Maliko 9
9
1Yesu akagendelela kuwalongela, “Huwalongeleni kweli, wahano want'hu wamwenga ao sekewadanganike bila ya kuuona Umwene wa Mulungu ukeza kwa nguvu.”
Yesu akuoneka muna ukulu wake
Matayo 17:1,13; Luka 9:28,36
2Ivo zifosile siku sita, Yesu akawasola Petulo na Yakobo hamwenga na Yohana, akakwela nao kuchanya kudigamba tali, uko wakala wadumwenga. Yesu akabiduka sula halongozi hao, 3mwenda wake ukawa mzelu chwe! Habule mnt'hu yoyote mui isi akudaha kunyugunt'ha na kuutenda wele gesa ivo. 4Kamala wanahina watatu wakawaona mulotezi Elia na mulotezi Musa wakulonga na Yesu. 5Petulo akamulongela Yesu, “Mfunza, idamana cheye kukala hano. Ivo, ikufaya chizenge viheha vitatu, kimwe chako na kimwe cha Musa na kimwenga cha Eliya.” 6Petulo na wayage wakala wamemwa na woga, ndo mana hamanyile alongeki. 7Kamala dikalawila wingu dikawagubika na wakahulika izi ya Mulungu mdiwingu idyo, ikalonga, “Ino ndo mwanangu humbweda, mtegelezeni.” 8Ahoaho wanahina wakalola banzi zose, mbali hawamuonile mnt'hu imwenga, mbali Yesu adumwe hamwenga nao. 9Ivo wakalile wakutelemka mdigamba, Yesu akawalemesa akawalongela “Msekumulongela mnt'hu yoyote mbuli wazionile, hadi nie Mwana wa Mnt'hu nize kubwela muugima.”
10Ivo, wakatenda vila walagilizwe, mbali wakauzana wao kwa wao wakalonga, “Kubwela muugima ndo mbwani?” 11Wakamuuza Yesu, wakalonga, “Mbona wafunza Malagilizo wakulonga ikulondigwa mulotezi Elia amulongolele Yesu?” 12Yesu akawalongela, “Ena, Elia naanduse kwiza na kuika goya mbuli zose. Mbali hamwenga na ayo yose, hangi muna maandiko ya Mulungu yandikwa Mwana wa Mnt'hu naahenyeke na kuzeligwa? 13Mbali huwalongeleni Elia keza kale, nao wakatenda yose wayalondile gesa vila iyandikwe kuhusu yeye.”
Yesu akumuhonya mbwanga mwenye kinyamkela
Matayo 17:14-21; Luka 9:37-43
14Yesu hamwenga na wanahina wake watatu ivo wafikile kwa wanahina wamwenga, wauona uyama mkulu wa want'hu. Na wafunza Malagilizo wamwenga wakala waupinzana nao. 15Ahoaho ula uyama mkulu wa want'hu wose ivo umuonile Yesu ukakangawala nk'hani, wakamwitila na kumulamsa. 16Yesu akawauza wanahina wake, “Mkuipinza nao mbwani ao?” 17Mnt'hu imwe muna ula uyama wa want'hu akamulongela Yesu, “Mfunza, nimgala mwanangu kumwako ana kinyamkela kikumtenda apotwe kulonga. 18Na ino kinyamkela akammukila akumlagaza hasi na akulawa lovu mumlomo na kuno akugegeda meno na kugagadala mtufi wose. Niwalomba wanahina wako wamlave ino kinyamkela mbali wapotwa.”
19Yesu akawalongela, “Mweye ueleko mbule utogozi! Nanikale na mweye hadi lini? Naniwafinyilize hadi lini? Nigalileni iyo mbwanga kumwangu!” 20Wakamgala ila mwana kwa Yesu. Ahoaho ila kinyamkela ivo amuone Yesu, akammukila ila mwana na akapata utamu wa kifutu na akagwa hasi na akuiyuga kuno akulawa lovu mmulomo. 21Yesu akamuuza tati yake ila mwana, “Mbuli zino zimwandusa lini?” Tata wa ila mbwanga akamulongela, “Kwandusila udodo wake, 22ulo kwa ulo kakala akumgwisa hasi muna umoto egu mmazi ili amkome. Ivo, chikukulomba ikadahika uchionele ubazi na uchitaze!”
23Yesu akamulongela, “Eti ikadahika! Mbuli zose zikudahika kwa mnt'hu akutogola.” 24Aho, tati yake ila mbwanga akalila kwa izi nk'hulu, “Hutogola mbali utogozi wangu mdodo, nitaze nitogole.” 25Yesu ivo aonile uyama wa want'hu ukuongezekela halongozi yake, akambwakila ila kinyamkela, akamulongela, “Weye kinyamkela ukumtenda mwana ino asekudaha kulonga wala kuhulika, hukulongela mulawe mbwanga ino usekumwingila kaidi!” 26Kinyamkela akatoa mazange akamulagaza ila mbwanga hasi kamala akamulawa. Mbwanga ila akaoneka gesa kadanganika, ivo want'hu wamwenga wakalonga, “Kadanganika.” 27Mbali Yesu akamtoza mkono ila mbwanga akamwinula, nae akatimalala.
28Yesu ivo aingile mgati mui kaya, wanahina wake wakamuuza aho wakalile wadumwe, “Hangi cheye chipotwa kumulava kinyamkela ila?” 29Yesu akawalongela, “Habule nzila imwenga ya kumulava kinyamkela gesa ila mbali ni kwa kulomba.”
Yesu akulonga kaidi mbuli ya kudanganika kwake na kubwela muugima
Matayo 17:22,23; Luka 9:43,45
30Yesu na wanahina wake wakahalawa hant'hu hala, wakaita nt'hambo yawe kufosela bululu da Galilaya. Yesu halondile mnt'hu yoyote amanye uko eli, 31kwa vila kakala akuwafunza wanahina wake. Akawalongela, “Nie Mwana wa Mnt'hu nanigwiligwe na want'hu wabananzi na nawanikome mbali siku ya katatu nanibwele muugima.”
32Mbali wanahina wake wakala hawaimanyile mbuli iyo awafunzile na wakaogoha kumuuza.
Niyani kilongozi?
33Ivo, Yesu na wanahina wake wakeingila kudibululu da Kapelinaumu, na ivo wakalile muikaya Yesu akawauza wanahina wake, “Ivo chikalile muinzila mukala mkupinzana mbwani?” 34Mbali ao wakanyamala, kwa vila muinzila wakala wakupinzana niyani naawe kilongozi hagati yawe. 35Yesu akakala hasi, akawatanga wala wanahina wake kumi na waidi, akawalongela, “Mnt'hu yoyote akulonda kuwa wa mwanduso akulondingwa aitende awe wa nk'homelezo na awasank'hanile want'hu wose.” 36Kamala Yesu akamsola mwana mdodo na akamtimalisa hagati yawe na kumkumbatila, kamala akawalongela, 37“Mnt'hu yoyote akulonda kumuhokela mwana gesa ino kwa ukulu wa zina dyangu, kanihokela nie, na akunihokele nie kamuhokela Mulungu anitumile.”
Mnt'hu hakuchipinga ahamwenga na cheye
Luka 9:49-50
38Yohana akamulongela Yesu, “Mfunza, chimuona mnt'hu imwe akulava kinyamkela kwa zina dyako, na cheye chikamulemesa kwa vila sio miyetu.” 39Mbali Yesu akawalongela, “Msekumulemesa mnt'hu iyo icho akuchitenda. Habule mnt'hu akudaha kutenda uzonza kwa zina dyangu, ahoaho anilonge vihile. 40Mnt'hu yoyote hakuchipinga, iyo ahamwenga na cheye. 41Kweli huwalongeleni Mnt'hu yoyote akawenk'heni mazi ya kung'wa kwa vila mweye ni want'hu wake Kilisito, naahokele tunzo.”
Mbuli zikumtenda mnt'hu atende zambi
Matayo 18:6-9; Luka 17:1-2
42Mnt'hu yoyote akulonda kumtenda imwe wa wadodo wano wakunitogola, atende zambi, ikufaya mnt'hu iyo afungwe ibwe kulu dakusagila muisingo yake na kusumbwa muibahali. 43Mkono wako ukakutenda utende zambi, Ukant'he. Muhavu uingile muugima ubule nk'homelezo ukawa na mkono umwe, haikufaya ukawa na mikono midi na kuno ukwingila kuna moto ubule nk'homelezo. 44Umo muna funza hawakudanganika, na moto ubule nk'homelezo. 45Mgulu wako ukakutenda utende zambi, ukant'he. Muhavu uingile muugima ubule nk'homelezo na mgulu umwe, haikufaya ukawa na migulu midi na kuno ukwingila kuna moto ubule nk'homelezo. 46Umo mna funza hawakudanganika na moto ubule nk'homelezo. 47Vilavila ziso dyako dikakutenda utende zambi, ding'ole. Muhavu uingile muna Umwene wa Mulungu ukawa na ziso dimwe, haikufaya ukawa na meso yose maidi na ukasumbwa kuna moto ubule nk'homelezo. 48Umo muna funza hawakudanganika na moto aukuzimika.
49“Mulungu naamfoseze kila mnt'hu muna amahenyeko gesa moto. Vila want'hu wakuhakaza nyama munyu wakawa hawana ilunguza.” 50“Munyu udamana, mbali ukaza ula umunyumunyu, na ugelwe chibwani ili udamane kaidi? Na mweye iweni gesa munyu ukukolela mgati mwenu na mukale goya mweye kwa mweye.”
ទើបបានជ្រើសរើសហើយ៖
Maliko 9: DBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.
Maliko 9
9
1Yesu akagendelela kuwalongela, “Huwalongeleni kweli, wahano want'hu wamwenga ao sekewadanganike bila ya kuuona Umwene wa Mulungu ukeza kwa nguvu.”
Yesu akuoneka muna ukulu wake
Matayo 17:1,13; Luka 9:28,36
2Ivo zifosile siku sita, Yesu akawasola Petulo na Yakobo hamwenga na Yohana, akakwela nao kuchanya kudigamba tali, uko wakala wadumwenga. Yesu akabiduka sula halongozi hao, 3mwenda wake ukawa mzelu chwe! Habule mnt'hu yoyote mui isi akudaha kunyugunt'ha na kuutenda wele gesa ivo. 4Kamala wanahina watatu wakawaona mulotezi Elia na mulotezi Musa wakulonga na Yesu. 5Petulo akamulongela Yesu, “Mfunza, idamana cheye kukala hano. Ivo, ikufaya chizenge viheha vitatu, kimwe chako na kimwe cha Musa na kimwenga cha Eliya.” 6Petulo na wayage wakala wamemwa na woga, ndo mana hamanyile alongeki. 7Kamala dikalawila wingu dikawagubika na wakahulika izi ya Mulungu mdiwingu idyo, ikalonga, “Ino ndo mwanangu humbweda, mtegelezeni.” 8Ahoaho wanahina wakalola banzi zose, mbali hawamuonile mnt'hu imwenga, mbali Yesu adumwe hamwenga nao. 9Ivo wakalile wakutelemka mdigamba, Yesu akawalemesa akawalongela “Msekumulongela mnt'hu yoyote mbuli wazionile, hadi nie Mwana wa Mnt'hu nize kubwela muugima.”
10Ivo, wakatenda vila walagilizwe, mbali wakauzana wao kwa wao wakalonga, “Kubwela muugima ndo mbwani?” 11Wakamuuza Yesu, wakalonga, “Mbona wafunza Malagilizo wakulonga ikulondigwa mulotezi Elia amulongolele Yesu?” 12Yesu akawalongela, “Ena, Elia naanduse kwiza na kuika goya mbuli zose. Mbali hamwenga na ayo yose, hangi muna maandiko ya Mulungu yandikwa Mwana wa Mnt'hu naahenyeke na kuzeligwa? 13Mbali huwalongeleni Elia keza kale, nao wakatenda yose wayalondile gesa vila iyandikwe kuhusu yeye.”
Yesu akumuhonya mbwanga mwenye kinyamkela
Matayo 17:14-21; Luka 9:37-43
14Yesu hamwenga na wanahina wake watatu ivo wafikile kwa wanahina wamwenga, wauona uyama mkulu wa want'hu. Na wafunza Malagilizo wamwenga wakala waupinzana nao. 15Ahoaho ula uyama mkulu wa want'hu wose ivo umuonile Yesu ukakangawala nk'hani, wakamwitila na kumulamsa. 16Yesu akawauza wanahina wake, “Mkuipinza nao mbwani ao?” 17Mnt'hu imwe muna ula uyama wa want'hu akamulongela Yesu, “Mfunza, nimgala mwanangu kumwako ana kinyamkela kikumtenda apotwe kulonga. 18Na ino kinyamkela akammukila akumlagaza hasi na akulawa lovu mumlomo na kuno akugegeda meno na kugagadala mtufi wose. Niwalomba wanahina wako wamlave ino kinyamkela mbali wapotwa.”
19Yesu akawalongela, “Mweye ueleko mbule utogozi! Nanikale na mweye hadi lini? Naniwafinyilize hadi lini? Nigalileni iyo mbwanga kumwangu!” 20Wakamgala ila mwana kwa Yesu. Ahoaho ila kinyamkela ivo amuone Yesu, akammukila ila mwana na akapata utamu wa kifutu na akagwa hasi na akuiyuga kuno akulawa lovu mmulomo. 21Yesu akamuuza tati yake ila mwana, “Mbuli zino zimwandusa lini?” Tata wa ila mbwanga akamulongela, “Kwandusila udodo wake, 22ulo kwa ulo kakala akumgwisa hasi muna umoto egu mmazi ili amkome. Ivo, chikukulomba ikadahika uchionele ubazi na uchitaze!”
23Yesu akamulongela, “Eti ikadahika! Mbuli zose zikudahika kwa mnt'hu akutogola.” 24Aho, tati yake ila mbwanga akalila kwa izi nk'hulu, “Hutogola mbali utogozi wangu mdodo, nitaze nitogole.” 25Yesu ivo aonile uyama wa want'hu ukuongezekela halongozi yake, akambwakila ila kinyamkela, akamulongela, “Weye kinyamkela ukumtenda mwana ino asekudaha kulonga wala kuhulika, hukulongela mulawe mbwanga ino usekumwingila kaidi!” 26Kinyamkela akatoa mazange akamulagaza ila mbwanga hasi kamala akamulawa. Mbwanga ila akaoneka gesa kadanganika, ivo want'hu wamwenga wakalonga, “Kadanganika.” 27Mbali Yesu akamtoza mkono ila mbwanga akamwinula, nae akatimalala.
28Yesu ivo aingile mgati mui kaya, wanahina wake wakamuuza aho wakalile wadumwe, “Hangi cheye chipotwa kumulava kinyamkela ila?” 29Yesu akawalongela, “Habule nzila imwenga ya kumulava kinyamkela gesa ila mbali ni kwa kulomba.”
Yesu akulonga kaidi mbuli ya kudanganika kwake na kubwela muugima
Matayo 17:22,23; Luka 9:43,45
30Yesu na wanahina wake wakahalawa hant'hu hala, wakaita nt'hambo yawe kufosela bululu da Galilaya. Yesu halondile mnt'hu yoyote amanye uko eli, 31kwa vila kakala akuwafunza wanahina wake. Akawalongela, “Nie Mwana wa Mnt'hu nanigwiligwe na want'hu wabananzi na nawanikome mbali siku ya katatu nanibwele muugima.”
32Mbali wanahina wake wakala hawaimanyile mbuli iyo awafunzile na wakaogoha kumuuza.
Niyani kilongozi?
33Ivo, Yesu na wanahina wake wakeingila kudibululu da Kapelinaumu, na ivo wakalile muikaya Yesu akawauza wanahina wake, “Ivo chikalile muinzila mukala mkupinzana mbwani?” 34Mbali ao wakanyamala, kwa vila muinzila wakala wakupinzana niyani naawe kilongozi hagati yawe. 35Yesu akakala hasi, akawatanga wala wanahina wake kumi na waidi, akawalongela, “Mnt'hu yoyote akulonda kuwa wa mwanduso akulondingwa aitende awe wa nk'homelezo na awasank'hanile want'hu wose.” 36Kamala Yesu akamsola mwana mdodo na akamtimalisa hagati yawe na kumkumbatila, kamala akawalongela, 37“Mnt'hu yoyote akulonda kumuhokela mwana gesa ino kwa ukulu wa zina dyangu, kanihokela nie, na akunihokele nie kamuhokela Mulungu anitumile.”
Mnt'hu hakuchipinga ahamwenga na cheye
Luka 9:49-50
38Yohana akamulongela Yesu, “Mfunza, chimuona mnt'hu imwe akulava kinyamkela kwa zina dyako, na cheye chikamulemesa kwa vila sio miyetu.” 39Mbali Yesu akawalongela, “Msekumulemesa mnt'hu iyo icho akuchitenda. Habule mnt'hu akudaha kutenda uzonza kwa zina dyangu, ahoaho anilonge vihile. 40Mnt'hu yoyote hakuchipinga, iyo ahamwenga na cheye. 41Kweli huwalongeleni Mnt'hu yoyote akawenk'heni mazi ya kung'wa kwa vila mweye ni want'hu wake Kilisito, naahokele tunzo.”
Mbuli zikumtenda mnt'hu atende zambi
Matayo 18:6-9; Luka 17:1-2
42Mnt'hu yoyote akulonda kumtenda imwe wa wadodo wano wakunitogola, atende zambi, ikufaya mnt'hu iyo afungwe ibwe kulu dakusagila muisingo yake na kusumbwa muibahali. 43Mkono wako ukakutenda utende zambi, Ukant'he. Muhavu uingile muugima ubule nk'homelezo ukawa na mkono umwe, haikufaya ukawa na mikono midi na kuno ukwingila kuna moto ubule nk'homelezo. 44Umo muna funza hawakudanganika, na moto ubule nk'homelezo. 45Mgulu wako ukakutenda utende zambi, ukant'he. Muhavu uingile muugima ubule nk'homelezo na mgulu umwe, haikufaya ukawa na migulu midi na kuno ukwingila kuna moto ubule nk'homelezo. 46Umo mna funza hawakudanganika na moto ubule nk'homelezo. 47Vilavila ziso dyako dikakutenda utende zambi, ding'ole. Muhavu uingile muna Umwene wa Mulungu ukawa na ziso dimwe, haikufaya ukawa na meso yose maidi na ukasumbwa kuna moto ubule nk'homelezo. 48Umo muna funza hawakudanganika na moto aukuzimika.
49“Mulungu naamfoseze kila mnt'hu muna amahenyeko gesa moto. Vila want'hu wakuhakaza nyama munyu wakawa hawana ilunguza.” 50“Munyu udamana, mbali ukaza ula umunyumunyu, na ugelwe chibwani ili udamane kaidi? Na mweye iweni gesa munyu ukukolela mgati mwenu na mukale goya mweye kwa mweye.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Dowe @The Word for The World International and Dowe Language translation. All rights reserved.