireyila nja ririgye de kuma bowuta Mirikisi, ku zi ni! 17Mirikisi ni ntani Izireyila zabi nsu adaatolo amu; Mirikisi sa ntani Izireyila su ma nyowa kwanki de su ma a kesa ni Masa, Mirikisi butu su bila kesa ni nja totolo sori, 18Mirikisi yi kadishiya nja su ari shekera aribeni a siki denka, 19Mirikisi keleba kesa bokwe ni Kana se e la kesa ba ntani Izireyila de ma gado asu. 20Guru mbo mu la su shekera deri wuru ni amisin. <<A beyi da mu, Mirikisi ba su nsu shiriya ari kwanki ni anebi Samela.
21Se ntani Yawudawa minya de su ba su seleki, Mirikisi ba su Shawulu yaa ni Kish, de ma juriya ni Benjamin, Kish yi shekera aribeni a siki ni solota. 22A beyi de Mirikisi butu Shawulu a seleki, e sa Dowuda ma seleki asu. Mirikisi beyi sheeda a kiya e yi nkye: <Ni samu Dowuda yaa ni Yesi nsebeki de mani yiri ni dishiya de Mirikisi yaa so; Yaa yi guru mbode Na so de e yi.>
23<<Se Mirikisi yi su anikowori nkye daa a siki ni zuriya ni Dowuda yaa zo de sila ntani Izireyila, Yesu, yiri de e yi su anikowori. 24Kapi de Yesu e zo, Yaaya e beyi manki ni juyi butu a siki mungu mbo nja tunkwasa baa guru ntani Izireyila. 25De Yaaya gama ANKI e yi, e pala nkye: <Ku la ni nta ni ma waa? Yaaya nkye yi, e ni na ni ma nse ni ba. Sede yaa zo a beyi na, de e ni ni deta ni kunshe angweyi ni takalami e yi ba.>
26<<Yayuwa, yaya ni Abireyi, nja oku worede kuma Yawudawa de kwa yi womba Mirikisi, sobon omuna manki ni pushe mu zo. 27Sede ntani Wurishelima nja toree asu su shina nkye e shiya ma nsu sila ni ba, nzun yomu su yi tala muntu sobon su sika kelima ni nsu Anebi de sua karanta kowoni nana asibi. 28Ko de su keyi ni lepi de sua kisa yi ba, su miya Bilatu de su kisa e yi. 29De su sika guru mbode su rubuta a kiya ni Yesu, su leyi sonka dege gidiri se su sa yi a kumsha. 30Sede Mirikisi dege yi man la yi, 31se nana nyowa worede su geni Yesu sua yi tepiya nja shi dege Galili ta Wurishelima. Kuzukam su ma sheeda e yi anya ntani amu.
32<<Omu muma anya mu de mu gye ku nabari kyakyawu: Mbode Mirikisi yi nsu adaatolo mu anikowori. 33Mirikisi sika mu nshi, su ma yaya ayan dege Yesu a bisi. Yiri de ema rubuta a siki takada zabura ni bi:
<< <Ki ma Yaa na na;
yawu Ni ma Adaa ke.
34Mbo de Mirikisi pala a kiya dege Yesu a kumsha ni leyi, yaa taba bila yi de rubu ba, beta Mirikisi sika nkye:
<< <Na ba ke tabata anikowori ni anabirika nsuseki de ba Dowuda.>
35Sobon a siki anya daa a Zabura pala nkye:
<<<Ka bila nsuseki ake daa de rubu ba.>
36<<A kwanki de Dowuda sika ANKI de Mirikisi beyi a sana e yi, e kwakwana a nani dama e yi; su bishina e yi nja nsu adaatolo e yi nki e yi rubu. 37Sede Mirikisi dege Yesu kumsha e rubu a kumsha ba e dege man la yi.
38<<Nkaa yomu, yayuwa na, Na so de ku shina nkye ta anya ni Yesu mu na sua pala gye ku yape ni lepi aku. 39Anya ni Yesu na guru nsude yeda yaa samu butu dege guru lepi de kokoyi ni doka Musa e yi yaa de butu yi a kiya yi ba. 40Ku kula kede mbode Anebi pala a siki ni takada Mirikisi e san ku:
41<< <Ntani su nkye! Kone, oku nsu yi siya,
Yi mamanki de ku bebeta,
Na yi mbo daa a nana aku
de kwa taba yeda ba,
ko nse daa pala gye ku.> >>
42De Bulusu nja Barnaba sua bila siki ni kolonwa, ntani su sakye ologba su de su sigeba ba su beta a kiya ni mbo worosu a nana ni asibi de ma zo. 43A beyi de ntani su bila anya tala, Yawudawa nyowa nja worede su beyi nki asu juyi ta a siki nsu Yawudawa su biya Bulusu nja Barnaba, worede yi su beta su ba su kadishiya de su sigeba a siki ni aniyeri ni Mirikisi.
44De nana asibi sakye yi ntani geri ni guru su gomu de su zi beta ni Obagizi. 45De Yawudawa su geni yowa ntani, su sika nja kyashi nja beta ni basi sua yi geba ni mbode Bulusu yaa pala.
46Se Bulusu nja Barnaba yi su beta ba puari geba: <<E kamata de mu gye ku beta ni kelima Mirikisi npari. Tunde ku ki de ku keleba ku kwa nana nkye ku deta de kuma ni leyi ni dindindin ba, mwa ta anya ni worede su shina Mirikisi ba. 47Nkaa mbode Obagizi ba mu doka nkye:
<< <Ni sa ke de ki ma asikye ba worede su shina Mirikisi ba,
de ki keyi sila na ta karishe ni durinya.> >>
48De worede su shina Mirikisi ba zi mbo mu, su yi peri siki nja su beyi girima ni kelima Obagizi; se guru nsu de Mirikisi zabi su de su man leyi ni dindindin su beigaskye.
49Beta ni Obagizi te kakada a guru gunduma ni. 50Sede Yawudawa su lelebe worosu su mata nsu womba Mirikisi de su ma ba su girima nja worosu su toree ni totolo geri ni. Su dege ni takaasi su sa Bulusu nja Barnaba a geba, su kula su yiri gunduma asu. 51Bulusu nja Barnaba zizika kula ni seni asu de e ma sheeda asu a kiya ni ntani geri ni se su ta Ikoniya. 52Yayagizi Yesu ni Antakiya su sika ni perisiki nya Aworo nsuseki.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria