Matiós 14
14
Nigué niá Sáŋa eyumínyibandɔ
(Mál 6.14-29; Lúk 9.7-9; 3.19-20)
1Uguá ginɛŋ igigányɛ, Helód úmaábá ugilebe uguá gidɔŋ giá Galilé, uwɔɔ́b nigúmi niá Yésuse. 2Uwɔyidɛn biendinyi biég áneé: «Mɔndɔ ugányɛ búnyɛ Sáŋa eyumínyibandɔ, waáhám uguá gibɛ́l, buand buáguɔ́ ugódionu buŋaŋa buá guala biseyi.» 3Ɛɛ́ɛ, Helód úmaádɔ́m bandɔ áneé bénegimbín Sáŋa bág yɔ́ gidɛ́, bɔ́nɔh yɔ́ uguá giansɛ giá mbíne gá busió buá Helodiád ugányɛ gisɔ́nd giég Fílibe, 4gá giagiá Sáŋa umabá wɔyɔn yɔ́ áneé: «Adiánigimanan na bídígan ugándɔ ugányɛ.» 5Ta hana Helód úmambá guɔ́n yɔ́, umedíne bandɔ gá giagiá bámaánan Sáŋa hana ebunebúné. 6Henyé, buɔ́sɛ buá gisumie giá nubíényi nuá Helód, ŋŋɔndɛ ya Helodiád, imebíne beseé agá budɔ́mb agá eŋís ya bɔdɔ́ŋína, ubúɔ́bɛ́ɛg Síe weg. 7Helód uwabília áneé ugeéguéŋin yɛ́ buand gidigid ubuɔ́ ígɔɔ́guɔŋinaá yɔ́. 8Helodiád uwedídígen ŋŋɔndɛ yég áneé wɔyɛd áneé: «Mpuá ɔduá huá Sáŋa Eyumínyibandɔ, aga, uguá osóyi huá balála.» 9Ubúal ofuŋ gilɔg gɔg, hana úmabá umámánábília agá eŋís ya bɔdɔ́ŋína abámabá hɔ́, uwodóŋinye bugaga áneé béŋin yɔ́ huɔ́. 10Uwadɔ́m bandɔ áneé bánasɔ́mb Sáŋa ɔduá uguá giansɛ giá mbíne. 11Obólín ŋŋɔndɛ igányɛ naá huɔ́ uguá osóyi, uweneéŋín noódíe. 12Bebinene bá Sáŋa ɔbɔ́sigɔ́l gilɔ́ŋ giég obónonyoó, ɔbɔ́nɔyídɛ́n Yésuse.
Yésuse woóguoye bandɔ duɔns dútánɔ
(Mál 6.30-44; Lúk 9.10-17; Sáŋ 6.1-15)
13Yésuse umɔɔ́mɔ́b nsɔ́m igányɛ, uwɔgɔ́l ŋŋumba gá guɛ́d agá uhambɛ. Giíŋ gímaámálɛns igíébinen yɔ́ na dugɔ́nd guonoólónín uguɔ́b guá bɔtísɔna. 14Umaágánayúgán uguá ŋŋumba uwegégie giíŋ, uwaán giɛ́ bulɔ́b uwoóndúgonye banúmanuma bɔ́b. 15Ginɛ́ŋ gímaámágua, bebinene bég abákilɛn yɔ́ ɔbɔ́yidɛn yɔ́ áneé: «Dinyɛ agá uhambɛ, buɔ́sɛ búganyɛ hádɛ gúgié biíŋ gá gueleé bíɛ́d uguá bidɔŋ ibínya uguá maáyɛ, bíɔ́nɔɔ́ndá muand muá nyánan.» 16Yésuse uwondinye bɔ́ gɔg áneé: «Bídiánúma nsan ya gúg ánaá núáfinan biɛ́ banuá mbánan.» 17Ɔbɔ́yidɛn yɔ́ gɔg áneé: «Aga, digódi pɛ́ŋ bilɛ́d bítánɔ na muɔb múandɛ.» 18Yésuse uwɔyidɛn bɔ́ áneé: «Ŋŋólínón na muɔ́ aga.» 19Umeéméŋin biíŋ bugaga buá dugumen uguá megíde, uwɔgɔ́l bilɛ́d ibigányɛ bítánɔ na muɔb múandɛ, uwabíbúlímɛn, uweéŋin Síe weg mbíyigie, uwasɔ́mb bilɛ́d uweéŋin bebinene bég, bebinene bég abában biíŋ. 20Bandɔ gidigid abányánan obónd abábíhálan, bibéyi ibímesíen, bebinene abábáda ibíóhónye nsad síad na íhandɛ. 21Bandɔ abámanyánán bámabábábá duɔns dútánɔ kandahana na bagándɔ na biayɔ.
Yésuse waáguanda ugumɔn guá máŋ
(Mál 6.45-52; Sáŋ 6.16-21)
22Yésuse uwedúmbie gudídígen bebinene bég áneé báyumɛn uguá ŋŋumba báyɔg na agɔ́n unó wa máŋ, úmuanyɛ usíen ugúgie biíŋ. 23Umeémégúgie biíŋ, uwabúlɛ́ɛg agá ɔŋuɛnyɛ gá guídónobísógólónyé agá buáyɛ. Mbíne iyegéginye yɔ́ hɔ́ úmuanyɛ omoómi. 24Ŋŋumba imasɛ́d hádɛ na ŋŋɛnd, ombógónyé húɛ́d húnúka yɛ́ gá giagiá gihíŋ gímoólonin ɔmbɔ́g húdodi. 25Na guɔ́m gubál, Yésuse uwebinidin bɔ́ wɛɛ́d wanda ugumɔn guá mimbi. 26Bebinene bég bámaámáan yɔ́ wɛɛ́d wanda uguá mimbi, abɛ́d gá lígímin na bugádɔ bɔ́ya áneé: «Búnyɛ nnyɔlɛ!» Na bumbíla ubuɔ́ bámabia, abɛ́d gɔg gá héhenye. 27Yésuse uwedúmbie guɔyidɛn bɔ́ gɔg áneé: «Bígáyínánánɔ, búnyɛ yaŋuá, nudibiá bugádɔ.» 28Piéle uwɔyidɛn yɔ́ áneé: «Ɔgúná mmába búnyɛ aŋuá, mpuá bugaga buá gueleé yanda uguá mimbi yoól agányɛ.» 29Yésuse uwɔyidɛn yɔ́ áneé: «Ógún!» Piéle uwayɔg uguá ŋŋumba, uwanda ugumɔn guá mimbi gá guɛ́d agaá Yésuse úmabá. 30Gɔgaá, umaámánán gihínyi gífife, uwɔɔ́b bugádɔ uwagɔns guliken, uwehéhídinye áneé: «Ɔgúná, ndúgun!» 31Hɔ́nɔhɔ́, Yésuse uwaganɔn ɔmbɔ́g, uwegimbin yɔ́ uwɔyidɛn yɔ́ áneé: «Mɔndɔ wa guágɔdɛ́m bugídígíd, gá giagɛ áganaá mpálɔ gá buɔ́?» 32Bámaámáyumɛn uguá ŋŋumba, gihínyi igíáhádan. 33Bandɔ abámabá uguá ŋŋumba ɔbɔ́bɔmbigɔnɛn yɔ́ dudúg, bɔ́ya áneé: «Hómohómue, anyɛ Muɔ́n wa mɔndɔ!»
Gióndúgie uguá gibéyi giá guísi giá Genesalɛ́t
(Mál 6.53-56)
34Bámaámáyɔg máŋ abámánígɛn guísi guá Genesalɛ́t. 35Bandɔ bá gibéyi giá guísi igigányɛ abálɛns Yésuse, ebésesidie nsɔ́m. Obólonin yɔ́ na banúmanuma gidigid. 36Obóbísógólonye Yésuse áneé unihinan bɔ́ bɔ́bígɔ́dɔn pɛ́ŋ ɔdú huég huá gisɔn, nɔ́ bandɔ gidigid ɔbɔ́mɔbígɔ́dɔn huɔ́, bɔ́mɔndúgɔn.
ទើបបានជ្រើសរើសហើយ៖
Matiós 14: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matiós 14
14
Nigué niá Sáŋa eyumínyibandɔ
(Mál 6.14-29; Lúk 9.7-9; 3.19-20)
1Uguá ginɛŋ igigányɛ, Helód úmaábá ugilebe uguá gidɔŋ giá Galilé, uwɔɔ́b nigúmi niá Yésuse. 2Uwɔyidɛn biendinyi biég áneé: «Mɔndɔ ugányɛ búnyɛ Sáŋa eyumínyibandɔ, waáhám uguá gibɛ́l, buand buáguɔ́ ugódionu buŋaŋa buá guala biseyi.» 3Ɛɛ́ɛ, Helód úmaádɔ́m bandɔ áneé bénegimbín Sáŋa bág yɔ́ gidɛ́, bɔ́nɔh yɔ́ uguá giansɛ giá mbíne gá busió buá Helodiád ugányɛ gisɔ́nd giég Fílibe, 4gá giagiá Sáŋa umabá wɔyɔn yɔ́ áneé: «Adiánigimanan na bídígan ugándɔ ugányɛ.» 5Ta hana Helód úmambá guɔ́n yɔ́, umedíne bandɔ gá giagiá bámaánan Sáŋa hana ebunebúné. 6Henyé, buɔ́sɛ buá gisumie giá nubíényi nuá Helód, ŋŋɔndɛ ya Helodiád, imebíne beseé agá budɔ́mb agá eŋís ya bɔdɔ́ŋína, ubúɔ́bɛ́ɛg Síe weg. 7Helód uwabília áneé ugeéguéŋin yɛ́ buand gidigid ubuɔ́ ígɔɔ́guɔŋinaá yɔ́. 8Helodiád uwedídígen ŋŋɔndɛ yég áneé wɔyɛd áneé: «Mpuá ɔduá huá Sáŋa Eyumínyibandɔ, aga, uguá osóyi huá balála.» 9Ubúal ofuŋ gilɔg gɔg, hana úmabá umámánábília agá eŋís ya bɔdɔ́ŋína abámabá hɔ́, uwodóŋinye bugaga áneé béŋin yɔ́ huɔ́. 10Uwadɔ́m bandɔ áneé bánasɔ́mb Sáŋa ɔduá uguá giansɛ giá mbíne. 11Obólín ŋŋɔndɛ igányɛ naá huɔ́ uguá osóyi, uweneéŋín noódíe. 12Bebinene bá Sáŋa ɔbɔ́sigɔ́l gilɔ́ŋ giég obónonyoó, ɔbɔ́nɔyídɛ́n Yésuse.
Yésuse woóguoye bandɔ duɔns dútánɔ
(Mál 6.30-44; Lúk 9.10-17; Sáŋ 6.1-15)
13Yésuse umɔɔ́mɔ́b nsɔ́m igányɛ, uwɔgɔ́l ŋŋumba gá guɛ́d agá uhambɛ. Giíŋ gímaámálɛns igíébinen yɔ́ na dugɔ́nd guonoólónín uguɔ́b guá bɔtísɔna. 14Umaágánayúgán uguá ŋŋumba uwegégie giíŋ, uwaán giɛ́ bulɔ́b uwoóndúgonye banúmanuma bɔ́b. 15Ginɛ́ŋ gímaámágua, bebinene bég abákilɛn yɔ́ ɔbɔ́yidɛn yɔ́ áneé: «Dinyɛ agá uhambɛ, buɔ́sɛ búganyɛ hádɛ gúgié biíŋ gá gueleé bíɛ́d uguá bidɔŋ ibínya uguá maáyɛ, bíɔ́nɔɔ́ndá muand muá nyánan.» 16Yésuse uwondinye bɔ́ gɔg áneé: «Bídiánúma nsan ya gúg ánaá núáfinan biɛ́ banuá mbánan.» 17Ɔbɔ́yidɛn yɔ́ gɔg áneé: «Aga, digódi pɛ́ŋ bilɛ́d bítánɔ na muɔb múandɛ.» 18Yésuse uwɔyidɛn bɔ́ áneé: «Ŋŋólínón na muɔ́ aga.» 19Umeéméŋin biíŋ bugaga buá dugumen uguá megíde, uwɔgɔ́l bilɛ́d ibigányɛ bítánɔ na muɔb múandɛ, uwabíbúlímɛn, uweéŋin Síe weg mbíyigie, uwasɔ́mb bilɛ́d uweéŋin bebinene bég, bebinene bég abában biíŋ. 20Bandɔ gidigid abányánan obónd abábíhálan, bibéyi ibímesíen, bebinene abábáda ibíóhónye nsad síad na íhandɛ. 21Bandɔ abámanyánán bámabábábá duɔns dútánɔ kandahana na bagándɔ na biayɔ.
Yésuse waáguanda ugumɔn guá máŋ
(Mál 6.45-52; Sáŋ 6.16-21)
22Yésuse uwedúmbie gudídígen bebinene bég áneé báyumɛn uguá ŋŋumba báyɔg na agɔ́n unó wa máŋ, úmuanyɛ usíen ugúgie biíŋ. 23Umeémégúgie biíŋ, uwabúlɛ́ɛg agá ɔŋuɛnyɛ gá guídónobísógólónyé agá buáyɛ. Mbíne iyegéginye yɔ́ hɔ́ úmuanyɛ omoómi. 24Ŋŋumba imasɛ́d hádɛ na ŋŋɛnd, ombógónyé húɛ́d húnúka yɛ́ gá giagiá gihíŋ gímoólonin ɔmbɔ́g húdodi. 25Na guɔ́m gubál, Yésuse uwebinidin bɔ́ wɛɛ́d wanda ugumɔn guá mimbi. 26Bebinene bég bámaámáan yɔ́ wɛɛ́d wanda uguá mimbi, abɛ́d gá lígímin na bugádɔ bɔ́ya áneé: «Búnyɛ nnyɔlɛ!» Na bumbíla ubuɔ́ bámabia, abɛ́d gɔg gá héhenye. 27Yésuse uwedúmbie guɔyidɛn bɔ́ gɔg áneé: «Bígáyínánánɔ, búnyɛ yaŋuá, nudibiá bugádɔ.» 28Piéle uwɔyidɛn yɔ́ áneé: «Ɔgúná mmába búnyɛ aŋuá, mpuá bugaga buá gueleé yanda uguá mimbi yoól agányɛ.» 29Yésuse uwɔyidɛn yɔ́ áneé: «Ógún!» Piéle uwayɔg uguá ŋŋumba, uwanda ugumɔn guá mimbi gá guɛ́d agaá Yésuse úmabá. 30Gɔgaá, umaámánán gihínyi gífife, uwɔɔ́b bugádɔ uwagɔns guliken, uwehéhídinye áneé: «Ɔgúná, ndúgun!» 31Hɔ́nɔhɔ́, Yésuse uwaganɔn ɔmbɔ́g, uwegimbin yɔ́ uwɔyidɛn yɔ́ áneé: «Mɔndɔ wa guágɔdɛ́m bugídígíd, gá giagɛ áganaá mpálɔ gá buɔ́?» 32Bámaámáyumɛn uguá ŋŋumba, gihínyi igíáhádan. 33Bandɔ abámabá uguá ŋŋumba ɔbɔ́bɔmbigɔnɛn yɔ́ dudúg, bɔ́ya áneé: «Hómohómue, anyɛ Muɔ́n wa mɔndɔ!»
Gióndúgie uguá gibéyi giá guísi giá Genesalɛ́t
(Mál 6.53-56)
34Bámaámáyɔg máŋ abámánígɛn guísi guá Genesalɛ́t. 35Bandɔ bá gibéyi giá guísi igigányɛ abálɛns Yésuse, ebésesidie nsɔ́m. Obólonin yɔ́ na banúmanuma gidigid. 36Obóbísógólonye Yésuse áneé unihinan bɔ́ bɔ́bígɔ́dɔn pɛ́ŋ ɔdú huég huá gisɔn, nɔ́ bandɔ gidigid ɔbɔ́mɔbígɔ́dɔn huɔ́, bɔ́mɔndúgɔn.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល