Matiós 19
19
Guhémie guá ugándɔ
(Mál 10.1-12; Lúk 16.18)
1Uguá ginɛŋ igiɛ́ Yésuse úmáman guhuínyihuínye bandɔ, uwoólígie agányɛ gá guɛ́d Galilé, uwɛɛ́d uguá gibéyi giá guísi giá Yúde na agɔ́n unó wa Yuldɛ́ŋ, 2Giod giá bandɔ igíébinen yɔ́ hɔ́, uwoóndúgonye banúmanuma bɔ́b hɔ́. 3Bafalisiɛ́ŋ bómodi abákilɛn yɔ́ gá guág yɔ́ uguá yɔɔ́bídɛ́n na ŋŋóhúnín iyɛ áneé: «Kásɛ, mɔndɔ unyɛ wa hémie ugányɛ ta gá kasɛ́ bugigua a?» 4Uwondinye áneé: «Numasúguanɔn áneé gubul agá magunsa Eŋeŋényi umaŋán bɔ́ na ɔnúmɔndɔ na ugándɔ a?» 5Uwond uwɔyɛd áneé: «Anagányɛ gɔg ɔnúmɔndɔ wánánihinaá Síe na noódíe gá bígɔ́d na ugányɛ bónd mmegu imoómi. 6Agányɛ bádibánd báandɛ báganyɛ mmegu pɛ́ŋ imoómi. Ubuɔ́ Uhaluá úmagɔ́d, mɔndɔ udigódi bugaga buá sulun buɔ́.» 7Obóndinye yɔ́ áneé: «Gá giagɛ gɔg Mɔ́sɛsa úmɔ́ŋ áneé eméleé ehémie ugányɛ wahɔ eéŋin yɔ́ mbɔba ya gihémie?» 8Yésuse uwondinye bɔ́ áneé: «Mmába Mɔ́sɛsa umanúhuá bugaga buá hémenye bagányɛ bánɔ, búnyɛ gá gueleé nunyɛ na idɛ́m gulal, gɔgaá búmasábá anagányɛ uguá magunsa. 9Yɔɔ́núɔyɔn buɔ́ áneé: mɔndɔ úméhémie ugányɛ weg kandabá áneé umáal gidáŋa, wond udɔ́g ugándɔ odoódi, umáal gidáŋa.»
Na nuɔ́ndɔ́n na buhuád
10Bebinene bá Yésuse ɔbɔ́yɛd áneé: «Mmába anagányɛ búnya gá ɔnúmɔndɔ gá busió buá ugányɛ, búnyɛ anda beseé áneé ɔnúmɔndɔ udidɔ́g ugándɔ.» 11Gúu Yésuse umɔ́yidɛn bɔ́ áneé: «Banúmɔndɔ gidigid bɔ́diɔ́guɔ́bɔn nuhuínyihuínyi unuɔ, gɔgaá pɛ́ŋ ɔbɔɔ́ Uhaluá úmeéŋín bugaga buá guɔ́b. 12Masɔ́m mányɛ giod eményenyeé banúmɔndɔ áneé bɔ́didɔ́ga bagándɔ: bómodi bébíbíéne bindibágua, bódodi bɔsɔ́gá bandɔ bánsa#19.12 Guans aga búnyɛ guólie musámán. bɔ́, bódodi bénen bagándɔ ɔbɔɔ́ bámansá gá busió buá Niguili niá gumɔn. Unyaá wa guɔ́b wɔɔ́b!»
Yésuse waáfuna biayɔ
(Mál 10.13-16; Lúk 18.15-17)
13Bandɔ obólín Yésuse na biayɔ gá gueleé udɔ́bígɔn bɔ́ imbɔ́g wond ubísógólonye gɔ́b gá busió, gɔgaá bebinene bég abábindimɛn. 14Yésuse uwɔyɛd gɔg áneé: «Níhínánánɔ biayɔ bíŋólonin, nudienyé bɔ́, gá giagiá Niguili niá gumɔn nínyɛ gá busió buá abánya hana bámuanyɛ.» 15Egélém gá dɔ́bígɔn bɔ́ imbɔ́g, uwadɔ́mb.
Gidɛndɛ giá nnuɛ́m
(Mál 10.17-22; Lúk 18.18-23)
16Mɔndɔ omodi uwakilɛn Yésuse, uwoóhún yɔ́ áneé: «Ehuínyihuínyi, giagɛ igiɛ́ nnya wa gual giá beseé mbádabia nusɔ́da nuá ságásagá?» 17Yésuse uwondinye yɔ́ áneé: «Giagɛ igiɛ́ óŋóhoneé gá ubúnya buá beseé? Wa beseé unyɛ pɛ́ŋ omoómi. Mmába ɔɔ́guɔya gubíŋín uguá nusɔ́da binén bigodi.» 18Mɔndɔ uwoóhún yɔ́ áneé: «Bílúmu e?» Yésuse uwondinye yɔ́ áneé: «Ɔdiɔ́n mɔndɔ. Adial gidáŋa. Ediéb. Adisúŋɛ́ɛn sɔ́gá buónyi. 19Búlúgényé síe wahɔ na noódíe wahɔ. Gá súgúdinye, ɔyá sɔ́gá mɔndɔ hana aŋuá mbánan.» 20Gidɛndɛ giá mɔndɔ igíɔ́yɛd áneé: «Yeébinen bigodi ibigányɛ gidigid. Yandugual gɔg giagɛ gímodi?» 21Yésuse gég áneé: «Mmába ɔɔ́guɔya gubá gindényé, idá, dué muand gidigid umuɔ́ ógódionu, abán basúgasuga muɔ́, egélém agabia bunɛ́m ugumɔn. Agányɛ oól, embinidin.» 22Uguá nugálɔ unugányɛ gidɛndɛ giá nnuɛ́m igigányɛ, igíádɔ́mb na mesígíl. Gá giagiá gímabianán giod giá bunɛ́m. 23Yésuse uwɔyidɛn gɔg bebinene bég áneé: «Hómohómue mbánan yɔɔ́núɔyɔn buɔ́: búnyɛ meyú gá busió buá nnuɛ́m gá bíŋín uguá Niguili niá gumɔn. 24Yɔndɔnúsɔgɔlɛd idú, búnyɛ lágɔlágɔ gá bunyam ubuɔ́ bɔ́dɔ́ŋɔnaá áneé samó gá dúmbɛ́n uguá giési giá ɔndɔnd gudɔ́mb áneé nnuɛ́m gá bíŋín uguá Niguili niá Uhaluá.» 25Uguá nugálɔ unugányɛ bebinene bég abáyíka buɔ́ giod, bónd bɔ́ya áneé: «Ányá gɔg unyaá wa bá aháŋánɔ?» 26Yésuse uwosólímin bɔ́ úmuanyɛ gɔ́b áneé: «Gá bándɔ búdibá búábíal, gɔgaá gá Uhaluá búnyɛ búábíal.» 27Piéle uwɔgɔ́l nugálɔ gɔg, úmuanyɛ gég áneé: «Ahá gɔg! Basuá, diáníhɛ́n muand muásɔ gidigid idiond idiebinidin. Búánábá naánanyá gɔg gásɔ gá busió?» 28Yésuse uwɔyidɛn bɔ́ gɔg áneé: «Yɔɔ́núɔyɔn buɔ́, búnyɛ meliŋ: uguá ginɛŋ giá núgenye muand gidigid, uguá ginɛŋ igiɛ́ Muɔ́n wa mɔndɔ wénédugumineé egég gá Igɔ́y hiá Nigúmi, banuá numeémbinídín, nuénédúgumen uguá mugɔ́y muá múad na múandɛ gá gélenye eguíli ya Íslayɛ́l yáad na áhandɛ. 29Gúu gɔg, uwanánihinaá biansɛ, beliméen, Síe na noódíe, baán ugúnya ana mesíge, gá busió buá ɔhɛ́n huámɛ, wanábia edín átánɔ gudɔ́mb, wond udáŋáab nusɔ́da nuá ságásagá.» 30Giod giá abánya uguá busió gíónónd uguélém, giod giá abánya uguélém, gíónd uguá busió.
ទើបបានជ្រើសរើសហើយ៖
Matiós 19: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matiós 19
19
Guhémie guá ugándɔ
(Mál 10.1-12; Lúk 16.18)
1Uguá ginɛŋ igiɛ́ Yésuse úmáman guhuínyihuínye bandɔ, uwoólígie agányɛ gá guɛ́d Galilé, uwɛɛ́d uguá gibéyi giá guísi giá Yúde na agɔ́n unó wa Yuldɛ́ŋ, 2Giod giá bandɔ igíébinen yɔ́ hɔ́, uwoóndúgonye banúmanuma bɔ́b hɔ́. 3Bafalisiɛ́ŋ bómodi abákilɛn yɔ́ gá guág yɔ́ uguá yɔɔ́bídɛ́n na ŋŋóhúnín iyɛ áneé: «Kásɛ, mɔndɔ unyɛ wa hémie ugányɛ ta gá kasɛ́ bugigua a?» 4Uwondinye áneé: «Numasúguanɔn áneé gubul agá magunsa Eŋeŋényi umaŋán bɔ́ na ɔnúmɔndɔ na ugándɔ a?» 5Uwond uwɔyɛd áneé: «Anagányɛ gɔg ɔnúmɔndɔ wánánihinaá Síe na noódíe gá bígɔ́d na ugányɛ bónd mmegu imoómi. 6Agányɛ bádibánd báandɛ báganyɛ mmegu pɛ́ŋ imoómi. Ubuɔ́ Uhaluá úmagɔ́d, mɔndɔ udigódi bugaga buá sulun buɔ́.» 7Obóndinye yɔ́ áneé: «Gá giagɛ gɔg Mɔ́sɛsa úmɔ́ŋ áneé eméleé ehémie ugányɛ wahɔ eéŋin yɔ́ mbɔba ya gihémie?» 8Yésuse uwondinye bɔ́ áneé: «Mmába Mɔ́sɛsa umanúhuá bugaga buá hémenye bagányɛ bánɔ, búnyɛ gá gueleé nunyɛ na idɛ́m gulal, gɔgaá búmasábá anagányɛ uguá magunsa. 9Yɔɔ́núɔyɔn buɔ́ áneé: mɔndɔ úméhémie ugányɛ weg kandabá áneé umáal gidáŋa, wond udɔ́g ugándɔ odoódi, umáal gidáŋa.»
Na nuɔ́ndɔ́n na buhuád
10Bebinene bá Yésuse ɔbɔ́yɛd áneé: «Mmába anagányɛ búnya gá ɔnúmɔndɔ gá busió buá ugányɛ, búnyɛ anda beseé áneé ɔnúmɔndɔ udidɔ́g ugándɔ.» 11Gúu Yésuse umɔ́yidɛn bɔ́ áneé: «Banúmɔndɔ gidigid bɔ́diɔ́guɔ́bɔn nuhuínyihuínyi unuɔ, gɔgaá pɛ́ŋ ɔbɔɔ́ Uhaluá úmeéŋín bugaga buá guɔ́b. 12Masɔ́m mányɛ giod eményenyeé banúmɔndɔ áneé bɔ́didɔ́ga bagándɔ: bómodi bébíbíéne bindibágua, bódodi bɔsɔ́gá bandɔ bánsa#19.12 Guans aga búnyɛ guólie musámán. bɔ́, bódodi bénen bagándɔ ɔbɔɔ́ bámansá gá busió buá Niguili niá gumɔn. Unyaá wa guɔ́b wɔɔ́b!»
Yésuse waáfuna biayɔ
(Mál 10.13-16; Lúk 18.15-17)
13Bandɔ obólín Yésuse na biayɔ gá gueleé udɔ́bígɔn bɔ́ imbɔ́g wond ubísógólonye gɔ́b gá busió, gɔgaá bebinene bég abábindimɛn. 14Yésuse uwɔyɛd gɔg áneé: «Níhínánánɔ biayɔ bíŋólonin, nudienyé bɔ́, gá giagiá Niguili niá gumɔn nínyɛ gá busió buá abánya hana bámuanyɛ.» 15Egélém gá dɔ́bígɔn bɔ́ imbɔ́g, uwadɔ́mb.
Gidɛndɛ giá nnuɛ́m
(Mál 10.17-22; Lúk 18.18-23)
16Mɔndɔ omodi uwakilɛn Yésuse, uwoóhún yɔ́ áneé: «Ehuínyihuínyi, giagɛ igiɛ́ nnya wa gual giá beseé mbádabia nusɔ́da nuá ságásagá?» 17Yésuse uwondinye yɔ́ áneé: «Giagɛ igiɛ́ óŋóhoneé gá ubúnya buá beseé? Wa beseé unyɛ pɛ́ŋ omoómi. Mmába ɔɔ́guɔya gubíŋín uguá nusɔ́da binén bigodi.» 18Mɔndɔ uwoóhún yɔ́ áneé: «Bílúmu e?» Yésuse uwondinye yɔ́ áneé: «Ɔdiɔ́n mɔndɔ. Adial gidáŋa. Ediéb. Adisúŋɛ́ɛn sɔ́gá buónyi. 19Búlúgényé síe wahɔ na noódíe wahɔ. Gá súgúdinye, ɔyá sɔ́gá mɔndɔ hana aŋuá mbánan.» 20Gidɛndɛ giá mɔndɔ igíɔ́yɛd áneé: «Yeébinen bigodi ibigányɛ gidigid. Yandugual gɔg giagɛ gímodi?» 21Yésuse gég áneé: «Mmába ɔɔ́guɔya gubá gindényé, idá, dué muand gidigid umuɔ́ ógódionu, abán basúgasuga muɔ́, egélém agabia bunɛ́m ugumɔn. Agányɛ oól, embinidin.» 22Uguá nugálɔ unugányɛ gidɛndɛ giá nnuɛ́m igigányɛ, igíádɔ́mb na mesígíl. Gá giagiá gímabianán giod giá bunɛ́m. 23Yésuse uwɔyidɛn gɔg bebinene bég áneé: «Hómohómue mbánan yɔɔ́núɔyɔn buɔ́: búnyɛ meyú gá busió buá nnuɛ́m gá bíŋín uguá Niguili niá gumɔn. 24Yɔndɔnúsɔgɔlɛd idú, búnyɛ lágɔlágɔ gá bunyam ubuɔ́ bɔ́dɔ́ŋɔnaá áneé samó gá dúmbɛ́n uguá giési giá ɔndɔnd gudɔ́mb áneé nnuɛ́m gá bíŋín uguá Niguili niá Uhaluá.» 25Uguá nugálɔ unugányɛ bebinene bég abáyíka buɔ́ giod, bónd bɔ́ya áneé: «Ányá gɔg unyaá wa bá aháŋánɔ?» 26Yésuse uwosólímin bɔ́ úmuanyɛ gɔ́b áneé: «Gá bándɔ búdibá búábíal, gɔgaá gá Uhaluá búnyɛ búábíal.» 27Piéle uwɔgɔ́l nugálɔ gɔg, úmuanyɛ gég áneé: «Ahá gɔg! Basuá, diáníhɛ́n muand muásɔ gidigid idiond idiebinidin. Búánábá naánanyá gɔg gásɔ gá busió?» 28Yésuse uwɔyidɛn bɔ́ gɔg áneé: «Yɔɔ́núɔyɔn buɔ́, búnyɛ meliŋ: uguá ginɛŋ giá núgenye muand gidigid, uguá ginɛŋ igiɛ́ Muɔ́n wa mɔndɔ wénédugumineé egég gá Igɔ́y hiá Nigúmi, banuá numeémbinídín, nuénédúgumen uguá mugɔ́y muá múad na múandɛ gá gélenye eguíli ya Íslayɛ́l yáad na áhandɛ. 29Gúu gɔg, uwanánihinaá biansɛ, beliméen, Síe na noódíe, baán ugúnya ana mesíge, gá busió buá ɔhɛ́n huámɛ, wanábia edín átánɔ gudɔ́mb, wond udáŋáab nusɔ́da nuá ságásagá.» 30Giod giá abánya uguá busió gíónónd uguélém, giod giá abánya uguélém, gíónd uguá busió.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល