Balomɛ́ŋ 10
10
Ɔgúná omoómi gá mɔndɔ gidigid
1Beliméen, nugedie nuámɛ nuá ɔdɛ́m na mbísógóli yamɛ agá Uhaluá gá busió buá bayúdɛn, núnyɛ áneé béneg agá gisódie. 2Nnyɛ gɔg amaáná wɔb. Bógódi giŋkɔlɛm gá Uhaluá. Giŋkɔlɛm giɔ́b gɔg gídigódi nugedie nuá beseé. 3Báguanyanyɛ gindényé igíóloneé agá Uhaluá, báguala pɛ́ŋ áneé, bédélíminye giɔ́b mbánan. Buand buáguɔ́ bémesébédibísusie gá guádáab gindényé igíóloneé agá Uhaluá. 4Gá giagiá, nsúgie ya gigodi inya Klístus, gá gueleé mɔndɔ gidigid uwaágánaá ɔdɛ́m ubiá bugindényé buáguɔ́. 5Mɔ́sɛsa úmuanyɛ mbánan umɔɔ́ŋ gá busió buá bugindényé ubúólonineé uguá gigodi áneé: Mɔndɔ uwonóhóŋídinyenú giɛ́, wanábia nusɔ́da uguá giɛ́. 6Bugindényé gɔg ubúólonineé uguá guágɔdɛ́m búɔ́guɔya áneé: Ɔdiɔyɛ́d agáhɔ gá ɔdɛ́m áneé ányá ugabúlíga ugumɔn? Búgabá gususie Klístus. 7Ɔdiɔyɛ́d áneé ányá ugasusaá uguá bunyɛ nnyɔlɛ? Búgabá hana guyɔn Klístus uguá búnyɛ nnyɔlɛ. 8Giagɛ igiɛ́ Mɔ́sɛsa úmesesényé#10.8 Bíyɛ́ɛg Det 30.14.? Nugálɔ núnyɛ mɔdɔg naánahɔ, uguáhɔ guá niíd, agáhɔ gá ɔdɛ́m. Nugálɔ unugányɛ, núnyɛ nugálɔ nuá guágɔdɛ́m unuɔ́ bémedíhuínyihuínyé. 9Ɔ́mɔ́ya uguáhɔ guá niíd, agá eŋís ya bandɔ áneé Yésuse unyɛ Ɔgúná, ond aádáab agáhɔ gá ɔdɛ́m áneé, Uhaluá úméhémie yɔ́ uguá gibɛ́l, anábia gisódie. 10Guág ɔdɛ́m guáhɔ gɔg, guáguídan naánahɔ agá gindényé, ɔ́mɔ́ya uguáhɔ guá niíd agá eŋís ya bandɔ anábia gisódie. 11Ŋŋɔ́ŋɛ yɔɔ́guɔya gɔg áneé: Mɔndɔ uwaáganaá ɔdɛ́m uguá Uhaluá udianáyɛ́n. 12Nsala gɔg idibá na bayúdɛn na abádiabá baglɛ́k, bámuanyɛ gidigid bógódi Ɔgúná omoómi, unyɛ nnuɛ́m ya ɔdɛ́m beseé gá busió buá bandɔ gidigid ɔbɔ́dɔ́ŋɔnaá yɔ́. 13Ɛɛ́ɛ, búnyɛ ubúɔ́yidɔn áneé: «Uwɔnɔ́dɔ́ŋinaá ɔhɛ́n huá Uhaluá, wanábia gisódie.» 14Naánanyá gɔg bánya bá dɔ́ŋɛ́ɛn yɔ́, henyé bámanyɛ bádiág ɔdɛ́m uguég? Súsɔ́n, naánanyá bánya bá guágɔdɛ́m uguég kandabá áneé bɔ́mɔ́bídɔ́lígɛ́n yɔ́? Naánanyá bánya bá bídɔ́lígɛn yɔ́ kandabá áneé mɔndɔ umódógínyé bɔ́? 15Naánanyá ányá wa dógonye ɔhɛ́n huég kandabá áneé bámádɔ́m? Nɔ́ búnya ubúɔ́ŋɔ́n áneé: «Ndé hana búnya bunɔ́g gá guán obóloneé gá dógonye binɔ́g biá nsɔ́m.» 16Bámuanyɛ gidigid bámasúguádáab Ginɔ́g giá Nsɔ́m. Ɛɛ́ɛ, ebunebúné Esayí wɔɔ́guɔya gɔg áneé: «Ɔgúná, ányá umaádáab ŋŋɔyida yasɔ?» 17Agányɛ gɔg, guágɔdɛ́m guóguólonin uguá bídɔ́lígɔnɔn Ginɔ́g giá Nsɔ́m, ubuɔ́ díbídɔ́lígɔ́nɔnaá búólonin uguá Nugálɔ nuá Klístus. 18Yoóbíóhon gɔg áneé bɔ́mɔsúguɔ́b Nugálɔ a? Ɛɛ́ɛ, bɔ́mɔɔ́b. Búnyɛ ubúɔ́ŋɔ́n áneé: «Bɔ́mɔɔ́b igelu siɔ́b uguá egéndu ya guísi gidigid.» 19Yoóbíóhon gɔg áneé Íslayɛ́l umɔsúguɔ́b a? Mɔ́sɛsa umabá umɔ́yɛd áneé: «Yonónúondie yaág gá buán ubúdiabá ginɔ́g giá buán. Yenélediginye ilúnd hiánɔ na buán ubúdiogódie nugedie.» 20Esayí uwɛɛ́d na nugálɔ nuég uguá busió, úmuanyɛ áneé: «Yaŋuá Uhaluá, mmaánígɛ́n abámasábádiŋamba, iyebídíye agá obómosóbódióhún ta buand.» 21Gá busió buá Íslayɛ́l gɔg, Uhaluá wɔɔ́guɔya áneé: «Buɔ́sɛ gidigid yaáganuna imbɔ́g siámɛ agá bunɔŋ ubúnya kanda ŋŋɔ́bina, na ɔduá gulal.»
ទើបបានជ្រើសរើសហើយ៖
Balomɛ́ŋ 10: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Balomɛ́ŋ 10
10
Ɔgúná omoómi gá mɔndɔ gidigid
1Beliméen, nugedie nuámɛ nuá ɔdɛ́m na mbísógóli yamɛ agá Uhaluá gá busió buá bayúdɛn, núnyɛ áneé béneg agá gisódie. 2Nnyɛ gɔg amaáná wɔb. Bógódi giŋkɔlɛm gá Uhaluá. Giŋkɔlɛm giɔ́b gɔg gídigódi nugedie nuá beseé. 3Báguanyanyɛ gindényé igíóloneé agá Uhaluá, báguala pɛ́ŋ áneé, bédélíminye giɔ́b mbánan. Buand buáguɔ́ bémesébédibísusie gá guádáab gindényé igíóloneé agá Uhaluá. 4Gá giagiá, nsúgie ya gigodi inya Klístus, gá gueleé mɔndɔ gidigid uwaágánaá ɔdɛ́m ubiá bugindényé buáguɔ́. 5Mɔ́sɛsa úmuanyɛ mbánan umɔɔ́ŋ gá busió buá bugindényé ubúólonineé uguá gigodi áneé: Mɔndɔ uwonóhóŋídinyenú giɛ́, wanábia nusɔ́da uguá giɛ́. 6Bugindényé gɔg ubúólonineé uguá guágɔdɛ́m búɔ́guɔya áneé: Ɔdiɔyɛ́d agáhɔ gá ɔdɛ́m áneé ányá ugabúlíga ugumɔn? Búgabá gususie Klístus. 7Ɔdiɔyɛ́d áneé ányá ugasusaá uguá bunyɛ nnyɔlɛ? Búgabá hana guyɔn Klístus uguá búnyɛ nnyɔlɛ. 8Giagɛ igiɛ́ Mɔ́sɛsa úmesesényé#10.8 Bíyɛ́ɛg Det 30.14.? Nugálɔ núnyɛ mɔdɔg naánahɔ, uguáhɔ guá niíd, agáhɔ gá ɔdɛ́m. Nugálɔ unugányɛ, núnyɛ nugálɔ nuá guágɔdɛ́m unuɔ́ bémedíhuínyihuínyé. 9Ɔ́mɔ́ya uguáhɔ guá niíd, agá eŋís ya bandɔ áneé Yésuse unyɛ Ɔgúná, ond aádáab agáhɔ gá ɔdɛ́m áneé, Uhaluá úméhémie yɔ́ uguá gibɛ́l, anábia gisódie. 10Guág ɔdɛ́m guáhɔ gɔg, guáguídan naánahɔ agá gindényé, ɔ́mɔ́ya uguáhɔ guá niíd agá eŋís ya bandɔ anábia gisódie. 11Ŋŋɔ́ŋɛ yɔɔ́guɔya gɔg áneé: Mɔndɔ uwaáganaá ɔdɛ́m uguá Uhaluá udianáyɛ́n. 12Nsala gɔg idibá na bayúdɛn na abádiabá baglɛ́k, bámuanyɛ gidigid bógódi Ɔgúná omoómi, unyɛ nnuɛ́m ya ɔdɛ́m beseé gá busió buá bandɔ gidigid ɔbɔ́dɔ́ŋɔnaá yɔ́. 13Ɛɛ́ɛ, búnyɛ ubúɔ́yidɔn áneé: «Uwɔnɔ́dɔ́ŋinaá ɔhɛ́n huá Uhaluá, wanábia gisódie.» 14Naánanyá gɔg bánya bá dɔ́ŋɛ́ɛn yɔ́, henyé bámanyɛ bádiág ɔdɛ́m uguég? Súsɔ́n, naánanyá bánya bá guágɔdɛ́m uguég kandabá áneé bɔ́mɔ́bídɔ́lígɛ́n yɔ́? Naánanyá bánya bá bídɔ́lígɛn yɔ́ kandabá áneé mɔndɔ umódógínyé bɔ́? 15Naánanyá ányá wa dógonye ɔhɛ́n huég kandabá áneé bámádɔ́m? Nɔ́ búnya ubúɔ́ŋɔ́n áneé: «Ndé hana búnya bunɔ́g gá guán obóloneé gá dógonye binɔ́g biá nsɔ́m.» 16Bámuanyɛ gidigid bámasúguádáab Ginɔ́g giá Nsɔ́m. Ɛɛ́ɛ, ebunebúné Esayí wɔɔ́guɔya gɔg áneé: «Ɔgúná, ányá umaádáab ŋŋɔyida yasɔ?» 17Agányɛ gɔg, guágɔdɛ́m guóguólonin uguá bídɔ́lígɔnɔn Ginɔ́g giá Nsɔ́m, ubuɔ́ díbídɔ́lígɔ́nɔnaá búólonin uguá Nugálɔ nuá Klístus. 18Yoóbíóhon gɔg áneé bɔ́mɔsúguɔ́b Nugálɔ a? Ɛɛ́ɛ, bɔ́mɔɔ́b. Búnyɛ ubúɔ́ŋɔ́n áneé: «Bɔ́mɔɔ́b igelu siɔ́b uguá egéndu ya guísi gidigid.» 19Yoóbíóhon gɔg áneé Íslayɛ́l umɔsúguɔ́b a? Mɔ́sɛsa umabá umɔ́yɛd áneé: «Yonónúondie yaág gá buán ubúdiabá ginɔ́g giá buán. Yenélediginye ilúnd hiánɔ na buán ubúdiogódie nugedie.» 20Esayí uwɛɛ́d na nugálɔ nuég uguá busió, úmuanyɛ áneé: «Yaŋuá Uhaluá, mmaánígɛ́n abámasábádiŋamba, iyebídíye agá obómosóbódióhún ta buand.» 21Gá busió buá Íslayɛ́l gɔg, Uhaluá wɔɔ́guɔya áneé: «Buɔ́sɛ gidigid yaáganuna imbɔ́g siámɛ agá bunɔŋ ubúnya kanda ŋŋɔ́bina, na ɔduá gulal.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល