Oyohana 16
16
1<<Nkawoza mani kpiri dala shini ala ka gebi lo. 2Aba nala enya shekpa, nyya kadala, ishi yawa ba ase ba ngmala, kweyi aba ma byo aba yoko ko Owuso. 3Aba yaloza mani ikweyi koni agya Ada lo, ake gyun lo. 4Nkwobonu kela mani dala, shini owoni ishi wa gye, ala ba ra mo npyala akpaha ikweyi nu. Nkela mani dala bwikyikyo lo ikweyi koni ntayayo yo kpala.
Oko ko Omaku ko Owuso
5Nabani ke, nyya gebe kase ni tumoleho ni, kwikyikyeni ashishe kala gege dumoka mo, <<Ebenya ni oya ga lo?>> 6Otu kala pa bya ikweyi koza ni nka mani. 7Nke ya kadala okwokwoshi, ogoga hin ya shoshi dala. Owoni ngga lalo, ino talabo ya webe kala lo, owoni nke ga, nyya toleho webe kala. 8Ishini owa, oya wa kwese epwo ikweyi kozalabi kpo oza neshi, kpepwo koka ko Owuso: 9ikweyi kozalabi, koni asuse totu sun lo ni, 10ikweyi ko neshi, koni nyya gebe ka Ada, ebe ni ala ba mun kelo ni, 11ikweyi kepwo koka, koni kwobonu kwo ose kese mani epwo wa.
12<<Nggbela nwashika ko ka dala, ala ba gege ko yi byi ikweyi anani lo. 13Ishini ano Omaku ko okwokwoshi ke wa, oya shiyala owe ipu kokwokwoshi kpiri. Oya wa kela kabiyinu lalo, oya koza ni opwo ni kin la, kweyi oya kawoza ni ba wa gbodagye ni dala. 14Oya yun ya gbigyashi ikweyi koni oya zoza ni wakaka hin ni ya yi shiyala. 15Ozani Ada gbo ni kpiri wakaka hin la. Ozani ya ni nkamo Omaku wa zoza ni wakaka hin ni ya yi shiyala ni oma.
Otubyobya ka Awogboso Ya Pya wo Otunehe
16Oyesu gohobu kpela koka mo, <<Ipu ki ishi gbayayi ala ba mun kelo, kweyi ipu ki ishi gbayayi ala ki ba mun.>>
17Ikweyi kela mani, ashini kawogboso diyiwa oka mo, <<Ikweyi kela nu mani lemoji ni oya kamo, <<Ipu ki ishi gbayayi ala ba mun kelo, kweyi ipu ki ishi gbayayi ala ki ba mun?>> Oki kamo <<Ikweyi koni nyya gebe ka Ada.>> 18Abipu ko doka mo, <<Ojiya ni oya kamo <ipu ki ishi gbayayi>? Aha gyikweyi koza ni oya ka ni lo.>>
19Oyesu gye mo aba yimu ko doka koza mani, oka dawa mo, <<Ozani ala ba diyi kala oka ni ona, ni nkamo, Ipu ki ishi gbayayi ala ba mun kelo, kweyi ipu ki ishi gbayayi ala ki ba mun ni?>> 20Nyya kadala okwokwoshi, ala ba kyegba kweyi ba byotu kotata, ese ke ya shotunehe. Otu kala ya bya, otubyobya kala ke ya pya wotunehe. 21Ishini onya ya moyi oya dose koni ishi nu gye ni, otu nu ya sha ishini oke yoyi ma, oya nwanyi kpose ikweyi koni omoyi wipu kese ni. 22Mamani ala: ishi kotu byobya kala pi yoma, nki yawa mala kweyi ala ba shotunehe, kweyi ashishe ya yotunehe kala bize lo. 23Eno ni ala ba dumoka kojije kelo. Nyya kadala okwokwoshi, Ada hin ya dala ojoji ni ala doka ipu kiye hin. 24Kwikyikyeni ala doka kojije ipu kiye hin wa lo. Ala doka ala ba pye, kweyi otunehe kala ya gyogya.
Refu Ikweyi Kese
25<<Ko ni nyya kela ipu kelase ni, ishi yawa ba ni nyya kela mani kelo ni, npa yawa kela shese dala ikweyi ka Ada hin. 26Eno oni ala ba doka ipu kiye hin. Nyya kamo nyya da Ada oka okwunu kala lalo. 27Aayi, Ada abiyinu ya yimu kala ikweyi koni ala yimu hin kweyi totuse mo nwa bwebe ko Owuso ni. 28Nbwebe ka Ada wipu kese: anani nyya shese bita kweyi ya kwikye gebe ka Ada.>>
29Ebeni awogboso Oyesu ka danu mo, <<Anani oya kela tiriri kweyi okelase kelo. 30Anani aha gye mogyojoji kweyi ashishe shu ko doka kojije kelo. Omani yaha kyogwu mo obwebe ko Owuso la.>>
31Oyesu kyogwu mo, <<Anani ala kyogwu wa?>> 32Ishi yawa ba, kweyi oyiwa wa, ni aba yala kya, ananoho ya kwowe kole nu. Ala ba wa shunbita fufun. Ami ke yo fufun lo, koni Ada hin yo kpami ni.
33<<Nka dala oza mani shini ala gbo omene ipu hin. Ipu kese mani ala ba mowe. Ipu kese mani ala ba gbotu gbagba. Ala ka byotu lo! Nkwobonu yese gwagye wa.>>
ទើបបានជ្រើសរើសហើយ៖
Oyohana 16: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
Oyohana 16
16
1<<Nkawoza mani kpiri dala shini ala ka gebi lo. 2Aba nala enya shekpa, nyya kadala, ishi yawa ba ase ba ngmala, kweyi aba ma byo aba yoko ko Owuso. 3Aba yaloza mani ikweyi koni agya Ada lo, ake gyun lo. 4Nkwobonu kela mani dala, shini owoni ishi wa gye, ala ba ra mo npyala akpaha ikweyi nu. Nkela mani dala bwikyikyo lo ikweyi koni ntayayo yo kpala.
Oko ko Omaku ko Owuso
5Nabani ke, nyya gebe kase ni tumoleho ni, kwikyikyeni ashishe kala gege dumoka mo, <<Ebenya ni oya ga lo?>> 6Otu kala pa bya ikweyi koza ni nka mani. 7Nke ya kadala okwokwoshi, ogoga hin ya shoshi dala. Owoni ngga lalo, ino talabo ya webe kala lo, owoni nke ga, nyya toleho webe kala. 8Ishini owa, oya wa kwese epwo ikweyi kozalabi kpo oza neshi, kpepwo koka ko Owuso: 9ikweyi kozalabi, koni asuse totu sun lo ni, 10ikweyi ko neshi, koni nyya gebe ka Ada, ebe ni ala ba mun kelo ni, 11ikweyi kepwo koka, koni kwobonu kwo ose kese mani epwo wa.
12<<Nggbela nwashika ko ka dala, ala ba gege ko yi byi ikweyi anani lo. 13Ishini ano Omaku ko okwokwoshi ke wa, oya shiyala owe ipu kokwokwoshi kpiri. Oya wa kela kabiyinu lalo, oya koza ni opwo ni kin la, kweyi oya kawoza ni ba wa gbodagye ni dala. 14Oya yun ya gbigyashi ikweyi koni oya zoza ni wakaka hin ni ya yi shiyala. 15Ozani Ada gbo ni kpiri wakaka hin la. Ozani ya ni nkamo Omaku wa zoza ni wakaka hin ni ya yi shiyala ni oma.
Otubyobya ka Awogboso Ya Pya wo Otunehe
16Oyesu gohobu kpela koka mo, <<Ipu ki ishi gbayayi ala ba mun kelo, kweyi ipu ki ishi gbayayi ala ki ba mun.>>
17Ikweyi kela mani, ashini kawogboso diyiwa oka mo, <<Ikweyi kela nu mani lemoji ni oya kamo, <<Ipu ki ishi gbayayi ala ba mun kelo, kweyi ipu ki ishi gbayayi ala ki ba mun?>> Oki kamo <<Ikweyi koni nyya gebe ka Ada.>> 18Abipu ko doka mo, <<Ojiya ni oya kamo <ipu ki ishi gbayayi>? Aha gyikweyi koza ni oya ka ni lo.>>
19Oyesu gye mo aba yimu ko doka koza mani, oka dawa mo, <<Ozani ala ba diyi kala oka ni ona, ni nkamo, Ipu ki ishi gbayayi ala ba mun kelo, kweyi ipu ki ishi gbayayi ala ki ba mun ni?>> 20Nyya kadala okwokwoshi, ala ba kyegba kweyi ba byotu kotata, ese ke ya shotunehe. Otu kala ya bya, otubyobya kala ke ya pya wotunehe. 21Ishini onya ya moyi oya dose koni ishi nu gye ni, otu nu ya sha ishini oke yoyi ma, oya nwanyi kpose ikweyi koni omoyi wipu kese ni. 22Mamani ala: ishi kotu byobya kala pi yoma, nki yawa mala kweyi ala ba shotunehe, kweyi ashishe ya yotunehe kala bize lo. 23Eno ni ala ba dumoka kojije kelo. Nyya kadala okwokwoshi, Ada hin ya dala ojoji ni ala doka ipu kiye hin. 24Kwikyikyeni ala doka kojije ipu kiye hin wa lo. Ala doka ala ba pye, kweyi otunehe kala ya gyogya.
Refu Ikweyi Kese
25<<Ko ni nyya kela ipu kelase ni, ishi yawa ba ni nyya kela mani kelo ni, npa yawa kela shese dala ikweyi ka Ada hin. 26Eno oni ala ba doka ipu kiye hin. Nyya kamo nyya da Ada oka okwunu kala lalo. 27Aayi, Ada abiyinu ya yimu kala ikweyi koni ala yimu hin kweyi totuse mo nwa bwebe ko Owuso ni. 28Nbwebe ka Ada wipu kese: anani nyya shese bita kweyi ya kwikye gebe ka Ada.>>
29Ebeni awogboso Oyesu ka danu mo, <<Anani oya kela tiriri kweyi okelase kelo. 30Anani aha gye mogyojoji kweyi ashishe shu ko doka kojije kelo. Omani yaha kyogwu mo obwebe ko Owuso la.>>
31Oyesu kyogwu mo, <<Anani ala kyogwu wa?>> 32Ishi yawa ba, kweyi oyiwa wa, ni aba yala kya, ananoho ya kwowe kole nu. Ala ba wa shunbita fufun. Ami ke yo fufun lo, koni Ada hin yo kpami ni.
33<<Nka dala oza mani shini ala gbo omene ipu hin. Ipu kese mani ala ba mowe. Ipu kese mani ala ba gbotu gbagba. Ala ka byotu lo! Nkwobonu yese gwagye wa.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA