Markus 3
3
Mwana e Made Paür
(Mateus 12.9-14; Lukas 6.6-11)
1Hesus e wehirango räni iimweri uwolongolong, nga e mire demarü mwaare ra e mangüs paür. 2Nga la mire para palüül yalematara la masari kkupe tammaüri Hesus; lada habaühü mahowa hale ebwe hasüya hamatahiri mwana e mangüs paür lani Sabbat, hale meta. 3Hesus eda haüye mwana bwa, “Bwito imowael yalemat.” 4Eda hadiyael iyahara yalemat bwa, “Meta na yas Farau e dölü bwa e süya bwa dibwe faülü wori lani Sabbat? Dibwe faülü titiro maho, hale ira e tammaü? Dibwe haruwe yalemat hale dibwe riiye?”
Nga la tai mangudungudu. 5Hesus e habaühülaraho, nga e hadonga iyoloil, nga ira e fahöye dewael bwa e hafaduya dewa tipael. Eda haüye ra mwana bwa, “Hawerawau paumu.” Eda hawerawau paür, nga eda ppow raho. 6Marahara Farisi lada süya ma räni iimweri uwolongolong lada ra welifängääni ma palüül uweri Herodes, lada kkupe yarari faiiniri Hesus.
Ngütüngütüri Yalemat Uwori Ngase Sörü
7Hesus ma marahara lei tabwer lada süye lada raho räni sarüra Kalilea, nga pipiyael yalemat lada tabweya. Marahar ra la bwitoho ma Kalilea ma Yudea 8ma Yerusalem ma farüyeri Idumea ma farüyeri layera hotiwori Jordan ma farüya hara nihalepari wotawotari Tairus ma Sidon. Urutael yalemat har la bwito iyolori Hesus bwana la longolongo titiini marahara e faülüüni. 9Nga eda ngütüngütü dewa ifil yalemat, nga Hesus eda haüül marahara lei tabwer bwa labwe hawerewereya deyau uwa bwa ebwe taütahe usur, bwa yalemat hara la tera hatiyaraho. 10La pipiye yalematara e mori hasüya hamatahiil, ma marahara la iram ifiri hamatahiil la hatiyetiyerango bwa labwe hatangowa Hesus bwa ebwe hasüya hamatahiil. 11Nga yalematahara e wol yarüdü tammaü retipael mena labwe käkäne Hesus, la da püngütiwo lada worosap imowar nga la dölüngü bwa, “Heer Rauri Dios!”
12Hesus eda yasingeriil yarüdü tammaü hara nga e haüül bwa la tawai haüül yalemat hale iiye itöü.
Hesus e Tiwereil Deih ma Liyemaru Apostol
(Mateus 10.1-4; Lukas 6.12-16)
13Hesus eda bwitahe wawori duh eda fadöngüül yalematahara iiye e masaril lada bwito iyolor. 14Eda tiwereil deih ma liyemaru eda fadöngüngeriil bwa apostol. Eda haüül bwa, “I mori tiwerehami bwa haubwe pülüyei, nga ibwe para hatalihemiwou bwa haubwe kaüül yalemat. 15Nga i harihemi ppou bwa haubwe harewawau yarüdü tammaü.”
16Iyer marahara deih ma liyemaru ra e tiwereil: Simon (Hesus e haiteitangari bwa Petrus); 17James ma mwana bwidir Yohanes, maraha wonouri Zebedee (Hesus e haiteitael bwa Boanerges, nifaari mere ra “wonouri paal”), 18ma Andres, ma Felipe, ma Bartolomeu, ma Mateo, ma Tomas, ma James rauri Alfeus, ma Tadeus, ma Simon (iiye e hataiteiye farüyar), 19ma Yudas Iscariot, we e hori parüyeri Hesus.
Hesus ma Belsebul
(Mateus 12.22-32; Lukas 11.14-23; 12.10)
20Werimwiliri mere nga Hesus eda raho matariimwar. Nga lada bwara umahetoho me yalemat iyolori Hesus eda tayaho-mo Hesus ma marahara lei tabwer la bwe mwangaü. 21Palüül yalemat la dölü bwa, “Hesus e mori buse!” Marahara weri yalematar lada longolongo lada raho bwa labwe hädi.
22Nga palüül lei tanahori farau ra la bwitoho ma Yerusalem la dölü bwa, “E mire Belsebul retipar, iiye mena tamorül yarüdü tammaü, nga iiye mena e hakariiye ppou bwa ebwe harewarewawau yarüdü tammaü.”
23Hesus eda fadöngülatoho eda haüül desau fiyango ra e hori hawewe eda dölü bwa, “Ebwe feita Satan eda harewa Satan? 24Nga sahü nga sawori dew farüya lada halaelae fängääni nga la buho fängääni, farüya ra ebwe saap. 25Nga sahü nga sawori dew iimwe labwe halaelae fängääni nga la buho fängääni, nga sawori iimwara ra labwe mahar fataangi. 26Ke nga sahü nga farüyeri Satan eda mahara fataangi, nga e tawai miriyarai, nga ebwe saap eda maderaho.
27“E tawol yalemat re ebwe süye bwa ebwe bwirango räni iimweri demarü pise eda hädini pitehir, nga sahü nga e tai uhori falohi mwana pise; e dowara bwirango pilaf reniimwar.
28“Ibwe hau dewahami bwa, urute tammaü ra yalemat labwe faülü ma raam tammaü ra labwe tapa nga Dios e süye bwa ebwe taratil ma werihin. 29Nga dari na yalematara e tapa tammaüye Ngörü Liya ra e tawai tar tammaür, bwa e mori faülü tammaüra e tawai tara eda ra tawol haühühür.” (30Hesus e dölü mere bwanasahü na palüül yalemat la dölü bwa, “E wol yarüdü tammaü retipar.”)
Dini Hesus ma Marahara Weribwidir
(Mateus 12.46-50; Lukas 8.19-21)
31Lada bwitoho marahara weribwidiri Hesus ma neirar, lada ddü ihitam lada haküröü bwa labwe fadöngü. 32Ttouul yalemat la talanga Hesus, lada haüye bwa, “Neiramu ma weribwidumu ma werimweyangamu ra la mire ihitam, nga la masari habauhuho.”
33Nga Hesus eda haüül bwa, “Itöü mena neirai? Nga itöü marahara weribwidi?” 34Eda habaühüül marahara la talanga eda dolu bwa, “Hau taraetoho, marahar marahara wodirei ma weribwidi! 35Yalematara e faülü mena Dios e laweya iiye mena bwidi, ma mweyangai, ma direi.”
ទើបបានជ្រើសរើសហើយ៖
Markus 3: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Markus 3
3
Mwana e Made Paür
(Mateus 12.9-14; Lukas 6.6-11)
1Hesus e wehirango räni iimweri uwolongolong, nga e mire demarü mwaare ra e mangüs paür. 2Nga la mire para palüül yalematara la masari kkupe tammaüri Hesus; lada habaühü mahowa hale ebwe hasüya hamatahiri mwana e mangüs paür lani Sabbat, hale meta. 3Hesus eda haüye mwana bwa, “Bwito imowael yalemat.” 4Eda hadiyael iyahara yalemat bwa, “Meta na yas Farau e dölü bwa e süya bwa dibwe faülü wori lani Sabbat? Dibwe faülü titiro maho, hale ira e tammaü? Dibwe haruwe yalemat hale dibwe riiye?”
Nga la tai mangudungudu. 5Hesus e habaühülaraho, nga e hadonga iyoloil, nga ira e fahöye dewael bwa e hafaduya dewa tipael. Eda haüye ra mwana bwa, “Hawerawau paumu.” Eda hawerawau paür, nga eda ppow raho. 6Marahara Farisi lada süya ma räni iimweri uwolongolong lada ra welifängääni ma palüül uweri Herodes, lada kkupe yarari faiiniri Hesus.
Ngütüngütüri Yalemat Uwori Ngase Sörü
7Hesus ma marahara lei tabwer lada süye lada raho räni sarüra Kalilea, nga pipiyael yalemat lada tabweya. Marahar ra la bwitoho ma Kalilea ma Yudea 8ma Yerusalem ma farüyeri Idumea ma farüyeri layera hotiwori Jordan ma farüya hara nihalepari wotawotari Tairus ma Sidon. Urutael yalemat har la bwito iyolori Hesus bwana la longolongo titiini marahara e faülüüni. 9Nga eda ngütüngütü dewa ifil yalemat, nga Hesus eda haüül marahara lei tabwer bwa labwe hawerewereya deyau uwa bwa ebwe taütahe usur, bwa yalemat hara la tera hatiyaraho. 10La pipiye yalematara e mori hasüya hamatahiil, ma marahara la iram ifiri hamatahiil la hatiyetiyerango bwa labwe hatangowa Hesus bwa ebwe hasüya hamatahiil. 11Nga yalematahara e wol yarüdü tammaü retipael mena labwe käkäne Hesus, la da püngütiwo lada worosap imowar nga la dölüngü bwa, “Heer Rauri Dios!”
12Hesus eda yasingeriil yarüdü tammaü hara nga e haüül bwa la tawai haüül yalemat hale iiye itöü.
Hesus e Tiwereil Deih ma Liyemaru Apostol
(Mateus 10.1-4; Lukas 6.12-16)
13Hesus eda bwitahe wawori duh eda fadöngüül yalematahara iiye e masaril lada bwito iyolor. 14Eda tiwereil deih ma liyemaru eda fadöngüngeriil bwa apostol. Eda haüül bwa, “I mori tiwerehami bwa haubwe pülüyei, nga ibwe para hatalihemiwou bwa haubwe kaüül yalemat. 15Nga i harihemi ppou bwa haubwe harewawau yarüdü tammaü.”
16Iyer marahara deih ma liyemaru ra e tiwereil: Simon (Hesus e haiteitangari bwa Petrus); 17James ma mwana bwidir Yohanes, maraha wonouri Zebedee (Hesus e haiteitael bwa Boanerges, nifaari mere ra “wonouri paal”), 18ma Andres, ma Felipe, ma Bartolomeu, ma Mateo, ma Tomas, ma James rauri Alfeus, ma Tadeus, ma Simon (iiye e hataiteiye farüyar), 19ma Yudas Iscariot, we e hori parüyeri Hesus.
Hesus ma Belsebul
(Mateus 12.22-32; Lukas 11.14-23; 12.10)
20Werimwiliri mere nga Hesus eda raho matariimwar. Nga lada bwara umahetoho me yalemat iyolori Hesus eda tayaho-mo Hesus ma marahara lei tabwer la bwe mwangaü. 21Palüül yalemat la dölü bwa, “Hesus e mori buse!” Marahara weri yalematar lada longolongo lada raho bwa labwe hädi.
22Nga palüül lei tanahori farau ra la bwitoho ma Yerusalem la dölü bwa, “E mire Belsebul retipar, iiye mena tamorül yarüdü tammaü, nga iiye mena e hakariiye ppou bwa ebwe harewarewawau yarüdü tammaü.”
23Hesus eda fadöngülatoho eda haüül desau fiyango ra e hori hawewe eda dölü bwa, “Ebwe feita Satan eda harewa Satan? 24Nga sahü nga sawori dew farüya lada halaelae fängääni nga la buho fängääni, farüya ra ebwe saap. 25Nga sahü nga sawori dew iimwe labwe halaelae fängääni nga la buho fängääni, nga sawori iimwara ra labwe mahar fataangi. 26Ke nga sahü nga farüyeri Satan eda mahara fataangi, nga e tawai miriyarai, nga ebwe saap eda maderaho.
27“E tawol yalemat re ebwe süye bwa ebwe bwirango räni iimweri demarü pise eda hädini pitehir, nga sahü nga e tai uhori falohi mwana pise; e dowara bwirango pilaf reniimwar.
28“Ibwe hau dewahami bwa, urute tammaü ra yalemat labwe faülü ma raam tammaü ra labwe tapa nga Dios e süye bwa ebwe taratil ma werihin. 29Nga dari na yalematara e tapa tammaüye Ngörü Liya ra e tawai tar tammaür, bwa e mori faülü tammaüra e tawai tara eda ra tawol haühühür.” (30Hesus e dölü mere bwanasahü na palüül yalemat la dölü bwa, “E wol yarüdü tammaü retipar.”)
Dini Hesus ma Marahara Weribwidir
(Mateus 12.46-50; Lukas 8.19-21)
31Lada bwitoho marahara weribwidiri Hesus ma neirar, lada ddü ihitam lada haküröü bwa labwe fadöngü. 32Ttouul yalemat la talanga Hesus, lada haüye bwa, “Neiramu ma weribwidumu ma werimweyangamu ra la mire ihitam, nga la masari habauhuho.”
33Nga Hesus eda haüül bwa, “Itöü mena neirai? Nga itöü marahara weribwidi?” 34Eda habaühüül marahara la talanga eda dolu bwa, “Hau taraetoho, marahar marahara wodirei ma weribwidi! 35Yalematara e faülü mena Dios e laweya iiye mena bwidi, ma mweyangai, ma direi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.