Melélíe 1
1
Magunsa
1Ndága yamɛ ya ogúl Tiófile, uguámɛ guá yubu hiá busió, mmɔɔ́ŋá muand gidigid umuɔ́ Yésuse úmalá uwond uwehuínyihuinye, gubul agá magunsa még má buóli, 2gueneg uguá buɔ́sɛ ubuɔ́ Uhaluá úmɔgɔ́l yɔ́ ugumɔn. Umabá umánihinɛn medenyi ɔmɔɔ́ úmeyíd bibídína uguá bugaga buá Gileénde giá Budányɛ. 3Egélém gég gá giɔ́bíga uwegué. Uwebíénígenyinye medenyi uguá mɔɔ́sɛ edín áhandɛ, udíyenye bɔ́ bilɛns uguá manamanyá giod áneé unyɛ ɔgɔ́sɛ wond uwɔyɔn bɔ́ muand muá Niguili niá Uhaluá.
4Umaágányánán nɔɔ́nɔb buɔ́sɛ búmodi, uwahuá bɔ́ gibídína áneé: «Nudiólígie Yelusalɛ́m gɔgaá, gígánánɔ buand ubuɔ́ Síe wamɛ úmanúdánɛ́n, mpuán iyɛɛ́ mmónúdógínyé. 5Gá giagiá Sáŋa umeyuményínyé uguá mimbi gɔgaá, uguá baán bá mɔɔ́sɛ, banuá, bégenúyumenye uguá Gileénde giá Budányɛ.»
Gubúlɛ́ɛg guá Yésuse ugumɔn
6Medenyi amámabá gɔg emebídídénu, omóhún Yésuse áneé: «Dabdab, Ɔgúná, búnyɛ ginɛŋ giáhɔ giá guediginye Niguili niá Íslayɛ́l a?» 7Uwondinye bɔ́ áneé: «Nudigódi áneé nulɛns na binɛŋ na bisigɛl ibiɛ́ Síe wamɛ úmadán uguég guá ihiligine mbánan. 8Gɔgaá, nugabia buŋaŋa uguá ginɛŋ igiɛ́ Gileénde giá Budányɛ gíganúsusinaá. Nugabá gɔg bamaáná bámɛ Yelusalɛ́m, uguá gibéyi giá guísi giá Yudé gidigid naá giá Samalí, gueneg agá umbál huá guísi.»
9Umaámágálɛ́ɛd anagányɛ, uwɛɛ́d ugumɔn ɔgɔ́b gá eŋís, uguá ginɛŋ igiɛ́ bámabíyigan, gilɔnd igíéhúgígen yɔ́. 10Hana bámabá bámanyɛ gá bíyigan gumɔn uguɔ́ Yésuse úmiídán, bandɔ báandɛ na ndífɔn siá fuúm ebébíéníginye bɔ́, 11ɔbɔ́yidɛn bɔ́ áneé: «Bandɔ bá Galilé, giagɛ igiɛ́ númɔ́lɔ́bɛ́n agányɛ gá bíyigan gumɔn? Yésuse uyɔɔ́ bómónúólínyé agánɔ gá eŋís ugányɛ gá guɛ́d ugumɔn, wonólosiond nɔ́ bilɔŋ bímomi hana númán yɔ́ guídan. »
Gimbi giá medenyi
12Medenyi omólígie gɔg agá ɔŋuɛnyɛ huá madɛ́ ɔmɔɔ́ bɔ́dɔ́ŋɔnaá áneé olíf, gá guond Yelusalɛ́m. Gá guólígie agá ɔŋuɛnyɛ uhugányɛ gueneg uguá tísɔna, búnyɛ uŋand huá buand buá bihélúm nitín na bíad. 13Bémeéméneg Yelusalɛ́m, abɛ́d uguá nsúmba ya gumɔn iyɛɛ́ bámabá bábígusa guɔ́. Bámabá áneé: Piéle, Sáŋa, na Sák na Andlé, Fílibe, Túmasia, Baltelemí, Matiós, Sák uhaŋ huá Alfé, na Símune mɔndɔ wa gidɔŋ, na Yúde uhaŋ huá Sák. 14Bámuanyɛ gidigid, ɔlɔŋ na nsánsáŋúlía siá bagándɔ: Malía, noódíe Yésuse na beliméen bá Yésuse, ugelu húmomi, bágan bugaga gá mbísógóli.
Gieyide giá Matiás
15Uguá mɔɔ́sɛ amagányɛ, beliméen abámabá bóbísógólonye bámabá bábá edín átíndádɔ, Piéle uwadigɛn ɔgɔ́b gá ɔdɛ́m na ɔdɛ́m, uwɔyɛd áneé: 16«Beliméen, búmánigímánán áneé, ubuɔ́ Gileénde giá Budányɛ gímodógínyé uguá Ŋŋɔ́ŋɛ uguá niíd niá Dáfide, gá busió buá Yúdas umaáyɛ ogógi wa bandɔ ebémegimbín Yésuse, búbíhónye. 17Umabá uguásɔ guá ɔlɔŋ, umabianán buég buóli hana basuá. 18Yúdas waáguɔ́, umɔɔ́nd mesíge na ŋŋúme ya manɔ́ŋ, umanáguá guɔ́ na ginsúbíe, nimuɛnd niég iniéfum, dunua duég gidigid udúágasgas. 19Bandɔ gidigid abágíganɔ́ Yelusalɛ́m bɔ́mɔɔ́b buɔ́, ebédúmbie gulɔg mesíge amagányɛ na nugálɔ nuɔ́b áneé: “Hakɛldama,” anagányɛ gúnya áneé “mesíge má manɔ́ŋ.” 20Búnyɛ gɔg ubúɔ́ŋɔ́n uguá yubu hiá bilɛ́l áneé:
“Ánaá nihiá niég nísíen gimpunde,
ta mɔndɔ udibídímɛ́n hɔ́ andá,
mɔndɔ odoódi ugɔ́l súsɔ́n ondig huég uguá gimbi.”
21Búánigimanan gɔg áneé, uguá ɔlɔŋ huá bandɔ ebémediélényé uguá ginɛŋ gidigid igiɛ́ Ɔgúná Yésuse úmɔsɔ́dɔn naánasɔ, 22gubul agaá Sáŋa úmeyumínyé yɔ́, gueneg uguá buɔ́sɛ ubuɔ́ bómodíólínyé yɔ́ agásɔ gá ɔdɛ́m na ɔdɛ́m, omoómi udíbígídín gá gueleé ubá hana amaáná wa hám guég uguá gibɛ́l.»
23Ebédélíminye bandɔ báandɛ, na Yɔ́sɛba ɔhɛ́n huég huá ginugɛ́n áneé Yustús, bɔ́ndɔdɔ́ŋɔn yɔ́ áneé Balsabás, na mɔndɔ omodi ɔhɛ́n áneé Matiás. 24Abáal gɔg mbísógóli iyɛ: «Ɔgúná, aŋuá alinsanaá idɛ́m siá bandɔ gidigid, díyé mɔndɔ uyɔɔ́ éméyid uguá bandɔ ɔbɔ báandɛ, 25gá gueleé ubá medenyi, wala buóli na masɔ́m ɔmɔɔ́ Yúdas wáníhɛ́n gá guɛ́d gá hég hɔɔ́m. » 26Ɔbɔ́ŋ ihɛ́n siɔ́b gá gieyide, gieyide igíáguɛn Matiás umɔɔ́bíɔ́hígɛ́n uguá medenyi má máad nomue.
ទើបបានជ្រើសរើសហើយ៖
Melélíe 1: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 1
1
Magunsa
1Ndága yamɛ ya ogúl Tiófile, uguámɛ guá yubu hiá busió, mmɔɔ́ŋá muand gidigid umuɔ́ Yésuse úmalá uwond uwehuínyihuinye, gubul agá magunsa még má buóli, 2gueneg uguá buɔ́sɛ ubuɔ́ Uhaluá úmɔgɔ́l yɔ́ ugumɔn. Umabá umánihinɛn medenyi ɔmɔɔ́ úmeyíd bibídína uguá bugaga buá Gileénde giá Budányɛ. 3Egélém gég gá giɔ́bíga uwegué. Uwebíénígenyinye medenyi uguá mɔɔ́sɛ edín áhandɛ, udíyenye bɔ́ bilɛns uguá manamanyá giod áneé unyɛ ɔgɔ́sɛ wond uwɔyɔn bɔ́ muand muá Niguili niá Uhaluá.
4Umaágányánán nɔɔ́nɔb buɔ́sɛ búmodi, uwahuá bɔ́ gibídína áneé: «Nudiólígie Yelusalɛ́m gɔgaá, gígánánɔ buand ubuɔ́ Síe wamɛ úmanúdánɛ́n, mpuán iyɛɛ́ mmónúdógínyé. 5Gá giagiá Sáŋa umeyuményínyé uguá mimbi gɔgaá, uguá baán bá mɔɔ́sɛ, banuá, bégenúyumenye uguá Gileénde giá Budányɛ.»
Gubúlɛ́ɛg guá Yésuse ugumɔn
6Medenyi amámabá gɔg emebídídénu, omóhún Yésuse áneé: «Dabdab, Ɔgúná, búnyɛ ginɛŋ giáhɔ giá guediginye Niguili niá Íslayɛ́l a?» 7Uwondinye bɔ́ áneé: «Nudigódi áneé nulɛns na binɛŋ na bisigɛl ibiɛ́ Síe wamɛ úmadán uguég guá ihiligine mbánan. 8Gɔgaá, nugabia buŋaŋa uguá ginɛŋ igiɛ́ Gileénde giá Budányɛ gíganúsusinaá. Nugabá gɔg bamaáná bámɛ Yelusalɛ́m, uguá gibéyi giá guísi giá Yudé gidigid naá giá Samalí, gueneg agá umbál huá guísi.»
9Umaámágálɛ́ɛd anagányɛ, uwɛɛ́d ugumɔn ɔgɔ́b gá eŋís, uguá ginɛŋ igiɛ́ bámabíyigan, gilɔnd igíéhúgígen yɔ́. 10Hana bámabá bámanyɛ gá bíyigan gumɔn uguɔ́ Yésuse úmiídán, bandɔ báandɛ na ndífɔn siá fuúm ebébíéníginye bɔ́, 11ɔbɔ́yidɛn bɔ́ áneé: «Bandɔ bá Galilé, giagɛ igiɛ́ númɔ́lɔ́bɛ́n agányɛ gá bíyigan gumɔn? Yésuse uyɔɔ́ bómónúólínyé agánɔ gá eŋís ugányɛ gá guɛ́d ugumɔn, wonólosiond nɔ́ bilɔŋ bímomi hana númán yɔ́ guídan. »
Gimbi giá medenyi
12Medenyi omólígie gɔg agá ɔŋuɛnyɛ huá madɛ́ ɔmɔɔ́ bɔ́dɔ́ŋɔnaá áneé olíf, gá guond Yelusalɛ́m. Gá guólígie agá ɔŋuɛnyɛ uhugányɛ gueneg uguá tísɔna, búnyɛ uŋand huá buand buá bihélúm nitín na bíad. 13Bémeéméneg Yelusalɛ́m, abɛ́d uguá nsúmba ya gumɔn iyɛɛ́ bámabá bábígusa guɔ́. Bámabá áneé: Piéle, Sáŋa, na Sák na Andlé, Fílibe, Túmasia, Baltelemí, Matiós, Sák uhaŋ huá Alfé, na Símune mɔndɔ wa gidɔŋ, na Yúde uhaŋ huá Sák. 14Bámuanyɛ gidigid, ɔlɔŋ na nsánsáŋúlía siá bagándɔ: Malía, noódíe Yésuse na beliméen bá Yésuse, ugelu húmomi, bágan bugaga gá mbísógóli.
Gieyide giá Matiás
15Uguá mɔɔ́sɛ amagányɛ, beliméen abámabá bóbísógólonye bámabá bábá edín átíndádɔ, Piéle uwadigɛn ɔgɔ́b gá ɔdɛ́m na ɔdɛ́m, uwɔyɛd áneé: 16«Beliméen, búmánigímánán áneé, ubuɔ́ Gileénde giá Budányɛ gímodógínyé uguá Ŋŋɔ́ŋɛ uguá niíd niá Dáfide, gá busió buá Yúdas umaáyɛ ogógi wa bandɔ ebémegimbín Yésuse, búbíhónye. 17Umabá uguásɔ guá ɔlɔŋ, umabianán buég buóli hana basuá. 18Yúdas waáguɔ́, umɔɔ́nd mesíge na ŋŋúme ya manɔ́ŋ, umanáguá guɔ́ na ginsúbíe, nimuɛnd niég iniéfum, dunua duég gidigid udúágasgas. 19Bandɔ gidigid abágíganɔ́ Yelusalɛ́m bɔ́mɔɔ́b buɔ́, ebédúmbie gulɔg mesíge amagányɛ na nugálɔ nuɔ́b áneé: “Hakɛldama,” anagányɛ gúnya áneé “mesíge má manɔ́ŋ.” 20Búnyɛ gɔg ubúɔ́ŋɔ́n uguá yubu hiá bilɛ́l áneé:
“Ánaá nihiá niég nísíen gimpunde,
ta mɔndɔ udibídímɛ́n hɔ́ andá,
mɔndɔ odoódi ugɔ́l súsɔ́n ondig huég uguá gimbi.”
21Búánigimanan gɔg áneé, uguá ɔlɔŋ huá bandɔ ebémediélényé uguá ginɛŋ gidigid igiɛ́ Ɔgúná Yésuse úmɔsɔ́dɔn naánasɔ, 22gubul agaá Sáŋa úmeyumínyé yɔ́, gueneg uguá buɔ́sɛ ubuɔ́ bómodíólínyé yɔ́ agásɔ gá ɔdɛ́m na ɔdɛ́m, omoómi udíbígídín gá gueleé ubá hana amaáná wa hám guég uguá gibɛ́l.»
23Ebédélíminye bandɔ báandɛ, na Yɔ́sɛba ɔhɛ́n huég huá ginugɛ́n áneé Yustús, bɔ́ndɔdɔ́ŋɔn yɔ́ áneé Balsabás, na mɔndɔ omodi ɔhɛ́n áneé Matiás. 24Abáal gɔg mbísógóli iyɛ: «Ɔgúná, aŋuá alinsanaá idɛ́m siá bandɔ gidigid, díyé mɔndɔ uyɔɔ́ éméyid uguá bandɔ ɔbɔ báandɛ, 25gá gueleé ubá medenyi, wala buóli na masɔ́m ɔmɔɔ́ Yúdas wáníhɛ́n gá guɛ́d gá hég hɔɔ́m. » 26Ɔbɔ́ŋ ihɛ́n siɔ́b gá gieyide, gieyide igíáguɛn Matiás umɔɔ́bíɔ́hígɛ́n uguá medenyi má máad nomue.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល