Luuka 16
16
Ɓəsisi nyaknawnayi əwyebwida
1Yeisu wa gna əwo amwutuyi: “Nyaɓwayi ɓə nyi ń a ɓə zhni ai da əwo nyaknawnayi ɓo nge wo zhni əwo nyaɓwa agbma lo. 2Ntulonu wa yì wo dna ń mi jesnu wa nya wo əɓo, ‘Knyiɓei nu n mi wo tu ń əho tukwo a? Ga nyadokwu əho anyaaknawna nya, ntuge ho to ɓəye gwodu ha wna anyaakna m.’
3“Nyaknawnayi yi wa gna əwohni, ‘Mi ɓa zhni knyiyi nu nsaiye a? Əmi pwuwada gnyi woi gwo mi tnutnu nu. Mi to n akalái lo ń mi ɓa nu ofwa m, jesnu vnyinkwo wo mi lo n mi ɓá ɓanya nyi; 4mi kpe əɓo ye lo ń mi ɓa zhni, nabai ń ma tna əmi tnutnu ɓo ń ya; aza ɓə gwo mi dna n əɓa apwuwa.’
5“Ntulonu wa yì zahozahoyi ɓə ncei n wo ɓə n ətai shi əwo dagayi. Wa nya əza kpmisnuyi, ‘Ho n ətai shi əmi dagayi lo aknyi nu a?’
6“Wa dnaɓəgbe, ‘Zaitu omi agalon tagyi-ciwagbmanyi.’
“Nyaknawnayi wa gna wo, ‘Gwoi əho əta nyakashi əpa, sase shi wolowolo haa kwo zè tagyi-anyi-cei-shiitnu.’
7“Nsayi wa nya əzabaayi, ‘Əhohni ncei shi aknyiyi nu a?’
“Wa dnaɓəgbe, ‘Alikama nyamwinya dugwu-gbmanyi.’
“Wa gna wo, ‘Gwo əho əta nyakashi əpa jesnu haa kwo zè tagyi-nyimwanyimwa.’
8“Əwo dagayi wa kwu nyaknawnayi tnagaiciyazhniyi ci ntuge wo kwu cece gyifyi nya pya wu. Ntuge anyìda ɓa du abwuznagnada lo, n cece ń əɓa ɓəzhni n əɓa ajei. 9Əmi nu gna fye, fye zhni apma n anyì nyaɓwai ntuge fya ɓwa anugwnudo ga əfyehni, nabai she kwo ɓə kwu zo, a ɓə gwo fye fyi ń aba nyalonyalo nya.
10“Əzadəhodəhoyi ń a ɓa myi a kpema wo ń aɓo aɓyiiɓyiyii, a ɓa myi a kpema wo n aɓo adnagbmai cè, jesnu əzadəhodəhoyi n wo ta zhni gaiciya lo n aɓo aɓyiiɓyiyii m, wo taa zhni gaiciya n aɓo adnagbmai m. 11Ntulonu ngye a too myi a kpema ho ntu anyì nyaɓwa aknawna ɓo m, nyika nu ɓa ga ho nyaɓwa hnihnii a? 12Nlonu ngye ho to zhni gaiciya n əzado nyaɓwa ɓwashi m, nyika nu ɓa ga ho əhohni nyaɓwa?
13“Əzaho to lo ń wo ɓa myi wa zhni adagayi ngwnu-aba tnutnu m. Kwo wo wnu gbmanyi ənu, jesnu wa ye n zadəyii, kwo wo ɓa əwohni ga ń gbmanyi tnutnuzhni, jesnu wa ci zadəyi wyegba. Ho taa myi ha zhni Shekwoyi tnutnu hoi gwo gyiwye tnutnu zhni m.”
14She Afarisiyi gyiwye yeyi, ɓə wo aɓo ye vnyanya, ɓa kwu zhi ɓai mi Yeisu awyeya. 15Wa gna ɓa, “Əfye nu bmya əfyehni zhi ń aza awye, ama Shekwoyi kpe əfye adu əye lo. Ənya n azanyikwoci ga kwo mwamwa kwokwo, kwo zhni ənya asisi nya nu n Shekwoyi awyeba.
Nyawu ɓəɓe
16“A ɓə zhni ai wunya tu Owa n Sheaɓəgwognayi nyai, nya əsa ń Yohana ɓəə ɓe. Ənya n kwo laka nsayi, nabagyi manai Shekwoyi əbemi nya nu ń a zhni kwo waazi lo, jesnu əzahozahoyi n əwohni mwákpe lo wa lodna n kwo. 17Kwo gna wo lo faafa əshemi ń əknyii ɓa duya, a fa ədo n nyaka gnagbagbai ho ɓa gbmiya n Owa nyi.
18“Zahozahoyi ń wa wumwula n əwo nyikwoi, waa la nyikwo ədo, wo kwu anagbái zhni, jesnu əza ń wa la nyikwo n wo kwu mwulawu, wo kwu anagbái zhni ce.
Nyaɓwayi n Liyazurui
19“Nyaɓwayi ho ɓə nyi ń wo ɓə zhni woi kpe aje jebwàda n aje aluweluwei jesnu fyegyifyegyi woi gyianyì agbmada nya. 20Nyaɓayi ɓə shi n əwo abwokwnumi əgbe, ai yi wo ge Liyazuru, ń acii kpe ń əwo nayi vnyanya, 21jesnu woi mwi wa gyi nyagyi ń kwo kaya zhi n nyaɓwayi tebwul nyi. Amwi nu ɓə zhni ɓai nyi əwo aci.
22“Əsa kwa ɓe, shi nyaɓayi yi ɓə fyí, amaləka ɓa ɓe ɓa la wo lo ncei n Ibrahim aba. Nyaɓwayi ce waa fyí, aa wo byi. 23Dna n anapyi, aba n wo ɓə dna n azhnìgye nyi, wa kpe əwo əwye wu ń əshe wa gye Ibrahim ń kpaai ń Liyazurui ma wo tu. 24Ntulonu wa yì wo, ‘Dada Ibrahim, gye mi snusnu ha tnu ń Liyazurui wa da əwo ɓwanyi dna ń nuwna, wa to kwo ń əmi nyitala nabai kwa fu mi nyitala ntuge mi dna gnyi n azhnìgye nu ń əná ye.’
25“Ama Ibrahim wa dnaɓəgbe, ‘Nugwnu, pa nge dna ń əho anyìgyisa, ho ɓə kwu əho anyigbmada wo, ama Liyazuru wa gwo azhnìgye, ama nsaiye wo la atnazhni ɓwa ń ya, ama əho n kasnu ho dna ń azhnìgye nu. 26Gbowo n dəyei, ɓwokwnu dnagbmai dnalo ń əyi atasni n əfyei, ń a taa myi a znu kwo gnana m, nabai aza yi ń ɓa ncei pma ɓa ɓe əfye aba, ń ɓa taa myi m, kwo zahozahoyi n wo ye wa laka wa piya ɓe əyi aba m.’
27“Wa dnaɓəgbe, ‘Ngye nlonu, mi gyi ho əwye, dada, tnu Liyazuru tnutnu wa lo əmi dada pwuwa, 28ntuge mi n amajei lo ngwnu-atnu. Fa woo kwnù ɓa, nabai ń ɓa to ɓə ɓe azhnìgye aba ye ce m.’
29“Ibrahim wa dnaɓəgbe, ‘Ɓa ń Mwusai lo n sheɓəgwognayii; ɓa kna ɓa tnubwa.’
30“Wa gna, ‘Aawo, dada Ibrahim, ama n əza gbmi ń əfyi wa lo da ɓa, ɓa ɓá yeabwi.’
31“Wa gna wo, ‘Ngye ɓa taa kna Mwusa tnubwa ń Sheaɓəgwognayii; kwo to ɓə kwnu ɓa awye, kwo əza wo laka ń əfyi wa lo da ɓa m.’ ”
ទើបបានជ្រើសរើសហើយ៖
Luuka 16: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Luuka 16
16
Ɓəsisi nyaknawnayi əwyebwida
1Yeisu wa gna əwo amwutuyi: “Nyaɓwayi ɓə nyi ń a ɓə zhni ai da əwo nyaknawnayi ɓo nge wo zhni əwo nyaɓwa agbma lo. 2Ntulonu wa yì wo dna ń mi jesnu wa nya wo əɓo, ‘Knyiɓei nu n mi wo tu ń əho tukwo a? Ga nyadokwu əho anyaaknawna nya, ntuge ho to ɓəye gwodu ha wna anyaakna m.’
3“Nyaknawnayi yi wa gna əwohni, ‘Mi ɓa zhni knyiyi nu nsaiye a? Əmi pwuwada gnyi woi gwo mi tnutnu nu. Mi to n akalái lo ń mi ɓa nu ofwa m, jesnu vnyinkwo wo mi lo n mi ɓá ɓanya nyi; 4mi kpe əɓo ye lo ń mi ɓa zhni, nabai ń ma tna əmi tnutnu ɓo ń ya; aza ɓə gwo mi dna n əɓa apwuwa.’
5“Ntulonu wa yì zahozahoyi ɓə ncei n wo ɓə n ətai shi əwo dagayi. Wa nya əza kpmisnuyi, ‘Ho n ətai shi əmi dagayi lo aknyi nu a?’
6“Wa dnaɓəgbe, ‘Zaitu omi agalon tagyi-ciwagbmanyi.’
“Nyaknawnayi wa gna wo, ‘Gwoi əho əta nyakashi əpa, sase shi wolowolo haa kwo zè tagyi-anyi-cei-shiitnu.’
7“Nsayi wa nya əzabaayi, ‘Əhohni ncei shi aknyiyi nu a?’
“Wa dnaɓəgbe, ‘Alikama nyamwinya dugwu-gbmanyi.’
“Wa gna wo, ‘Gwo əho əta nyakashi əpa jesnu haa kwo zè tagyi-nyimwanyimwa.’
8“Əwo dagayi wa kwu nyaknawnayi tnagaiciyazhniyi ci ntuge wo kwu cece gyifyi nya pya wu. Ntuge anyìda ɓa du abwuznagnada lo, n cece ń əɓa ɓəzhni n əɓa ajei. 9Əmi nu gna fye, fye zhni apma n anyì nyaɓwai ntuge fya ɓwa anugwnudo ga əfyehni, nabai she kwo ɓə kwu zo, a ɓə gwo fye fyi ń aba nyalonyalo nya.
10“Əzadəhodəhoyi ń a ɓa myi a kpema wo ń aɓo aɓyiiɓyiyii, a ɓa myi a kpema wo n aɓo adnagbmai cè, jesnu əzadəhodəhoyi n wo ta zhni gaiciya lo n aɓo aɓyiiɓyiyii m, wo taa zhni gaiciya n aɓo adnagbmai m. 11Ntulonu ngye a too myi a kpema ho ntu anyì nyaɓwa aknawna ɓo m, nyika nu ɓa ga ho nyaɓwa hnihnii a? 12Nlonu ngye ho to zhni gaiciya n əzado nyaɓwa ɓwashi m, nyika nu ɓa ga ho əhohni nyaɓwa?
13“Əzaho to lo ń wo ɓa myi wa zhni adagayi ngwnu-aba tnutnu m. Kwo wo wnu gbmanyi ənu, jesnu wa ye n zadəyii, kwo wo ɓa əwohni ga ń gbmanyi tnutnuzhni, jesnu wa ci zadəyi wyegba. Ho taa myi ha zhni Shekwoyi tnutnu hoi gwo gyiwye tnutnu zhni m.”
14She Afarisiyi gyiwye yeyi, ɓə wo aɓo ye vnyanya, ɓa kwu zhi ɓai mi Yeisu awyeya. 15Wa gna ɓa, “Əfye nu bmya əfyehni zhi ń aza awye, ama Shekwoyi kpe əfye adu əye lo. Ənya n azanyikwoci ga kwo mwamwa kwokwo, kwo zhni ənya asisi nya nu n Shekwoyi awyeba.
Nyawu ɓəɓe
16“A ɓə zhni ai wunya tu Owa n Sheaɓəgwognayi nyai, nya əsa ń Yohana ɓəə ɓe. Ənya n kwo laka nsayi, nabagyi manai Shekwoyi əbemi nya nu ń a zhni kwo waazi lo, jesnu əzahozahoyi n əwohni mwákpe lo wa lodna n kwo. 17Kwo gna wo lo faafa əshemi ń əknyii ɓa duya, a fa ədo n nyaka gnagbagbai ho ɓa gbmiya n Owa nyi.
18“Zahozahoyi ń wa wumwula n əwo nyikwoi, waa la nyikwo ədo, wo kwu anagbái zhni, jesnu əza ń wa la nyikwo n wo kwu mwulawu, wo kwu anagbái zhni ce.
Nyaɓwayi n Liyazurui
19“Nyaɓwayi ho ɓə nyi ń wo ɓə zhni woi kpe aje jebwàda n aje aluweluwei jesnu fyegyifyegyi woi gyianyì agbmada nya. 20Nyaɓayi ɓə shi n əwo abwokwnumi əgbe, ai yi wo ge Liyazuru, ń acii kpe ń əwo nayi vnyanya, 21jesnu woi mwi wa gyi nyagyi ń kwo kaya zhi n nyaɓwayi tebwul nyi. Amwi nu ɓə zhni ɓai nyi əwo aci.
22“Əsa kwa ɓe, shi nyaɓayi yi ɓə fyí, amaləka ɓa ɓe ɓa la wo lo ncei n Ibrahim aba. Nyaɓwayi ce waa fyí, aa wo byi. 23Dna n anapyi, aba n wo ɓə dna n azhnìgye nyi, wa kpe əwo əwye wu ń əshe wa gye Ibrahim ń kpaai ń Liyazurui ma wo tu. 24Ntulonu wa yì wo, ‘Dada Ibrahim, gye mi snusnu ha tnu ń Liyazurui wa da əwo ɓwanyi dna ń nuwna, wa to kwo ń əmi nyitala nabai kwa fu mi nyitala ntuge mi dna gnyi n azhnìgye nu ń əná ye.’
25“Ama Ibrahim wa dnaɓəgbe, ‘Nugwnu, pa nge dna ń əho anyìgyisa, ho ɓə kwu əho anyigbmada wo, ama Liyazuru wa gwo azhnìgye, ama nsaiye wo la atnazhni ɓwa ń ya, ama əho n kasnu ho dna ń azhnìgye nu. 26Gbowo n dəyei, ɓwokwnu dnagbmai dnalo ń əyi atasni n əfyei, ń a taa myi a znu kwo gnana m, nabai aza yi ń ɓa ncei pma ɓa ɓe əfye aba, ń ɓa taa myi m, kwo zahozahoyi n wo ye wa laka wa piya ɓe əyi aba m.’
27“Wa dnaɓəgbe, ‘Ngye nlonu, mi gyi ho əwye, dada, tnu Liyazuru tnutnu wa lo əmi dada pwuwa, 28ntuge mi n amajei lo ngwnu-atnu. Fa woo kwnù ɓa, nabai ń ɓa to ɓə ɓe azhnìgye aba ye ce m.’
29“Ibrahim wa dnaɓəgbe, ‘Ɓa ń Mwusai lo n sheɓəgwognayii; ɓa kna ɓa tnubwa.’
30“Wa gna, ‘Aawo, dada Ibrahim, ama n əza gbmi ń əfyi wa lo da ɓa, ɓa ɓá yeabwi.’
31“Wa gna wo, ‘Ngye ɓa taa kna Mwusa tnubwa ń Sheaɓəgwognayii; kwo to ɓə kwnu ɓa awye, kwo əza wo laka ń əfyi wa lo da ɓa m.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.