Sáŋa 1
1
Magunsa má mbɔba
1Agá magunsa má buand gidigid Nugálua umabá uganyɛ hɔ́,
úmuanyɛ Nugálua umabá na Uhaluá, úmuanyɛ úmaábá Uhaluá.
2Úmuanyɛ Nugálua, umabá agá magunsa na Uhaluá.
3Gá gueleé, muand gidigid múásibá, múmadúmbánɛ́n uguég,
ta buand búmomi búmasábíal kanda Nugálua.
4Uguég ndínyi ya nusɔ́da ímabá,
nusɔ́da unugányɛ númabá gise igíbunyanɔ́ bandɔ.
5Gise gíábunya uguá mbíne,
gɔgaá mbíne imesénúgie.
6Uguá ginɛŋ gímodi, Uhaluá umadɔ́m mɔndɔ ɔhɛ́n áneé Sáŋa.
7Umoól hana amaáná gá guɔya ubuɔ́ úmúnyanaá gá busió buá gise gá gueleé uguá giɛ́, bandɔ gidigid bádáab.
8Úmuanyɛ mbánan umasábá gise, gɔgaá umoól gá guɔya buónyi ubuɔ́ wényénú gá busió buá gise.
9Nugálua umabá gise giá hómohómue, igísusanaá uguísi uguɔ gá gueleé gíbunya bandɔ gidigid.
10Mɔndɔ úmaábá Nugálua umoól uguísi,
Uhaluá umal buand gidigid uguég,
gɔgaá guísi gúmasálɛns yɔ́.
11Umoól uguadá guég guá gidɔŋ,
gɔgaá bɔ́gɔ́b bámasánágɛn yɔ́.
12Gɔgaá, abámanágɛn yɔ́ obónd abág ɔdɛ́m uguég, umeéŋin bɔ́ buŋaŋa buá guáyɛ baán bá Uhaluá.
13Bémesébíbíén hana ɔnúmɔndɔ úbídíganaá ugándɔ gá bíén, búmasábá uguá guɔyɛd guá bunyɛ bandɔ gɔgaá, bámáyɛ baán bá Uhaluá gá giagiá úmeéŋin bɔ́ nusɔ́da unugɔ́sɛ.
14Nugálua umaáyɛ mɔndɔ,
uwesidugumin naánasɔ ohónón na magɔg na hómohómue.
Dián nigúmi niég,
nigúmi iniɛ́ ímosíe hiá Muɔ́n hídáŋábanɔ́ uguá Síe.
15Sáŋa umoól hana amaáná gá guɔya buónyi ubuɔ́ wényénú gá busió buá Nugálua áneé:
«Ndénu mɔndɔ uyɔɔ́ mmɔ́núɔyɔn gɔg áneé: “Woóguólon uguámɛ guélém, gɔgaá unyɛ giandá gundɔ́mb yaŋuá, gá giagiá yaŋuá mmaágásibá úmuanyɛ umabá ugányɛ.”»
16Gá giagiá, hana únya ohónón na ginɔ́g giá ɔdɛ́m, buand buáguɔ́ úmadíhuá basuá gidigid giod giá magɔg na guɔ́hígɔn.
17Mmába gigodi gímonódiólin uguá Mɔ́sɛsa, magɔg gɔg na hómohómue múmonódiólin uguá Yésuse Klístus.
18Mɔndɔ umanyɛ udián Uhaluá ta buɔ́sɛ, gɔgaá ímosíe hiá Muɔ́n ihínya Uhaluá ihínya súsɔ́n dugumine agá mɔyɛ má Síe, hímuanyɛ hímomi hímal áneé dilɛns yɔ́.
Ŋŋɔyida ya Sáŋa
(Mat 3.1-12; Mál 1.2-8; Lúk 3.15-17)
19Ndénu buónyi ubuɔ́ Sáŋa úmɔyá gá busió buá Yésuse, uguá ginɛŋ igiɛ́ ihiligine hiá bayúdɛn hímadúmɛ́n yɔ́ bedúmbinusámb na balefít guonoólin Yelusalɛ́m: Gá guóhún yɔ́ ŋŋóhúnín iyɛ áneé: «Anyɛ ányá?» 20Sáŋa umagálgál agá budányɛ wɔya áneé: «Búdibá yaŋuá nnyaá Bémeyíde.» 21Obónduguóhún yɔ́ áneé: «Anyɛ ányá gɔg? Búnyɛ aŋuá anyaá Elí a?» Uwondinye áneé: «Ɛ́ɛɛ́, ndibá Elí.» «Anyɛ ebunebúné a?» Sáŋa uwondinye áneé: «Ɛ́ɛɛ́.» 22Ɔbɔ́yidɛn yɔ́ áneé: «Anyɛ gɔg ányá?» Búánigimanan áneé diondin bandɔ abásadídɔ́m na ŋŋondínyi. «Giagɛ igiɛ́ ɔ́yɔnɔ́ gáhɔ gá busió aŋuá mbánan?» 23Sáŋa uwɔyidɛn bɔ́ agá budányɛ hana nugálɔ nuá ebunebúné Esayí núɔyɔnɔ́ áneé: «Nnyɛ ugelu uhúkékenyeé agá uhambɛ áneé: Ánaá núhine ŋŋil ya Ɔgúná.» 24Henyé bandɔ ɔbɔɔ́ bámadúmɛ́n Sáŋa abagányɛ bámabá bafalisiɛ́ŋ. 25Ebédúmbenye na guóhon yɔ́ ŋŋóhúnín, bóhon yɔ́ áneé: «Mmába adibá Bémeyíde, ta Elí, ta ebunebúné gá giagɛ gɔg éyumenyeé bandɔ?» 26Sáŋa uwondinye bɔ́ áneé: «Yaŋuá yeéyumenye bandɔ uguá mimbi, gɔgaá mɔndɔ unyɛ agánɔ gá ɔdɛ́m na ɔdɛ́m uyɔɔ́ núdialinsan.» 27Woóguólon uguámɛ guá gélém, ndiánigimanan muɛ́d na sulun nuoli nuég nuá gisílíbas. 28Muand umugányɛ gidigid múmabídúmbán uguá gidɔŋ gímodi igiɛ́ bɔ́dɔ́ŋɔnaá áneé Betaní, na agɔ́n unó wa usaá huá Yuldɛ́ŋ, agá hɔɔ́m ɔhɔɔ́ Sáŋa úmeyuményé bandɔ.
Yésuse muɔ́n wa gidúmbúa giá Uhaluá
29Mémbélényi, Sáŋa uwaán Yésuse woólonin yɔ́ uwɔyɛd gɔg áneé: «Muɔ́n wa gidúmbúa giá Uhaluá uyɔɔ́ wódóŋinye gá guólie gilɔm giá gilɔga giá bandɔ bá guísi uguɔ unó.» 30Búnyɛ gég gá busió mmɔ́ya áneé: «Mɔndɔ woóguólon uguámɛ guá gélém, umebué gámɛ gá gueleé yaŋuá yasibá, úmuanyɛ umabá uganyɛ. 31Yaŋuá mbánan mmasálinsan yɔ́, gɔgaá mmoól gá yumenye bandɔ uguá mimbi gá gueleé buán buá Íslayɛ́l búlɛns yɔ́. 32Guond Sáŋa umɔya buónyi ubuɔ́ wényénú gá busió buá Bémeyíde áneé: “Yaán Gileénde giá Budányɛ gususanɛn ugumɔn hana mbɛŋ ya nsɔŋ mbúlúa, igíágíga neéneg. 33Yaŋuá mbánan mmasálinsan yɔ́, gɔgaá mɔndɔ umaándɔ́m gá yumenye uguá mimbi, umɔŋɔyídɛ́n áneé: Mɔndɔ uyɔɔ́ Gileénde giá Budányɛ gíánásusinaá, gígíga neéneg, úmuanyɛ úyuményé uguá Gileénde giá Budányɛ. 34Yaŋuá mbánan mmaán, gúu ŋŋindenyeé áneé búnyɛ úmuanyɛ únyaá Muɔ́n wa Uhaluá.”»
Bebinene bá Yésuse bá busió
35Mémbélényi, Sáŋa umabá umanyɛ agá hɔɔ́m háguɔ́ na bebinene bég bómodi báandɛ. 36Uwabílíŋídɛn Yésuse wanda, uwɔyɛd áneé: «Muɔ́n wa gidúmbúa wa Uhaluá uyɔ.» 37Bebinene bég bá báandɛ abagányɛ bɔ́mɔɔ́mɔɔ́b dugálɔ udugányɛ ebébinidin Yésuse. 38Yésuse uwabígagalɛd uwaán áneé bámabá bébinen yɔ́, uwoóhún bɔ́ áneé: «Giagɛ igiɛ́ núámbanɔ?» Obóndinye yɔ́ áneé: «Lábi, anagányɛ gúnya áneé: Ehuínyihuínyi, hanyɛ agaá ágíganɔ́?» 39Yésuse uwondinye bɔ́ áneé: «Ánaá nuól nugaáguán.» Abɛ́d gɔg abán buhɔɔ́m ubuɔ́ úgíganɔ́, abágíga neéneg ŋŋim ya buɔ́sɛ, búmasɛɛ́d ala bisigɛl bíníhi. 40Andlé, gisɔ́nd giá Símune Piéle, umabá mɔndɔ wa omoómi uguá ɔlɔŋ huá bandɔ ɔbɔ́mɔ́b dugálɔ duá Sáŋa obónd ebébinidin Yésuse. 41Bámaámádándúgan na Yésuse, Andlé uwagaguánaán gisɔ́nd giég Símune uwɔyidɛn yɔ́ áneé: «Disaán Bémeyíde!» Anagányɛ gúnya áneé Klístus. 42Andlé uwɛɛ́d neéneg agá Yésuse, Yésuse uwabíyigan yɔ́ soloóŋ uwɔyidɛn yɔ́ áneé: «Anyɛ ɔhɛ́n áneé Símune, muɔ́n wa Sáŋa, dabdab bɔ́gɔdɔ́ŋɔn áneé Séfas#1.42 Séfas, na nugálɔ nuá bayúdɛn búnyɛ nidányɛ. » Anagányɛ gúnya áneé Piéle. 43Mémbélényi, Yésuse uwɔyɛd guɛ́d Galilé. Uwaádán na Fílibe uwɔyidɛn yɔ́ áneé: «Mbínídín.» 44Henyé, Fílibe umabá mɔndɔ wa Bɛtsayída, tísɔna wa Piéle na Andlé. 45Fílibe uwɛɛ́d uwenegégie Natanayɛ́l, uwɔyidɛn yɔ́ áneé: «Disaán mɔndɔ uyɔɔ́ Mɔ́sɛsa úmɔyá buónyi buég uguá yubu hiá bigodi, bebunebúné súsɔ́n bɔ́mɔyá buónyi buég. Búnyɛ Yésuse wa Nasalɛ́d, muɔ́n wa Yɔ́sɛba.» 46Natanayɛ́l uwoóhún yɔ́ áneé: «kásɛ ginɔ́g giá buand gínyɛ giá hámɛ́n Nasalɛ́d a?» Fílibe uwɔyidɛn yɔ́ áneé: «Ógún, anaán.» 47Yésuse umaámáan Natanayɛ́l guonoólín yɔ́, uwɔyɛd gég gá busió áneé: «Mbanda ya Íslayɛ́l iyeényé, udibá abánbán.» 48Natanayɛ́l uwoóhún yɔ́ áneé: «Álinsan guólín hanyɛ?» Uwondinye yɔ́ áneé: «Gá gueleé Fílibe wɔsidɔ́ŋɛ́ɛn, nsabá mmáguán uguísi guá budɛ́ ubuɔ́ bɔ́dɔ́ŋɔnaá áneé bufigíe.» 49Natanayɛ́l uwɔyɛd gɔg áneé: «Lábi, anagányɛ gúnya áneé Ehuínyihuínyi, anyɛ Muɔ́n wa Uhaluá, anyɛ ofuŋ huá Íslayɛ́l.» 50Yésuse uwɔyidɛn yɔ́ áneé: «Hana mmɔ́guɔyídɛ́n áneé nsaguán uguísi guá budɛ́ ubuɔ́ bɔ́dɔ́ŋɔ́naá áneé bufigíe, gúu ámág ɔdɛ́m a? Aganduguán biandá biá muand guandadɔ́mb.» 51Yésuse uwɔnduguɔyɛd áneé: «Ɛɛ́ɛ, yɔɔ́núɔyɔn buɔ́, uguá hómohómue, uguá hómohómue, nuanán gumɔn ugúbíbúnén, bilúna biá Uhaluá bíbúlíganɛn bísusanɛn uguá Muɔ́n wa mɔndɔ.»
ទើបបានជ្រើសរើសហើយ៖
Sáŋa 1: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 1
1
Magunsa má mbɔba
1Agá magunsa má buand gidigid Nugálua umabá uganyɛ hɔ́,
úmuanyɛ Nugálua umabá na Uhaluá, úmuanyɛ úmaábá Uhaluá.
2Úmuanyɛ Nugálua, umabá agá magunsa na Uhaluá.
3Gá gueleé, muand gidigid múásibá, múmadúmbánɛ́n uguég,
ta buand búmomi búmasábíal kanda Nugálua.
4Uguég ndínyi ya nusɔ́da ímabá,
nusɔ́da unugányɛ númabá gise igíbunyanɔ́ bandɔ.
5Gise gíábunya uguá mbíne,
gɔgaá mbíne imesénúgie.
6Uguá ginɛŋ gímodi, Uhaluá umadɔ́m mɔndɔ ɔhɛ́n áneé Sáŋa.
7Umoól hana amaáná gá guɔya ubuɔ́ úmúnyanaá gá busió buá gise gá gueleé uguá giɛ́, bandɔ gidigid bádáab.
8Úmuanyɛ mbánan umasábá gise, gɔgaá umoól gá guɔya buónyi ubuɔ́ wényénú gá busió buá gise.
9Nugálua umabá gise giá hómohómue, igísusanaá uguísi uguɔ gá gueleé gíbunya bandɔ gidigid.
10Mɔndɔ úmaábá Nugálua umoól uguísi,
Uhaluá umal buand gidigid uguég,
gɔgaá guísi gúmasálɛns yɔ́.
11Umoól uguadá guég guá gidɔŋ,
gɔgaá bɔ́gɔ́b bámasánágɛn yɔ́.
12Gɔgaá, abámanágɛn yɔ́ obónd abág ɔdɛ́m uguég, umeéŋin bɔ́ buŋaŋa buá guáyɛ baán bá Uhaluá.
13Bémesébíbíén hana ɔnúmɔndɔ úbídíganaá ugándɔ gá bíén, búmasábá uguá guɔyɛd guá bunyɛ bandɔ gɔgaá, bámáyɛ baán bá Uhaluá gá giagiá úmeéŋin bɔ́ nusɔ́da unugɔ́sɛ.
14Nugálua umaáyɛ mɔndɔ,
uwesidugumin naánasɔ ohónón na magɔg na hómohómue.
Dián nigúmi niég,
nigúmi iniɛ́ ímosíe hiá Muɔ́n hídáŋábanɔ́ uguá Síe.
15Sáŋa umoól hana amaáná gá guɔya buónyi ubuɔ́ wényénú gá busió buá Nugálua áneé:
«Ndénu mɔndɔ uyɔɔ́ mmɔ́núɔyɔn gɔg áneé: “Woóguólon uguámɛ guélém, gɔgaá unyɛ giandá gundɔ́mb yaŋuá, gá giagiá yaŋuá mmaágásibá úmuanyɛ umabá ugányɛ.”»
16Gá giagiá, hana únya ohónón na ginɔ́g giá ɔdɛ́m, buand buáguɔ́ úmadíhuá basuá gidigid giod giá magɔg na guɔ́hígɔn.
17Mmába gigodi gímonódiólin uguá Mɔ́sɛsa, magɔg gɔg na hómohómue múmonódiólin uguá Yésuse Klístus.
18Mɔndɔ umanyɛ udián Uhaluá ta buɔ́sɛ, gɔgaá ímosíe hiá Muɔ́n ihínya Uhaluá ihínya súsɔ́n dugumine agá mɔyɛ má Síe, hímuanyɛ hímomi hímal áneé dilɛns yɔ́.
Ŋŋɔyida ya Sáŋa
(Mat 3.1-12; Mál 1.2-8; Lúk 3.15-17)
19Ndénu buónyi ubuɔ́ Sáŋa úmɔyá gá busió buá Yésuse, uguá ginɛŋ igiɛ́ ihiligine hiá bayúdɛn hímadúmɛ́n yɔ́ bedúmbinusámb na balefít guonoólin Yelusalɛ́m: Gá guóhún yɔ́ ŋŋóhúnín iyɛ áneé: «Anyɛ ányá?» 20Sáŋa umagálgál agá budányɛ wɔya áneé: «Búdibá yaŋuá nnyaá Bémeyíde.» 21Obónduguóhún yɔ́ áneé: «Anyɛ ányá gɔg? Búnyɛ aŋuá anyaá Elí a?» Uwondinye áneé: «Ɛ́ɛɛ́, ndibá Elí.» «Anyɛ ebunebúné a?» Sáŋa uwondinye áneé: «Ɛ́ɛɛ́.» 22Ɔbɔ́yidɛn yɔ́ áneé: «Anyɛ gɔg ányá?» Búánigimanan áneé diondin bandɔ abásadídɔ́m na ŋŋondínyi. «Giagɛ igiɛ́ ɔ́yɔnɔ́ gáhɔ gá busió aŋuá mbánan?» 23Sáŋa uwɔyidɛn bɔ́ agá budányɛ hana nugálɔ nuá ebunebúné Esayí núɔyɔnɔ́ áneé: «Nnyɛ ugelu uhúkékenyeé agá uhambɛ áneé: Ánaá núhine ŋŋil ya Ɔgúná.» 24Henyé bandɔ ɔbɔɔ́ bámadúmɛ́n Sáŋa abagányɛ bámabá bafalisiɛ́ŋ. 25Ebédúmbenye na guóhon yɔ́ ŋŋóhúnín, bóhon yɔ́ áneé: «Mmába adibá Bémeyíde, ta Elí, ta ebunebúné gá giagɛ gɔg éyumenyeé bandɔ?» 26Sáŋa uwondinye bɔ́ áneé: «Yaŋuá yeéyumenye bandɔ uguá mimbi, gɔgaá mɔndɔ unyɛ agánɔ gá ɔdɛ́m na ɔdɛ́m uyɔɔ́ núdialinsan.» 27Woóguólon uguámɛ guá gélém, ndiánigimanan muɛ́d na sulun nuoli nuég nuá gisílíbas. 28Muand umugányɛ gidigid múmabídúmbán uguá gidɔŋ gímodi igiɛ́ bɔ́dɔ́ŋɔnaá áneé Betaní, na agɔ́n unó wa usaá huá Yuldɛ́ŋ, agá hɔɔ́m ɔhɔɔ́ Sáŋa úmeyuményé bandɔ.
Yésuse muɔ́n wa gidúmbúa giá Uhaluá
29Mémbélényi, Sáŋa uwaán Yésuse woólonin yɔ́ uwɔyɛd gɔg áneé: «Muɔ́n wa gidúmbúa giá Uhaluá uyɔɔ́ wódóŋinye gá guólie gilɔm giá gilɔga giá bandɔ bá guísi uguɔ unó.» 30Búnyɛ gég gá busió mmɔ́ya áneé: «Mɔndɔ woóguólon uguámɛ guá gélém, umebué gámɛ gá gueleé yaŋuá yasibá, úmuanyɛ umabá uganyɛ. 31Yaŋuá mbánan mmasálinsan yɔ́, gɔgaá mmoól gá yumenye bandɔ uguá mimbi gá gueleé buán buá Íslayɛ́l búlɛns yɔ́. 32Guond Sáŋa umɔya buónyi ubuɔ́ wényénú gá busió buá Bémeyíde áneé: “Yaán Gileénde giá Budányɛ gususanɛn ugumɔn hana mbɛŋ ya nsɔŋ mbúlúa, igíágíga neéneg. 33Yaŋuá mbánan mmasálinsan yɔ́, gɔgaá mɔndɔ umaándɔ́m gá yumenye uguá mimbi, umɔŋɔyídɛ́n áneé: Mɔndɔ uyɔɔ́ Gileénde giá Budányɛ gíánásusinaá, gígíga neéneg, úmuanyɛ úyuményé uguá Gileénde giá Budányɛ. 34Yaŋuá mbánan mmaán, gúu ŋŋindenyeé áneé búnyɛ úmuanyɛ únyaá Muɔ́n wa Uhaluá.”»
Bebinene bá Yésuse bá busió
35Mémbélényi, Sáŋa umabá umanyɛ agá hɔɔ́m háguɔ́ na bebinene bég bómodi báandɛ. 36Uwabílíŋídɛn Yésuse wanda, uwɔyɛd áneé: «Muɔ́n wa gidúmbúa wa Uhaluá uyɔ.» 37Bebinene bég bá báandɛ abagányɛ bɔ́mɔɔ́mɔɔ́b dugálɔ udugányɛ ebébinidin Yésuse. 38Yésuse uwabígagalɛd uwaán áneé bámabá bébinen yɔ́, uwoóhún bɔ́ áneé: «Giagɛ igiɛ́ núámbanɔ?» Obóndinye yɔ́ áneé: «Lábi, anagányɛ gúnya áneé: Ehuínyihuínyi, hanyɛ agaá ágíganɔ́?» 39Yésuse uwondinye bɔ́ áneé: «Ánaá nuól nugaáguán.» Abɛ́d gɔg abán buhɔɔ́m ubuɔ́ úgíganɔ́, abágíga neéneg ŋŋim ya buɔ́sɛ, búmasɛɛ́d ala bisigɛl bíníhi. 40Andlé, gisɔ́nd giá Símune Piéle, umabá mɔndɔ wa omoómi uguá ɔlɔŋ huá bandɔ ɔbɔ́mɔ́b dugálɔ duá Sáŋa obónd ebébinidin Yésuse. 41Bámaámádándúgan na Yésuse, Andlé uwagaguánaán gisɔ́nd giég Símune uwɔyidɛn yɔ́ áneé: «Disaán Bémeyíde!» Anagányɛ gúnya áneé Klístus. 42Andlé uwɛɛ́d neéneg agá Yésuse, Yésuse uwabíyigan yɔ́ soloóŋ uwɔyidɛn yɔ́ áneé: «Anyɛ ɔhɛ́n áneé Símune, muɔ́n wa Sáŋa, dabdab bɔ́gɔdɔ́ŋɔn áneé Séfas#1.42 Séfas, na nugálɔ nuá bayúdɛn búnyɛ nidányɛ. » Anagányɛ gúnya áneé Piéle. 43Mémbélényi, Yésuse uwɔyɛd guɛ́d Galilé. Uwaádán na Fílibe uwɔyidɛn yɔ́ áneé: «Mbínídín.» 44Henyé, Fílibe umabá mɔndɔ wa Bɛtsayída, tísɔna wa Piéle na Andlé. 45Fílibe uwɛɛ́d uwenegégie Natanayɛ́l, uwɔyidɛn yɔ́ áneé: «Disaán mɔndɔ uyɔɔ́ Mɔ́sɛsa úmɔyá buónyi buég uguá yubu hiá bigodi, bebunebúné súsɔ́n bɔ́mɔyá buónyi buég. Búnyɛ Yésuse wa Nasalɛ́d, muɔ́n wa Yɔ́sɛba.» 46Natanayɛ́l uwoóhún yɔ́ áneé: «kásɛ ginɔ́g giá buand gínyɛ giá hámɛ́n Nasalɛ́d a?» Fílibe uwɔyidɛn yɔ́ áneé: «Ógún, anaán.» 47Yésuse umaámáan Natanayɛ́l guonoólín yɔ́, uwɔyɛd gég gá busió áneé: «Mbanda ya Íslayɛ́l iyeényé, udibá abánbán.» 48Natanayɛ́l uwoóhún yɔ́ áneé: «Álinsan guólín hanyɛ?» Uwondinye yɔ́ áneé: «Gá gueleé Fílibe wɔsidɔ́ŋɛ́ɛn, nsabá mmáguán uguísi guá budɛ́ ubuɔ́ bɔ́dɔ́ŋɔnaá áneé bufigíe.» 49Natanayɛ́l uwɔyɛd gɔg áneé: «Lábi, anagányɛ gúnya áneé Ehuínyihuínyi, anyɛ Muɔ́n wa Uhaluá, anyɛ ofuŋ huá Íslayɛ́l.» 50Yésuse uwɔyidɛn yɔ́ áneé: «Hana mmɔ́guɔyídɛ́n áneé nsaguán uguísi guá budɛ́ ubuɔ́ bɔ́dɔ́ŋɔ́naá áneé bufigíe, gúu ámág ɔdɛ́m a? Aganduguán biandá biá muand guandadɔ́mb.» 51Yésuse uwɔnduguɔyɛd áneé: «Ɛɛ́ɛ, yɔɔ́núɔyɔn buɔ́, uguá hómohómue, uguá hómohómue, nuanán gumɔn ugúbíbúnén, bilúna biá Uhaluá bíbúlíganɛn bísusanɛn uguá Muɔ́n wa mɔndɔ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល