Málkus 14
14
Idɔg hiá guɔ́n Yésuse
(Mat 26.1-5; Lúk 22.1-2; Sáŋ 11.47, 49, 53)
1Gibín giá Páska naá giá gilɛ́d giá kanda buanyɛ buá guóbonye oguŋ gímesíen mɔɔ́sɛ máandɛ áneé gíbá. Bágɔ́n bá bedúmbinusámb nuá Uhaluá na belinsibigodi abɛ́d gá guamba dudádɛ duá gual áneé bégimbin Yésuse uguá mamb gá guɔ́n yɔ́. 2Bɔ́ya áneé: «Didial buɔ́ agá gibín aga, gá gueleé ombuŋímbuŋíe húdibíŋín agá ɔdɛ́m na ɔdɛ́m huá bandɔ.»
Ugándɔ woóguodinon Yésuse megúd má ohind uguá ɔduá
(Mat 26.6-13; Sáŋ 12.1-8; Lúk 7.36-38)
3Yésuse umabá Betaní uguá giansɛ giá eŋúnuŋún Símune, umaágányánán, ugándɔ uwonoól na ginɔ́g giá gidódé giá megúd ma ohind ɔmɔ́ŋunɔnɔ́ giod giá ŋŋúme. Búmabá megúd ma bunɛmɛ́d ubuɔ́ bɔ́dɔ́ŋɔ́naá áneé náal. Uwenugun gidódé, uwɛɛ́d gá guodinon Yésuse mɔ́ uguá ɔduá. 4Bandɔ bómodi bɔ́mɔsúguɔ́b beseé ta bugídígíd, abɛ́d gá bígálgalɛn, bɔ́ya áneé: «Gá giagɛ igiɛ́ úmɔ́lɔg ginɔ́g giá megúd igíné? 5Dimábá dia dué mɔ gá mbámbá siá ŋŋúme étín átánɔ ádádɔ, diaban basúgasuga!» Ɔbɔ́bígɛn yɔ́ hómohómue.
6Yésuse uwɔyidɛn bɔ́ gɔg áneé: «Níhínánánɔ ugándɔ ugányɛ! Gá giagɛ núsésenyeé yɔ́? Buand ubuɔ́ úmáal gámɛ gá busió búnyɛ beseé. 7Ɛɛ́ɛ! Nunyɛ na basúgasuga mɔɔ́sɛ gidigid. Gúu núnya nua guala bɔ́ beseé uguá binɛŋ gidigid ibiɛ́ núsɔ́guɔyɛd. Gɔgaá, yaŋuá ndigabá naánanɔ gá ságásagá. 8Ugándɔ ugányɛ umáal buand ubuɔ́ úsabá wa gual. Umébué guŋodin megúd má ohind uguá nuɔ́l gá guaŋanan nuɔ́ gá ginyo. 9Yɔɔ́núɔyɔn buɔ́, búnyɛ meliŋ, hɔɔ́m gidigid ɔhɔɔ́ bénésesenyeé Ginɔ́g giá Nsɔ́m uguísi gidigid, bɔ́nɔ́ya buónyi ubuɔ́ úmáal, bónd bébídúmenye yɔ́.»
Yúdas umógió Yésuse
(Mat 26.14-16; Lúk 22.3-6)
10Mɔndɔ omodi uguɔ́b guá ɔlɔŋ huá báad na báandɛ ɔhɛ́n áneé Yúdas Iskaliɔ́t, uwabíág bunúmɔndɔ gá gió Yésuse. Uwɛɛ́d agá gimbi giá bedúmbinusámb nuá Uhaluá gá dué Yésuse. 11Bɔ́mɔɔ́mɔ́b anagányɛ, abábalaga, abádánɛ́n Yúdas ŋŋúme. Uwɛɛ́d gá guamba giásɛ na ginɔ́g giá ginɛŋ giá sílígɛn bɔ́ yɔ́.
Gubíaŋanan gá budɔ́mb buá Páska wa bayúdɛn
(Mat 6.17-19; Lúk 22.7-13)
12Buɔ́sɛ buá busió buá gibín giá gilɛ́d giá kanda buanyɛ buá guóbonye oguŋ, ubuɔ́ bɔ́nɔnɔ́ baán bá bidúmbúa gá gibín giá Páska wa bayúdɛn, bebinene bá Yésuse obóhún yɔ́ áneé: «Hanyɛ agaá ɔ́yɔnɔ́ áneé dianaguaŋánɛ́n gá nyá budɔ́mb buá Páska wa bayúdɛn?» 13Yésuse uwadɔ́m bebinene bég báandɛ, úmuanyɛ gɔ́b áneé: «Ídánánɔ agá tísɔna nugaáguádán na mɔndɔ usabídúgɛn giláma giá mimbi, bínídínénu yɔ́. 14Hɔɔ́m ɔhɔɔ́ úgeébíŋíne, nuɛ́d gɔg nuóhún mɔndɔ wa nihiá áneé: “Ehuínyihuínyi woóguóhón áneé, nsúmba iyɛɛ́ ugányánanaá guɔ́ gá budɔ́mb buá Páska wa bayúdɛn na bebinene bég inyɛ hanyɛ?” 15Mɔndɔ wa nihiá ugeénúdíye giandá giá giénsél ugumɔn guá ndáŋia, usamanuguaŋan, buand gidigid búganyɛ hɔ́. Agányɛ hɔ́ núgaádiálinaá inámb hiá budɔ́mb buá Páska wa bayúdɛn.» 16Bebinene abɛ́d agá tísɔna, ebégégie buand gidigid haná Yésuse úmɔyidɛ́n bɔ́. Abál inámb.
