Luuka 21
21
Nyigbayi nyaga
1Shi Yeisu ɓə kpewyewu, wa gye anyaɓwayi ɓai ya nyaga fyi ń Dagayipwuwa nyaɓwasofyiba. 2Wa gye nyigbayi wyekwoyi ce woi ya sisinkəɓwo azhnanai ngwnu-aba fyi. 3Wa gna, “Gaiciya əmi nu gna fye, nyigbayi wyekwoyi ye wo kwu nyaga yafyi n du azaje vnyanya. 4Aza ye vnyanya ɓa knyiknyi nu ń əɓa nyaɓwa ɓanyi ga; ama əwo, dna n əwo awyekwo, wo kwu ga, ənya vnyanya ń wo ncei lo, wa gyianyì ncei.”
Dagayipwuwa agbmazhni n əznù əsa kpmaknai nyai
5Azaho n əwo amwutuyi, ɓə zhi ɓai da shi a ɓə n Dagayipwuwai zhni nyigwnu gnyi, n akwuta amanai n anyagai, n a ɓə kwu ɓa gyigbe ga Shekwoyi. Ama Yeisu wa gna, 6“Anya n fye gye ń ya nyi, əsa ɓe lo, ń a to ɓə fa kwuta tu ń ədo əshe m; dəhodəhoi n ɓa, a ɓə la kwo shniya shi n əknyi.”
7Ɓa nyaɓo, “Nyawuyi, aɓo ye ɓə zhni n knyi əsai nu a? Jesnu knyiyi nu ɓə zhni əznù nge ɓa ye ɓa zhni nu a?”
8Wa dnaɓəgbe, “Fye la əwye ka nabai ń a taa dna fye kwoce m. Ntuge bəgyé ɓə ɓe fyi n əmi əye, ɓai gna, ‘Əmi nu zhni əwo,’ jesnu, ‘Əsa n la wo vyivyiwyi.’ Fye to ɓə vyi ɓa m. 9She fye ɓə wo akwnusnu anabagyi, n gbuzuii, fye to ɓə wodna m. Aɓo ye n ɓa nyi, kwo zhni ɓəshishi nu ɓai kwu zhni kpa, ama anyi zozo əsa to ɓə ɓe nsayisayi m,”
10Nlonu wa gna ɓa: “Əbyé ɓə laka da əbyé, jesnu əbemi ɓə laka da əbemi. 11Əknyi ashnashna yaakwo ɓə zhni laɓa, myikwnu kəsnu dnagbmai ɓə gwnu n anyasnai ń abai gbowogbowo jesnu aɓo adnawo nya ɓədo n aznù ayaakwoi ɓə kwnuɓe n əshemi.
12“Ama to aɓo ye vnyanya ɓai zhni m; ɓa ɓə wna fye, ɓai zhni fye awyesnugbegye əɓo, ɓa ɓə kwu fye taya ga Ayahudiyibwokwnu, ɓai kwu fye fyi n zhalu, jesnu a ɓə ɓe n fyei n asu aba ɓədo n agwomnai, a ɓə zhni fye aɓo ye vnyanya ntu əmi əye ɓo nu. 13Ntucenu fye ɓə kwu zhni əmi aɓəgbmiyi. 14Ama fye ɓəə la bwugba dna akalá, to fyei kwu zhi n aɓəsai shi fye ɓə gnyi əfyehni m. 15Ntuge mi ɓə ga fye ɓədagbma ɓədo n wyemwai ədo ń əfye anuwnuyi to ɓə myi ɓa na kwo aɓo kwo ɓa gbmi kwo aje m. 16Əfye azakwoi, amajei, amapwii, əbye ɓədo n anugwnudoi, ɓa ɓə ɓwu fye jesnu ɓa ɓə kwu azaho wu n əfye atasni. 17Aza vnyanya ɓə wnunu n fyei, ntu əmi ɓo. 18Ama əfye tukwoyi gbmanyi to ɓə ɓwunuwna m. 19Fye ɓəə kwu myizhi n kalái, fye ɓə ɓwa wyewyeyi.
20“She fye ɓə gye akwnuyi ɓa kwu shegwnu Urishelima, fye ɓə kpe nge əkwo agbmazhnisa kwo la wo vyivyiwyi. 21Nlonu fa aza yi n ɓa fyi ń Yahuda əknyi, ɓa ɓə bwusi lo ape, aza yi ń ɓa fyi ń əzhiyaakwo ɓai kwnuya, jesnu aza ń ɓa fyi ń azhigba, ɓa to ɓə lofyi n əzhiyaakwo m. 22Ntuge əsa ye gnyi n zhni tata nya nu, kwoi nu aɓo vnyanya ń a cei kafyilo. 23Anyipyei yi ɓə zhni ədna nya nu ń anubwoda aba n aɓyiya dai! A ɓə gyeazhnì yaakwo dna ń əknyii jesnu minagyi napyei kpe ń aza ye. 24A ɓə wu azaho n əbeyaakwoi jesnu ai kwu ɓa n zhni azhaluda lo ncei ń abye vnyanya aba. Abyedo ɓə la Urishelima dnaya, nya əsa n Abyedo asa ɓə kwu nu.
25“A ɓə gye aznù n nyipyei, n əpyai n akpasii. Fyi ń anyì, abye ɓə kwu fyi ń azhnìgye yaakwoi ɓa ɓə kwu jeje ntu ń shikwo aɓəci ɓo n əkwo anuwnadokwoi. 26Aza ɓə ceafyi ntu azhnìgye yaakwo ɓo, ɓai kwu laɓa kəpmuu to ɓai kpe əɓo ye n kwo ɓəlo tu n anyì m, ntuge a ɓə je anya ashna ń ɓa nyi ń əshebmana nyi. 27Dna n əsayii, ɓa ɓə gye Əza Nugwnu woi ɓe dna n ənyì n kalái ɓədo n latu yaakwoi. 28She aɓo ye ɓə ya zhni, fye ɓə la fyehni ye fya kwu myizhi, ntuge əfye gnyignyi kwo la wo vyivyiwyi.”
29Wa da ɓa ɓəsisi ye: “Fye ka gbaayi shnuwna əwye jesnu ń ashnuwnai vnyanya. 30She ɓa kpmi afnyitolo, fye ɓa gye n əfyehnii, jesnu fya kpe nge gbmama n la wo vyivyiwyi. 31Ntulonu, she fye ɓə gye aɓo ye ɓai zhni, fya kwu kpe nge Shekwoyi əbemi kwo la wo vyivyiwyi.
32“Ɓəhnihni əmi nu gna fye, cala ye taa duya m akpəge aɓo ye vnyanya ɓa kwu zhni. 33Əshe ń əknyii ɓa ɓə la duya, ama əmi aɓədagbma taa duya m nanyinanyi.
34“Fye zhni pəceye, ntolonu m, əfye adu ɓə kwu woshna fyi n agbmada anyìgyi, n nyasnii ɓədo n aɓəsai anyìgyi nya, jesnu nyipyei yi kwoi ɓe n əsagbmanyi to fyei dnace m. 35Ntuge kwo ɓə ɓe kpe ń aza ń ɓa fyilo ń anyì vnyanya. 36Fye kwu zhigwu ciici, jesnu fya zhniaduwa nabai ń fye ɓə myi fyei kwu pwo aɓo vnyanya ń ɓa ye ɓeɓelo nyi, jesnu n fye ɓə myi fyei gnyiagnyi zhi ń Əza Nugwnu abye.”
37Nyipyei dəhodəhoi Yeisu ɓə zhni woi wunya dna ń Dagayipwuwa, jesnu n wyeshe dəhodəhoii wa gbmiya lo Zaitu əpe kwnukwnù waa gyifye tu n ɓo, 38jesnu aza vnyanya ɓa ɓe n labmii ntuge ɓa kna wo ɓəda tnubwa dna ń Dagayipwuwa.
ទើបបានជ្រើសរើសហើយ៖
Luuka 21: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Luuka 21
21
Nyigbayi nyaga
1Shi Yeisu ɓə kpewyewu, wa gye anyaɓwayi ɓai ya nyaga fyi ń Dagayipwuwa nyaɓwasofyiba. 2Wa gye nyigbayi wyekwoyi ce woi ya sisinkəɓwo azhnanai ngwnu-aba fyi. 3Wa gna, “Gaiciya əmi nu gna fye, nyigbayi wyekwoyi ye wo kwu nyaga yafyi n du azaje vnyanya. 4Aza ye vnyanya ɓa knyiknyi nu ń əɓa nyaɓwa ɓanyi ga; ama əwo, dna n əwo awyekwo, wo kwu ga, ənya vnyanya ń wo ncei lo, wa gyianyì ncei.”
Dagayipwuwa agbmazhni n əznù əsa kpmaknai nyai
5Azaho n əwo amwutuyi, ɓə zhi ɓai da shi a ɓə n Dagayipwuwai zhni nyigwnu gnyi, n akwuta amanai n anyagai, n a ɓə kwu ɓa gyigbe ga Shekwoyi. Ama Yeisu wa gna, 6“Anya n fye gye ń ya nyi, əsa ɓe lo, ń a to ɓə fa kwuta tu ń ədo əshe m; dəhodəhoi n ɓa, a ɓə la kwo shniya shi n əknyi.”
7Ɓa nyaɓo, “Nyawuyi, aɓo ye ɓə zhni n knyi əsai nu a? Jesnu knyiyi nu ɓə zhni əznù nge ɓa ye ɓa zhni nu a?”
8Wa dnaɓəgbe, “Fye la əwye ka nabai ń a taa dna fye kwoce m. Ntuge bəgyé ɓə ɓe fyi n əmi əye, ɓai gna, ‘Əmi nu zhni əwo,’ jesnu, ‘Əsa n la wo vyivyiwyi.’ Fye to ɓə vyi ɓa m. 9She fye ɓə wo akwnusnu anabagyi, n gbuzuii, fye to ɓə wodna m. Aɓo ye n ɓa nyi, kwo zhni ɓəshishi nu ɓai kwu zhni kpa, ama anyi zozo əsa to ɓə ɓe nsayisayi m,”
10Nlonu wa gna ɓa: “Əbyé ɓə laka da əbyé, jesnu əbemi ɓə laka da əbemi. 11Əknyi ashnashna yaakwo ɓə zhni laɓa, myikwnu kəsnu dnagbmai ɓə gwnu n anyasnai ń abai gbowogbowo jesnu aɓo adnawo nya ɓədo n aznù ayaakwoi ɓə kwnuɓe n əshemi.
12“Ama to aɓo ye vnyanya ɓai zhni m; ɓa ɓə wna fye, ɓai zhni fye awyesnugbegye əɓo, ɓa ɓə kwu fye taya ga Ayahudiyibwokwnu, ɓai kwu fye fyi n zhalu, jesnu a ɓə ɓe n fyei n asu aba ɓədo n agwomnai, a ɓə zhni fye aɓo ye vnyanya ntu əmi əye ɓo nu. 13Ntucenu fye ɓə kwu zhni əmi aɓəgbmiyi. 14Ama fye ɓəə la bwugba dna akalá, to fyei kwu zhi n aɓəsai shi fye ɓə gnyi əfyehni m. 15Ntuge mi ɓə ga fye ɓədagbma ɓədo n wyemwai ədo ń əfye anuwnuyi to ɓə myi ɓa na kwo aɓo kwo ɓa gbmi kwo aje m. 16Əfye azakwoi, amajei, amapwii, əbye ɓədo n anugwnudoi, ɓa ɓə ɓwu fye jesnu ɓa ɓə kwu azaho wu n əfye atasni. 17Aza vnyanya ɓə wnunu n fyei, ntu əmi ɓo. 18Ama əfye tukwoyi gbmanyi to ɓə ɓwunuwna m. 19Fye ɓəə kwu myizhi n kalái, fye ɓə ɓwa wyewyeyi.
20“She fye ɓə gye akwnuyi ɓa kwu shegwnu Urishelima, fye ɓə kpe nge əkwo agbmazhnisa kwo la wo vyivyiwyi. 21Nlonu fa aza yi n ɓa fyi ń Yahuda əknyi, ɓa ɓə bwusi lo ape, aza yi ń ɓa fyi ń əzhiyaakwo ɓai kwnuya, jesnu aza ń ɓa fyi ń azhigba, ɓa to ɓə lofyi n əzhiyaakwo m. 22Ntuge əsa ye gnyi n zhni tata nya nu, kwoi nu aɓo vnyanya ń a cei kafyilo. 23Anyipyei yi ɓə zhni ədna nya nu ń anubwoda aba n aɓyiya dai! A ɓə gyeazhnì yaakwo dna ń əknyii jesnu minagyi napyei kpe ń aza ye. 24A ɓə wu azaho n əbeyaakwoi jesnu ai kwu ɓa n zhni azhaluda lo ncei ń abye vnyanya aba. Abyedo ɓə la Urishelima dnaya, nya əsa n Abyedo asa ɓə kwu nu.
25“A ɓə gye aznù n nyipyei, n əpyai n akpasii. Fyi ń anyì, abye ɓə kwu fyi ń azhnìgye yaakwoi ɓa ɓə kwu jeje ntu ń shikwo aɓəci ɓo n əkwo anuwnadokwoi. 26Aza ɓə ceafyi ntu azhnìgye yaakwo ɓo, ɓai kwu laɓa kəpmuu to ɓai kpe əɓo ye n kwo ɓəlo tu n anyì m, ntuge a ɓə je anya ashna ń ɓa nyi ń əshebmana nyi. 27Dna n əsayii, ɓa ɓə gye Əza Nugwnu woi ɓe dna n ənyì n kalái ɓədo n latu yaakwoi. 28She aɓo ye ɓə ya zhni, fye ɓə la fyehni ye fya kwu myizhi, ntuge əfye gnyignyi kwo la wo vyivyiwyi.”
29Wa da ɓa ɓəsisi ye: “Fye ka gbaayi shnuwna əwye jesnu ń ashnuwnai vnyanya. 30She ɓa kpmi afnyitolo, fye ɓa gye n əfyehnii, jesnu fya kpe nge gbmama n la wo vyivyiwyi. 31Ntulonu, she fye ɓə gye aɓo ye ɓai zhni, fya kwu kpe nge Shekwoyi əbemi kwo la wo vyivyiwyi.
32“Ɓəhnihni əmi nu gna fye, cala ye taa duya m akpəge aɓo ye vnyanya ɓa kwu zhni. 33Əshe ń əknyii ɓa ɓə la duya, ama əmi aɓədagbma taa duya m nanyinanyi.
34“Fye zhni pəceye, ntolonu m, əfye adu ɓə kwu woshna fyi n agbmada anyìgyi, n nyasnii ɓədo n aɓəsai anyìgyi nya, jesnu nyipyei yi kwoi ɓe n əsagbmanyi to fyei dnace m. 35Ntuge kwo ɓə ɓe kpe ń aza ń ɓa fyilo ń anyì vnyanya. 36Fye kwu zhigwu ciici, jesnu fya zhniaduwa nabai ń fye ɓə myi fyei kwu pwo aɓo vnyanya ń ɓa ye ɓeɓelo nyi, jesnu n fye ɓə myi fyei gnyiagnyi zhi ń Əza Nugwnu abye.”
37Nyipyei dəhodəhoi Yeisu ɓə zhni woi wunya dna ń Dagayipwuwa, jesnu n wyeshe dəhodəhoii wa gbmiya lo Zaitu əpe kwnukwnù waa gyifye tu n ɓo, 38jesnu aza vnyanya ɓa ɓe n labmii ntuge ɓa kna wo ɓəda tnubwa dna ń Dagayipwuwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.