Uumama 45
45
Yuusuf Of Beeksise
1Kana irratti Yuusuf namoota hunda duratti of qabuu dadhabee, “Namoota hunda fuula koo duraa gad yaasaa!” jedhee iyye. Kanaaf yommuu Yuusuf obboloota isaatti of beeksisetti namni tokko iyyuu isa bira hin turre. 2Sababii inni guddisee booʼeef warri Gibxi ni dhagaʼan; warra masaraa Faraʼoon birattis ni dhagaʼame.
3Yuusufis obboloota isaatiin, “Ani Yuusuf; abbaan koo amma iyyuu jiraa?” jedhee gaafate. Obboloonni isaa garuu sababii fuula isaa duratti naʼanii turaniif deebii isaaf kennuu hin dandeenye.
4Yuusufis obboloota isaatiin, “Mee as natti dhiʼaadhaa” jedhe. Isaan isatti dhiʼaannaan inni akkana jedhe; “Ani Yuusuf obboleessa keessan isa isin Gibxitti gurgurtan sanaa dha! 5Ammas sababii asitti na gurgurtaniif hin gaabbinaa; ofittis hin aarinaa. Allaahan lubbuu baraaruuf jedhee isin dura na ergeeraatii. 6Waggoota lamaan kana beelatu biyyattii keessa ture; waggoota shanan dhufan keessas lafa qotachuu fi midhaan galfachuun hin jiru. 7Allaahan lafa irratti sanyii isiniif hambisuu fi furii guddaadhaan lubbuu keessan oolchuuf jedhee isin dura na erge.
8“Allaahatu as na erge malee isin miti. Inni Faraʼooniif abbaa na godhe; warra mana isaa jiran hunda irratti gooftaa, biyya Gibxi hunda irratti immoo bulchaa na godhe. 9Ammas dafaa gara abbaa kootti deebiʼaatii akkana isaan jedhaa; ‘Ilmi kee Yuusuf akkana jedha: Allaahan Gibxi hunda irratti gooftaa na godheera. Gara kootti gad buʼi; hin turinis. 10Ati biyya Gooshen keessa ni jiraatta; ati, ijoolleen keetii fi ijoolleen ijoollee keetii, bushaayeen kee, loon keetii fi wanni ati qabdu hundi natti dhiʼaattanii jiraatu. 11Sababii amma iyyuu waggaan beelaa shan dhufaa jiruuf ani achitti sin soora; yoo kanaa achii atii fi warri mana kee jiraatan, wanni ati qabdu hundinuus ni rakkattu.’
12“Akka namni isinitti dubbachaa jiru kun anuma taʼe kunoo, iji keessan, iji obboleessa koo Biniyaamis ni arga. 13Ulfina Gibxi keessatti naa kenname hundaa fi waan argitan hunda abbaa kootti himaa. Abbaa koos dafaatii as fidaa.”
14Ergasiis morma obboleessa isaa Biniyaamitti marmee booʼe; Biniyaamis booʼaa isa hammate. 15Yuusufis obboloota isaa hunda dhungatee itti booʼe. Ergasii obboloonni isaa isa wajjin haasaʼan.
16Yommuu akka obboloonni Yuusuf dhufan masaraa Faraʼoonitti dhagaʼametti, Faraʼoonii fi qondaaltonni isaa ni gammadan. 17Faraʼoonis Yuusufiin akkana jedhe; “Obboloota keetiin akkana jedhi; ‘Waan kana godhaa: Horii keessan feʼadhaa biyya Kanaʼaaniitti deebiʼaatii 18abbaan keessanii fi maatiiwwan keessan natti fidaa. Ani lafa biyya Gibxi keessaa lafa hunda caalu isiniif nan kenna. Isin cooma biyyattii ni nyaattu.’
19“Akkasumas akkana jedhii isaanitti himi; ‘Waan kana godhaa: Ijoollee keessaniifis, niitota keessaniifis biyya Gibxiitii gaariiwwan fudhadhaa; abbaa keessanis fidaatii kottaa. 20Waaʼee qabeenya keessanii hin yaaddaʼinaa; wanni biyya Gibxi guutuu keessaa waan hunda caalu kan keessan taʼaatii.’ ”
21Ilmaan Israaʼelis akkasuma godhan. Yuusufis akkuma Faraʼoon isa ajajetti gaariiwwan kenneefii karaa isaaniitiif illee galaa galaaseef. 22Tokkoo tokkoo isaaniitiif wayyaa kenne; Biniyaamiif garuu meetii saqilii dhibba sadiitii fi wayyaa irraa jalaa shan kenne. 23Abbaa isaatiif immoo harroota, wanni biyya Gibxi gaggaariin itti feʼame kudhan, akkasumas harroota dhaltuu midhaan, buddeenaa fi galaan biraa karaa isaatiif itti feʼame kudhan erge. 24Innis akkasitti obboloota isaa erge; innis yeroo isaan qajeelanitti, “Karaatti wal hin lolinaa!” jedheen.
25Isaanis Gibxi keessaa ol baʼanii gara biyya Kanaʼaan abbaa isaanii Yaaʼikuub bira dhaqan. 26Isaanis, “Yuusuf amma iyyuu jira! Biyya Gibxi guutuu iyyuu isumatu bulcha” jedhaniin. Yaaʼikuub immoo naasuudhaan of wallaale; jara amanuus hin dandeenya. 27Garuu yeroo jarri waan Yuusuf isaaniin jedhe hunda isatti himanii innis gaariiwwan Yuusuf isa fichisiisuuf ergeef sana argetti lubbuun abbaa isaanii Yaaʼikuub ni bayyanatte. 28Israaʼelis, “Na gaʼa! Ilmi koo Yuusuf amma iyyuu jira. Anis utuun hin duʼin dhaqee isa nan arga” jedhe.
ទើបបានជ្រើសរើសហើយ៖
Uumama 45: KQTAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Katabbiiwwan Qulqulluu, Turjumaana Ammayyaa Banamaa™
Mirgi seeraan eegama © 2024 Biblica, Inc.
Biblica® Open Oromo Contemporary Scriptures™
Copyright © 2024 by Biblica, Inc.
Uumama 45
45
Yuusuf Of Beeksise
1Kana irratti Yuusuf namoota hunda duratti of qabuu dadhabee, “Namoota hunda fuula koo duraa gad yaasaa!” jedhee iyye. Kanaaf yommuu Yuusuf obboloota isaatti of beeksisetti namni tokko iyyuu isa bira hin turre. 2Sababii inni guddisee booʼeef warri Gibxi ni dhagaʼan; warra masaraa Faraʼoon birattis ni dhagaʼame.
3Yuusufis obboloota isaatiin, “Ani Yuusuf; abbaan koo amma iyyuu jiraa?” jedhee gaafate. Obboloonni isaa garuu sababii fuula isaa duratti naʼanii turaniif deebii isaaf kennuu hin dandeenye.
4Yuusufis obboloota isaatiin, “Mee as natti dhiʼaadhaa” jedhe. Isaan isatti dhiʼaannaan inni akkana jedhe; “Ani Yuusuf obboleessa keessan isa isin Gibxitti gurgurtan sanaa dha! 5Ammas sababii asitti na gurgurtaniif hin gaabbinaa; ofittis hin aarinaa. Allaahan lubbuu baraaruuf jedhee isin dura na ergeeraatii. 6Waggoota lamaan kana beelatu biyyattii keessa ture; waggoota shanan dhufan keessas lafa qotachuu fi midhaan galfachuun hin jiru. 7Allaahan lafa irratti sanyii isiniif hambisuu fi furii guddaadhaan lubbuu keessan oolchuuf jedhee isin dura na erge.
8“Allaahatu as na erge malee isin miti. Inni Faraʼooniif abbaa na godhe; warra mana isaa jiran hunda irratti gooftaa, biyya Gibxi hunda irratti immoo bulchaa na godhe. 9Ammas dafaa gara abbaa kootti deebiʼaatii akkana isaan jedhaa; ‘Ilmi kee Yuusuf akkana jedha: Allaahan Gibxi hunda irratti gooftaa na godheera. Gara kootti gad buʼi; hin turinis. 10Ati biyya Gooshen keessa ni jiraatta; ati, ijoolleen keetii fi ijoolleen ijoollee keetii, bushaayeen kee, loon keetii fi wanni ati qabdu hundi natti dhiʼaattanii jiraatu. 11Sababii amma iyyuu waggaan beelaa shan dhufaa jiruuf ani achitti sin soora; yoo kanaa achii atii fi warri mana kee jiraatan, wanni ati qabdu hundinuus ni rakkattu.’
12“Akka namni isinitti dubbachaa jiru kun anuma taʼe kunoo, iji keessan, iji obboleessa koo Biniyaamis ni arga. 13Ulfina Gibxi keessatti naa kenname hundaa fi waan argitan hunda abbaa kootti himaa. Abbaa koos dafaatii as fidaa.”
14Ergasiis morma obboleessa isaa Biniyaamitti marmee booʼe; Biniyaamis booʼaa isa hammate. 15Yuusufis obboloota isaa hunda dhungatee itti booʼe. Ergasii obboloonni isaa isa wajjin haasaʼan.
16Yommuu akka obboloonni Yuusuf dhufan masaraa Faraʼoonitti dhagaʼametti, Faraʼoonii fi qondaaltonni isaa ni gammadan. 17Faraʼoonis Yuusufiin akkana jedhe; “Obboloota keetiin akkana jedhi; ‘Waan kana godhaa: Horii keessan feʼadhaa biyya Kanaʼaaniitti deebiʼaatii 18abbaan keessanii fi maatiiwwan keessan natti fidaa. Ani lafa biyya Gibxi keessaa lafa hunda caalu isiniif nan kenna. Isin cooma biyyattii ni nyaattu.’
19“Akkasumas akkana jedhii isaanitti himi; ‘Waan kana godhaa: Ijoollee keessaniifis, niitota keessaniifis biyya Gibxiitii gaariiwwan fudhadhaa; abbaa keessanis fidaatii kottaa. 20Waaʼee qabeenya keessanii hin yaaddaʼinaa; wanni biyya Gibxi guutuu keessaa waan hunda caalu kan keessan taʼaatii.’ ”
21Ilmaan Israaʼelis akkasuma godhan. Yuusufis akkuma Faraʼoon isa ajajetti gaariiwwan kenneefii karaa isaaniitiif illee galaa galaaseef. 22Tokkoo tokkoo isaaniitiif wayyaa kenne; Biniyaamiif garuu meetii saqilii dhibba sadiitii fi wayyaa irraa jalaa shan kenne. 23Abbaa isaatiif immoo harroota, wanni biyya Gibxi gaggaariin itti feʼame kudhan, akkasumas harroota dhaltuu midhaan, buddeenaa fi galaan biraa karaa isaatiif itti feʼame kudhan erge. 24Innis akkasitti obboloota isaa erge; innis yeroo isaan qajeelanitti, “Karaatti wal hin lolinaa!” jedheen.
25Isaanis Gibxi keessaa ol baʼanii gara biyya Kanaʼaan abbaa isaanii Yaaʼikuub bira dhaqan. 26Isaanis, “Yuusuf amma iyyuu jira! Biyya Gibxi guutuu iyyuu isumatu bulcha” jedhaniin. Yaaʼikuub immoo naasuudhaan of wallaale; jara amanuus hin dandeenya. 27Garuu yeroo jarri waan Yuusuf isaaniin jedhe hunda isatti himanii innis gaariiwwan Yuusuf isa fichisiisuuf ergeef sana argetti lubbuun abbaa isaanii Yaaʼikuub ni bayyanatte. 28Israaʼelis, “Na gaʼa! Ilmi koo Yuusuf amma iyyuu jira. Anis utuun hin duʼin dhaqee isa nan arga” jedhe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Katabbiiwwan Qulqulluu, Turjumaana Ammayyaa Banamaa™
Mirgi seeraan eegama © 2024 Biblica, Inc.
Biblica® Open Oromo Contemporary Scriptures™
Copyright © 2024 by Biblica, Inc.