Yohana 4
4
Yeisu daɓo n Samariyayi nyikwoi
1Nsayi kwa kwu lo Yeisu atnubwa nge Afarisiyi ɓa kwu wo nge wo ɓwa aza lo ɓai yeabwi jesnu woi zhni amwutuyi batizima n du Yohana; 2kwo shikwonyi Yeisu nu to ɓə dna woi zhni batizima m, ama əwo amwutuyi nu. 3Ntulonu wa fa Yahudiya, wa jezelo Gəlili njesnu.
4Nsayii kwaa wo zhni ɓəshishi nu wa duya ń Samariya. 5Ntulonu wa ɓe əzhimi ń a yi kwo nge Sika n dna ń Samariya əknyi, n wo vyivyiwyi n əknyi-gnágnai ń Yakwuɓwu ɓə la ga Yusufu əwo nugwnu. 6Yakwuɓwu lizhiya ɓə gnyi n abaayi, a ɓəə la Yeisu ɓe ntu n əzna ɓo, waa sase ma lizhiya. Nyipyei ɓə la ga atukwogwnu.
7She Samariyayi nyikwo ɓə ɓe nuwna to, Yeisu wa gna wo, “Ho ɓa ga mi nuwna ma sni i?” 8(Əwo amwutuyi ɓə ɓwu n əzhimi ɓəə si nyagyi.)
9Samariyayi nyikwo wa gna wo, “Ho zhni Yahudiyi nu, ma zhni Samariyayi nyikwo. Kwo zè n wunanu hoi nya mi nuwna snisniyi ɓo a?” (Ntuge nyaho to ɓə n Ayahudiyi yeɓədo n Asamariyayi m.)
10Yeisu wa dna wo ɓəgbe, “Ho ɓəə gna ho kpe Shekwoyi nyaga əye lo jesnu əza n wo gnyi woi nya ho nuwna snisniyi ɓo nyi, ho ɓəə ɓa nya wo nuwna wyewyeyi nyaɓo, jesnu wo ɓə ɓa ga ho.”
11Nyikwoza yi wa gna, “Haamwasa, ho to n nuwna to nyai shilo m, jesnu lizhiya ye n loloi lo. Ho ye ha ɓwa nuwna wyewyeyi nya n nanu a? 12Ho du əyi dada Yakwuɓwu lo nu, n wo ɓə ga yi lizhiya ye jesnu wa kwu kwo sni n əwohni, shi əwo anugwnu n əwo anyakpai ɓə sní ce nyi?”
13Yeisu wa dnaɓəgbe, “Əzahozahoyi n wa sni nuwna ye, wo ɓa je nuwna myikwnu wo, 14ama əzadəhodəhoyi n wa sni nuwna n mi ɓa ga wo nyi, wo taa je nuwna myikwnu wo m nanyinanyi. Ɓəhnihni, nuwna n mi ɓa ga wo nyi, kwo ɓə la zè yaɓwo dna n wo, kwoi zhe nuwna wyewyeyi nyalonyalo nya.”
15Nyikwoza yi wa gna wo, “Haamwasa, ga mi nuwna ye nabai ń mi taa je nuwna myikwnu wo m, jesnu ń mi taa ɓe ya ciici mii to nuwna m.”
16Wa gna wo, “Lo ho yi əho əɓa ɓə ncei n ya.”
17Wa dnaɓəgbe, “Mi to n əɓai lo m.”
Yeisu wa gna wo, “Ho kwu gaiciya da, shi ha gna nge ho to n əɓai lo m. 18Əɓo tukwo nu nyi, ho kwu so anu ngwnu-atnu, jesnu ənu n ho dna n woi nsaiye nyi, wo to zhni əho əɓa nu m. Əɓo n ho ye ɓwa da nyi, kwo zhni gaiciya nu.”
19Nyikwoza yi wa gna, “Haamwasa, mi kwu gye nge ho zhni sheɓəgwognayi nu. 20Əyi azakwoi ɓə zhni ɓai ga mwamwa kpe n əpe ye nu, ama əfye Ayahudiyi gna nge, Urishelima nu zhni aba n kwo zhni ɓəshishi ya ga mwamwa.”
21Yeisu wa dnaɓəgbe, “Nyikwoza, ga mi gaiciya, əsa ɓe lo n fye ɓə ga Dada mwamwa toge kpe n əpe kwo dna n Urishelima m. 22Əfye Asamariyayi fye ga ənya nu mwamwa n fye ta kpe əkwo əye lo m, ama yi ga ənya nu mwamwa n yi kpeye, ntuge gnyignyi gbmi n Ayahudiyi nu. 23Dudulonu əsa ɓe lo jesnu kwo nsaiye kwo la ɓe, əsa n amwamwagayi agaiciyada ɓa ga Dada mwamwa dna n Zafnu jesnu dna n gaiciyanunui, ntuge amwamwagayi ye pya nu ń Dada znashni. 24Shekwoyi zhni Zafnu nu, jesnu ɓəshishi nu əwo amwamwagayi ɓa ga wo mwamwa dna n Zafnu ɓədo dna n gaiciyanunui.”
25Nyikwoza yi wa gna, “Mi kpəlo nge Masifu (n a yi Kirisiti nyi) wo ɓe lo. Shi wo ɓə ɓe, wo ɓə kna yi ɓəhoɓəhoi awyeya.”
26Nlonu Yeisu wa gna wo, “Əmi, n mi gnyi mii daɓo n hoi nyi; əmi nu zhni əwo.”
Amwutuyi ɓa zhi da Yeisu
27N ɓwasnu nsayii, əwo amwutuyi ɓa jezeɓe. Ca wo ɓa shi ɓa ɓə gye wo gnyi woi daɓo n nyikwozai. Ama əzaho to ɓə nyaɓo, “Ho ye knyiyi nu a?” Kwo “Ho da knyiɓei nu n woi a?”
28Nlonu, nyikwoza yi wa ya əwo nuwnato shakwnu shi, wa jezelo əzhimi wa gna aza, 29“Fye ɓe, fya gye əza n wo kwu ɓəhoɓəhoi gna mi, n mi kwu shni zhnizhni. Kwo a ɓa gna Kirisiti nu gnyi a?” 30Ɓa kwnuɓe n əzhimi, ɓa wna zokwo lo əwo aba.
31Aɓwazhilo əwo amwutuyi ɓa zhni n woi, “Rabyi, gyi nyagyi.”
32Ama wa gna ɓa, “Mi n nyagyii lo ma gyi ń fye ta kpe əkwo əɓo əye lo m.”
33Nlonu əwo amwutuyi ɓa daɓo n ajei, “Kwo əzaho la ɓe wo n nyagyii nu a?”
34Yeisu wa gna, “Əmi nyagyi nu nyi, ma zhni əza ɓəmwi n wa tnu n mii nyi, jesnu ma kwu əwo tnutnu zozhni. 35Fye n ɓədai shiɓwa lo fyei da nge, ‘Apya ye celo ngwnu-anyi a kpe afwanyakwu.’ Mi gna fye, fye kpe əfye awyeya fya shi afwa awye! Ɓa kwu ɓyi jesnu ɓa kwu ye dò. 36Kwo nsaiye əza n wo dò afwanyakwu wo gwo gyiba jesnu woi dò afwanyakwu ntu n wyewyeyi nyalonyalo nya ɓo, nabai n nyabyeyi n afwanyakwuyii, ɓa ɓə nya agbmada n kwnusnu. 37Ntulonu ɓəda n a da nyi, kwo la zè gaiciya, ‘Əzaho bye ənya, əzado wa dò.’ 38Mi ɓə tnu n fyei fya dò, ənya nu n əfye nu to ɓə zhni kwo tnutnu m. Azaje ɓa kwu tnutnu yaakwo zhni, jesnu fye gyi gyiba əɓa tnutnu nya nu.”
Asamariyayi bəgyé ga gaiciya
39Asamariyayi bəgyé fyi n əzhi yi ɓa kwu gaiciyaga dna n wo, ntu n nyikwoza yi ɓəgbmi ɓo, “Wo kwu ɓəhoɓəhoi gna mi n mi kwu shni zhnizhni.” 40Ntulonu she Asamariyayi ɓə ɓe da wo, ɓa zhni n woi nabai waa dna n ɓai, nlonu waa dna n ɓai anyipyei ngwnu-aba. 41Jesnu ntu n əwo aɓədagbma ɓo, aza bəgyé ɓa kwu zè agaiciyagayi.
42Ɓa gna nyikwoza yi, “Yi to ye ga gaiciya, n ɓwasnu ntu əɓo ɓo nu n ha gna yi nyi m: nsayi yi kwu wo n əyihnii, jesnu yi kwu kpe ge, əza ye nu kwu anyì Gnyiyi zhni.”
Yeisu ga tukwoda ho nugwnu kágna
43Ń anyipyei aba avnu, wa laka wa lo Gəlili. 44(Nsayii Yeisu n wohnii wo ɓəə kwu wu nge sheɓəgwognayi to n mwamwai lo dna n əwohni əknyi m.) 45She wo ɓə lodna n Gəlili, Agəliliyi ɓa gwo wo. Ɓa ɓəə kwu gye aɓo vnyanya n wo ɓəə kwu zhni n Urishelima dna n Gnanaznu awyefna, ntuge ɓa ɓə zhi n abaayi cè.
46Njesnu wa lo Kana dna n Gəlili, aba n wo ɓə shna nuwna ədo kwaa zè anamnuwna nyi. Tukwoda ho nugwnu n əbefyè ɓə shi n nyasnai n Kapanam. 47She əza ye ɓə wo nge Yeisu wo la lodna n Gəlili woi gbmi n Yahudiya, wa lo da wo wa ɓà wo nge wo ɓe waa əwo nugwnu kágna, n wo ɓə shi n əfyi əgbe nyi.
48Yeisu wa gna wo, “Akpəge fya gye əznù aɓoawowoi nya, fye taa ga gaiciya m nanyinanyi.”
49Tukwoda yi əbefyè nya wa gna, “Haamwasa, shnizhi ɓe ya lo, to əmi əɓyii fyi m.”
50Yeisu wa dnaɓəgbe, “Lo, əho nugwnu ɓa pwo.”
Əza yi wa ga Yeisu ɓədagbma gaiciya, wa laka. 51Woi ye lo n zokwo, əwo atnutnuyi ɓa shegwnu wo n anabagyii nge, əwo nugwnu wo la kágna ɓwa. 52She wo ɓe nya əsa ɓo n əwo nugwnu ɓə ɓwa kágna ncei, ɓa gna wo, “Nayinapye fai wo nsu nu, snukna gbmanyi n nyipyei.”
53Nlonu dada yi wa kpe nge əsa nu cimcim n Yeisu gnai wo, “Əho nugwnu ɓa pwo.” Ntulonu əwo ɓədo n əwo pwuwai vnyanya ɓa kwu gaiciyaga.
54Dəye nu ɓə zhni əznù baayi n Yeisu ɓə zhni, shi wo ɓə fa Yahudiya wa lo Gəlili.
ទើបបានជ្រើសរើសហើយ៖
Yohana 4: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Yohana 4
4
Yeisu daɓo n Samariyayi nyikwoi
1Nsayi kwa kwu lo Yeisu atnubwa nge Afarisiyi ɓa kwu wo nge wo ɓwa aza lo ɓai yeabwi jesnu woi zhni amwutuyi batizima n du Yohana; 2kwo shikwonyi Yeisu nu to ɓə dna woi zhni batizima m, ama əwo amwutuyi nu. 3Ntulonu wa fa Yahudiya, wa jezelo Gəlili njesnu.
4Nsayii kwaa wo zhni ɓəshishi nu wa duya ń Samariya. 5Ntulonu wa ɓe əzhimi ń a yi kwo nge Sika n dna ń Samariya əknyi, n wo vyivyiwyi n əknyi-gnágnai ń Yakwuɓwu ɓə la ga Yusufu əwo nugwnu. 6Yakwuɓwu lizhiya ɓə gnyi n abaayi, a ɓəə la Yeisu ɓe ntu n əzna ɓo, waa sase ma lizhiya. Nyipyei ɓə la ga atukwogwnu.
7She Samariyayi nyikwo ɓə ɓe nuwna to, Yeisu wa gna wo, “Ho ɓa ga mi nuwna ma sni i?” 8(Əwo amwutuyi ɓə ɓwu n əzhimi ɓəə si nyagyi.)
9Samariyayi nyikwo wa gna wo, “Ho zhni Yahudiyi nu, ma zhni Samariyayi nyikwo. Kwo zè n wunanu hoi nya mi nuwna snisniyi ɓo a?” (Ntuge nyaho to ɓə n Ayahudiyi yeɓədo n Asamariyayi m.)
10Yeisu wa dna wo ɓəgbe, “Ho ɓəə gna ho kpe Shekwoyi nyaga əye lo jesnu əza n wo gnyi woi nya ho nuwna snisniyi ɓo nyi, ho ɓəə ɓa nya wo nuwna wyewyeyi nyaɓo, jesnu wo ɓə ɓa ga ho.”
11Nyikwoza yi wa gna, “Haamwasa, ho to n nuwna to nyai shilo m, jesnu lizhiya ye n loloi lo. Ho ye ha ɓwa nuwna wyewyeyi nya n nanu a? 12Ho du əyi dada Yakwuɓwu lo nu, n wo ɓə ga yi lizhiya ye jesnu wa kwu kwo sni n əwohni, shi əwo anugwnu n əwo anyakpai ɓə sní ce nyi?”
13Yeisu wa dnaɓəgbe, “Əzahozahoyi n wa sni nuwna ye, wo ɓa je nuwna myikwnu wo, 14ama əzadəhodəhoyi n wa sni nuwna n mi ɓa ga wo nyi, wo taa je nuwna myikwnu wo m nanyinanyi. Ɓəhnihni, nuwna n mi ɓa ga wo nyi, kwo ɓə la zè yaɓwo dna n wo, kwoi zhe nuwna wyewyeyi nyalonyalo nya.”
15Nyikwoza yi wa gna wo, “Haamwasa, ga mi nuwna ye nabai ń mi taa je nuwna myikwnu wo m, jesnu ń mi taa ɓe ya ciici mii to nuwna m.”
16Wa gna wo, “Lo ho yi əho əɓa ɓə ncei n ya.”
17Wa dnaɓəgbe, “Mi to n əɓai lo m.”
Yeisu wa gna wo, “Ho kwu gaiciya da, shi ha gna nge ho to n əɓai lo m. 18Əɓo tukwo nu nyi, ho kwu so anu ngwnu-atnu, jesnu ənu n ho dna n woi nsaiye nyi, wo to zhni əho əɓa nu m. Əɓo n ho ye ɓwa da nyi, kwo zhni gaiciya nu.”
19Nyikwoza yi wa gna, “Haamwasa, mi kwu gye nge ho zhni sheɓəgwognayi nu. 20Əyi azakwoi ɓə zhni ɓai ga mwamwa kpe n əpe ye nu, ama əfye Ayahudiyi gna nge, Urishelima nu zhni aba n kwo zhni ɓəshishi ya ga mwamwa.”
21Yeisu wa dnaɓəgbe, “Nyikwoza, ga mi gaiciya, əsa ɓe lo n fye ɓə ga Dada mwamwa toge kpe n əpe kwo dna n Urishelima m. 22Əfye Asamariyayi fye ga ənya nu mwamwa n fye ta kpe əkwo əye lo m, ama yi ga ənya nu mwamwa n yi kpeye, ntuge gnyignyi gbmi n Ayahudiyi nu. 23Dudulonu əsa ɓe lo jesnu kwo nsaiye kwo la ɓe, əsa n amwamwagayi agaiciyada ɓa ga Dada mwamwa dna n Zafnu jesnu dna n gaiciyanunui, ntuge amwamwagayi ye pya nu ń Dada znashni. 24Shekwoyi zhni Zafnu nu, jesnu ɓəshishi nu əwo amwamwagayi ɓa ga wo mwamwa dna n Zafnu ɓədo dna n gaiciyanunui.”
25Nyikwoza yi wa gna, “Mi kpəlo nge Masifu (n a yi Kirisiti nyi) wo ɓe lo. Shi wo ɓə ɓe, wo ɓə kna yi ɓəhoɓəhoi awyeya.”
26Nlonu Yeisu wa gna wo, “Əmi, n mi gnyi mii daɓo n hoi nyi; əmi nu zhni əwo.”
Amwutuyi ɓa zhi da Yeisu
27N ɓwasnu nsayii, əwo amwutuyi ɓa jezeɓe. Ca wo ɓa shi ɓa ɓə gye wo gnyi woi daɓo n nyikwozai. Ama əzaho to ɓə nyaɓo, “Ho ye knyiyi nu a?” Kwo “Ho da knyiɓei nu n woi a?”
28Nlonu, nyikwoza yi wa ya əwo nuwnato shakwnu shi, wa jezelo əzhimi wa gna aza, 29“Fye ɓe, fya gye əza n wo kwu ɓəhoɓəhoi gna mi, n mi kwu shni zhnizhni. Kwo a ɓa gna Kirisiti nu gnyi a?” 30Ɓa kwnuɓe n əzhimi, ɓa wna zokwo lo əwo aba.
31Aɓwazhilo əwo amwutuyi ɓa zhni n woi, “Rabyi, gyi nyagyi.”
32Ama wa gna ɓa, “Mi n nyagyii lo ma gyi ń fye ta kpe əkwo əɓo əye lo m.”
33Nlonu əwo amwutuyi ɓa daɓo n ajei, “Kwo əzaho la ɓe wo n nyagyii nu a?”
34Yeisu wa gna, “Əmi nyagyi nu nyi, ma zhni əza ɓəmwi n wa tnu n mii nyi, jesnu ma kwu əwo tnutnu zozhni. 35Fye n ɓədai shiɓwa lo fyei da nge, ‘Apya ye celo ngwnu-anyi a kpe afwanyakwu.’ Mi gna fye, fye kpe əfye awyeya fya shi afwa awye! Ɓa kwu ɓyi jesnu ɓa kwu ye dò. 36Kwo nsaiye əza n wo dò afwanyakwu wo gwo gyiba jesnu woi dò afwanyakwu ntu n wyewyeyi nyalonyalo nya ɓo, nabai n nyabyeyi n afwanyakwuyii, ɓa ɓə nya agbmada n kwnusnu. 37Ntulonu ɓəda n a da nyi, kwo la zè gaiciya, ‘Əzaho bye ənya, əzado wa dò.’ 38Mi ɓə tnu n fyei fya dò, ənya nu n əfye nu to ɓə zhni kwo tnutnu m. Azaje ɓa kwu tnutnu yaakwo zhni, jesnu fye gyi gyiba əɓa tnutnu nya nu.”
Asamariyayi bəgyé ga gaiciya
39Asamariyayi bəgyé fyi n əzhi yi ɓa kwu gaiciyaga dna n wo, ntu n nyikwoza yi ɓəgbmi ɓo, “Wo kwu ɓəhoɓəhoi gna mi n mi kwu shni zhnizhni.” 40Ntulonu she Asamariyayi ɓə ɓe da wo, ɓa zhni n woi nabai waa dna n ɓai, nlonu waa dna n ɓai anyipyei ngwnu-aba. 41Jesnu ntu n əwo aɓədagbma ɓo, aza bəgyé ɓa kwu zè agaiciyagayi.
42Ɓa gna nyikwoza yi, “Yi to ye ga gaiciya, n ɓwasnu ntu əɓo ɓo nu n ha gna yi nyi m: nsayi yi kwu wo n əyihnii, jesnu yi kwu kpe ge, əza ye nu kwu anyì Gnyiyi zhni.”
Yeisu ga tukwoda ho nugwnu kágna
43Ń anyipyei aba avnu, wa laka wa lo Gəlili. 44(Nsayii Yeisu n wohnii wo ɓəə kwu wu nge sheɓəgwognayi to n mwamwai lo dna n əwohni əknyi m.) 45She wo ɓə lodna n Gəlili, Agəliliyi ɓa gwo wo. Ɓa ɓəə kwu gye aɓo vnyanya n wo ɓəə kwu zhni n Urishelima dna n Gnanaznu awyefna, ntuge ɓa ɓə zhi n abaayi cè.
46Njesnu wa lo Kana dna n Gəlili, aba n wo ɓə shna nuwna ədo kwaa zè anamnuwna nyi. Tukwoda ho nugwnu n əbefyè ɓə shi n nyasnai n Kapanam. 47She əza ye ɓə wo nge Yeisu wo la lodna n Gəlili woi gbmi n Yahudiya, wa lo da wo wa ɓà wo nge wo ɓe waa əwo nugwnu kágna, n wo ɓə shi n əfyi əgbe nyi.
48Yeisu wa gna wo, “Akpəge fya gye əznù aɓoawowoi nya, fye taa ga gaiciya m nanyinanyi.”
49Tukwoda yi əbefyè nya wa gna, “Haamwasa, shnizhi ɓe ya lo, to əmi əɓyii fyi m.”
50Yeisu wa dnaɓəgbe, “Lo, əho nugwnu ɓa pwo.”
Əza yi wa ga Yeisu ɓədagbma gaiciya, wa laka. 51Woi ye lo n zokwo, əwo atnutnuyi ɓa shegwnu wo n anabagyii nge, əwo nugwnu wo la kágna ɓwa. 52She wo ɓe nya əsa ɓo n əwo nugwnu ɓə ɓwa kágna ncei, ɓa gna wo, “Nayinapye fai wo nsu nu, snukna gbmanyi n nyipyei.”
53Nlonu dada yi wa kpe nge əsa nu cimcim n Yeisu gnai wo, “Əho nugwnu ɓa pwo.” Ntulonu əwo ɓədo n əwo pwuwai vnyanya ɓa kwu gaiciyaga.
54Dəye nu ɓə zhni əznù baayi n Yeisu ɓə zhni, shi wo ɓə fa Yahudiya wa lo Gəlili.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.