Yufídaga agá gunyá
(Mat 26.20-26; Lúk 14.12-23; Sáŋ 13.21-30)
17Ginɛ́ŋ gimaámágua, Yésuse uweneg na bebinene bég báad na báandɛ. 18Ebédúgumin gá nyánan, abágɔns gunyánan. Yésuse uwɔyɛd áneé: «Mmɔ́núɔyídɛ́n buɔ́, búnyɛ meliŋ, mɔndɔ uguánɔ guá ɔlɔŋ uguɔ́g ugóŋió, búnyɛ wa guánɔ omodi unyánanaá naánamɛ.» 19Bebinene abábia mesígíl, abɛ́d gá guóhón Yésuse gá omoómi gá omoómi áneé: «Búnyɛ yaŋuá lí?» 20Uwɔyidɛn bɔ́ áneé: «Búnyɛ mɔndɔ uguánɔ guá ɔlɔŋ huá báad na báandɛ uwomboneé ɔmbɔ́g uguá ondól húmomi naánamɛ. 21Gá giagiá Muɔ́n wa mɔndɔ ugegué hana Bidányɛdányɛ biá Ŋŋɔ́ŋɛ bíɔ́yɔnɔ́. Gɔgaá, meyú na mɔndɔ ugásílígá yɔ́. Búmandábá beseé áneé udibíbíén búmbúm!»
Gunyá guá nsúgie
(Mat 26.26-29; Lúk 22.15-20)
22Bámaágányánán, Yésuse uwɔgɔ́l gilɛ́d, uwabáyi, uweéŋin Ɔgúná mbíyigie, uwaban bebinene bég, uwɔyɔn bɔ́ áneé: «Gɔ́lɔ́nɔ́n ubuɔ, búnyɛ nuɔ́l nuámɛ.» 23Egélém agányɛ, uwɔgɔ́l gibólé giá magɛ́b, uweéŋin Uhaluá mbíyigie, uweéŋin bebinene bég, abábíhuá bámuanyɛ gidigid. 24Uwɔndúguɔyidɛn bɔ́ áneé: «Ubuɔ, búnyɛ manɔ́ŋ mámɛ, manɔ́ŋ má nigál amágúdánɔ́ bugúl na Uhaluá, omógodúgeé gá busió buá giod giá bandɔ, 25Mmɔ́núɔyídɛ́n, búnyɛ meliŋ, ndigendesíen mbíhuá bumagɛ́b buá lesɛ́ŋ ubuɔ, gueneg buɔ́sɛ ubuɔ́ yanándabíhuánɔ́ giŋɔ́nsa giá magɛ́b uguá Niguili niá Uhaluá.»
Yésuse umédúgié nubísásɛ́ɛg nuá Piéle
(Mat 26.30-35; Lúk 22.33-34; Sáŋ 13.36-38)
26Yésuse na bebinene bég bɔ́mɔɔ́mɔ́dɔ́ŋɛ́ɛd gilɛ́l, abɛ́d agá ɔŋuɛnyɛ huá madɛ́ ɔmɔɔ́ bɔ́dɔ́ŋɔnaá áneé olifié mánya. 27Yésuse uwɔndúguɔyidɛn bɔ́ áneé: «Nugɔ́mbínɔhɛn banuá gidigid, gá giagiá búnyɛ ubúɔ́ŋɔ́n áneé: “Yɔnɔ́ɔn egíg, bidúmbúa bísálámand.” 28Yanámáhám uguá gibɛ́l gɔg, yenébue gánɔ Galilé.» 29Piéle uwɔyidɛn yɔ́ áneé: «Ta búbá áneé bɔsɔ́gá gidigid bɔ́bínɔhɛn, yaŋuá ndiɔnɔ́bínɔhɛn!» 30Yésuse uwondinye yɔ́ áneé: «Mmɔ́guɔyídɛ́n buɔ́, búnyɛ meliŋ áneé na budúg buá hínen, gidédi gígaábá gímanyɛ gídidádɛ́ɛd iŋand íhandɛ, agaábá amámánámbísásɛ́ɛg iŋand ídádɔ.» 31Piéle uwendeyidinye mpál yeg gɔg, wɔya áneé: «Yaŋuá ŋŋuɔyɔnaá, ta búbá buá gueleé digué ɔlɔŋ, ndianábísásɛ́ɛg!» Bámuanyɛ gidigid ɔbɔ́yɛd buand búmomi.
Mbísógóli ya Yésuse Gɛtsemaní
(Mat 26.36-46; Lúk 22.40-45)
32Ebéneg agá hɔɔ́m ɔhɔɔ́ bɔ́dɔ́ŋɔ́naá áneé Gɛtsemaní. Hɔ́ Yésuse úmɔyídɛ́n bebinene bég áneé: «Mbídiénénu agányɛ, yɛɛ́d yonobísógólónyé.» 33Uwɔdɔ́ŋɛ́ɛn Piéle, Sák na Sáŋa. Uwɛɛ́d gá guɔ́bɔn bugádɔ na mesígíl. 34Uwɔyidɛn bɔ́ áneé: «Ɔdɛ́m huámɛ húnyɛ na mesígíl ma nigué, dúgúmínénu aga, nudiɛ́d gá dunɔ́.» 35Uwebíseŋelidie enéné, uwɔbɔmbɛg nudúg uguísi gá bísógólonye. Uhaluá, giásɛ gímabá nnúŋúnɛ́n ginɛŋ giá meyú igiɛ. 36Uwɔyɛd áneé: «Ába, Baba, buand búdiágáŋan aŋuá, ŋŋólínyé gibólé giá meyú igiɛ! Adial gɔg ubuɔ́ yaŋuá yɔ́yɔnɔ́, ál gáhɔ gá guɔyɛd.» 37Yésuse uwosiond agaá bebinene bá bádádɔ bámabá, uwegégie bɔ́ gá dunɔ́. Uwɔyidɛn Piéle áneé: «Símune, anyɛ gá dunɔ́ a? Amasábia bugaga buá gíga mpunyá a? Ta gá maná gisigɛl omoómi a? 38Gúlénénu nubísógólonye áneé nudiguɛ́n uguá buŋaŋa buá yɔɔ́bídɛ́n. Gileénde gínyɛ na bugaga gúu nuɔ́l núnya na bugué.»
39Uwɔndɔbígɔ́gɛ́d, uwandugual bumbísógóli buáguɔ́ búmomi. 40Uwondosiond agaá bebinene bá bádádɔ bámabá, uwendegégie bɔ́ gá dunɔ́, bɔ́mɔsúguɔ́d gugíga mpunyá, buand buá guɔyidɛn Yésuse ubuá gáŋ bɔ́.
41Gá uŋand huá gádádɔ, uwoól, uwɔyidɛn bɔ́ áneé: «Numanyɛ gá bídimana a? Nuond nuhoge a? Búmámánabíal. Gisigɛl gímésieg, ndénu Muɔ́n wa mɔndɔ uyɔ bámásílɛ́ɛg uguá imbɔ́g siá bahánd. 42Adígínánɔ didɔ́mb. Ndénu mɔndɔ ugaásílíga yɔ́ umésieg!»
Gigimbine giá Yésuse
(Mat 26.47-56; Lúk 22.47-53; Sáŋ 18.2-11)
43Uguá ginɛŋ giáguɔ, umaámanyɛ gá gálgal anagányɛ, Yúdas umaábá uguá ɔlɔŋ huá báad na báandɛ, uwonoól ugɔ́ga ɔlɔŋ huá bandɔ na malaŋ ma bidí: Imbóŋ na nnyémél. Bagɔ́n bá bedúmbinusámb nuá Uhaluá, belinsibigodi na bɔgɔ́ga bɔ́ bámádɔ́m bɔ́. 44Úmoógió yɔ́ umabá umámánáhuá bɔ́ nulinsa. Úmuanyɛ gɔ́b áneé: «Mɔndɔ uyɔɔ́ ŋŋɔɔ́gɔ́lɔnɔ́ ŋŋuindi, tábɔ́ áneé úmuanyɛ yɔ́. Nugimbin yɔ́, nuɛ́d neéneg nufáfa yɔ́ beseé!» 45Bémeémésieg, Yúdas uwakilɛn Yésuse, uwɔdɔ́ŋɛ́ɛn yɔ́ áneé: «Ehuínyihuínyi!» Uwɔgɔ́l yɔ́ ŋŋuindi. 46Bandɔ bómodi ebésígimbin yɔ́. 47Ebinene wa Yésuse omodi uwɔsɔ́gɔ́n nnyémél yeg uwafílɛ́ɛd odú huá edúmébi wa ɔgɔ́n wa bedúmbinusámb nuá Uhaluá. 48Yésuse uwɔgɔ́l nugálɔ, úmuanyɛ gɔ́b áneé: «Nnyɛ gihánd giá mɔndɔ nuólésiŋimbén na imbóŋ na nnyémél haná bégimbeneé uŋébi a? 49Yaábá naánanɔ uguá idúl hiá bayúdɛn, nnúhuínyihuinye mɔɔ́sɛ gidigid, banuá ta guŋimbin. Búnyɛ gɔg gá gueleé Bidányɛdányɛ biá Ŋŋɔ́ŋɛ bíbíhónye.» 50Bebinene bá Yésuse abánihɛn yɔ́ agányɛ, ɔbɔ́bínɔh wɔ́s.
51Gidɛnd giá mɔndɔ igíɛ́d gíbinen Yésuse, gímabíág pɛ́ŋ gibéyi giá ndífɔn uguá nuɔ́l, bémelée bégimbin giɛ́, 52igíánihinɛn bɔ́ gibéyi giá ndífɔn uguá imbɔ́g igíɛ́d gídíne nnúh gudɔɔ́.
Bɔdɔgɔdɔ́g bégélenye Yésuse
(Mat 26.57-68; Lúk 22.54-55; 22.63-71; Sáŋ 18.12-18)
53Abɛ́d na Yésuse agá nihiá niá ofuŋ uhugɔ́n huá bedúmbinusámb nuá Uhaluá. Agányɛ hɔ́ bagɔ́n bedúmbinusámb nuá Uhaluá gidigid, bɔgɔ́ga na belinsibigodi bámabígúsá. 54Piéle uwebinen Yésuse mehenyé, uwebíŋín uguá ɔmɛnd huá ofuŋ uhugɔ́n huá bedúmbinusámb nuá Uhaluá, uwedugumin agá nígadá, uwɛɛ́d gá biésébe agá buáyɛ buá yoógi na bedúmébi.
55Ifuŋ siá bedúmbinusámb nuá Uhaluá na idɔg ihigɔ́n gidigid abɛ́d gá guamba amaáná gá gusinye Yésuse gá gueleé bɔ́n yɔ́. Bámasábia yɔ́ gɔg. 56Ta anagányɛ, giod giá bandɔ igímɔbídɔ́ŋɔ́ɔn áneé bamaáná, igíɛ́d gá súŋanɛn yɔ́ moónyi. Bámasáháman gɔg ugelu bámuanyɛ na bámuanyɛ. 57Bandɔ bómodi abádigan gá súŋanɛ́n Yésuse áneé: 58«Dimɔɔ́b yɔ́ wɔya áneé: “Yaŋuá yanágad idúl ihiɛ́ bandɔ bámáhágá, mpág hímodi ihídiábá guhág guá bandɔ uguá mɔɔ́sɛ mádádɔ.”» 59Ta nɔ́, abagányɛ bamaáná bámasáháman ugelu súsɔ́n bámuanyɛ na bámuanyɛ. 60Agányɛ hɔ́ ofuŋ uhugɔ́n huá bedúmbinusámb nuá Uhaluá húmedélímín agá ɔdɛ́m na ɔdɛ́m huá bandɔ gá guóhún Yésuse áneé: «Odióguóndónyinye gá moónyi ɔmɔɔ́ bɔ́yɔnɔ́ gáhɔ gá busió umɔ a?» 61Yésuse uwen gɔg guondinye, uwahádan bém. Ofuŋ uhugɔ́n huá bedúmbinusámb nuá Uhaluá uhúónduguóhún yɔ́ áneé: «Kásɛ anyɛ Bémeyíde a? Muɔ́n wa Uhaluá uyɔɔ́ dígúmenyeé a?» 62Yésuse uwondinye áneé: «Ɛɛ́ɛ! Nnyɛ yɔ́. Nuanáanan Muɔ́n wa mɔndɔ dugumine ɔmbɔ́g uhunɛ́m huá Uhaluá wa buŋaŋa gidigid, nuond nuán yɔ́ guosiond guég uguá igil hiá gumɔn.» 63Gá nugálɔ unugányɛ ofuŋ uhugɔ́n huá bedúmbinusámb nuá Uhaluá húmasíbíláhúná bisɔn biég húɔ́ya áneé: «Diánduguamba bamaáná bá giagɛ! 64Banuá mbánan numɔ́biɔ́bɛ́n haná ufénefenineé Uhaluá. Nuégueleé giagɛ gá buɔ́?» Bandɔ gidigid obóndinye áneé: «Ugányɛ, waánigíman na nigué.» 65Bandɔ bómodi abɛ́d gá gasan yɔ́ bidá, ebéhúg yɔ́ busió, bétúne yɔ́ bɔ́yɔn yɔ́ áneé: «Bɔ́g! Ɔdiɔ́yidɛn mɔndɔ umágɔ́b.» Bedúmébi abágíndígɛn yɔ́ na buman yɔ́ imbɛ́l.
Piéle umabísásɛ́ɛg Yésuse
(Mat 26.69-75; Lúk 22.55-62; Sáŋ 1.15-18; 1.25-27)
66Haná Piéle úmabá agá nígadá, edúmébi omodi wa ugándɔ wa ofuŋ uhugɔ́n huá edúmbinusámb nuá Uhaluá uwonoól. 67Uwaán yɔ́ haná úmabá ubíésébe, uwoóhún yɔ́ áneé: «Mbuen aŋuá súsɔ́n aábá na Yésuse wa Nasalɛ́d?» 68Uwabísásɛ́ɛg gɔg, wɔya áneé: «Ɛ́ɛɛ́! Ndiɔ́guɔ́bɔn, ndiálínsan buand ubuɔ́ ámbanɔ́ guɔyɛd.» Uwadigɛn agányɛ gá guɛ́d agá nibíŋínín niá ɔmɛnd, agányɛ, gidédi igiádádɛ́ɛd. 69Edúmébi wa ugándɔ waáguɔ́ uwandúguán Piéle, uwendebul guɔyɔn bandɔ abámabá hɔ́ áneé: «Mɔndɔ uyɔ unyɛ ebinene weg omodi.» 70Piéle uwandabísáŋɔ́ɔn. Úmuanyɛ áneé: «Bibán ndiényi yɔ́!» Maná gisigɛl umadɔ́mb, bandɔ abámabá hɔ́ ɔbɔ́ndúguɔyidɛn Piéle áneé: «Ɛɛ́ɛ! Búnyɛ nɔ́, anyɛ ebinene weg, aŋuá muɛ́d súsɔ́n anyɛ maná bagalileyɛ́ŋ.» 71Piéle uwiídan uguá busió na bísásígánan ubílianan, wɔya áneé: «Mmába yaásúŋan ánaá Uhaluá únlɔm, nsɔnúɔyidɛn áneé ndiényi mɔndɔ ugányɛ.» 72Uguá ginɛŋ giáguɔ́, gidédi igíándadádɛ́ɛd gá uŋand huá gáandɛ. Piéle uwebídúmdenye nugálɔ unuɔ́ Yésuse úmɔyídɛ́n yɔ́ áneé: «Gidédi gíánágásidádɛ́ɛd gáandɛ, anábá amámánámbísásɛ́ɛg iŋand ídádɔ.» Piéle uwedúmbie guhám uwabahɔn masiana.
ទើបបានជ្រើសរើសហើយ៖
Málkus 14: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Málkus 14
14
Idɔg hiá guɔ́n Yésuse
(Mat 26.1-5; Lúk 22.1-2; Sáŋ 11.47, 49, 53)
1Gibín giá Páska naá giá gilɛ́d giá kanda buanyɛ buá guóbonye oguŋ gímesíen mɔɔ́sɛ máandɛ áneé gíbá. Bágɔ́n bá bedúmbinusámb nuá Uhaluá na belinsibigodi abɛ́d gá guamba dudádɛ duá gual áneé bégimbin Yésuse uguá mamb gá guɔ́n yɔ́. 2Bɔ́ya áneé: «Didial buɔ́ agá gibín aga, gá gueleé ombuŋímbuŋíe húdibíŋín agá ɔdɛ́m na ɔdɛ́m huá bandɔ.»
Ugándɔ woóguodinon Yésuse megúd má ohind uguá ɔduá
(Mat 26.6-13; Sáŋ 12.1-8; Lúk 7.36-38)
3Yésuse umabá Betaní uguá giansɛ giá eŋúnuŋún Símune, umaágányánán, ugándɔ uwonoól na ginɔ́g giá gidódé giá megúd ma ohind ɔmɔ́ŋunɔnɔ́ giod giá ŋŋúme. Búmabá megúd ma bunɛmɛ́d ubuɔ́ bɔ́dɔ́ŋɔ́naá áneé náal. Uwenugun gidódé, uwɛɛ́d gá guodinon Yésuse mɔ́ uguá ɔduá. 4Bandɔ bómodi bɔ́mɔsúguɔ́b beseé ta bugídígíd, abɛ́d gá bígálgalɛn, bɔ́ya áneé: «Gá giagɛ igiɛ́ úmɔ́lɔg ginɔ́g giá megúd igíné? 5Dimábá dia dué mɔ gá mbámbá siá ŋŋúme étín átánɔ ádádɔ, diaban basúgasuga!» Ɔbɔ́bígɛn yɔ́ hómohómue.
6Yésuse uwɔyidɛn bɔ́ gɔg áneé: «Níhínánánɔ ugándɔ ugányɛ! Gá giagɛ núsésenyeé yɔ́? Buand ubuɔ́ úmáal gámɛ gá busió búnyɛ beseé. 7Ɛɛ́ɛ! Nunyɛ na basúgasuga mɔɔ́sɛ gidigid. Gúu núnya nua guala bɔ́ beseé uguá binɛŋ gidigid ibiɛ́ núsɔ́guɔyɛd. Gɔgaá, yaŋuá ndigabá naánanɔ gá ságásagá. 8Ugándɔ ugányɛ umáal buand ubuɔ́ úsabá wa gual. Umébué guŋodin megúd má ohind uguá nuɔ́l gá guaŋanan nuɔ́ gá ginyo. 9Yɔɔ́núɔyɔn buɔ́, búnyɛ meliŋ, hɔɔ́m gidigid ɔhɔɔ́ bénésesenyeé Ginɔ́g giá Nsɔ́m uguísi gidigid, bɔ́nɔ́ya buónyi ubuɔ́ úmáal, bónd bébídúmenye yɔ́.»
Yúdas umógió Yésuse
(Mat 26.14-16; Lúk 22.3-6)
10Mɔndɔ omodi uguɔ́b guá ɔlɔŋ huá báad na báandɛ ɔhɛ́n áneé Yúdas Iskaliɔ́t, uwabíág bunúmɔndɔ gá gió Yésuse. Uwɛɛ́d agá gimbi giá bedúmbinusámb nuá Uhaluá gá dué Yésuse. 11Bɔ́mɔɔ́mɔ́b anagányɛ, abábalaga, abádánɛ́n Yúdas ŋŋúme. Uwɛɛ́d gá guamba giásɛ na ginɔ́g giá ginɛŋ giá sílígɛn bɔ́ yɔ́.
Gubíaŋanan gá budɔ́mb buá Páska wa bayúdɛn
(Mat 6.17-19; Lúk 22.7-13)
12Buɔ́sɛ buá busió buá gibín giá gilɛ́d giá kanda buanyɛ buá guóbonye oguŋ, ubuɔ́ bɔ́nɔnɔ́ baán bá bidúmbúa gá gibín giá Páska wa bayúdɛn, bebinene bá Yésuse obóhún yɔ́ áneé: «Hanyɛ agaá ɔ́yɔnɔ́ áneé dianaguaŋánɛ́n gá nyá budɔ́mb buá Páska wa bayúdɛn?» 13Yésuse uwadɔ́m bebinene bég báandɛ, úmuanyɛ gɔ́b áneé: «Ídánánɔ agá tísɔna nugaáguádán na mɔndɔ usabídúgɛn giláma giá mimbi, bínídínénu yɔ́. 14Hɔɔ́m ɔhɔɔ́ úgeébíŋíne, nuɛ́d gɔg nuóhún mɔndɔ wa nihiá áneé: “Ehuínyihuínyi woóguóhón áneé, nsúmba iyɛɛ́ ugányánanaá guɔ́ gá budɔ́mb buá Páska wa bayúdɛn na bebinene bég inyɛ hanyɛ?” 15Mɔndɔ wa nihiá ugeénúdíye giandá giá giénsél ugumɔn guá ndáŋia, usamanuguaŋan, buand gidigid búganyɛ hɔ́. Agányɛ hɔ́ núgaádiálinaá inámb hiá budɔ́mb buá Páska wa bayúdɛn.» 16Bebinene abɛ́d agá tísɔna, ebégégie buand gidigid haná Yésuse úmɔyidɛ́n bɔ́. Abál inámb.
Yufídaga agá gunyá
(Mat 26.20-26; Lúk 14.12-23; Sáŋ 13.21-30)
17Ginɛ́ŋ gimaámágua, Yésuse uweneg na bebinene bég báad na báandɛ. 18Ebédúgumin gá nyánan, abágɔns gunyánan. Yésuse uwɔyɛd áneé: «Mmɔ́núɔyídɛ́n buɔ́, búnyɛ meliŋ, mɔndɔ uguánɔ guá ɔlɔŋ uguɔ́g ugóŋió, búnyɛ wa guánɔ omodi unyánanaá naánamɛ.» 19Bebinene abábia mesígíl, abɛ́d gá guóhón Yésuse gá omoómi gá omoómi áneé: «Búnyɛ yaŋuá lí?» 20Uwɔyidɛn bɔ́ áneé: «Búnyɛ mɔndɔ uguánɔ guá ɔlɔŋ huá báad na báandɛ uwomboneé ɔmbɔ́g uguá ondól húmomi naánamɛ. 21Gá giagiá Muɔ́n wa mɔndɔ ugegué hana Bidányɛdányɛ biá Ŋŋɔ́ŋɛ bíɔ́yɔnɔ́. Gɔgaá, meyú na mɔndɔ ugásílígá yɔ́. Búmandábá beseé áneé udibíbíén búmbúm!»
Gunyá guá nsúgie
(Mat 26.26-29; Lúk 22.15-20)
22Bámaágányánán, Yésuse uwɔgɔ́l gilɛ́d, uwabáyi, uweéŋin Ɔgúná mbíyigie, uwaban bebinene bég, uwɔyɔn bɔ́ áneé: «Gɔ́lɔ́nɔ́n ubuɔ, búnyɛ nuɔ́l nuámɛ.» 23Egélém agányɛ, uwɔgɔ́l gibólé giá magɛ́b, uweéŋin Uhaluá mbíyigie, uweéŋin bebinene bég, abábíhuá bámuanyɛ gidigid. 24Uwɔndúguɔyidɛn bɔ́ áneé: «Ubuɔ, búnyɛ manɔ́ŋ mámɛ, manɔ́ŋ má nigál amágúdánɔ́ bugúl na Uhaluá, omógodúgeé gá busió buá giod giá bandɔ, 25Mmɔ́núɔyídɛ́n, búnyɛ meliŋ, ndigendesíen mbíhuá bumagɛ́b buá lesɛ́ŋ ubuɔ, gueneg buɔ́sɛ ubuɔ́ yanándabíhuánɔ́ giŋɔ́nsa giá magɛ́b uguá Niguili niá Uhaluá.»
Yésuse umédúgié nubísásɛ́ɛg nuá Piéle
(Mat 26.30-35; Lúk 22.33-34; Sáŋ 13.36-38)
26Yésuse na bebinene bég bɔ́mɔɔ́mɔ́dɔ́ŋɛ́ɛd gilɛ́l, abɛ́d agá ɔŋuɛnyɛ huá madɛ́ ɔmɔɔ́ bɔ́dɔ́ŋɔnaá áneé olifié mánya. 27Yésuse uwɔndúguɔyidɛn bɔ́ áneé: «Nugɔ́mbínɔhɛn banuá gidigid, gá giagiá búnyɛ ubúɔ́ŋɔ́n áneé: “Yɔnɔ́ɔn egíg, bidúmbúa bísálámand.” 28Yanámáhám uguá gibɛ́l gɔg, yenébue gánɔ Galilé.» 29Piéle uwɔyidɛn yɔ́ áneé: «Ta búbá áneé bɔsɔ́gá gidigid bɔ́bínɔhɛn, yaŋuá ndiɔnɔ́bínɔhɛn!» 30Yésuse uwondinye yɔ́ áneé: «Mmɔ́guɔyídɛ́n buɔ́, búnyɛ meliŋ áneé na budúg buá hínen, gidédi gígaábá gímanyɛ gídidádɛ́ɛd iŋand íhandɛ, agaábá amámánámbísásɛ́ɛg iŋand ídádɔ.» 31Piéle uwendeyidinye mpál yeg gɔg, wɔya áneé: «Yaŋuá ŋŋuɔyɔnaá, ta búbá buá gueleé digué ɔlɔŋ, ndianábísásɛ́ɛg!» Bámuanyɛ gidigid ɔbɔ́yɛd buand búmomi.
Mbísógóli ya Yésuse Gɛtsemaní
(Mat 26.36-46; Lúk 22.40-45)
32Ebéneg agá hɔɔ́m ɔhɔɔ́ bɔ́dɔ́ŋɔ́naá áneé Gɛtsemaní. Hɔ́ Yésuse úmɔyídɛ́n bebinene bég áneé: «Mbídiénénu agányɛ, yɛɛ́d yonobísógólónyé.» 33Uwɔdɔ́ŋɛ́ɛn Piéle, Sák na Sáŋa. Uwɛɛ́d gá guɔ́bɔn bugádɔ na mesígíl. 34Uwɔyidɛn bɔ́ áneé: «Ɔdɛ́m huámɛ húnyɛ na mesígíl ma nigué, dúgúmínénu aga, nudiɛ́d gá dunɔ́.» 35Uwebíseŋelidie enéné, uwɔbɔmbɛg nudúg uguísi gá bísógólonye. Uhaluá, giásɛ gímabá nnúŋúnɛ́n ginɛŋ giá meyú igiɛ. 36Uwɔyɛd áneé: «Ába, Baba, buand búdiágáŋan aŋuá, ŋŋólínyé gibólé giá meyú igiɛ! Adial gɔg ubuɔ́ yaŋuá yɔ́yɔnɔ́, ál gáhɔ gá guɔyɛd.» 37Yésuse uwosiond agaá bebinene bá bádádɔ bámabá, uwegégie bɔ́ gá dunɔ́. Uwɔyidɛn Piéle áneé: «Símune, anyɛ gá dunɔ́ a? Amasábia bugaga buá gíga mpunyá a? Ta gá maná gisigɛl omoómi a? 38Gúlénénu nubísógólonye áneé nudiguɛ́n uguá buŋaŋa buá yɔɔ́bídɛ́n. Gileénde gínyɛ na bugaga gúu nuɔ́l núnya na bugué.»
39Uwɔndɔbígɔ́gɛ́d, uwandugual bumbísógóli buáguɔ́ búmomi. 40Uwondosiond agaá bebinene bá bádádɔ bámabá, uwendegégie bɔ́ gá dunɔ́, bɔ́mɔsúguɔ́d gugíga mpunyá, buand buá guɔyidɛn Yésuse ubuá gáŋ bɔ́.
41Gá uŋand huá gádádɔ, uwoól, uwɔyidɛn bɔ́ áneé: «Numanyɛ gá bídimana a? Nuond nuhoge a? Búmámánabíal. Gisigɛl gímésieg, ndénu Muɔ́n wa mɔndɔ uyɔ bámásílɛ́ɛg uguá imbɔ́g siá bahánd. 42Adígínánɔ didɔ́mb. Ndénu mɔndɔ ugaásílíga yɔ́ umésieg!»
Gigimbine giá Yésuse
(Mat 26.47-56; Lúk 22.47-53; Sáŋ 18.2-11)
43Uguá ginɛŋ giáguɔ, umaámanyɛ gá gálgal anagányɛ, Yúdas umaábá uguá ɔlɔŋ huá báad na báandɛ, uwonoól ugɔ́ga ɔlɔŋ huá bandɔ na malaŋ ma bidí: Imbóŋ na nnyémél. Bagɔ́n bá bedúmbinusámb nuá Uhaluá, belinsibigodi na bɔgɔ́ga bɔ́ bámádɔ́m bɔ́. 44Úmoógió yɔ́ umabá umámánáhuá bɔ́ nulinsa. Úmuanyɛ gɔ́b áneé: «Mɔndɔ uyɔɔ́ ŋŋɔɔ́gɔ́lɔnɔ́ ŋŋuindi, tábɔ́ áneé úmuanyɛ yɔ́. Nugimbin yɔ́, nuɛ́d neéneg nufáfa yɔ́ beseé!» 45Bémeémésieg, Yúdas uwakilɛn Yésuse, uwɔdɔ́ŋɛ́ɛn yɔ́ áneé: «Ehuínyihuínyi!» Uwɔgɔ́l yɔ́ ŋŋuindi. 46Bandɔ bómodi ebésígimbin yɔ́. 47Ebinene wa Yésuse omodi uwɔsɔ́gɔ́n nnyémél yeg uwafílɛ́ɛd odú huá edúmébi wa ɔgɔ́n wa bedúmbinusámb nuá Uhaluá. 48Yésuse uwɔgɔ́l nugálɔ, úmuanyɛ gɔ́b áneé: «Nnyɛ gihánd giá mɔndɔ nuólésiŋimbén na imbóŋ na nnyémél haná bégimbeneé uŋébi a? 49Yaábá naánanɔ uguá idúl hiá bayúdɛn, nnúhuínyihuinye mɔɔ́sɛ gidigid, banuá ta guŋimbin. Búnyɛ gɔg gá gueleé Bidányɛdányɛ biá Ŋŋɔ́ŋɛ bíbíhónye.» 50Bebinene bá Yésuse abánihɛn yɔ́ agányɛ, ɔbɔ́bínɔh wɔ́s.
51Gidɛnd giá mɔndɔ igíɛ́d gíbinen Yésuse, gímabíág pɛ́ŋ gibéyi giá ndífɔn uguá nuɔ́l, bémelée bégimbin giɛ́, 52igíánihinɛn bɔ́ gibéyi giá ndífɔn uguá imbɔ́g igíɛ́d gídíne nnúh gudɔɔ́.
Bɔdɔgɔdɔ́g bégélenye Yésuse
(Mat 26.57-68; Lúk 22.54-55; 22.63-71; Sáŋ 18.12-18)
53Abɛ́d na Yésuse agá nihiá niá ofuŋ uhugɔ́n huá bedúmbinusámb nuá Uhaluá. Agányɛ hɔ́ bagɔ́n bedúmbinusámb nuá Uhaluá gidigid, bɔgɔ́ga na belinsibigodi bámabígúsá. 54Piéle uwebinen Yésuse mehenyé, uwebíŋín uguá ɔmɛnd huá ofuŋ uhugɔ́n huá bedúmbinusámb nuá Uhaluá, uwedugumin agá nígadá, uwɛɛ́d gá biésébe agá buáyɛ buá yoógi na bedúmébi.
55Ifuŋ siá bedúmbinusámb nuá Uhaluá na idɔg ihigɔ́n gidigid abɛ́d gá guamba amaáná gá gusinye Yésuse gá gueleé bɔ́n yɔ́. Bámasábia yɔ́ gɔg. 56Ta anagányɛ, giod giá bandɔ igímɔbídɔ́ŋɔ́ɔn áneé bamaáná, igíɛ́d gá súŋanɛn yɔ́ moónyi. Bámasáháman gɔg ugelu bámuanyɛ na bámuanyɛ. 57Bandɔ bómodi abádigan gá súŋanɛ́n Yésuse áneé: 58«Dimɔɔ́b yɔ́ wɔya áneé: “Yaŋuá yanágad idúl ihiɛ́ bandɔ bámáhágá, mpág hímodi ihídiábá guhág guá bandɔ uguá mɔɔ́sɛ mádádɔ.”» 59Ta nɔ́, abagányɛ bamaáná bámasáháman ugelu súsɔ́n bámuanyɛ na bámuanyɛ. 60Agányɛ hɔ́ ofuŋ uhugɔ́n huá bedúmbinusámb nuá Uhaluá húmedélímín agá ɔdɛ́m na ɔdɛ́m huá bandɔ gá guóhún Yésuse áneé: «Odióguóndónyinye gá moónyi ɔmɔɔ́ bɔ́yɔnɔ́ gáhɔ gá busió umɔ a?» 61Yésuse uwen gɔg guondinye, uwahádan bém. Ofuŋ uhugɔ́n huá bedúmbinusámb nuá Uhaluá uhúónduguóhún yɔ́ áneé: «Kásɛ anyɛ Bémeyíde a? Muɔ́n wa Uhaluá uyɔɔ́ dígúmenyeé a?» 62Yésuse uwondinye áneé: «Ɛɛ́ɛ! Nnyɛ yɔ́. Nuanáanan Muɔ́n wa mɔndɔ dugumine ɔmbɔ́g uhunɛ́m huá Uhaluá wa buŋaŋa gidigid, nuond nuán yɔ́ guosiond guég uguá igil hiá gumɔn.» 63Gá nugálɔ unugányɛ ofuŋ uhugɔ́n huá bedúmbinusámb nuá Uhaluá húmasíbíláhúná bisɔn biég húɔ́ya áneé: «Diánduguamba bamaáná bá giagɛ! 64Banuá mbánan numɔ́biɔ́bɛ́n haná ufénefenineé Uhaluá. Nuégueleé giagɛ gá buɔ́?» Bandɔ gidigid obóndinye áneé: «Ugányɛ, waánigíman na nigué.» 65Bandɔ bómodi abɛ́d gá gasan yɔ́ bidá, ebéhúg yɔ́ busió, bétúne yɔ́ bɔ́yɔn yɔ́ áneé: «Bɔ́g! Ɔdiɔ́yidɛn mɔndɔ umágɔ́b.» Bedúmébi abágíndígɛn yɔ́ na buman yɔ́ imbɛ́l.
Piéle umabísásɛ́ɛg Yésuse
(Mat 26.69-75; Lúk 22.55-62; Sáŋ 1.15-18; 1.25-27)
66Haná Piéle úmabá agá nígadá, edúmébi omodi wa ugándɔ wa ofuŋ uhugɔ́n huá edúmbinusámb nuá Uhaluá uwonoól. 67Uwaán yɔ́ haná úmabá ubíésébe, uwoóhún yɔ́ áneé: «Mbuen aŋuá súsɔ́n aábá na Yésuse wa Nasalɛ́d?» 68Uwabísásɛ́ɛg gɔg, wɔya áneé: «Ɛ́ɛɛ́! Ndiɔ́guɔ́bɔn, ndiálínsan buand ubuɔ́ ámbanɔ́ guɔyɛd.» Uwadigɛn agányɛ gá guɛ́d agá nibíŋínín niá ɔmɛnd, agányɛ, gidédi igiádádɛ́ɛd. 69Edúmébi wa ugándɔ waáguɔ́ uwandúguán Piéle, uwendebul guɔyɔn bandɔ abámabá hɔ́ áneé: «Mɔndɔ uyɔ unyɛ ebinene weg omodi.» 70Piéle uwandabísáŋɔ́ɔn. Úmuanyɛ áneé: «Bibán ndiényi yɔ́!» Maná gisigɛl umadɔ́mb, bandɔ abámabá hɔ́ ɔbɔ́ndúguɔyidɛn Piéle áneé: «Ɛɛ́ɛ! Búnyɛ nɔ́, anyɛ ebinene weg, aŋuá muɛ́d súsɔ́n anyɛ maná bagalileyɛ́ŋ.» 71Piéle uwiídan uguá busió na bísásígánan ubílianan, wɔya áneé: «Mmába yaásúŋan ánaá Uhaluá únlɔm, nsɔnúɔyidɛn áneé ndiényi mɔndɔ ugányɛ.» 72Uguá ginɛŋ giáguɔ́, gidédi igíándadádɛ́ɛd gá uŋand huá gáandɛ. Piéle uwebídúmdenye nugálɔ unuɔ́ Yésuse úmɔyídɛ́n yɔ́ áneé: «Gidédi gíánágásidádɛ́ɛd gáandɛ, anábá amámánámbísásɛ́ɛg iŋand ídádɔ.» Piéle uwedúmbie guhám uwabahɔn masiana.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល