Walumi 3
3
1Ivo, Muyahudi ana chibwani chikulu cha kuwahuma want'hu sio Wayahudi? Egu ulungwana ukufaya mbwani? 2Ena, kuwa Muyahudi kukufaya nk'hani, kwavila Mulungu kaandusa kuwenk'ha ao Wayahudi Malagilizo yake. 3Mbali naiweze ikawa wamwenga mgati yao wakawa sio watogofu wa Mulungu? Vino, ao Wayahudi kutokumtogola kwao na kumtende Mulungu asekuwa mtogofu? 4Hata! Seke iwe ivo mbwi. Mulungu naasigale kuwa mtogofu siku zose, ingawa kila mnt'hu muhuni. Gesavila Maandiko ya Mulungu yakulonga,
“Kila ukalonga, mbuli yako ikuwa kweli.
Na kila ukalamula, ulamuzi wako ukuhuma.”
5Mbali, ikawa ubananzi wetu ukulagisa Mulungu akutenda vila ikulondigwa, vino chikudaha kulonga, Mulungu akutenda vihile akachilamula? Hano hulonga nie nikawa gesa mnt'hu. 6Hata! Ingi iwile Mulungu sio mkweli kalonda kudahaze kuwalamula want'hu wa isi? 7Want'hu wakudaha kulonga kuwa ikawa kuswela kutogola kwetu kukutenda wamwenga wadahe kuona bila kufisa kuwa Mulungu ni mtogofu, na ao nawaiyohe kumtunya. Elo, hangi chink'hali chikulamulwa kuwa china zambi? 8Uko ni kulonga kuwa chiwe chikutenda zambi ili mbuli zidamane zilawile. Want'hu wamwenga wakuchiziga kuwa hata cheye chikufunza ivoivo. Na want'hu wakulonga ivo nawalamuligwe kwa ubananzi wawe.
Want'hu wose watenda zambi
9Elo chilonge mbwani? Kuwa cheye Wayahudi chikufaya nk'hani kuhuma want'hu sio Wayahudi? Bule! Gesa ivoniwalongele hamwanduso kuwa Wayahudi na want'hu sio Wayahudi wose chikutalamilwa na zambi. 10Gesa Maandiko ya Mulungu ivoyakulonga,
“Habule mnt'hu hata imwe akutenda yala yakumbwedeza Mulungu!
11Habule hata mnt'hu imwe eli na umanyi
wala habule hata mnt'hu imwe akumfugamalila Mulungu.
12Want'hu wose wamuleka Mulungu,
watenda mbuli zihile, habule hata mnt'hu imwe akutenda mbuli zikulondigwa na Mulungu.
13Mamelo yawe yawa gesa kabuli diwazi,
ndimi zawe ziulonga mbuli za uhuni milomo yawe zikulawa mbuli zina sumu gesa ya zoka
14Kila wakalonga, wakuwalonga vihile wamwenga na mbuli zawe zikuwa za kuwalumiza wamwenga.
15Want'hu ao wakutenda hima kwita kuwakoma weyawe,
16Hant'hu hohote wakulonda kwita wakubananga vint'hu na wakuwaleka want'hu na usungu.
17Ao hawaimanyile nzila ya kukala na want'hu wamwenga kwa nt'hindiwalo.
18Want'hu wano hawakulonda kumuogoha Mulungu.”
19Elo chikumanya kuwa Malagilizo ya Musa ni ya wala watogole kutalamilwa na Malagilizo ayo, ivo sekewawe na uzigilo wowote, na want'hu wose nawalamulwe na Mulungu. 20Ivo habule mnt'hu yoyote naaoneke kadamana halongozi ha Mulungu kwa kutenda vila yakulonda Malagilizo, kwa vila Malagilizo yakuchitenda chizimanye zambi.
Mulungu akuwatogola want'hu kwa utogozi wawe
21Mbali elo nzila ya Mulungu ya kuwatenda want'hu watogoligwe halongozi hake imanyika bila kwegamila Malagilizo. Hata Malagilizo ya Musa na ya walotezi yakuchilagisa mbuli ino. 22Nzila iyo ni utogozi wawe kwa Yesu Kilisito, Mulungu akutenda ivo kwa want'hu wose wamtogolile Kilisito. Kwavila habule cha kuwabagula. 23Want'hu wose watenda zambi na waza kutogoligwa na Mulungu. 24Chikutogoligwa na Mulungu bila kulihila kwa wende wake, kwa kufosela Yesu Kilisito ila akuwagombola. 25Mulungu kamulava Yesu, ili kwa damu yake awe nzila ya kuwahalavila want'hu zambi zawe kwa kumtogola Yesu. Katenda ivo ili adahe kulagisa kudamana kwake kwa want'hu, kwavila umwaka Mulungu kakala akuzifinyiza zambi wazitendile want'hu. 26Mulungu katenda mbuli iyo ili kulagisa kuwa yeye kadamana na kawatenda want'hu watogoligwe halongozi hake kwa kumtogola Yesu Kilisito. 27Ivoelo china chibwani cha kuigodela? Bule! Hangi? Vino, mnt'hu akudaha kuigoda kwavila akutenda vila yakulonda Malagilizo? Bule! Mbali chikuigoda kwavila chikumtogola Kilisito. 28Kwavila Mulungu akumtogola mnt'hu kuwa kadamana halongozi hake kwa utogozi wake kwa Yesu, mbali sio kwa kutenda yala yakulondingwa muna Malagilizo. 29Vino, Mulungu ni Mulungu wa Wayahudi muhala, egu ni Mulungu wa want'hu sio Wayahudi? Hata! Yeye ni Mulungu wa want'hu wose. 30Mulungu ni imwe, nae naawatogole kuwa wadamana Wayahudi halongozi hake kwa kutogola kwawe, vilavila naawatogole kuwa wadamana halongozi hake want'hu sio Wayahudi kwa kutogola kwawe. 31Vino, chikalonga chikumtogola Yesu, ni kulonga kuwa Malagilizo ya Musa hayakufaya? Hata! Mbali chikamtogola Yesu, ndiho chikutenda yala yakulondigwa na Malagilizo ya Musa.
ទើបបានជ្រើសរើសហើយ៖
Walumi 3: DBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.
Walumi 3
3
1Ivo, Muyahudi ana chibwani chikulu cha kuwahuma want'hu sio Wayahudi? Egu ulungwana ukufaya mbwani? 2Ena, kuwa Muyahudi kukufaya nk'hani, kwavila Mulungu kaandusa kuwenk'ha ao Wayahudi Malagilizo yake. 3Mbali naiweze ikawa wamwenga mgati yao wakawa sio watogofu wa Mulungu? Vino, ao Wayahudi kutokumtogola kwao na kumtende Mulungu asekuwa mtogofu? 4Hata! Seke iwe ivo mbwi. Mulungu naasigale kuwa mtogofu siku zose, ingawa kila mnt'hu muhuni. Gesavila Maandiko ya Mulungu yakulonga,
“Kila ukalonga, mbuli yako ikuwa kweli.
Na kila ukalamula, ulamuzi wako ukuhuma.”
5Mbali, ikawa ubananzi wetu ukulagisa Mulungu akutenda vila ikulondigwa, vino chikudaha kulonga, Mulungu akutenda vihile akachilamula? Hano hulonga nie nikawa gesa mnt'hu. 6Hata! Ingi iwile Mulungu sio mkweli kalonda kudahaze kuwalamula want'hu wa isi? 7Want'hu wakudaha kulonga kuwa ikawa kuswela kutogola kwetu kukutenda wamwenga wadahe kuona bila kufisa kuwa Mulungu ni mtogofu, na ao nawaiyohe kumtunya. Elo, hangi chink'hali chikulamulwa kuwa china zambi? 8Uko ni kulonga kuwa chiwe chikutenda zambi ili mbuli zidamane zilawile. Want'hu wamwenga wakuchiziga kuwa hata cheye chikufunza ivoivo. Na want'hu wakulonga ivo nawalamuligwe kwa ubananzi wawe.
Want'hu wose watenda zambi
9Elo chilonge mbwani? Kuwa cheye Wayahudi chikufaya nk'hani kuhuma want'hu sio Wayahudi? Bule! Gesa ivoniwalongele hamwanduso kuwa Wayahudi na want'hu sio Wayahudi wose chikutalamilwa na zambi. 10Gesa Maandiko ya Mulungu ivoyakulonga,
“Habule mnt'hu hata imwe akutenda yala yakumbwedeza Mulungu!
11Habule hata mnt'hu imwe eli na umanyi
wala habule hata mnt'hu imwe akumfugamalila Mulungu.
12Want'hu wose wamuleka Mulungu,
watenda mbuli zihile, habule hata mnt'hu imwe akutenda mbuli zikulondigwa na Mulungu.
13Mamelo yawe yawa gesa kabuli diwazi,
ndimi zawe ziulonga mbuli za uhuni milomo yawe zikulawa mbuli zina sumu gesa ya zoka
14Kila wakalonga, wakuwalonga vihile wamwenga na mbuli zawe zikuwa za kuwalumiza wamwenga.
15Want'hu ao wakutenda hima kwita kuwakoma weyawe,
16Hant'hu hohote wakulonda kwita wakubananga vint'hu na wakuwaleka want'hu na usungu.
17Ao hawaimanyile nzila ya kukala na want'hu wamwenga kwa nt'hindiwalo.
18Want'hu wano hawakulonda kumuogoha Mulungu.”
19Elo chikumanya kuwa Malagilizo ya Musa ni ya wala watogole kutalamilwa na Malagilizo ayo, ivo sekewawe na uzigilo wowote, na want'hu wose nawalamulwe na Mulungu. 20Ivo habule mnt'hu yoyote naaoneke kadamana halongozi ha Mulungu kwa kutenda vila yakulonda Malagilizo, kwa vila Malagilizo yakuchitenda chizimanye zambi.
Mulungu akuwatogola want'hu kwa utogozi wawe
21Mbali elo nzila ya Mulungu ya kuwatenda want'hu watogoligwe halongozi hake imanyika bila kwegamila Malagilizo. Hata Malagilizo ya Musa na ya walotezi yakuchilagisa mbuli ino. 22Nzila iyo ni utogozi wawe kwa Yesu Kilisito, Mulungu akutenda ivo kwa want'hu wose wamtogolile Kilisito. Kwavila habule cha kuwabagula. 23Want'hu wose watenda zambi na waza kutogoligwa na Mulungu. 24Chikutogoligwa na Mulungu bila kulihila kwa wende wake, kwa kufosela Yesu Kilisito ila akuwagombola. 25Mulungu kamulava Yesu, ili kwa damu yake awe nzila ya kuwahalavila want'hu zambi zawe kwa kumtogola Yesu. Katenda ivo ili adahe kulagisa kudamana kwake kwa want'hu, kwavila umwaka Mulungu kakala akuzifinyiza zambi wazitendile want'hu. 26Mulungu katenda mbuli iyo ili kulagisa kuwa yeye kadamana na kawatenda want'hu watogoligwe halongozi hake kwa kumtogola Yesu Kilisito. 27Ivoelo china chibwani cha kuigodela? Bule! Hangi? Vino, mnt'hu akudaha kuigoda kwavila akutenda vila yakulonda Malagilizo? Bule! Mbali chikuigoda kwavila chikumtogola Kilisito. 28Kwavila Mulungu akumtogola mnt'hu kuwa kadamana halongozi hake kwa utogozi wake kwa Yesu, mbali sio kwa kutenda yala yakulondingwa muna Malagilizo. 29Vino, Mulungu ni Mulungu wa Wayahudi muhala, egu ni Mulungu wa want'hu sio Wayahudi? Hata! Yeye ni Mulungu wa want'hu wose. 30Mulungu ni imwe, nae naawatogole kuwa wadamana Wayahudi halongozi hake kwa kutogola kwawe, vilavila naawatogole kuwa wadamana halongozi hake want'hu sio Wayahudi kwa kutogola kwawe. 31Vino, chikalonga chikumtogola Yesu, ni kulonga kuwa Malagilizo ya Musa hayakufaya? Hata! Mbali chikamtogola Yesu, ndiho chikutenda yala yakulondigwa na Malagilizo ya Musa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.