Oko-ki-igabo 7
7
Ostivi Kela
1Ebeni oteyi kawosapa do Ostivi oka mo, <<Ela ni aba ka ikweyi wo mani wokwokwoshi la?>>
2Ebeni okamo, <<Awada hin kpa ayene hin, ala ya akpaha tagye shala pwo! Owuso ine kigyashi bose da Ada kaha Ibirayi, ishini otayayo yo Omesopotamiya ni, ome ona go Oharan. 3Owuso ka di Ibirayi mo, <Shokpagye wo, kpase wo bita, shini ogo okpagye ni, nyya shawo ni.>
4<<Ebeni obose sho okpagye kawo Kaldiya bita kweyi ga yagye okpagye ko Oharan. Ishini ada nu gekwu ome, Owuso kwikye anu wokpagye ni ala banu nabani. 5Owuso ke di Ibirayi ogwu kokpagye ebe ni kwikpo oye lo. Owuso ke shokoyi mo anu yayo okpagye ni yayi danu kpayi kipwoma nu. Ishi oni Ibirayi moyi wa lo. 6Owuso ka danu mo, <Ipwoma wo ba wo ogboga okpagye oye, aba wa meshe, aba yuwono kishayi ogbogbo ene. 7Owuso ke kamo anu wa do okpagye ni yuwa meshe ni owe kweyi aba bose sho okpagye ni ba wa geyagye dami ebe ni.> 8Ebeni Owuso di Ibirayi oshu ko shofu na woyi ko okoyi. Mani oni Ibirayi shi Ishaku ofu eno komahata ni amo ni; mamani Ishaku shoyi nu ko Oyakubu ofu, kweyi Oyakubu shayi nu igwepa ofu, awa ni wa awada kipwoma kaha ni.
9Ayi ko Oyakubu ba yanya ko oyinawa Isu kweyi ayora gi Ijip ga meshe. Owuso ke yo kpanu 10kweyi yi Isu ngma shipu ko owe moma nu kpiri. Owuso danu oneshi kpo oziyi ebe ko Ofirona ose ki Ijip kweyi yo woteyi ko okpagye ki Ijip kpole kose kpiri.
11Ebeni owe kpemye ngmase kotata okpagye ki Ijip kpo Okana kweyi ebe ni awada kaha gboza rore lo. 12Ishini Oyakubu pwo mo izire yi Ijip ni, otayi nu awosoku kaha oleho gebe ni kikyikyo. 13Na ga ko omwepa ni, Isu kada ayinanu aseni anu we ni kweyi Ofirona gyipwoma ki Isu. 14Ebeni Isu toleho mana ga byada nu Oyakubu kpipwoma nu kpiri wa, awase awahapa ayeho. 15Ebeni Oyakubu gi Ijip ebeni anu kpayi nu kpiri gekwu ni. 16Kweyi akwikye okwu wa go Oshekem ga yuwa nyi ipu ka amiri ni Ibirayi ra kpikwiri nu abo kayi ko Ohamo.
17<<Nishi kokoyi ni Owuso she di Ibirayi wa pee ni, ase kaha nwashika kotata agye ki Ijip. 18Ebeni ashe ni gyo ojije ikweyi ki Isu lo ni wa ro ose ki Ijip. 19Ose mani gyawada kaha egya kweyi oyuwa kpayi meme shonu koshu shini ana gekwu. 20Ishini amo Omusa ni oma, oyi shoshi kyarigada. Abyo koya eta ole kada nu. 21Ishini aga yo teba ni, oyi ko Ofirona nonya ga yo bize, wa byo woyi nu. 22Kweyi afo Omusa oziyi ko yoza kpela gyogye kase ki Ijip kweyi owa wase ni gboshu ipu kela koka kpoza yoya.
23<<Ishini Omusa gyishayi awene ni, ebe ni ogbo otu nu ko mo oneshi kase nu nu ki Izrayila. 24Omase ki Ijip ya gwoyi ki Izrayila, Omusa ga nyokwu nu koyi ki Izrayila kweyi yoyi ki Ijip ngmo. 25Omusa ma byo ase nu bagye mo Owuso ya yoko kpanu ko ngmawa, ake gye lo. 26Eno komweta Omusa wa mayi ki Izrayila epa ba nonu kpiyiwa. Oya kuwoka mo, <Ango ala wayine la, ojiya ni ala ba nonu kpiyi kala?> 27Ase ni oshunu sha ko oyinanu ni so Omusa abo kweyi kamo, <Anoho yo wose kpino kepwo ikweyi kaha? 28Oya yimu ko yun ngmo byoni ongmo ongo ki Ijip ene ni la? 29Ishini Omusa pwo mani ni, onyinya go Omidiya, ebe ni oga wo ogboga kweyi omayi nongo epa ebe ni.
30Itikpi kishayi awene, oyoleho ko Owuso bose do Omusa ipu kigbenu kola ipu ni ya kye ikweyi kefu niyo pee kpe Efu ko Osinayi ni. 31Ishini Omusa moza mani ni, igbashi yo kwu. Oshaga koga ma, opwoko ka Adole ya kamo, 32<Ami pini wo Owuso kawada kala, Owuso ki Ibirayi, Owuso ki Ishaku kpo Owuso ko Oyakubu.> Ebeni oshi yo Omusa kwu, kweyi ogege ma lo. 33Ebeni Adole kadanu mo, <Yo okpabawu wo ngma, ebe ni ohagye anu ni wagye sere la. 34Nmase hin ke ba mowe ko kwokwoshi Ijip. Npwegba kyokye wa kweyi nwa ko wa ngmawa. Wa anani, nyya toleho gi Ijip.>
35<<Omani wo Omusa ni ase ki Izrayila tela nu ni, <Anoho sho woteyi kwe inokepwo kaha? Anu pini Owuso abiyinu toleho mona woteyi kpino ngmase bwebe koyoleho ko Owuso ni bose danu ipu efu ni ya kyola ni. 36Ongmawa sho okpagye ki Ijip kweyi oyawoza kigbashi kweyi ongmawa bwishu nowa kpo ododa kishayi awene. 37Omusa abiyinu pini ka dayi ki Izrayila mo, <Owuso ya ti inobane byami ya wa bwipu kase kala.> 38Oyipu kogbayi ipu ko ododa kpo oyoleho ni kela danu ikweyi ke Efu ko Osinayi kpa awada kaha, kweyi onyela kolayi wawa daha.
39<<Awada kaha tela ko geyagye danu. Ake tela nu kweyi aba yimu ko kwikye gi Ijip. 40Aka da Aruna mo, <Yaweka daha ni ya kpahogwu ni, ikweyi koni Omusa ngmaha shokpagye ki Ijip, aha gyo oza ni tanu ni lo.> 41Ishi oni pini ayeka byoyi kena, aba peshi kweyi ba rimya do oza ni aya kpabo wa ni. 42Owuso ke pyitikpi tuwa kweyi oshuwa bita do geyagye dinyiwo ki iso. Omani wa gyogye kpo oza ni okpa kawobane kani mo,
<Ase ki Izrayila! Ami pini
ala shoko ki peshi ko obize dami
kishayi awene ododa la lo.
43Adaba keka ko Omoleki pini ala nga la,
kweyi oyi ko Orefan, eka kinyiwo kala;
aweka ni ala ya ko geyagye dawa ni.
Mani oni nyya kpala gokpagye ni lenu kpo Obabila ni ga meshe.>
44<<Awokyikyi kaha gba adaba kolobene ipu ko ododa. Adaba ni Owuso kado Omusa mona gwo ni kweyi ogwo gyogye byoni Owuso kadanu ni. 45Ishi gbayayi awosoku ni rogwu kadaba mani bwebe kawada ayawu kpanu ishini ayo kpo Ojoshuwa ni kweyi aga nyo okpagye ni Owuso yase nu sho ni. Adaba mani yebe ni gbishi ko ose Odawuda. 46Kweyi koni Owuso ya yimu ko Odawuda ni, Odawuda doka mo ona shobita na mole do Owuso ko Oyakubu. 47Osolomo pini ke mole danu la.
48<<Owuso Inekoshu ke yayo ole ni asuse ma ni lo. Byoni inobane kamo,
49<<Adole kamo Iso pini wo obe hin la,
kweyi ese webe ko yikpo hin so.
Edo kole wonya ni ala ba ma dami?
Ebenya webe ko minyo hin?
50Ami abiyun pini yawoza mani kpiri la lo?
51Ostivi kamo: <<Ojiyala ba zakpaha? Oji yotu kala yebe lenu kpo Owuso? Ojiyala tela ko pwoshu ko Owuso? Ala lebya awokyikyi kala: ipu kishi kpiri ala ba tela ko Omaku ko Owuso mama ni! 52Inobane oye yaba ni awokyikyi kala yo ngmo lo ni? Angma ayoleho ko Owuso ni kela ikweyi ko owowa ko Oyole ko Owuso ni. Nabani ala yo ra kweyi ala yo ngmo. 53Ala ni zono ko Owuso ni ayoleho byiwa ni, kweyi ala ke tela ko geyagye danu.>>
Ato Ostivi Akyo
54Ishini onongbo pwoza ni Ostivi kani, otuwa bya kotata kweyi aba shabo ahanu. 55Omaku ko Owuso ke yo kpo Ostivi, otiyi miso kweyi omo igyashi ko Owuso, kpo Oyesu ni hagye abore ko Owuso ni. 56Ebeni okamo, <<Ala ma, nmiso gwogwa kweyi Oyi ka Asuse hagye abore ko Owuso.>>
57Ebeni onongbo kwotu ko sheha kweyi aya akpaha wa gwu kweyi kpiri wa shabo, 58abyo gitikpi ko ogya, kweyi akwotu ko takyo. Awolobene yo oshiye wa shobutu ki isongo oye iyenu wo Oshawulu ko yiyi kwo dawa. 59Ni aba to Ostivi akyo ni otinarigwu mo, <<Adole Oyesu, yomaku hin bize.>> 60Ebeni okwagye kweyi okyegba mo, <<Adole Oyesu! Yozalabi wa yi gbuwa!>> Ishini okela mani kweyi ni, ogekwu.
ទើបបានជ្រើសរើសហើយ៖
Oko-ki-igabo 7: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
Oko-ki-igabo 7
7
Ostivi Kela
1Ebeni oteyi kawosapa do Ostivi oka mo, <<Ela ni aba ka ikweyi wo mani wokwokwoshi la?>>
2Ebeni okamo, <<Awada hin kpa ayene hin, ala ya akpaha tagye shala pwo! Owuso ine kigyashi bose da Ada kaha Ibirayi, ishini otayayo yo Omesopotamiya ni, ome ona go Oharan. 3Owuso ka di Ibirayi mo, <Shokpagye wo, kpase wo bita, shini ogo okpagye ni, nyya shawo ni.>
4<<Ebeni obose sho okpagye kawo Kaldiya bita kweyi ga yagye okpagye ko Oharan. Ishini ada nu gekwu ome, Owuso kwikye anu wokpagye ni ala banu nabani. 5Owuso ke di Ibirayi ogwu kokpagye ebe ni kwikpo oye lo. Owuso ke shokoyi mo anu yayo okpagye ni yayi danu kpayi kipwoma nu. Ishi oni Ibirayi moyi wa lo. 6Owuso ka danu mo, <Ipwoma wo ba wo ogboga okpagye oye, aba wa meshe, aba yuwono kishayi ogbogbo ene. 7Owuso ke kamo anu wa do okpagye ni yuwa meshe ni owe kweyi aba bose sho okpagye ni ba wa geyagye dami ebe ni.> 8Ebeni Owuso di Ibirayi oshu ko shofu na woyi ko okoyi. Mani oni Ibirayi shi Ishaku ofu eno komahata ni amo ni; mamani Ishaku shoyi nu ko Oyakubu ofu, kweyi Oyakubu shayi nu igwepa ofu, awa ni wa awada kipwoma kaha ni.
9Ayi ko Oyakubu ba yanya ko oyinawa Isu kweyi ayora gi Ijip ga meshe. Owuso ke yo kpanu 10kweyi yi Isu ngma shipu ko owe moma nu kpiri. Owuso danu oneshi kpo oziyi ebe ko Ofirona ose ki Ijip kweyi yo woteyi ko okpagye ki Ijip kpole kose kpiri.
11Ebeni owe kpemye ngmase kotata okpagye ki Ijip kpo Okana kweyi ebe ni awada kaha gboza rore lo. 12Ishini Oyakubu pwo mo izire yi Ijip ni, otayi nu awosoku kaha oleho gebe ni kikyikyo. 13Na ga ko omwepa ni, Isu kada ayinanu aseni anu we ni kweyi Ofirona gyipwoma ki Isu. 14Ebeni Isu toleho mana ga byada nu Oyakubu kpipwoma nu kpiri wa, awase awahapa ayeho. 15Ebeni Oyakubu gi Ijip ebeni anu kpayi nu kpiri gekwu ni. 16Kweyi akwikye okwu wa go Oshekem ga yuwa nyi ipu ka amiri ni Ibirayi ra kpikwiri nu abo kayi ko Ohamo.
17<<Nishi kokoyi ni Owuso she di Ibirayi wa pee ni, ase kaha nwashika kotata agye ki Ijip. 18Ebeni ashe ni gyo ojije ikweyi ki Isu lo ni wa ro ose ki Ijip. 19Ose mani gyawada kaha egya kweyi oyuwa kpayi meme shonu koshu shini ana gekwu. 20Ishini amo Omusa ni oma, oyi shoshi kyarigada. Abyo koya eta ole kada nu. 21Ishini aga yo teba ni, oyi ko Ofirona nonya ga yo bize, wa byo woyi nu. 22Kweyi afo Omusa oziyi ko yoza kpela gyogye kase ki Ijip kweyi owa wase ni gboshu ipu kela koka kpoza yoya.
23<<Ishini Omusa gyishayi awene ni, ebe ni ogbo otu nu ko mo oneshi kase nu nu ki Izrayila. 24Omase ki Ijip ya gwoyi ki Izrayila, Omusa ga nyokwu nu koyi ki Izrayila kweyi yoyi ki Ijip ngmo. 25Omusa ma byo ase nu bagye mo Owuso ya yoko kpanu ko ngmawa, ake gye lo. 26Eno komweta Omusa wa mayi ki Izrayila epa ba nonu kpiyiwa. Oya kuwoka mo, <Ango ala wayine la, ojiya ni ala ba nonu kpiyi kala?> 27Ase ni oshunu sha ko oyinanu ni so Omusa abo kweyi kamo, <Anoho yo wose kpino kepwo ikweyi kaha? 28Oya yimu ko yun ngmo byoni ongmo ongo ki Ijip ene ni la? 29Ishini Omusa pwo mani ni, onyinya go Omidiya, ebe ni oga wo ogboga kweyi omayi nongo epa ebe ni.
30Itikpi kishayi awene, oyoleho ko Owuso bose do Omusa ipu kigbenu kola ipu ni ya kye ikweyi kefu niyo pee kpe Efu ko Osinayi ni. 31Ishini Omusa moza mani ni, igbashi yo kwu. Oshaga koga ma, opwoko ka Adole ya kamo, 32<Ami pini wo Owuso kawada kala, Owuso ki Ibirayi, Owuso ki Ishaku kpo Owuso ko Oyakubu.> Ebeni oshi yo Omusa kwu, kweyi ogege ma lo. 33Ebeni Adole kadanu mo, <Yo okpabawu wo ngma, ebe ni ohagye anu ni wagye sere la. 34Nmase hin ke ba mowe ko kwokwoshi Ijip. Npwegba kyokye wa kweyi nwa ko wa ngmawa. Wa anani, nyya toleho gi Ijip.>
35<<Omani wo Omusa ni ase ki Izrayila tela nu ni, <Anoho sho woteyi kwe inokepwo kaha? Anu pini Owuso abiyinu toleho mona woteyi kpino ngmase bwebe koyoleho ko Owuso ni bose danu ipu efu ni ya kyola ni. 36Ongmawa sho okpagye ki Ijip kweyi oyawoza kigbashi kweyi ongmawa bwishu nowa kpo ododa kishayi awene. 37Omusa abiyinu pini ka dayi ki Izrayila mo, <Owuso ya ti inobane byami ya wa bwipu kase kala.> 38Oyipu kogbayi ipu ko ododa kpo oyoleho ni kela danu ikweyi ke Efu ko Osinayi kpa awada kaha, kweyi onyela kolayi wawa daha.
39<<Awada kaha tela ko geyagye danu. Ake tela nu kweyi aba yimu ko kwikye gi Ijip. 40Aka da Aruna mo, <Yaweka daha ni ya kpahogwu ni, ikweyi koni Omusa ngmaha shokpagye ki Ijip, aha gyo oza ni tanu ni lo.> 41Ishi oni pini ayeka byoyi kena, aba peshi kweyi ba rimya do oza ni aya kpabo wa ni. 42Owuso ke pyitikpi tuwa kweyi oshuwa bita do geyagye dinyiwo ki iso. Omani wa gyogye kpo oza ni okpa kawobane kani mo,
<Ase ki Izrayila! Ami pini
ala shoko ki peshi ko obize dami
kishayi awene ododa la lo.
43Adaba keka ko Omoleki pini ala nga la,
kweyi oyi ko Orefan, eka kinyiwo kala;
aweka ni ala ya ko geyagye dawa ni.
Mani oni nyya kpala gokpagye ni lenu kpo Obabila ni ga meshe.>
44<<Awokyikyi kaha gba adaba kolobene ipu ko ododa. Adaba ni Owuso kado Omusa mona gwo ni kweyi ogwo gyogye byoni Owuso kadanu ni. 45Ishi gbayayi awosoku ni rogwu kadaba mani bwebe kawada ayawu kpanu ishini ayo kpo Ojoshuwa ni kweyi aga nyo okpagye ni Owuso yase nu sho ni. Adaba mani yebe ni gbishi ko ose Odawuda. 46Kweyi koni Owuso ya yimu ko Odawuda ni, Odawuda doka mo ona shobita na mole do Owuso ko Oyakubu. 47Osolomo pini ke mole danu la.
48<<Owuso Inekoshu ke yayo ole ni asuse ma ni lo. Byoni inobane kamo,
49<<Adole kamo Iso pini wo obe hin la,
kweyi ese webe ko yikpo hin so.
Edo kole wonya ni ala ba ma dami?
Ebenya webe ko minyo hin?
50Ami abiyun pini yawoza mani kpiri la lo?
51Ostivi kamo: <<Ojiyala ba zakpaha? Oji yotu kala yebe lenu kpo Owuso? Ojiyala tela ko pwoshu ko Owuso? Ala lebya awokyikyi kala: ipu kishi kpiri ala ba tela ko Omaku ko Owuso mama ni! 52Inobane oye yaba ni awokyikyi kala yo ngmo lo ni? Angma ayoleho ko Owuso ni kela ikweyi ko owowa ko Oyole ko Owuso ni. Nabani ala yo ra kweyi ala yo ngmo. 53Ala ni zono ko Owuso ni ayoleho byiwa ni, kweyi ala ke tela ko geyagye danu.>>
Ato Ostivi Akyo
54Ishini onongbo pwoza ni Ostivi kani, otuwa bya kotata kweyi aba shabo ahanu. 55Omaku ko Owuso ke yo kpo Ostivi, otiyi miso kweyi omo igyashi ko Owuso, kpo Oyesu ni hagye abore ko Owuso ni. 56Ebeni okamo, <<Ala ma, nmiso gwogwa kweyi Oyi ka Asuse hagye abore ko Owuso.>>
57Ebeni onongbo kwotu ko sheha kweyi aya akpaha wa gwu kweyi kpiri wa shabo, 58abyo gitikpi ko ogya, kweyi akwotu ko takyo. Awolobene yo oshiye wa shobutu ki isongo oye iyenu wo Oshawulu ko yiyi kwo dawa. 59Ni aba to Ostivi akyo ni otinarigwu mo, <<Adole Oyesu, yomaku hin bize.>> 60Ebeni okwagye kweyi okyegba mo, <<Adole Oyesu! Yozalabi wa yi gbuwa!>> Ishini okela mani kweyi ni, ogekwu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA