Málkus 1
1
Gidógínye giá Sáŋa eyumínyibandɔ
(Mat 3.1-12; Lúk 3.3-17; Sáŋ 1.19-28)
1Ana Ginɔ́g giá Nsɔ́m igíbíyiganaá Yésuse Klístus, Muɔ́n wa Uhaluá#1.1 Mubu múmodi múdigódi Muɔ́n wa mɔndɔ. gímagɔns. 2Búmagɔns hana ebunebúné Esayí úmɔɔ́ŋá uguég guá yubu áneé: «Ŋŋebue ndɔ́m edúmébi wamɛ gá guaŋanan ŋŋil yahɔ.» 3Búnyɛ ugelu huá mɔndɔ uhúkékenyeé agá uhambɛ húɔya áneé: «Ánaá núáŋanan ŋŋil ya Ɔgúná gá gueleé ibá iganúnán.» 4Gúu Sáŋa, eyumínyibandɔ úmabá agá uhambɛ, udógonye áneé: «Ánaá núbídun, nunúgie bilɔŋ biánɔ biá gilɔg gá gueleé Uhaluá unúyibinɛn bilɔga biánɔ.» 5Bandɔ gidigid bá gibéyi giá guísi gidigid giá Yudé naá bá tísɔna wa Yelusalɛ́m gidigid, abídan agaá Sáŋa úmabá, bábíbala bilɔga biɔ́b, uyumenye bɔ́ uguá mimbi má usaá uhuɔ́ bɔ́dɔ́ŋɔnaá áneé Yuldɛ́ŋ. 6Gisɔn igiɛ́ bánuganɔ́ na biɔyá biá giandá giá bunyam ubuɔ́ bɔ́dɔ́ŋɔnaá áneé samó, gígímabá nibílaŋa niég. Ihógé sísímabá gunyá guég wond ubíhuán buɔ́kɛ buá mpɔ́m. 7Umabá udógonyinye wɔya áneé: «Uwoóloneé uguámɛ guélém, unyɛ ŋŋaŋa gundɔ́mb. Ndiánigimanan na gunsimin gá sulun nuoli nuég nuá gibɔ́gɔ́d. 8Yaŋuá, yeénúyumenye uguá mimbi, úmuanyɛ ugenúyumenye na Gileénde giá Budányɛ.»
Giyuminye giá Yésuse
(Mat 3.13-17; Lúk 3.21-22)
9Uguá mɔɔ́sɛ máguɔ́ gɔg ɔmɔɔ́ Sáŋa úmabá uyumenye bandɔ, Yésuse uwonoólín agá tísɔna wa Nasalɛ́d uwɔɔ́bɔninaá na gibéyi giá guísi giá Galilé áneé Sáŋa uyuminye yɔ́ súsɔ́n uguá Yuldɛ́ŋ. 10Umaágáhámán uguá mimbi hɔ́nɔhɔ́, uwaán gumɔn gúmébíbún, Gileénde giá Budányɛ igíásusɛn yɔ́ hana mbɛŋ ya nsɔŋ mbúlúa. 11Ugumɔn uguɔ́g, ugelu uhúónoólín guɔ́, húɔya áneé: «Anyɛ ndága yamɛ ya Muɔ́n, agáhɔ ndɔ́bígɔninaá ɔduá.»
Yésuse unyɛ uguá isɔgida
(Mat 4.1-11; Lúk 4.1-13)
12Hɔ́nɔhɔ́, Gileénde giá Budányɛ igíédídígen yɔ́ agá uhambɛ. 13Uguá mɔɔ́sɛ edín áhandɛ, Sátan usúsúne yɔ́ hɔ́. Umagígá na manyam má mpɔ́m, bilúna bídúmába yɔ́.
Yésuse umágɔns guɔya Ginɔ́g giá Nsɔ́m Galilé
(Mat 4.12-17; Lúk 4.14-15)
14Egélém gá gió Sáŋa, ebégimbin yɔ́, Yésuse uwɛɛ́d uguá gibéyi giá guísi giá Galilé, wɔya Ginɔ́g giá Nsɔ́m giá Uhaluá áneé: 15«Ginɛŋ gíésiég. Niguili niá Uhaluá níganyɛ mɔdɔg. Ánaá núbídun nunúgie bilɔŋ. Nuádáab Ginɔ́g giá Nsɔ́m.»
Ɔdɔ́ŋína huá bebinene béníhi
(Mat 4.18-22; Lúk 5.1-11)
16Haná úmandá uguá ŋŋɛnd ya máŋ má Galilé, uwaán Símune na gisɔ́nd giég Andlé, bɔ́nɔhɔn buoli uguá máŋ gá giagiá bámabá bológi. 17Yésuse uwɔyidɛn bɔ́ áneé: «Mbínídínénu, ŋŋenuéye bológibandɔ.» 18Hɔ́nɔhɔ́, ebébembelidie buoli buɔ́b, ebébinidin yɔ́. 19Umaámándakɛl, uwaán Sák na gisɔ́nd giég Sáŋa, baán bá Sebedé, bógódonye buoli buɔ́b, dugumine uguadá guɔ́b guá ŋŋumba. 20Uwedúmbie gudɔ́ŋɛ́ɛn bɔ́, abánihɛn síe wɔb Sebedé na belibuóli bég uguá ŋŋumba, ebébinidin yɔ́.
Mɔndɔ uyɔɔ́ gilɔg giá gileénde gímesésényé
(Lúk 4.31-37)
21Yésuse na bebinene bég ebébíŋín agá tísɔna wa Kafalnawúm. Buɔ́sɛ buá giíndía giá bayúdɛn, uwebíŋín uguá gigúl uwagɔns guhuínyihuinye. 22Nuhuínyihuínyi nuég unuéséhénye bandɔ ɔbɔ́mɔbídɔ́lígɔ́nɔ́n yɔ́. Báyíka bɔ́ya áneé: Úmuanyɛ weéhuínyihuinye na ihiligine, udiéhuínyihuinye hana belinsibigodi. 23Henyé, uguá gigúl uguɔ́g, mɔndɔ umabá guɔ́ na gilɔg giá gileénde, uwebul guánsan wɔya áneé: 24«Giagɛ igiɛ́ adiámbanɔ́ na giɛ́, Yésuse wa Nasalɛ́d, omoól gá díhúhie a? Yaálinsan bumɔndɔ ubuɔ́ ányá, anyɛ gisámb giá Uhaluá.» 25Yésuse uwaánsídɛn giɛ́ «Hádán! Hám uguá nuɔ́l nuá mɔndɔ ugányɛ.» 26Gilɔg giá gileénde igíésenidinye yɔ́ na bugaga, gímaágáhámán, igíɔ́nsɔ́lɛ́d. 27Bandɔ gidigid abámabá hɔ́ ebéséhén, bóbíóhon áneé: «Giagɛ igínya nsesi ana? Ndé nuhuínyihuínyi unugɔ́sɛ unuɔ. Weéhuínyihuinye na ihiligine. Waáguánsan ta bilɔg biá bileénde bíɔ́bɔnɛn yɔ́.» 28Nigúmi niég iníédúmbie gusegidinye uguá gibéyi giá guísi giá Galilé gidigid.
Gióndúgie giá isɔm hiá muɔ́n hiá Símune
(Mat 8.14-15; Lúk 4.38-39)
29Bámaámánahám uguá gigúl, ebédúmbie guɛ́d na Sák na Sáŋa agá nihiá niá Símune na Andlé. 30Henyé, uguá giansɛ uguɔ́g, isɔm hiá muɔ́n hiá Símune hímabá bidimina gá giagiá hímanúmá gisínyi, ebédúmbie guɔyidɛn Yésuse. 31Uwakilɛn yɔ́, uwegimbin yɔ́ uguá ɔmbɔ́g, uwediginye yɔ́, uwedúmbie guɔ́ndɔ́ɔg, uwɛɛ́d gá dúmába bɔ́.
Gióndúgie egélém gá giíndía giá bayúdɛn
(Mat 4.24; 8.16-17; Lúk 4.40-41)
32Ginɛ́ŋ gímaámágua obólónin Yésuse na banúmanuma gidigid naá abámabiánán bilɔg biá bileénde. 33Bandɔ bá tísɔna gidigid obósihónín yɔ́ agá niíd niá giansɛ. 34Uwoóndúgonye giod giá bandɔ igímɔ́bígɔ́n na bunyɛ mɔgɔn, uhémenye bilɔg biá bileénde. Umasúguádáaban áneé bígálgal gá giagiá bímalinsán yɔ́.
Yésuse umólígié Kafalnawúm
(Mat 4.23; Lúk 4.42-44)
35Yésuse uwadigɛn na nulia mbíne gá guɛ́d agá uhambɛ gá bísógólonye. 36Símune na bɔ́gɔ́b abɛ́d gá guamba yɔ́. 37Bámaámánaán yɔ́, bámuanyɛ gég áneé: «Bandɔ gidigid báguamba.» 38Uwondinye bɔ́ áneé: «Ánaá diɛ́d hɔɔ́m hódodi, uguá bidɔŋ ibínya mɔdɔg. Gá gueleé yɛɛ́d yenesesényé súsɔ́n Ginɔ́g giá Nsɔ́m. Buand buáguɔ́ mmoól gá buɔ́.» 39Uwegéndémidie gibéyi giá guísi giá Galilé na ɔduá na adág, wɛɛ́d usesenye Ginɔ́g giá Nsɔ́m uguɔ́b guá bigúl, uhémenye bilɔg biá bileénde.
Gisuguna giá eŋúnuŋún
(Mat 8.2-4; Lúk 5.12-16)
40Eŋúnuŋún uwakilɛn Yésuse, uwegunsiginin yɔ́ dunúnú, uganyɛ gá gánɛ́nɛganɛn yɔ́, wɔya áneé: «Ɔ́mɔ́ya anyɛ wa nsugɔn.» 41Yésuse uwaán yɔ́ bulɔ́b, uwaganɔn ɔmbɔ́g uwɔbígɔ́dɛn yɔ́, úmuanyɛ gég áneé: «Yɔɔ́guɔya, mmásugɔ́n.» 42Hɔ́nɔhɔ́, ŋŋún yeg iyedúmbie guman uwasugɔg. 43Uwedúmbie guédébie yɔ́ uwegíndídin yɔ́ áneé: 44«Ebídédínye gá guɔyidɛn mɔndɔ, idá pɛ́ŋ enebídíye Yelusalɛ́m agá bedúmbinusámb nuá Uhaluá, al nusámb unuɔ́ Mɔ́sɛsa úmɔyɛ́d gá gisuguna giá ŋŋún gá gueleé bálɛns áneé aásúgɔ́g.» 45Mɔndɔ uwɛɛ́d wɔya gilé haná búmabá, uwɛɛ́d usesényé hɔɔ́m gidigid. Ubúósiól meyú haná bandɔ bámabá bólonin Yésuse, umeséndebídíyenye agá tísɔna. Uwasɛɛ́d gá gíga agá ihambɛ ta anagányɛ bandɔ bólonin yɔ́ hɔɔ́m gidigid.
ទើបបានជ្រើសរើសហើយ៖
Málkus 1: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Málkus 1
1
Gidógínye giá Sáŋa eyumínyibandɔ
(Mat 3.1-12; Lúk 3.3-17; Sáŋ 1.19-28)
1Ana Ginɔ́g giá Nsɔ́m igíbíyiganaá Yésuse Klístus, Muɔ́n wa Uhaluá#1.1 Mubu múmodi múdigódi Muɔ́n wa mɔndɔ. gímagɔns. 2Búmagɔns hana ebunebúné Esayí úmɔɔ́ŋá uguég guá yubu áneé: «Ŋŋebue ndɔ́m edúmébi wamɛ gá guaŋanan ŋŋil yahɔ.» 3Búnyɛ ugelu huá mɔndɔ uhúkékenyeé agá uhambɛ húɔya áneé: «Ánaá núáŋanan ŋŋil ya Ɔgúná gá gueleé ibá iganúnán.» 4Gúu Sáŋa, eyumínyibandɔ úmabá agá uhambɛ, udógonye áneé: «Ánaá núbídun, nunúgie bilɔŋ biánɔ biá gilɔg gá gueleé Uhaluá unúyibinɛn bilɔga biánɔ.» 5Bandɔ gidigid bá gibéyi giá guísi gidigid giá Yudé naá bá tísɔna wa Yelusalɛ́m gidigid, abídan agaá Sáŋa úmabá, bábíbala bilɔga biɔ́b, uyumenye bɔ́ uguá mimbi má usaá uhuɔ́ bɔ́dɔ́ŋɔnaá áneé Yuldɛ́ŋ. 6Gisɔn igiɛ́ bánuganɔ́ na biɔyá biá giandá giá bunyam ubuɔ́ bɔ́dɔ́ŋɔnaá áneé samó, gígímabá nibílaŋa niég. Ihógé sísímabá gunyá guég wond ubíhuán buɔ́kɛ buá mpɔ́m. 7Umabá udógonyinye wɔya áneé: «Uwoóloneé uguámɛ guélém, unyɛ ŋŋaŋa gundɔ́mb. Ndiánigimanan na gunsimin gá sulun nuoli nuég nuá gibɔ́gɔ́d. 8Yaŋuá, yeénúyumenye uguá mimbi, úmuanyɛ ugenúyumenye na Gileénde giá Budányɛ.»
Giyuminye giá Yésuse
(Mat 3.13-17; Lúk 3.21-22)
9Uguá mɔɔ́sɛ máguɔ́ gɔg ɔmɔɔ́ Sáŋa úmabá uyumenye bandɔ, Yésuse uwonoólín agá tísɔna wa Nasalɛ́d uwɔɔ́bɔninaá na gibéyi giá guísi giá Galilé áneé Sáŋa uyuminye yɔ́ súsɔ́n uguá Yuldɛ́ŋ. 10Umaágáhámán uguá mimbi hɔ́nɔhɔ́, uwaán gumɔn gúmébíbún, Gileénde giá Budányɛ igíásusɛn yɔ́ hana mbɛŋ ya nsɔŋ mbúlúa. 11Ugumɔn uguɔ́g, ugelu uhúónoólín guɔ́, húɔya áneé: «Anyɛ ndága yamɛ ya Muɔ́n, agáhɔ ndɔ́bígɔninaá ɔduá.»
Yésuse unyɛ uguá isɔgida
(Mat 4.1-11; Lúk 4.1-13)
12Hɔ́nɔhɔ́, Gileénde giá Budányɛ igíédídígen yɔ́ agá uhambɛ. 13Uguá mɔɔ́sɛ edín áhandɛ, Sátan usúsúne yɔ́ hɔ́. Umagígá na manyam má mpɔ́m, bilúna bídúmába yɔ́.
Yésuse umágɔns guɔya Ginɔ́g giá Nsɔ́m Galilé
(Mat 4.12-17; Lúk 4.14-15)
14Egélém gá gió Sáŋa, ebégimbin yɔ́, Yésuse uwɛɛ́d uguá gibéyi giá guísi giá Galilé, wɔya Ginɔ́g giá Nsɔ́m giá Uhaluá áneé: 15«Ginɛŋ gíésiég. Niguili niá Uhaluá níganyɛ mɔdɔg. Ánaá núbídun nunúgie bilɔŋ. Nuádáab Ginɔ́g giá Nsɔ́m.»
Ɔdɔ́ŋína huá bebinene béníhi
(Mat 4.18-22; Lúk 5.1-11)
16Haná úmandá uguá ŋŋɛnd ya máŋ má Galilé, uwaán Símune na gisɔ́nd giég Andlé, bɔ́nɔhɔn buoli uguá máŋ gá giagiá bámabá bológi. 17Yésuse uwɔyidɛn bɔ́ áneé: «Mbínídínénu, ŋŋenuéye bológibandɔ.» 18Hɔ́nɔhɔ́, ebébembelidie buoli buɔ́b, ebébinidin yɔ́. 19Umaámándakɛl, uwaán Sák na gisɔ́nd giég Sáŋa, baán bá Sebedé, bógódonye buoli buɔ́b, dugumine uguadá guɔ́b guá ŋŋumba. 20Uwedúmbie gudɔ́ŋɛ́ɛn bɔ́, abánihɛn síe wɔb Sebedé na belibuóli bég uguá ŋŋumba, ebébinidin yɔ́.
Mɔndɔ uyɔɔ́ gilɔg giá gileénde gímesésényé
(Lúk 4.31-37)
21Yésuse na bebinene bég ebébíŋín agá tísɔna wa Kafalnawúm. Buɔ́sɛ buá giíndía giá bayúdɛn, uwebíŋín uguá gigúl uwagɔns guhuínyihuinye. 22Nuhuínyihuínyi nuég unuéséhénye bandɔ ɔbɔ́mɔbídɔ́lígɔ́nɔ́n yɔ́. Báyíka bɔ́ya áneé: Úmuanyɛ weéhuínyihuinye na ihiligine, udiéhuínyihuinye hana belinsibigodi. 23Henyé, uguá gigúl uguɔ́g, mɔndɔ umabá guɔ́ na gilɔg giá gileénde, uwebul guánsan wɔya áneé: 24«Giagɛ igiɛ́ adiámbanɔ́ na giɛ́, Yésuse wa Nasalɛ́d, omoól gá díhúhie a? Yaálinsan bumɔndɔ ubuɔ́ ányá, anyɛ gisámb giá Uhaluá.» 25Yésuse uwaánsídɛn giɛ́ «Hádán! Hám uguá nuɔ́l nuá mɔndɔ ugányɛ.» 26Gilɔg giá gileénde igíésenidinye yɔ́ na bugaga, gímaágáhámán, igíɔ́nsɔ́lɛ́d. 27Bandɔ gidigid abámabá hɔ́ ebéséhén, bóbíóhon áneé: «Giagɛ igínya nsesi ana? Ndé nuhuínyihuínyi unugɔ́sɛ unuɔ. Weéhuínyihuinye na ihiligine. Waáguánsan ta bilɔg biá bileénde bíɔ́bɔnɛn yɔ́.» 28Nigúmi niég iníédúmbie gusegidinye uguá gibéyi giá guísi giá Galilé gidigid.
Gióndúgie giá isɔm hiá muɔ́n hiá Símune
(Mat 8.14-15; Lúk 4.38-39)
29Bámaámánahám uguá gigúl, ebédúmbie guɛ́d na Sák na Sáŋa agá nihiá niá Símune na Andlé. 30Henyé, uguá giansɛ uguɔ́g, isɔm hiá muɔ́n hiá Símune hímabá bidimina gá giagiá hímanúmá gisínyi, ebédúmbie guɔyidɛn Yésuse. 31Uwakilɛn yɔ́, uwegimbin yɔ́ uguá ɔmbɔ́g, uwediginye yɔ́, uwedúmbie guɔ́ndɔ́ɔg, uwɛɛ́d gá dúmába bɔ́.
Gióndúgie egélém gá giíndía giá bayúdɛn
(Mat 4.24; 8.16-17; Lúk 4.40-41)
32Ginɛ́ŋ gímaámágua obólónin Yésuse na banúmanuma gidigid naá abámabiánán bilɔg biá bileénde. 33Bandɔ bá tísɔna gidigid obósihónín yɔ́ agá niíd niá giansɛ. 34Uwoóndúgonye giod giá bandɔ igímɔ́bígɔ́n na bunyɛ mɔgɔn, uhémenye bilɔg biá bileénde. Umasúguádáaban áneé bígálgal gá giagiá bímalinsán yɔ́.
Yésuse umólígié Kafalnawúm
(Mat 4.23; Lúk 4.42-44)
35Yésuse uwadigɛn na nulia mbíne gá guɛ́d agá uhambɛ gá bísógólonye. 36Símune na bɔ́gɔ́b abɛ́d gá guamba yɔ́. 37Bámaámánaán yɔ́, bámuanyɛ gég áneé: «Bandɔ gidigid báguamba.» 38Uwondinye bɔ́ áneé: «Ánaá diɛ́d hɔɔ́m hódodi, uguá bidɔŋ ibínya mɔdɔg. Gá gueleé yɛɛ́d yenesesényé súsɔ́n Ginɔ́g giá Nsɔ́m. Buand buáguɔ́ mmoól gá buɔ́.» 39Uwegéndémidie gibéyi giá guísi giá Galilé na ɔduá na adág, wɛɛ́d usesenye Ginɔ́g giá Nsɔ́m uguɔ́b guá bigúl, uhémenye bilɔg biá bileénde.
Gisuguna giá eŋúnuŋún
(Mat 8.2-4; Lúk 5.12-16)
40Eŋúnuŋún uwakilɛn Yésuse, uwegunsiginin yɔ́ dunúnú, uganyɛ gá gánɛ́nɛganɛn yɔ́, wɔya áneé: «Ɔ́mɔ́ya anyɛ wa nsugɔn.» 41Yésuse uwaán yɔ́ bulɔ́b, uwaganɔn ɔmbɔ́g uwɔbígɔ́dɛn yɔ́, úmuanyɛ gég áneé: «Yɔɔ́guɔya, mmásugɔ́n.» 42Hɔ́nɔhɔ́, ŋŋún yeg iyedúmbie guman uwasugɔg. 43Uwedúmbie guédébie yɔ́ uwegíndídin yɔ́ áneé: 44«Ebídédínye gá guɔyidɛn mɔndɔ, idá pɛ́ŋ enebídíye Yelusalɛ́m agá bedúmbinusámb nuá Uhaluá, al nusámb unuɔ́ Mɔ́sɛsa úmɔyɛ́d gá gisuguna giá ŋŋún gá gueleé bálɛns áneé aásúgɔ́g.» 45Mɔndɔ uwɛɛ́d wɔya gilé haná búmabá, uwɛɛ́d usesényé hɔɔ́m gidigid. Ubúósiól meyú haná bandɔ bámabá bólonin Yésuse, umeséndebídíyenye agá tísɔna. Uwasɛɛ́d gá gíga agá ihambɛ ta anagányɛ bandɔ bólonin yɔ́ hɔɔ́m gidigid.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល