oLuka 11
11
Ozafofu ko Oyesu Ikweyi ki Inarigwu
(oMatiyu 6.9-13; 7.7-11)
1Eno oye Oyesu ya tinarigwu ebye, ishini otinarigwu kweyi ni, oye ipu ka awogboso ka da anu mo, <<Adole, faha inarigwu tota byoni Oyohana fa awogboso ni.>>
2Oka da awa mo, <<Ishini ala ba tinarigwu, ala kamo,
<<Ada, iye wo na yo sere, obula wo nawa. 3Da aha ozarore ke eno ki ikyeni. 4Yo ozalabi ka aha gbaha, byoni aha gba awase ni yaha ozalabi ni. Ka bya aha gipu ko omama lo.>>
5Oyesu ka dawa mo, <<Ana kamo ashe ipu kala gbo oya, kweyi oge ebe nu otutehe ko otu kweyi kamo, <Oya, kpa ami ikyoga eta, 6oya hin oye bwi iyawu wa sa ebe hin anani, Ami ke gbo ozarore ko danu lo.>
7<<Ebeni ase ni yipu ko oda ni kamo, <Ka yumo ogidigidi lo. Ami kpa ayi hin ba gbola, ayofunu ka aha gwu wa. Nyya gege ya yiso ya da awo ojije lo.> 8Nyya kadala, owoni oya gege ya nyiso ya danu ikyoga koni owo oyanu ni lo, oya nyiso wa danu koni ogwi iweyi shonu ni, kweyi wa danu oza ni oya yimu ni.
9<<Nyya kadala mamani: Doka, aba da ala, tikpo, ala ba pye, gwabo ofunu, aba gwa da ala. 10Koni kpiri kase ni ba aba danu: ase ni tikpo oya pye, ase ni gwabo ofunu, aba gwofunu danu.
11<<Ada wonya ipu kala ni, owoni oyinu do oka ke ebinyi kweyi ona danu egwa? 12Kwe owoni odoka ka ayi, kweyi ona danu ena? 13Owoni ala ase bibi ba gye ko da ayi kala oza neshi, oya lemoji kpa Ada kala ni yi iso ni ya da ase ni do oka ko omaku ko Owuso ni!>>
Oyesu kpo Obelizebu
(oMatiyu 12.22-30; oMak 3.20-27)
14Oyesu ya ngmo omaku bibi ni yo ongo oye ya kela lo ni. Ishini omaku bibi mani bose ni, ongo oni kwotu ko kela, igbashi ya ase ni be ebeni ni yi kwu. 15Ashishini wa ke kamo, <<Obelizebu, ose ko omaku bibi pini danu oshu ko ngma awa la.>> 16Ashishini kase moma ba doka ki igbashi oye bwi iso.
17Oyesu gyo oza ni yo otu wa ni, oka da awa mo, <<Obula ni ba gbapwo kpi iyiwa, oya hagye lo, kweyi ole ni kepa ya kye. 18Owoni obula ki Ibiri kepa, owe wonya ni oya hagye? Nka mani ikweyi koni ala mo ngmo omaku bibi kpo oshu ko Obelizebu ni. 19Kweyi owoni Obelizebu pini da ami oshu ko ngmo omaku bibi la, oshu wonya ni awogboso ba ngma awa kpa anu? Olemani, aba wa awino kwa ala epwo! 20Owoni nke ya ngmo omaku bibi kpo oshu ko Owuso, obula ko Owuso wa da ala pini yoma.
21<<Ishini ino oshu wi iyinu shu ya gbeho kole nu, ojije ya ti iyo nu lo. 22Ishini ashe ni ke loshu sho ni wa nonu kpa anu kweyi gwagye, oya yi iyo ke efu ni ba abo nu yayi kpo kweyi ki ya yi iyo ya kpo. 23<<Ase ni yo kpa ami lo owo omonyekwotu hin la, kweyi ase ni kpo tukpa kpa ami lo, oya yi pasha.
24<<Ishini omaku bibi bose shi ikpiye kase, oya bose gipu ko ododa kweyi ga labo kebe ko minyo. Kweyi owoni opye lo, oya kamo, <Nyya kwikye go ole ni nbose bwa anu ni.> 25Ishini okwikye ni, oga mo ole ni obose ni ayigwu ki kyanutu neshi. 26Ebeni okwikye ga kpo omaku bibi ahapa ni gbotu bibi sha sho ni, kweyi kpiri wa wa gi ikpiye ka anu oni kweyi bagye ebeni. Kweyi otu ko ongo ni labi sho nekye-nekye.>>
Otunehe ko Otata
27Ni Oyesu ya kela mani ni, onya oye ipu ke ewa sheha mo, <<Otunehe yo kpo onya ni mo ki da awo ame gwa ni.>>
28Oyesu kyogwu mo, <<Otunehe ke yo kpa awase ni pwela ko Owuso kweyi yo oko kpanu.>>
Oyesu kpo Oyunana (Omt. 12.39-42)
29Ni ewa ka asuse wa tukpa ni, Oyesu kamo, <<Omani wi ishi bibi la. Aba doka ko oza ki igbashi, nyya yo oza ki igbashi oyoye da ala lo, so oni gbodagye kpo Oyunana ni. 30Byoni Oyunana wi igbashi do Onineba ni, mamani Oyi ka Asuse ya we da ase ki ishi mani. 31Inole ko Osheba wa nyiso ya ka dala eno ko kepwo mo, ala yo ozalabi ase kishi mani, koni owa bwe ebe lenu wa pwela gyogye ko Osolomo, onabani ase ni sho Osolomo ni yoma. 32Ango ko Onineba ba wa hagye eno ko kepwo kpase ki ishi mani kweyi ba kwuwe epwo, ikweyi koni ashagbotu ishini Oyunana ya tono ni, onabani ase ni sho Oyunana ni yoma.
Ikwomu ki Ikpiye
(oMatiyu 5.15; 6.22-23)
33<<Ashishe ya kwola ikwomu kweyi yayi leba, kwe oya yipu ko ogwugwu lo. Oke ya kwu ya yi hi ikweyi ko oka nu shini ase ni ba wi ipu na mebe. 34Iyi kala wo ikwomu ki ikpiye la. Ishini iyi kala shoshi, ikpiye kala kpiri ba yu. Owoni iyi ke shoshi lo, ikpiye kala kpiri ba dibu. 35Gye ipu ko otu wo mo oyoyu ni ogbo ni wa ke ebe dibu lalo. 36Ni olemani, owoni ogbo oyoyu ni gbe ebe dibu lo ni, oya we ebe yoyu byoni oyoyu ki ikwomu yayu ikpiye wo ni.
Igbe na ta Awofarisi kpa Awofono
(oMatiyu 23.1-36; oMak 12.38-40)
37Ni Oyesu kela kweyi ni, ongo ko Ofarisi oye kanu ko go ole nu ga roza, oga yagye ikweyi ko oka. 38Igbashi ke ya ase ko ofarisi ni yo ogwu ni kwu koni omo yagye ko roza kweyi onabo byoni ono ka ni lo.
39Ebeni Adole ka da anu mo, <<Ala Awofarisi ba gbera kpe ese ka abwa kpo ogo kweyi ba yina neneshi ipu ko otu kala ke nwu kpi imu ki iyi kala kpo otu labi. 40Ala awikyo! Owuso ni ye ese ni pini yipu lalo? 41Ala yo oza ni yipu ko ogo ni yi do oleha kweyi ojoji yawo neshi dala.
42Igbe na ta ala Awofarisi koni ala ba zo oye ipu kigwo do Owuso, bwipu kiyo kefu ko obobo kpi ikpako kpiri, ala ke tela ko yo okwokwoshi kpimu ko Owuso. Awomani pini woza ni ala shu ko ya, wa ko sho ashishini bita lalo.
43<<Igbe na ta ala Awofarisi, ala ba yimu shini ana da ala ebe ko yagye neneshi ekpa, ana ki bi ta ala ogbogba ipu ki ipishi.
44Igbe na ta ala, ala lema bya amiri na ase gyo oyi nu lo, kweyi ba yawu ikweyi nu ni.>>
45Bwebe ni oye ipu ka awofono ka do Oyesu mo, <<Inofoza, ishini ni oka mani, osa aha esa oma!>>
46Oyesu kyogwu mo, <<Igbe na ta ala awofono, ala ba kpiyo lenu ko sa ase ni ba gege ya bi lo ni, ala abiyikala ke kwi ikpiye kala kyokya ko tuwabo lo.
47Igbe na ta ala, ala ma amiri kawo bane, awokyikyi kala pini ke ngmuwa la. 48Ala abiyikala yo olobene, ala ki kyogwu kpo oza ni awokyikyi kala ya ni. Angma awinobane, ala ma amiri wa. 49Oza ni ya ni oziyi ko Owuso ya kamo, <Nyya ta awinobane kpa ayikoko ko Oyesu oleho ebe wa. Aba ngma ase shishini ki ba da ase shishini owe.> 50Ikweyi koni aba da ase ki ishi mani owe ikweyi ko ngmongmo ni angma awinobane bwi ishini aye ese ni, 51bwi ikweyi ko oyi ka Abila gi ikweyi ko Ozakariya, ni ayi ngmo obepa ko okpe ko shokoyi kpo oda sere ipu ko Ole ko Owuso. Nyya kadala okwokwoshi, aba da ase ki ishi mani owe ikweyi ko oza mani kpiri.
52<<Igbe na ta ala awofono, ala byo obakofunu ko ozagyogye. Ala abiyikala gipu nu lo, ala ke sha awase ni ba yimu ko gipu nu bita na ganu lo.>>
53Ishini Oyesu she ebe ni bita ni, awofono kpa Awofarisi ke iyi wa gola kweyi akwotu ko bo ogo kpo oka doda, 54aba tikpo ko owe ko kwo kpo oza ni oya ka ni,
ទើបបានជ្រើសរើសហើយ៖
oLuka 11: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
oLuka 11
11
Ozafofu ko Oyesu Ikweyi ki Inarigwu
(oMatiyu 6.9-13; 7.7-11)
1Eno oye Oyesu ya tinarigwu ebye, ishini otinarigwu kweyi ni, oye ipu ka awogboso ka da anu mo, <<Adole, faha inarigwu tota byoni Oyohana fa awogboso ni.>>
2Oka da awa mo, <<Ishini ala ba tinarigwu, ala kamo,
<<Ada, iye wo na yo sere, obula wo nawa. 3Da aha ozarore ke eno ki ikyeni. 4Yo ozalabi ka aha gbaha, byoni aha gba awase ni yaha ozalabi ni. Ka bya aha gipu ko omama lo.>>
5Oyesu ka dawa mo, <<Ana kamo ashe ipu kala gbo oya, kweyi oge ebe nu otutehe ko otu kweyi kamo, <Oya, kpa ami ikyoga eta, 6oya hin oye bwi iyawu wa sa ebe hin anani, Ami ke gbo ozarore ko danu lo.>
7<<Ebeni ase ni yipu ko oda ni kamo, <Ka yumo ogidigidi lo. Ami kpa ayi hin ba gbola, ayofunu ka aha gwu wa. Nyya gege ya yiso ya da awo ojije lo.> 8Nyya kadala, owoni oya gege ya nyiso ya danu ikyoga koni owo oyanu ni lo, oya nyiso wa danu koni ogwi iweyi shonu ni, kweyi wa danu oza ni oya yimu ni.
9<<Nyya kadala mamani: Doka, aba da ala, tikpo, ala ba pye, gwabo ofunu, aba gwa da ala. 10Koni kpiri kase ni ba aba danu: ase ni tikpo oya pye, ase ni gwabo ofunu, aba gwofunu danu.
11<<Ada wonya ipu kala ni, owoni oyinu do oka ke ebinyi kweyi ona danu egwa? 12Kwe owoni odoka ka ayi, kweyi ona danu ena? 13Owoni ala ase bibi ba gye ko da ayi kala oza neshi, oya lemoji kpa Ada kala ni yi iso ni ya da ase ni do oka ko omaku ko Owuso ni!>>
Oyesu kpo Obelizebu
(oMatiyu 12.22-30; oMak 3.20-27)
14Oyesu ya ngmo omaku bibi ni yo ongo oye ya kela lo ni. Ishini omaku bibi mani bose ni, ongo oni kwotu ko kela, igbashi ya ase ni be ebeni ni yi kwu. 15Ashishini wa ke kamo, <<Obelizebu, ose ko omaku bibi pini danu oshu ko ngma awa la.>> 16Ashishini kase moma ba doka ki igbashi oye bwi iso.
17Oyesu gyo oza ni yo otu wa ni, oka da awa mo, <<Obula ni ba gbapwo kpi iyiwa, oya hagye lo, kweyi ole ni kepa ya kye. 18Owoni obula ki Ibiri kepa, owe wonya ni oya hagye? Nka mani ikweyi koni ala mo ngmo omaku bibi kpo oshu ko Obelizebu ni. 19Kweyi owoni Obelizebu pini da ami oshu ko ngmo omaku bibi la, oshu wonya ni awogboso ba ngma awa kpa anu? Olemani, aba wa awino kwa ala epwo! 20Owoni nke ya ngmo omaku bibi kpo oshu ko Owuso, obula ko Owuso wa da ala pini yoma.
21<<Ishini ino oshu wi iyinu shu ya gbeho kole nu, ojije ya ti iyo nu lo. 22Ishini ashe ni ke loshu sho ni wa nonu kpa anu kweyi gwagye, oya yi iyo ke efu ni ba abo nu yayi kpo kweyi ki ya yi iyo ya kpo. 23<<Ase ni yo kpa ami lo owo omonyekwotu hin la, kweyi ase ni kpo tukpa kpa ami lo, oya yi pasha.
24<<Ishini omaku bibi bose shi ikpiye kase, oya bose gipu ko ododa kweyi ga labo kebe ko minyo. Kweyi owoni opye lo, oya kamo, <Nyya kwikye go ole ni nbose bwa anu ni.> 25Ishini okwikye ni, oga mo ole ni obose ni ayigwu ki kyanutu neshi. 26Ebeni okwikye ga kpo omaku bibi ahapa ni gbotu bibi sha sho ni, kweyi kpiri wa wa gi ikpiye ka anu oni kweyi bagye ebeni. Kweyi otu ko ongo ni labi sho nekye-nekye.>>
Otunehe ko Otata
27Ni Oyesu ya kela mani ni, onya oye ipu ke ewa sheha mo, <<Otunehe yo kpo onya ni mo ki da awo ame gwa ni.>>
28Oyesu kyogwu mo, <<Otunehe ke yo kpa awase ni pwela ko Owuso kweyi yo oko kpanu.>>
Oyesu kpo Oyunana (Omt. 12.39-42)
29Ni ewa ka asuse wa tukpa ni, Oyesu kamo, <<Omani wi ishi bibi la. Aba doka ko oza ki igbashi, nyya yo oza ki igbashi oyoye da ala lo, so oni gbodagye kpo Oyunana ni. 30Byoni Oyunana wi igbashi do Onineba ni, mamani Oyi ka Asuse ya we da ase ki ishi mani. 31Inole ko Osheba wa nyiso ya ka dala eno ko kepwo mo, ala yo ozalabi ase kishi mani, koni owa bwe ebe lenu wa pwela gyogye ko Osolomo, onabani ase ni sho Osolomo ni yoma. 32Ango ko Onineba ba wa hagye eno ko kepwo kpase ki ishi mani kweyi ba kwuwe epwo, ikweyi koni ashagbotu ishini Oyunana ya tono ni, onabani ase ni sho Oyunana ni yoma.
Ikwomu ki Ikpiye
(oMatiyu 5.15; 6.22-23)
33<<Ashishe ya kwola ikwomu kweyi yayi leba, kwe oya yipu ko ogwugwu lo. Oke ya kwu ya yi hi ikweyi ko oka nu shini ase ni ba wi ipu na mebe. 34Iyi kala wo ikwomu ki ikpiye la. Ishini iyi kala shoshi, ikpiye kala kpiri ba yu. Owoni iyi ke shoshi lo, ikpiye kala kpiri ba dibu. 35Gye ipu ko otu wo mo oyoyu ni ogbo ni wa ke ebe dibu lalo. 36Ni olemani, owoni ogbo oyoyu ni gbe ebe dibu lo ni, oya we ebe yoyu byoni oyoyu ki ikwomu yayu ikpiye wo ni.
Igbe na ta Awofarisi kpa Awofono
(oMatiyu 23.1-36; oMak 12.38-40)
37Ni Oyesu kela kweyi ni, ongo ko Ofarisi oye kanu ko go ole nu ga roza, oga yagye ikweyi ko oka. 38Igbashi ke ya ase ko ofarisi ni yo ogwu ni kwu koni omo yagye ko roza kweyi onabo byoni ono ka ni lo.
39Ebeni Adole ka da anu mo, <<Ala Awofarisi ba gbera kpe ese ka abwa kpo ogo kweyi ba yina neneshi ipu ko otu kala ke nwu kpi imu ki iyi kala kpo otu labi. 40Ala awikyo! Owuso ni ye ese ni pini yipu lalo? 41Ala yo oza ni yipu ko ogo ni yi do oleha kweyi ojoji yawo neshi dala.
42Igbe na ta ala Awofarisi koni ala ba zo oye ipu kigwo do Owuso, bwipu kiyo kefu ko obobo kpi ikpako kpiri, ala ke tela ko yo okwokwoshi kpimu ko Owuso. Awomani pini woza ni ala shu ko ya, wa ko sho ashishini bita lalo.
43<<Igbe na ta ala Awofarisi, ala ba yimu shini ana da ala ebe ko yagye neneshi ekpa, ana ki bi ta ala ogbogba ipu ki ipishi.
44Igbe na ta ala, ala lema bya amiri na ase gyo oyi nu lo, kweyi ba yawu ikweyi nu ni.>>
45Bwebe ni oye ipu ka awofono ka do Oyesu mo, <<Inofoza, ishini ni oka mani, osa aha esa oma!>>
46Oyesu kyogwu mo, <<Igbe na ta ala awofono, ala ba kpiyo lenu ko sa ase ni ba gege ya bi lo ni, ala abiyikala ke kwi ikpiye kala kyokya ko tuwabo lo.
47Igbe na ta ala, ala ma amiri kawo bane, awokyikyi kala pini ke ngmuwa la. 48Ala abiyikala yo olobene, ala ki kyogwu kpo oza ni awokyikyi kala ya ni. Angma awinobane, ala ma amiri wa. 49Oza ni ya ni oziyi ko Owuso ya kamo, <Nyya ta awinobane kpa ayikoko ko Oyesu oleho ebe wa. Aba ngma ase shishini ki ba da ase shishini owe.> 50Ikweyi koni aba da ase ki ishi mani owe ikweyi ko ngmongmo ni angma awinobane bwi ishini aye ese ni, 51bwi ikweyi ko oyi ka Abila gi ikweyi ko Ozakariya, ni ayi ngmo obepa ko okpe ko shokoyi kpo oda sere ipu ko Ole ko Owuso. Nyya kadala okwokwoshi, aba da ase ki ishi mani owe ikweyi ko oza mani kpiri.
52<<Igbe na ta ala awofono, ala byo obakofunu ko ozagyogye. Ala abiyikala gipu nu lo, ala ke sha awase ni ba yimu ko gipu nu bita na ganu lo.>>
53Ishini Oyesu she ebe ni bita ni, awofono kpa Awofarisi ke iyi wa gola kweyi akwotu ko bo ogo kpo oka doda, 54aba tikpo ko owe ko kwo kpo oza ni oya ka ni,
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA