2 Kɔlɛŋɛtiɛ́ŋ 13
13
Bídógínye biá nsúgie na mbígélíd
1Búnyɛ uŋand huá gádádɔ yoóloneé uguánɔ haná búnya ubúɔ́ŋɔ́n áneé: «Búnyɛ uguá bamáaná báandɛ, ugúnya ana bádádɔ buand gidigid búgódionu áneé búbísɔ́mb.»#13.1 Det 6.15 2Ŋŋódi gidóginye gá bandɔ abámala gilɔg nsua naá gá bɔsɔ́gá bómodi gidigid, mmonúdógínyé buɔ́ gá uŋand huámɛ huá gáandɛ, dabdab uyɔ yóndónúdóginye hana ndiabá naánanɔ. Ŋŋoómónduguól gá nuán ndianandabia bulɔ́b naánanɔ. 3Haná núámbanɔ́ gilɛns igídíyenye áneé Klístus waágálgal uguámɛ nuanábia giɛ́. Klístus udibá bugué gánɔ, gɔgaá weédíyenye buŋaŋa buég uguánɔ. 4Ɛɛ́ɛ, agaá bɔ́mɔndɔ́n yɔ́ uguá nuag umasábia ogíb, dabdab gɔg wɔɔ́sɔ́dɔn uguá buŋaŋa buá Uhaluá. Uguá, bílad guásɔ neéneg dióguólósiondón bugué súsɔ́n, gɔgaá diénúdíyenye, diɔ́sɔ́dɔn neéneg uguá buŋaŋa buá Uhaluá. 5Ánaá núbíág uguá yɔɔ́bídɛ́n banuá mbánan, nubíyɔ́ŋimɛn banuá mbánan mmába núɔ́sɔ́dɔn uguá guágɔdɛ́m. Mbuen nuálinsan áneé Yésuse Klístus unyɛ ɔlɔŋ naánanɔ? Esíe mmába numaguá yɔɔ́bídɛ́n. 6Yeégedenye gɔg áneé nuálins áneé basuá dimaságua. 7Dióbísógólonye Uhaluá áneé nudial buand buá gilɔg, búdibá gá núdíye áneé diégimbe uguá ŋŋɔ́d. Ɛ́ɛɛ́, diɔ́guɔya pɛ́ŋ áneé nuala beseé, ta búámba gudíye áneé dimagua. 8Gá giagiá didigódi bugaga buá bindɛn hómohómue ŋŋil, diáguala pɛ́ŋ buóli gá hómohómue. 9Ɛɛ́ɛ, dinyɛ uguá ibal uguá ginɛŋ igiɛ́ basuá dínya bugué, banuá bugaga diɔ́guɔŋɔn uguásɔ guá mbísógóli áneé nubá níŋíláníŋílá. 10Buand buáguɔ́ nnuɔ́ŋɔ́naá uguá ginɛŋ igiɛ́ mmanyaá hádɛ naánanɔ. Ndiáguamba gubídíye haná elúndulúnd uguá ginɛŋ igiɛ́ yánábánɔ́ mɔdɔg naánanɔ. Uguá meliŋ gɔg, Ɔgúná umaŋádábɛ́n ihiligine gá hága gidide giánɔ búdibá gá gada. 11Beliméen gáman, ánaá núbá uguá ibal. Ánaá núámba níŋíláníŋílá, nugígenin ɔmbɔ́g nuond nuɔ́bɔnɛn. Ánaá núsɔ́dɔn uguá bumbénu agányɛ Uhaluá wa ginɔ́nɛ́n naá wa bumbénu ugabádabánɔ́ naánanɔ. 12Ánaá núbígélígelinye, nugɔ́lɔnɛn ŋŋuindi hana beliméen, beédebi gidigid bénúbígélígelie. 13Ánaá magɔg má Ɔgúná Yésuse Klístus, ginɔ́nɛ́n giá Uhaluá na búlada buá Gileénde giá Budányɛ múbá naánanɔ gidigid.
ទើបបានជ្រើសរើសហើយ៖
2 Kɔlɛŋɛtiɛ́ŋ 13: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2 Kɔlɛŋɛtiɛ́ŋ 13
13
Bídógínye biá nsúgie na mbígélíd
1Búnyɛ uŋand huá gádádɔ yoóloneé uguánɔ haná búnya ubúɔ́ŋɔ́n áneé: «Búnyɛ uguá bamáaná báandɛ, ugúnya ana bádádɔ buand gidigid búgódionu áneé búbísɔ́mb.»#13.1 Det 6.15 2Ŋŋódi gidóginye gá bandɔ abámala gilɔg nsua naá gá bɔsɔ́gá bómodi gidigid, mmonúdógínyé buɔ́ gá uŋand huámɛ huá gáandɛ, dabdab uyɔ yóndónúdóginye hana ndiabá naánanɔ. Ŋŋoómónduguól gá nuán ndianandabia bulɔ́b naánanɔ. 3Haná núámbanɔ́ gilɛns igídíyenye áneé Klístus waágálgal uguámɛ nuanábia giɛ́. Klístus udibá bugué gánɔ, gɔgaá weédíyenye buŋaŋa buég uguánɔ. 4Ɛɛ́ɛ, agaá bɔ́mɔndɔ́n yɔ́ uguá nuag umasábia ogíb, dabdab gɔg wɔɔ́sɔ́dɔn uguá buŋaŋa buá Uhaluá. Uguá, bílad guásɔ neéneg dióguólósiondón bugué súsɔ́n, gɔgaá diénúdíyenye, diɔ́sɔ́dɔn neéneg uguá buŋaŋa buá Uhaluá. 5Ánaá núbíág uguá yɔɔ́bídɛ́n banuá mbánan, nubíyɔ́ŋimɛn banuá mbánan mmába núɔ́sɔ́dɔn uguá guágɔdɛ́m. Mbuen nuálinsan áneé Yésuse Klístus unyɛ ɔlɔŋ naánanɔ? Esíe mmába numaguá yɔɔ́bídɛ́n. 6Yeégedenye gɔg áneé nuálins áneé basuá dimaságua. 7Dióbísógólonye Uhaluá áneé nudial buand buá gilɔg, búdibá gá núdíye áneé diégimbe uguá ŋŋɔ́d. Ɛ́ɛɛ́, diɔ́guɔya pɛ́ŋ áneé nuala beseé, ta búámba gudíye áneé dimagua. 8Gá giagiá didigódi bugaga buá bindɛn hómohómue ŋŋil, diáguala pɛ́ŋ buóli gá hómohómue. 9Ɛɛ́ɛ, dinyɛ uguá ibal uguá ginɛŋ igiɛ́ basuá dínya bugué, banuá bugaga diɔ́guɔŋɔn uguásɔ guá mbísógóli áneé nubá níŋíláníŋílá. 10Buand buáguɔ́ nnuɔ́ŋɔ́naá uguá ginɛŋ igiɛ́ mmanyaá hádɛ naánanɔ. Ndiáguamba gubídíye haná elúndulúnd uguá ginɛŋ igiɛ́ yánábánɔ́ mɔdɔg naánanɔ. Uguá meliŋ gɔg, Ɔgúná umaŋádábɛ́n ihiligine gá hága gidide giánɔ búdibá gá gada. 11Beliméen gáman, ánaá núbá uguá ibal. Ánaá núámba níŋíláníŋílá, nugígenin ɔmbɔ́g nuond nuɔ́bɔnɛn. Ánaá núsɔ́dɔn uguá bumbénu agányɛ Uhaluá wa ginɔ́nɛ́n naá wa bumbénu ugabádabánɔ́ naánanɔ. 12Ánaá núbígélígelinye, nugɔ́lɔnɛn ŋŋuindi hana beliméen, beédebi gidigid bénúbígélígelie. 13Ánaá magɔg má Ɔgúná Yésuse Klístus, ginɔ́nɛ́n giá Uhaluá na búlada buá Gileénde giá Budányɛ múbá naánanɔ gidigid.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល