Oko-ki-igabo 23
23
1Obulus yiyi kwo onongbo tiriri kweyi kamo, <<Ayene hin ki Izrayila! Nshotunehe ikweyi kolayi hin ebe ko Owuso gbeno kikyeni.>> 2Ebeni Oteyi kawosapa Ananiya ka dawase ni hagye kpo Obulus ni mo ana labo okwunu. 3Obulus kada Ananiya mo, <<Owuso ya labo okwunu mamani, awo ino yoza iyi! Oyagye ebe ni ko kwumepwo byoni ono kani, awo abiyo ke ya gboso ono lo mana lumabo akpaha!>>
4Ango ni hagye kpo Obulus ni kadanu mo, <<Oya so Oteyi kawosapa ko Owuso esa!>>
5Obulus kamo, <<Ayene hin ki Izrayila ngye mo owo Oteyi kawosapa lalo. Okpa ko Owuso kamo, <Kakela labi ikweyi kawo oteyi kase kala lo.>>>
6Ishini Obulus gye mo ashini kikpo wo Osadusi, kweyi ashini kikpo wo Ofarisi ni, okado onongbo mo, <<Ayene hin ki Izrayila! Ami wo Ofarisi, ada hin ni mun ni wo Ofarisi la. Ayun kwu webe mani ikweyi kotuse nigbo mo, Owuso yase ni gekwu ya nyiso ikwu!>>
7Ni oka mani ni, awashu nyiso otutehe kawo Ofarisi kpo Osadusi, kweyi ayiyiwa ko ikpo. 8(Koni awo Osadusi kamo onyiso ikwu yaba loni, kwe ayoleho, kwe Omaku; Awofarisi ke kyogwu awo mani kpiri mo, ababa.) 9Ebeni egba ngmo ngmo nyiso loshu, kweyi ashini kawofono ni bikpo kawo Ofarisi ni nyiso batawashu kamo aha mojije labi ni ongo mani ya ni lo! Ogege yawo Omaku kwe ayoleho kela danu kokwokwoshi.>>
10Awashu oni loshu, kweyi oshi kwo oteyi kawadakare ela koni obayo Obulus yasha ni, oka dawadakare mo, ana sa ga yo Obulus ngma koshu shebe ni, kweyi byo gebe ko bagye kawadakare.
11Otu ke eno ni, Adole hagye bo Obulus eyi kweyi kamo, <<Kayoshi lo! Owolobene hin Ojerusele kweyi okiya yolobene hin Oroma.>>
Agbela koyo Obulus Ngmo
12Ni ebenya otukpokyi ashini kikpo kawo Oyahuda gbayi kweyi gbela. Agbela mo owoni ayo Obulus ngmo lo, awa ba roza kwe gwinyi lo di iyiwa enegwa mo, awa ba roza kwe ba gwinyi lo. 13Awase ni gbela mani shase awene. 14Ebeni aki webe kawosapa nyakwu kpa anyakwase kweyi kamo, <<Aha gbayi kweyi gwene mo owoni aha yo Obulus ngmo lalo aha ba rojije lo. 15Nabani, awo kpo onongbo kado oteyi kawadakare Oroma mana byo Obulus wa dala mala ba yimu ko pwokwokwoshi bwo okwunu nu. Aha ke ba yongmo owe ome ona febe ni.>>
16Oyi ko oyene ko Obulus nongo ke pwoza ni aba gbo ni; oga gebe ko bagye kawadakare kweyi ga kado Obulus.
17Ebeni Obulus ya anyakwase kawadakare oye ogwu kweyi kamo, <<Byisongo mani gebe ko oteyi kawadakare; ogboje ko ka danu. 18Adakare mani byo ga, ebe ni okamo, <<Obulus ni yoruduru ni yumogwu gebe nu kweyi bun mona byisongo mani webe wo, ikweyi koni ogbela koka kpa awo.
19Oteyi kawadakare, byo abo kweyi byo go okoka kweyi doka mo, <<Oji ni ogbo ko kadami?>>
20Kweyi okamo, <<Awose ko Oyahuda kyogwu mo enokyi Aba yimu shini obyo Obulus gebe wa mo onongbo ba yimu ko pwo kwokwoshi bwo okwunu. 21Awo ke ka kyogwu dawa lo, awa ni teba ba webe nu ni shango awene ba teba owe. Agwene mo owoni ayo Obulus ngmo lo, awaba roza kwe ba gwinyi lo. Anani akwobonu wiyiwashu ba gbeyi koza ni oya ka ni.
22Oteyi kawadakare kamo, <<Ka kada ashishe mo okpela mani shun lo.>> Kweyi oyisongo mani ganu.
Abyo Obulus Gebe ko Ofelisi
23Ebeni oteyi kawadakare ya adakare nu epa ogwu, kweyi kamo, <<Ga kpa adakare ogbogbo epa, shini ala wiyikalashu ko go Okesariya kpa awosonya awahapa kpa awo byokpa ogbogbo epa kweyi ana wiyiwashu nyiso ogye ahane kotu mani. 24Kweyi dawo nya, ni Obulus yase ni ala byo gebe ko Ofelis ogbolamaga. 25Oteyi kadakare tokpa mo:
26<<Ami Okladiya Olisiyas ta gebe ko Ogbolamaga, Ofelis: Nto ogbogba.
27Ase ko Oyahuda yongo mani kwu kweyi aba yimu koyo ngmo. Ishini npwo mo ongo mani bwo Oroma ni nkpadakare hin gayo ngma. 28Aha gboso shini ahan gyoza ni oya ni ayokwu ni, nbyo wa gipu ko onongbo. 29Ngye mo oyo ojije ni shu koyo ngmo ni lo kwe yo shetu ni lo. Ela ni agboso ni woka doda ikweyi ko ono wa la. 30Ishini aka dami mo aba gbela koyo ngmo ni. Nka dawase ni kwo ni mana koza ni oya ni obutu hin.
31Ebeni awa Adakare byoni odawoko ni, akwo Obulus abyo dotuye ga Antipatris. 32Ni, ebenya ni, ashawa Adakare konya bita mo, ana ga kpanu, kweyi akwikye wa ka dawa: 33Ishini awadakare, wo Okesariya ni, awa kyoleho dogbolamaga, abyo Obulus wo obutu nu. 34Ebeni, ishini ogbolamaga mena ni, odoka mo, obwebenya? Kweyi ishini owa gye mo, obwo Okilikiya la ni, 35okamo <<Nyya pwela ni ogbo ko ka ni, ishini awo gbapwo kpawo wa.>> Ebeni odawo ko mo, ana byo go ole kose Ohiridus na yagye.
ទើបបានជ្រើសរើសហើយ៖
Oko-ki-igabo 23: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
Oko-ki-igabo 23
23
1Obulus yiyi kwo onongbo tiriri kweyi kamo, <<Ayene hin ki Izrayila! Nshotunehe ikweyi kolayi hin ebe ko Owuso gbeno kikyeni.>> 2Ebeni Oteyi kawosapa Ananiya ka dawase ni hagye kpo Obulus ni mo ana labo okwunu. 3Obulus kada Ananiya mo, <<Owuso ya labo okwunu mamani, awo ino yoza iyi! Oyagye ebe ni ko kwumepwo byoni ono kani, awo abiyo ke ya gboso ono lo mana lumabo akpaha!>>
4Ango ni hagye kpo Obulus ni kadanu mo, <<Oya so Oteyi kawosapa ko Owuso esa!>>
5Obulus kamo, <<Ayene hin ki Izrayila ngye mo owo Oteyi kawosapa lalo. Okpa ko Owuso kamo, <Kakela labi ikweyi kawo oteyi kase kala lo.>>>
6Ishini Obulus gye mo ashini kikpo wo Osadusi, kweyi ashini kikpo wo Ofarisi ni, okado onongbo mo, <<Ayene hin ki Izrayila! Ami wo Ofarisi, ada hin ni mun ni wo Ofarisi la. Ayun kwu webe mani ikweyi kotuse nigbo mo, Owuso yase ni gekwu ya nyiso ikwu!>>
7Ni oka mani ni, awashu nyiso otutehe kawo Ofarisi kpo Osadusi, kweyi ayiyiwa ko ikpo. 8(Koni awo Osadusi kamo onyiso ikwu yaba loni, kwe ayoleho, kwe Omaku; Awofarisi ke kyogwu awo mani kpiri mo, ababa.) 9Ebeni egba ngmo ngmo nyiso loshu, kweyi ashini kawofono ni bikpo kawo Ofarisi ni nyiso batawashu kamo aha mojije labi ni ongo mani ya ni lo! Ogege yawo Omaku kwe ayoleho kela danu kokwokwoshi.>>
10Awashu oni loshu, kweyi oshi kwo oteyi kawadakare ela koni obayo Obulus yasha ni, oka dawadakare mo, ana sa ga yo Obulus ngma koshu shebe ni, kweyi byo gebe ko bagye kawadakare.
11Otu ke eno ni, Adole hagye bo Obulus eyi kweyi kamo, <<Kayoshi lo! Owolobene hin Ojerusele kweyi okiya yolobene hin Oroma.>>
Agbela koyo Obulus Ngmo
12Ni ebenya otukpokyi ashini kikpo kawo Oyahuda gbayi kweyi gbela. Agbela mo owoni ayo Obulus ngmo lo, awa ba roza kwe gwinyi lo di iyiwa enegwa mo, awa ba roza kwe ba gwinyi lo. 13Awase ni gbela mani shase awene. 14Ebeni aki webe kawosapa nyakwu kpa anyakwase kweyi kamo, <<Aha gbayi kweyi gwene mo owoni aha yo Obulus ngmo lalo aha ba rojije lo. 15Nabani, awo kpo onongbo kado oteyi kawadakare Oroma mana byo Obulus wa dala mala ba yimu ko pwokwokwoshi bwo okwunu nu. Aha ke ba yongmo owe ome ona febe ni.>>
16Oyi ko oyene ko Obulus nongo ke pwoza ni aba gbo ni; oga gebe ko bagye kawadakare kweyi ga kado Obulus.
17Ebeni Obulus ya anyakwase kawadakare oye ogwu kweyi kamo, <<Byisongo mani gebe ko oteyi kawadakare; ogboje ko ka danu. 18Adakare mani byo ga, ebe ni okamo, <<Obulus ni yoruduru ni yumogwu gebe nu kweyi bun mona byisongo mani webe wo, ikweyi koni ogbela koka kpa awo.
19Oteyi kawadakare, byo abo kweyi byo go okoka kweyi doka mo, <<Oji ni ogbo ko kadami?>>
20Kweyi okamo, <<Awose ko Oyahuda kyogwu mo enokyi Aba yimu shini obyo Obulus gebe wa mo onongbo ba yimu ko pwo kwokwoshi bwo okwunu. 21Awo ke ka kyogwu dawa lo, awa ni teba ba webe nu ni shango awene ba teba owe. Agwene mo owoni ayo Obulus ngmo lo, awaba roza kwe ba gwinyi lo. Anani akwobonu wiyiwashu ba gbeyi koza ni oya ka ni.
22Oteyi kawadakare kamo, <<Ka kada ashishe mo okpela mani shun lo.>> Kweyi oyisongo mani ganu.
Abyo Obulus Gebe ko Ofelisi
23Ebeni oteyi kawadakare ya adakare nu epa ogwu, kweyi kamo, <<Ga kpa adakare ogbogbo epa, shini ala wiyikalashu ko go Okesariya kpa awosonya awahapa kpa awo byokpa ogbogbo epa kweyi ana wiyiwashu nyiso ogye ahane kotu mani. 24Kweyi dawo nya, ni Obulus yase ni ala byo gebe ko Ofelis ogbolamaga. 25Oteyi kadakare tokpa mo:
26<<Ami Okladiya Olisiyas ta gebe ko Ogbolamaga, Ofelis: Nto ogbogba.
27Ase ko Oyahuda yongo mani kwu kweyi aba yimu koyo ngmo. Ishini npwo mo ongo mani bwo Oroma ni nkpadakare hin gayo ngma. 28Aha gboso shini ahan gyoza ni oya ni ayokwu ni, nbyo wa gipu ko onongbo. 29Ngye mo oyo ojije ni shu koyo ngmo ni lo kwe yo shetu ni lo. Ela ni agboso ni woka doda ikweyi ko ono wa la. 30Ishini aka dami mo aba gbela koyo ngmo ni. Nka dawase ni kwo ni mana koza ni oya ni obutu hin.
31Ebeni awa Adakare byoni odawoko ni, akwo Obulus abyo dotuye ga Antipatris. 32Ni, ebenya ni, ashawa Adakare konya bita mo, ana ga kpanu, kweyi akwikye wa ka dawa: 33Ishini awadakare, wo Okesariya ni, awa kyoleho dogbolamaga, abyo Obulus wo obutu nu. 34Ebeni, ishini ogbolamaga mena ni, odoka mo, obwebenya? Kweyi ishini owa gye mo, obwo Okilikiya la ni, 35okamo <<Nyya pwela ni ogbo ko ka ni, ishini awo gbapwo kpawo wa.>> Ebeni odawo ko mo, ana byo go ole kose Ohiridus na yagye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA