Oko-ki-igabo 1
1
1Otiyofilo:
Ipu kokpa hin kikyikyo ntojoji kpiri ni Oyesu ya kpo oza ni ofase bwishi ni okwotu koko nu ni 2weno ni ayo bize giso ni. Ome ana zo giso, oyoko kpo oshu ko Omaku ko Owuso kweyi pya ayikoko ko Oyesu ni oshu ni akpaha. 3Eno awene itikpi kikwu nu obose dawa ishi lewewa owe lewewa ni sayi mo oyiyi kwokwoshi ni. Amo kweyi okela kpawa ikweyi ko obula ko Owuso. 4Ishini agbayi ebye kponu ni, opyuwa akpaha mo: <<Alaka sho Ojerusele bita lo, ala ke bagye gbeyi keshi ni nka dala ma Ada hin shokoyi ko dala ni. 5Oyohana yo obatisma kpinyawo, ipu ke eno gbayayi ake ba wa yala obatisma kpo Omaku ko Owuso.>>
Azo Oyesu Giso
6Ishini ayikoko ko Oyesu wa gbayi kpo Oyesu ni, adoka mo, <<Adole, oya kwikye obula di Izrayila ishi mani la?>>
7Oyesu kadawa mo, <<Ishi kwe eno ala ba gye lo, Ada hin pini gboshu koni la. 8Omaku ko Owuso sa dala, ala ba nwonwu kpo oshu, kweyi ala bayo olobene hin ipu ko Ojerusele kpo Oyahudiya kpiri, kpo Osamariya, gipu kese kpiri.>>
9Ni okela kweyi ni, azo giso obutu wa; kweyi akpa yogwu amo kelo.
10Akpiyi kwiso bama ishini Oyesu ya giso ni, kweyi ebebeni ama asepa sho oshiye nehe hagye buwa. 11Akamo, <<Ango ko Ogalili, ojiyala hagye ba miso? Oyesu ni ayo bize shala gipu kiso mani, ya kwikye yawa mamani byoni ala mo ya giso ni.
Ase ni zoko okwunu ko Oyahuda
12Ebeni ayikoko ko Oyesu kwikye bwe efu ko Zetu wa go Ojerusele, iyawu ni go osepa ko omeli oye bwogya nyaku ni. 13Ishini afo ogya ni, kweyi ago oda ki iso ebe ni aba bagye ni. Awase ni gebe ni wo Obitrus kpo Oyohana, kpo Oyakubu kpa Andru, kpo Ofilibus kpo Otoma kpo Obatolomi kpo Omatiyu kpo Oyakubu oyi ka Alfayu, kpo Osimo ino dotose ko okpagye nu, kpo Oyahuda oyi ko Oyakubu. 14Kpiri wa gbayi ba tinarigwu dudu ishi kpiri kpa anya kpo Omeremu ene ko Oyesu, kpa ayinanu.
15Itikpi ke eno gbayayi Obitrus nyiso hagye otutehe kawase ni kyogwu ni ya kela, awase ogbogbo oye sawepa, 16kweyi okamo, <<Ayene hin, Okpa ko Owuso wo kwokwoshi byoni oshu ko Omaku ko Owuso yo Odawuda Oyahuda ni myabo dawase ni yo Oyesu kwu ni, 17Oyahuda woye ipu kaha ayikoko ko Oyesu.
18Oyahuda ro okpagye kpi ikwiri ni opye bwebe ko ozalabi nu ni. Ebeni ogbo gekwu kweyi ipu nu kya, ajifu nu kpiri bose ese. 19Kpiri kase ni bo okpagye ko Ojerusele pwela mani, mani oni aba yokpagye ni ogwu okwunu ko ose wa mo Akeldama, ase nu wo <<okpagye ko oyi.>>
20<<Ayitota ipu ko Okpa ki Igye mo,
<<<Ole nu na talakye,
ashishe naka yanu lo,>
Kweyi akyi ta mo:
<<<Ashe hoha na zoko nu.
21Mani oni owotiri shini ahan shashe ipu kango ni baba kpaha bwishini Adole Oyesu yaha ba gyehe ni, 22kwotu bwishi ni Oyohana ya tono koshu ko obatisma ni geno ni ayo Oyesu bize shaha giso ni.
23Mani oni aziye kase epa: Isu ni aba yo mo Obarsabas ni (aki gyo kpiye ko Ojostus ni), kpo Omatayas. 24Ebeni kpiri wa tinarigwu mo, <<Adole awo gyotu kananoho, mani oni shiyaha ase ni awo shu ipu kase epa mani. 25Shini ona wo oyikoko ko Oyesu okwunu ko Oyahuda ni shahabita gebe ni oshu ko yanu ni.>> 26Ebeni atekye kpiye kasepa, kweyi ekye gbo ikweyi ko Omatayas, ebeni ayo mipu ka ayikoko ko Oyesu igwoye oni.
ទើបបានជ្រើសរើសហើយ៖
Oko-ki-igabo 1: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
Oko-ki-igabo 1
1
1Otiyofilo:
Ipu kokpa hin kikyikyo ntojoji kpiri ni Oyesu ya kpo oza ni ofase bwishi ni okwotu koko nu ni 2weno ni ayo bize giso ni. Ome ana zo giso, oyoko kpo oshu ko Omaku ko Owuso kweyi pya ayikoko ko Oyesu ni oshu ni akpaha. 3Eno awene itikpi kikwu nu obose dawa ishi lewewa owe lewewa ni sayi mo oyiyi kwokwoshi ni. Amo kweyi okela kpawa ikweyi ko obula ko Owuso. 4Ishini agbayi ebye kponu ni, opyuwa akpaha mo: <<Alaka sho Ojerusele bita lo, ala ke bagye gbeyi keshi ni nka dala ma Ada hin shokoyi ko dala ni. 5Oyohana yo obatisma kpinyawo, ipu ke eno gbayayi ake ba wa yala obatisma kpo Omaku ko Owuso.>>
Azo Oyesu Giso
6Ishini ayikoko ko Oyesu wa gbayi kpo Oyesu ni, adoka mo, <<Adole, oya kwikye obula di Izrayila ishi mani la?>>
7Oyesu kadawa mo, <<Ishi kwe eno ala ba gye lo, Ada hin pini gboshu koni la. 8Omaku ko Owuso sa dala, ala ba nwonwu kpo oshu, kweyi ala bayo olobene hin ipu ko Ojerusele kpo Oyahudiya kpiri, kpo Osamariya, gipu kese kpiri.>>
9Ni okela kweyi ni, azo giso obutu wa; kweyi akpa yogwu amo kelo.
10Akpiyi kwiso bama ishini Oyesu ya giso ni, kweyi ebebeni ama asepa sho oshiye nehe hagye buwa. 11Akamo, <<Ango ko Ogalili, ojiyala hagye ba miso? Oyesu ni ayo bize shala gipu kiso mani, ya kwikye yawa mamani byoni ala mo ya giso ni.
Ase ni zoko okwunu ko Oyahuda
12Ebeni ayikoko ko Oyesu kwikye bwe efu ko Zetu wa go Ojerusele, iyawu ni go osepa ko omeli oye bwogya nyaku ni. 13Ishini afo ogya ni, kweyi ago oda ki iso ebe ni aba bagye ni. Awase ni gebe ni wo Obitrus kpo Oyohana, kpo Oyakubu kpa Andru, kpo Ofilibus kpo Otoma kpo Obatolomi kpo Omatiyu kpo Oyakubu oyi ka Alfayu, kpo Osimo ino dotose ko okpagye nu, kpo Oyahuda oyi ko Oyakubu. 14Kpiri wa gbayi ba tinarigwu dudu ishi kpiri kpa anya kpo Omeremu ene ko Oyesu, kpa ayinanu.
15Itikpi ke eno gbayayi Obitrus nyiso hagye otutehe kawase ni kyogwu ni ya kela, awase ogbogbo oye sawepa, 16kweyi okamo, <<Ayene hin, Okpa ko Owuso wo kwokwoshi byoni oshu ko Omaku ko Owuso yo Odawuda Oyahuda ni myabo dawase ni yo Oyesu kwu ni, 17Oyahuda woye ipu kaha ayikoko ko Oyesu.
18Oyahuda ro okpagye kpi ikwiri ni opye bwebe ko ozalabi nu ni. Ebeni ogbo gekwu kweyi ipu nu kya, ajifu nu kpiri bose ese. 19Kpiri kase ni bo okpagye ko Ojerusele pwela mani, mani oni aba yokpagye ni ogwu okwunu ko ose wa mo Akeldama, ase nu wo <<okpagye ko oyi.>>
20<<Ayitota ipu ko Okpa ki Igye mo,
<<<Ole nu na talakye,
ashishe naka yanu lo,>
Kweyi akyi ta mo:
<<<Ashe hoha na zoko nu.
21Mani oni owotiri shini ahan shashe ipu kango ni baba kpaha bwishini Adole Oyesu yaha ba gyehe ni, 22kwotu bwishi ni Oyohana ya tono koshu ko obatisma ni geno ni ayo Oyesu bize shaha giso ni.
23Mani oni aziye kase epa: Isu ni aba yo mo Obarsabas ni (aki gyo kpiye ko Ojostus ni), kpo Omatayas. 24Ebeni kpiri wa tinarigwu mo, <<Adole awo gyotu kananoho, mani oni shiyaha ase ni awo shu ipu kase epa mani. 25Shini ona wo oyikoko ko Oyesu okwunu ko Oyahuda ni shahabita gebe ni oshu ko yanu ni.>> 26Ebeni atekye kpiye kasepa, kweyi ekye gbo ikweyi ko Omatayas, ebeni ayo mipu ka ayikoko ko Oyesu igwoye oni.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA