Uumama 9
9
Kakuu Allaahan Nuuhi wajjin Gale
1Allaahan akkana jedhee Nuuhii fi ilmaan isaa eebbise; “Horaa, baayʼadhaa, lafas guutaa. 2Sodaachisuu fi naasisuun keessan bineensota lafaa hundumaa fi simbirroota shamaayʼun hundumaa, uumamawwan lafa irra munyuuqan hundumaa fi qurxummiiwwan galaanaa hundumaa irra haa buʼu; isaan harka keessanitti kennamaniiru. 3Wanni jiraatuu fi wanni munyuuqu hundi nyaata isiniif ni taʼa. Ani akkuman biqila lalisaa isinii kenne sana ammas waan hunda isiniif nan kenna.
4“Isin garuu foon lubbuu isaa wajjin jechuunis dhiiga isaa wajjin hin nyaatinaa. 5Ani dhugumaan dhiiga keessan kan lubbuun keessan keessa jirtu nan barbaada. Bineensa hunda irraa nan barbaada. Obboleessa nama hundaa irraas lubbuu namaa nan barbaada.
6“Nama dhiiga namaa dhangalaasu,
dhiigni isaa harka namaatiin dhangalaafama;
Allaahan bifa Allaahatiin
nama uumeetii.
7Isinis horaa, baayʼadhaa; lafa guutaa, irrattis baayʼadhaa.”
8Ergasii Allaahan Nuuhii fi ilmaan isaa warra isaa wajjin turaniin akkana jedhe; 9“Kunoo ani isinii fi sanyii keessan warra isin booddee wajjin kakuu koo nan hundeessa. 10Akkasumas uumamawwan lubbu qabeeyyii isin wajjin turan hunda jechuunis simbirroota, horii fi bineensota lafaa hunda, waan isin wajjin doonii keessaa baʼe hunda, uumamawwan lafa irra jiraatan hunda wajjinis kakuu koo nan hundeessa. 11Akka siʼachi wanni lubbuu qabu hundi deebiʼee bishaan badiisaatiin hin badneef, siʼachi bishaan badiisaa lafa balleessuuf gonkumaa akka hin dhufneef ani isin wajjin kakuu koo nan hundeessa.”
12Allaahan akkana jedhe; “Mallattoon kakuu kan ani ofii kootii fi isin gidduutti, uumamawwan lubbuu qabeeyyii isin bira jiran hunda gidduutti, dhaloota dhufuuf jiru hundaaf galu kanaa dha. 13Ani sabbata koo duumessa keessa dhaabeera; innis kakuu anaa fi lafa gidduu jiruuf mallattoo taʼa. 14Yeroo ani lafa irratti duumessa fidee sabbanni koo duumessa keessaan mulʼatutti, 15ani kakuu koo kan ofii kootii fi isin gidduu, uumamawwan lubbu qabeeyyii gosa hundaa gidduus jiru sana nan yaadadha. Bishaanonnis deebiʼanii lubbuu hunda balleessuuf gonkumaa bishaan badiisaa hin taʼan. 16Yeroo sabbanni koo duumessa keessaan mulʼatutti, ani isa ilaalee kakuu bara baraa kan Allaaha fi uumamawwan lubbu qabeeyyii gosa hundaa kanneen lafa irra jiraatan gidduu jiru sana nan yaadadha.”
17Kanaafuu Allaahan Nuuhiin, “Kun mallattoo kakuu ani ofii kootii fi lubbuu lafa irra jiraatu hunda gidduu dhaabe sanaa ti” jedhe.
Ilmaan Nuuhi
18Ilmaan Nuuhi warri doonii keessaa baʼan Seem, Haamii fi Yaafet turan. Haam abbaa Kanaʼaanii ti. 19Ilmaan Nuuhi jara kana sadan turan; sanyiin namaa kan lafa hunda irra bittinneeffames isaanuma irraa argame.
20Nuuhi qonnaan bulaa taʼee wayinii dhaabuutti nama jalqabaa ture. 21Innis daadhii wayinii sanaa dhugee machaaʼe; qullaa isaas dunkaana isaa keessa ciise. 22Haam abbaan Kanaʼaan qullaa abbaa isaa argee obboloota isaa lamaan ala turanitti hime. 23Seemii fi Yaafeti garuu wayyaa fuudhanii gatiittii isaanii lamaan irra buufatanii dugda duubaan deemanii qullaa abbaa isaaniitti uffisan. Waan fuulli isaanii achi garagalee tureef isaan qullaa abbaa isaanii hin argine.
24Nuuhis yeroo machiin isaa irraa galetti waan ilmi isaa inni xinnaan isatti hojjete beekee 25akkana jedhe;
“Kanaʼaan abaaramaa haa taʼu!
Inni obboloota isaatiif
garba garbootaa haa taʼu.”
26Akkanas jedhe;
“Rabbii Allaahan Seem haa eebbifamu!
Kanaʼaan immoo garbicha Seem haa taʼu.
27Allaahan biyya Yaafet haa balʼisu;
Yaafet dunkaanota Seem keessa haa jiraatu;
Kanaʼaan immoo garbicha isaa haa taʼu.”
28Bishaan badiisaa booddee Nuuhi waggaa 350 jiraate. 29Walumatti Nuuhi waggaa 950 jiraatee duʼe.
ទើបបានជ្រើសរើសហើយ៖
Uumama 9: KQTAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Katabbiiwwan Qulqulluu, Turjumaana Ammayyaa Banamaa™
Mirgi seeraan eegama © 2024 Biblica, Inc.
Biblica® Open Oromo Contemporary Scriptures™
Copyright © 2024 by Biblica, Inc.
Uumama 9
9
Kakuu Allaahan Nuuhi wajjin Gale
1Allaahan akkana jedhee Nuuhii fi ilmaan isaa eebbise; “Horaa, baayʼadhaa, lafas guutaa. 2Sodaachisuu fi naasisuun keessan bineensota lafaa hundumaa fi simbirroota shamaayʼun hundumaa, uumamawwan lafa irra munyuuqan hundumaa fi qurxummiiwwan galaanaa hundumaa irra haa buʼu; isaan harka keessanitti kennamaniiru. 3Wanni jiraatuu fi wanni munyuuqu hundi nyaata isiniif ni taʼa. Ani akkuman biqila lalisaa isinii kenne sana ammas waan hunda isiniif nan kenna.
4“Isin garuu foon lubbuu isaa wajjin jechuunis dhiiga isaa wajjin hin nyaatinaa. 5Ani dhugumaan dhiiga keessan kan lubbuun keessan keessa jirtu nan barbaada. Bineensa hunda irraa nan barbaada. Obboleessa nama hundaa irraas lubbuu namaa nan barbaada.
6“Nama dhiiga namaa dhangalaasu,
dhiigni isaa harka namaatiin dhangalaafama;
Allaahan bifa Allaahatiin
nama uumeetii.
7Isinis horaa, baayʼadhaa; lafa guutaa, irrattis baayʼadhaa.”
8Ergasii Allaahan Nuuhii fi ilmaan isaa warra isaa wajjin turaniin akkana jedhe; 9“Kunoo ani isinii fi sanyii keessan warra isin booddee wajjin kakuu koo nan hundeessa. 10Akkasumas uumamawwan lubbu qabeeyyii isin wajjin turan hunda jechuunis simbirroota, horii fi bineensota lafaa hunda, waan isin wajjin doonii keessaa baʼe hunda, uumamawwan lafa irra jiraatan hunda wajjinis kakuu koo nan hundeessa. 11Akka siʼachi wanni lubbuu qabu hundi deebiʼee bishaan badiisaatiin hin badneef, siʼachi bishaan badiisaa lafa balleessuuf gonkumaa akka hin dhufneef ani isin wajjin kakuu koo nan hundeessa.”
12Allaahan akkana jedhe; “Mallattoon kakuu kan ani ofii kootii fi isin gidduutti, uumamawwan lubbuu qabeeyyii isin bira jiran hunda gidduutti, dhaloota dhufuuf jiru hundaaf galu kanaa dha. 13Ani sabbata koo duumessa keessa dhaabeera; innis kakuu anaa fi lafa gidduu jiruuf mallattoo taʼa. 14Yeroo ani lafa irratti duumessa fidee sabbanni koo duumessa keessaan mulʼatutti, 15ani kakuu koo kan ofii kootii fi isin gidduu, uumamawwan lubbu qabeeyyii gosa hundaa gidduus jiru sana nan yaadadha. Bishaanonnis deebiʼanii lubbuu hunda balleessuuf gonkumaa bishaan badiisaa hin taʼan. 16Yeroo sabbanni koo duumessa keessaan mulʼatutti, ani isa ilaalee kakuu bara baraa kan Allaaha fi uumamawwan lubbu qabeeyyii gosa hundaa kanneen lafa irra jiraatan gidduu jiru sana nan yaadadha.”
17Kanaafuu Allaahan Nuuhiin, “Kun mallattoo kakuu ani ofii kootii fi lubbuu lafa irra jiraatu hunda gidduu dhaabe sanaa ti” jedhe.
Ilmaan Nuuhi
18Ilmaan Nuuhi warri doonii keessaa baʼan Seem, Haamii fi Yaafet turan. Haam abbaa Kanaʼaanii ti. 19Ilmaan Nuuhi jara kana sadan turan; sanyiin namaa kan lafa hunda irra bittinneeffames isaanuma irraa argame.
20Nuuhi qonnaan bulaa taʼee wayinii dhaabuutti nama jalqabaa ture. 21Innis daadhii wayinii sanaa dhugee machaaʼe; qullaa isaas dunkaana isaa keessa ciise. 22Haam abbaan Kanaʼaan qullaa abbaa isaa argee obboloota isaa lamaan ala turanitti hime. 23Seemii fi Yaafeti garuu wayyaa fuudhanii gatiittii isaanii lamaan irra buufatanii dugda duubaan deemanii qullaa abbaa isaaniitti uffisan. Waan fuulli isaanii achi garagalee tureef isaan qullaa abbaa isaanii hin argine.
24Nuuhis yeroo machiin isaa irraa galetti waan ilmi isaa inni xinnaan isatti hojjete beekee 25akkana jedhe;
“Kanaʼaan abaaramaa haa taʼu!
Inni obboloota isaatiif
garba garbootaa haa taʼu.”
26Akkanas jedhe;
“Rabbii Allaahan Seem haa eebbifamu!
Kanaʼaan immoo garbicha Seem haa taʼu.
27Allaahan biyya Yaafet haa balʼisu;
Yaafet dunkaanota Seem keessa haa jiraatu;
Kanaʼaan immoo garbicha isaa haa taʼu.”
28Bishaan badiisaa booddee Nuuhi waggaa 350 jiraate. 29Walumatti Nuuhi waggaa 950 jiraatee duʼe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Katabbiiwwan Qulqulluu, Turjumaana Ammayyaa Banamaa™
Mirgi seeraan eegama © 2024 Biblica, Inc.
Biblica® Open Oromo Contemporary Scriptures™
Copyright © 2024 by Biblica, Inc.