Uumama 39
39
Yuusufii fi Niitii Phoxiifaaraa
1Yeroo kanatti Yuusuf Gibxitti geeffamee ture. Phoxiifaaraan namichi Gibxi qondaalli Faraʼoon kan ajajaa waardiyyaa ture sun Ismaʼiiloota achi isa geessan irraa isa bitate.
2Yuusufis waan Rabbii Allaahan isa wajjin tureef nama milkaaʼaa taʼe; innis mana gooftaa isaa namicha biyya Gibxi sanaa jiraate. 3Gooftaan isaas akka Rabbii Allaahan isa wajjin jiruu fi akka Rabbii Allaahan waan inni hojjetu hunda keessatti isa milkoomse arge; 4Yuusufis fuula gooftaa isaa duratti fudhatama argatee hojjetaa isaa amanamaa taʼe. Phoxiifaaraanis mana isaa irratti isa muude; waan qabu hundumas akka inni eeguuf imaanaa itti kenne. 5Gaafa inni mana isaatii fi waan inni qabu hunda irratti isa muudee jalqabee Rabbii Allaahan sababii Yuusufiif jedhee mana namicha Gibxi sanaa eebbise. Eebbi Rabbii Allaahas waan Phoxiifaaraan manaa fi alaa qabu hunda irra ture. 6Kanaafuu Phoxiifaaraan waan qabu hunda harka Yuusuf jala galche; innis waan nyaatu qofa malee qabeenya isaa tokko illee hin beeku ture.
Yuusuf dhaaba toleessaa fi miidhagaa ture; 7niitiin gooftaa isaas waan kana booddee ija ishee Yuusuf irra buufattee, “Kottuu na bira gaʼi!” jetteen.
8Inni garuu didee akkana isheen jedhe; “Kunoo, gooftaan koo waan mana keessa jiru tokko illee hin beeku; inni waan qabu hunda natti kenneera. 9Mana kana keessatti namni na caalu tokko iyyuu hin jiru. Sababii ati niitii isaa taateef siʼi malee wanni gooftaan koo natti hin kennin tokko iyyuu hin jiru. Yoos ani akkamittan waan hamaa akkasii raawwachuudhaan Allaahatti cubbuu hojjedha ree?” 10Isheen guyyuma guyyaan Yuusufitti dubbattu iyyuu, inni ishee bira gaʼuu yookaan ishee biratti argamuu illee ni dide.
11Gaaf tokko Yuusuf hojii isaa hojjechuuf mana seene; tajaajiltoota warra mana sanaa keessaas namni tokko iyyuu achi hin turre. 12Isheenis wayyaa isaa qabattee, “Kottuutii na bira gaʼi!” jetteen. Inni garuu wayyaa isaa isheetti gad lakkisee fiigee manaa baʼe.
13Isheenis yommuu akka inni wayyaa isaa isheetti gad lakkisee fiigee manaa baʼe argitetti, 14hojjettoota mana ishee waamtee akkana jetteen; “Kunoo, inni Ibricha kana akka nutti taphatuuf fide! Inni na bira gaʼuuf natti ol seennaan ani sagalee guddaan iyye. 15Innis gargaarsa barbaachaaf iyyuu koo dhageenyaan wayyaa isaa na biratti dhiisee fiigee manaa baʼe.”
16Isheen hamma gooftaan isaa galutti wayyaa isaa of bira keesse. 17Akkana jettees oduu kana isatti himte: “Garbichi Ibrichi ati nuu fidde sun natti taphachuuf natti ol seene. 18Garuu akkuma ani gargaarsa barbaachaaf iyyeen inni wayyaa isaa na biratti dhiisee fiigee manaa baʼe.”
19Gooftaan isaa yommuu oduu niitiin isaa, “Wanni garbichi kee na godhe kana” jettee itti himte sana dhagaʼetti aaree gubate. 20Gooftaan isaas Yuusufin fuudhee mana hidhaa iddoo hidhamtoonni mootichaa itti eegaman keessa buuse.
Taʼus yeroo Yuusuf mana hidhaa keessa turetti, 21Rabbii Allaahan isa wajjin ture; fuula ajajaa mana hidhaa sanaa durattis gaarummaa isaa itti argisiise; akka fudhatamas argatu godhe. 22Ajajaan mana hidhaa sunis namoota mana hidhaa jiran hunda irratti Yuusufin muude; waan achitti hojjetamu hunda irrattis itti gaafatamaa isa godhe. 23Sababii Rabbii Allaahan isa wajjin turee fi waan inni hojjetu kam iyyuu isaa milkeesseef ajajaan mana hidhaa sun waan itti gaafatama Yuusuf jala jiru hundaaf yaaddoo tokko illee hin qabu ture.
ទើបបានជ្រើសរើសហើយ៖
Uumama 39: KQTAB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Katabbiiwwan Qulqulluu, Turjumaana Ammayyaa Banamaa™
Mirgi seeraan eegama © 2024 Biblica, Inc.
Biblica® Open Oromo Contemporary Scriptures™
Copyright © 2024 by Biblica, Inc.
Uumama 39
39
Yuusufii fi Niitii Phoxiifaaraa
1Yeroo kanatti Yuusuf Gibxitti geeffamee ture. Phoxiifaaraan namichi Gibxi qondaalli Faraʼoon kan ajajaa waardiyyaa ture sun Ismaʼiiloota achi isa geessan irraa isa bitate.
2Yuusufis waan Rabbii Allaahan isa wajjin tureef nama milkaaʼaa taʼe; innis mana gooftaa isaa namicha biyya Gibxi sanaa jiraate. 3Gooftaan isaas akka Rabbii Allaahan isa wajjin jiruu fi akka Rabbii Allaahan waan inni hojjetu hunda keessatti isa milkoomse arge; 4Yuusufis fuula gooftaa isaa duratti fudhatama argatee hojjetaa isaa amanamaa taʼe. Phoxiifaaraanis mana isaa irratti isa muude; waan qabu hundumas akka inni eeguuf imaanaa itti kenne. 5Gaafa inni mana isaatii fi waan inni qabu hunda irratti isa muudee jalqabee Rabbii Allaahan sababii Yuusufiif jedhee mana namicha Gibxi sanaa eebbise. Eebbi Rabbii Allaahas waan Phoxiifaaraan manaa fi alaa qabu hunda irra ture. 6Kanaafuu Phoxiifaaraan waan qabu hunda harka Yuusuf jala galche; innis waan nyaatu qofa malee qabeenya isaa tokko illee hin beeku ture.
Yuusuf dhaaba toleessaa fi miidhagaa ture; 7niitiin gooftaa isaas waan kana booddee ija ishee Yuusuf irra buufattee, “Kottuu na bira gaʼi!” jetteen.
8Inni garuu didee akkana isheen jedhe; “Kunoo, gooftaan koo waan mana keessa jiru tokko illee hin beeku; inni waan qabu hunda natti kenneera. 9Mana kana keessatti namni na caalu tokko iyyuu hin jiru. Sababii ati niitii isaa taateef siʼi malee wanni gooftaan koo natti hin kennin tokko iyyuu hin jiru. Yoos ani akkamittan waan hamaa akkasii raawwachuudhaan Allaahatti cubbuu hojjedha ree?” 10Isheen guyyuma guyyaan Yuusufitti dubbattu iyyuu, inni ishee bira gaʼuu yookaan ishee biratti argamuu illee ni dide.
11Gaaf tokko Yuusuf hojii isaa hojjechuuf mana seene; tajaajiltoota warra mana sanaa keessaas namni tokko iyyuu achi hin turre. 12Isheenis wayyaa isaa qabattee, “Kottuutii na bira gaʼi!” jetteen. Inni garuu wayyaa isaa isheetti gad lakkisee fiigee manaa baʼe.
13Isheenis yommuu akka inni wayyaa isaa isheetti gad lakkisee fiigee manaa baʼe argitetti, 14hojjettoota mana ishee waamtee akkana jetteen; “Kunoo, inni Ibricha kana akka nutti taphatuuf fide! Inni na bira gaʼuuf natti ol seennaan ani sagalee guddaan iyye. 15Innis gargaarsa barbaachaaf iyyuu koo dhageenyaan wayyaa isaa na biratti dhiisee fiigee manaa baʼe.”
16Isheen hamma gooftaan isaa galutti wayyaa isaa of bira keesse. 17Akkana jettees oduu kana isatti himte: “Garbichi Ibrichi ati nuu fidde sun natti taphachuuf natti ol seene. 18Garuu akkuma ani gargaarsa barbaachaaf iyyeen inni wayyaa isaa na biratti dhiisee fiigee manaa baʼe.”
19Gooftaan isaa yommuu oduu niitiin isaa, “Wanni garbichi kee na godhe kana” jettee itti himte sana dhagaʼetti aaree gubate. 20Gooftaan isaas Yuusufin fuudhee mana hidhaa iddoo hidhamtoonni mootichaa itti eegaman keessa buuse.
Taʼus yeroo Yuusuf mana hidhaa keessa turetti, 21Rabbii Allaahan isa wajjin ture; fuula ajajaa mana hidhaa sanaa durattis gaarummaa isaa itti argisiise; akka fudhatamas argatu godhe. 22Ajajaan mana hidhaa sunis namoota mana hidhaa jiran hunda irratti Yuusufin muude; waan achitti hojjetamu hunda irrattis itti gaafatamaa isa godhe. 23Sababii Rabbii Allaahan isa wajjin turee fi waan inni hojjetu kam iyyuu isaa milkeesseef ajajaan mana hidhaa sun waan itti gaafatama Yuusuf jala jiru hundaaf yaaddoo tokko illee hin qabu ture.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Katabbiiwwan Qulqulluu, Turjumaana Ammayyaa Banamaa™
Mirgi seeraan eegama © 2024 Biblica, Inc.
Biblica® Open Oromo Contemporary Scriptures™
Copyright © 2024 by Biblica, Inc.