Balomɛ́ŋ 12
12
Nusɔ́da unugɔ́sɛ uguá buóli buá Uhaluá
1Beliméen, yeénúgínyiginye gɔg uguá bulɔ́b buá Uhaluá, gá gueleé banuá muɛ́d nusilɛ́ɛg duɔ́l duánɔ udugɔ́sɛ, gisámb na bunɔ́g agá eŋís ya Uhaluá: Búbuanábánɔ́ yanɔ mbúlúgie uguá gileénde 2Nudibídóŋónyé gá muand muá guísi guá hínen, ánaá núbínihinɛn Uhaluá unúnúgie, unúhuá nugedie unugɔ́sɛ gá lɛns gusaluna guɔyɛd guá Uhaluá: Ubúnya beseé, ubúnya bunɔ́g, ubúnya níŋíláníŋílá. 3Uguá ɔhɛ́n huá magɔg ɔmɔɔ́ mmábia, yɔɔ́guɔyɔn sig mɔndɔ uguánɔ guá ɔlɔŋ áneé nudigódi áneé nugedenye áneé núádáaban ubuɔ́ núnya, ánaá núbá gɔg yɛbyɛb uguánɔ guá dugedie, sig mɔndɔ uguá gidám giá guágɔdɛ́m igiɛ́ Uhaluá úmeéŋín yɔ́. 4Ɛɛ́ɛ, haná dibíanánaá maláŋ giod uguá nuɔ́l numoómi, haná maláŋ amagányɛ mádiábianan buóli búmomi mámuanyɛ mem, 5buand buáguɔ́ basuá giod dínya nuɔ́l numómi uguá Klístus, haná dínya basuá bem buláŋ búmomi sig mɔndɔ na buég buóli. 6Sig mɔndɔ ugódi mpuán ya magɔg idiabá mpónyé naá ya sɔ́gá uguá mpuán ya magɔg. Uyɔ mpuán ya magɔg gá bá ebunebúné, ánaá díala buóli ubugányɛ na guágɔdɛ́m. 7Omodi ugódi mpuán ya dúmába, ánaá udúmába, odódi mpuán ya ehuínyihuínye ánaá uhúínyihuinye. 8Omodi súsɔ́n mpuán yégínyiginyinye, ánaá úgínyiginyinye, uhúánínaá ánaá úhuánɛ́n kanda nidɔgíná, uwendenyeé bɔsɔ́gá ánaá wendenye bɔ́ na ɔdɛ́m huég gidigid, uwaánánínaá bulɔ́b waánánɛ́n na ibal. 9Ánaá ginɔ́nɛ́n giánɔ gíbá ndága ya ginɔ́nɛ́n. Ánaá núbínɔhɔnɛn bifal nuanaán biɛ́ manyanyɛ nubígɔ́d na buá beseé. 10Gá busió buá ginɔ́nɛ́n giá buliméen, ánaá núɔyɔnɛn. 11Ánaá núbá kuanyɛkuanyɛ, nudibán busebi, na gileénde igihunyígánɔ, ánaá núálan Ɔgúná buóli. 12Nubídágídɛ́n núbá uguá ibal, numán ɔdɛ́m uguá meyú, núbá nsuálál uguá mbísógóli. 13Ánaá núgígenin beliméen bánɔ abánya gusɔg ɔmbɔ́g, nugudugud gá gíndígan bandɔ uguánɔ guá duhiá. 14Funánánɔ ebénúgényigenyeé, funánánɔ, nudilɔmá. 15Ánaá núyayaba naá abáyayabánɔ́, ánaá núbaŋa naá abábaŋanɔ́. 16Ánaá núháman ugelu banuá na banuá, nudiambá gubíbúlúgenye, ta anagányɛ gɔg ánaá núádáaban guala muand na ɔdɛ́m gisínyi. Nudibígɔ́lɔn hana belins. 17Nudiondínyé ta mɔndɔ gilɔg uguá gilɔg, ánaá núlinsan guala beseé agá eŋís ya bandɔ gidigid. 18Mmába búnyɛ búábá nɔ́ uguánɔ guá guɔyɛd, ánaá núsɔ́dɔn uguá búmbenu na bandɔ gidigid. 19Beliméen bámɛ bá ginɔ́nɛ́n nudibíóndónyeé, gɔgaá ánaá núnihɛn ilúnd hiá Uhaluá híóndonyinye, haná búnya ubúɔ́ŋɔ́n áneé: «Gibióndie gíámbíyigan, yaŋuá yanásuaninaá.» Ɔgúná úwɔyɔnɔ́ anagányɛ. 20Gɔgaá mmába nsan yaánúma abɛlɛ́bɛl wahɔ, éŋín yɔ́ gunyá, niída nímábá neéneg éŋín yɔ́ buá bíhuá gá giagiá ámála anagányɛ, eégíŋen yɔ́ gigɔlɔ́gɔd giá yoógi uguég uguá ɔduá. 21Adibíníhínɛ́n gilɔga, gɔgaá gáyɛ́n gilɔga na guala beseé.
ទើបបានជ្រើសរើសហើយ៖
Balomɛ́ŋ 12: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Balomɛ́ŋ 12
12
Nusɔ́da unugɔ́sɛ uguá buóli buá Uhaluá
1Beliméen, yeénúgínyiginye gɔg uguá bulɔ́b buá Uhaluá, gá gueleé banuá muɛ́d nusilɛ́ɛg duɔ́l duánɔ udugɔ́sɛ, gisámb na bunɔ́g agá eŋís ya Uhaluá: Búbuanábánɔ́ yanɔ mbúlúgie uguá gileénde 2Nudibídóŋónyé gá muand muá guísi guá hínen, ánaá núbínihinɛn Uhaluá unúnúgie, unúhuá nugedie unugɔ́sɛ gá lɛns gusaluna guɔyɛd guá Uhaluá: Ubúnya beseé, ubúnya bunɔ́g, ubúnya níŋíláníŋílá. 3Uguá ɔhɛ́n huá magɔg ɔmɔɔ́ mmábia, yɔɔ́guɔyɔn sig mɔndɔ uguánɔ guá ɔlɔŋ áneé nudigódi áneé nugedenye áneé núádáaban ubuɔ́ núnya, ánaá núbá gɔg yɛbyɛb uguánɔ guá dugedie, sig mɔndɔ uguá gidám giá guágɔdɛ́m igiɛ́ Uhaluá úmeéŋín yɔ́. 4Ɛɛ́ɛ, haná dibíanánaá maláŋ giod uguá nuɔ́l numoómi, haná maláŋ amagányɛ mádiábianan buóli búmomi mámuanyɛ mem, 5buand buáguɔ́ basuá giod dínya nuɔ́l numómi uguá Klístus, haná dínya basuá bem buláŋ búmomi sig mɔndɔ na buég buóli. 6Sig mɔndɔ ugódi mpuán ya magɔg idiabá mpónyé naá ya sɔ́gá uguá mpuán ya magɔg. Uyɔ mpuán ya magɔg gá bá ebunebúné, ánaá díala buóli ubugányɛ na guágɔdɛ́m. 7Omodi ugódi mpuán ya dúmába, ánaá udúmába, odódi mpuán ya ehuínyihuínye ánaá uhúínyihuinye. 8Omodi súsɔ́n mpuán yégínyiginyinye, ánaá úgínyiginyinye, uhúánínaá ánaá úhuánɛ́n kanda nidɔgíná, uwendenyeé bɔsɔ́gá ánaá wendenye bɔ́ na ɔdɛ́m huég gidigid, uwaánánínaá bulɔ́b waánánɛ́n na ibal. 9Ánaá ginɔ́nɛ́n giánɔ gíbá ndága ya ginɔ́nɛ́n. Ánaá núbínɔhɔnɛn bifal nuanaán biɛ́ manyanyɛ nubígɔ́d na buá beseé. 10Gá busió buá ginɔ́nɛ́n giá buliméen, ánaá núɔyɔnɛn. 11Ánaá núbá kuanyɛkuanyɛ, nudibán busebi, na gileénde igihunyígánɔ, ánaá núálan Ɔgúná buóli. 12Nubídágídɛ́n núbá uguá ibal, numán ɔdɛ́m uguá meyú, núbá nsuálál uguá mbísógóli. 13Ánaá núgígenin beliméen bánɔ abánya gusɔg ɔmbɔ́g, nugudugud gá gíndígan bandɔ uguánɔ guá duhiá. 14Funánánɔ ebénúgényigenyeé, funánánɔ, nudilɔmá. 15Ánaá núyayaba naá abáyayabánɔ́, ánaá núbaŋa naá abábaŋanɔ́. 16Ánaá núháman ugelu banuá na banuá, nudiambá gubíbúlúgenye, ta anagányɛ gɔg ánaá núádáaban guala muand na ɔdɛ́m gisínyi. Nudibígɔ́lɔn hana belins. 17Nudiondínyé ta mɔndɔ gilɔg uguá gilɔg, ánaá núlinsan guala beseé agá eŋís ya bandɔ gidigid. 18Mmába búnyɛ búábá nɔ́ uguánɔ guá guɔyɛd, ánaá núsɔ́dɔn uguá búmbenu na bandɔ gidigid. 19Beliméen bámɛ bá ginɔ́nɛ́n nudibíóndónyeé, gɔgaá ánaá núnihɛn ilúnd hiá Uhaluá híóndonyinye, haná búnya ubúɔ́ŋɔ́n áneé: «Gibióndie gíámbíyigan, yaŋuá yanásuaninaá.» Ɔgúná úwɔyɔnɔ́ anagányɛ. 20Gɔgaá mmába nsan yaánúma abɛlɛ́bɛl wahɔ, éŋín yɔ́ gunyá, niída nímábá neéneg éŋín yɔ́ buá bíhuá gá giagiá ámála anagányɛ, eégíŋen yɔ́ gigɔlɔ́gɔd giá yoógi uguég uguá ɔduá. 21Adibíníhínɛ́n gilɔga, gɔgaá gáyɛ́n gilɔga na guala beseé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល