TAKADA 1
1
1Tiyopolu, a siki takada na ni pari de, Ni rubuta a kiya ni anki de Yesu para yi nja de e kokoyi 2ari nana de su la Yesu ta bisi. Kapi de su la yi ta bisi, e ba yayamanki de e zabi doka te anya Aworo Nsuseki. 3A beyi muntu Yesu a gidiri, e pelesa nki yi nleyi te nja yayamanki te turiki mbombom de nana nkye e ma nleyi. Su geni yi, Yesu yi nana aribeyi yaa yi beta a kiya ni solota gizi Mirikisi. 4Kwanki de Yesu ma nja yayagizi yi, e ba su doka nkye: <<Kede ku bila Wurishelima. Sede ku pekye se anikowori de Mirikisi adaa na yi sika tuku, anikowori de ni gye ku ni baki na. 5Yaaya yi ntani tunkwasa nja riki, sede nana piri a geba kwa yi tunkwasa ni Aworo nsuseki.>>
Su La Yesu ta Bisi
6De yayamanki gomu anya daakaka, su minya yi nkye, <<Obagizi, a kwanki mu na ka kuman solota ta Izireyila?>>
7Yesu gye yayagizi yi nkye: <<Ema dole na ku shina nana ko kwanki de Adaa sa a siki sori yi ba. 8Sede kwa keleba sori kwanki de Aworo Mirikisi zo a kiya aku; yomu na kwa ma sheeda na a Wurishelima, nja guru anya a Judiya nja Samariya, nja anya guru a durinya.>>
9A beyi de Yesu pala mbo mu, Aworo Mirikisi la yi ta bisi, se gidagida ripe yi su sakye geni yi kuma ba.
10De nsubiya yi sa ndani kone a gidagida de yaa ta bisi, se dandani ntani bi sakisi a keteri asu nja keyi peri. 11Se su nkye, <<Oku ntani Galiliya>> <<Mina sa de ku sakisi anya mu ku ma kone bisi? Yesu de su la yi bila ku ta siki bisi, yaa kuma zo yiride ku geni yi ma te a siki bisi.>>
Su Zabi Mataya de La Solota Ni Yawuda
12De yayagizi yi kuma ta Wurishelima butu a ogbo ni ntasi de sua sukwa yi nkye dunsi Zetu, yaa la su tepiya kwanki piri kapi de su keyi totolo geri. 13De su yuru, su ta laki bisi anya de su ma zunwa. Worede ma anya ni e shiya ma, Biturusu, Yaaya, Yakubu yaa ni Halipa, nja Anduru; Pilibu nja Toma, Batalomi, nja Matiyu; Yakubu yaa ni Alipa, nja Sima de ma nsu so kesa asu, nja Yawuda yaa ni Yakubu. 14Guru nsu worosu mu su beyi kiya su de su yi lepa ni dishiya daa, worosu su mata su ma anya ni nja, Meremu amaa ni Yesu, nja yayuwa yi.
15A Kwanki ni Biturusu dege a bisi a sisika ni nsu beigaskye ni Yesu de su keyi ntani, deri ni ashiri, 16Biturusu gye su nkye, <<Yayuwa na, beta Mirikisi yi kyawu de e sika, de Aworo Mirikisi yi beta a kiya yi kwanki a beyi a baki ni Dowuda a kiya ni Yawuda, de ma nsude la geba kwanki de su ka Yesu. 17Yawuda de ma daa a siki amu de e mani nani a siki ANKI nja mu.>>
18Ni mumungu anki de Yawuda yi, e see pili, anya de e lete nki yi e puari se siki yi wokye, ayanji siki yi nya woze. 19Guru ntani a Wurishelima zi mbo de paru nja Yawuda, se su sukwa pili ni arishiya su nkye Akaldama, ma pili de Zini nya.
20<<Biturusu pala nkye,>> <<Ema rubuta a siki takada ni Zabura,
<<<Gizi yi yaama kongo;
kede nseda ema gizi ni ba,>
nja,
<< <Nseda e la anya zunwa yi ni tolense.
21Nkayomu e yi kyawu de mu zabi nse daa a siki menza mu, de ma nja mu a kwanki guru de Obagizi Yesu mayi tepiya a siki amu, 22butu dege pari tunkwasa ni Yaaya ta kwanki de Mirikisi la Yesu bila mu ta bisi. Daa a siki ntani mu yaama sheeda de geni dege Yesu a kumsha.>>
23Se su beyi ntani bi: Yusupu de sua sukwa yi Barsaba, de sua nkye ema Yustu, nja Mataya. 24Se yayamanki su yi lepa nkye, Obagizi, ki shina dishiya konse. Nana mu nsude ki zabi a siki ntani bi mu 25de e la ni yayamanki ake, de Yawuda bila de e te anya de ma na yi.>> 26De su zabi ni ntani bi, se e puari a kiya ni Mataya, se e ja a kiya yayamanki gom sha daa de rigye.
ទើបបានជ្រើសរើសហើយ៖
TAKADA 1: Gaa
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria
TAKADA 1
1
1Tiyopolu, a siki takada na ni pari de, Ni rubuta a kiya ni anki de Yesu para yi nja de e kokoyi 2ari nana de su la Yesu ta bisi. Kapi de su la yi ta bisi, e ba yayamanki de e zabi doka te anya Aworo Nsuseki. 3A beyi muntu Yesu a gidiri, e pelesa nki yi nleyi te nja yayamanki te turiki mbombom de nana nkye e ma nleyi. Su geni yi, Yesu yi nana aribeyi yaa yi beta a kiya ni solota gizi Mirikisi. 4Kwanki de Yesu ma nja yayagizi yi, e ba su doka nkye: <<Kede ku bila Wurishelima. Sede ku pekye se anikowori de Mirikisi adaa na yi sika tuku, anikowori de ni gye ku ni baki na. 5Yaaya yi ntani tunkwasa nja riki, sede nana piri a geba kwa yi tunkwasa ni Aworo nsuseki.>>
Su La Yesu ta Bisi
6De yayamanki gomu anya daakaka, su minya yi nkye, <<Obagizi, a kwanki mu na ka kuman solota ta Izireyila?>>
7Yesu gye yayagizi yi nkye: <<Ema dole na ku shina nana ko kwanki de Adaa sa a siki sori yi ba. 8Sede kwa keleba sori kwanki de Aworo Mirikisi zo a kiya aku; yomu na kwa ma sheeda na a Wurishelima, nja guru anya a Judiya nja Samariya, nja anya guru a durinya.>>
9A beyi de Yesu pala mbo mu, Aworo Mirikisi la yi ta bisi, se gidagida ripe yi su sakye geni yi kuma ba.
10De nsubiya yi sa ndani kone a gidagida de yaa ta bisi, se dandani ntani bi sakisi a keteri asu nja keyi peri. 11Se su nkye, <<Oku ntani Galiliya>> <<Mina sa de ku sakisi anya mu ku ma kone bisi? Yesu de su la yi bila ku ta siki bisi, yaa kuma zo yiride ku geni yi ma te a siki bisi.>>
Su Zabi Mataya de La Solota Ni Yawuda
12De yayagizi yi kuma ta Wurishelima butu a ogbo ni ntasi de sua sukwa yi nkye dunsi Zetu, yaa la su tepiya kwanki piri kapi de su keyi totolo geri. 13De su yuru, su ta laki bisi anya de su ma zunwa. Worede ma anya ni e shiya ma, Biturusu, Yaaya, Yakubu yaa ni Halipa, nja Anduru; Pilibu nja Toma, Batalomi, nja Matiyu; Yakubu yaa ni Alipa, nja Sima de ma nsu so kesa asu, nja Yawuda yaa ni Yakubu. 14Guru nsu worosu mu su beyi kiya su de su yi lepa ni dishiya daa, worosu su mata su ma anya ni nja, Meremu amaa ni Yesu, nja yayuwa yi.
15A Kwanki ni Biturusu dege a bisi a sisika ni nsu beigaskye ni Yesu de su keyi ntani, deri ni ashiri, 16Biturusu gye su nkye, <<Yayuwa na, beta Mirikisi yi kyawu de e sika, de Aworo Mirikisi yi beta a kiya yi kwanki a beyi a baki ni Dowuda a kiya ni Yawuda, de ma nsude la geba kwanki de su ka Yesu. 17Yawuda de ma daa a siki amu de e mani nani a siki ANKI nja mu.>>
18Ni mumungu anki de Yawuda yi, e see pili, anya de e lete nki yi e puari se siki yi wokye, ayanji siki yi nya woze. 19Guru ntani a Wurishelima zi mbo de paru nja Yawuda, se su sukwa pili ni arishiya su nkye Akaldama, ma pili de Zini nya.
20<<Biturusu pala nkye,>> <<Ema rubuta a siki takada ni Zabura,
<<<Gizi yi yaama kongo;
kede nseda ema gizi ni ba,>
nja,
<< <Nseda e la anya zunwa yi ni tolense.
21Nkayomu e yi kyawu de mu zabi nse daa a siki menza mu, de ma nja mu a kwanki guru de Obagizi Yesu mayi tepiya a siki amu, 22butu dege pari tunkwasa ni Yaaya ta kwanki de Mirikisi la Yesu bila mu ta bisi. Daa a siki ntani mu yaama sheeda de geni dege Yesu a kumsha.>>
23Se su beyi ntani bi: Yusupu de sua sukwa yi Barsaba, de sua nkye ema Yustu, nja Mataya. 24Se yayamanki su yi lepa nkye, Obagizi, ki shina dishiya konse. Nana mu nsude ki zabi a siki ntani bi mu 25de e la ni yayamanki ake, de Yawuda bila de e te anya de ma na yi.>> 26De su zabi ni ntani bi, se e puari a kiya ni Mataya, se e ja a kiya yayamanki gom sha daa de rigye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria