Oko-ki-igabo 5
5
Ananiya kpo Osafira
1Ongo oye ipu wa iye nu wo Ananiya kponya nu ko Osafira, yiyo wa oye ra. 2Oke yashini kikwiri teba kpogyogye konya nu, kweyi byashini gobutu kayikoko ko Oyesu.
3Ebeni Obitrus ka danu mo, <<Ananiya, ojiya ni oyi Ibiri gipu kotu wo kweyi yo kokame do Omaku ko Owuso bwebe ko yashini kikwiri kiyo wo teba? 4Ome oyiyo ra, owa kakawo lalo? Ni oyi ra ni, ikwiri wa kakawo la lo? Oji yo ya mani? Okokame dasuse la lo, oke kokame do Owuso la.
5Ni Ananiya pwela mani ni, ogbo okpagye kweyi gekwu; oshi yase kpiri ni pwoza ni gbodagye ni kwu. 6Awisongo wipu wa yopa lanu, kweyi nganu gese ga yo nyi.
7Ogyeta shigbo gitikpi, onya nu wipu, ogyoza ni gbodagye ni lo. 8Obitrus doka mo, <<Ka dami kpiri koza ni asalore kiyo nala yi ra ni yona?>>
Okyogwu mo, <<Olemani, oyu oni oma.>>
9Obitrus ka danu mo, <<Ojiya ni awo kpobu wo yokwunu kala pwayi ko mo Omaku ka Adole ma? Eya kikpo kango ni nyokwu kobu wo ni fowe kopwunu wa, aba wa ngawo ga mamani.
10Ebebeni, ogbo obutu nu kweyi gekwu. Awisongo wipu wa tanu wokwu, anganu ga yo nyi kwo obunu. 11Ikpo kase kpiri ni kyogwu ni kpase ashini ni pwela mani yoshi kotata.
Awayikoko ko Oyesu Yoza Kigbashi Nwashika
12Ebeni ayikoko ko Oyesu yoza kigbashi nwashika ipu kasuse. Awase ni kyogwu kpo Oyesu ni kpiri ba gbayi Oyikpa ko Osolomo. 13Ashishe bwese tigiga tota ko gipu wa lo, kwikyikyeni ase ba koneshi wa. 14Ase nwashika ke wa mikweyi wa, ewa kango kpanya ni kyogwu kpa Adole Oyesu ni. 15Ikweyi koza ni ayikoko ko Oyesu ba ya ni, ase ba byawine kere gokwunu ko owe ga yuwa shagye ikweyi kogwudu kpote shini oyi ko Obitrus na bwikweyi wa ishini oya shigbo. 16Kweyi ewa kasuse wa bwawogya ni bagbabo ko Ojerusele ni, abya wo gbere kpawase ni gbomaku bibi wa; kweyi kpiri wa pyogege.
Ayikoko ko Oyesu Megye
17Ebeni Oteyi kawosapa kpawase nu, kpawase ni bikpo kawo Osadusi ba yanya ka ayikoko ko Oyesu. 18Aya ayikoko ko Oyesu kwu ga yuwa shoruduru. 19Oyoleho ka Adole ke wa yofunu ko oruduru yi gwa otu oni, ongmawa wese kweyi ka dawa mo, 20<<Ala ga hagye ole ko Owuso shini ala koshu kpiri kolayi pepe mani dase.>>
21Ayikoko ko Oyesu mani yoza ni oka dawa ni, ototukpokyi agipu kole ko Owuso, kweyi akwotu ko fasoza.
Oteyi kawosapa kpawase nu yogwu ko onongbo nyakwu kanyakwase ko Oyahuda; ebe ni atoleho go oruduru koga byayikoko ko Oyesu wa. 22Ishini awa ni, ama ayikoko ko Oyesu ipu ko oruduru lo. Ebeni akwikye ga ka donongbo mo, 23<<Ishini afo oruduru ni, Aha topwunu boba neneshi kweyi awogbeho kpiri bofunu ko owe; naha ke gwofunu ni, aha mashishe yipu lo!>> 24Ishini awosapa nyakwu kpoteyi kawadakare ni ba gbeho kole ko Owuso ni pwela mani, oza mani yuwikweyi gbo, agyoza ni gbodagye kpa ayikoko ko Oyesu mani lo.
25Ebeni ongo oye wipu wa ka dawa mo, <<Ala ma! Ango ni ala kpuwa shoruduru ni bipu kole ko Owuso ba fasoza oma!>> 26Ebeni oteyi kawadakare kpawadakare nu ga bya ayikoko ko Oyesu wa. Akwuwa koshu lo, ayoshi koni ase ba tuwakyo ni.
27Abya ayikoko ko Oyesu wipu wa hagye obutu ko onongbo, kweyi Oteyi kawosapa duwoka kela. 28<<Aha pyalakpaha mala ka fasoza ipu kiye kongo mani lo, moza ni ala ke ya ni! Ala kwobonu yozafofu kala ge ebebenya Ojerusele wa, kweyi ala ba maha gbabo ipu kikwu kongo mani!>>
29Ebeni Obitrus kpashini kayikoko ko Oyesu kyogwu kamo, <<Owotiri shini ahan geyagye do Owuso, wasuse la lo! 30Nala yo Oyesu ngmo bwebe ko yo poshi ni, Owuso kawokyikyi kaha yo nyiso ikwu. 31Owuso zo ga yagye abore nu iso, wo Oteyi kpo Olowoyi, ko gwowe ko shagbotu di Izrayila shini ana yozalabi wa yi gbuwa.>> 32Aha wolobene kawoza mani, aha kpo Omaku ko Owuso, ni weshi ko Owuso dawase ni ba geyagye danu ni.
33Ishini onongbo pwela mani, otu wa bya, kweyi aba yimu ko yayikoko ko Oyesu ngmo. 34Ofarisi oye ipu wa iye nu wo Ogamaliyel, owino fono kweyi ase ba mogyiyi kotata, otakpa nyiso ipu ko onongbo. Omo ana ngma ayikoko ko Oyesu gese kishi gbayayi ome, 35ebe ni oka donongbo mo, <<Ayene hin ki Izrayila, ala gbera kpoza ni ala ba yimu ko ya kpango mani. 36Ala rela ko Otiyudas ni bose ishi oye ni shigbo ga ni, ya ziyinu manu washe nyakwu. Ase goza kogbogbo ene gboso. Ayo ngmo, awogboso kya, kweyi ikpo oni kweyi. 37Itikpi koni, Oyahuda ni wase ko Ogalili ni bose ishini aba yase ka ni; ase nwashika gboso. Ake yo ngmo mamani, kweyi awogboso kya. 38Mani oni, nyya ka dala, ala ka yango mani ojije. Ala shuwabita! Owoni oza ni aba gbo kpoza ni aba ya ni bwebe kasuse, oya hagye lo, 39Owoni oke bwebe ko Owuso la, ala ba gege ko gwuwagye lo. Abishi koni ala ba tiyi kala ba nonu kpo Owuso.>>
40Aya ayikoko ko Oyesu ogwu wipu kweyi ayawadakare yuwaboshi. Ebeni apyuwakpaha mo ana ka kela ipu kiye ko Oyesu kelo, kweyi ashuwabita.
41Ayikoko ko Oyesu mani shonongbo bita kpotunehe, ikweyi koni Owuso muwa gye ko megye kpowuru gbogbo ikweyi ko Oyesu ni. 42Kweyi agohobu ko fasoza kweyi tono ko Oshu Neshi ko Oyesu Omezaya kurutu ipu ko Ole ko Owuso, ki ba bwole-bwole kasuse.
ទើបបានជ្រើសរើសហើយ៖
Oko-ki-igabo 5: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
Oko-ki-igabo 5
5
Ananiya kpo Osafira
1Ongo oye ipu wa iye nu wo Ananiya kponya nu ko Osafira, yiyo wa oye ra. 2Oke yashini kikwiri teba kpogyogye konya nu, kweyi byashini gobutu kayikoko ko Oyesu.
3Ebeni Obitrus ka danu mo, <<Ananiya, ojiya ni oyi Ibiri gipu kotu wo kweyi yo kokame do Omaku ko Owuso bwebe ko yashini kikwiri kiyo wo teba? 4Ome oyiyo ra, owa kakawo lalo? Ni oyi ra ni, ikwiri wa kakawo la lo? Oji yo ya mani? Okokame dasuse la lo, oke kokame do Owuso la.
5Ni Ananiya pwela mani ni, ogbo okpagye kweyi gekwu; oshi yase kpiri ni pwoza ni gbodagye ni kwu. 6Awisongo wipu wa yopa lanu, kweyi nganu gese ga yo nyi.
7Ogyeta shigbo gitikpi, onya nu wipu, ogyoza ni gbodagye ni lo. 8Obitrus doka mo, <<Ka dami kpiri koza ni asalore kiyo nala yi ra ni yona?>>
Okyogwu mo, <<Olemani, oyu oni oma.>>
9Obitrus ka danu mo, <<Ojiya ni awo kpobu wo yokwunu kala pwayi ko mo Omaku ka Adole ma? Eya kikpo kango ni nyokwu kobu wo ni fowe kopwunu wa, aba wa ngawo ga mamani.
10Ebebeni, ogbo obutu nu kweyi gekwu. Awisongo wipu wa tanu wokwu, anganu ga yo nyi kwo obunu. 11Ikpo kase kpiri ni kyogwu ni kpase ashini ni pwela mani yoshi kotata.
Awayikoko ko Oyesu Yoza Kigbashi Nwashika
12Ebeni ayikoko ko Oyesu yoza kigbashi nwashika ipu kasuse. Awase ni kyogwu kpo Oyesu ni kpiri ba gbayi Oyikpa ko Osolomo. 13Ashishe bwese tigiga tota ko gipu wa lo, kwikyikyeni ase ba koneshi wa. 14Ase nwashika ke wa mikweyi wa, ewa kango kpanya ni kyogwu kpa Adole Oyesu ni. 15Ikweyi koza ni ayikoko ko Oyesu ba ya ni, ase ba byawine kere gokwunu ko owe ga yuwa shagye ikweyi kogwudu kpote shini oyi ko Obitrus na bwikweyi wa ishini oya shigbo. 16Kweyi ewa kasuse wa bwawogya ni bagbabo ko Ojerusele ni, abya wo gbere kpawase ni gbomaku bibi wa; kweyi kpiri wa pyogege.
Ayikoko ko Oyesu Megye
17Ebeni Oteyi kawosapa kpawase nu, kpawase ni bikpo kawo Osadusi ba yanya ka ayikoko ko Oyesu. 18Aya ayikoko ko Oyesu kwu ga yuwa shoruduru. 19Oyoleho ka Adole ke wa yofunu ko oruduru yi gwa otu oni, ongmawa wese kweyi ka dawa mo, 20<<Ala ga hagye ole ko Owuso shini ala koshu kpiri kolayi pepe mani dase.>>
21Ayikoko ko Oyesu mani yoza ni oka dawa ni, ototukpokyi agipu kole ko Owuso, kweyi akwotu ko fasoza.
Oteyi kawosapa kpawase nu yogwu ko onongbo nyakwu kanyakwase ko Oyahuda; ebe ni atoleho go oruduru koga byayikoko ko Oyesu wa. 22Ishini awa ni, ama ayikoko ko Oyesu ipu ko oruduru lo. Ebeni akwikye ga ka donongbo mo, 23<<Ishini afo oruduru ni, Aha topwunu boba neneshi kweyi awogbeho kpiri bofunu ko owe; naha ke gwofunu ni, aha mashishe yipu lo!>> 24Ishini awosapa nyakwu kpoteyi kawadakare ni ba gbeho kole ko Owuso ni pwela mani, oza mani yuwikweyi gbo, agyoza ni gbodagye kpa ayikoko ko Oyesu mani lo.
25Ebeni ongo oye wipu wa ka dawa mo, <<Ala ma! Ango ni ala kpuwa shoruduru ni bipu kole ko Owuso ba fasoza oma!>> 26Ebeni oteyi kawadakare kpawadakare nu ga bya ayikoko ko Oyesu wa. Akwuwa koshu lo, ayoshi koni ase ba tuwakyo ni.
27Abya ayikoko ko Oyesu wipu wa hagye obutu ko onongbo, kweyi Oteyi kawosapa duwoka kela. 28<<Aha pyalakpaha mala ka fasoza ipu kiye kongo mani lo, moza ni ala ke ya ni! Ala kwobonu yozafofu kala ge ebebenya Ojerusele wa, kweyi ala ba maha gbabo ipu kikwu kongo mani!>>
29Ebeni Obitrus kpashini kayikoko ko Oyesu kyogwu kamo, <<Owotiri shini ahan geyagye do Owuso, wasuse la lo! 30Nala yo Oyesu ngmo bwebe ko yo poshi ni, Owuso kawokyikyi kaha yo nyiso ikwu. 31Owuso zo ga yagye abore nu iso, wo Oteyi kpo Olowoyi, ko gwowe ko shagbotu di Izrayila shini ana yozalabi wa yi gbuwa.>> 32Aha wolobene kawoza mani, aha kpo Omaku ko Owuso, ni weshi ko Owuso dawase ni ba geyagye danu ni.
33Ishini onongbo pwela mani, otu wa bya, kweyi aba yimu ko yayikoko ko Oyesu ngmo. 34Ofarisi oye ipu wa iye nu wo Ogamaliyel, owino fono kweyi ase ba mogyiyi kotata, otakpa nyiso ipu ko onongbo. Omo ana ngma ayikoko ko Oyesu gese kishi gbayayi ome, 35ebe ni oka donongbo mo, <<Ayene hin ki Izrayila, ala gbera kpoza ni ala ba yimu ko ya kpango mani. 36Ala rela ko Otiyudas ni bose ishi oye ni shigbo ga ni, ya ziyinu manu washe nyakwu. Ase goza kogbogbo ene gboso. Ayo ngmo, awogboso kya, kweyi ikpo oni kweyi. 37Itikpi koni, Oyahuda ni wase ko Ogalili ni bose ishini aba yase ka ni; ase nwashika gboso. Ake yo ngmo mamani, kweyi awogboso kya. 38Mani oni, nyya ka dala, ala ka yango mani ojije. Ala shuwabita! Owoni oza ni aba gbo kpoza ni aba ya ni bwebe kasuse, oya hagye lo, 39Owoni oke bwebe ko Owuso la, ala ba gege ko gwuwagye lo. Abishi koni ala ba tiyi kala ba nonu kpo Owuso.>>
40Aya ayikoko ko Oyesu ogwu wipu kweyi ayawadakare yuwaboshi. Ebeni apyuwakpaha mo ana ka kela ipu kiye ko Oyesu kelo, kweyi ashuwabita.
41Ayikoko ko Oyesu mani shonongbo bita kpotunehe, ikweyi koni Owuso muwa gye ko megye kpowuru gbogbo ikweyi ko Oyesu ni. 42Kweyi agohobu ko fasoza kweyi tono ko Oshu Neshi ko Oyesu Omezaya kurutu ipu ko Ole ko Owuso, ki ba bwole-bwole kasuse.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA