Sáŋa 21
21
Gubídíye guá Yésuse uguá buáyɛ buá máŋ
1Egélém agányɛ, Yésuse uwendebídíye agá eŋís ya bebinene bég. Búmabá uguá buáyɛ buá gisumb giá Tibeliád. Ana búmabídúmbán. 2Símune Piéle, Túmasia uyɔɔ́ bɔ́dɔ́ŋɔnaá áneé nibasiá, Natanayɛ́l wa gidɔŋ giá Kána uguá gibéyi giá guísi giá Galilé, baán bá Sebedé na bebinene báandɛ bómodi bámabá ɔlɔŋ. 3Símune Piéle uwɔyidɛn bɔ́ áneé: «Mmɛ́d gá ɔlɔ́g.» Obóndinye yɔ́ áneé: «Basuá súsɔ́n diáguídan naánahɔ.» Abáhám gá guɛ́d, abáyumɛn uguá ŋŋumba gɔgaá, na budúg ubugányɛ bɔ́mɔsúguɔ́n buand. 4Budúg na budúg, Yésuse umabá delimine agányɛ uguá ŋŋɛnd gɔgaá, bebinene bámasálɛns áneé búmabá úmuanyɛ. 5Yésuse uwɔyidɛn bɔ́ áneé: «Baán bámɛ, nudigódi gidám giá muɔb a?» Obóndinye yɔ́ áneé: «Ɛ́ɛɛ́.» 6Uwɔyidɛn bɔ́ áneé: «Nɔhɔ́nɔ́n buoli ɔmbɔ́g uhunɛ́m huá ŋŋumba nugɔɔ́gɔ́l.» Ɔbɔ́nɔh ɔbɔ́gɔ́l giod giá muɔ́b, bɔ́mɔsɔ́nduguɔ́d guyugie buoli. 7Ebinene uyɔɔ́ Yésuse úmɔyá giod uwɔyidɛn Piéle áneé: «Búnyɛ Ɔgúná!» Umɔɔ́mɔɔ́b áneé búnyɛ Ɔgúná, Símune Piéle uwabíág gisɔn giég giá gisas gá giagiá umabá nuɔ́l gudɔɔ́, uwabíádɛ́n uguá mimbi. 8Bebinene bóbómomi abáyɔg na ŋŋumba ból bɔ́gɔ́ga buoli ubúhónón na muɔb gá giagiá, bámasábá hádɛ na ŋŋɛnd buand hana étín átánɔ ya bamída. 9Bámaámáyɔg, ɔbɔ́dɔ́bígɔn dugɔ́nd eguísi, abán gigɔlɔ́gɔd giá yoógi na yɔb na gilɛ́d guɔ́ dɔbigina. 10Yésuse uwɔyidɛn bɔ́ áneé: «Ánaá núól na muɔb umuɔ́ númanyaá gulɔ́g na lɔ́g.» 11Símune Piéle uwandayumɛn uguá ŋŋumba, uwayɔn buoli ubúhónón na bidag edín atíndádɔ nomue na múad na múdádɔ, uwaág eguísi, ta hana muɔb múmabá giod, buoli búmasálahɔg. 12Yésuse uwɔyidɛn bɔ́ áneé: «Ánaá núól núásibígás biábɔ.» Ta ebinene omoómi umasábímadɛn gá guóhún yɔ́ áneé: «Aŋuá anyaá ányá?» Gá giagiá bámalinsan beseé na beseé áneé búnyɛ Ɔgúná. 13Yésuse uwakɛl gɔg uwɔgɔ́l gilɛ́d, uweéŋin bɔ́ uwal buand búmomi na yɔb. 14Búmabá uŋand huá gádádɔ uhuɔ́ Yésuse úmebídíye agá eŋís ya bebinene bég egélém gég gá hám uguá gibɛ́l.
Buóli buá begígbidúg buá Piéle
15Egélém gá gunyá, Yésuse uwoóhún Símune Piéle áneé: «Símune, muɔ́n wa Sáŋa, kásɛ ɔ́ŋɔya gudɔ́mb ɔbɔ a?» Uwondinye áneé: «Ɛɛ́ɛ, Ɔgúná eényi áneé yɔ́guɔya.» Yésuse uwɔyidɛn yɔ́ áneé: «Oyé baán bámɛ bá bidúmbúa.» 16Gá uŋand huá gáandɛ, uwonduguóhún yɔ́ áneé: «Símune, muɔ́n wa Sáŋa, ɔ́ŋɔya a?» Uwondinye yɔ́ áneé: «Ɛɛ́ɛ, Ɔgúná yɔ́guɔya.» Yésuse uwondinye yɔ́ áneé: «Bá egíg wa bidúmbúa biámɛ.» 17Gá uŋand huá gádádɔ, uwonduguóhún yɔ́ áneé: «Símune, muɔ́n wa Sáŋa, ɔ́ŋɔya a?» Nuɔ́l nuá Piéle unúásulɔgɔg hana Yésuse úmondínyé ŋŋóhúnín igányɛ gá uŋand huá gádádɔ áneé: «Ɔ́ŋɔya a?» Uwondinye áneé: «Ɔgúná aálinsan buand gidigid, eényi beseé na beseé áneé yɔ́guɔya.» Yésuse uwɔyidɛn yɔ́ áneé: «Oyé bidúmbúa biámɛ. 18Yɔ́guɔyɔn buɔ́, uguá hómohómue, uguá hómohómue, uguá ginɛŋ igiɛ́ ámabá amanyɛ gidɛnd, amabá abíbíágánɛn gisɔn giáhɔ, iídán agá buhɔɔ́m ubuɔ́ ámabá ɔya, uguáhɔ guá bulun anábá aganuna imbɔ́g, sɔ́gá odoódi uguguág gisɔn giáhɔ, wɛɛ́d naánahɔ agá hɔɔ́m ɔhɔɔ́ ɔ́diɔya.» 19Uguá dugálɔ udugányɛ, Yésuse umodógínye Piéle bunigué ubuɔ́ wénéguenú gá búlúgie Uhaluá, egélém agányɛ uwɔyidɛn yɔ́ áneé: «Mbínídín.»
Yésuse na ebinene uyɔɔ́ úmɔyá
20Piéle uwabígagalɛd uwaán ebinene uyɔɔ́ Yésuse úmɔyá giod, ebinene waáguɔ́, úmaágíŋímínɛn Yésuse gá guóhún yɔ́ uguá odú agaá bámanyánán áneé: «Ɔgúná, ányá ugógiónú?» 21Piéle Umaámán ebinene waáguɔ́, uwoóhún Yésuse áneé: «Úmuanyɛ gɔg Ɔgúná giagɛ igíénégíne yɔ́?» 22Yésuse uwondinye yɔ́ áneé: «Mmɔ́ya áneé usɔ́dɔn gueneg uguá ginɛŋ igiɛ́ yónólosiondónú, giagɛ igíbíyiganaá? Aŋuá, mbínídín.» 23Búnyɛ uguá nugálɔ unugányɛ nsɔ́m ímesegidinye uguá ɔlɔŋ huá beédébi bá Klístus áneé ebinene ugányɛ udienégué, henyé gɔg áneé Yésuse umɔsúguɔyidɛn yɔ́ áneé udienégué gɔgaá umɔyidɛn yɔ́ áneé: «Mmɔ́ya áneé usɔ́dɔn gueneg uguá ginɛŋ igiɛ́ yónólosiondónú, giagɛ igíbíyiganaá?» 24Búnyɛ ebinene waáguɔ́ umaán moónyi amagányɛ, úmɔɔ́ŋa mɔ́ gúu dímúnyanaá áneé guɔyɛd guég guá buónyi ubuɔ́ weényénú, gúnyɛ hómohómue.
25Yésuse umandáguala giod giá muand igínya áneé dímɔ́ŋa giɛ́ gédúdugédúdu, yeégedenye áneé guísi gidigid gúdiɔ́d gusamb mubu umuɔ́ dínya diá guɔ́ŋa.
ទើបបានជ្រើសរើសហើយ៖
Sáŋa 21: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 21
21
Gubídíye guá Yésuse uguá buáyɛ buá máŋ
1Egélém agányɛ, Yésuse uwendebídíye agá eŋís ya bebinene bég. Búmabá uguá buáyɛ buá gisumb giá Tibeliád. Ana búmabídúmbán. 2Símune Piéle, Túmasia uyɔɔ́ bɔ́dɔ́ŋɔnaá áneé nibasiá, Natanayɛ́l wa gidɔŋ giá Kána uguá gibéyi giá guísi giá Galilé, baán bá Sebedé na bebinene báandɛ bómodi bámabá ɔlɔŋ. 3Símune Piéle uwɔyidɛn bɔ́ áneé: «Mmɛ́d gá ɔlɔ́g.» Obóndinye yɔ́ áneé: «Basuá súsɔ́n diáguídan naánahɔ.» Abáhám gá guɛ́d, abáyumɛn uguá ŋŋumba gɔgaá, na budúg ubugányɛ bɔ́mɔsúguɔ́n buand. 4Budúg na budúg, Yésuse umabá delimine agányɛ uguá ŋŋɛnd gɔgaá, bebinene bámasálɛns áneé búmabá úmuanyɛ. 5Yésuse uwɔyidɛn bɔ́ áneé: «Baán bámɛ, nudigódi gidám giá muɔb a?» Obóndinye yɔ́ áneé: «Ɛ́ɛɛ́.» 6Uwɔyidɛn bɔ́ áneé: «Nɔhɔ́nɔ́n buoli ɔmbɔ́g uhunɛ́m huá ŋŋumba nugɔɔ́gɔ́l.» Ɔbɔ́nɔh ɔbɔ́gɔ́l giod giá muɔ́b, bɔ́mɔsɔ́nduguɔ́d guyugie buoli. 7Ebinene uyɔɔ́ Yésuse úmɔyá giod uwɔyidɛn Piéle áneé: «Búnyɛ Ɔgúná!» Umɔɔ́mɔɔ́b áneé búnyɛ Ɔgúná, Símune Piéle uwabíág gisɔn giég giá gisas gá giagiá umabá nuɔ́l gudɔɔ́, uwabíádɛ́n uguá mimbi. 8Bebinene bóbómomi abáyɔg na ŋŋumba ból bɔ́gɔ́ga buoli ubúhónón na muɔb gá giagiá, bámasábá hádɛ na ŋŋɛnd buand hana étín átánɔ ya bamída. 9Bámaámáyɔg, ɔbɔ́dɔ́bígɔn dugɔ́nd eguísi, abán gigɔlɔ́gɔd giá yoógi na yɔb na gilɛ́d guɔ́ dɔbigina. 10Yésuse uwɔyidɛn bɔ́ áneé: «Ánaá núól na muɔb umuɔ́ númanyaá gulɔ́g na lɔ́g.» 11Símune Piéle uwandayumɛn uguá ŋŋumba, uwayɔn buoli ubúhónón na bidag edín atíndádɔ nomue na múad na múdádɔ, uwaág eguísi, ta hana muɔb múmabá giod, buoli búmasálahɔg. 12Yésuse uwɔyidɛn bɔ́ áneé: «Ánaá núól núásibígás biábɔ.» Ta ebinene omoómi umasábímadɛn gá guóhún yɔ́ áneé: «Aŋuá anyaá ányá?» Gá giagiá bámalinsan beseé na beseé áneé búnyɛ Ɔgúná. 13Yésuse uwakɛl gɔg uwɔgɔ́l gilɛ́d, uweéŋin bɔ́ uwal buand búmomi na yɔb. 14Búmabá uŋand huá gádádɔ uhuɔ́ Yésuse úmebídíye agá eŋís ya bebinene bég egélém gég gá hám uguá gibɛ́l.
Buóli buá begígbidúg buá Piéle
15Egélém gá gunyá, Yésuse uwoóhún Símune Piéle áneé: «Símune, muɔ́n wa Sáŋa, kásɛ ɔ́ŋɔya gudɔ́mb ɔbɔ a?» Uwondinye áneé: «Ɛɛ́ɛ, Ɔgúná eényi áneé yɔ́guɔya.» Yésuse uwɔyidɛn yɔ́ áneé: «Oyé baán bámɛ bá bidúmbúa.» 16Gá uŋand huá gáandɛ, uwonduguóhún yɔ́ áneé: «Símune, muɔ́n wa Sáŋa, ɔ́ŋɔya a?» Uwondinye yɔ́ áneé: «Ɛɛ́ɛ, Ɔgúná yɔ́guɔya.» Yésuse uwondinye yɔ́ áneé: «Bá egíg wa bidúmbúa biámɛ.» 17Gá uŋand huá gádádɔ, uwonduguóhún yɔ́ áneé: «Símune, muɔ́n wa Sáŋa, ɔ́ŋɔya a?» Nuɔ́l nuá Piéle unúásulɔgɔg hana Yésuse úmondínyé ŋŋóhúnín igányɛ gá uŋand huá gádádɔ áneé: «Ɔ́ŋɔya a?» Uwondinye áneé: «Ɔgúná aálinsan buand gidigid, eényi beseé na beseé áneé yɔ́guɔya.» Yésuse uwɔyidɛn yɔ́ áneé: «Oyé bidúmbúa biámɛ. 18Yɔ́guɔyɔn buɔ́, uguá hómohómue, uguá hómohómue, uguá ginɛŋ igiɛ́ ámabá amanyɛ gidɛnd, amabá abíbíágánɛn gisɔn giáhɔ, iídán agá buhɔɔ́m ubuɔ́ ámabá ɔya, uguáhɔ guá bulun anábá aganuna imbɔ́g, sɔ́gá odoódi uguguág gisɔn giáhɔ, wɛɛ́d naánahɔ agá hɔɔ́m ɔhɔɔ́ ɔ́diɔya.» 19Uguá dugálɔ udugányɛ, Yésuse umodógínye Piéle bunigué ubuɔ́ wénéguenú gá búlúgie Uhaluá, egélém agányɛ uwɔyidɛn yɔ́ áneé: «Mbínídín.»
Yésuse na ebinene uyɔɔ́ úmɔyá
20Piéle uwabígagalɛd uwaán ebinene uyɔɔ́ Yésuse úmɔyá giod, ebinene waáguɔ́, úmaágíŋímínɛn Yésuse gá guóhún yɔ́ uguá odú agaá bámanyánán áneé: «Ɔgúná, ányá ugógiónú?» 21Piéle Umaámán ebinene waáguɔ́, uwoóhún Yésuse áneé: «Úmuanyɛ gɔg Ɔgúná giagɛ igíénégíne yɔ́?» 22Yésuse uwondinye yɔ́ áneé: «Mmɔ́ya áneé usɔ́dɔn gueneg uguá ginɛŋ igiɛ́ yónólosiondónú, giagɛ igíbíyiganaá? Aŋuá, mbínídín.» 23Búnyɛ uguá nugálɔ unugányɛ nsɔ́m ímesegidinye uguá ɔlɔŋ huá beédébi bá Klístus áneé ebinene ugányɛ udienégué, henyé gɔg áneé Yésuse umɔsúguɔyidɛn yɔ́ áneé udienégué gɔgaá umɔyidɛn yɔ́ áneé: «Mmɔ́ya áneé usɔ́dɔn gueneg uguá ginɛŋ igiɛ́ yónólosiondónú, giagɛ igíbíyiganaá?» 24Búnyɛ ebinene waáguɔ́ umaán moónyi amagányɛ, úmɔɔ́ŋa mɔ́ gúu dímúnyanaá áneé guɔyɛd guég guá buónyi ubuɔ́ weényénú, gúnyɛ hómohómue.
25Yésuse umandáguala giod giá muand igínya áneé dímɔ́ŋa giɛ́ gédúdugédúdu, yeégedenye áneé guísi gidigid gúdiɔ́d gusamb mubu umuɔ́ dínya diá guɔ́ŋa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល