Melélíe 5
5
1Gɔgaá, mɔndɔ omodi ɔhɛ́n áneé Ananías uwahám ugelu na ugányɛ weg Safíla, ebédué guísi guɔ́b. 2Uwandahám ugelu na ugányɛ áneé, uguá ŋŋúme ya gidué giá guísi, bánamb gibéyi, ŋŋúme imeésíen ebéneéŋín medenyi. 3Gɔgaá, Piéle uwɔyidɛn Ananías áneé: «Gá giagɛ Sátan wóhón agáhɔ gá ɔdɛ́m? Ɔnɔ́ŋ Gileénde giá Budányɛ ogond aganamb gibéyi giá ŋŋúme giá gidué giá guísi. 4Aásábá wa nihɛn guísi guáhɔ kendedué a? Ugúnya ana, émédué adial hana ɔ́yɔnɔ́ na ŋŋúme yahɔ a? Naánanyá bunugedie ubugányɛ búóguólín uguá ɔduá? Ɔmɔ́sɔ́nɔŋ bandɔ, Uhaluá yɔ́ ɔ́mɔ́nɔŋ.» 5Ananías umɔɔ́mɔ́b dugálɔ udugányɛ, uwagua uwegué. Giandá giá bugádɔ igíégimbin bandɔ ɔbɔ́mɔɔ́bɔn buɔ́. 6Bidɛnd biá biayɔ ibíémíŋe gɔg gilɔ́ŋ giá Ananías, ibíɔ́gɔ́l giɛ́ gá guɛ́d guanaág uguá gibɛ́l.
7Egélém gá bisigɛl bídádɔ, ugányɛ uwebíŋín ta gulɛns buand ubúmabíál. 8Piéle uwoóhún yɔ́ áneé: «Ŋŋɔyídɛ́n, búnyɛ uguá gidám giá ŋŋúme igiɛ núsedué guísi a? » Ugándɔ uwondinye áneé: «Ɛɛ́ɛ, anagányɛ dísedué.» 9Piéle uwondinye yɔ́ gɔg áneé: «Naánanyá nusáhám ugelu gá sogidie Gileénde giá Ɔgúná? Bídɔ́lígɛ́n, bigulum biá bandɔ abáságuɛ́d gá guág ɔnɛ́m wahɔ uguá gibɛ́l bíganyɛ agá niíd, bágásamb súsɔ́n. » 10Hɔ́nɔhɔ́, uwagua agá busió buá Piéle uwegué. Uguá ginɛŋ igiɛ́ bidɛnd biá bandɔ ibigányɛ bímebíŋén uguá giansɛ, ibíán gilɔ́ŋ giá ugányɛ Ananías, ibíɔ́gɔ́l giɛ́ gá guɛ́d guanaág uguá gibɛ́l agá buáyɛ buá ɔnɛ́m. 11Giandá giá bugádɔ igíégimbin Gimbi giá beédébi bá Klístus gidigid na bandɔ gidigid ɔbɔ́mɔɔ́bɔn buónyi ubugányɛ.
Biseyi biá medenyi
12 Medenyi mámabá mála giod giá biseyi na bilɛns na imbɔ́g siɔ́b uguá mɔnɔŋ. Beédébi bámabá bédélímen uguá umbámbál huá bilál na mugɔn muá adányɛ muá Salomɔ́ŋ. 13Ta mɔndɔ omodi umasábia nimadɛ niá bínogidie nɔɔ́nɔb, ta anagányɛ maán mémehínényé bɔ́ giod. 14Giod giá biíŋ, na banúmɔndɔ na bagándɔ igíébígídín bɔ́ uguá guágɔdɛ́m uguá Ɔgúná. 15Abásɛɛ́d gá hémenye banúmanuma uguá bibala, bébídímenye bɔ́ uguá dubambálɛ́n ugúnya ana uguá biláŋa, gá gueleé, Piéle ugágádúmbán hɔ́, ta gilind na gilind giég gíhúgígen ta ulúm uguɔ́b guá ɔlɔŋ wɔɔ́ndɔ́ɔg. 16Giod giá bandɔ gíónoólónín uguá bidɔŋ ibínya uguá maáyɛ má Yelusalɛ́m, gíbídúgan na banúmanuma na bandɔ ɔbɔɔ́ bilɔg biá bileénde bímabábísésenye, bámuanyɛ gidigid bɔ́ndúgɔn.
Gigimbine giá medenyi
17Uguá melélíe amagányɛ, ɔgúnɔ́gɔ́n wa bedúmbinusámb nuá Uhaluá na bandɔ bég bá buáyɛ gidigid, anagányɛ gúnya áneé gidide giá basadusiɛ́ŋ, abágɔns guala yaág gá busió buá medenyi, ɔbɔ́gɔ́l udényi gá gual buand. 18Ebégimbin medenyi ɔbɔ́nɔh mɔ́ uguá giansɛ giá mbíne agá eŋís ya bandɔ gidigid. 19Gɔgaá, na budúg, gilúna giá Ɔgúná igíébun giansɛ giá mbíne, igíéhémie bɔ́, igíɔ́yidɛn bɔ́ áneé: 20«Idánánɔ uguá idúl nudógonyinye maán dugálɔ gidigid udúbíyiganaá giŋɔ́nsa giá nusɔ́da!» 21Medenyi ɔmɔ́b dugálɔ udugányɛ, budúg na budúg, emébíŋín uguá idúl gá huínyihuinye. Ɔgúnɔ́gɔ́n wa bedúmbinusámb uwesieg na bandɔ bég, ɔbɔ́dɔ́ŋɛ́ɛn idɔg ihigɔ́n hiá bayúdɛn. Abádɔ́m bedúmébi gá guɛ́d guɔnɔgɔ́l medenyi uguá giansɛ giá mbíne. 22Gɔgaá, bedúmébi bémeéméneg agá giansɛ giá mbíne, ebégégie giɛ́ gudɔɔ́. Obónd agá idɔg, ɔbɔ́yɛd áneé: 23«Dimégégie giansɛ giá mbíne igibugén beseé, begíg uguá eŋíd. Gɔgaá, dimémébun, diméségégie mɔndɔ uguadá.» 24Uguá guɔ́b nsɔ́m igányɛ, ubúádɔ́mb ɔgúnɔ́gɔ́n wa begígidúl na ɔgúnɔ́gɔ́n wa bedúmbinusámb nuá Uhaluá bugaga, abɛ́d gá bíóhon buand ubúmegín medenyi. 25Gɔgaá, mɔndɔ omodi uwɔsiɔyídɛ́n bɔ́ áneé: «Ndenú, Bandɔ ɔbɔɔ́ núɔ́nɔ́h uguá giansɛ giá mbíne, béné uguá idúl béhuínyihuinyeé buán. » 26Ɔgúnɔ́gɔ́n wa begíg uwɛɛ́d gɔg na bandɔ bég gá guólósiond na medenyi. Gɔgaá, búmasábá uguá gidul, gá giagiá umedíné buán áneé búdinɔhɔn bɔ́ adányɛ. 27Oból gɔg na medenyi, ebédélíminye mɔ́ agá idɔg ihigɔ́n, Ɔgúnɔ́gɔ́n wa bedúmbinusámb nuá Uhaluá uwoóhon bɔ́ áneé: 28«Dimenúényé búmbúm guhuínyihuinye bandɔ uguá ɔhɛ́n huá mɔndɔ ugányɛ. Giagɛ gɔg igiɛ́ núál? Numéménésegidinye nuhuínyihuínyi nuánɔ uguá tísɔna wa Yelusalɛ́m gidigid, gúu núámbanɔ áneé buónyi buég buá nigué búdíondin!» 29Gɔgaá, Piéle na bɔ́gɔ́b medenyi obóndinye áneé: «Búnyɛ beseé áneé diɔ́bɔnɛn Uhaluá, gudɔ́mb áneé diɔ́bɔnɛn bandɔ. 30Uhaluá wa ndíndíl siásɔ weéhémie Yésuse uyɔɔ́ núɔ́ndɔ́n uguá nuag uguá gibɛ́l. 31Úmuanyɛ yɔ́ Uhaluá weébúlúgie uweduguminye yɔ́ ɔmbɔ́g huég uhunɛ́m, uwond uwedéníginye yɔ́ Ofuŋ na Osódie gá guéŋin buán buá Íslayɛ́l giásɛ giá núgie bilɔŋ naá giá bia giyibinina gá bilɔga. 32Naánasɔ na Gileénde giá Budányɛ igiɛ́ Uhaluá úmeéŋin bandɔ ɔbɔ́bɔninaá yɔ́, dinyɛ bamaáná bá muand umugányɛ. »
33Bandɔ bá idɔg ihigɔ́n bɔ́mɔɔ́mɔ́b anagányɛ, idɛ́m siɔ́b isíéhílíg giod abábídágɛ́ɛd guɔ́n medenyi. 34Gɔgaá, mɔndɔ uwadigɛn uguá ɔlɔŋ huá bɔdɔgdɔ́g. Umabá maná bafalisiɛ́ŋ ɔhɛ́n áneé Gamaliyɛ́l, elinsibigodi uyɔɔ́ gidɔŋ gidigid gímabá gíhínenye. Uwɔyɛd áneé béhémie medenyi gá maná ginɛŋ. 35Egélém, uwɔyidɛn bɔdɔgdɔ́g áneé: «Bandɔ bá Íslayɛ́l, bídédínyénu gá buand ubuɔ́ núgaágualanɔ́ bandɔ abagányɛ. 36Uguá mɔɔ́sɛ amádɔ́mb, mɔndɔ omodi ɔhɛ́n áneé Tédas umahámínɛ́n, umɔbíɔyá áneé unyɛ giandá giá mɔndɔ, bandɔ ala edín átánɔ éníhi ebébinidin yɔ́. Gɔgaá, bɔ́mɔ́n yɔ́, bandɔ gidigid ebémebinén yɔ́ abásálámand, ɔlɔŋ huég uhúéhué. 37Egég gélém, uguá ginɛŋ giá gihana, Yúdas maná bagalileyɛ́ŋ uwahámínɛn, uwɔgɔ́gɛ́ɛd ɔlɔŋ huá bandɔ uguég guá gélém. Ɔbɔ́n yɔ́, umuányɛ súsɔ́n, bandɔ gidigid ebémebinén yɔ́ abásálámand. 38Dabdab gɔg, yɔɔ́núɔyɔn buɔ́, nudiɔndɔ́gɔ́l ginɛŋ na bandɔ abagányɛ, níhínánánɔ bɔ́ bádɔ́mb. Gá giagiá, mmába dubídágídɛ́n duɔ́b na buóli buɔ́b múóguólonin uguá bandɔ, múanáságínɛn. 39Gɔgaá, mmába uguá hómohómue múguólonin agá Uhaluá, nudibá nuá gad muɔ́. Nubídédínye! Nudial bidí na Uhaluá!» Bɔdɔgdɔ́g abáhám ugelu na isɔ́ma hiá Gamaliyɛ́l. 40Obónd gá dɔ́ŋɛ́ɛn medenyi, abál áneé bénúbe mɔ́ na bifáfína, ebésilidin mɔ́ áneé módiondúgomon ɔhɛ́n huá Yésuse, abánihɛn mɔ́. 41Medenyi omólígie agá idɔg ihigɔ́n na mefunde gá giagiá, Uhaluá waán áneé mánigiman na nusésénye gá busió buá ɔhɛ́n huá Yésuse. 42Mɔɔ́sɛ gidigid, naá uguá idúl naá uguá biansɛ, médúmbenye kanda nidɔgíná na huínyihuinye na dógonye Ginɔ́g giá Nsɔ́m giá Yésuse unyaá Bémeyíde.
ទើបបានជ្រើសរើសហើយ៖
Melélíe 5: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 5
5
1Gɔgaá, mɔndɔ omodi ɔhɛ́n áneé Ananías uwahám ugelu na ugányɛ weg Safíla, ebédué guísi guɔ́b. 2Uwandahám ugelu na ugányɛ áneé, uguá ŋŋúme ya gidué giá guísi, bánamb gibéyi, ŋŋúme imeésíen ebéneéŋín medenyi. 3Gɔgaá, Piéle uwɔyidɛn Ananías áneé: «Gá giagɛ Sátan wóhón agáhɔ gá ɔdɛ́m? Ɔnɔ́ŋ Gileénde giá Budányɛ ogond aganamb gibéyi giá ŋŋúme giá gidué giá guísi. 4Aásábá wa nihɛn guísi guáhɔ kendedué a? Ugúnya ana, émédué adial hana ɔ́yɔnɔ́ na ŋŋúme yahɔ a? Naánanyá bunugedie ubugányɛ búóguólín uguá ɔduá? Ɔmɔ́sɔ́nɔŋ bandɔ, Uhaluá yɔ́ ɔ́mɔ́nɔŋ.» 5Ananías umɔɔ́mɔ́b dugálɔ udugányɛ, uwagua uwegué. Giandá giá bugádɔ igíégimbin bandɔ ɔbɔ́mɔɔ́bɔn buɔ́. 6Bidɛnd biá biayɔ ibíémíŋe gɔg gilɔ́ŋ giá Ananías, ibíɔ́gɔ́l giɛ́ gá guɛ́d guanaág uguá gibɛ́l.
7Egélém gá bisigɛl bídádɔ, ugányɛ uwebíŋín ta gulɛns buand ubúmabíál. 8Piéle uwoóhún yɔ́ áneé: «Ŋŋɔyídɛ́n, búnyɛ uguá gidám giá ŋŋúme igiɛ núsedué guísi a? » Ugándɔ uwondinye áneé: «Ɛɛ́ɛ, anagányɛ dísedué.» 9Piéle uwondinye yɔ́ gɔg áneé: «Naánanyá nusáhám ugelu gá sogidie Gileénde giá Ɔgúná? Bídɔ́lígɛ́n, bigulum biá bandɔ abáságuɛ́d gá guág ɔnɛ́m wahɔ uguá gibɛ́l bíganyɛ agá niíd, bágásamb súsɔ́n. » 10Hɔ́nɔhɔ́, uwagua agá busió buá Piéle uwegué. Uguá ginɛŋ igiɛ́ bidɛnd biá bandɔ ibigányɛ bímebíŋén uguá giansɛ, ibíán gilɔ́ŋ giá ugányɛ Ananías, ibíɔ́gɔ́l giɛ́ gá guɛ́d guanaág uguá gibɛ́l agá buáyɛ buá ɔnɛ́m. 11Giandá giá bugádɔ igíégimbin Gimbi giá beédébi bá Klístus gidigid na bandɔ gidigid ɔbɔ́mɔɔ́bɔn buónyi ubugányɛ.
Biseyi biá medenyi
12 Medenyi mámabá mála giod giá biseyi na bilɛns na imbɔ́g siɔ́b uguá mɔnɔŋ. Beédébi bámabá bédélímen uguá umbámbál huá bilál na mugɔn muá adányɛ muá Salomɔ́ŋ. 13Ta mɔndɔ omodi umasábia nimadɛ niá bínogidie nɔɔ́nɔb, ta anagányɛ maán mémehínényé bɔ́ giod. 14Giod giá biíŋ, na banúmɔndɔ na bagándɔ igíébígídín bɔ́ uguá guágɔdɛ́m uguá Ɔgúná. 15Abásɛɛ́d gá hémenye banúmanuma uguá bibala, bébídímenye bɔ́ uguá dubambálɛ́n ugúnya ana uguá biláŋa, gá gueleé, Piéle ugágádúmbán hɔ́, ta gilind na gilind giég gíhúgígen ta ulúm uguɔ́b guá ɔlɔŋ wɔɔ́ndɔ́ɔg. 16Giod giá bandɔ gíónoólónín uguá bidɔŋ ibínya uguá maáyɛ má Yelusalɛ́m, gíbídúgan na banúmanuma na bandɔ ɔbɔɔ́ bilɔg biá bileénde bímabábísésenye, bámuanyɛ gidigid bɔ́ndúgɔn.
Gigimbine giá medenyi
17Uguá melélíe amagányɛ, ɔgúnɔ́gɔ́n wa bedúmbinusámb nuá Uhaluá na bandɔ bég bá buáyɛ gidigid, anagányɛ gúnya áneé gidide giá basadusiɛ́ŋ, abágɔns guala yaág gá busió buá medenyi, ɔbɔ́gɔ́l udényi gá gual buand. 18Ebégimbin medenyi ɔbɔ́nɔh mɔ́ uguá giansɛ giá mbíne agá eŋís ya bandɔ gidigid. 19Gɔgaá, na budúg, gilúna giá Ɔgúná igíébun giansɛ giá mbíne, igíéhémie bɔ́, igíɔ́yidɛn bɔ́ áneé: 20«Idánánɔ uguá idúl nudógonyinye maán dugálɔ gidigid udúbíyiganaá giŋɔ́nsa giá nusɔ́da!» 21Medenyi ɔmɔ́b dugálɔ udugányɛ, budúg na budúg, emébíŋín uguá idúl gá huínyihuinye. Ɔgúnɔ́gɔ́n wa bedúmbinusámb uwesieg na bandɔ bég, ɔbɔ́dɔ́ŋɛ́ɛn idɔg ihigɔ́n hiá bayúdɛn. Abádɔ́m bedúmébi gá guɛ́d guɔnɔgɔ́l medenyi uguá giansɛ giá mbíne. 22Gɔgaá, bedúmébi bémeéméneg agá giansɛ giá mbíne, ebégégie giɛ́ gudɔɔ́. Obónd agá idɔg, ɔbɔ́yɛd áneé: 23«Dimégégie giansɛ giá mbíne igibugén beseé, begíg uguá eŋíd. Gɔgaá, dimémébun, diméségégie mɔndɔ uguadá.» 24Uguá guɔ́b nsɔ́m igányɛ, ubúádɔ́mb ɔgúnɔ́gɔ́n wa begígidúl na ɔgúnɔ́gɔ́n wa bedúmbinusámb nuá Uhaluá bugaga, abɛ́d gá bíóhon buand ubúmegín medenyi. 25Gɔgaá, mɔndɔ omodi uwɔsiɔyídɛ́n bɔ́ áneé: «Ndenú, Bandɔ ɔbɔɔ́ núɔ́nɔ́h uguá giansɛ giá mbíne, béné uguá idúl béhuínyihuinyeé buán. » 26Ɔgúnɔ́gɔ́n wa begíg uwɛɛ́d gɔg na bandɔ bég gá guólósiond na medenyi. Gɔgaá, búmasábá uguá gidul, gá giagiá umedíné buán áneé búdinɔhɔn bɔ́ adányɛ. 27Oból gɔg na medenyi, ebédélíminye mɔ́ agá idɔg ihigɔ́n, Ɔgúnɔ́gɔ́n wa bedúmbinusámb nuá Uhaluá uwoóhon bɔ́ áneé: 28«Dimenúényé búmbúm guhuínyihuinye bandɔ uguá ɔhɛ́n huá mɔndɔ ugányɛ. Giagɛ gɔg igiɛ́ núál? Numéménésegidinye nuhuínyihuínyi nuánɔ uguá tísɔna wa Yelusalɛ́m gidigid, gúu núámbanɔ áneé buónyi buég buá nigué búdíondin!» 29Gɔgaá, Piéle na bɔ́gɔ́b medenyi obóndinye áneé: «Búnyɛ beseé áneé diɔ́bɔnɛn Uhaluá, gudɔ́mb áneé diɔ́bɔnɛn bandɔ. 30Uhaluá wa ndíndíl siásɔ weéhémie Yésuse uyɔɔ́ núɔ́ndɔ́n uguá nuag uguá gibɛ́l. 31Úmuanyɛ yɔ́ Uhaluá weébúlúgie uweduguminye yɔ́ ɔmbɔ́g huég uhunɛ́m, uwond uwedéníginye yɔ́ Ofuŋ na Osódie gá guéŋin buán buá Íslayɛ́l giásɛ giá núgie bilɔŋ naá giá bia giyibinina gá bilɔga. 32Naánasɔ na Gileénde giá Budányɛ igiɛ́ Uhaluá úmeéŋin bandɔ ɔbɔ́bɔninaá yɔ́, dinyɛ bamaáná bá muand umugányɛ. »
33Bandɔ bá idɔg ihigɔ́n bɔ́mɔɔ́mɔ́b anagányɛ, idɛ́m siɔ́b isíéhílíg giod abábídágɛ́ɛd guɔ́n medenyi. 34Gɔgaá, mɔndɔ uwadigɛn uguá ɔlɔŋ huá bɔdɔgdɔ́g. Umabá maná bafalisiɛ́ŋ ɔhɛ́n áneé Gamaliyɛ́l, elinsibigodi uyɔɔ́ gidɔŋ gidigid gímabá gíhínenye. Uwɔyɛd áneé béhémie medenyi gá maná ginɛŋ. 35Egélém, uwɔyidɛn bɔdɔgdɔ́g áneé: «Bandɔ bá Íslayɛ́l, bídédínyénu gá buand ubuɔ́ núgaágualanɔ́ bandɔ abagányɛ. 36Uguá mɔɔ́sɛ amádɔ́mb, mɔndɔ omodi ɔhɛ́n áneé Tédas umahámínɛ́n, umɔbíɔyá áneé unyɛ giandá giá mɔndɔ, bandɔ ala edín átánɔ éníhi ebébinidin yɔ́. Gɔgaá, bɔ́mɔ́n yɔ́, bandɔ gidigid ebémebinén yɔ́ abásálámand, ɔlɔŋ huég uhúéhué. 37Egég gélém, uguá ginɛŋ giá gihana, Yúdas maná bagalileyɛ́ŋ uwahámínɛn, uwɔgɔ́gɛ́ɛd ɔlɔŋ huá bandɔ uguég guá gélém. Ɔbɔ́n yɔ́, umuányɛ súsɔ́n, bandɔ gidigid ebémebinén yɔ́ abásálámand. 38Dabdab gɔg, yɔɔ́núɔyɔn buɔ́, nudiɔndɔ́gɔ́l ginɛŋ na bandɔ abagányɛ, níhínánánɔ bɔ́ bádɔ́mb. Gá giagiá, mmába dubídágídɛ́n duɔ́b na buóli buɔ́b múóguólonin uguá bandɔ, múanáságínɛn. 39Gɔgaá, mmába uguá hómohómue múguólonin agá Uhaluá, nudibá nuá gad muɔ́. Nubídédínye! Nudial bidí na Uhaluá!» Bɔdɔgdɔ́g abáhám ugelu na isɔ́ma hiá Gamaliyɛ́l. 40Obónd gá dɔ́ŋɛ́ɛn medenyi, abál áneé bénúbe mɔ́ na bifáfína, ebésilidin mɔ́ áneé módiondúgomon ɔhɛ́n huá Yésuse, abánihɛn mɔ́. 41Medenyi omólígie agá idɔg ihigɔ́n na mefunde gá giagiá, Uhaluá waán áneé mánigiman na nusésénye gá busió buá ɔhɛ́n huá Yésuse. 42Mɔɔ́sɛ gidigid, naá uguá idúl naá uguá biansɛ, médúmbenye kanda nidɔgíná na huínyihuinye na dógonye Ginɔ́g giá Nsɔ́m giá Yésuse unyaá Bémeyíde.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល