Atnutnu 9
9
Soolu abwuye
1Aɓwazhilo, Soolu woi ye gnyi woi snu əsnu azawu nya kpe Dagayi amwutuyi. Wa lo da pirisiti dnagbmai 2wa nya wo apa kakai əɓo wa lo ncei n Ayahudiyibwokwnu n ɓa fyi n Damaskwos nyi, nabai n wa gye zahozahoyi n dna n ɓo woi vyi zokwo ye, azanugbai kwo anyikwoza, n wo ɓa myi wa wna ɓa ɓe ncei n Urishelima n zhni azhaluda. 3Shi wo ɓə wo vyivyiwyi n Damaskwosii, n əsagbmanyii bwuznagna kwoi gbmi n əshemi kwa bmyana fyi wo n shegwnu wo. 4Wa myiya shi n əknyi jesnu wa wo bəgye kwoi gna wo, “Soolu, Soolu, knyiyi nu zhni hoi she mi əwyena a?”
5Soolu wa nyaɓo, “Ho zhni nyika nu a Dagayi?”
Wa dnaɓəgbe, “Əmi nu Yeisu, n ho gnyi hoi she mi əwyena nyi. 6Nsaiye laka ha lodna n əzhiyaakwo, a ɓə gna ho əɓo n kwo zhni ɓəshishi nu ha zhni.”
7Aza n ɓa ɓə kwnu znazna n Soolui, ɓa kwu zhi gbegyégyé; ɓa kwu bəgye wo ama to ɓa gye zahozahoyi əwye m. 8Soolu wa laka n əknyi wa gnyiagnyi, ama shi wo ɓə kpe əwo awye ya, to wa gyewyeba m. Ntulonu ɓa shi wo əɓwa, ɓa lofyi n Damaskwos. 9Wa kwu anyipyei ɓwa ngwnu-ata n awyei bwabwai, jesnu to wa gyi nyagyi kwo wa sni nyahonyahoi m.
10Dna n Damaskwos, mwutuyi ho ɓə dna n ɓo ai yi wo nge Ananiyasi. Dagayi wa yì wo dna n ɓəwyegye, “Ananiyasi!”
Wa dnaɓəgbe, “Əə, Dagayi.”
11Dagayi wa gna wo, “Lodna n Yahuda pwuwa tu n Dnadna Cewoi jesnu hoi nya əza ɓo n wo gbmi n Tarsus ai yi wo ge Soolu nyi, ntuge wo dnalo woi zhniaduwa. 12Dna n zafnu ɓəwyegye, wo ɓə kwu gye əza ai yi wo əye ge Ananiyasi, wa ɓe wonyi kpe wo əwo aɓwa ntuge wa je wyebagye.”
13Ananiyasi wa dnaɓəgbe, “Dagayi mi kwu anabagyi bəgyé wo ntu əza ye ɓo n ɓwawui vnyanya n wo kwu zhni kpe əho aza gyigyiyi fyi n Urishelima. 14Jesnu wo la ɓe n ya n ikwoi n kwo gbmi n apirisiti atukwoda aba, wa wna aza vnyanya n ɓa yi əho əye.”
15Ama Dagayi wa gna Ananiyasi, “Laka ha lo! Əza ye zhni əmi tnutnuyi knyiknyiyi nu, wa da əmi əye ɓo ga Abyedo n əɓa asui jesnu ga Aisrailayi. 16Mi ɓa wu wo ge ɓəshishi nu she wo ɓa gyeazhnì nsnu ntu n əmi əye ɓo.”
17Nlonu Ananiyasi wa lo wa lodna n pwuwa yi. Wa kpe əwo aɓwa n Soolu, wa gna, “Əmizado Soolu, Dagayi Yeisu, n wo ɓə kpeya da ho n zokwo, əsa n ho ɓə gnyi hoi ɓe n ya nyi, wo la tnu n mii nabai ha je wyebagye jesnu haa nu n Zafnu Gyigyiyi.” 18N əsagbmanyii, anyaho ngye anyafnu ɓa kaya n Soolu awye jesnu wa je wyebagye. Wa laka gnyi a zhni wo batizima, 19jesnu she wo ɓə kwu nyagyi gyi, wa je akalá ɓwa.
Soolu dna n Damaskwos n Urishelimai
Soolu wa kwu anyipyei bəgyé ɓwa dna n Damaskwos n kwnusnu n amwutuyii. 20N əsagbmanyii, wa ya waazizhni dna n Ayahudiyibwokwnu nge Yeisu nu zhni Shekwoyi Nugwnu. 21Aza vnyanya n ɓa ɓə wo əwo ɓəda ca wo ɓa, ɓa nyaɓo, “Əwo nu to nyi n wo ɓə la azhnìgye kala dna n Urishelima ga aza yi ń ɓa kwu gaiciyaga n əye ye nyi m? Njesnu wo to ɓe ya wa kwu ɓa lo ncei n zhni azhaluda nu ga apirisiti atukwoda m?” 22Dudulonu Soolu wa gnyi woi gna mwamwa n kalái jesnu ca wo Ayahudiyi n ɓa ɓe fyi n Damaskwos nyi, woi wu nge Yeisu nu zhni Kirisiti.
23She anyipyei bəgyé ɓə la duya, Ayahudiyi ɓa pakwúlu ɓahniɓahni ntuge ɓa wu wo, 24ama Soolu wa kwu əɓa ɓəpyi əɓo wo. Nyipyei n sukwoi ɓaa əwyewna dəidəi n əzhiyaakwo aduba nabai ɓa wu wo. 25Ama əwo avyiyi ɓa la wo n sukwoi ɓa dna wo n cekwnu ɓa gbmi wo ya n wyegye n kwo ɓə ce n gəlu nyi.
26She wo ɓə ɓe Urishelima, wa zhniatna nabai wa dnaɓwado n amwutuyii, ama əwo ədna kwa kwu wo ɓa vnyanya, to ɓai ga gaiciya nge wo kwu mwutuyi hnihnii nu zhni m. 27Ama Banaba wa la wo, wa lo n woi n atnutnuloyi aba. Wa gna ɓa she Soolu ɓə kwu Dagayi gyewye n zokwo, Dagayi wa kwu əɓo da n woi, jesnu she, dna n Damaskwos, wo ɓə kwu waazizhni ntna ədnawoi n Yeisu əye. 28Ntulonu Soolu waa dna n kwnusnu n ɓai, woi zna laɓa ntna ədna dna n Urishelima, woi daɓo n kalái dnadnai dna n Dagayi əye. 29Wa daɓo jesnu ɓai naɓo kpeaje n Agiriki-ayahudiyi, ama ɓa zhniatna nabai ɓa wu wo. 30She ɓəye ɓə kwu lo avyiyi atnubwa, ɓa la wo ɓa shnilo n woi n Kaisariya jesnu ɓa tnu n woi n Tarsus.
31Nlonu ikilisiya dna n Yahuda vnyanya, Gəlili n Samariyai, ɓa kwu lofyi n əsa agbmada nya ɓədo n bwugbafui jesnu ɓa kwu akalá ɓwa. Ɓa gyianyì fyi n Dagayi dnawo jesnu Zafnu Gyigyiyi wa dna ɓa bwugbakala, ikilisiya kwa mwaɓe n bəgyé.
Ayeninyas n Dokasii
32Shi Byitusu ɓə laɓa dna n əzna n əknyi yi, wa lo Dagayi aza gnaɓyi n ɓa ɓə fyi n Lida. 33N əzhi yi wa gye əza ai yi wo ge Ayeninyas, n wo ɓə n nayii fyífyii jesnu n ɓwa yatu n pəce nu, aye ngwnu-nyimwanyimwa. 34Byitusu wa gna wo, “Ayeninyas, Yeisu Kirisiti ka ho gna lo. Laka gnyi jesnu ha kpmi əho pəce.” N əsagbmanyii Ayeninyas wa laka gnyiagnyi 35Aza vnyanya n ɓa ɓə fyi n Lida n Sharoi nyi, ɓa gye wo əwye jesnu ɓaa pmyilo da Dagayi.
36Dna n Joppa mwutuyi ɓə nyi ai yi wo Tabyita (n Girikii əwo əye nge Dokasi nu); wo ɓə zhni woi zhni aɓo amanai ciici jesnu woi bma awyekwoyi zhni. 37Dna n əsa yi nyasna kwa sna wo, waa fyí jesnu aa əwo nayi fu nuwna, aa kwo ya dna n nyakwnudotu. 38Lida ɓə wo vyivyiwyi n Joppai; ntulonu shi avyiyi ɓə wo nge Byitusu dnalo n Lida, ɓa tnu n azai ngwnu-aba n wo aba ɓa gna wo, “Sukwu ɓe wo lo!”
39Byitusu wa kwnulo n ɓai, jesnu shi wo ɓə si, a lo n woi n nyakwnudotu. Anyigbayi vnyanya ɓa kwu shekna wo zhi, ɓai ciɓwi ɓai wu əwo aje ɓədo n aje ajei n Dokasi ɓə lu woi ye gnyi n kwnusnu n ɓai n wyewyeyii.
40Byitusu wa kwnu ɓa ya vnyanya n nyakwnu; nlonu wa ceakwokwo shi wa zhniaduwa. She wo ɓe pmyiawye wu n nyikwo fyífyii nayi əɓwa, wa gna, “Tabyita, laka gnyiagnyi.” Wa kpeawyeya, shi wo ɓə gye Byitusu wa laka sase. 41Wa shi wo n əɓwa wa bma wo zhni wa laka gnyiagnyi. Nlonu wa yì avyiyi, n shnisnusnu anyigbayi, waa wo ga ɓa n wyewyeyii. 42A kwu ɓəye wo vnyanya n Joppa, jesnu aza bəgyé ɓa kwu gaiciyaga dna n Dagayi. 43Byitusu waa dna n Joppa anyipyei fyewyi n kwnusnu n əpabmyiyi ai yi Sima.
ទើបបានជ្រើសរើសហើយ៖
Atnutnu 9: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Atnutnu 9
9
Soolu abwuye
1Aɓwazhilo, Soolu woi ye gnyi woi snu əsnu azawu nya kpe Dagayi amwutuyi. Wa lo da pirisiti dnagbmai 2wa nya wo apa kakai əɓo wa lo ncei n Ayahudiyibwokwnu n ɓa fyi n Damaskwos nyi, nabai n wa gye zahozahoyi n dna n ɓo woi vyi zokwo ye, azanugbai kwo anyikwoza, n wo ɓa myi wa wna ɓa ɓe ncei n Urishelima n zhni azhaluda. 3Shi wo ɓə wo vyivyiwyi n Damaskwosii, n əsagbmanyii bwuznagna kwoi gbmi n əshemi kwa bmyana fyi wo n shegwnu wo. 4Wa myiya shi n əknyi jesnu wa wo bəgye kwoi gna wo, “Soolu, Soolu, knyiyi nu zhni hoi she mi əwyena a?”
5Soolu wa nyaɓo, “Ho zhni nyika nu a Dagayi?”
Wa dnaɓəgbe, “Əmi nu Yeisu, n ho gnyi hoi she mi əwyena nyi. 6Nsaiye laka ha lodna n əzhiyaakwo, a ɓə gna ho əɓo n kwo zhni ɓəshishi nu ha zhni.”
7Aza n ɓa ɓə kwnu znazna n Soolui, ɓa kwu zhi gbegyégyé; ɓa kwu bəgye wo ama to ɓa gye zahozahoyi əwye m. 8Soolu wa laka n əknyi wa gnyiagnyi, ama shi wo ɓə kpe əwo awye ya, to wa gyewyeba m. Ntulonu ɓa shi wo əɓwa, ɓa lofyi n Damaskwos. 9Wa kwu anyipyei ɓwa ngwnu-ata n awyei bwabwai, jesnu to wa gyi nyagyi kwo wa sni nyahonyahoi m.
10Dna n Damaskwos, mwutuyi ho ɓə dna n ɓo ai yi wo nge Ananiyasi. Dagayi wa yì wo dna n ɓəwyegye, “Ananiyasi!”
Wa dnaɓəgbe, “Əə, Dagayi.”
11Dagayi wa gna wo, “Lodna n Yahuda pwuwa tu n Dnadna Cewoi jesnu hoi nya əza ɓo n wo gbmi n Tarsus ai yi wo ge Soolu nyi, ntuge wo dnalo woi zhniaduwa. 12Dna n zafnu ɓəwyegye, wo ɓə kwu gye əza ai yi wo əye ge Ananiyasi, wa ɓe wonyi kpe wo əwo aɓwa ntuge wa je wyebagye.”
13Ananiyasi wa dnaɓəgbe, “Dagayi mi kwu anabagyi bəgyé wo ntu əza ye ɓo n ɓwawui vnyanya n wo kwu zhni kpe əho aza gyigyiyi fyi n Urishelima. 14Jesnu wo la ɓe n ya n ikwoi n kwo gbmi n apirisiti atukwoda aba, wa wna aza vnyanya n ɓa yi əho əye.”
15Ama Dagayi wa gna Ananiyasi, “Laka ha lo! Əza ye zhni əmi tnutnuyi knyiknyiyi nu, wa da əmi əye ɓo ga Abyedo n əɓa asui jesnu ga Aisrailayi. 16Mi ɓa wu wo ge ɓəshishi nu she wo ɓa gyeazhnì nsnu ntu n əmi əye ɓo.”
17Nlonu Ananiyasi wa lo wa lodna n pwuwa yi. Wa kpe əwo aɓwa n Soolu, wa gna, “Əmizado Soolu, Dagayi Yeisu, n wo ɓə kpeya da ho n zokwo, əsa n ho ɓə gnyi hoi ɓe n ya nyi, wo la tnu n mii nabai ha je wyebagye jesnu haa nu n Zafnu Gyigyiyi.” 18N əsagbmanyii, anyaho ngye anyafnu ɓa kaya n Soolu awye jesnu wa je wyebagye. Wa laka gnyi a zhni wo batizima, 19jesnu she wo ɓə kwu nyagyi gyi, wa je akalá ɓwa.
Soolu dna n Damaskwos n Urishelimai
Soolu wa kwu anyipyei bəgyé ɓwa dna n Damaskwos n kwnusnu n amwutuyii. 20N əsagbmanyii, wa ya waazizhni dna n Ayahudiyibwokwnu nge Yeisu nu zhni Shekwoyi Nugwnu. 21Aza vnyanya n ɓa ɓə wo əwo ɓəda ca wo ɓa, ɓa nyaɓo, “Əwo nu to nyi n wo ɓə la azhnìgye kala dna n Urishelima ga aza yi ń ɓa kwu gaiciyaga n əye ye nyi m? Njesnu wo to ɓe ya wa kwu ɓa lo ncei n zhni azhaluda nu ga apirisiti atukwoda m?” 22Dudulonu Soolu wa gnyi woi gna mwamwa n kalái jesnu ca wo Ayahudiyi n ɓa ɓe fyi n Damaskwos nyi, woi wu nge Yeisu nu zhni Kirisiti.
23She anyipyei bəgyé ɓə la duya, Ayahudiyi ɓa pakwúlu ɓahniɓahni ntuge ɓa wu wo, 24ama Soolu wa kwu əɓa ɓəpyi əɓo wo. Nyipyei n sukwoi ɓaa əwyewna dəidəi n əzhiyaakwo aduba nabai ɓa wu wo. 25Ama əwo avyiyi ɓa la wo n sukwoi ɓa dna wo n cekwnu ɓa gbmi wo ya n wyegye n kwo ɓə ce n gəlu nyi.
26She wo ɓə ɓe Urishelima, wa zhniatna nabai wa dnaɓwado n amwutuyii, ama əwo ədna kwa kwu wo ɓa vnyanya, to ɓai ga gaiciya nge wo kwu mwutuyi hnihnii nu zhni m. 27Ama Banaba wa la wo, wa lo n woi n atnutnuloyi aba. Wa gna ɓa she Soolu ɓə kwu Dagayi gyewye n zokwo, Dagayi wa kwu əɓo da n woi, jesnu she, dna n Damaskwos, wo ɓə kwu waazizhni ntna ədnawoi n Yeisu əye. 28Ntulonu Soolu waa dna n kwnusnu n ɓai, woi zna laɓa ntna ədna dna n Urishelima, woi daɓo n kalái dnadnai dna n Dagayi əye. 29Wa daɓo jesnu ɓai naɓo kpeaje n Agiriki-ayahudiyi, ama ɓa zhniatna nabai ɓa wu wo. 30She ɓəye ɓə kwu lo avyiyi atnubwa, ɓa la wo ɓa shnilo n woi n Kaisariya jesnu ɓa tnu n woi n Tarsus.
31Nlonu ikilisiya dna n Yahuda vnyanya, Gəlili n Samariyai, ɓa kwu lofyi n əsa agbmada nya ɓədo n bwugbafui jesnu ɓa kwu akalá ɓwa. Ɓa gyianyì fyi n Dagayi dnawo jesnu Zafnu Gyigyiyi wa dna ɓa bwugbakala, ikilisiya kwa mwaɓe n bəgyé.
Ayeninyas n Dokasii
32Shi Byitusu ɓə laɓa dna n əzna n əknyi yi, wa lo Dagayi aza gnaɓyi n ɓa ɓə fyi n Lida. 33N əzhi yi wa gye əza ai yi wo ge Ayeninyas, n wo ɓə n nayii fyífyii jesnu n ɓwa yatu n pəce nu, aye ngwnu-nyimwanyimwa. 34Byitusu wa gna wo, “Ayeninyas, Yeisu Kirisiti ka ho gna lo. Laka gnyi jesnu ha kpmi əho pəce.” N əsagbmanyii Ayeninyas wa laka gnyiagnyi 35Aza vnyanya n ɓa ɓə fyi n Lida n Sharoi nyi, ɓa gye wo əwye jesnu ɓaa pmyilo da Dagayi.
36Dna n Joppa mwutuyi ɓə nyi ai yi wo Tabyita (n Girikii əwo əye nge Dokasi nu); wo ɓə zhni woi zhni aɓo amanai ciici jesnu woi bma awyekwoyi zhni. 37Dna n əsa yi nyasna kwa sna wo, waa fyí jesnu aa əwo nayi fu nuwna, aa kwo ya dna n nyakwnudotu. 38Lida ɓə wo vyivyiwyi n Joppai; ntulonu shi avyiyi ɓə wo nge Byitusu dnalo n Lida, ɓa tnu n azai ngwnu-aba n wo aba ɓa gna wo, “Sukwu ɓe wo lo!”
39Byitusu wa kwnulo n ɓai, jesnu shi wo ɓə si, a lo n woi n nyakwnudotu. Anyigbayi vnyanya ɓa kwu shekna wo zhi, ɓai ciɓwi ɓai wu əwo aje ɓədo n aje ajei n Dokasi ɓə lu woi ye gnyi n kwnusnu n ɓai n wyewyeyii.
40Byitusu wa kwnu ɓa ya vnyanya n nyakwnu; nlonu wa ceakwokwo shi wa zhniaduwa. She wo ɓe pmyiawye wu n nyikwo fyífyii nayi əɓwa, wa gna, “Tabyita, laka gnyiagnyi.” Wa kpeawyeya, shi wo ɓə gye Byitusu wa laka sase. 41Wa shi wo n əɓwa wa bma wo zhni wa laka gnyiagnyi. Nlonu wa yì avyiyi, n shnisnusnu anyigbayi, waa wo ga ɓa n wyewyeyii. 42A kwu ɓəye wo vnyanya n Joppa, jesnu aza bəgyé ɓa kwu gaiciyaga dna n Dagayi. 43Byitusu waa dna n Joppa anyipyei fyewyi n kwnusnu n əpabmyiyi ai yi Sima.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.