Málkus 12
12
Nsab ya bilɔg biá belibuóli
(Mat 12.33-46; Lúk 20.9-19)
1Egélém agányɛ, Yésuse uwɛɛ́d gá gálgal nɔɔ́nɔb uguá nsab, wɔyɔn bɔ́ áneé: «Mɔndɔ omodi umal mesíge má budɛ́ ubúhúmenú bibɔg ibiɛ́ bɔ́dɔ́ŋɔnaá áneé lesɛ́ŋ, uwegéŋélidie mɔ́ na ɔmɛnd, uwaduá ɔnɔ́g, uwahág ɔlɛ́ŋ,#12.1 Lesɛ́ŋ búnyɛ gibɔg igiɛ́ bɔ́nɔgɔ́nɔ́ gá bia magɛ́g. egélém uweéŋin belibuóli, uwɛɛ́d gá uŋand. 2Ginɛŋ giá guog gímeémésieg, uwadúmɛ́n bɔ́ edúmébi weg áneé bádúmɛ́n yɔ́ buég budáŋ buá biogoge. 3Belibuóli abádágɔ́n edúmébi, ebénúbe yɔ́, ebégúgie yɔ́ imbɔ́g gudɔɔ́. 4Uwandadúmɛ́n bɔ́ omodi, ugányɛ súsɔ́n ebénúbe yɔ́ uguá ɔduá na ɔduá abásiga yɔ́. 5Uwandadúmɛ́n bɔ́ edúmébi odódi, ugányɛ gɔg ɔbɔ́n, uwandadɔ́m bómodi, abáal nɔɔ́nɔb bilɔŋ bímomi, bɔ́na ɔbɔ, bénúbe bómodi. 6Umesisíen pɛ́ŋ na muɔ́n ɔnúmɔndɔ weg uyɔɔ́ úmɔdɔ́bígɔ́nɛ́n ɔduá. Uwesúgúdinye gɔg gudúmɛ́n bɔ́ yɔ́, gá giagiá umegedényé áneé: “Bágábia bugádɔ neéneg.” 7Belibuóli bámaámáan yɔ́ gɔg, abábígálídɛn áneé: “Uyɔ únyaá egíndigind ógúnónón diɔ́n yɔ́ diɔ́bɛ́n na mesíge.” 8Abádágɔ́n gɔg muɔ́n ɔbɔ́n, ɔbɔ́nɔh gilɔ́ŋ giég na ɔgún unó wa mesíge.
9Muádɛ mesíge wanáal naánanyá? Wonómónoól, wɔnɔ́n bɔ́ wɔ́s, weéŋin bandɔ bódodi mesíge. 10Numanyɛ nudianɔ́n nugálɔ unuɔ uguá Bidányɛdányɛ biá Ŋŋɔ́ŋɛ, ibíɔyɔnɔ́ áneé: “Nidányɛ iniɛ́ behégi bómomb nínímasiáyɛ nidányɛ niá mbímba. 11Ubugányɛ búóguólonin agá Ɔgúná, gásɔ, búnyɛ gisíme.”»
12Ifuŋ siá bayúdɛn isíamba dudádɛ duá gimbin Yésuse, gá giagiá símaán áneé nsab igányɛ imabíyigán bɔ́, gɔgaá bémedíné giíŋ, abánihɛn yɔ́ gɔg abádɔ́mb.
Lampɔ́ uyuɔ́ básuaninaá ofuŋ uhugɔ́n huá Lóm
(Mat 22.15-22; Lúk 20.20-26)
13Abádúmɛ́ɛn Yésuse nsánsáŋúlía siá bafalisiɛ́ŋ na bandɔ bá gimbi giá Helód, gá gusinye yɔ́ na ŋŋóhúnín. #12.13 Bandɔ bá gimbi giá Helód bámabá uguélém guá Lɔ́ma, bámádábán áneé basuanan lampɔ́ wa ofuŋ uhugɔ́n, bafalisiɛ́ŋ bɔmɔsɔ́guɔya Balɔ́ma bamasuágádabán gusuanan, buɔ́sɛ ubugányɛ gɔg abáhám ugélu gá gusinye Yésuse. 14Oból gá guɔyidɛn yɔ́ áneé: «Ehuínyihuínyi, diálinsan áneé ɔɔ́guɔya meliŋ, odigódi bugádɔ naá ubuɔ́ bandɔ bɔ́yɔnɔ́, gúu adiábíyigan idényi siá bandɔ, eéhuínyihuinye hómohómue wa ŋŋil iyɔɔ́bígɔnaá Uhaluá. Diɔ́yídɛ́n gɔg, búánigimanan áneé disuanɛn ofuŋ uhugɔ́n huá Lóm lampɔ́ lí didisuá a? Digódi áneé disuanan lí didisuanán?» 15Yésuse umalinsán gɔg áneé bɔ́mɔsúguɔyɛd nubídágídɛ́n nuɔ́b, uwɔyidɛn bɔ́ áneé: «Gá giagɛ núndɔ́lígɔnaá? Ŋŋólínón na mbámbá ya ŋŋúme imoómi yaán yɛ́.» 16Obólín yɔ́ na yɛ́, gúu úmóhún bɔ́ áneé: «Ginéeŋun igiɛ na ɔhɛ́n uhúnya uhúɔ́ŋɔ́n guɔ́ múnyɛ muányɛ?» Obóndinye yɔ́ áneé: «Múnyɛ muá Ofuŋ uhugɔ́n huá Lóm.» 17Yésuse uwondinye bɔ́ gɔg áneé: «Ánaá núóndinye ofuŋ uhugɔ́n huá Lóm ubúnya buég, gá Uhaluá núóndinye yɔ́ ubúnya buég.» Gúu biondínyi ibígányɛ bímadɔ́mb bɔ́, abáyíka guyíka.
Guhám uguá gibɛ́l guá bilɔ́ŋ
(Mat 22.23-33; Lúk 20.27-38)
18Básadúsiɛ́ŋ obólín Yésuse. Bányɛ bandɔ ɔbɔ́yɔnɔ́ áneé guhám guá bilɔ́ŋ uguá gibɛ́l gudibá guɔ́, Obóhún yɔ́ áneé: 19«Ehuínyihuínyi, Mɔ́sɛsa umɔɔ́ŋ gásɔ gá busió áneé: “Mɔndɔ úmábianan ndiméen weg, ugué ta gubíén muɔ́n, unihɛn gisí giég, ndiméen usíen ugɔ́l gisí giég ubíénin yɔ́ muɔ́n. 20Ánaá díɔ́yɛd áneé mɔndɔ umabianán baán bég batíndádɔ nomue, wa busió uwɔdɔ́ga ugándɔ, uwegué ta gubíén muɔ́n. 21Wa gáandɛ uwɔndɔgɔ́l ugándɔ, úmuanyɛ súsɔ́n uwegué ta gubíén muɔ́n, wa gádádɔ bilɔŋ bímomi. 22Bem batíndádɔ nomue ɔbɔ́dɔ́ga ugándɔ ugányɛ, ta omoómi wa bíén muɔ́n neéneg. Egélém gá banɛ́m bég batíndádɔ nomue gugué, úmuanyɛ súsɔ́n uwegué. 23Buɔ́sɛ bua hám uguá gibɛ́l, bámuanyɛ bánámahám, wanábá ugányɛ wa ányá haná bem bɔ́mɔdɔ́gá yɔ́?”» 24Yésuse uwɔyidɛn bɔ́ áneé: «Nunyɛ uguá giguá gá giagiá, nudiálinsan ta Bidányɛdányɛ biá Ŋŋɔ́ŋɛ, ta buŋaŋa buá Uhaluá, 25ɛɛ́ɛ! Uguá ginɛŋ giá hám uguá gibɛ́l, bɔ́diɔnɔ́ndúguɔ́ndɔnɛn gɔgaá, bánábá hana bilúna ibínya ugumɔn. 26Mmába hana gá ubúnya buá bilɔ́ŋ guháman uguá bibɛ́l, numasúguánuna buónyi buá ndibígá gulula uguá yubu hiá Mɔ́sɛsa a? Haná Uhaluá úmɔyídɛ́n yɔ́ áneé: “Nnyɛ Uhaluá wa Áblahám, wa Isák, wa Yɔ́kɔba.” 27Udibá Uhaluá wa bilɔ́ŋ, unyɛ gɔg wa bɔgɔ́sia. Banuá nunyɛ obóbíómbínón uguá ohug.»
Gigodi giá busió
(Mat 22.34-40; Lúk 10.25-28; 20.39-40)
28Elinsi bigodi umabá agá buáyɛ agányɛ ubídɔ́lígɔ́nɔn haná bémeségényé, uwaán áneé Yésuse umóndinyé beseé nsesi, uwakilɛn yɔ́ gá guóhún yɔ́ áneé: «Gigodi gilúm igínya uguá busió gá bigodi bim?» 29Yésuse uwondinye yɔ́ áneé: «Giá busió gínyɛ áneé: “Bídɔ́lígɛ́n, Íslayɛ́l, Ɔgúná Uhaluá wásɔ unyɛ Ɔgúná pɛ́ŋ úmuanyɛ omoómi, 30ɔnɔ́ya Ɔgúná Uhaluá wahɔ na ɔdɛ́m huáhɔ gidigid na bɔndɔ buáhɔ gidigid na nugedie nuáhɔ gidigid na bugaga buáhɔ gidigid.” 31Ndé giá gáandɛ igiɛ: “Ɔyá sɔ́gá mɔndɔ hana aŋuá mbánan.” Gigodi gímodi gídibá hɔ́ giandá gudɔ́mb ibigányɛ.» 32Elinsibigodi uwondinye yɔ́ áneé: «Beseé nsesi, Ehuínyihuínyi ɔmɔ́yɛd hómohómue. Unyɛ táŋ omoómi omodi udibá gudɔ́mb úmuanyɛ. 33Guɔya yɔ́ na ɔdɛ́m huáhɔ gidigid na nugedie nuáhɔ gidigid na bugaga buáhɔ gidigid na guɔya sɔ́gá mɔndɔ hana aŋuá mbánan, búmuanyɛ búnyɛ andá beseé gudɔ́mb hana gudóŋonye nusámb, gusúmba na begesenye manyam.» 34Yésuse umaámáan áneé umóndinyé beseé, úmuanyɛ gég áneé: «Adibá hádɛ na Niguili niá Uhaluá.» Ta mɔndɔ umasándabia nimadɛ niá guonduguóhún yɔ́ buand.
Na Bémeyíde na Dáfide
(Mat 22.41-46; Lúk 20.41-44)
35Yésuse uwɔgɔ́l nugálɔ uwɛɛ́d gá huínyihuinye uguá idúl wɔya áneé: «Naánanyá belinsibigodi bánya bɔ́guɔya áneé Bémeyíde unyɛ muɔ́n wa Dáfide? 36Henyé gɔg áneé, Gileénde giá Budányɛ igíásusɛn Dáfide, uwɔyɛd áneé: “Ɔgúná Uhaluá uwɔyidɛn Ɔgúná wamɛ áneé dugúmín ɔmbɔ́g huámɛ uhunɛ́m, gueneg hana yaánálanɔ́ áneé ehigin babɛlɛ́bɛl báhɔ.” #12.36 Bómond gá guɔyɛd nugálɔ nuá gilɛ́l giá Dáfide Gil 110.1. 37Dáfide mbánan wɔɔ́dɔ́ŋɔn yɔ́ áneé Ɔgúná, ahá, uguá bilɔŋ bílúm gɔg únyá muɔ́n weg?» Gimbi giá bandɔ igímɔbídɔ́lígɔ́nɔ́n yɔ́, gídɔdɛn.
Yésuse weégélénye belinsibigodi
(Mat 23.1-12; Lúk 20.45-47)
38Uguég guá huínyihuinye, wɔya áneé: «Nubídédínye na belinsibigodi ɔbɔ́yɔnɔ́ guanda na bidɔ́dɔ́lɔg biá bihuya, bébígélígelie bɔ́ uguá biɔ́mb, 39uguá bigúl bámba pɛ́ŋ gudugumen uguá indig siá busió, bédugumen súsɔ́n uguá indig siá busió uguá mɔdɔ́mb. 40Bámuanyɛ ɔbɔ́hɔ́gɔnɔ́ muand muá bisí biá bagándɔ, bébídíyenye áneé bóbísógólonye giod. Bánábia gilɔg giá nusésényi.»
Nusámb nuá gisí giá ugándɔ
(Lúk 21.1-4)
41Yésuse uwedugumin nsíndisindia na nsad ya nusámb, ubíyigan haná bámabá bágan ŋŋúme guɔ́. Giod giá nnuɛ́m gíágan giod giá ŋŋúme. 42Gisí giá ugándɔ igíónoól, igíág baán bá mbámbá bá ŋŋúme báandɛ. 43Uwɔdɔ́ŋɛ́ɛn bebinene bég úmuanyɛ gɔ́b áneé: «Mmɔ́núɔyídɛ́n buɔ́, asúgasuga wa gisí giá ugándɔ uyɔ umág giod giá ŋŋúme uguá nsad gudɔ́mb bandɔ bem, 44gá giagiá bem bámándáguágan umbégié huɔ́b huá bunɛ́m, úmuanyɛ gɔg, umɔ́gɔ́l buég buá gusɔ́g gidigid, ubúnya buá dúgún yɔ́ gá guág.»
ទើបបានជ្រើសរើសហើយ៖
Málkus 12: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Málkus 12
12
Nsab ya bilɔg biá belibuóli
(Mat 12.33-46; Lúk 20.9-19)
1Egélém agányɛ, Yésuse uwɛɛ́d gá gálgal nɔɔ́nɔb uguá nsab, wɔyɔn bɔ́ áneé: «Mɔndɔ omodi umal mesíge má budɛ́ ubúhúmenú bibɔg ibiɛ́ bɔ́dɔ́ŋɔnaá áneé lesɛ́ŋ, uwegéŋélidie mɔ́ na ɔmɛnd, uwaduá ɔnɔ́g, uwahág ɔlɛ́ŋ,#12.1 Lesɛ́ŋ búnyɛ gibɔg igiɛ́ bɔ́nɔgɔ́nɔ́ gá bia magɛ́g. egélém uweéŋin belibuóli, uwɛɛ́d gá uŋand. 2Ginɛŋ giá guog gímeémésieg, uwadúmɛ́n bɔ́ edúmébi weg áneé bádúmɛ́n yɔ́ buég budáŋ buá biogoge. 3Belibuóli abádágɔ́n edúmébi, ebénúbe yɔ́, ebégúgie yɔ́ imbɔ́g gudɔɔ́. 4Uwandadúmɛ́n bɔ́ omodi, ugányɛ súsɔ́n ebénúbe yɔ́ uguá ɔduá na ɔduá abásiga yɔ́. 5Uwandadúmɛ́n bɔ́ edúmébi odódi, ugányɛ gɔg ɔbɔ́n, uwandadɔ́m bómodi, abáal nɔɔ́nɔb bilɔŋ bímomi, bɔ́na ɔbɔ, bénúbe bómodi. 6Umesisíen pɛ́ŋ na muɔ́n ɔnúmɔndɔ weg uyɔɔ́ úmɔdɔ́bígɔ́nɛ́n ɔduá. Uwesúgúdinye gɔg gudúmɛ́n bɔ́ yɔ́, gá giagiá umegedényé áneé: “Bágábia bugádɔ neéneg.” 7Belibuóli bámaámáan yɔ́ gɔg, abábígálídɛn áneé: “Uyɔ únyaá egíndigind ógúnónón diɔ́n yɔ́ diɔ́bɛ́n na mesíge.” 8Abádágɔ́n gɔg muɔ́n ɔbɔ́n, ɔbɔ́nɔh gilɔ́ŋ giég na ɔgún unó wa mesíge.
9Muádɛ mesíge wanáal naánanyá? Wonómónoól, wɔnɔ́n bɔ́ wɔ́s, weéŋin bandɔ bódodi mesíge. 10Numanyɛ nudianɔ́n nugálɔ unuɔ uguá Bidányɛdányɛ biá Ŋŋɔ́ŋɛ, ibíɔyɔnɔ́ áneé: “Nidányɛ iniɛ́ behégi bómomb nínímasiáyɛ nidányɛ niá mbímba. 11Ubugányɛ búóguólonin agá Ɔgúná, gásɔ, búnyɛ gisíme.”»
12Ifuŋ siá bayúdɛn isíamba dudádɛ duá gimbin Yésuse, gá giagiá símaán áneé nsab igányɛ imabíyigán bɔ́, gɔgaá bémedíné giíŋ, abánihɛn yɔ́ gɔg abádɔ́mb.
Lampɔ́ uyuɔ́ básuaninaá ofuŋ uhugɔ́n huá Lóm
(Mat 22.15-22; Lúk 20.20-26)
13Abádúmɛ́ɛn Yésuse nsánsáŋúlía siá bafalisiɛ́ŋ na bandɔ bá gimbi giá Helód, gá gusinye yɔ́ na ŋŋóhúnín. #12.13 Bandɔ bá gimbi giá Helód bámabá uguélém guá Lɔ́ma, bámádábán áneé basuanan lampɔ́ wa ofuŋ uhugɔ́n, bafalisiɛ́ŋ bɔmɔsɔ́guɔya Balɔ́ma bamasuágádabán gusuanan, buɔ́sɛ ubugányɛ gɔg abáhám ugélu gá gusinye Yésuse. 14Oból gá guɔyidɛn yɔ́ áneé: «Ehuínyihuínyi, diálinsan áneé ɔɔ́guɔya meliŋ, odigódi bugádɔ naá ubuɔ́ bandɔ bɔ́yɔnɔ́, gúu adiábíyigan idényi siá bandɔ, eéhuínyihuinye hómohómue wa ŋŋil iyɔɔ́bígɔnaá Uhaluá. Diɔ́yídɛ́n gɔg, búánigimanan áneé disuanɛn ofuŋ uhugɔ́n huá Lóm lampɔ́ lí didisuá a? Digódi áneé disuanan lí didisuanán?» 15Yésuse umalinsán gɔg áneé bɔ́mɔsúguɔyɛd nubídágídɛ́n nuɔ́b, uwɔyidɛn bɔ́ áneé: «Gá giagɛ núndɔ́lígɔnaá? Ŋŋólínón na mbámbá ya ŋŋúme imoómi yaán yɛ́.» 16Obólín yɔ́ na yɛ́, gúu úmóhún bɔ́ áneé: «Ginéeŋun igiɛ na ɔhɛ́n uhúnya uhúɔ́ŋɔ́n guɔ́ múnyɛ muányɛ?» Obóndinye yɔ́ áneé: «Múnyɛ muá Ofuŋ uhugɔ́n huá Lóm.» 17Yésuse uwondinye bɔ́ gɔg áneé: «Ánaá núóndinye ofuŋ uhugɔ́n huá Lóm ubúnya buég, gá Uhaluá núóndinye yɔ́ ubúnya buég.» Gúu biondínyi ibígányɛ bímadɔ́mb bɔ́, abáyíka guyíka.
Guhám uguá gibɛ́l guá bilɔ́ŋ
(Mat 22.23-33; Lúk 20.27-38)
18Básadúsiɛ́ŋ obólín Yésuse. Bányɛ bandɔ ɔbɔ́yɔnɔ́ áneé guhám guá bilɔ́ŋ uguá gibɛ́l gudibá guɔ́, Obóhún yɔ́ áneé: 19«Ehuínyihuínyi, Mɔ́sɛsa umɔɔ́ŋ gásɔ gá busió áneé: “Mɔndɔ úmábianan ndiméen weg, ugué ta gubíén muɔ́n, unihɛn gisí giég, ndiméen usíen ugɔ́l gisí giég ubíénin yɔ́ muɔ́n. 20Ánaá díɔ́yɛd áneé mɔndɔ umabianán baán bég batíndádɔ nomue, wa busió uwɔdɔ́ga ugándɔ, uwegué ta gubíén muɔ́n. 21Wa gáandɛ uwɔndɔgɔ́l ugándɔ, úmuanyɛ súsɔ́n uwegué ta gubíén muɔ́n, wa gádádɔ bilɔŋ bímomi. 22Bem batíndádɔ nomue ɔbɔ́dɔ́ga ugándɔ ugányɛ, ta omoómi wa bíén muɔ́n neéneg. Egélém gá banɛ́m bég batíndádɔ nomue gugué, úmuanyɛ súsɔ́n uwegué. 23Buɔ́sɛ bua hám uguá gibɛ́l, bámuanyɛ bánámahám, wanábá ugányɛ wa ányá haná bem bɔ́mɔdɔ́gá yɔ́?”» 24Yésuse uwɔyidɛn bɔ́ áneé: «Nunyɛ uguá giguá gá giagiá, nudiálinsan ta Bidányɛdányɛ biá Ŋŋɔ́ŋɛ, ta buŋaŋa buá Uhaluá, 25ɛɛ́ɛ! Uguá ginɛŋ giá hám uguá gibɛ́l, bɔ́diɔnɔ́ndúguɔ́ndɔnɛn gɔgaá, bánábá hana bilúna ibínya ugumɔn. 26Mmába hana gá ubúnya buá bilɔ́ŋ guháman uguá bibɛ́l, numasúguánuna buónyi buá ndibígá gulula uguá yubu hiá Mɔ́sɛsa a? Haná Uhaluá úmɔyídɛ́n yɔ́ áneé: “Nnyɛ Uhaluá wa Áblahám, wa Isák, wa Yɔ́kɔba.” 27Udibá Uhaluá wa bilɔ́ŋ, unyɛ gɔg wa bɔgɔ́sia. Banuá nunyɛ obóbíómbínón uguá ohug.»
Gigodi giá busió
(Mat 22.34-40; Lúk 10.25-28; 20.39-40)
28Elinsi bigodi umabá agá buáyɛ agányɛ ubídɔ́lígɔ́nɔn haná bémeségényé, uwaán áneé Yésuse umóndinyé beseé nsesi, uwakilɛn yɔ́ gá guóhún yɔ́ áneé: «Gigodi gilúm igínya uguá busió gá bigodi bim?» 29Yésuse uwondinye yɔ́ áneé: «Giá busió gínyɛ áneé: “Bídɔ́lígɛ́n, Íslayɛ́l, Ɔgúná Uhaluá wásɔ unyɛ Ɔgúná pɛ́ŋ úmuanyɛ omoómi, 30ɔnɔ́ya Ɔgúná Uhaluá wahɔ na ɔdɛ́m huáhɔ gidigid na bɔndɔ buáhɔ gidigid na nugedie nuáhɔ gidigid na bugaga buáhɔ gidigid.” 31Ndé giá gáandɛ igiɛ: “Ɔyá sɔ́gá mɔndɔ hana aŋuá mbánan.” Gigodi gímodi gídibá hɔ́ giandá gudɔ́mb ibigányɛ.» 32Elinsibigodi uwondinye yɔ́ áneé: «Beseé nsesi, Ehuínyihuínyi ɔmɔ́yɛd hómohómue. Unyɛ táŋ omoómi omodi udibá gudɔ́mb úmuanyɛ. 33Guɔya yɔ́ na ɔdɛ́m huáhɔ gidigid na nugedie nuáhɔ gidigid na bugaga buáhɔ gidigid na guɔya sɔ́gá mɔndɔ hana aŋuá mbánan, búmuanyɛ búnyɛ andá beseé gudɔ́mb hana gudóŋonye nusámb, gusúmba na begesenye manyam.» 34Yésuse umaámáan áneé umóndinyé beseé, úmuanyɛ gég áneé: «Adibá hádɛ na Niguili niá Uhaluá.» Ta mɔndɔ umasándabia nimadɛ niá guonduguóhún yɔ́ buand.
Na Bémeyíde na Dáfide
(Mat 22.41-46; Lúk 20.41-44)
35Yésuse uwɔgɔ́l nugálɔ uwɛɛ́d gá huínyihuinye uguá idúl wɔya áneé: «Naánanyá belinsibigodi bánya bɔ́guɔya áneé Bémeyíde unyɛ muɔ́n wa Dáfide? 36Henyé gɔg áneé, Gileénde giá Budányɛ igíásusɛn Dáfide, uwɔyɛd áneé: “Ɔgúná Uhaluá uwɔyidɛn Ɔgúná wamɛ áneé dugúmín ɔmbɔ́g huámɛ uhunɛ́m, gueneg hana yaánálanɔ́ áneé ehigin babɛlɛ́bɛl báhɔ.” #12.36 Bómond gá guɔyɛd nugálɔ nuá gilɛ́l giá Dáfide Gil 110.1. 37Dáfide mbánan wɔɔ́dɔ́ŋɔn yɔ́ áneé Ɔgúná, ahá, uguá bilɔŋ bílúm gɔg únyá muɔ́n weg?» Gimbi giá bandɔ igímɔbídɔ́lígɔ́nɔ́n yɔ́, gídɔdɛn.
Yésuse weégélénye belinsibigodi
(Mat 23.1-12; Lúk 20.45-47)
38Uguég guá huínyihuinye, wɔya áneé: «Nubídédínye na belinsibigodi ɔbɔ́yɔnɔ́ guanda na bidɔ́dɔ́lɔg biá bihuya, bébígélígelie bɔ́ uguá biɔ́mb, 39uguá bigúl bámba pɛ́ŋ gudugumen uguá indig siá busió, bédugumen súsɔ́n uguá indig siá busió uguá mɔdɔ́mb. 40Bámuanyɛ ɔbɔ́hɔ́gɔnɔ́ muand muá bisí biá bagándɔ, bébídíyenye áneé bóbísógólonye giod. Bánábia gilɔg giá nusésényi.»
Nusámb nuá gisí giá ugándɔ
(Lúk 21.1-4)
41Yésuse uwedugumin nsíndisindia na nsad ya nusámb, ubíyigan haná bámabá bágan ŋŋúme guɔ́. Giod giá nnuɛ́m gíágan giod giá ŋŋúme. 42Gisí giá ugándɔ igíónoól, igíág baán bá mbámbá bá ŋŋúme báandɛ. 43Uwɔdɔ́ŋɛ́ɛn bebinene bég úmuanyɛ gɔ́b áneé: «Mmɔ́núɔyídɛ́n buɔ́, asúgasuga wa gisí giá ugándɔ uyɔ umág giod giá ŋŋúme uguá nsad gudɔ́mb bandɔ bem, 44gá giagiá bem bámándáguágan umbégié huɔ́b huá bunɛ́m, úmuanyɛ gɔg, umɔ́gɔ́l buég buá gusɔ́g gidigid, ubúnya buá dúgún yɔ́ gá guág.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល