Sáŋa 3
3
Mayɔ na Nikodɛ́m
1Henyé, mɔndɔ omodi umabá ɔhɛ́n áneé Nikodɛ́m, uguá gimbi giá bafalisiɛ́ŋ, ɔdɔŋdɔ́ŋ omodi uguá ɔlɔŋ huá bayúdɛn. 2Budúg búmodi, uwenegégie Yésuse, uwɔyidɛn yɔ́ áneé: «Lábi, diálinsan áneé anyɛ ehuínyihuínyi omodi widónoólónin agá Uhaluá, gá giagiá ta mɔndɔ udibá wa guala biseyi ibiɛ́ álanɔ́ mmába Uhaluá udibá neéneg.» 3Yésuse uwondinye yɔ́ áneé: «Uguá hómohómue, uguá hómohómue, yɔ́guɔyɔn buɔ́, mɔndɔ udibá wa guán gugilebe guá Uhaluá úmédibíbíén gáandɛ.» 4Nikodɛ́m uwoóhún yɔ́ áneé: «Naánanyá mɔndɔ únya wa bíbíén uganyɛ gilun? Mɔndɔ unyɛ andá wa bíŋín uguadá guá noódíe gá gueleé wendebíén yɔ́ a?» 5Yésuse uwɔyidɛn yɔ́ áneé: «Ɛɛ́ɛ, uguá hómohómue, uguá hómohómue, yɔ́guɔyɔn buɔ́, ta mɔndɔ udibá wa bíŋín uguá gilebe guá Uhaluá úmédibíbíén uguá mimbi naá uguá Gileénde. 6Ubúmebíbíén uguá mɔndɔ búnyɛ mɔndɔ, ubúmebíbíén uguá Gileénde, búnyɛ gileénde. 7Búdinímié meéne mmába yɔ́guɔyɔn áneé: “Nugódi áneé nuéndebíbíén banuá gidigid.” 8Gihínyi gíéfife hɔɔ́m ɔhɔɔ́ gíɔ́yɔnɔ́, ɔɔ́bɔn giɛ́, gɔgaá ediényi ta buhɔɔ́m ubuɔ́ gíólonineé, ta ubuɔ́ gídaninaá. Nɔ́ búnya gá mɔndɔ usébíbíén uguá Gileénde.» 9Nikodɛ́m uwonduguóhún yɔ́ áneé: «Naánanyá búnya búábíal?» 10Yésuse uwondinye yɔ́ áneé: «Anyɛ giandá giá ehuínyihuínyi giá Íslayɛ́l. Ediényi muand hana umugányɛ a? 11Uguá hómohómue, uguá hómohómue, yɔ́guɔyɔn buɔ́, díɔ́guɔya ubuɔ́ dílinsanaá, díɔ́guɔya buónyi ubuɔ́ diényénú gá busió buá muand umuɔ́ dímaán. Gúu nudiádáaban guɔya guásɔ gá busió buá buónyi ubuɔ́ diényénú. 12Mmába nudiáguádáaban uguá ginɛŋ igiɛ́ nnúɔyɔnaá muand muá guísi, naánanyá núnya nuaguádáaban mmɔ́núɔyɔn muand muá gumɔn? 13Ta mɔndɔ umanyɛ udibúlɛ́ɛg ugumɔn, pɛ́ŋ Muɔ́n wa mɔndɔ úmaásusɛn guɔ́. 14Buand búmomi hana Mɔ́sɛsa úmebúlúgie#3.14 Án Nih 21.9 nnyɔ́g uguá igɔn agá uhambɛ, nɔ́ súsɔ́n bénébúlúgenyenú Muɔ́n wa mɔndɔ, 15gá gueleé mɔndɔ uwaádáabanaá yɔ́, ubia nusɔ́da nuá ságásagá. 16Gá giagiá Uhaluá umɔyá bandɔ bá guísi giod, buand buáguɔ́ úmodóŋínyé Muɔ́n weg, idéŋ hiég hiá Muɔ́n gá gueleé, mɔndɔ gidigid uwaádáabanaá hiɛ́ udianɛɛ́d hádɛ na Uhaluá, gɔgaá, wanábia nusɔ́da nuá ságásagá. 17Gá giagiá, Uhaluá umasádɔ́m Muɔ́n weg agá ɔdɛ́m na ɔdɛ́m huá bandɔ bá guísi, gá gueleé wasiág bɔ́ uguá nusésényi, gɔgaá, umadɔ́m yɔ́ áneé uguég, bábia gisódie. 18Mɔndɔ uwaáganaá ɔdɛ́m uguá Muɔ́n, bádianág yɔ́ uguá nusésényi, udiágan ɔdɛ́m básamanasɔ́mb gisan giég, gá giagiá umasuguág ɔdɛ́m uguá ɔhɛ́n huá idéŋ hiá Muɔ́n hiá Uhaluá. 19Ndénu guág uguá nusésényi guguényé: gise gímoól eguísi agá, gɔgaá bandɔ ebéyíd mbíne gudɔ́mb áneé bɔ́gɔ́l giɛ́, gá giagiá melélíe mɔ́b mányɛ gilɔg. 20Mɔndɔ uwalanɔ́ gilɔg waábina gise, udiákilan agá gise gá giagiá, weédíne áneé melélíe még má gilɔg mádibídambɔn. 21Gɔgaá, mɔndɔ unyaá uguá hómohómue, waáháman agá gise gá gueleé, bán agá budányɛ áneé unyɛ ŋŋɔ́bina na Uhaluá uguég guá melélíe.»
Na Yésuse na Sáŋa
22Egélém agányɛ, Yésuse uwɛɛ́d uguá gidɔŋ giá Yudé na bebinene bég, uwagígɛ́d guɔ́ gá maná ginɛŋ nɔɔ́nɔb, uweyumenye bandɔ. 23Sáŋa umabá súsɔ́n uyumenye bandɔ Enɔ́ŋ, mɔdɔg na Salím gá giagiá, mimbi mámabá hɔ́ giod. Bandɔ bómoólónín yɔ́ uyumenye bɔ́. 24Bámabá bámanyɛ bádiág yɔ́ uguá giansɛ giá mbíne. 25Bebinene bá Sáŋa bómodi abágɔns nségíe na maná bayúdɛn, gá busió buá melélíe mɔ́b má sulenye bigua. 26Bebinene bá Sáŋa abákilɛn yɔ́, ɔbɔ́yidɛn yɔ́ áneé: «Ehuínyihuínyi, mɔndɔ umaábá naánahɔ na agɔ́n unó wa Yuldɛ́ŋ uyɔɔ́ ɔ́mɔyá buónyi ubuɔ́ ényénú gég gá busió, úmuanyɛ súsɔ́n uganyɛ gá yumenye bandɔ, bandɔ gidigid báganyɛ gá guídanɛn yɔ́.» 27Sáŋa uwondinye bɔ́ áneé: «Mɔndɔ udibá wa bígɔ́lɛ́n buand, mmába Uhaluá usasáhuá yɔ́ buɔ́. 28Banuá mbánan nunyɛ bamaáná bámɛ áneé mmɔ́yɛd áneé: “Búdibá yaŋuá nnyaá Bémeyíde gɔgaá, nnyɛ mɔndɔ uyɔɔ́ Uhaluá úmadɔ́m uguég guá busió.” 29Mɔndɔ unyaá na ugándɔ únyaá ɔnɛ́m, mmába hana gá ogúl wa ɔnɛ́m waágíga mɔdɔg neéneg ubídɔ́lígɔn ugelu huá ogúl weg, úmɔɔ́b huɔ́ uhón na ibal, nɔ́ ibal hiámɛ hínya, hínyɛ ihíhónón. 30Búánigimanan áneé úmuanyɛ uguman, yaŋuá yondon bugédégéd.»
Uwoólonineé ugumɔn
31Uwoólonineé ugumɔn waádúmban bandɔ gidigid, unyaá wa guísi wɔɔ́guɔ́bɔnɛn na guísi, wond ugálgal muand muá guísi. Uwoólonineé ugumɔn, 32wɔɔ́guɔya ubuɔ́ úságuán naá ubuɔ́ úsɔ́guɔ́b, gɔgaá ta mɔndɔ udiáguádáaban guɔyɛd guá buónyi ubuɔ́ wényénú. 33Uwelimenyeé guɔyɛd guá buónyi ubuɔ́ wényenú weédíyenye áneé ubuɔ́ Uhaluá wɔ́yɔnɔ́ búnyɛ hómohómue. 34Gá giagiá, uyɔɔ́ Uhaluá úsadɔ́m wɔɔ́guɔya dugálɔ duá Uhaluá uweéŋeneé yɔ́ Gileénde giég kendegedie. 35Síe wɔɔ́guɔya Muɔ́n weg, gúu úmasúgídɛ́n yɔ́ muand gidigid uguég guá imbɔ́g. 36Uwaáganaá ɔdɛ́m uguá Muɔ́n, ugányɛ na nusɔ́da nuá ságásagá, udiɔ́bɔ́nɛ́n Muɔ́n udiánábia nusɔ́da gɔgaá, ilúnd hiá Uhaluá híágíga uguá waáguɔ́.
ទើបបានជ្រើសរើសហើយ៖
Sáŋa 3: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 3
3
Mayɔ na Nikodɛ́m
1Henyé, mɔndɔ omodi umabá ɔhɛ́n áneé Nikodɛ́m, uguá gimbi giá bafalisiɛ́ŋ, ɔdɔŋdɔ́ŋ omodi uguá ɔlɔŋ huá bayúdɛn. 2Budúg búmodi, uwenegégie Yésuse, uwɔyidɛn yɔ́ áneé: «Lábi, diálinsan áneé anyɛ ehuínyihuínyi omodi widónoólónin agá Uhaluá, gá giagiá ta mɔndɔ udibá wa guala biseyi ibiɛ́ álanɔ́ mmába Uhaluá udibá neéneg.» 3Yésuse uwondinye yɔ́ áneé: «Uguá hómohómue, uguá hómohómue, yɔ́guɔyɔn buɔ́, mɔndɔ udibá wa guán gugilebe guá Uhaluá úmédibíbíén gáandɛ.» 4Nikodɛ́m uwoóhún yɔ́ áneé: «Naánanyá mɔndɔ únya wa bíbíén uganyɛ gilun? Mɔndɔ unyɛ andá wa bíŋín uguadá guá noódíe gá gueleé wendebíén yɔ́ a?» 5Yésuse uwɔyidɛn yɔ́ áneé: «Ɛɛ́ɛ, uguá hómohómue, uguá hómohómue, yɔ́guɔyɔn buɔ́, ta mɔndɔ udibá wa bíŋín uguá gilebe guá Uhaluá úmédibíbíén uguá mimbi naá uguá Gileénde. 6Ubúmebíbíén uguá mɔndɔ búnyɛ mɔndɔ, ubúmebíbíén uguá Gileénde, búnyɛ gileénde. 7Búdinímié meéne mmába yɔ́guɔyɔn áneé: “Nugódi áneé nuéndebíbíén banuá gidigid.” 8Gihínyi gíéfife hɔɔ́m ɔhɔɔ́ gíɔ́yɔnɔ́, ɔɔ́bɔn giɛ́, gɔgaá ediényi ta buhɔɔ́m ubuɔ́ gíólonineé, ta ubuɔ́ gídaninaá. Nɔ́ búnya gá mɔndɔ usébíbíén uguá Gileénde.» 9Nikodɛ́m uwonduguóhún yɔ́ áneé: «Naánanyá búnya búábíal?» 10Yésuse uwondinye yɔ́ áneé: «Anyɛ giandá giá ehuínyihuínyi giá Íslayɛ́l. Ediényi muand hana umugányɛ a? 11Uguá hómohómue, uguá hómohómue, yɔ́guɔyɔn buɔ́, díɔ́guɔya ubuɔ́ dílinsanaá, díɔ́guɔya buónyi ubuɔ́ diényénú gá busió buá muand umuɔ́ dímaán. Gúu nudiádáaban guɔya guásɔ gá busió buá buónyi ubuɔ́ diényénú. 12Mmába nudiáguádáaban uguá ginɛŋ igiɛ́ nnúɔyɔnaá muand muá guísi, naánanyá núnya nuaguádáaban mmɔ́núɔyɔn muand muá gumɔn? 13Ta mɔndɔ umanyɛ udibúlɛ́ɛg ugumɔn, pɛ́ŋ Muɔ́n wa mɔndɔ úmaásusɛn guɔ́. 14Buand búmomi hana Mɔ́sɛsa úmebúlúgie#3.14 Án Nih 21.9 nnyɔ́g uguá igɔn agá uhambɛ, nɔ́ súsɔ́n bénébúlúgenyenú Muɔ́n wa mɔndɔ, 15gá gueleé mɔndɔ uwaádáabanaá yɔ́, ubia nusɔ́da nuá ságásagá. 16Gá giagiá Uhaluá umɔyá bandɔ bá guísi giod, buand buáguɔ́ úmodóŋínyé Muɔ́n weg, idéŋ hiég hiá Muɔ́n gá gueleé, mɔndɔ gidigid uwaádáabanaá hiɛ́ udianɛɛ́d hádɛ na Uhaluá, gɔgaá, wanábia nusɔ́da nuá ságásagá. 17Gá giagiá, Uhaluá umasádɔ́m Muɔ́n weg agá ɔdɛ́m na ɔdɛ́m huá bandɔ bá guísi, gá gueleé wasiág bɔ́ uguá nusésényi, gɔgaá, umadɔ́m yɔ́ áneé uguég, bábia gisódie. 18Mɔndɔ uwaáganaá ɔdɛ́m uguá Muɔ́n, bádianág yɔ́ uguá nusésényi, udiágan ɔdɛ́m básamanasɔ́mb gisan giég, gá giagiá umasuguág ɔdɛ́m uguá ɔhɛ́n huá idéŋ hiá Muɔ́n hiá Uhaluá. 19Ndénu guág uguá nusésényi guguényé: gise gímoól eguísi agá, gɔgaá bandɔ ebéyíd mbíne gudɔ́mb áneé bɔ́gɔ́l giɛ́, gá giagiá melélíe mɔ́b mányɛ gilɔg. 20Mɔndɔ uwalanɔ́ gilɔg waábina gise, udiákilan agá gise gá giagiá, weédíne áneé melélíe még má gilɔg mádibídambɔn. 21Gɔgaá, mɔndɔ unyaá uguá hómohómue, waáháman agá gise gá gueleé, bán agá budányɛ áneé unyɛ ŋŋɔ́bina na Uhaluá uguég guá melélíe.»
Na Yésuse na Sáŋa
22Egélém agányɛ, Yésuse uwɛɛ́d uguá gidɔŋ giá Yudé na bebinene bég, uwagígɛ́d guɔ́ gá maná ginɛŋ nɔɔ́nɔb, uweyumenye bandɔ. 23Sáŋa umabá súsɔ́n uyumenye bandɔ Enɔ́ŋ, mɔdɔg na Salím gá giagiá, mimbi mámabá hɔ́ giod. Bandɔ bómoólónín yɔ́ uyumenye bɔ́. 24Bámabá bámanyɛ bádiág yɔ́ uguá giansɛ giá mbíne. 25Bebinene bá Sáŋa bómodi abágɔns nségíe na maná bayúdɛn, gá busió buá melélíe mɔ́b má sulenye bigua. 26Bebinene bá Sáŋa abákilɛn yɔ́, ɔbɔ́yidɛn yɔ́ áneé: «Ehuínyihuínyi, mɔndɔ umaábá naánahɔ na agɔ́n unó wa Yuldɛ́ŋ uyɔɔ́ ɔ́mɔyá buónyi ubuɔ́ ényénú gég gá busió, úmuanyɛ súsɔ́n uganyɛ gá yumenye bandɔ, bandɔ gidigid báganyɛ gá guídanɛn yɔ́.» 27Sáŋa uwondinye bɔ́ áneé: «Mɔndɔ udibá wa bígɔ́lɛ́n buand, mmába Uhaluá usasáhuá yɔ́ buɔ́. 28Banuá mbánan nunyɛ bamaáná bámɛ áneé mmɔ́yɛd áneé: “Búdibá yaŋuá nnyaá Bémeyíde gɔgaá, nnyɛ mɔndɔ uyɔɔ́ Uhaluá úmadɔ́m uguég guá busió.” 29Mɔndɔ unyaá na ugándɔ únyaá ɔnɛ́m, mmába hana gá ogúl wa ɔnɛ́m waágíga mɔdɔg neéneg ubídɔ́lígɔn ugelu huá ogúl weg, úmɔɔ́b huɔ́ uhón na ibal, nɔ́ ibal hiámɛ hínya, hínyɛ ihíhónón. 30Búánigimanan áneé úmuanyɛ uguman, yaŋuá yondon bugédégéd.»
Uwoólonineé ugumɔn
31Uwoólonineé ugumɔn waádúmban bandɔ gidigid, unyaá wa guísi wɔɔ́guɔ́bɔnɛn na guísi, wond ugálgal muand muá guísi. Uwoólonineé ugumɔn, 32wɔɔ́guɔya ubuɔ́ úságuán naá ubuɔ́ úsɔ́guɔ́b, gɔgaá ta mɔndɔ udiáguádáaban guɔyɛd guá buónyi ubuɔ́ wényénú. 33Uwelimenyeé guɔyɛd guá buónyi ubuɔ́ wényenú weédíyenye áneé ubuɔ́ Uhaluá wɔ́yɔnɔ́ búnyɛ hómohómue. 34Gá giagiá, uyɔɔ́ Uhaluá úsadɔ́m wɔɔ́guɔya dugálɔ duá Uhaluá uweéŋeneé yɔ́ Gileénde giég kendegedie. 35Síe wɔɔ́guɔya Muɔ́n weg, gúu úmasúgídɛ́n yɔ́ muand gidigid uguég guá imbɔ́g. 36Uwaáganaá ɔdɛ́m uguá Muɔ́n, ugányɛ na nusɔ́da nuá ságásagá, udiɔ́bɔ́nɛ́n Muɔ́n udiánábia nusɔ́da gɔgaá, ilúnd hiá Uhaluá híágíga uguá waáguɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល